台字田

GÍ-SÛ

hōaⁿ

語詞

岸 ⭕ Ⓚ　

捍 ⭕ ㊟　

𢮹 ⭕ Ⓣ　

親成漢字

Ｘ

「Hōaⁿ tiàm」云云。主流泉語「hōaⁿ」、員那第七調。歌仔冊大多數寫「岸」、有一半本仔寫「𢮹」。拱樂社个戱文有寫『岸』（空愛情）『𢮹』（碎心）。嘉靖《荔鏡記》甲《同窓琴書記》寫「捍」。施炳華〈南管曲詞校釋念讀〉寫講南管寫「捍」「𢮹」。「捍、扞」大概是「hōaⁿ」个親漢字。証據凡世欠一節。請看下脚。無論詞源、「捍」字有基礎。那塊寫漢羅、建議寫羅字。

《台日》寫「按」。王育德《常彚》寫「按﹖」。《雅俗通》*hōaⁿ 有收「按」『據也』、照講是只个「hōaⁿ」。《雅俗通》看欵是共「按」凖做「hōaⁿ」个血緣漢字、不閣「按」字在中古支那語屬清聲母、甲「遠」字「雨」字無仝刈、那會走去陽聲調（～第五・六・七・八調）、欠解說。實然个台文不知咁八按呢寫。那有、欠宣傳。《中教部閩南典》寫「扞」、不閣台文「扞」字是用塊寫「kōaⁿ」（請看）。

潮州語「HŪAᴺ」甲台語「hōaⁿ」仝意思。《潮詞滙》注解『用手扶按』甲『主理，主診』二項意思、漢字朗甲『銲』、減彩是在來个潮州字。客語有講「HO̊N」、《客英》（無第七調）記做「HON」、寫做「捍、擀、扞」。例詞有「HON ṢÎN-FUN」「HON SṲ」（～數）「HON LÓN YIT YONG」（～卵一樣）「HON KÂ」（～家）。意思甲用法甲「hōaⁿ」眞接近个欵。

《廣韻》侯旰切有收「捍」『抵捍』甲「扞」『以手扞又衞也』、屬匣母寒韻、去聲、甲「下」字「還」字仝聲母。音理上含「hōaⁿ」「HO̊N」眞對應。義理有恰勉强。乎人想着英語「TO DEFEND A THESIS」、着是博士班个學生、論文寫好愛現場接受試驗・現場辯護。總是廣東語無對同个講法。除起「捍衛」、嗎無省用着「捍、扞」字个親成詞。温州語簡那嗎是按呢（吳語學堂）。《中華漢方典》「捍、扞」字下底（4718 葉）、相關个用詞朗台語・泉語。咱不敢保証講「捍、扞」字是「hōaⁿ」个親成漢字。

相關个詞

kōaⁿ (扞)

相關个字

捍、扞

字形 ? 捍扞	JĪ-IM hān 漢 hán 漢	漢文音 hān（漳、厦）hán（泉、厦）。台灣泉州漢文音不知咁有讀 hān。即閣請教。《妙悟》干礁記 hán。《雅俗通》《補彚》干礁記 hān。《寶鑑》隨《雅俗通》。《當代泉彚》（68）《泉方志》（124）仝欵記 hān 無記 hán。《甘》《台十五》焦記。《台日》頂下本所收个語詞、朗無用着「捍、扞」字。全羅《教會報》嗎不八寫「hān-ōe」「*hān-ūi」。按《廣韻》《集韻》个音來看、hán 是咀音。「捍、扞」字眞有可能是動詞「hōaⁿ」（請看）个親成漢字。
	相關个字扞 [kōaⁿ] 悍相關个詞 hōaⁿ (𢮹、捍、岸)	彚音妙悟 hán 喜丹上上扞 — 衛也 hán 喜丹上上捍衛也抵也

字形 ? 捍扞	JĪ-IM hān 漢 hán 漢	漢文音 hān（漳、厦）hán（泉、厦）。台灣泉州漢文音不知咁有讀 hān。即閣請教。《妙悟》干礁記 hán。《雅俗通》《補彚》干礁記 hān。《寶鑑》隨《雅俗通》。《當代泉彚》（68）《泉方志》（124）仝欵記 hān 無記 hán。《甘》《台十五》焦記。《台日》頂下本所收个語詞、朗無用着「捍、扞」字。全羅《教會報》嗎不八寫「hān-ōe」「*hān-ūi」。按《廣韻》《集韻》个音來看、hán 是咀音。「捍、扞」字眞有可能是動詞「hōaⁿ」（請看）个親成漢字。
	相關个字扞 [kōaⁿ] 悍相關个詞 hōaⁿ (𢮹、捍、岸)	彚音妙悟 hán 喜丹上上扞 — 衛也 hán 喜丹上上捍衛也抵也