|
GÍ-SÛ
-á
|
語詞
仔
⭕
Ⓣ
親成漢字
Ｘ |
|
約束字『仔』。
地号名个「-á」定定寫做『子』。者个主要是日本官方改个（葉高華・1920 年地名大變革）、不閣請看「Thô-á-hn̂g」（高雄）。只欵『～子』个寫法通講是漢文亞是外文、不是台文。夭請看「Phoh-á-kha」甲「Kap-chú-lân」。有个地名「仔」字雅化做『雅』、親像彰化社頭『崙雅』。
論詞底、「-á」對「kiáⁿ」來。有中間体「-*giá」「-*iá」。十七世紀《西支》記「*hoan-niá」（～*hoan-iá、畨仔）云云。唐山甲南洋有个腔口到今講「-kiáⁿ」、比如講「檨仔」、馬來西亞中部个福建語有講「soān-kiáⁿ」。「馬來人」、中馬福建語号做「Hoan-kiáⁿ」（番子）。只欵腔口台灣島內恰早照講嗎有。請看「子」（字）。彼句「sió-niû-kiáⁿ」（小娘子、〈苦海女神龍〉有唱着）不知咁相關。
|
相關个詞
kiáⁿ (子)
Thô-á-hn̂g (高雄) Kap-chú-lân Phoh-á-kha
相關个字
子
|
|
GÍ-SÛ
lâi
|
語詞
來
⭕
Ⓒ
来
親成漢字
來来 |
|
相關个詞
___ lâi ___ khì
相關个字
來、来
|
|
GÍ-SÛ
khì
|
語詞
去
⭕
Ⓒ
親成漢字
去 |
|
GÍ-SÛ
lâng
|
語詞
人
⭕
Ⓗ
親成漢字
Ｘ |
|
名詞兼代詞（請參考怡羅戈語 "DATAO"）。無親成漢字。台文在來寫借義字『人』。
地方中文寫『儂』（上流）『郎』（下流）。吳越（～蘇浙）地方字『儂』含「lâng」咁有血緣、欠証明。總是『儂』不是通行漢字、台文本身嗎無『儂』。
傳統台羅慣示寫『Tâi-oân lâng』。一九七八〇年代以後个台羅寫『Tâi-oân-lâng』恰多。仝欵、傳統台羅慣示寫『Bí-kok lâng』『Ji̍t-pún lâng』。一九七八〇年代以後眞多人慣示加揷一枝連劃。全羅《教會報》朗寫『tha̍k-chheh-lâng』、不閣一九七〇年進前教會外个刊物定定寫『tha̍k-chheh lâng』。
傳統台羅慣示寫『gín-(n)á-lâng』。今「gín-á-lâng」甲「gín-á」眞倚意。只个「-lâng」意味薄薄仔、袂輸一種「詞尾」。那「Tâi-oân lâng」甲「Tâi-oân」、意思介無仝。不閣台羅在來無慣示寫『*cha-bó͘-gín-(n)á-lâng』。超過三四節、箱長啞。『Cha-bó͘ gín-ná-lâng』顚倒恰有人寫（Khó-ài ê Siû-jîn）、雖然「cha-bó͘ gín-á lâng」个詞理是「cha-bó͘ gín-á」鬥「-lâng」、不是「cha-bó͘」鬥「gín-á-lâng」。請看「ū tang-sî-á」。
|
相關个詞
Chio̍h-lâng
lāu-tōa-lâng sin-lâng hó lâng ū tang-sî-á |
|
GÍ-SÛ
tio̍h
*to̍h |
語詞
着
⭕
Ⓒ
親成漢字
著着 |
|
「Lán tio̍h jím-nāi」云云。「Khioh tio̍h pó」云云。「Án-ne m̄ chiah tio̍h」云云。「Siūⁿ tio̍h chin kiàn-siàu」云云。「Tio̍h góa ê hoan」（台日）「tio̍h kàu góa ê hoan」（王育德・常彚）云云。
《出死線》（186）有寫『siūⁿ tio̍h chin kiàn-siàu』。只个「tio̍h」用直調（～原調、本調）、甲「khioh tio̍h pó」彼个 tio̍h 無仝。功能（～意思）嗎無仝。咱那寫『siūⁿ-tio̍h chin kiàn-siàu』甲『khioh tio̍h pó』、二項「tio̍h」着有通分別。總是台文從到今無按呢約束、連劃本成嗎無用塊注橫直調（～變調・本調）。例外規則（親像英語 "ITS" 亞是主流台語 "kah" 寫做 "kap"）帶成本。不知『siūⁿ-tio̍h chin kiàn-siàu』咁有彼个價達。
|
相關个字
着
著 (tù, tì) 對 、对 |
|
GÍ-SÛ
chhut
|
語詞
出
⭕
Ⓒ
親成漢字
出 |
|
動詞。
傳統台羅字「chhut siaⁿ」「chhut chîⁿ」普遍無用連劃・「chhut chhiú」「chhut mn̂g」定定無用連劃、不閣「chhut-thâu」罕得省連劃。「Chhut-soaⁿ」朗有鬥連劃个欵。
|
相關个詞
chhut ("chi̍t ~ hì")
|
|
GÍ-SÛ
ê
|
語詞
个
⭕
Ⓗ
亇 ケ
個
Ⓗ
兮
⭕
Ⓚ
親成漢字
Ｘ |
|
「Lí ê」云云（助詞）。「Nn̄g ê」云云（範詞）。有人二項朗寫做『个』。有人照意思・詞性分『个』『兮』。無分恰主流。那卜分、愛注意、「pa̍t ê」（意思對應中華語 "别的"）是「別个」、不是「*別兮」。
主流現代台語、二个「ê」仝音。有个腔口二个朗講保守音「gê」。請看《厦英》104 葉。永過台灣中部嗎有人二項無仝音、講「我 ê」「三 kâi」。印尼 MEDAN（メダン、棉兰）个福建語簡那到今是按呢。現代台語「kâi、kâiⁿ」用法恰狹。
南管八有人寫『個』字『箇』字。呂宋《西支》有寫『个』（AL 部・VN 部云云）、嗎有寫『個』（SV 部云云）。《漳語 ARTE》有寫『个』甲『箇』。黃塗《正派三國歌》寫『個』、用振假名「牙」（～gê）字注音。透明堂《最新肉咬笑歌》有寫『別ケ』。《英厦》（353）有寫『个』。《台灣語典》（一）寫『兮』。靈覺禪師《閭山教符咒秘訣》（2007、159 葉）有寫『食个食』『張个張』。拱樂社个戱文有寫『亇』（孝子殺親父）、詳細字形即閣探討。
「Ê」無定含台語「kâi、kâiⁿ」・客語『KE』（四）『KAI』（海）・越南語『CÁI』仝原。「个、箇、個」字無的確是血緣字。有關血緣字參親漢字个爭差、請看定義集。嗎有人主張講「ê、gê」有血緣漢字「其」字。
|
建議
ê (助詞) ⇄ 个、兮
ê (範詞) ⇄ 个
相關个詞
*kâiⁿ, *kâi (個)
相關个字
個、箇、个
兮 |
|
GÍ-SÛ
sī
|
語詞
是
⭕
Ⓒ
親成漢字
是 |
|
歌仔册大多數寫『是』。有幾那本寫『那示』ⓀⓀ『敢示』ⓀⓀ『不示』ⒽⓀ『也示』ⒸⓀ 云云。
|
|
GÍ-SÛ
i
|
語詞
伊
⭕
Ⓚ
親成漢字
Ｘ |
|
「伊」字咁是「i」个親漢字、咱無把握。請看「伊」（字）。咱先共只字「伊」字看做借音字。那塊寫漢羅、「i」成適合寫做羅字。
現代台語「i」不管時用中平調。換話講、台語「i」不管時朗用橫調（～變調、轉調）。唐山漳州語有个腔口無按呢。羅字台文在來寫『i』、不八塊注第七調。
|
相關个字
伊
|
|
GÍ-SÛ
ū
|
語詞
有
⭕
Ⓒ
親成漢字
有 |
|
GÍ-SÛ
góa
|
語詞
我
⭕
Ⓒ
親成漢字
我 |
|
GÍ-SÛ
kóng
|
語詞
講
⭕
Ⓒ
廣
Ⓚ
親成漢字
講 |
|
動詞。歌仔册寫『廣』恰多、寫『講』个嗎袂少。南管甲流行歌詞寫『講』恰多。唐山歌仔册有幾那本寫『嚝』Ⓚ。「講」字是親成漢字、不閣「kóng」「káng」（請看）有影會相搶。
|
相關个詞
káng ("~ chheng-bān")
káng ("ná lim ná ~") kóng ("suh-~")
相關个字
講
廣 |
|
GÍ-SÛ
tī
|
語詞
治
⭕
Ⓚ
在
Ⓗ
著
Ⓚ
箸
置
Ⓚ
親成漢字
Ｘ |
|
澎湖話有講「tū」。北部山內有講「tṳ̄」。南管寫『在』。歌仔册寫『治』『著』『箸』恰多、少數寫『在』。流行歌詞主要寫『置』『治』『在』。拱樂社个戱文八寫『池』Ⓚ（孝子殺親父）。在主流台語來講、「治」字借音借了有凖、嗎比『著』『箸』恰省劃。那寫『在』、「tī」「chāi」搶袂離。寫做『治』上適合主流台語。
那講「tṳ̄」个腔口、寫『著』『箸』凡世恰有理。彼个音現此時治台灣島內强卜無去啞、不閣恰早眞普遍、眞多台灣歌仔册不即寫『著』『箸』。啞泉州通俗文献有人寫『除』Ⓚ（杜建坊、2017、公開面册）。《收成正果歌》有寫『死除廳中野未台』。
「佇、竚」（thú、thí）字減彩是「tī」个血緣字。義理有合、台語・漳泉語音理有合、總是潮語『TÕ』夭無法度解說。潮語『TÕ』甲台語「tī」照講仝原。《中華漢方典》『伫』第二義項注解『表示时间、处所 范围等，相当于普通话里的 "在"』（处所 范围等 → 处所、范围等）、不閣用例干礁下門話。那凖「tī」正實是「佇」字个親成詞、唐山別位个話那會朗無「佇」字个血緣功能詞？「佇」字甲「tī」个對應眞有可能是湊坎那定。啞台灣海峽文在來無塊寫『佇』。
|
相關个字
著 (tù, tì)
箸 着 治 佇、竚 |
|
GÍ-SÛ
bô
|
語詞
無
⭕
Ⓗ
旡
无 Ⓗ
親成漢字
Ｘ |
|
「Bô」寫做『無』『旡』（无）是訓用。「無」字是「m̄」个親漢字。
《新刊莫往臺湾歌》牛津本頭二句寫『在厝旡路 計較東都』。
論「無Ａ無Ｂ」含連劃、羅字台文在來有人寫『bô i bô óa』『bô tāi bô chì』云云、嗎有人寫『bô-i bô-óa』『bô-tāi bô-chì』云云。理論上是Ａ甲Ｂ着愛粘做伙、不閣寫『*bô i-bô óa』『*bô tāi-bô chì』無合理、嗎無人按呢寫。
|
相關个詞
m̄ (不)
相關个字
無、旡、无
|
|
GÍ-SÛ
chi̍t
|
語詞
一
⭕
Ⓗ
親成漢字
Ｘ |
|
約束字『一』。無親漢字、照咱所知。
鹿港語講「che̍k」。潮州語講『CHE̍K』。漳南嗎有人講「che̍k」。呂宋《西支》有記音「*che̍k」。「Che̍k」應該是原体、「chi̍t」恰新。
接續詞「*chi̍t」、《白話典》《台日》無收。呂宋《西支》有收「ENSALIENDO DELAPUERTA」（～EN SALIENDO DE LA PUERTA）『一出門』（*che̍k chhut mûi）。
|
|
GÍ-SÛ
kap
*kah |
語詞
甲
⭕
Ⓚ
及
Ⓗ
親成漢字
Ｘ |
|
「Lí kap góa」云云。主流現代台語講「kah」。鹿港語到今有講「kap」。台語有眞多仝音个語詞「kah」。論羅字、傳統台文寫『kap』、無寫『kah』（DADWT）。EMBREE 由原干礁收「kap」、無記「kah」。設使無卜揷文字傳統、因爲寫做『kah』个語詞實在太多、有人主張講「kap、kah」由原着照舊寫做『kap』、無論呼音、乎讀者恰無負擔。
台灣漢字主要寫『甲』、閣來『及』、不閣『及』用法恰狹、大体對應歐州語文『＆』。《千金譜》寫『柿菓、桔餅、及氷糖』云云。歌仔册寫『新娘甲新人』、嗎有一半本仔寫『新娘及新人』、不閣「甲人無親像」袂寫做『及～』。『蛤』Ⓚ 『佮』嗎有少數个用例。拱樂社个戱文有寫『哈』Ⓣ（江山美人）。《碎心記》有寫『及我罩陣』（kap góa tàu-tīn）。杜建坊先生甲一九三〇年代个歌謠有寫『合』。漢文「與」字有訓讀做「kap」、夭「kap」八寫做『與』『与』。《千金譜》『與』、日台《千金譜》注音「kah」。只个寫法有若通行、咱無把握。《雲林雜念簿》有寫『〓鑼甲大鋟』（⿰金㪯）。本地歌仔《大拜夀》有寫『圓柱カ金樑彩畫』、只字『カ』照講是日本假名『カ』、用塊寫「kah」。閣有『カ今傳过透京城』、用『カ』塊寫「kah」（← kàu）。
呂宋《西支》有收「AMIGOS」『甲伊好』（*kap i hó）甲「CON」『合』（*kap）。《漳語 ARTE》有寫『甲人』（*kap lâng）。
「Kap、kah」打算有親漢字「合」字亞是「夾」字、不閣此欠証明。
|
相關个詞
kap (合、洽)
|
|
GÍ-SÛ
lí
|
語詞
汝
⭕
Ⓒ
尔
Ⓗ
爾
Ⓗ
你
ⓗ
親成漢字
汝女 |
|
『你』會凍理解做是塊訓用官話文（MANDARIN）个字。嘉靖《荔鏡記》寫『你』。仝時代个呂宋漳文『汝』『你』朗有寫（漳語 ARTE）。歌仔册寫『汝』多過『你』多多。
|
|
GÍ-SÛ
beh
boeh |
語詞
卜
⭕
Ⓚ
親成漢字
Ｘ |
|
只字「卜」字古早古早照講是借音字。「卜」字本成有讀 poh。「Beh、boeh」海口腔（甲泉州市內）講「bo̤h」、夭漳州銅山（中嶋幹起 1977）甲泉州个庄脚有人講「boh」。潮州語講『BOH』『BOIH』『BUEH』（bit.ly/2uo03P4）。古早照講先有人共「卜」字借去寫「*boh 」亞是「*bo̤h」。路尾講「beh」「boeh」个人綴因寫『卜』。「Boh」《台日》無收。
呂宋《漳語 ARTE》「*boeh」甲「*ài」朗有寫做『欲』。洪惟仁（臺灣禮俗語典 78、79）八推論講「beh、boeh」有親成漢字「發」字。
|
相關个字
卜
|
|
GÍ-SÛ
koh
|
語詞
閣
⭕
Ⓚ
親成漢字
Ｘ |
|
主流用字『閣』。唐山歌仔册有幾也本寫『擱』Ⓣ。拱樂社个戱文有寫『各』（母之罪）。親漢字凡世是「過」字、不閣証據無樵全。恰早泉語講「*kú」、寫做『久』Ⓚ『句』Ⓚ『具』Ⓚ。咱那塊寫漢羅、只个語詞特別適合寫做羅字。
呂宋《西支》有收「OTRO, OTRAVEZ」（～OTRA VEZ）『各』（*koh）。
火星中文寫『擱』照講是因爲「閣」字標凖中文有塊用。《台灣語典》（一）寫『過』。
|
相關个詞
koh-iūⁿ
相關个字
各
|
|
GÍ-SÛ
ē
|
語詞
能
⭕
Ⓗ
會
⭕
ⓗ
下
Ⓚ
兮
Ⓚ
親成漢字
Ｘ |
|
《台日》寫『能』。歌仔册寫『能』恰多。南管簡那朗寫『會』。二字朗是訓用字。
只个語詞、泉語原底講「*õ̤e」（第六調）「ō̤e」（第七調）。潮州語講『ÕI』（第六調）。通知只个詞含「ke、koe」（鷄）「chē、chōe」（多）「ê、ôe」（鞋）仝韻、海口腔・稻江腔講「ē」是種着漳語。傳統羅字台文定定寫「ōe」。親漢字有人推論講是「解」字。
|
相關个字
會 (hōe)
|
|
GÍ-SÛ
hō͘
|
語詞
乎
⭕
Ⓚ
親成漢字
Ｘ |
|
約束字『乎』。流行歌・囝仔歌到今普遍寫『乎』。歌仔册有幾那本寫『呼』Ⓚ。
「Hō͘」詞原無定着。南管泉語・古早泉語講「thō͘」無講「*hō͘」、《厦英》收做「*thò͘」。戱文有寫『度』。《泉腔目連》注『度：本音 tɔ⁷，泉腔借此字音 thɔ⁷，「給」之意』。現代泉語由原講「thō͘」「thô͘」（當代泉彚 53・54、晋江方志 77）。「Hō͘」減彩含「thō͘」仝原。卜講「與」字亞是「予」字是親成漢字、成拼。
|
相關个詞
hō͘ (ho͘、乎)
|
|
GÍ-SÛ
in
|
語詞
因
⭕
Ⓚ
親成漢字
Ｘ |
|
第三人稱、複數。約束字『因』。二十世紀个歌仔册專寫『因』。流行歌詞由原有寫『因』（武雄・少年老芋仔）。四百冬前呂宋漳文寫『因』（漳語 ARTE）。
方言中文『𪜶』是中文界日本時代所發明。仝時代个漢字台文照起工寫『因』。《甘》寫『伊』。《台日》寫『𢙠』（⿱伊心）、無記述性、照咱所知。
「In」應該是「*i-lâng」（伊人）个合（kap-）音。南洋甲唐山个學老語到今有講「伊人」。
|
相關个詞
i (伊)
|
|
GÍ-SÛ
lóng
|
語詞
朗
⭕
Ⓚ
朗
浪
Ⓚ
隴
Ⓚ
親成漢字
Ｘ |
|
歌仔册大多數寫『朗』『朗』、少數寫『浪』『隴』、嗎有幾也本寫『郎』（郞）Ⓚ『榔』Ⓚ『壠』Ⓚ『攏』Ⓖ 云云。拱樂社个戱文有寫「郎、郞」字（碎心）。《台日》寫『攏』。
『攏』不是通行漢字。減彩是蘇浙地方字。蘇浙新中原、自按呢唐山內地个韻册有收『攏』。蘇浙語寫做『攏』个彼个語詞打算含台語「lóng」有血緣、華人自按呢認定『攏』是「lóng」个「正字」。日本時代唐山歌仔册自然先開始通行『攏』、總是使用額丸那袂比「朗、朗」字。
|
|
GÍ-SÛ
chò
chòe |
語詞
做
⭕
Ⓒ
作
Ⓒ
佐
Ⓚ
親成漢字
作做 |
|
泉州戱文普遍寫『佐』（施炳華 2013、引用鄭國權）。嘉靖《荔鏡記》寫『佐』恰多。頂古漢文無「做」字、《廣韻》嗎無收。請看「做」（字）。
論連劃、傳統台羅字在來寫『chò i khì』『chòe lí kóng』云云、無揷連劃。
|
相關个字
做
|
|
GÍ-SÛ
teh
*leh tih |
語詞
塊
⭕
Ⓚ
瑰
致
⭕
Ⓚ
親成漢字
Ｘ |
|
「Lâng teh chò, thiⁿ teh khòaⁿ」（人塊做、天塊看）云云。有口語變体「leh」「lih」。寫做『塊』是照「塊」字个訓讀音 tè 塊共伊借。嗎有人寫『帝』Ⓚ 甲「礼、禮」字。本地歌仔四常寫『致』（～tih）。《哪吒鬧東海歌》嗎有寫『致』。竹林《媽祖出世新歌》有寫『刣猪宰羊治迎請』『治廣有空甲有縫』云云、「治」字打算是塊寫「tih」。玉珍《嘉義行進相褒歌》『此間打算伊得帶』、「得」字打算是塊寫「tih」。
呂宋《西支》（HE 部）有寫『倒塊困』（*tó teh khùn）、「塊」字用『田』無用『甶』。通知只个約束上少有四百冬。
「Leh」甲「lih」是「teh、tih」帶話句內底自然濁化个、甲「í-liâu」（← í-tiâu）「·lit」（← ·tit、得）仝現象。省乜語言朗有只欵音變、啞文字無一定愛綴塊變。不閣「teh」甲「tih」互相不是彼欵關係、照咱所知。
仝只个意思有人講「tit」（李柏桐・宜蘭頭城台語語音語彙之調查研究）、凡世是「tih」个變体。玉珍《嘉義行進相褒歌》有寫『不知得做省干己』。廣榮社《最新探親結緣新歌》有寫『聽汝得廣卜排陣』。
那「khǹg tĕ sim-koaⁿ té」「chhah leh lō͘-piⁿ」彼个「tĕ、leh」、請看「tī-teh」。
|
建議
tih ⇄ 塊、致
teh ⇄ 塊
相關个詞
tī-teh ("lâng ~ kóng")
相關个字
塊
致 |
|
GÍ-SÛ
hit
|
語詞
喜
⭕
Ⓚ
許
⭕
Ⓚ
彼
⭕
Ⓗ
親成漢字
Ｘ |
|
「*Hí」是古早話。南管寫『許』。『喜』是歌仔册个主流、閣來『彼』『許』『虛』Ⓚ。拱樂社个戱文有寫『許』（節烈夫人）。「彼」字字理無恰輸「許」字「喜」字、不閣咱那寫『許』『喜』、「彼」字會凍留起來寫「he」。論眞、那「hit」「he」朗寫做「彼」字、讀者卜判斷嗎是簡單簡單。那塊寫漢羅、只个詞寫做羅字上直。
呂宋《漳語 ARTE》「*hú」寫做『許』。《西支》（AQ 部）寫『彼』。
『許』『喜』是過枝字、先借去寫古早話「*hṳ́、*hú、*hí」、路尾即有人共伊拀（hiahⁿ）來寫「hit」。
代詞組「hit ê」（～それ）有變体「hit-e」「hé-le」。
|
相關个詞
chit (只、此)
he (彼)
相關个字
許
|
|
GÍ-SÛ
·ah
·a **ah *a *ā *à |
語詞
啊
⭕
Ⓚ
啞
⭕
Ⓚ
唖 ⭕
呵
⭕
Ⓚ
親成漢字
㊟ |
|
助詞、「chhoân hó-sè ·ah」云云、《白話典》注解做『表示完成或新事實發生，輕聲隨前變調』甲『表示認為即將完成，輕聲隨前變調』。《台日》無收。除起戱文、傳統漢字台文一般無塊書寫只欵助詞・語氣詞。夭只个「·ah」相對恰新。那無、南管戱文照講會寫『啞』『唖』。杜建坊先生寫『啞』。拱樂社个戱文有寫『啊』（節烈、空愛情）『阿』（空愛情）『仔』Ⓚ（杜諒梅）。中治時代流行歌詞寫『啊』恰多、打算是因爲「阿」字中華（北京）音 Ā、夭「亞」字中華音 YǍ。『啞』『唖』恰省劃・恰挑弄、「亞」字也無影有 *iá 彼号音、顛倒「阿」字有讀 o・o͘。輕調「·ah」建議寫做『啞』『唖』亞是羅字、無論詞。
二十世紀个文献定定無寫「·ah」、寫「·lah」（**lah）。鄭溪泮《出死線》11 葉有寫『Góa kā ín lah neh』（ín ⇄ 允）。岩崎敬太郎《臺灣語典》（1922）79 葉、有人問講『Phài-chhut-só͘ í-keng khí hó bē?』、對方應講『Khí teh beh hó lah』。《教會報》561 号（1931）有刊一篇〈Chiam Tek-kiàn kun Sí-lah !〉（Tiuⁿ Khun-oán）。連橫《台灣語典》（台省文委會版）有收「拉」『爲已定辭』、例詞『食拉』『困拉』。王育德《常彚》簡那歸本無寫着「·ah」、朗用「·lah」（"啦"）「·loh」（"嘍"）云云。王育德《台語入門》（原版 1972 年）寫「hong-thai teh beh lâi ·lah」云云。中華民國國防部《實用閩南語會話》（1966）有紹介「Ū gōa kú lah?」『有好久了？』（68 葉）甲「Ū nn̄g saⁿ kang lah」『有兩三天了』（仝）者个話句。鄭良偉等《親子台語》（1990）由原教一句『Góa lóng chia̍h liáu-liáu ·lah』。《白話典》丸那有收助詞「·la、·lah」『表示完成，隨前輕聲變調或固定低調』。夭陳輝龍《臺灣語法》（1934、121 葉）有用着一句「**Siá hó ah lah」『書き終つたよ』。一九四一年李献璋《福建語讀本》有教一句『暫々燒暖耒啦』、尾節記音「**la」（無注調个欵）、嗎有教一句『你的錶仔今幾奌鐘呀』、尾節記音「**a」。
銅山（東山）漳州語上少治一九七〇年代由原有講「·lah」（中嶋幹起 1979、10 葉、"Hoan-á-hoe kiat tēng ·lah"）。
「·Ah」照講是彼个「·lah」个變体。彼个「·lah」應該是「liáu」个變体。新馬福建語「liáu」、台語「·liauh」（請看）、鹿港・中部海線「·liah」、潮州潮陽語『·AU』、意思朗甲「·ah」相仝亞是相倚。演化个過程打算是 liáu → *lá → ·lah → ·ah 甲 *liáu → ·liauh → ·liah。「·Ah」甲漢文「矣」（í）字自然無血緣、台文在來嗎無按呢寫。
呂宋《漳語 ARTE》寫講『EL PRETERITO PERFECTO SE FORMA CON ESTAS PARTICULAS』、續落來記『𦛨』（*lá）『了𦛨』（*liáu lá）『了』（*liáu）。《西支》有收『息𦛨』（*soah lá、AC 部）、嗎有收「SECO YA」『𭶗了』（*ta liáu）云云。
論羅字、主流傳統字無注輕調。請看「**lah」。
|
相關个詞
**ah (à, "chhiong ~")
**lah (啦、拉) ·liauh (了)
相關个字
亞、亜
阿、呵 ア (阿) |
|
GÍ-SÛ
kā
|
語詞
共
⭕
Ⓒ
親成漢字
共 |
|
「Góa kā lí kóng」云云。約束字兼親漢字『共』。歌仔册有幾落本寫『咬』Ⓚ、嗎有一半本仔寫『加』Ⓚ『仝』Ⓚ。「Kā」是「kāng」个省音。島外个福建語有个腔口到今講「kāng」「kãng」。
|
相關个詞
kā (ka), kai (皆、共、カ)
tàu saⁿ-kāng |
|
GÍ-SÛ
khòaⁿ
|
語詞
看
⭕
Ⓒ
㸔
親成漢字
看 |
|
GÍ-SÛ
lán
|
語詞
咱
⭕
ⓗ
親成漢字
Ｘ |
|
近代約束字『咱』。古早戱文有寫『懶』『恁』。呂宋《西支》有收「NOSOTROS INCLUSIVE」『俺』（⿰亻𡘤、*lán）。
有人講「án」、不知是「lán」个變体、亞是甲接頭詞「án-」（請看）相關。
|
相關个詞
án-... (接頭詞)
|
|
GÍ-SÛ
kàu
|
語詞
到
⭕
Ⓗ
親成漢字
Ｘ |
|
「Kàu ūi」「kàu-gia̍h」彼个 kàu。約束字『到』、訓用字、包含「kàu-gia̍h」彼个 kàu。《英厦》有寫『無到』（493）甲『至分』（kàu-hun）ⒽⒸ（308）。呂宋《西支》有寫『到用』（GA 部）云云。歌仔册有一半本仔寫『無敎飽』云云。捷發《文明勸改歌》有寫『是咱一時想無敎』、押 -au 韻。《風水醒世歌》寫『南風吹能至』（押 -au 韻）云云、「kàu」寫做『至』Ⓗ。歌仔册有眞多本寫『從頭到尾』『全～』Ⓚ、嗎有眞多本寫『從頭至尾』『全～』。有一半本仔寫『事至如今』『等至天光時』云云。
「Kàu」打算含中國語『夠』『够』（GÒU）有血緣、不閣台文在來無寫『夠』『够』、頂・中古漢文甲日文嗎無、《妙悟》嗎無收。《補彚》*kàu 無收相關个字詞。《雅俗通》*kàu 有收「彀」『物足也』甲「够」『仝上』。『夠』『够』不是通行漢字。
《台稻彚》有收一項『到頭』（kàu-thâu）。
|
地名・水名
澎湖媽宮頭到 ㊠
高雄市內頭到埔
相關个詞
kah ("khùn ~ m̄ chai lâng")
Thâu-kàu |
|
GÍ-SÛ
tōa
|
語詞
大
⭕
Ⓒ
親成漢字
大 |
|
論連劃、傳統羅字台文慣示寫『tōa chiah』『tōa bóe』『tōa tiâu』『tōa châng』云云、閣有『tōa chûn』『tōa chiah chûn』云云。閣有『tōa thiaⁿ』。
|
相關个詞
tōa kho͘
só (嫂) |
|
GÍ-SÛ
iōng
ēng |
語詞
用
⭕
Ⓒ
親成漢字
用 |
|
GÍ-SÛ
iā
*ā |
語詞
也
⭕
Ⓒ
亦
㊟
親成漢字
也 |
|
『也』『亦』二式朗有使用基礎。「也」字恰主流。《千金譜》專寫『也』。夭照講「也」字是親成漢字。請看下脚。杜建坊（2008、第 120 葉）認爲歌仔册『野』有冬時仔云那用塊寫「iā」。拱樂社个戱文有寫『阿』Ⓚ（ā、空愛情）。
現代泉語《當代泉彚》（4）《晋江方志》記第六調「iã」「ã」云云。《當代泉彚》閣記一个音「ia̍h」。不閣《妙悟》*iā 有收「亦」『又也』、注「土解」。*Ia̍h 無收相關字詞。《厦英》有收「ia̍h」『ALSO; NEVERTHELESS』甲「iā」『ALSO』甲「ā」『ALSO』。《麥》（173）記錄漳浦語「*iā」。照《潮典》《英汕》甲 FIELDE 來看、潮州語干礁講『IĀ』、第七調。《潮詞匯》無收、不閣有个例句有用着第七調『Ā』塊表達『ALSO』只个意思、夭『IĀ CHÉNG』（～iā chéng）煞寫做『也種』。《擊木知音》*IĀ 有收「亦」字「也」字、*IA̍H 二字朗無收。客語『YÅ』（第七調）丸那對應台語「iā」。客語丸那有講『YI̍T』（亦）。
照以上、台語「iā」（ā）・潮語『IĀ、Ā』・客語『YÅ』仝原、無影是「*ia̍h」个變体。舉「烏坎刀」（オッカムの剃刀、OCCAM'S RAZOR）來敲（khau）、「ia̍h」是「iā」个變体即着。注意、現代台語第七・第八調橫調仝調形、「iā」「ia̍h」恰听都仝音、不閣《妙悟》彼拵彼搭个泉語打算不是按呢。
「Ā」應該是「iā」个省音。羅字台文在來寫『iā』『iā sī』、罕得（不閣不是無）寫『ā』。EMBREE「ā」有收。請看「ā chai」。
那人名、《Tām-chúi Lú Ha̍k-īⁿ Tông-chhong-hōe Hōe-lio̍k》（第十三回、1934）夭有記錄一位『王氏也好』。
|
相關个詞
ā ("~ chai")
iā sī
相關个字
也
|
|
GÍ-SÛ
nā
|
語詞
那
⭕
Ⓚ
若
⭕
Ⓗ
親成漢字
㊟ |
|
「Ū chi̍t kang lán nā lāu」云云。《千金譜》寫『若』。《雲林雜念簿》有寫『若』（若是）。中治時代个流行歌詞寫『若』恰多、不閣此有植民因素。少數寫『那』、親像林文通〈燒酒話〉（陳小雲流行歌）亞是吳念眞〈Mài Mn̄g Gún ê Miâ〉（楊宗憲）。囝仔歌有寫『那是』（玉山囝仔歌・一語雙關歌）。歌仔册多數寫『那』、少數寫『若』。南管二式朗有寫。《荔鏡記》第十八出有寫『那卜』、嗎有寫『若卜』。古早呂宋漳文寫『那』（西支 SI・SY 部、漳語 ARTE）。《台灣語典》（二）寫『那是』。寫『那』照講恰直。請看下脚。『若』丸那有基礎。那塊寫漢羅、「nā」介適合寫做羅字。建議寫『那』亞是『nā』、共「若」（jio̍k、jia̍k）字留起來寫「jōa」（請看）。
台灣海峽語「nā」原底有對應英語『IF』、嗎有對應『ONLY』、嗎有對應『BUT』。《台日》由原有收「nā」『唯。只⋯⋯丈。唯⋯⋯のみ。單に』、寫做『但』、句例『Nā góa chai[,] pa̍t lâng m̄ chai』云云。閣有「nā sī」『單に⋯⋯のみ。唯⋯⋯だけ』、寫做『但是』、句例「nā sī pah-gō͘ kho͘」『唯百五十圓だけ』。巴克禮聖經「nā-sī」對應『BUT』恰多。現代台語「nā」干礁對應『IF』甲『(NOT) ONLY』。《荔鏡記》第三出『一年那有春天好』、意思「一年干礁春天好」。唐山歌仔册有寫『當知不知按察名 但知呌伊蘇大兄』（會文堂・最新七屍八命歌）云云、『但』介成用塊寫仝只个「*nā」（～干礁）。台語到今有講「m̄-nā」。有人照漢文字義、共「nā」拆做『若』甲『但』來寫。嗎有人共「nā」朗總寫做「那」字。專寫『那』有三好。第一、快寫。第二、在台語本成个理路、『IF』『(NOT) ONLY』事實仝詞、照漢文个理路共伊拆做二組、小可不達。第三、「m̄-nā」那寫做『不但』、會甲「put-tān」相搶。
永拵『ONLY』个「nā」丸那有人寫做『若』。歌仔册有一半本仔寫『不若』。《英厦》（353）有收「THERE IS [ONLY] ONE」『nā ū chi̍t ê』、甲漢字『若有一個』。閣收「BUT」『nā-sī』、甲漢字『若是』。台灣海峽語『IF』个「nā」甲『ONLY』个「nā」（甲 "BUT" 个 "nā"）生成仝語詞・仝概念。
主流泉語講「nã」、第六調（泉方志 136）。不閣照《當代泉彚》（195）《南安方志》（19）个分析、是第七調「nā」。請看「m̄-nā」。潮州語有講『NĀ SĨ』（潮詞滙 340、潮典）、意思對應現代台語「nā sī」。孤節个『NĀ』、《潮典》（MOGHER）注解做中國語『如果，假如，假设』。潮陽（Tiô-iûⁿ-）語夭有講『NÃI』、《潮詞滙》（342）注解『只是』、例句『NÃI NÕ NÂNG KHUEH-CHHIE̍H』（～kan-ta nn̄g lâng khoat-se̍k bô lâi）。「但」字減彩是親成漢字。「但」字漢文音 tān、第七調（妙悟、泉方志 124）。不閣《當代泉彚》記第六調 tãn。「但」字廣東音 DAAN⁶（下去聲、～第七調）、越南音 ĐÃN（下上聲、～第六調）。「但」字《廣韻》有三个音、徒旱切對應台語第六調、徒案切對應第七。不閣「但」字屬《廣韻》寒韻、甲「寒」字「看」字「肝」字仝韻、對應台語早音 -oaⁿ。咁「nã」是「*nõa」（亞是 *nōa）「*tõaⁿ」（*tōaⁿ）个變体？那按呢、「但」字打算是「nā」个親成漢字。不閣此夭欠証明。
|
相關个詞
jōa... ("~ hó")
nā ("ê-hng ~ ·teh ·lah") ná ("sán kà ~ kâu") ná, nah ("~ ū") tān-sī m̄-nā
相關个字
那 (ná)
|
|
GÍ-SÛ
mā
|
語詞
罵
Ⓚ
駡
嗎
⭕
Ⓚ
親成漢字
Ｘ |
|
副詞兼接續詞、「Kheh-gí mā ē thong」云云。詞源無定着。歌仔册有一半本仔寫『嘛』Ⓚ。大多數寫『罵』『嗎』。拱樂社个戱文有寫『馬』Ⓚ（江山、碎心）。
《厦英》無收。仝只个意思、主流台灣客語有講『ME』、第三調（四縣、海陸）。《客法》《客英》無收。楊時逢（1957）無收。濁水溪客語講『MA』、上平聲（～第一調、客詞庫）。
魏益民《台灣俗語集》有寫『ム』、介成是卜寫『マ』。
|
相關个詞
mē, mā (罵)
iā (也)
相關个字
罵、駡
馬 |
|
GÍ-SÛ
nî
|
語詞
年
⭕
Ⓒ
親成漢字
年 |
|
GÍ-SÛ
goán
gún |
語詞
阮
⭕
Ⓚ
親成漢字
我Ｘ |
|
大概是「*góa-lâng」（我人）个合（kap-）音。南洋甲唐山个福建語到今有講「我人」。
李献璋《福建語讀本》「góa」寫做『我』・「gún」寫做『吾』。
|
相關个詞
lín (恁)
in (因)
相關个字
阮
|
|
GÍ-SÛ
hó
|
語詞
好
⭕
Ⓒ
親成漢字
好 |
|
論連劃、傳統台羅字寫『hó chia̍h』『hó thiaⁿ』多過『hó-chia̍h』『hó-thiaⁿ』（DADWT）。
|
|
GÍ-SÛ
siūⁿ
|
語詞
想
⭕
Ⓗ
思
Ⓗ
親成漢字
㊟ |
|
「想」字大概是親漢字。聲調袂合、証據欠一節。咱先共「想」字看做訓用字（～借義字）借來寫「siūⁿ」。平平是訓用字、含「思」（su）字比較、「想」（sióng、siáng）字恰什用塊寫「siūⁿ」。『相』在台語閣有注音个功能。
主流泉語講「siũⁿ」、第六調。潮州語講『SIẼᴺ』、第六調、《潮詞滙》寫做『想』。「想」字《廣韻》息兩切、對應台語 sióng（漢）siúⁿ（早）。《集韻》仝欵干礁記只个音。
王育德先生八堯疑講無定「尚」字即是「siūⁿ」个親成漢字。王育德《閩音系》〈方言字彚〉「想」字干礁記 sióng（漢）siúⁿ（早、原册照台南音記上上聲『sioN』）。照《中華漢方典》（3341 葉）、唐山諸語朗無用「尚」字个親成詞塊講甲「siūⁿ」相關个概念。
|
相關个字
想
尚 |
|
GÍ-SÛ
tùi
ùi |
語詞
對
⭕
Ⓚ
对
親成漢字
Ｘ |
|
「Tùi chit-má khai-sí」「ùi chit-má khai-sí」云云。約束字『對』（对）。詞原無定着。「Ùi」大概是「tùi」个變体。咱不敢保証。《台日》「ùi」有收、注「泉」。《厦英》（600）「ùi」注講是泉語。傳統羅字台文寫「tùi」、罕得寫「ùi」。大概下門語講「tùi」。《甘》有收「ùi」。EMBREE 無。今「ùi」那卜直接借假名落去寫、照理講會借「畏」字即着。不閣歌仔册專寫『對』『对』。泉語甲泉底台語治歌仔册界無弱勢、有个著者定着嘴講「ùi」・手寫『對』（对）、過枝字。那塊寫漢羅、「tùi、ùi」特別適合寫做羅字。
無論詞原、「tùi」「ùi」原底屬腔口差。現此時有人二項朗有講、甚至意味小可無仝、有分工。
|
相關个字
對、对
畏 |
|
GÍ-SÛ
ài
|
語詞
愛
⭕
Ⓒ
親成漢字
愛 |
|
「Ài piàⁿ chiah ē iâⁿ」「ài khùn」「ài ·tio̍h khah chham sí」云云、在來詞。「Góa ài ·lí」云云、借詞。
「Góa ài ·lí」彼个 ài、《白話典》（6 葉）注講是戰後中語借詞、不閣歌仔册上慢自一九三三年着有『汝今愛我我愛汝』（玉珍・勸世青年了改自由戀愛歌）只欵話句啞。啞《厦英》（3）有收「siong-ài」『MUTUALLY LOVING (AS MAN AND WOMAN)』。
|
相關个詞
ài-kok
ài-jîn |
|
GÍ-SÛ
khah
|
語詞
恰
⭕
Ⓚ
怡
卡
⭕
Ⓚ
可
巧
Ⓚ
親成漢字
Ｘ |
|
歌仔册寫『恰』。拱樂社个戱文嗎有寫『恰』（節烈夫人）『巧』Ⓚ（仇海情天、天涯遊龍、花鼓情仇、包公傳）云云。本地歌仔有寫『巧』。流行歌詞甲中治時代个招牌有个寫『卡』。大明時代个文献有寫『可』。《千金譜》寫『呵』。呂宋《漳語 ARTE》『可好』（～khah hó）『可多』（～khah chē）。《西支》有收「IMPOSSIBLE」『可〓』（*khah bēi、〓、⿰礻夬）云云。『恰』『巧』所以拼嬴『可』、凡世是因爲「可」字乎人借去寫「thang」啞。歌仔册八有人寫『洽』、那像嗎有人寫『何』。唐山歌仔册有一半本仔寫『較』。
只字「卡」字不是漢字。照講是一九二〇年代以後共中文進口个。台灣漢文原底夭有一字罕用字『卡』。請看「卡」（字）。
|
相關个字
卡
|
|
GÍ-SÛ
bē
bōe |
語詞
袂
⭕
Ⓚ
不
Ⓗ
未
Ⓚ
親成漢字
Ｘ |
|
「Bē、bōe」照講是古早合（kap-）音詞、「m̄」亞是「bô」个古早前身鬥「ē、*ōe」个古早前身。主流字『袂』上少寫四百外冬啞。呂宋《西支》《漳語 ARTE》「*bēi」寫做『袂』。「袂」字《妙悟》記音 *bē。泉語「bōe」寫做『袂』是過枝字。
日本時代中文界有人共「bē、bōe」寫做『𢗘』Ⓣ。『𠊉』中文界上慢自一九四〇年代着有人寫（明文堂・臺灣民謠情歌集）。
|
相關个詞
ē (能、會)
bōe, bē (未) m̄ (不)
相關个字
袂
|
|
GÍ-SÛ
chit
*chí |
語詞
這
ⓗ
只
⭕
Ⓚ
此
⭕
Ⓗ
一
Ⓚ
親成漢字
Ｘ |
|
「*Chí」是古早話。南管專寫『只』。歌仔册大多數寫『這』『只』『此』、少數寫『一』『卽』（即）Ⓚ『質』Ⓚ『職』Ⓚ『止』Ⓚ。今『這』是官話文訓用字、閣有「chit」「che」二个語詞塊搶。「Chit」含「chí-ū」彼个 chí-、使用環境各樣、袂相搶。建議寫『只』、共「此」字留起來寫「che」。不閣「hit」那卜寫做『彼』、參「he」寫仝字、按呢「chit」寫做『此』丸那恰對同。那塊寫漢羅、只个語詞特別適合寫做羅字。
不那泉語、古早漳語丸那有講「*chí」。《麥》（507）「彼」字有甲例句『在彼無惡在此無隤』、漳譯『*tōa tī hí tau bô oàn, tōa tī chí tau bô pāi』（*tōa → *tòa？）。呂宋漳語《西支》「*chí」寫做『只』。請看 ES 部。鷄籠宋文和《茶園相褒歌》有一抛寫『阮厝外家是眞散 帶治眞遠著宜蘭 只事無人替我辨 冥日煩惱心不安』。不閣「只事」是卜寫「*chit sū」亞是「*chí sū」、眞歹講。
《甘》「只」字有叠「chit-ê」做例詞。
林武雄（2019）含「chi̍t」都寫做『呮』。『呮半尾啊郭啊魚』云云。
|
相關个詞
hit (彼、許、喜)
che (此、這)
相關个字
只
|
|
GÍ-SÛ
chit ê
*chit-e |
語詞
這个
ⒽⒽ
只个
⭕
ⓀⒽ
此个
⭕
ⒽⒽ
親成漢字
ＸＸ |
|
請看「chit」。歌仔册有寫『～個』Ⓗ、特別是唐山歌仔册。眞少數个歌仔册寫『卽～』Ⓚ。
代詞組「chit ê」（～これ）有變体「chit-e」「ché-le」。代詞組「hit ê」有變体「hit-e」「hé-le」。仝欵、菲律賓福建語代詞組「hí gê」（～hit ê）有變体「hí-gé」、後節高平調、甲台語「hit-e」仝欵。《台日》有收「chit-le」（～chit-e）「chit-lê」（～chit ê）。
|
相關个詞
chit (只、此)
ê (个)
相關个字
只
|
|
GÍ-SÛ
chhin-chhiūⁿ
chhan-chhiūⁿ |
語詞
親像
⭕
ⓀⒸ
親象
⭕
ⓀⒸ
𠋆像
ⓉⒸ
田像
⭕
ⓀⒸ
田象
⭕
ⓀⒸ
親成漢字
Ｘ像Ｘ象 |
|
歌仔册有一半本仔寫『田象』ⓀⓀ『田像』『亲～』。大多數寫『親～』。《台灣語典》（二）寫『親象』。呂宋《西支》（AS 部、PA 部）有寫『親像』。「親」字咁正實是「chhin-、chhan-」个親漢字、歹講。「親」字咱凖做假名。那塊寫漢羅、「chhin-」眞適合寫做羅字。
「Chhin-chhiūⁿ」凡世是「*chin chhiūⁿ」（*眞像）个變体、前節聲母 *ch- 去乎後節聲母 *chh- 同化。台灣客語有講『TSHÎN-TSHIONG』、意思甲台語「親像」相仝、不閣減彩是過台灣即共台語借个。《客法》無收。濁水溪客語有講『眞像』（*CHIN-TSHIO̊NG）甲『親像』（*TSHIN-TSHIO̊NG）、仝意思、對應台語「親像」「那像」「袂輸」（客詞庫）。南部客語『KOI TSHIONG』（～像）甲南部台語「kài sêng」詞理丸那卜仝卜仝。廣東語『好似』（HOU² CI⁵）・中華語『好像』（～象、HǍOXIÀNG）嗎是。不閣照《現代漢方典》（5790）、唐山湖南甲江西个語言是有講『親像』、意思『很相像』。
注意、「chhan-chhiūⁿ、chhin-chhiūⁿ」啦、「tín-tāng」啦、「giâu-gî」啦、者个語詞、前節个詞底朗無介清楚、干礁聲母甲後節相仝。
「Hó-chhin-chhiūⁿ、hó-chhan-chhiūⁿ」看起來是戰後即産生个詞、詞原在來詞「chhin-chhiūⁿ、chhan-chhiūⁿ」甲中國語『好像』（～象、HǍOXIÀNG）。一九五〇年代个台羅文献有寫『hó chhin-chhiūⁿ』个欵（DADWT）。《白話典》有收。
|
建議
chhan-chhiūⁿ ⇄ 田～、親～
chhin-chhiūⁿ ⇄ 親～
相關个詞
chhân-chháu...
chhân-chhân chho͘-chhân kài sêng
相關个字
親、亲
|
|
GÍ-SÛ
án-ne
án-ni *àn-ne |
語詞
安年
ⓀⓀ
安哖
ⓀⓀ
按年
ⓀⓀ
按哖
ⓀⓀ
按呢
⭕
ⓀⓀ
安呢
⭕
ⓀⓀ
親成漢字
ＸＸ |
|
寫『～年』『～哖』原底是照泉音「án-ni、àn-ni」塊借音、啞台南王育德《常彚》記音「án-ne」、四角字丸那牽『按哖』。大概人卜寫「án-ne、àn-ne」由原寫過枝字『～年』『～哖』。今「án-ne」寫過枝字無要緊、不閣 l + eⁿ（n + eⁿ）个音節卜按盞寫由原着愛解決。那甲語氣詞「**neh」（請看）卜寫做『呢』、「án-ne」歸氣寫做『按呢』。歌仔册有个寫『按呢』、上慢自一九三〇年代。怒濤《歌謠拾遺》嗎有寫『按呢生』（風月報 131 号）。流行歌詞有寫『按呢』『安呢』。「安」字恰省劃。不閣請看「án-chóaⁿ」。
「Án-ne」凡世是「àn-ne」个變体。此無一定。不閣相對來講、「àn-ne」是保守体。請看下脚。傳統羅字台文大常照下門音寫『án-ni』、眞少數寫『án-ne』。《寶鑑》《雅俗通》（"十五音"）更韻、現代台灣羅馬字慣勢寫做『-eⁿ』。
《教會報》600 号（1935）一篇〈Siàu-liām Chhin-lâng〉有寫『m̄-thang siuⁿ pháiⁿ phî-khì, pháiⁿ hōng-thāi, án-ni hiâm, àn-ni iā hiâm』。
《台日》有收「án-chiⁿ」「àn-chíⁿ」「àn-chìⁿ」「án-hiⁿ」「àn-híⁿ」「àn-hìⁿ」「án-hiⁿ-siⁿ」「án-hìⁿ-sìⁿ」「àn-hiùⁿ」「àn-hiùⁿ-siⁿ」「àn-hiùⁿ-sìⁿ」（注同安腔）「àn-chiùⁿ」（泉）「àn-chiùⁿ-sìⁿ」（同、泉）「án-ne」「án-ne-seⁿ」「án-ne-seⁿ-á」（漳）「án-iⁿ」「án-iⁿ-siⁿ」「án-ni」「án-ni-siⁿ」「án-ni-siⁿ-á」、朗仝意思、大多數寫做『如此（生仔）』。《西支》有收「ASI DESTA MANERA」（DESTA～DE ESTA）『按障生』（*àn chiùⁿ seⁿ、「障」字字形小可各樣）甲「ASY DE AQUELLA MANERA」（ASY～ASÍ）『按向生』（*àn hiùⁿ seⁿ）。看起來「-ne」是「*chiùⁿ-」甲「*hiùⁿ-」个省音。「*Chiùⁿ-」「*-hiùⁿ」是「*chí iūⁿ」「*hí iūⁿ、*hṳ́ iūⁿ」个合音。
|
相關个詞
**neh (語氣詞)
án-chóaⁿ |
|
GÍ-SÛ
tio̍h
tiō *to̍h tō |
語詞
着
⭕
㊟
道
Ⓚ
親成漢字
Ｘ |
|
「Hoaⁿ-hí tio̍h hó」云云。「To̍h」（～tō）是省音。原体應該是「tio̍h」。『Tio̍h』甲『tiō』是用字無仝定定。仝欵、『to̍h』『tō』干礁用字無仝。傳統白話字寫『tio̍h』恰多、嗎有人寫『tō』。《十項管見》《出死線》《Án-niá ê Ba̍k-sái》朗有寫『tō sī』。今台語『tio̍h』有幾那項、朗眞常用、那只个常用功能詞寫做『tiō』、通好減少『tio̍h』个負擔。
論詞原、「tio̍h」（～tiō）不是「chiū」个變体、照咱所知。*Ch- 變 t- 甲 -*iu 變 -io 朗無合台語音變个常例。「Tio̍h」大概含「lí tio̍h jím-nāi」「án-ne kám tio̍h」彼个 tio̍h 仝詞。《台日》着是按呢整理。夭那現代台語、第七・八調橫調（轉調、變調）听起來仝欵仔仝欵。只个問題無法度干礁用耳仔落去判斷。
「就」字在來干礁用塊寫「chiū」、照咱所知。《台日》上興寫訓用字、台文在來个通行訓用字、《台日》一般照寫。《台日》「tio̍h」無寫做『就』代表講彼拵無人（亞是眞少人）按呢寫。恰安全个結論、「tio̍h」在來寫做『着』、「chiū」在來寫做『就』、一平一字、無透濫。
李献璋《福建語讀本》「chiū」寫做『就』、「tō」寫做『可』。
|
相關个字
着
|
|
GÍ-SÛ
chia̍h
|
語詞
食
⭕
Ⓒ
親成漢字
食 |
|
賴和个小說、台語个部份有寫『喰』Ⓣ。
傳統台羅字寫『chia̍h-pn̄g』多過『chia̍h pn̄g』。二式朗眞四常。
|
地名・水名
雲林水林食水堀ᴾ ㊟
相關个詞
Chia̍h-chúi-khut
|
|
GÍ-SÛ
**lah
·lah ·la ·*là là |
語詞
啦
⭕
Ⓚ
拉
⭕
Ⓚ
親成漢字
Ｘ |
|
論詞理、《白話典》有收語氣詞「·la、·lah」『表示肯定，無固定聲調』『表示叮嚀，輕聲中調或低調』。閣有語氣詞「là」『表示很肯定，意思堅定』『表示不相信或不同意，反諷』。另外夭有語氣詞『lā-·à』『lă-·à』『là ·ho͘ⁿ』、相關。閣有助詞「·la、·lah」『表示完成，隨前輕聲變調或固定低調』、着是『Chhoân hó-sè ·ah』彼个 ·ah（請看）个先体。閣有助詞「·la、·lah」『用於列舉事項之後，輕聲中調或低調』。咱求利便、將者个詞拾鬥陣。照講只卦詞个用字丸那眞重叠。
流行歌詞寫『啦』。〈思想起〉許丙丁版本（大王唱片）有寫『拉』『啦』。《台日》甲李献璋《福建語讀本》寫『喇』。王育德《常彚》寫『啦』。拱樂社个戱文有寫『啦』（節烈）『拉』（金銀、德化、兩世、流浪、黒染、空愛情）『𫼚』（黒染）『ラ』（金銀、碎心）。現代台灣社會大常寫『乎乾啦』云云。『拉』嗎加減有人寫。助詞「·lah」、一九二〇年代《台灣語典》丸那收做『拉』。請看下脚。今台文「拉」字通講不時朗是音字。『啦』彼个口（khió-、khó͘-）字平有影是加个。
論羅字、『lah』咱共看做起毛志体、無注調・無注輕調。下調个「**lah」寫做『là』不那有基礎（教會報）、閣凡世上條直。那無、那有塊注輕調、『·la』『·lah』（甲 ·*là）仝欵意思、嗎朗有基礎、夭咱建議寫『·lah』（--lah）。第一、『--lah』甲起毛志体『lah』使用基礎上厚。第二、那無寫『là』、無注輕調个人自然着寫『lah』。有注輕調个人那寫『--lah』即相對甲因恰一致。第三、輕調卜樵注乎正確無簡單、眞多人注袂好世。咱有卜注个時那寫『--lah』、注漏交亞是注重担个時拵嗎恰無要緊、比論講、袂産生『*la』彼欵錯誤。
《台灣語典》（台省文委會版）有收「拉」『爲已定辭』、例詞『食拉』『困拉』。呂宋《西支》有收「VETE, DIÇHO CON AMOR」（DIÇHO～DICHO）『去𦛨』（*khù lá）甲「BASTA YA」『好𦛨』（*hó lá）云云。
|
相關个詞
·ah ("chhoân hó-sè ~")
相關个字
拉
ラ (良) |
|
GÍ-SÛ
a-
A- *á- |
語詞
阿
⭕
Ⓒ
呵
啞
Ⓚ
唖
親成漢字
阿 |
|
叫親人亞是人名个接頭詞。泉語有講「á-」。現代台語講「a-」、不知咁夭有人講「*á-」。現代約束漢字『阿』。《台日》寫『阿』。只字照講是親漢字。請看下脚。本地歌仔有冬時仔寫『仔』Ⓚ、不知咁是塊寫「*á-」。《荔鏡記》『啞娘』『啞媽』凡世主要（亞是全部）是塊寫潮州語、不閣呂宋《西支》（AG 部）嗎有寫『亜公』（*â kong）『亜婆』（*â pô、用 "冫"）云云。恒春有一間海産餐厛号做『亜發師』（亞～）。「A-、á-」有一坎鏨時行寫做『呵』、到甲二十世紀即換做『阿』。有關「a-」甲「á-」个語史、請看「án-、ín-」。
今不那台語・客語・廣東語、照《中華漢方典》來看、吳越語甲逐位个官話朗有『阿～』个講法。中古漢文嗎有寫『阿母』『阿爺』『阿奴』云云。「阿」字《廣韻》烏何切、屬歌韻、對應台語 o（漢）*oa（古）。不閣「a-」含漢文「阿」字照講正實有血緣。音理上、「阿」字治客語甲全唐山眞多語言內底那像朗落鍊啞、發展了無正常。主流台語「阿」第一調、甲潮州語一致。泉語有个腔口講「á-」無講「a-」。請看「án-、ín-」。台灣島內、四縣客語第一調、海陸客語第七調。廣東語上去聲（～第三調）。
照台史數位舘所收个契字甲總督府个職員錄來看、台灣客語『A-、Å-』上少治清・日時代有寫做『亞』『亜』。
論大細本字、那人名、傳統台羅字大常寫『A-hôa』『A-bêng』云云、接頭詞固定用大本字、語根顚倒固定用細本字。台文運動以後漸漸有恰多人寫『A-Bêng』、接頭詞甲語根朗用大本字。甚至有人寫『a-Bêng』、干礁語根用大本字、接頭詞用細本字。今傳統台羅字介成罕得允凖連劃後尾寫大本字、總是人名干礁接頭詞用大本字簡那嗎無介合理。兩難。請看「Tiuⁿ Kán」。
|
相關个詞
án-, ín- (接頭詞)
a-phiàn A-kâu Tiuⁿ Kán
相關个字
亞、亜
阿、呵 |
|
GÍ-SÛ
bān
Bān |
語詞
萬
⭕
Ⓒ
万
⭕
Ⓒ
親成漢字
萬万 |
|
數詞。台灣不二形字大常寫『萬』。
有關連劃、請看「chheng」。
|
相關个詞
chheng (千)
相關个字
萬、万、卍
|
|
GÍ-SÛ
bat
pat |
語詞
識
⭕
Ⓗ
八
⭕
Ⓚ
親成漢字
Ｘ |
|
南管普遍寫『八』。孤節个「bat、pat」、歌仔册寫『識』恰多、不閣「m̄ bat、m̄ pat」定定寫做『～八』。『識』有幾落本共伊印做『職』。《台灣語典》（一）寫『八』。
越南語『BIẾT』（別、别）意思甲「bat」重疊、聲韻調表面上有對應、凡世仝原。台語「bat」・越語『BIẾT』減彩是漢文「別」字「八」字个親成詞。「八」字頂古漢文《說文》注解『别也象分别相背之形⋯⋯』、也着是講、漢文「八」字用塊寫數詞「八」（SAGART・BAXTER 推構音 *pˤret）是借音字。不閣 pat 是「八」字个台灣漢音、不是早音。此惡解說。治者咱先共「八」字凖做借音字。是講「八」字字形云那會講話。日語『わかる』一般嗎是寫做『分かる』。
|
相關个字
曾 (cheng)
曾 (chêng) |
|
GÍ-SÛ
chai
|
語詞
知
⭕
Ⓒ
親成漢字
知 |
|
少數个唐山歌仔册寫『哉』Ⓚ。
|
|
GÍ-SÛ
che
|
語詞
這
⭕
ⓗ
此
⭕
Ⓗ
親成漢字
Ｘ |
|
建議寫『此』亞是羅字。台大圖書舘所收藏个歌仔册、有 130 本寫『這是』・63 本寫『此是』（2019 年尾查）。『此』是塊訓用古漢文。『這』是塊訓用官話文。台文在來主要訓用古漢文、恰罕得訓用外文。「Chhēng」寫做『穿』是反例。不閣想會到、「chhēng」那寫做『着』、驚「着」字接載袂條。「Che」寫做『此』都無彼欵問題。請看「he」。
「Che」照講是「chit-e」个合（kap-）音、亞是「chit-e」个合音兼「chia ·ê」个合音。
本地歌仔《陳阿祿𤆬親》有寫『令苦不通趁此錢』、用着指示詞「che」。
杜建坊先生寫『茲』Ⓗ。
|
相關个詞
he (彼)
chit (只) chit ê
相關个字
這
|
|
GÍ-SÛ
chē
chōe |
語詞
多
⭕
Ⓗ
親成漢字
Ｘ |
|
約束字『多』。歌仔册有一半本仔寫『最』Ⓚ。拱樂社个戱文有寫『寨』Ⓚ（母之罪）『夛』（杜諒梅）。請看「多」（字）。
台北个山內有人講「chō̤e」。主流泉語講「chōe」、云那第七調。
|
相關个字
多
|
|
GÍ-SÛ
chheng
|
語詞
千
⭕
Ⓒ
親成漢字
千 |
|
論連劃、傳統台羅字有寫『chi̍t chheng saⁿ pah』云云。『Cha̍p bān』云云。干礁「kúi-cha̍p-kúi」即恰袂使無連劃。另外、傳統台羅字『chi̍t chheng bān』『chi̍t chheng-bān』朗有寫（教會報）。
|
|
GÍ-SÛ
chiah
*chiàⁿ |
語詞
即
⭕
Ⓚ
卽
者
⭕
Ⓚ
親成漢字
正 |
|
「Ài piàⁿ chiah ē iâⁿ」（愛拼即會嬴）云云。甲客語『CHANG』（正）・潮州語『CHIÀᴺ』仝原仝義、親漢字「正」字。潮州語寫『正』个欵、不閣台文大多數借「即」（卽）字「者」字。歌仔册少數寫『者』Ⓚ『隻』Ⓚ、大多數寫『即』（卽）。拱樂社个戱文普遍寫『者』（三潭印月、母之罪）。《天涯遊龍》有寫『正』。呂宋《漳語 ARTE》有寫『即』（*chiah）。那寫『正』、「chiah」甲「chiàⁿ」驚了會相搶。那塊寫漢羅、「chiah」特別適合寫做羅字。
「Tú-chiah」高・陳（1956）共伊介紹做「tú-chiàⁿ」「tú-chiah」双音。今島內「-chiàⁿ」个音以經無去啞。
「者」字通講是 ch + ia 个音節个約束卡那、無論調。「即」字本成照講無讀 chiah。請看「即」（字）。
|
相關个詞
*kah ("Tâi-oân ~ sī lán ê kok-ka")
tú-chiah
相關个字
即
|
|
GÍ-SÛ
chiàu
|
語詞
照
⭕
Ⓒ
親成漢字
照 |
|
GÍ-SÛ
kiáⁿ
|
語詞
子
⭕
Ⓗ
仔
Ⓣ
親成漢字
Ｘ |
|
無親成漢字。約束字『子』。只字到二十一世紀由原有通行。陳義仁（2010）《下港阿媽》（尫仔册）寫『子』。
呂宋《西支》寫『子』。嘉靖《荔鏡記》寫『仔』。現代「-á」（請看）是「kiáⁿ」个變体。
《集韻》（北師版）有收「囝」（九件切）『閩人呼皃曰囝』、含「件」字「變」字仝韻。不閣『囝』不是通行漢字。《廣韻》《東國正韻》無收。台文『囝』在來專用塊寫「囝仔」（gín-á）。
|
相關个詞
-á (仔)
gín-á |
|
GÍ-SÛ
hia
|
語詞
靴
⭕
Ⓚ
叱
⭕
Ⓣ
親成漢字
Ｘ |
|
稻江腔「hiă」。歌仔册大多數寫『靴』。有幾那本寫『化』Ⓣ『叱』。請看下脚。拱樂社个戱文有寫『瓦』（金銀天狗）『吪』（皇帝充軍、中興大夏）『叱』（母之罪）。黃石輝先生八主張共「hia」寫做『吪』、「chia」寫做『嗟』。請讀〈言文一致的零星問題〉。月球《邱罔舍拼脫線》（笑詼劇）第三集有寫『叱』。借「瓦」字介水氣、總是「瓦」字在來用塊寫空聲母 oa（尤其第二調）个音節。建議寫羅字亞是『叱』『靴』。
『吪』是共「靴」（hia）字借做音符『化』了後鬥口字平。動詞「hoah」嗎有寫做『吪』、不閣是塊借「化」字个音。啞台文『叱』是『吪』个簡省体（嗎是「吒」字个別形）。『靴』『吪』『叱』只三式、『靴』上條直、不閣恰厚劃。『叱』上省劃・挑弄。『吪』無『靴』靴條直、嗎無『叱』靴簡省、而且音符用『化』、人自然會讀對 h + oa 去。咱那嫌『靴』厚劃、歸氣共伊省做『叱』。台文『叱』是『吪』个簡省体、啞漢文『𠤎』生成是「化」字个別形。總是咱看着『叱』（亞是『靴』）恰袂想對 h + oa 去。『靴』恰條直・恰通光、不閣「hia」「hiah」「hia ê」介常用・介基礎。寫『叱』無的確會和。
會文堂《新𠜇過番歌》有寫『尔今叱来伊叱去』、「尔」字字形小可各樣、「叱」字用『匕』、倒平無統出去。開文《新出過番歌》寫『爾今叱來伊叱去』、「叱」字頭擺用『匕』（無統出去）、第二擺用『𠤎』（有統出去）。捷發《最新牧童樵子相褒歌》『愛卜上山通化損』甲玉珍《曾二娘燒好香歌》『通干害夫力來問 力去北皮袋粗糠 貪着別人好化損 無想親尫恰久長』甲廣榮社《最新探親結緣新歌》『聽人塊呌幾落句 緊提衫仔伴身軀 乎伊店化但眞久 皆看都是阮姉夫』、「化」字應該朗是塊寫「hia」。仝欵、周協隆《最新四十八孝歌》有寫『化有鯉魚厚々崇』。玉珍《尫某看博覽會新歌》有寫『化有磅仔塊磅重』。會文堂《二十步送妹歌》寫『一張批信無處寄 瞑日思想治哥彼』、「hia」寫做「彼」字。
|
相關个詞
hiah (靴、叱)
hia ê, hia ·ê chia (者) hoah (喝) hia-pai...
相關个字
瓦
叱 化 |
|
GÍ-SÛ
hiah
*hah |
語詞
靴
⭕
Ⓚ
吪
Ⓣ
叱
⭕
Ⓣ
親成漢字
Ｘ |
|
「Mài siūⁿ hiah chē」云云。歌仔册寫『靴』恰多。拱樂社个戱文有寫『吪』（合寶金錢會、火煙新作、江山美人、皇帝充軍）『叱』（母之罪）。張玉成《高雄苓雅大菜市大火災歌》「安居」（an-ki）都押 -i（-iⁿ）韻、「hiah」由原寫做『吪』。請看「hia」。
文献那寫『化』、彼恰多照講是塊寫泉語仝義詞「hoah」。
|
相關个詞
hia ê, hia ·ê
hia (靴、叱) chiah (者、隻) hoah (喝) |
|
GÍ-SÛ
hoaⁿ-hí
|
語詞
歡喜
⭕
ⒸⒸ
欣喜
親成漢字
歡喜 |
|
論連劃、傳統台羅字寫『hoaⁿ-hoaⁿ hí-hí』、罕得寫『hoaⁿ-hoaⁿ-hí-hí』。
|
相關个字
歡、欢
|
|
GÍ-SÛ
sim
|
語詞
心
⭕
Ⓒ
親成漢字
心 |
|
GÍ-SÛ
ji̍t
|
語詞
日
⭕
Ⓒ
親成漢字
日 |
|
GÍ-SÛ
nn̄g
|
語詞
二
⭕
Ⓗ
兩
Ⓒ
两
親成漢字
兩两 両 |
|
傳統內山音「nō͘」。《雅俗通》「*nō」。主流泉語「nñg」、第六調。約束字『二』。《千金譜》《台日》寫『二』。呂宋《西支》（AM 部）甲嘉靖《荔鏡記》寫『二』。清・日時代个台灣歌仔册專寫『二』。唐山歌仔册甲中華時代新竹竹林（Tek-lîm）个歌仔册、少數寫『兩』『两』、多數寫『二』。流行歌詞『兩』（綴中文）『二』朗有寫。道教科儀普遍寫『二』。現代漢羅著作有个寫『二』（陳雷・圖書館 ê 秘密）。台灣地名寫『二』。
《千金譜》『兩乳』、《日台千金譜》記音「liáng jú」。許克綏先生讀「lióng leng」。
|
地名・水名
台南市內二百戶
彰化埔心二抱竹
相關个詞
saⁿ nn̄g
|
|
GÍ-SÛ
saⁿ
|
語詞
三
⭕
Ⓒ
親成漢字
三弎 參 |
|
GÍ-SÛ
kòe
kè |
語詞
過
⭕
Ⓒ
过
ⓒ
親成漢字
過 |
|
不二形字專寫『過』。自由字定定寫『过』。
|
相關个詞
Kòe-khe, Kè-khoe
|
|
GÍ-SÛ
liáu
|
語詞
了
⭕
Ⓒ
親成漢字
了 |
|
GÍ-SÛ
lín
|
語詞
恁
⭕
Ⓣ
親成漢字
汝Ｘ |
|
應該是「*lí-lâng」（汝人）个合（kap-）音。檳榔嶼福建語講「lú-lâng」。四百冬前个呂宋漳州語講「*lún」（西支）。近代台語無講「*lún」。
|
相關个詞
goán, gún (阮)
in (因) |
|
GÍ-SÛ
m̄ thang
|
語詞
不通
⭕
ⒽⒸ
不可
ⒽⒽ
親成漢字
Ｘ通 |
|
有合音体「bang、bâng」。
|
相關个詞
m̄ (不)
|
|
GÍ-SÛ
mn̄g
|
語詞
問
⭕
Ⓒ
親成漢字
問 |
|
GÍ-SÛ
ná
|
語詞
那
⭕
Ⓚ
親成漢字
Ｘ |
|
副詞、「sán kah ná kâu」云云。
|
|
GÍ-SÛ
í-keng
|
語詞
己經
已～ 巳～ ⒸⒸ
以經
⭕
ⒸⒸ
親成漢字
巳經～経 以～ |
|
《台日》甲王育德《常彚》寫『己經』（～経）。歌仔册多數寫『己經』、少數寫『以經』亞是『巳經』ⒸⒸ（瑞成・勸世模範埋狗勸夫新歌、瑞成・最新流行香閨春怨歌）。拱樂社个戱文有寫『以徑』（天涯、三潭、孤兒）。鄭進一流行歌〈無意無思啦〉由原寫『己經』个欵、無照車輦仔字。在台文甲台灣漢文、『己』『已』生成仝字各形 、有時仔閣含「巳」字濫濫做伙。請看「己、巳」字。
在來寫做『己』个只个 í-、干礁二个常用詞有用着、着是「í-keng」含「put-tek-í」。台語「í-」（以）在來不是孤節个單詞。參《台日》（頂 48）都無收。咱那照台文个次流共「í-keng」寫做『以～』、『己』着通好讓乎「知己」彼个「-kí」。按呢分恰條直、「欠点」是甲中國語『已～』無對同。
|
相關个詞
put-tek-í (不得以)
相關个字
己、巳 (í)
以 經、経 |
|
GÍ-SÛ
kah
*kà |
語詞
甲
⭕
Ⓚ
至
⭕
Ⓗ
親成漢字
Ｘ |
|
「Khùn kah m̄ chai lâng」云云、「kàu」个省音・變体。照講實際个音是「kà」、不閣羅字台文在來寫『kah』。請看下脚。《台日》寫『到』、記音「kah」、凡世是照書面『kah』。永拵个文献會寫『困甲～』、嗎會寫『困到～』『困至～』。頭項確定是「khùn kah ~」、第二・三項有可能是卜寫「khùn kah ～」、嗎有可能是卜寫「khùn kàu ～」、嗎通講是由在讀者。請看「kah ná」。咱建議「kah」着寫做『甲』『至』亞是羅字、將『到』留起來寫「kàu」。「Kàu kah」四角字建議寫做『到甲』亞是『到至』。
歌仔册有幾那本寫『到至』。有一半本仔寫『行到々港墘』『刣到甲一拵』云云。本地歌仔《大拜夀》有寫『圓柱カ金樑彩畫』甲『自古至今人傳名⋯⋯カ今傳过透京城』、用日本片假名『カ』塊寫「kah」。
一九七〇年代進前个台文寫『kàu』恰多。現代台文寫『kah』恰多。『Kah boeh sí』『kah boeh 死』恰有人寫。罕得有人寫『kàu boeh sí』。『Kah』不那只馬恰主流、一九七〇年代進前嗎加減有人寫（出死線："chhiò kah chin tek-ì"）。現代台語有講「kàu kah」（～kàu kà）、代表講「kah」有演變、今意思薄去、那干礁講「kah」、意思簡那無到。「Kah」《白話典》寫做『kà』、丸那有理。「Kah」是第三調「kàu」个變体、寫做『kà』反射原体个聲調。閣有、寫做『kah』个語詞太多啞、只个「kah」那寫做『kà』、『kah』彼平會凍減一項。不閣到今罕得有人寫『kà』。
論音、菲律賓福建語講「thiàⁿ kà beh sí」、無講「*thiàⁿ kah beh sí」（網路開講組私下請教）。那主流菲律賓福建語、-h 个音節用橫調个時由原有喉撻音。
「Kah」有語流變体「gah」「ah」（海口腔、杜建坊、公開面册、2018）「á」（鹿港語、高起調、許嘉勇、杜文下底）。鄭煙樹俗語有寫『牙』、着是借借音字塊寫「gah」。
|
相關个詞
kah ("~ lí í-keng chai")
kán-ná, kah ná kàu (到)
相關个字
カ
加 |
|
GÍ-SÛ
ōe
|
語詞
話
⭕
Ⓒ
親成漢字
話 |
|
論連劃、傳統羅字台文慣勢寫『Tâi-oân ōe』『Ji̍t-pún ōe』云云。嗎有人加揷一个連劃。
|
|
GÍ-SÛ
pah
*peh |
語詞
百
⭕
Ⓒ
親成漢字
百 |
|
主流漳語「pæh」。《台日》有收「peh」（百）『百』（日語）。印尼語『CEPEK』（～一百）『NOPEK』（～二百）是二手漳語借詞、共巴城（JAKARTA）馬來語借个、間接詞原漳語「*chi̍t pæh」「*nō pæh」云云。
論連劃、請看「chheng」。
|
相關个詞
chheng (數詞)
|
|
GÍ-SÛ
kiâⁿ
|
語詞
行
⭕
Ⓒ
親成漢字
行 |
|
GÍ-SÛ
sí
|
語詞
死
⭕
Ⓒ
親成漢字
死 |
|
GÍ-SÛ
siá
|
語詞
寫
⭕
Ⓒ
親成漢字
寫冩 |
|
GÍ-SÛ
ka-tī
ka-kī kai-kī *kai-tī *tā-tī |
語詞
加治
⭕
ⓀⓀ
加忌
⭕
ⓀⓀ
自己
Ⓗ
～已 ～巳
皆忌
ⓀⓀ
皆治
ⓀⓀ
加己
ⓀⓀ
～已 ～巳
親成漢字
ＸＸ |
|
詞原無定着。《千金譜》寫『自己』。歌仔册寫『加治』『加忌』『自己』『皆忌』『皆治』『加己』『加記』ⓀⓀ『加自』云云。拱樂社个戱文有寫『加治』『～忌』云云。那塊寫漢羅、「ka-kī、ka-tī」寫做羅馬字即合理。那卜寫假名、『加忌』（ka-kī）『加治』（ka-tī）上有基礎。『自己』二字在來有冬時仔塊寫「chū-kí」、有冬時仔塊寫「ka-kī」「ka-tī」云云。有冬時仔干礁寫个人加忌知。『自己』留起來寫「chū-kí」恰直。
『家己』是中文界个寫法。「家」字「己」字含「ka-kī、ka-tī」無血緣。請看下脚。不閣《英厦》（187）「ka-kī chū-chú」有寫做『家巳自主』、雖然 466 葉收「SELF」『自己』『ka-kī』。古早泉語講「*tā-tī」、寫做『獨自』『独自』。呂宋《西支》「EL MESMO」（～EL MISMO）有注解『独已』（*ta̍k kí）『伊独已』（*i ka tī）云云。「YO MESMO」（～YO MISMO）有注解『独自』（*to̍k chū）。《漳語 ARTE》有寫『佳已』『佳巳』、声調惡確定。閣有『獨已』（*ta̍k kí）『自家』（*chū ke）『自已』（*chū kí）。潮州語講『KA-KĪ』、後節第七調。「*Tā-tī」打算含「ka-kī」「ka-tī」『KA-KĪ』仝原。
漢文「己」字在頂古支那語用清聲母（請看 BAXTER・SAGART 2014）、甲「-kī」無對應、「-tī」閣恰免講。「家」字漢文音 ka（泉、厦）ke（漳）、總是「ka-kī、ka-tī」是眞基礎・眞古早个口語語詞、無可能用着漢文音（ka）。
古早戱文『交己』照講是潮州話文。
|
建議
ka-tī ⇄ 加治
ka-kī ⇄ 加忌 kai-kī ⇄ 皆忌 kai-tī ⇄ 皆治
相關个詞
-ki-ki
-kì-kì
相關个字
加
治 忌 己 |
|
GÍ-SÛ
siōng
siāng |
語詞
上
⭕
Ⓚ
親成漢字
Ｘ |
|
「Siōng hó」云云。近代約束字『上』。咁是親成漢字、欠証明。請看下脚。
Siōng・siāng 是「上」字个台語漢文音、按尾鏨个中古支那語來。不閣通行漢文無用「上」字塊表達「最」个意思。除起漳泉語甲潮州語、唐山諸語嗎無用「上」字个親成詞塊講「最」（中華漢方典、現代漢方典）。台語「siōng、siāng」（語詞）甲漢文「上」字大概有血緣、不閣此欠証明。咱先將『上』當做借音字。
火星中文寫『尚』是爲着卜讓字。「上」字中國語成活・成常用。
呂宋《西支》（MA 部）有寫『尚』（*siāng）『尚歹』。
仝只个意思、潮州語有講『SIÃNG』、第六調（潮詞滙 465）。不閣潮語「尚」字丸那讀 SIÃNG、第六調（擊木知音）。
|
相關个詞
siōng bóe, -bé, siāng-
|
|
GÍ-SÛ
só͘-í
|
語詞
所以
⭕
ⒸⒸ
親成漢字
所以 |
|
GÍ-SÛ
tāi-chì
|
語詞
代志
⭕
ⓀⓀ
事志
⭕
ⒸⓀ
事誌
ⒸⓀ
代誌
ⓀⓀ
大志
ⓀⓀ
親成漢字
事Ｘ士Ｘ |
|
「Tāi-」親成漢字「事」字。「-Chì」詞源無定着。南管寫『事～』。歌仔册寫『代～』恰多。『～志』並『～誌』恰主流眞多。流行歌丸那寫『代～』、不閣後字換做寫『～誌』恰多。大概寫『～志』有沖着中國語語感。那塊寫漢羅、「tāi-chì」特別適合寫做羅馬字。
寫『事～』有一好・無二好。「Tāi-chì」寫做『事志』眞穩凍、不閣單詞「tāi」那寫做『事』、會甲「sū」相搶。寫羅字亞是假名（代志、代）恰直。
|
相關个詞
tāi (代、事)
|
|
GÍ-SÛ
thiaⁿ
|
語詞
听
⭕
ⓒ
聽
Ⓒ
聼 ⭕ ⓒ 聴
親成漢字
聽聴 |
|
光緒《千金譜》主要寫『聼』。『聴』寫一半擺仔。不二形歌仔册『听』『聽』朗介常用、『听』簡那恰常用卦。陳義仁《下港阿媽》有寫『𭇓』。《寶鑑》thiaⁿ 收『聼』。請看「聽、聼、听」（字）。
《教會報》594 号（1934）Koa Î-su〈Hàn-bûn thiⁿ u̍ih piàn-jī〉有寫『听聲』。
|
相關个字
聽、聼、听
敢 |
|
GÍ-SÛ
tòa
|
語詞
帶
⭕
Ⓚ
親成漢字
Ｘ |
|
「Tòa tó-ūi」云云。動詞兼功能詞。歌仔册大多數寫『帶』。有幾落本寫『滯』Ⓣ。《甘》寫『住』、無記述性、照咱所知。《台灣語典》（一）寫『帶』。呂宋《西支》（AG 部）有寫『留𢃄』（*lâu tòa）。
台灣客語『TAI』（第三調）仝意思、聲韻調對同、減彩仝源。不閣《客法》《客英》簡那無收。
|
|
GÍ-SÛ
tùi
|
語詞
對
⭕
Ⓒ
对 ⓒ
親成漢字
對 |
|
相關个字
對、对
|
|
GÍ-SÛ
ūi-tio̍h
|
語詞
爲着
⭕
ⒸⒸ
為～
親成漢字
爲著為～ ～着 |
|
相關个詞
tiāⁿ-tio̍h
tit tio̍h
相關个字
爲、為 (ūi)
着 |
|
GÍ-SÛ
kiò
|
語詞
呌
⭕
Ⓒ
叫 ⭕
親成漢字
叫呌 |
|
有關字形、請看「叫、呌」（字）。
|
相關个字
叫、呌
|
|
GÍ-SÛ
khoán
|
語詞
欵
⭕
Ⓒ
款
Ⓒ
親成漢字
款欵 |
|
「Chi̍t lâng chi̍t khoán miā」云云。《台日》甲王育德《常彚》寫『欵』。歌仔冊寫『欵』恰多、『款』嗎有常用。中古漢文二項朗有寫。有關字形、請看「欵、款」（字）。
拱樂社个戱文（碎心記）有借「勸、劝」字來代替「欵、款」字。
|
相關个字
欵、款
|
|
GÍ-SÛ
m̄ sī
|
語詞
不是
⭕
ⒽⒸ
親成漢字
Ｘ是 |
|
論連劃、『m̄-sī』是主流、『m̄ sī』是次流、特別治一九七〇年代以後。二式朗有基礎。
掠嚴講、台語「不是」是單詞、不是單詞「不」鬥單詞「是」。單詞「不」意思是『不肯；不要；拒絕』（白話典）。甲客語『M̀』・廣東語『唔』無仝、台語單純代表『NOT』个「m̄-」只馬不是單詞、袂凍獨立使用。現代台語無講「*m̄ hoaⁿ-hí」「*m̄ sêng」「*m̄ bái」。不閣古早學老語「*m̄、*m̂」大概會凍按呢用。今「m̄ sī」「m̄ thang」「m̄ bat」「m̄ tio̍h」「m̄ káⁿ」是彼坎鏨个化石。共時（SYNCHRONICALLY）來講、現此時者个語詞是單詞。《白話典》寫『m̄-sī』、照講是只个理由。總是台語个連劃不八完全照語詞个隔界塊揷。台語語詞甲詞組个界線也無講眞清楚。
|
相關个詞
m̄ (不)
|
|
GÍ-SÛ
Tâi-oân
|
語詞
臺灣
Ⓚ㊟
台灣
⭕
Ⓚ㊟
台湾
Ⓚ㊟
臺湾
Ⓚ㊟
台員
⭕
ⓀⓀ
親成漢字
Ｘ㊟ |
|
十七世紀頂半圭、漢文文献有寫『大員』『臺員』云云。「Tâi-oân、*Tāi-oân」詞原無定着。翁（Ang）佳音・曹銘宗（2016）主張講「Tâi-oân」个詞底是「tāi-」（大）kap「oan」（灣）。荷蘭人八寫講台江內海是一个『GROOTE BAYE』（～英語 GREAT BAY）、夭一六二〇年有一張地圖記『TAYOUAN』、寫帶只堀水。總是台灣海峽語「tāi-」還 tāi-、「tōa」還 tōa。生理人甲討海人个口語地名・水名那會無代無志宅書面語「tāi-」來鬥、此眞欠解說。另外、傳統台灣地名內底、「oan」一般个意思是「chúi khiau-oat ê só͘-chāi」（甘）。不閣請看「Tōa-oan」。夭設使「-oân」个詞底正實是「oan」（灣）、路尾會變做「-oân」嗎是欠解說。不閣請看「Se-á-oân、Se-á-oan」。「Tâi-oân、*Tāi-oân」个詞底大概是在來个和老話、雖然無一定是「*大灣」。
全羅《教會報》有 18 篇寫「Tāi-oân」。在口語、詞底先無論、「Tâi-oân」个原形減彩是「*Tāi-oân」。那照泉音借字、「*Tāi-oân」寫做『大～』『臺～』朗會通。那漳語甲主流現代台語、「Tâi-oân」甲「*Tai-」仝音。只个音眞有可能對書面『臺灣』『臺員』來。論發音、現此時有人講「Tai-oân」（～Tāi⁺-oân）、嗎有人講「Tāi-oân」（～Tài⁺-oân）。設使漳州底个腔口講「Tai-」、夭泉州底个腔口講「Tāi-」、既然「臺、台」字治者是借音字、只个聲調个爭差應該是對漢字个字音來。換話講、那「Tâi-oân」是四百・四百外冬前單純直接按先住民語音譯个、前節个聲調應該無可能産生「漳泉差」。
|
相關个詞
Se-á-oân, -oan
Oân-·lin Tân-kau Tōa-oan Ki-lí-gān
相關个字
臺、台 (tâi)
灣、湾 戀、恋 |
|
GÍ-SÛ
Tâi-gí
Tâi-gú |
語詞
台語
⭕
㊟Ⓒ
親成漢字
㊟語 |
|
口語用詞「Tâi-gí、-gú」不知是日語借詞「Tâi-oân-gí、-gú」所生、亞是直接對漢文來。漢文自十九世紀着有「臺語」只个用詞。一八五二年福州人劉家謀《海音詩》有寫着「臺語」。請看潘科元〈臺語、臺灣話名稱十九世紀中就出現佇文獻〉。現代台語「Tâi-gí、-gú」咁對漢文來、欠証明。《教會報》有 59 篇用着「Tâi-gú」、1 篇用着「Tâi-gí」、其中一九三六年 1 篇、春个朗治一九五六〇年代。「Tâi-oân-gú」有 4 篇、朗治日本時代尾二十冬。一九七〇年以前个歌仔册不八寫着『臺語』（台～）『臺灣語』『臺灣話』。
關係台字田內部對「Tâi-gí、-gú」个定義、請看定義集。
|
相關个詞
Tâi-oân
Tâi-lâm |
|
GÍ-SÛ
khòaⁿ kìⁿ
|
語詞
看見
⭕
ⒸⒸ
親成漢字
看見 |
|
論連劃、台文在來寫『khòaⁿ-kìⁿ』多過『khòaⁿ kìⁿ』多多。
|
相關个詞
thiaⁿ kóng
|
|
GÍ-SÛ
-siōng
-siāng |
語詞
上
⭕
Ⓒ
親成漢字
上 |
|
「Piáu-bīn-siōng」「pí-kàu-siōng」「bûn-hòa-siōng ê Tiong-kok lâng」云云。照全羅《教會報》來看、詞組那朗總三節个時（乜乜上）、傳統羅字台文朗有揷連劃。
|
|
GÍ-SÛ
chiah
|
語詞
即
Ⓚ
卽
者
⭕
Ⓚ
隻
⭕
Ⓚ
親成漢字
Ｘ |
|
「Ná ē chiah chē lâng」（那會者多人）云云。甲「chiah-nī」仝意思。歌仔冊寫「即」上多、不閣只个 chiah 含「ài piàⁿ chiah ē iâⁿ」彼个 chiah 會相搶。拱樂社个戱文普遍寫『者』。建議「即」字留乎彼个「chiah」、啞只个「chiah」寫做「隻」亞是「者」。那寫「者」、按呢「chia」「chiah-nī」「chiah-ê」朗會凍用仝只字「者」、甲「hia」「hiah-nī」「hiah-ê」朗用「靴」字亞是「吪」字、二字揀一字。
竹林《男愛女貪相褒歌》有寫『今日路頭來迹遠』。
〈黛山樵唱〉（三六九 67）八寫『合我障好都會散』、「障」字注「讀者」（「合」字注「讀含」）。
|
相關个詞
chiah ("ài piàⁿ ~ ē iâⁿ")
chiah-ni̍h
相關个字
即
|
|
GÍ-SÛ
in-ūi
|
語詞
因爲
⭕
ⒸⒸ
～為
親成漢字
因爲～為 |
|
相關个字
爲、為 (ūi)
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！