台字田

GÍ-SÛ kí-lē kú-lē ＃日語借詞？＃中語借詞？	語詞擧例 ⭕ ⒸⒸ　親成漢字舉例擧～
日語借詞亞是中語借詞。現代台語「舉例」應該主要是共中文借个。請看「pí lē」。瑞成《採花薄情新歌》有寫『我擧一例來批評』。日語有講『挙例』（きょれい）。韓語無講『*擧例』、亞是眞無常用。中語有講『举例』（舉～』。	相關个詞 soán-kí, -kú pí lē (動詞)

GÍ-SÛ

gia̍h
*kia̍h

＃SWADESH 200

語詞

舉 Ⓗ　
擧 ⭕ 　

攑 Ⓣ　
櫸　
㩮　

夯　

親成漢字

Ｘ

動詞、「gia̍h hō͘-sòaⁿ」云云。不是「sēng ti giâ chàu」彼个 giâ。「Gia̍h」照講是「*kia̍h」个變体。注意、夭有人講「giâ hō͘-sòaⁿ」、袂輸含「sēng ti giâ chàu」彼个 giâ 湳做仝詞・無仝意思。只个現象上少有一百冬啞、無中華因素、不閣古早凡世含漳州客語相關。一九二〇年代《增補厦英》（48）「giâ」有注『SAID SOMETIMES FOR gia̍h = kia̍h, TO CARRY IN THE HAND』。請看「giâ」。歌仔册寫『舉』（擧）『夯』『攑』（櫸）恰多。有一半本仔寫『額』Ⓚ『崎』Ⓚ『擎』Ⓗ『𪮉』Ⓣ（會文堂・最新畨婆弄公婆拖合歌）『〓』（⿰扌㪯）。拱樂社个戱文有寫『𢫉』（仇海、天涯）『〓』（⿱埶云、碎心）。。潮州語萬歷《荔枝記》有寫『揭』。有人認定「揭」字是「gia̍h、*kia̍h」个血緣字。此欠証明。《台日》寫『㩮』。《英厦》（417）有寫『攑』。《補彚》寫『攑』（*kia̍h）。今『夯』是「giâ」个約束字、那卜表達「gia̍h、*kia̍h」、寫做『擧』（舉）恰凖・恰直。有關字形『擧』『舉』、請看「soán-kí、-kú」。那「gia̍h」透湳做「giâ」个腔口、二項「giâ」朗寫做『夯』介自然。那塊寫漢羅、只个語詞不止仔適合寫做羅字。

「Gia̍h、*kia̍h」甲「giâ」不知咁仝原。客語『KHIÀ』（第五調）音理上對應「giâ」、意思對應「giâ」甲「gia̍h」。請看「giâ」。

連劃先無論、全羅《教會報》有 18 篇寫「gia̍h thâu」、包含戰後 4 篇。有 64 篇寫「kia̍h thâu」、包含戰後 11 篇。有 1 篇寫「giâ thâu」。傳統台羅字「gia̍h」「giâ」罕得透湳。此照講甲腔口地理相關、無影代表講「gia̍h」是現代即有透湳做「giâ」。

建議

gia̍h ⇄ 擧
giâ ⇄ 夯

相關个詞

giâ (夯)
*Sai-gia̍h-thâu
soán-kí, -kú

相關个字

舉、擧
攑、㩮

GÍ-SÛ

soán-kí
soán-kú

＃日語借詞

語詞

選舉 ⒸⒸ　
～擧 ⭕ 　

親成漢字

選舉
～擧

《台日》寫『選擧』、注講是日語借詞。歌仔册有寫『選舉』『～擧』。表面上、寫『舉』省一劃、不閣字素『〓』（⿻丨二）今干礁用帶『舉』『攑』。咱那寫『擧』、彼个字素着通行收起來藏、減少教育成本。

《教會報》一八九六年（141 号）着有寫「chiong-lâi soán-kí pún-tē Bo̍k-su ê kui-kí」云云。只个「soán-kí」咁是日語借詞、咱無把握。近代意味个「soán-kí、soán-kú」照講是日語借詞無不着。

相關个字

舉、擧
攑、㩮

GÍ-SÛ gia̍h thâu *kia̍h thâu giâ thâu	語詞舉頭 ⒽⒸ　擧～ ⭕ 　夯頭 ⭕ 　攑頭 ⓉⒸ　抬頭 ⓗ　親成漢字Ｘ頭
歌仔册寫『舉頭』（擧～）『夯～』『攑～』。唐山歌仔册有寫『抬～』。《台日》「kia̍h thâu」『頭を擧げる。仰く』寫做『攑頭』、「giâ thâu」『仰むく。仰向く。擡げる。頭を擧げる』寫做『夯頭』。請看「gia̍h」「giâ」。	建議 gia̍h thâu ⇄ 擧頭 giâ thâu ⇄ 夯頭相關个詞 gia̍h (擧) giâ (夯) *Sai-gia̍h-thâu 相關个字舉、擧

GÍ-SÛ

*Sai-gia̍h-thâu

＃地名＃高雄＃高雄州

語詞

獅額頭 ⒸⓉⒸ　

親成漢字

獅Ｘ頭
師Ｘ～

高雄六龜地号名。《堡圖》記『獅額頭』、「額」字注音『ヤ』。

游永福（PIXNET @puumen2727）〈荖濃里長候選人董武慶〉寫講『「大家看，此山形狀，就像獅子舉起頭來，亦即是 [獅舉頭] 是也；而《安平縣雜記》則是以 [獅額頭] 來記錄，因為 [舉] 與 [額] 閩南語音接近。」關於六龜區的「獅額頭」地名，課程伙伴來到現地後，文化工作者董武慶依據他的觀察與研究，比了比山的形狀，給了如此解釋與訂正，可說合情合理──這是民國百零二（2013）年 11 月 23 日的場景了』。

相關个詞

gia̍h thâu...

字形 ? 舉𦦙擧挙举㪯	JĪ-IM kú 漢 kí 漢 kṳ́ 漢 gia̍h 訓 kia̍h 訓	漢文音 kí（漳）kú（厦）kṳ́（泉）。《高十五》記 kí 無記 kú。佳里興黃勁連・關廟黃良成・永康董峰政記 kú。論字形、台灣不二形字『舉』『擧』朗眞常用。《台日》寫『擧』。《寶鑑》收『舉』。《千金譜》寫『舉』。《辛酉一歌詩》有寫『𦦙目』。中古漢文二个字形朗有用着。請參考《集韻》。現此時日本語用『挙』。主流中國語用『举』。中華民國語用『舉』。韓國語用『擧』。『㪯』是近古別形个欵。
	相關个字攑、㩮譽奉相關个詞 gia̍h ("~ hō͘-sòaⁿ")

字形 ? 舉𦦙擧挙举㪯	JĪ-IM kú 漢 kí 漢 kṳ́ 漢 gia̍h 訓 kia̍h 訓	漢文音 kí（漳）kú（厦）kṳ́（泉）。《高十五》記 kí 無記 kú。佳里興黃勁連・關廟黃良成・永康董峰政記 kú。論字形、台灣不二形字『舉』『擧』朗眞常用。《台日》寫『擧』。《寶鑑》收『舉』。《千金譜》寫『舉』。《辛酉一歌詩》有寫『𦦙目』。中古漢文二个字形朗有用着。請參考《集韻》。現此時日本語用『挙』。主流中國語用『举』。中華民國語用『舉』。韓國語用『擧』。『㪯』是近古別形个欵。
	相關个字攑、㩮譽奉相關个詞 gia̍h ("~ hō͘-sòaⁿ")