GÍ-SÛ
sù-sī

語詞
四是 ⓀⓀ　
次序 ⭕ ⒸⒸ　
四示 ⭕ ⓀⓀ　

親成漢字
次序

歌仔册寫『四是』『次序』『四示』『𧶽是』ⓀⓀ『𧶽示』ⓀⓀ、無約束。會文堂《最近厦門市鎭歌》有寫一句『地理向海真次序』、押 -u 韻。《台日》記「sù-sī」「chhù-sī」「chhù-sū」「chhṳ̀-sṳ̄」（泉）四種音、寫做『次序』。主流泉語到今有講「chhṳ̀-sṳ̃」。照只欵音理來看、「sù-sī」前後節定着有親漢字「次」字「序」字。建議寫假名『四示』亞是羅字。

論約束卡那、那第三調 s + ù、「四」字甲「賜」字夭塊車拼个欵。「四」字加一个音 sì、只項輸「賜」字。總是「sù-sī」「sù-phòe」朗寫做『四～』恰多。今只二个詞甲「sù-siông」、前節「sù-」个詞原無定着。「賜」字恰多劃、只点員那輸「四」字。

杜建坊先生寫『四是』。「Sù-sī」後節、泉語理論上用第六調、自按呢借「是」字恰凖、不閣現代台灣語無第六調啞。夭「是」字担頭重、那兼調假名、「示」字「施」字照講恰嬴「是」字。

Chh- → s- 个現象、台灣關廟腔以外、漳州・泉州个海口所在朗有、着是漳浦（Chiuⁿ-phó͘）・惠安（Hūi-oaⁿ）个「鹹水腔」。不閣只个現象罕得痛（thàng）入來到主流台語。「*Chhù-sī」前節變做「sù-」、眞有可能是去乎後節个 s- 妬着个。照按呢看、寫『四序』ⓀⒸ『賜序』ⓀⒸ 嗎是有理。總是主流台語「序」字無讀 *sī、台灣島內現此時無人講「*sù-sū」。

流行歌詞『舒適』是類火星中文。中語『舒適』讀 SHŪSHÌ。
相關个詞
sī-tōa
pì-sù
ì-sù

相關个字
四
示
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！