GÍ-SÛ
chhap
chha̍p
chho̍p

語詞
揷 ⭕ Ⓚ　

親成漢字
Ｘ

「Chhap pâi-á」云云。詞原無定着。請看下脚。《白話典》收「chho̍p、chha̍p、chhap、chhàm」『（拿在一隻手中，用另一隻手抽，以）洗（牌）』。《台日》「chhap」寫做『插』、無記「*chha̍p」「*chho̍p」。《英厦》有寫『挿』（477）。網路加減有人寫『插牌仔』。治者「揷」字咱共凖做借音字來利用。「揷」字本成讀 chhap、夭「chha̍p」「chho̍p」寫做『揷』員那有理。請看「chha̍p-chha̍p-、chho̍p-chho̍p-」甲「la̍p、lo̍p」。那塊寫漢羅、只个詞自然着寫做羅字。

《寶鑑》chhop 收白字「〓」（～喢、字形小可各樣）『猪食泍聲』・chho̍p 收白字「𤄖」『水聲也』。另外、chop 收白字「噆」『齧也』・cho̍p 收白字「囃」『囃囃之聲』。Chhap・chha̍p 無收相關字詞。仝欵、《台十五》收「囃」（chho̍p）『雜声也 — — 叫 kiò』甲「〓」（～喢、chhop）『豬食渀声』甲「噆」（chop）『喫物声也』、chhap・chha̍p 無收相關字詞。《補彚》有收彼字「噆」（*chop）字甲「〓」（⿰口⿸戶申、*cho̍p）『噍聲』。《渡江》*chha̍p 有收「湁」『水沸』甲「𤄖」『沸也』。*Cho̍p 有收「𠯗」『魚食水声』。*Chop 有收「〓」（⿸尸𢆍、～㞚）『唯也』甲「𠴴」『入口』。《雅俗通》無收相關字詞。

《厦英》有收「chhap pâi-á」（64）、無收「*chha̍p」「*chho̍p」。下門系統个字詞典朗按呢、《台日》甲《中教部台語典》（2025 年查）嗎是。《台日》將「chhap pâi-á」只个 chhap 甲「bô ài chhap」彼个 chhap 拾做仝詞。《厦英》（64）嗎是按呢整理。《台日》《厦英》「*chho̍p」「*chhop」無收半條。《台日》有收「chha̍p」『雨天の時など足の泥濘る音』『物を食べる音。ちゃぶちゃぶ。ぢゃぶぢゃぶ』。夭《增補厦英》（42）有收「chhop」『A CYLINDRICAL INSTRUMENT MADE OF BAMBOO WICKER, ABOUT THE DIAMETER OF A RICE MEASURE; IT IS LOWERED INTO THE WATER TO SURROUND AND CAPTURE FISH』、句例「chhop ·lo̍h ·khì」『SAID OF THE DOWNWARD MOTION OF THIS OR OF ANYTHING SIMILAR』甲「saⁿ kā i chhop-chhop」『TO WASH CLOTHES BY THUS LOWERING AND RAISING THEM, NOT INJURING THE FABRIC BY RUBBING THEM (SOME SAY "chho̍p"）』。唐山《漳腔典》有收「chho̍p」『在水裏蕩一蕩』『洗牌』（134）甲「chhap pâi」『＝〖搗牌〗洗過紙牌將牌疊整齊後，爲保證洗牌者没有作弊，而讓另一方將紙牌互相穿插數次以改變原來的次序』（105）。「Chhap」有注解『將紙牌的順序打亂後再重新摞整齊』（105）。《白話典》嗎夭有收「chho̍p」『蓋章』甲「chho̍p、chhio̍k」『（在水中或爛泥中）踏』『（不小心）踏進水裡或泥淖等糊狀物裡』甲「chho̍p、chha̍p」『眨（眼）』。請看「lap、la̍p、lop、lo̍p」甲「pháiⁿ」。

潮州語有講第八調『CHHIA̍P』（潮詞滙 627：踩 [坭漿]）甲『CHHIA̍P PÂI』（潮詞滙 627：洗 [紙] 牌）。《潮詞滙》『CHHIA̍P』無牽四角字。台語第八調「chha̍p」眞有可能有潮語『CHHIA̍P』个因素。
相關个詞
chha̍p-chha̍p-, chho̍p-chho̍p-
lap, lop... ("~ lo̍h káu-á")
chhap ("bô ài ~")
pháiⁿ... (歹)

相關个字
揷、插
GÍ-SÛ
chhap

語詞
揷 ⭕ Ⓚ　
插 　

親成漢字
Ｘ

「Bô ài chhap」云云。「揷、插」字大概不是親漢字。那塊寫漢羅、只个詞介適合寫做羅字。

「Chham」（參）打算含「chhap」有血緣。「Khàm」甲「khap」啦・「phòng」甲「phok」啦・「oan」甲「oat」啦・「siàm」甲「siap」啦・「hìm」甲「hip」啦・「làm」甲「lap」啦、只幾組一平第一調亞是第三、一平第四調。應該朗是仝一種關係。另外「hān」甲「ha̍t」一平第七調、一平第八調。
相關个詞
chhap, chha̍p, chho̍p ("~ pâi-á")
chham (動詞)

相關个字
揷、插
GÍ-SÛ
kau-chhap

語詞
交揷 ⭕ ⒸⓀ　

親成漢字
交Ｘ

《台日》寫『交揷』。請看「chhap」。
相關个詞
chhap ("bô ài ~")

相關个字
揷、插
字形 ?
揷
挿
插

JĪ-IM
chhap 漢
chhah


歌仔册寫『揷』多過『插』眞多。中治時代个道教科儀由原有寫『揷』（永靖大師・萬教宮壇符鑑）。《台日》甲嘉靖《荔鏡記》主要寫『揷』。《寶鑑》收『揷』。《甘》『揷』收代先。《妙悟》『揷』『插』湳塊用。那漢文、《龍龕手鑑》注講『插』是「俗」字・『揷』是「正」字、夭日本《明解漢和》「揷」字注講『插は正字』。
借音用例
chhap ("bô ài ~")
chha̍p-chha̍p-...

相關个詞
chhap, chha̍p, chho̍p ("~ pâi-á")
chhah (揷)
彚音妙悟
*chhah 出嘉上入 插 栽 — ㊟ 原册注「解」
*chhap 出三上入 揷 剌入 ㊟ 瑞成本『揷』尾劃統恰多出來
*chhap 出三上入 挿 同上 ㊟ 字形小可各樣