台字田

GÍ-SÛ

kho͘

語詞

元 ⭕ Ⓗ　

圓 Ⓗ　

篐 ⭕ 　
箍　

柯 Ⓚ　

匝 ⭕ Ⓣ　

親成漢字

Ｘ

《台日》寫『篐』、塊論錢个時寫『元』。《妙悟》*kho͘ 有收「篐」『— 捕』、注「解」。《千金譜》有寫『破桶着箍』。歌仔册寫『柯』『篐』（箍）『科』、塊論錢个時寫『元』『圓』恰多。有幾那本寫『大匝』『目匝紅』云云。拱樂社个戱文八寫『円』（江山、空愛情）。論字形、歌仔册寫『篐』多過『箍』幾那倍。「篐、箍」字不是通行漢字、不閣使用基礎有。

台北市內三元街、有在地人慣示講「Saⁿ-kho͘-koe」。

雪文・茶篐、客語講『CHHÀ-KÛ』。大篐講『THÅI-KHIÊU』。《客法》（293）認爲『-KHIÊU』是『-*KHÛ』个變体。

建議

kho͘ (論錢) ⇄ 元、匝、篐
kho͘ (其他) ⇄ 篐、匝

GÍ-SÛ

kho͘

語詞

篐 ⭕ Ⓚ　

匝 ⭕ Ⓚ　

親成漢字

Ｘ

動詞、「kho͘ k(o)e」云云、招集个意思。竹林《媽祖出世新歌》有寫『店舖起好元恁稅』。《改良元和三嬌會歌》有寫『冥日呼雞同罵狗』。治者『元』Ⓚ 甲『呼』照講是塊寫只个「kho͘」。《台日》寫『呼』。《英厦》（52）「kho͘-toaⁿ」有寫做『篐單』。周協隆《特編英臺三伯遊西湖賞百花新》有寫『見着鷄角下篐單』。呂宋《西支》有收「CLOCAR LA GALLINA」『呼〓』（⿰孕⿱丷𤰞、*khou toaⁿ）。「呼」字有可能是親漢字。「呼」《廣韻》荒烏切、曉母模韻。曉母一般對應台語 h-、不閣「許」字員那屬曉母。不閣「呼」字咁正實是「kho͘」个親成漢字、此夭欠証明。《八音》《補彚》《渡江》*kho͘ 嗎朗無收「呼」字（嗎無收相關字詞）。通知只个寫法久無基礎啞。咱那塊寫漢羅、「kho͘」自然着寫做羅字。那卜借四角字、應該無別字恰嬴「篐、匝」字。

潮州語有講『KHOU』。《潮詞滙》寫『圈』、注解『呼叫集合（禽畜）』。《擊木知音》*KHOU 有收『箍』『圈』、無收「呼」字。

中華國學界所以相信「呼」字甲「kho͘」有血緣、大概是因爲因掠凖「kho͘」百面有唐山內地詞原。總是此本成員那欠証明。論眞講、一个甲飼精生相關个動詞、那無唐山內地詞原嗎介正常。

相關个詞

kho͘ (篐、匝、元)
kho͘ ("~ in niâ")

相關个字

篐、匝
科
呼

GÍ-SÛ

tê-kho͘

語詞

茶篐 ⭕ 　

茶匝 ⭕ ⒸⓉ　

親成漢字

茶Ｘ
荼Ｘ

《台日》寫『茶箍』。《日台》（頂 649）有寫『番仔茶篐』。《寶鑑》寫『茶〓』（⿰米凡）、隨《雅俗通》。仝欵、《補彚》有收「〓」（⿰米凡、*kho͘）『油 —』。會文《四民經紀通俗歌》有寫只字。《八音》*kho͘ 有收「〓」（⿰米瓦）『油』。《妙悟》（瑞成本）有收「𮇃」（*kho͘）『豆 — 麻 —』。歌仔册有幾那本寫『茶科』ⒸⓀ。請看「kho͘」。

相關个詞

kho͘ (篐、匝、元)

相關个字

科

GÍ-SÛ

tōa kho͘

＃SWADESH 200

語詞

大科 ⒸⓀ　

大篐 ⭕ 　
～箍　

大匝 ⭕ ⒸⓉ　

親成漢字

大Ｘ

《台日》寫『大箍』。歌仔册寫『大篐』（～箍）『大科』恰多、嗎有一半本仔寫『～柯』Ⓚ『～嵙』Ⓣ『～匝』。「科」字漢音 kho（漳、厦）kho͘（泉）、『大科』『～嵙』是照泉音塊借字。請看「kho͘」。

論連劃、羅字台文在來寫『tōa-kho͘』多過『tōa kho͘』。不閣「tōa chiah」「tōa châng」普遍籠縫、夭「tōa kho͘」含「tōa chiah」「tōa châng」仝構造。

相關个詞

kho͘ (篐、匝、元)
tōa-kho͘-tai

GÍ-SÛ ba̍k-kho͘ ＃身体	語詞目篐 ⭕ 　～箍　目科 ⒸⓀ　目匝 ⭕ ⒸⓉ　親成漢字目Ｘ
歌仔册『目篐』『目科』朗常用、『目箍』恰罕用。有一半本仔寫『～匝』『～柯』Ⓚ。《台日》寫『目箍』。請看「kho͘」。	相關个詞 kho͘ (篐、匝、元)

GÍ-SÛ

kho͘-toaⁿ
*kho͘-loa

語詞

篐單 ⭕ ⓀⓀ　

匝單 ⭕ ⓀⓀ　

親成漢字

ＸＸ

歌仔册有一半本仔寫『篐單』。《英厦》（52）有寫『篐單』。《台日》寫『呼蛋』、無記述性、照咱所知。《台日》有記別音「kho͘-loa」、注「同」（～同安音）、員那寫做『呼蛋』。澎湖話上少到二十世紀尾有講「-loa」（張屏生 2000-10）。《中教部台語典》个付錄有記媽宮音「kho͘-loa」甲新竹音「kho͘-noa」。請看「kho͘ k(o)e」彼个 kho͘。

《厦英》（318）夭有收「kiò-loa」、注講是同安語。

相關个詞

kho͘ ("~ ke")
nn̄g-toaⁿ

相關个字

篐、匝
單、单

GÍ-SÛ

kho͘ si-á
kho͘ su-á

語詞

㊟　

親成漢字

ＸＸＸ

《台日》有收「kho͘ su-á」「kho͘ si-á」「kho͘ su̍t-á」、朗寫做『呼㗭仔』。不閣《台日》「su̍t-á」甲「su-á」寫做『㖅仔』、「㖅」字有時用『戌』・有時用『戍』。照《中教部閩南典》、只三項現代台語朗夭有人講、閣有「kho͘ si-si-á」「kho͘ sṳ-á」「kho͘ sṳ-sṳ-á」云云。《台十一》su 有收『哨』。七郎流行歌〈Ūi Án-chóaⁿ〉有寫『CALL 西仔』、用火星中國字『西』。那卜借四角字、建議寫『篐糸仔』（匝～）甲『篐士仔』（匝～）亞是『篐ス仔』（匝～）。請看「シ」（字）「ス」（字）。請看「kho͘ ke」彼个 kho͘。

《八音》*sṳ・*su 無收相關字詞。

相關个詞

kho͘ ("~ ke")
pe̍h-lēng-si
ke-si
si-si

相關个字

篐、匝
ス (須)
須
士
司
斯、撕
絲、糸
施 (si)
シ (之)
戍 (sù, sùi)
戌

GÍ-SÛ tōa-kho͘-tai	語詞大篐玳 ⭕ 　大篐代 ⭕ 　大匝玳 ⭕ ⒸⓉⓀ　大匝代 ⭕ ⒸⓉⓀ　親成漢字大ＸＸ
歌仔册有寫『大科代』『～玳』『～岱』『～鮘』『～嵙～』『～篐～』、無約束。拱樂社个戱文有寫『大科獃』（碎心）。《台日》寫『大箍懛』。請看「tōa kho͘」含「tai」。論連劃、傳統羅字台文有寫『chò kang lâng』『tha̍k chheh lâng』、不閣名詞「-tai」有接尾詞个性質、無做單詞。	相關个詞 tai (玳、代) tōa kho͘

字形 ? 篐箍𣙖𣞮匝	JĪ-IM ㊟ kho͘	通行漢文無「篐、箍」字。請看下脚。論字形、《台日》《妙悟》寫『篐』。《千金譜》寫『箍』。歌仔冊寫『篐』多過『箍』幾若倍、也有幾若本寫『匝』。呂宋《西支》（AF 部）有寫『𣙖』。只字《說文》無收。《龍龕手鑑》《東國正韻》無收。CBETA-L 大唐時代个文献、「篐、箍」字不八用着。日語無只字。看欵只字是南支那个「地方字」。《廣韻》（古胡切）《集韻》（攻乎切）有收。無的確台灣海峽文是幾那百冬前共厝邊仔語文吸收着个。（只馬是塊講書面「篐」字、不是塊講口語「kho͘」。）「Kho͘」含古胡切、聲母無對同、不閣照客語 KHIÊU・廣東語 KU 來看、不是干礁台語按呢。