台字田

GÍ-SÛ sòa	語詞續 ⭕ Ⓗ　煞 Ⓚ　親成漢字Ｘ
約束字『續』、訓用字。減彩有血緣漢字『世』。「紲」（siat）字《集韻》（北師版）私列切、對應台灣漢文音 siat、無對應「sòa」。	相關个詞 soah (煞)

GÍ-SÛ

sūn-sòa
sēng-sòa
sīn-sòa

＃双詞原

語詞

順煞　

成煞 ⓀⓀ　

神煞 ⓀⓀ　

順續 ⭕ 　

乘續 ⭕ ㊟Ⓗ　

親成漢字

㊟Ｘ

《台日》「sūn-sòa」「sīn-sòa」寫做『順續』、「sēng-sòa」寫做『乘續』。《台日新》「sūn-sòa」寫做『順續』、「sēng-sòa」「sīn-sòa」寫做『乘續』。《厦英》記「sūn-sòa」「sēng-sòa」（419）「sêng-sòa」（453）。《白話典》記「sīn-sòa」「sūn-」。泉底台語講「sīn-sòa」（許嘉勇・歌仔冊最新十二碗菜歌的語言分析）。照講「乘」字是「sēng-」个親成漢字、夭「sēng-sòa」是原体、路尾前節彼个 -ng 去乎後節个 s- 同化做 -n、産生「sīn-sòa」（音）。路尾「sīn-sòa」閣生「sūn-sòa」、凡世是甲單詞「sūn」（順）鬥陣生个。台灣客語有講『 SHŮN-SA-*É』、仝意思、不閣唐山《客英》《客法》朗無收、通知眞有可能是店台灣亞是漳州共台語・漳語借个、而且是對「sūn-sòa」・將「sūn-」凖做「順」來轉个。

潮州語無講『*SẼNG-SÒA』『*SŨN-SÒA』个欵。《英汕》（15）有收『SÊNG KI-HÕE』、意思相關。FIELDE（71）收『SẼNG KI-HÕE』云云。《中華漢方典》『乘』下底有收一條『乘勢』、長沙語有、下門有（sēng-sè）、龍岩有、汕頭有。閣有興化語『乘縫』『乘風』。者个詞朗甲「sūn-sòa」倚意。《台日》有收「sēng-sè、sīn-sè」（乘勢）。

歌仔册寫『順煞』上多、閣來『成煞』。有幾落本寫『神煞』『伸殺』ⓀⓀ『辰煞』ⓀⓀ『順續』『承續』ⓀⒽ。黃塗《新編五才子歌》有寫『乘續』。拱樂社个戱文有寫『神煞』（杜諒梅）。現代流行歌詞有寫『順續』『～煞』。潘科元〈文無足額表音〉有寫『乘紲』、標音「sēng-sòa」。

傳統台羅字寫「sūn-sòa」（教會報、DADWT、甘 643）。全羅《教會報》有 1 篇寫「sīn-sòa」、「*sēng-sòa」「*sêng-sòa」不八寫。EMBREE 收「sūn-sòa」「sēng-sòa」。雖然「sīn-sòa」（音）照講是「sēng-sòa」个變体、不閣只个變体現此時成普遍、顚倒原体「sēng-sòa」恰罕得听着。「Sēng-sòa」「sīn-sòa」原体・變体个關係對台文大衆嗎無介好了解、夭現代羅字台文有眞多人寫『sīn-sòa』。

建議

sūn-sòa ⇄ 順續
sīn-sòa ⇄ 乘續

相關个詞

sēng ("~ ti giâ chàu")
siūⁿ-poe
sòa (續)
pin-nn̂g, pun-

相關个字

乘 (sêng)
乘 (sēng)

GÍ-SÛ liân-sòa	語詞連續 ⭕ ⒸⒽ　親成漢字連Ｘ
歌仔册有寫『連續』。《台日》寫『連續』。流行歌詞普遍寫『連續』。

GÍ-SÛ sòa chhùi	語詞續嘴 ⭕ Ⓗⓗ　續口 ⭕ ⒽⒽ　親成漢字ＸＸ
看欵只个語詞恰新、來到中治時代即語詞化。請看「sòa」甲「chhùi」。論連劃、請看「kàu hun」。	相關个詞 chhùi (嘴、口) sòa (續) kàu hun

GÍ-SÛ sòa thoaⁿ	語詞續攤 ⭕ ⒽⒸ　親成漢字Ｘ攤
流行歌詞專寫「續攤」。只个語詞相對恰新、到甲二十世紀下半圭即成做單詞个欵。請看「thoaⁿ」。請連劃、請看「kàu hun」。	相關个詞 thoaⁿ (攤) kàu hun

GÍ-SÛ sòa-chiap	語詞續接 ⭕ ⒽⒸ　親成漢字Ｘ接
「Āu-hôe sòa-chiap」（教會報 1938-7）「sòa-chiap lāu-pē ê kha-pō͘」（教會報 1960-2）云云。傳統歌仔册不八寫。《台日》寫『續接』。	相關个詞 chiap-sòa

GÍ-SÛ chiap-sòa	語詞接續 ⭕ ⒸⒽ　親成漢字接Ｘ
「Chiap-sòa lí ê kha-pō͘」（鄭溪泮・出死線）「ta̍k ji̍t chiap-sòa tha̍k chheh」（仝）。《台日》注解『引續ぐ。足接ぐ。繫る。連續。相續する。接續する』、句例「ū āu-thâu thang chiap-sòa」。	相關个詞 sòa-chiap

字形 ? 紲	JĪ-IM siat 漢	『絏』《補彚》無收、有收「〓」（*siat）『鳥索也』。〓、⿰糹殳。