GÍ-SÛ
sēng

語詞
盛 ⭕ Ⓚ　

祖緣漢文字
Ｘ

「Sēng ti giâ chàu」云云。泉州語「sẽng」、第六調（當代泉彚 62）。無約束字。無祖緣漢文字、照咱知。拱樂社个劇本有寫『盛』（仇海情天、空愛情難斷、忠義亭）。周協隆《最新勸世了解歌》有寫『子兒不通箱乘愛』。玉珍《青冥擺脚對答歌》有寫『先生汝不通呈盛』、「théng-sēng」（請看）寫做『呈盛』。流行歌詞有一半塊仔寫『乘』、亞是照中文个習慣寫『寵』Ⓗ。《台日》寫『乘』。平平是假名、「盛」字干礁 sēng 一个通行音、「乘」字讀 sēng・sêng、「盛」字恰嬴。那塊寫漢羅、只个語詞自然着寫做羅字。

《妙悟》*sẽng・《八音》*sēng 無收相關字詞。《甘》有收、不閣無牽四角字。《台灣語典》（一）寫『乘』『盛』。

「乘」字泉語第七調、無影是「sẽng」（sēng）个祖緣字。「Sēng」凡世有血緣唐山字『慂』。只字《廣韻》余隴切、『方言云慫涌歡也』（歡 → 勸、涌 → 慂）。義理先無論、音理上、余隴切屬以母、甲「sēng」凡世有對應。請看「si̍t」（翼）。總是『慂』不是通行漢文字、是古早外文字、台文嗎不八塊寫。
相關个詞
théng-sēng
si̍t (翼、翅)
GÍ-SÛ
théng-sēng

語詞
寵盛 ⭕ ⒸⓀ　

祖緣漢文字
寵Ｘ

拱樂社个劇本有寫『廷盛』（母之罪）『庭盛』（可恨的慈母）。歌仔册有寫『呈盛』ⓀⓀ（玉珍・青冥擺脚對答歌）。《台日》甲王育德《常彚》寫「逞盛」。《甘》「théng-」寫做「挺」。《厦英》嗎是共只个「théng-」分析做含「théng-sèng」「théng-kiông」彼个 théng-（逞）無仝詞素。「Théng-」照講有祖緣漢文字「寵」字。請看「sēng」。

「寵」字《廣韻》丑隴切、徹母鍾韻、含「趁」字「恥」字仝聲母、含「鍾」字「種」字「用」字仝韻、對應台語漢文音 thióng 早音 théng。書面語詞以外、客語・廣東語簡那無省用着「寵」字个血緣詞、不閣甌語（～温州語）有講上上調 /tɕʰoŋ/（～寵）、意思倚「théng-sēng」・中國語『宠、寵』。
相關个詞
sēng ("~ ti giâ chàu")
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！