|
GÍ-SÛ
bái
|
語詞
醜
⭕
Ⓗ
呆
⭕
ⓗ
親成漢字
Ｘ |
|
無親漢字、照咱所知。《雅俗通》*bái 收紅字「〓」（〜䰪）『— 鬼』甲「秌」『火色不亮』、不知咁有記述性。漳州底个韻册甲潮州《擊木知音》（*BÁI）朗有收只二字。《寶鑑》《台十五》夭有寫『醜』。《台十五》夭有寫『䰦』。《台日》寫『醜』。《甘》寫『惡』『僫』。《台十一》bái 收『歹』『醜』。《高十五》收中國字『䆀』。傳統歌仔册寫『醜』『呆』。請看下脚。「Bái」甲「pháiⁿ、phái」仝原、夭現代台語「bái」「pháiⁿ、phái」有分工、意思無仝煞閣重叠、寫做仝字無妥當。「Pháiⁿ、phái」（請看）在來寫做『呆』『歹』、夭戰後『歹』拼嬴。那「pháiⁿ、phái」寫做『歹』、夭「bái」寫做『呆』、二平免相搶。
歌仔册『呆』照講有用塊寫漳語底个「bái」、無影干礁用塊寫泉語底个「pháiⁿ、phái」（甲 "gâi"）。玉珍《最新手巾歌》有寫『無嫌呆』、夭『强々卜』有用帶句尾、押 -oe。瑞成《警世覺醒自由戀愛新歌》有寫『無嫌呆』、夭『眞正多』『大先洗』有用帶句尾、押 -e。『圓半銀』有用帶句尾、押 -in。玉珍《青冥擺脚對答歌》（台北邱清壽）有寫『賣呆』、夭『安居』有押 -i・「koa-si」有寫做『歌書』・「siông-sè」有寫做『相細』。歌仔册有寫『水醜』、嗎有寫『水呆』、嗎有寫『美醜』。有一半本仔寫『水歹』。玉珍《新編專勸少年好子歌》『水呆』『美醜』朗有寫、夭『凡細』寫成十擺。捷發《現代流行撞球相褒歌》（鷄籠宋文和）有寫『水呆』、閣有一句『四粒今皆排好世』（〜 hó-sì)、押 -i 韻。捷發《茶園相褒歌》（宋文和）有寫『末呆』（〜未呆）、夭『言語』用治句尾有押 -i・『多』治句尾嗎有押 -e。宋文和先生个著作那像不八寫『醜』。
那「súi-bái」、拱樂社个戱文有寫『美醜』（合寶、孝子）『水醜』（神秘、皇帝）『水呆』（母）。
古漢文『呆』是「保」字个別形（集韻）。『痴呆』日語到今讀做『ちほう』。路尾『呆』閣約束做『獃』个別形。「獃」字《廣韻》五來切、對應 *gâi。台語講「chhi-gâi」。韓語講『치매』（癡呆）、『매』彼个聲母不知按叨來。Gâi・《廣韻》五來切對應官話・中國語 ÁI。只个音中華國語會《國語典》記做別音。官話・中語『呆子』（DĀIZI）彼个 DĀI- 含『獃』（呆、五來切）無血緣、寫做『呆』是訓用、無照詞原。也着是講、按漢文來看、中語『呆』（DĀI）甲台語『呆』（pháiⁿ、phái、bái）仝欵無語原个基礎。台語「tai」（請看）有影含北京話『呆』（DĀI）仝原、不閣在來寫做無仝字。
下門大學中文系《普閩》甲中華國語會《台語典》主張寫『䆀』。『䆀』是一九二三〇年代台灣海峽中文界軒《廣韻》《康熙》拾着个。仝彼个時代、全台文著作照起工寫『醜』『呆』（漢）『bái』（羅）。《妙悟》《雅俗通》無收『䆀』、朝鮮《東國正韻》嗎無。《台日》頂下本尋無『䆀』。傳統个歌仔册・歌仔戱戱文・南管戱文無半擺寫『䆀』。
|
相關个詞
pháiⁿ, phái (歹)
tai (玳、代) o͘-tó͘-bái
相關个字
呆
|
Pháiⁿ-sè, Jī chit pêng chhōe bô...... Gí-sû hit pêng kán-ná ū liāu ŏ͘!
歹世、「字」只平尋無。「語詞」彼平簡那有料噢！
歹世、「字」只平尋無。「語詞」彼平簡那有料噢！