台字田

GÍ-SÛ

tī

＃空間＃時間＃書面 101 ＃鄭良偉功能詞＃SWADESH 200

語詞

治 ⭕ Ⓚ　

在 Ⓗ　

著 Ⓚ　
箸　

置 Ⓚ　

親成漢字

Ｘ

澎湖下山話講「tū」。北部山內有講「tṳ̄」。南管寫『在』。歌仔册寫『治』『著』『箸』恰多、少數寫『在』。流行歌詞主要寫『置』『治』『在』。拱樂社个戱文八寫『池』Ⓚ（孝子殺親父）。在主流台語來講、「治」字借音借了有凖、嗎比『著』『箸』恰省劃。那寫『在』、「tī」「chāi」搶袂離。寫做『治』上適合主流台語。

那講「tṳ̄」个腔口、寫『著』『箸』凡世恰有理。彼个音現此時治台灣島內强卜無去啞、不閣恰早眞普遍、眞多台灣歌仔册不即寫『著』『箸』。啞泉州通俗文献有人寫『除』Ⓚ（杜建坊、2017、公開面册）。《收成正果歌》有寫『死除廳中野未台』。

「佇、竚」（thú、thí）字減彩是「tī」个血緣字。義理有合、台語・漳泉語音理有合、總是潮語『TÕ』夭無法度解說。潮語『TÕ』甲台語「tī」照講仝原。《中華漢方典》『伫』第二義項注解『表示时间、处所　范围等，相当于普通话里的 "在"』（处所　范围等 → 处所、范围等）、不閣用例干礁下門話。那凖「tī」正實是「佇」字个親成詞、唐山別位个話那會朗無「佇」字个血緣功能詞？「佇」字甲「tī」个對應眞有可能是湊坎那定。啞台灣海峽文在來無塊寫『佇』。

相關个字

著 (tù, tì)
箸
着
治
佇、竚

GÍ-SÛ

tī-teh
*tī-leh

語詞

治塊 ⭕ ⓀⓀ　

著塊 ⓀⓀ　
箸～　

親成漢字

ＸＸ

「Lâng tī-teh kóng」云云。「Khǹg tī-teh toh-téng」云云、有合音体「tĕ」「leh」。傳統羅字台文專寫『tī-teh』、不八寫『-leh』。請看「teh、tih」。歌仔册主要寫『治塊』『著～』『箸～』、也有幾那本寫『治帝』ⓀⓀ。一九三〇年代个歌謠有寫『在的』。廣榮社《最新探親結緣新歌》有寫『吊下壁尾』（*tiàu-eh piah-bóe, -bé）云云。拱樂社个戱文有寫『池亇』ⓀⓀ（孝子殺親父、詳細字形即閣探听）。請看「tī-·teh」。

那合音体「tĕ」「leh」、林秋離〈Kám-chêng Khǹg Chi̍t Piⁿ〉（江蕙流行歌）「khǹg tĕ sim-koaⁿ té」有寫『放塊心肝底』。現代羅字台文不時寫『leh』。『Chhah leh lō͘-piⁿ』云云。傳統羅字台文簡那不八寫按呢（DADWT）。傳統台羅字照講會寫『tī-teh』云云。

只个詞傳統羅字台文大常寫做『tī-teh』、有揷連劃（DADWT）。

相關个詞

teh, tih (塊、致)
tī-·teh ("bô ~")
tī (治)

GÍ-SÛ

tī-·teh
tī-·leh
*tī-·le
**tī-teh
**tī-leh

語詞

治礼 ⭕ ⓀⓀ　

治レ ⭕ ⓀⒼ　

治塊 ⭕ ⓀⓀ　

親成漢字

ＸＸ

「Bô tī-·teh」（bô tī-·leh）云云。全羅《教會報》多數（亞是全部）寫『tī-teh』、無注輕調。親像 23 号（光緒十三年閏四月）〈Kàu-hōe ê Siau-sit〉有寫『bô thoân-tō--ê tī-teh, in iû-goân ka-tī chū-chi̍p lé-pài』。傳統羅字台文罕得寫『tī--leh』『tī leh』个欵、不閣 EMBREE『tī-leh』『tī--teh』朗有收、仝注解。請看「tī-teh」甲「·teh」。

拱樂社个戱文有寫『治礼』（母之罪、詳細字形即閣斟酌）『治例』（空愛情）『治拉』（空愛情）。《空愛情難斷》有寫『金蓮的磈勿』（Kim-liân ·ê tī-·teh ·bô）。歌仔册有一半本仔寫『著麗』ⓀⓀ『治麗』ⓀⓀ。

論連劃、傳統羅字台文大常寫『tī-teh』。今只个「-teh」通講是接尾詞。那照無連劃个形式塊寫、「tī-·teh」只枝連劃應該不免注。

相關个詞

tī-teh ("lâng ~ kóng")
·teh ("khiā ~")

GÍ-SÛ sio̍k tī	語詞屬治 ⭕ ⒸⓀ　親成漢字屬Ｘ属Ｘ
捷發《孔子項橐論歌》有寫『屬治』。請看「sio̍k」。	相關个詞 tī (功能詞) sio̍k (屬) 相關个字屬、属 (sio̍k)

字形 ? 佇竚	JĪ-IM thú 漢 thí 漢	漢文音 thú（泉、厦）thí（漳）。佳里興黃勁連記 thú。台灣泉州漢文音不知咁夭有讀 tṳ́。即閣請教。《妙悟》記 thú・*tṳ́。只字甲「宁」字「貯」字部份相通（明解漢和 278、王力典 217・1325）。不閣「佇」字甲「貯」字台灣泉州漢音無仝音。「佇、竚」字《廣韻》直呂切。
	相關个字宁貯	彚音寶鑑 thí 佇久立也又佇立以泣 thí 竚久立也又企也厦門音新字典 (甘字典) thú 佇 kú-kú khiā-teh thèng-hāu; kú, him-bō͘. thú 竚 kap téng-bīn jī sio-siāng. 增補彙音 thí 他璣上上伫𥩟立也企也彚音妙悟 thú 他珠上上佇久立也 thú 他珠上上竚同上企也㊟中央有揷一字「羜」字、注『未成羊也』。「同上」照講是塊講「佇」字 tṳ́ 地居上上佇久立也

字形 ? 佇竚	JĪ-IM thú 漢 thí 漢	漢文音 thú（泉、厦）thí（漳）。佳里興黃勁連記 thú。台灣泉州漢文音不知咁夭有讀 tṳ́。即閣請教。《妙悟》記 thú・*tṳ́。只字甲「宁」字「貯」字部份相通（明解漢和 278、王力典 217・1325）。不閣「佇」字甲「貯」字台灣泉州漢音無仝音。「佇、竚」字《廣韻》直呂切。
	相關个字宁貯	彚音寶鑑 thí 佇久立也又佇立以泣 thí 竚久立也又企也厦門音新字典 (甘字典) thú 佇 kú-kú khiā-teh thèng-hāu; kú, him-bō͘. thú 竚 kap téng-bīn jī sio-siāng. 增補彙音 thí 他璣上上伫𥩟立也企也彚音妙悟 thú 他珠上上佇久立也 thú 他珠上上竚同上企也㊟中央有揷一字「羜」字、注『未成羊也』。「同上」照講是塊講「佇」字 tṳ́ 地居上上佇久立也