|
GÍ-SÛ
kí-lē
kú-lē |
語詞
舉例
⭕
ⒸⒸ
擧～ ⭕
祖緣漢文字
舉例擧～ |
|
日語借詞亞是中語借詞。現代台語「舉例」應該主要是共中文借个。請看「pí lē」。瑞成《採花薄情新歌》有寫『我擧一例來批評』。
日語有講『挙例』（きょれい）。韓語無講『*擧例』、亞是眞無常用。中語有講『举例』（舉～』。
|
相關个詞
pí lē (動詞)
|
|
GÍ-SÛ
tiâu-kiāⁿ
|
語詞
條件
⭕
ⒸⒸ
祖緣漢文字
條件 |
|
《台日》注講是日語借詞。《教會報》一九一一年頭擺用着。戰前个台灣歌仔册有用着、不閣唐山歌仔册無、照咱知。「Tiâu-kiāⁿ」大概是直接个日語借詞、嗎有可能是清治時代間接个日語借詞。
|
|
GÍ-SÛ
tiāu
*thiāu |
語詞
兆
⭕
Ⓒ
祖緣漢文字
兆 |
|
《台日》「兆」（tiāu）有注解『（數）兆』。王育德《常彚》嗎是干礁注解『兆』。《厦英》（499）「-tiāu」（～兆）無做數詞。《增補厦英》（229）「chi̍t tiāu」注解『A MILLION』。EMBREE 注解『TRILLION (U.S.) ..., 10¹²』。《白話典》注解『萬億』（～10¹²）。夭《英厦》（314、39、546）『MILLION』『BILLION』『TRILLION』對應「pah bān」「ek」甲「cha̍p tiāu」。《增補厦英》（45）「ek」注解『A HUNDRED THOUSAND; SOMETIMES A HUNDRED MILLION』。全羅《教會報》內面「tiāu」个意思那有甲印度數字（～咱免驚意思約不着去）个時、朗是 10⁶ 个意思、不閣一九一〇年以後簡那朗無用例。看起來「tiāu」本底是 10⁶ 个意思、夭意思 10¹² 个「兆」（tiāu）是二十世紀共日語亞是中國語借个。
越南語常用詞『TRIỆU』（兆）是 10⁶、對應「tiāu」傳統个意思。漢文 LOBSCHEID 有收「MILLION, ONE」『一兆』甲「BILLION, A MILLION OF MILLIONS」『一秭』甲「TRILLION, A」『兆與兆所得又以兆乘之則可謂 TRILLION』
|
|
GÍ-SÛ
iû-lūi
|
語詞
油類
⭕
ⒸⒸ
祖緣漢文字
油類 |
|
EMBREE 有收。汪培英〈Kài-siāu Io̍h-hng〉（教會報 613、1936）有寫『Hō͘ iû-lūi soàⁿ--khì ê sêng-hun (脂肪分解成分)』。全羅《教會報》干礁只篇文有寫着「iû-lūi」。「Iû-lūi」大概按日語來、不閣日語『油類』（ゆるい）無常用个欵。韓語有講『유류』（油類）。
|
|
GÍ-SÛ
soán-te̍k
|
語詞
選擇
⭕
ⒸⒸ
祖緣漢文字
選擇 |
|
《台日》注「文」無注「國」。《厦英》《增補厦英》無收。《白話典》無注講是日語借詞。不閣《教會報》一九一二年即頭擺用着。全羅《教會報》有 97 篇寫着「soán-te̍k」、其中一九五六〇年代 71 篇。
|
|
GÍ-SÛ
jī-hêng
|
語詞
字形
⭕
ⒸⒸ
字型
⭕
Ⓒ㊟
祖緣漢文字
字形 |
|
甲「字骨」（FONT）仝意思个「jī-hêng」（字形、字型）含「jī-im kap jī-hêng」（字形）彼个「jī-hêng」是無仝詞。只二條咱做一困探討。二項朗是二十世紀个借詞个欵。《台日》（頂 739）二項朗無收。全羅《教會報》一九四〇年甲一九五七年有 2 篇用着、朗是字骨个意思。咱建議「jī-hêng」專寫做『字形』。口語無處分、意思閣接近、書面硬卜分、夯枷。請看「hêng」。請看台字田〈定義集〉「jī-hêng」（字形）甲「jī-kut」（字骨）。
韓日 NAVER（網路詞典）有收「자형」『活字かつじを鋳造ちゅうぞうする原型げんけい, 母型』、寫做『字型』。閣有「자형」『字形. ( = 글자꼴)』、寫做『字形』。
《台日》有收「字體」（jī-thé）『字體。書體』。「Jī-thé」《厦英》嗎有收。《教會報》一八九八年頭擺用着。第二擺一九二八年。《台日》夭有收「字骨」（jī-kut）『筆勢。字體。書方。書風』『字義』。《厦英》（255）有收「jī-kut」『THE STYLE OR HAND IN WHICH A WORD IS WRITTEN』。
|
相關个詞
hêng ("nn̄g tâi bô kāng ~")
tián-hêng hêng-thé |
|
GÍ-SÛ
pún-léng
|
語詞
本領
⭕
ⒸⒸ
祖緣漢文字
本領 |
|
《教會報》一九二一年頭擺用着。《厦英》無收。不閣車輦時代个唐山歌仔册有寫。
|
|
GÍ-SÛ
hú
|
語詞
㊟
祖緣漢文字
Ｘ |
|
動詞、「iōng hú-á hú-tiāu」云云。無約束字。《台日新》寫『拊』。《台日》《厦英》無收、嗎無收「hú-á」。《增補厦英》（74）有收「hú-hú」『TO PLASTER; TO RUB』甲「iân-pit-hú」『RUBBER ON END OF PENCIL』、「hú」閣有例句『o͘-pang tio̍h lí hú』甲『jī hō͘ lí hú-bô--khì』、牽漢字『拊』。一九五七年王育德《常彚》有收「hú hî-hú」个動詞「hú」、夭「hú tiāu」个 hú 無收。只二个「hú」減彩是仝詞。請參考《白話典》（193）第二條「hú」。不閣此欠証明。照《常彚》《增補厦英》來看、二項眞有可能無血緣、仝音定定。甲那詞原無定着、只个「hú」寫做羅字亞是假名恰妥當。那在調卡那、h + ú 个音節大概有約束卡那「府」字。夭 h + u（聲調那勿論）个音節有眞多字通借、致到從到今恰無塊借兼調字。
《甘》有收「hú、拊」『ēng chhiú bong, so, áⁿ, phō; tah, phah; khì-kū ê pìⁿ; ga̍k-khì ê miâ』、頭字大本字。「脯」字以外、《補彚》《渡江》《台十五》《高十五》hú（*hú）無收相關字詞。《八音》*hú 無收相關字詞。
「Hú o͘-pang」日語講『黒板をふく』（～拭く）。「O͘-pang hú-á」講『黒板ふき』。
|
相關个詞
hú ("~ hî-hú")
bah-hú
相關个字
撫
府 甫 付 夫 フ (不) |
|
GÍ-SÛ
î-sin
ûi-sin |
語詞
維新
⭕
ⒸⒸ
祖緣漢文字
維新 |
|
《台日》「î-sin」有注「新」、無注「國」（～日語借詞）。歌仔冊大多數寫「維新」。有幾那本寫「移新」ⓀⒸ。「維」字漢音 î（泉、厦）ûi（漳）。全羅《教會報》專寫「î-sin」、自一九〇九年。不八寫漳音「ûi-sin」。
|
相關个字
維
|
|
GÍ-SÛ
chu-sûn
|
語詞
咨詢
⭕
ⒸⒸ
祖緣漢文字
諮詢咨～ |
|
大概是中語借詞、那無、着是日語借詞。全羅《教會報》有 5 篇用着「chu-sûn」、頭擺一九五九年。
中國語寫『咨询』（～詢）『谘询』（諮～）云云。日語現此時寫『諮詢』多過『咨～』。平平是祖緣漢字、寫『咨～』比寫『諮～』恰省工。請看「咨、諮」（字）。
|
相關个字
咨、諮
|
|
GÍ-SÛ
kó-chiap
|
語詞
果汁
⭕
ⒸⒸ
祖緣漢文字
果汁菓～ |
|
大概是戰後共中國語借个。《白話典》注講是共日語借个。請看「chúi-kó」。
韓語有講『과즙』（果汁）。
|
相關个詞
chúi-kó
相關个字
果、菓
|
|
GÍ-SÛ
lí-le̍k
|
語詞
履歷
⭕
ⒸⒸ
祖緣漢文字
履歷 |
|
《台日》注「國」（～日語借詞）、不閣《甘》《厦英》有收。單詞「lí-le̍k」、《教會報》一八九五年頭擺寫。歌仔册有寫『履歷』。
照《白話典》、「lí-le̍k-pió」是中語借詞、夭「lí-le̍k-su」是日語借詞。
|
|
GÍ-SÛ
Pa-lí
|
語詞
巴里
祖緣漢文字
巴里 |
|
法國地名、法語『PARIS』。大概是日語借詞、詞原『巴里』。全羅《教會報》有 38 篇寫着「Pa-lí」、自一九一〇年。大多數（亞是全部）是塊寫只个地名。Lîm Tiâu-khé〈Chheng-liân-hoē kap Kàu-hoē ê koan-hē〉（教會報 574 号、1933）有寫『tī Pa-lí só͘ tēng ê Pa-lí phiau-chún 巴里標準 ū kóng-bêng』。全羅《教會報》夭有 17 篇寫「Pa-lê」、自一九一四年、內底日本時代占 4 篇。《增補厦英》个付錄有收「巴里」（Pa-lí）『PARIS』。
LOBSCHEID（1281）有收「巴利士」、無收「*巴里」「*巴黎」。
|
|
GÍ-SÛ
Tek-pak
|
語詞
竹北
ⒸⒸ
祖緣漢文字
竹北 |
|
舊港庄甲六家庄一九四一年合（kap）做竹北庄。「竹北」只个地名是彼拵産生个。《教會報》一九五六年即頭擺出現。
舊港在治日本体制屬竹北庄、在中華体制屬新竹市。大眉北平屬新豐鄉（中）・竹北庄（日）。
|
行政地名
日本体制竹北庄 ⇄ 中華体制竹北市 ㊟
相關个詞
Tâi-se
|
|
GÍ-SÛ
Se-hong
se-hong *sai-hong |
語詞
西方
⭕
ⒸⒸ
祖緣漢文字
西方 |
|
「Chiūⁿ Se-hong」云云、在來詞。「Se-hong lâng」云云、借詞、《教會報》一九二八年頭擺出現。EMBREE 有收「sai-hng、se-hong」『THE WEST, WESTERN REGIONS』『THE WESTERN HEAVENS OF AMITĀBHA』、後項注講是佛教用詞。地名・世俗用詞「西方」從到今罕得有人講「*Sai-hong」、含「Tang-hong、*Tong-hong」（請看）無對同。
在來詞「西方」「西天」、傳統羅字台文在來有寫做『Se-hong』『Se-thian』、用大本字。
|
相關个詞
sai-hng
tang-hng Tang-hong Tang-iûⁿ Se-iûⁿ |
|
GÍ-SÛ
chúi-chún
|
語詞
水凖
⭕
ⒸⒸ
祖緣漢文字
水準～凖 |
|
中語借詞个欵。《台日》（下 330）《增補厦英》無收。《教會報》一九四〇年頭擺用着。彼篇是寫『レベル (chúi-chún)』、干礁宅「chúi-chún」注解『レベル』。閣來一九四七年。
|
|
GÍ-SÛ
chúi-cho̍k
*súi-cho̍k |
語詞
水族
⭕
ⒸⒸ
祖緣漢文字
水族 |
|
《厦英》（588）有收「chúi-cho̍k」『THE FISHY TRIBES』。《英厦》（19）有收、漢字寫做『水族』。《台日》收「chúi-cho̍k」甲「súi-cho̍k-koán」、二項朗注「國」（～日語借詞）。「*Súi-cho̍k」「chúi-cho̍k-koán」無收。全羅《教會報》有 7 篇寫「chúi-cho̍k」、自一九〇〇年。無半篇寫「*súi-」。有 2 篇寫「chúi-cho̍k-koán」、頭擺一九〇三年。無半篇寫「*súi-」。「Chúi-cho̍k」打算是在來詞。
|
|
GÍ-SÛ
hiong-chhoan
*hiong-chhun *hiang-chhun *hiuⁿ-chhng |
語詞
鄕村
鄉～ ⭕ ⒸⒸ
祖緣漢文字
鄉村郷～ |
|
全羅《教會報》有 123 篇寫「hiong-chhoan」、自一九一三年。有 4 篇寫「hiuⁿ-chhng」、自一九〇六年、尾篇一九三〇年。0 篇寫「*hiong-chhun」。「鄉村」是書面語詞、漳音理論上是「*hiong-chhun」、不閣《台日》（甲 EMBREE）無收。
「Hiong-chhoan」《台日》注「文」無注「國」（～日語借詞）。日本時代个台灣歌仔册罕得寫『鄕村』、唐山歌仔册恰有塊寫。不閣那用帶句尾、朗押 -ng 韻个欵（～hiuⁿ-chhng）。「Hiong-chhoan」大概不是日語借詞、不閣目前咱無把握。「Hiuⁿ-chhng」當然不是。
|
相關个字
鄉
村 |
|
GÍ-SÛ
Lô-má-jī
*Lô-má jī |
語詞
羅馬字
⭕
ⓒⓒⒸ
祖緣漢文字
羅馬字 |
|
打算是書面日語借詞、共日本漢文（≠ 日語白話文）借个。《台日》無注「國」。《教會報》一九〇二年即頭擺用着。
論大細本字、EMBREE 收『lô-má-jī』。全羅《教會報》那像專寫『Lô-má-jī』。請看「Hàn-jī」「Hàn-io̍h」「se-chong」。
論連劃、台羅字在來有寫『Ji̍t-pún jī』『Eng-kok jī』云云、不閣「Lô-má-jī」甲「Khóng-chú-jī」罕得籠縫个欵。此那卜解說？「Ji̍t-pún jī」「Eng-kok jī」意思甲「Ji̍t-pún ê jī」「Eng-kok ê jī」差不多、夭「Ji̍t-pún」「Eng-kok」甲「jī」朗是重点。「Lô-má-jī」「Khóng-chú-jī」含「Lô-má」「Khóng-chú」个關係恰抽象、啞「-jī」不是重点。
|
相關个字
Pe̍h-ōe-jī
Hàn-jī Hàn-io̍h se-chong |
|
GÍ-SÛ
khok-tōa
khok-tāi khòng-tōa |
語詞
擴大
⭕
ⒸⒸ
祖緣漢文字
擴大 |
|
大概是日語借詞、詞原『擴大』（かくだい）、新字体『拡大』。《台日》無收。「Khòng-」是咀音。請看「khok-tiong」。
全羅《教會報》有 20 篇寫着「khok-tōa」、自一九三八年。11 篇寫「khok-tāi」、自一九四八。1 篇寫「khòng-tōa」、自一九五二。
|
相關个詞
khok-tiong...
|
|
GÍ-SÛ
O͘-siông
|
語詞
㊟
祖緣漢文字
烏松 |
|
氣水會社名、一九三一年号个、代先大概先号日語名『黑松』（くろまつ）、『黑松』即閣訓讀做台語「O͘-siông」。從到今罕得有人寫『烏松』。
|
相關个詞
o͘ (烏)
相關个字
黑
|
|
GÍ-SÛ
hong-hiòng
*hong-hiàng |
語詞
方向
⭕
ⒸⒸ
祖緣漢文字
方向 |
|
《教會報》一九二四年頭擺寫。《台日》有收「hong-hiòng」（方向）『方角。方向』。傳統歌仔册無幾本寫「方向」、特別是唐山歌仔册差不多不八寫着。通知「hong-hiòng」大概是日語借詞。
|
|
GÍ-SÛ
liû-he̍k
|
語詞
流域
⭕
ⒸⒸ
祖緣漢文字
流域 |
|
《台日》無收。EMBREE 有。不知是中語借詞亞是日語借詞。中國語『流域』（LIÚYÙ）應該是日語借詞。《教會報》一九四七年頭擺用着。韓語丸那講『유역』（流域）。
「-*E̍k」是中華音。「域」字台灣音 he̍k、無腔口差。
|
相關个字
域
|
|
GÍ-SÛ
tì-kak
|
語詞
智覺
⭕
ⒸⒸ
祖緣漢文字
知覺智～ |
|
《白話典》無注詞原。大概不是日語借詞。大概是台製漢詞、中治時代即産生。《台日》甲 EMBREE 無收。全羅《教會報》不八寫。凡世「ti-kak」（知覺）甲「tì-sek」（智識）是詞原。日語『知覚』（ちかく）有寫做『智覚』、不閣『知～』是主流寫法个欵。韓語『지각』漢字寫做『知覺』。
那台文數位典藏（DADWT）个文庫、一九九〇年以後即有人寫「tì-kak」、夭一九六〇年進前即有人寫「ti-kak」。看起來「tì-kak」是有代替「*ti-kak」。
|
相關个詞
tì-sek
相關个字
智、知 (tì)
覺、斍 |
|
GÍ-SÛ
ài
|
語詞
愛
⭕
Ⓒ
祖緣漢文字
愛 |
|
「Ài piàⁿ chiah ē iâⁿ」「ài khùn」「ài ·tio̍h khah chham sí」云云、在來詞。「Góa ài ·lí」云云、借詞。
「Góa ài ·lí」彼个 ài、《白話典》（6 葉）注講是戰後中語借詞、不閣歌仔册上慢自一九三三年着有『汝今愛我我愛汝』（玉珍・勸世青年了改自由戀愛歌）只欵話句啞。啞《厦英》（3）有收「siong-ài」『MUTUALLY LOVING (AS MAN AND WOMAN)』。
|
相關个詞
ài-kok
ài-jîn |
|
GÍ-SÛ
liân-bêng
|
語詞
聯盟
⭕
ⒸⒸ
連盟
⭕
ⒸⒸ
祖緣漢文字
連盟聯～ |
|
歌仔册寫『聯盟』恰多。有一半本仔寫『連～』。《台日》無收。《白話典》注講「liân-bêng」是中治時代共中國語借个、不閣《教會報》一九四〇年進前着有 95 篇寫着、頭擺一九一四年。建議寫『連盟』。請看「liân-ha̍p」。
現代日語寫『連盟』。韓語・中華民國語寫『聯盟』。主流中國語寫『联盟』。
|
相關个詞
liân-ha̍p
相關个字
聯、联
連 |
|
GÍ-SÛ
thòng-khó͘
|
語詞
痛苦
⭕
ⒸⒸ
祖緣漢文字
痛苦 |
|
《白話典》注講是漢文借詞（亞是日本時代个中語借詞）。《厦英》《增補厦英》無收。《台日》有收「痛苦」（thòng-khó͘）『苦痛。痛苦』、無注「國」「文」。韓語・朝鮮語無講『*痛苦』（*통고）个欵（NAVER、朝鮮典）。傳統歌仔册罕得用着、包含唐山歌仔册。
|
|
GÍ-SÛ
lūi-hêng
|
語詞
類形
⭕
ⒸⒸ
類型
⭕
ⒸⒸ
祖緣漢文字
類型～形 |
|
《白話典》注講是日語借詞。全羅《教會報》干礁 3 篇用着、朗治一九六〇年代。今韓語寫『類型』。中國語寫『类型』（類～）。日語主要寫『類型』、『類形』丸那八有人寫。請看「hêng」「tián-hêng」。
|
相關个詞
hêng ("nn̄g tâi bô kāng ~")
tián-hêng |
|
GÍ-SÛ
Hí-bōng-hong
|
語詞
喜望峰
ⒸⒸⒸ
祖緣漢文字
喜望峯～～峰 |
|
南非州海角名、英語『CAPE OF GOOD HOPE』。大概是日語借詞。全羅《教會報》有 5 篇寫着、自一九〇四年。有 1 篇寫「Hó͘ⁿ-bōng-kak」、治一九二〇年。《甘》个付錄有收「CAPE OF GOOD HOPE」（英）『好望角』（漢）、注台灣音「Hó͘-bōng-kak」、頭節注掞个欵。
現代日語講『希望峰』（きぼうほう）。韓語講『희망봉』（喜望峰）。越南語講『MŨI HẢO VỌNG』（𪖫好望）。中國語講『好望角』（HǍOWÀNGJIǍO）。福建語 WIKIPEDIA（2023 年查）有寫「Hó-bōng-kak」。
|
相關个字
峰、峯
好 (hó͘ⁿ) |
|
GÍ-SÛ
lōe-tē
lāi-tē lāi-tōe Lōe-tē Lāi-tē Lāi-tōe *Lōe-tōe |
語詞
內地
⭕
㊟Ⓒ
祖緣漢文字
㊟地 |
|
《厦英》無收。減彩是大清時代尾个日語借詞。普通名詞「lōe-tē、lāi-tē、lāi-tōe」有二項意思。第一、內山。第二、帝國个母体。《教會報》92 号一八九二年有寫『Ū o͘-bīn-lâng miâ-kiò Pan-iâng, chhut-sì tī A-hui-lī-ka chiu lāi-tē, kīn tī chhek-tō』、「lāi-tē」是內山个意思。52 号一八八九年有寫『Lōe-tē iā chē-chē ūi khì bé; chóng-kiōng ēng ū cha̍p-sì bān gō͘ chheng tiuⁿ』、「Lōe-tē」應該是唐山个意思、是特別（固有）名詞、按「尾省」台灣个立場塊講清國个本体。
《台日》有收「bé-séng、bóe-séng、bó̤-séng」（尾省）『終の省。福建省をいふ』。《台日》有收「lāi-tōe」『內地』、有注「國」（～日語借詞）。閣有「lōe-tē」『內地』、無注「國」。
Tân Chheng-gī〈Iû-le̍k Ji̍t-pún ê Kì-lio̍k〉（教會報 214 号、1903 年）有寫『Kàu ē-po͘ 3 tiám chûn koh kiâⁿ tī Lāi-tōe hái, keng-kè Kiú-chiu kap Sù-kok. Tī Lāi-tē hái siang-pêng ū soaⁿ, chhiū-ba̍k put-chí chhiⁿ-chhùi, ia̍h hó khoàⁿ』。「內地海」着是瀨戶內海（*Lōa-hō͘ Lāi-hái）。
全羅《教會報》有 517 篇寫「lōe-tē」（Lōe-tē）、自一八八九年。75 篇寫「lāi-tōe」（Lāi-tōe）。37 篇寫「lāi-tē」（Lāi-tē）。7 篇寫「lōe-tōe」（Lōe-tōe）。
|
相關个詞
lāi (內)
*Lōa-hō͘
相關个字
內
地 |
|
GÍ-SÛ
hò͘ⁿ-kî
|
語詞
好奇
⭕
ⒸⒸ
祖緣漢文字
好奇～竒 |
|
《厦英》無收。《台日》有收「hò͘ⁿ-kî」『奇を好む。好奇。物好』、無注「國」「文」。傳統歌仔册罕得（亞是不八）用着。《教會報》一九一八年頭擺寫「hò͘ⁿ-kî sim」、一九三五年頭擺寫單詞「hò͘ⁿ-kî」。
|
相關个詞
hò͘ⁿ-hiân
|
|
GÍ-SÛ
chham-ú
|
語詞
參與
⭕
ⒸⒸ
祖緣漢文字
參與～与 |
|
全羅《教會報》有 4 篇寫「chham-ú」、頭擺一九三七年。《台日》（頂 621）無收。韓語有講『참여』（參與）。
|
相關个字
與、与 (ú, í)
與、与 (ū, ī) |
|
GÍ-SÛ
chhiau-kòe
chhiau-kè *chhiau-kò |
語詞
超過
⭕
ⒸⒸ
祖緣漢文字
超過 |
|
《台日》無收。《白話典》注講是中治時代个書面中語借詞、夭《教會報》自一九二〇年代着小可有用着。日語『超過』（ちょうか）是常用詞。不閣《教會報》「chhiau-kòe、chhiau-kè」一九五〇年代即雄雄變眞常用。智識份子一九二三〇年代借「超過」、眞有可能是共中文借个、亞是中文兼日文。
《教會報》有 2 篇寫着「chhiau-kò」。
|
相關个詞
keng-kòe, -kè
相關个字
過、过
|
|
GÍ-SÛ
khèng-chiok
|
語詞
慶祝
⭕
ⒸⒸ
祖緣漢文字
慶祝 |
|
「慶祝」傳統漢文着有寫。台史數位舘清國時代个契字嗎有幾那張用着。不閣《厦英》無收。《教會報》一九一四年即頭擺用着。通知「khèng-chiok」成做口語常用詞是受着日本漢文・中國漢文甲中文个牽成。
全羅《教會報》有 339 篇寫着「khèng-chiok」。內中一九一二〇年代 5 篇。一九三四〇年代 41 篇。一九五六〇年代 293 篇。
|
|
GÍ-SÛ
pì-su
*pì-si |
語詞
秘書
⭕
ⒸⒸ
祖緣漢文字
秘書祕～ |
|
《白話典》注講是日語借詞。《台日》有收「pì-su-koaⁿ」、注「國」（～日語借詞）。無收「*pì-su」。《增補厦英》（171）有收「pì-su-koaⁿ」甲「pì-su-hē」『[pì-su-koaⁿ ê] OFFICE』、無收「*pì-su」。全羅《教會報》有 5 篇寫「pì-su-koaⁿ」、自一九一二年。有 38 篇寫「pì-su」、自一九三三年、內中日本時代 3 篇・中華時代 35 篇。
|
相關个詞
-koán (舘)
pì-bi̍t
相關个字
秘、祕
|
|
GÍ-SÛ
Sèng-tàn
Sèng-tān |
語詞
聖誕
⭕
ⒸⒸ
祖緣漢文字
聖誕 |
|
「誕」字在來有双漢音 tàn・tān。全羅《教會報》有 348 篇寫「Sèng-tàn」、自一九一八年。有 61 篇寫「Sèng-tān」、自一九一六年。那連劃先無論、有 72 篇寫「Sèng-tàn cheh」・57 篇寫「Sèng-tàn choeh」・8 篇寫「Sèng-tān cheh」・1 篇寫「Sèng-tàn-chiat」・1 篇寫「Sèng-tān-chiat」。「聖誕節」除起「Sèng-tàn cheh」一九二三〇年代朗總 5 篇以外、春个朗治車輦時代。一九二〇年代第一篇是共《閩南聖會報》轉刊个、夭第二篇著者蔡培火。台語「聖誕節」照講是中語借詞、夭「聖誕」有可能是中語借詞、嗎有可能是日語借詞。《台日》「Sèng-tàn」無注「國」。請參考潘科元〈聖誕節台語講法〉（公開面册、2020）。
治者教會界到今講「-ch(o)eh」、無講「-chiat」。
LOBSCHEID（381）收「耶穌𧨓」「耶穌降𧨓」、無收「*聖～」。
|
相關个詞
seⁿ (生)
相關个字
誕
|
|
GÍ-SÛ
Tek-tang
*Tek-tong |
語詞
竹東
ⒸⒸ
祖緣漢文字
竹東 |
|
早名「樹杞林」（Chhiū-kí-nâ）。新地名「竹東」是植民者一九二〇年号个。全羅《教會報》八寫「Tek-tong」、上尾擺一九四八年。
|
行政地名
日本体制竹東街 ⇄ 中華体制竹東鎭
相關个詞
Tâi-se
|
|
GÍ-SÛ
hoàn-sióng
hoàn-siáng |
語詞
幻想
⭕
ⒸⒸ
祖緣漢文字
幻想 |
|
《教會報》一九二四年頭擺寫。日本時代朗總 3 篇有用着。韓語有講『환상』（幻想）。
|
相關个字
幻
想 |
|
GÍ-SÛ
chhú-lí
*chhù-lí |
語詞
處理
⭕
ⒸⒸ
祖緣漢文字
處理処～ ～里 |
|
《厦英》無收。《台日》記「chhú-lí」「chhí-lí」（漳）「chhṳ́-lí」（泉）、無記「*chhù-lí」。全羅《教會報》有 10 篇寫「chhù-lí」、自一九四一年。有七八十篇寫「chhú-lí」、自一九三一年。
|
|
GÍ-SÛ
kak-tō͘
|
語詞
角度
⭕
ⒸⒸ
祖緣漢文字
角度 |
|
《台日》無收。《白話典》注講是日語借詞。不閣全羅《教會報》一九五〇年即頭擺用着。是講日語・韓語丸那有講『角度』（각도）。
|
|
GÍ-SÛ
koan-liân
|
語詞
關連
⭕
ⒸⒸ
關聯
⭕
ⒸⒸ
祖緣漢文字
關連関～ ～聯 |
|
《教會報》自一九一二年着有用着、通知「koan-liân」原底不是中語借詞。《增補厦英》有收。《厦英》無。《台日》有收（台）「關連」（koan-liân）『連絡』（日）、無注「國」（～無注講是日語借詞）。
瑞成《勸改酒色新歌》有寫『色甲性命有關聯』、夭玉珍《勸世能的理解社會覺醒歌》寫『色甲性命有關連』。
日語（新字体）『関連』『関聯』朗有寫。韓鮮語『關連』『關聯』朗有寫（朝鮮典）。
|
相關个詞
liân-bêng
liân-ha̍p liân-lo̍k |
|
GÍ-SÛ
si-si
|
語詞
㊟
祖緣漢文字
ＸＸ |
|
詞原日語『シーシー』亞是英語『C.C.』（～CUBIC CENTIMETER）。『シーシー』詞原『C.C.』。拱樂社个劇本有寫『シシ』（花鼓）。『シ』是「之」字个變体。「絲、糸」字通講是第一調 s + i 个音節个約束卡那。
《台外典》有收「si-si」、注講是英語借詞。閣有「sí-si」、注講是日語借詞。《白話典》干礁收「sí-si」、注講是英語借詞。照聲調來看、「sí-si」照講是華話、對中國語來、不知咁確實是台語。換話講、人那講「*hŏng-chhă chi̍t chheng sí-si」（～âng-tê chi̍t chheng si-si）、咱不敢講「*sí-si」是台語（～借詞）、甲「chi̍t chheng」仝欵。咱着堯疑「*sí-si」是中國語、甲「*hŏng-chhă」仝欵。
|
建議
si-si ⇄ 糸糸、絲絲、シシ
相關个詞
pe̍h-lēng-si
相關个字
絲、糸
施 (si) シ (之) |
|
GÍ-SÛ
pi̍t-gia̍p
pit-gia̍p |
語詞
畢業
⭕
ⒸⒸ
祖緣漢文字
畢業 |
|
《台日》注「國」（～日語借詞）。《厦英》無收。《增補厦英》「pit-gia̍p」「chut-gia̍p」樵收。全羅《教會報》有 474 篇寫着「pit-gia̍p」、自一九二八年、其中 462 篇治一九四五年以後。夭有 49 篇寫着「pi̍t-gia̍p」、自一九二二年、其中一九四五年以後 36 篇。台語「畢業」原底應該是日語借詞無不着、不閣原本使用度有限、到中治時代受着車輦語『畢業』个牽成即變眞常用。現代日・韓語『畢業』丸那眞罕用个欵。
「畢」字本音 pit。「Pi̍t-」是咀音（choa̍h-im）、不閣用法有一致。全羅《教會報》有 18 篇寫「oân-pit」、自一九三九年、其中戰後 17 篇。有 3 篇寫「oân-pi̍t」、自一九三七年、其中戰後 1 篇。照講二十世紀進前、「畢」字含台灣海峽口語恰無緣。字生疎、不即乎人讀做 *pi̍t。無中華因素、嗎看袂出有日本因素。
|
|
GÍ-SÛ
liû-lōng
|
語詞
流浪
⭕
ⒸⒸ
祖緣漢文字
流浪 |
|
全羅《教會報》有 6 篇寫着、自一九三七年。一九六〇年代占 4 篇。歌仔册一九七〇年代即有用着、照咱知。《台日》有收「流浪」（liû-lōng）『浪浪。流浪』、注「文」。《厦英》《增補厦英》無收。
|
|
GÍ-SÛ
tòng
|
語詞
棟
⭕
Ⓒ
祖緣漢文字
棟 |
|
「Nn̄g tòng chhù」云云。《台日》寫「棟」、注講只个語詞是文語詞。只个詞《厦英》無收、不閣《增補厦英》有。《甘》「棟」字無注只个意思。
|
|
GÍ-SÛ
**Si-la-iah
Si-lá-iah Si-lah-iah *Si-lah-ià *Si-lá-ià |
語詞
㊟
祖緣漢文字
ＸＸＸ |
|
族名、自稱『SIRAYA』、中語『西拉雅』（XĪLĀYǍ）、日語『シラヤ』。無約束漢字。『西拉雅』是中國語、硬硬讀做台語是「*Se-la-ngá」、袂通。治羅字台文甲主流社會內底、只个語詞到冷戰時代尾即略仔有流通。今白話字（～羅字台文）上少有七種寫法、也有人恰愛揷「原文」（兼英文）『SIRAYA』。總是衆人个呼音朗卜仝卜仝、寫法多元是用字理路各樣所致。
咱塊講「**Si-la-iah」朗是中央節高・尾節下。頭節無定着、不閣那用高音、大概是去乎中語『西～』（XĪ-）牽去个。夭咱重音朗下治中央節。今「**Si-la-iah」頭尾節着愛輕即是重点。逐節高下恰次要。『Si-lá-iah』『Si-lah-iah』『Si-lah-ià』甲《白話典》『Si-lá-ià』是照實音塊記、爭差看咱卜共尾節（輕兼下）當做第三調亞是第四、閣看咱卜共中央節（高兼平兼相對重）當做第二調亞是第四。呼音都仝欵、卜寫叨一式煞惡得客觀來判斷。陳雷《鄉史補記》（漢羅小說）歸氣寫『Sih-la-iah』、用「-h」注輕音、無注高下。總是多節（特別三四節）个口語借詞普遍重音下帶尾第二節、別節輕。不即有人歸氣寫『Si-la-ia』。不閣現此時上時行个寫法是『Si-la-iah』。『Si-la-iah』詞尾个只个『h』通理解做一个記号、含眞多人寫嘆詞甲語氣詞朗甲一个『h』仝欵、代表講只个語詞無照常注調。請看〈定義集〉「起毛志体」彼條。
|
相關个詞
khi-mó͘-chih
相關个字
施 (si)
示 拉 野 ヤ |
|
GÍ-SÛ
chū-ngó͘
|
語詞
自我
⭕
ⒸⒸ
祖緣漢文字
自我 |
|
《台日》（下 339）無收。應該是日語借詞、不閣「chū-ngó͘ siāu-kài」「chū-ngó͘ hoán-séng」彼个接頭詞「chū-ngó͘-」大概是戰後共中國語借个。《教會報》一九二九年頭擺用着「chū-ngó͘」。一九六五年即用着接頭詞「chū-ngó͘-」个欵。
|
|
GÍ-SÛ
siāng-sî
siāng sî *siâng-sî |
語詞
同時
⭕
ⒽⒸ
祖緣漢文字
相㊟時 |
|
「Siāng-sî」原底無常用。清・日時代个歌仔册無幾本寫『同時』。《厦英》無收「*siāng-sî」「*siâng-sî」、不閣有收「tâng-sî」。全羅《教會報》來到一九五六〇年代即恰有塊寫「siāng-sî」甲『siâng-sî』。請看下脚。通知「siāng-sî」甲「*tông-sî」會變常用是中國時代个作用。而且中國語『同时』（～時、TÓNGSHÍ）大体接近『フィラー』（FILLER）、無具体个意思。夭請看「tong-sî」。請看「siāng、sāng」（詞底 "相共"）甲「siâng、sâng」（詞底 "相同"）甲「siāng khoán」。
《台日》甲 EMBREE 有收「siāng-sî」「*siâng-sî」「kāng-sî」「tâng-sî」、無收「*tông-sî」。
連劃先無論、全羅《教會報》有 298 篇寫「siāng-sî」、自一八九一年。內底一九五六〇年代占 199 篇。55 篇寫「siâng-sî」、自一九三〇年、一九五六〇年代占 43 篇。有 169 篇寫「tâng-sî」、其中一九五六〇年代占 90 篇。閣有 138 篇寫「tông-sî」、自一九二八年、其中一九五六〇年代占 120 篇。有 6 篇寫「kāng-sî」、朗治一九五六〇年代。上早、台文「siāng-sî」朗會凍譯做英語『SIMULTANEOUS(LY)』。上少治一九二〇年進前朗夭未看着無具体意思个「siāng-sî」。
論連劃、傳統羅字台文大常寫『siāng-sî』『siâng-sî』。有幾那篇寫『siāng sî』。照「siāng khoán」（請看）个理路、籠縫寫『siāng sî』恰歸氣。不閣「siāng-sî」（同時）打算是書面借詞、詞原外語『同時』。照按呢看、寫『siāng-sî』丸那眞有理。
|
相關个詞
siāng, sāng (同)
siâng, sâng (同) siāng khoán kāng khoán tong-sî |
|
GÍ-SÛ
Ka-ná-tāi
Ka-ná-tah Kha-ná-tah |
語詞
加拿大
ⓒⓒⓒ
㊟
祖緣漢文字
㊟ |
|
「Ka-ná-tāi」是書面借詞、詞原官話文『加拿大』。《教會報》一九〇三年頭擺寫着「Ka-ná-tāi」。自創刊彼拵到甲一九〇〇年代、《教會報》寫「Ka-ná-thaⁿ」恰多。一八九三年有一篇寫「Kan-a-ta̍t」（～干阿達）。LOBSCHEID（304）有收「CANADIAN, A...」『加拿他人』。《甘》个付錄收「CANADA」（英）『加拿大』（漢）、注台灣音「Ka-ná-tāi」。
「Kha-ná-tah」凡世是日語借詞、詞原『カナダ』。嗎有可能是台灣人加忌按英語『CANADA』音譯个。現代台語社會塊音譯英語个時、眞慣勢照日語个理路落去譯。夭「Ka-ná-tah」不知是日語借詞亞是「Ka-ná-tāi」甲「Kha-ná-tah」个双原透濫体。
「Kha-ná-tah」甲「Ka-ná-tah」是一九九〇年代以後即有人塊寫。「Kha-ná-tah」那卜寫做四角字、照講着寫做『脚那搭』亞是『卡那搭』。「Ka-ná-tah」照講着寫做『加那搭』。『卡那搭』網路八有人寫（archive.ph/rLqPA）。那塊寫漢羅、「Kha-ná-tah」甲「Ka-ná-tah」自然着寫做羅字。
|
建議
Kha-ná-tah ⇄ 脚那搭、卡那搭
Ka-ná-tah ⇄ 加那搭 Ka-ná-tāi ⇄ 加拿大
相關个詞
*Hòng-là
相關个字
搭
脚 卡 加 カ (加) ナ (奈) タ (多) |
|
GÍ-SÛ
téng-téng
|
語詞
等等
⭕
ⒸⒸ
祖緣漢文字
等等 |
|
《台日》《白話典》無注講是日語借詞、不閣《厦英》無收。《教會報》一九一四年即有用着。
|
相關个詞
téng (等)
ûn-ûn |
|
GÍ-SÛ
pō͘-tūi
|
語詞
部隊
⭕
ⒸⒸ
祖緣漢文字
部隊 |
|
《台日》（下 891）無收。《增補厦英》有收。《白話典》注講是戰後个中語借詞。《教會報》介成一九〇四年頭擺用着（"chiàn-chûn kap chúi-lûi chûn chi̍t pō͘ tūi"）。一九二九年第二擺。
|
|
GÍ-SÛ
kiàn-kok
|
語詞
建國
⭕
ⒸⒸ
祖緣漢文字
建國～囯 |
|
介成對日本漢文來。日語『建國』（けんこく、新字体 "建国"）丸那是書面漢文借詞。全羅《教會報》有 16 篇寫着、其中戰前 4 篇、上早一九二〇年。
|
|
GÍ-SÛ
lī-hun
*lî-hun |
語詞
離婚
⭕
ⒸⒸ
祖緣漢文字
離婚～昏 |
|
《白話典》注講是日語借詞。「Lî-hun」《教會報》一九一一年頭擺用着。「Lī-hun」一九五五年。《厦英》朗無收、不閣一九一二〇年代个唐山歌仔册有寫「離婚書」。《台日》有收「lî-hun」、無注「國」、無記「*lī-」。《白話典》記「lī-hun」無記「*lî-」。請看「lī-iân」。
|
相關个詞
lī-iân
|
|
GÍ-SÛ
liân-sio̍k
|
語詞
連續
⭕
ⒸⒸ
祖緣漢文字
連續 |
|
打算是日本時代共中文借个。《厦英》《增補厦英》無收个欵。《台日》有收「連續」（liân-sio̍k）『續く。連續する』、無注「國」「文」。全羅《教會報》有 69 篇寫着、自一九二五年。內底日本時代 14 篇・中華時代 55 篇。台灣歌仔册有寫『連續』。周協隆《特編三伯想思士九帶書囘故鄕新歌》有寫『天生有甲伊特約 松林英臺做連續 買去卽看恰斟足 五十外集即結局』。
現代日語寫『連続』（れんぞく）。韓語『연속』有寫做『連續』（NAVER）。
|
|
GÍ-SÛ
kàu-tùi
|
語詞
校對
⭕
ⒸⒸ
祖緣漢文字
校對 |
|
減彩按漢文來。《台日》有收「校對」（kàu-tùi）『對照』、注「文」。《增補厦英》（241）有收「kàu-tùi」『A PROOF-READER』。全羅《教會報》干礁 1 篇有用着、治一九六一年。
|
|
GÍ-SÛ
koan-chhat
|
語詞
觀察
⭕
ⒸⒸ
祖緣漢文字
觀察観～ |
|
《厦英》無收。《台日》注「文」無注「國」。《教會報》一九二〇年頭擺用着。雖然古漢文有寫「觀察」、事實無的確「koan-chhat」主要是日語借詞。
|
|
GÍ-SÛ
-sû
|
語詞
詞
⭕
㊟
祖緣漢文字
㊟ |
|
「Tōng-sû」「bêng-sû」云云。那「sin ê sû」「chit ê sû」彼个 sû（～WORD）、寫做『詞』『辭』『辞』朗有理。請看「gí-sû、gú-sû」含「辭、辞」（字）「詞」（字）。
|
相關个詞
gí-sû, gú-sû
sî (辭、辞)
相關个字
辭、辞
詞 |
|
GÍ-SÛ
kî-thāi
|
語詞
期待
⭕
ⒸⒸ
祖緣漢文字
期待 |
|
《白話典》注講是戰後中語借詞。《台日》（頂 270）無收。《教會報》一九二四年頭擺用着。「Kî-thāi」是日語借詞亞是日本時代个中語借詞、咱無確定。不閣日語『期待』（きたい）是常用詞。
|
|
GÍ-SÛ
Thài-kok
|
語詞
泰國
ⓒⒸ
祖緣漢文字
泰國 |
|
全羅《教會報》一九四一年頭擺用着。暹羅（Siām-lô、สยาม）个國名是一九三九年正式換做『ไทย』（～泰）。
|
|
GÍ-SÛ
hiâm-gî
|
語詞
嫌疑
⭕
ⒸⒸ
嫌宜
ⒸⓀ
祖緣漢文字
嫌疑 |
|
大概是在來詞。《台日》有收、注「國」（～日語借詞）、凡世注重担。《厦英》無收、不閣《教會報》自十九世紀着有寫「kiaⁿ-liáu lâng ē hiâm-gî i khah tham-sim」云云。歌仔册定定寫、包含唐山歌仔册。
|
|
GÍ-SÛ
chiân-thêng
chiân-têng |
語詞
前程
⭕
ⒸⒸ
祖緣漢文字
前程 |
|
《厦英》（47）「chiân-têng」注解『PERSONS WHO HAVE A DEGREE, CIVIL OR MILITARY』。《增補厦英》（247）有收「chiân-thêng」『CAREER; STANDING』。夭《台日》收「chiân-thêng、chiân-têng」『前程。先途。行末』『秀才、擧人などの試驗に及第して與へられた資格。學位』、寫做『前程』、注「文」。「Chiân-têng」注講是「漳」音。全羅《教會報》有 3 篇寫「chiân-têng」、朗治十九世紀、朗符合《厦英》彼條注解。有 7 篇寫「chiân-thêng」、自一九二八年、朗是『前程。先途。行末』彼个意思、夭戰後占 5 篇。現代意思个「chiân-thêng、chiân-têng」減彩按中・日語來。
「程」字漢音 thêng（泉）têng（漳）。看起來主流近代台語讀 thêng、講「chiân-thêng」「kòe-thêng」云云。
韓語有講『전정』（前程、NAVER：前程, 前途, 行く先）。
|
相關个詞
k(o)è-thêng...
相關个字
程
|
|
GÍ-SÛ
Tāi-an
*Tōa-an |
語詞
大安
ⓒⓒ
祖緣漢文字
大安 |
|
台北行政地名。中華体制台北市下底有『大安區』。日本体制台北市下底有大字『大安』。現此時大安教會自稱「Tāi-an Kàu-hōe」（台）『TAI-AN PRESBYTERIAN CHURCH』（英）、教會網站 https://www.taian.org.tw。台語「Tāi-an」對書面『大安』來、不知是中語借詞亞是日語借詞、亞是漢文借詞。《教會報》上慢對一九六七年起着有寫『Tāi-an kàu-hōe』。「*Tōa-an」不八寫。論詞原、請看「Tōa-oan」。
|
相關个詞
Tōa-oan
Tāi-an (台中) |
|
GÍ-SÛ
pêⁿ-tâi
pêng-tâi |
語詞
平台
⭕
Ⓒⓒ
祖緣漢文字
平臺 |
|
EMBREE 有收「pêng-tâi」『FLAT ROOF』。只个詞大概是中・日語借詞。電子科技用詞「pêⁿ-tâi、pêng-tâi」是一九九〇年代以後另外共中國語借个。《白話典》無收。二十世紀个全羅文献不八寫、照咱知（DADWT）。
|
相關个詞
phàu-tâi
kūi-tâi
相關个字
臺、台
|
|
GÍ-SÛ
hái-sán
|
語詞
海産
⭕
ⒸⒸ
祖緣漢文字
海產～産 |
|
《白話典》無注講是日語借詞。《台日》「海產物」有注「國」、「海產」無。《厦英》無收。《增補厦英》（53）「hái-sán」甲「hái-sán hōe-siā」收鬥陣。《教會報》一九〇三年頭擺用着。
|
相關个字
産
|
|
GÍ-SÛ
sián
|
語詞
仙
⭕
Ⓚ
祖緣漢文字
㊟ |
|
「Saⁿ sián chîⁿ」云云。《增補厦英》掠凖詞源是英語『CENT』。《白話典》注講詞源是日語『セン』（錢、銭）。《中教部閩南典》注『借自日語「錢」的發音。CENT (一分錢) 的音譯』、不閣日語『銭』不是英語借詞、是漢文底个在來詞。應該是《白話典》注了着。請看下脚。《台日》寫『錢』。《台十五》無收。歌仔册有三五本寫『一仙錢』『二鮮錢』『半鮮』（～Ⓚ）『半癬』（～Ⓚ）云云。流行歌大多數寫『仙』、眞少數寫『先』Ⓚ『鮮』。
台北北投「Saⁿ-sián-keng」、《台地典》（31）寫做『三錢間』。GOOGLE（2021）超落去、『三仙間』个用例恰多過『三錢間』『三錢間仔』。
「Sián」應該是日語借詞。《台日》有收、注「新」、無注講是日語借詞。仝時代、《增補厦英》嗎有收。不閣《厦英》《英厦》《日台》朗無收。《日台》（頂 638）有收「錢」（セン）『錢』（chîⁿ）、日語『一錢』譯做「chi̍t tiám chîⁿ」「cha̍p ê chîⁿ」、日語『十錢』譯做「chi̍t kak gûn」「chi̍t pah chîⁿ」。《教會報》一九一一年有一篇寫『M̄-kú hit-ê thô͘-thoàⁿ khah kùi, iâm ê kè-chîⁿ khah sio̍k, khah bô sián thàn』、是咱所尋着「sián」上早个書面用例。歌仔册「sián」用例無多。中治時代个流行歌恰什用。「Sián」《厦英》《英厦》《日台》朗無收、雄雄日本時代即出現、照講無可能是英語借詞。
廣東語『仙』（SIN¹）・新甯語（台山話）『仙』（STEPHEN LI 記音 /ɬein/、高平調）・中國語『仙』（XIĀN、漢典）仝意思、打算是英語借詞。
|
地名・水名
台北北投三錢間 ㊟
相關个詞
sian ("~ o̍h to o̍h bē hiáu")
sian... ("seⁿ ~")
相關个字
仙
|
|
GÍ-SÛ
ha̍p-chok
|
語詞
合作
⭕
ⒸⒸ
祖緣漢文字
合作 |
|
《厦英》《增補厦英》《台日》無收。《白話典》注講是戰後中語借詞、不閣《教會報》自一九二〇年代着有塊用、自一九三〇年代着定定塊用。日語有講『合作』（がっさく）。「Ha̍p-chok」照講是一九一二〇年代个中語借詞亞是日語借詞。
|
|
GÍ-SÛ
Tāi-liân
|
語詞
大連
祖緣漢文字
大連 |
|
中國遼東（Liâu-tang）地名。《教會報》一九一二年頭擺寫「Tāi-liân」。「Tāi-liân」打算是日語借詞。《教會報》一九〇〇年代有 14 篇寫「Lú-sūn」「Lí-sūn」「Lú-sūn-kháu」「Lí-sūn-kháu」、朗無寫「*Tāi-liân」。一八九〇年代夭有 6 篇寫「Lú-sūn-kháu」、無寫「*Tāi-liân」。
「大連」只个地名無介古早。中古漢文無寫。廣東語 WIKIPEDIA（2023 年查）寫講『大連，源自大連灣』『大連灣，大連第一大灣，明代民間就有咁叫法。一八六零年第二次鴉片戰爭中，英國攻打大清，軍艦百幾艘駛入呢度，喺海圖標做「DALIANWAN」（大連灣），係迄今最早文獻記載』『俄國強租旅順大連後，睇中青泥窪，大連灣南岸呢個漁村仔。一八九九年，沙皇尼古拉二世敕令在此築港建城，改名達里尼市（DALNIY），意為「遙遠嘅都市」，大連由此建市。一九零五年，日本依據英國海圖，座城正式叫大連 』。
|
|
GÍ-SÛ
koàn-kò͘
|
語詞
眷顧
⭕
ⒸⒸ
祖緣漢文字
眷顧 |
|
《台日》注講是日語借詞。《教會報》一八九三年頭擺用着。《厦英》無收。《增補厦英》有。
|
|
GÍ-SÛ
lông-chhoan
*lông-chhun |
語詞
農村
⭕
ⒸⒸ
祖緣漢文字
農村 |
|
書面外來詞、不知按日文亞是中文來。大概朗有。在來个話講「chhân-chng」（田庄）。全羅《教會報》有 158 篇寫着「lông-chhoan」、頭擺一九二五年。「*Lông-chhun」無半篇。今「村」字台灣漳州漢文音無讀 chhoan、干礁讀 chhun。夭「村」字中國語讀 CŪN、表面上恰對應 chhun。咱實在不敢講「*lông-chhun」不是中華音。
《台日》（下 1036）無收。《白話典》無收。
|
相關个字
村
|
|
GÍ-SÛ
toān-choa̍t
|
語詞
斷絕
ⒸⒸ
～絶 ⭕
祖緣漢文字
斷絕～絶 断～ |
|
《教會報》「toān-choa̍t」一九一五年頭擺用着。一九一〇年・一一年有 2 篇寫「toàn-choa̍t」。《台日》無注「國」「文」。
|
|
GÍ-SÛ
Tâi-kiâu
|
語詞
台僑
⭕
ⓒⒸ
祖緣漢文字
臺僑 |
|
全羅《教會報》有 2 篇寫着、治一九六〇年代。「Tâi-kiâu」減彩是日語借詞。現代漢羅台文有寫『台僑』。
|
相關个詞
Tâi-gí, -gú
Tâi-oân |
|
GÍ-SÛ
siong-kài
siang-kài |
語詞
商界
⭕
ⒸⒸ
祖緣漢文字
商界～介 |
|
全羅《教會報》有 6 篇寫着、內中戰前占 4 篇、自一九一八年。《台日》有收「商界」（siong-kài）『商界。實業界』、注「新」。也着是講、照《台日》、「商界」彼拵是新詞、不閣不是日語借詞、夭日語嗎有講。成趣味。
現代韓語有講『상계』（商界）。
|
|
GÍ-SÛ
hái-lú
*hái-lí |
語詞
海女
⭕
ⒸⒸ
祖緣漢文字
海女 |
|
二〇二〇年・二〇二一年公視台語台甲華視有講「hái-lú」、塊講槓仔寮馬崗一陣討海个女性。不閣受訪問个在地人無講「*hái-lú、*hái-lí」。有个有講中國語日語借詞『海女』（HǍINǙ）。二〇二〇年《華視台語新聞雜誌》塊寫漢羅台文有寫『海女』。
《臺灣女人》〈海女〉寫講『海女是日本對於潛水採集海產的女性從業者之稱呼，這個用詞也隨著日本殖民而傳入臺灣』。「Hái-lú」是直接个日語借詞、啞是共中國語借个、即閣探討。林武雄（2019、92 葉）寫講「海女」『引自 1960 年代日片「海女」或「赤の褲」』。林武雄（2019）有寫着「Āu-ò-á cha-bó͘」「Iá-liú cha-bó͘」。者个打算是在來个講法。176 葉有寫『後澳啊查某（海女）』、夭野柳海女有講『初三十八流、野柳查某望龜頭』（160 葉）。
《大正台職彚》無收「海女」。有收「拾石花菜」。
|
相關个字
女 (lú, lí)
|
|
GÍ-SÛ
kang-kū
kang-khū |
語詞
工具
⭕
ⒸⒸ
祖緣漢文字
工具 |
|
《白話典》注講是日語借詞。《台日》・王育德《常彚》無收。全羅《教會報》干礁十統篇用着（"kang-kū"）、頭擺一九四七年。EMBREE 收「kang-khū」、無記「-kū」。
|
相關个詞
khì-kū, khì-khū
ka-kū, ka-khū
相關个字
具
|
|
GÍ-SÛ
bú-jio̍k
|
語詞
侮辱
⭕
ⒸⒸ
祖緣漢文字
侮辱 |
|
《厦英》無收。《台日》有收、無注「國」「文」「新」。《教會報》一九二五年頭擺用着。歌仔册有一半本仔寫『侮辱』『武辱』ⓀⒸ。
|
|
GÍ-SÛ
jîn-lūi
|
語詞
人類
⭕
ⒸⒸ
祖緣漢文字
人類 |
|
《台日》注「國」（～日語借詞）、凡世是注掞。「Jîn-lūi」《厦英》有收、《英厦》（293）顚倒無。LOBSCHEID（1149）有收「人類」。一八九二年《教會報》84 号 Tiō Sî-hoê〈M̄ kín-sīn ē hāi〉有寫『tì-kàu lâm-jîn sit tek, hū-lí pāi chiat, pìⁿ chò khîm-siù, put sêng jîn-lūi』。
《台日》有收「jîn-lūi-ha̍k」（人類學）、注「國」。越南語『NHÂN HỌC』（人學）『NHÂN LOẠI HỌC』（人類學）朗有講。
|
|
GÍ-SÛ
kòng-hiàn
|
語詞
貢献
⭕
ⒸⒸ
祖緣漢文字
貢獻～献 |
|
《台日》有收、無注「國」亞是「文」亞是「新」。《教會報》一九二一年頭擺用着。一九二〇年代下門會文堂《最新月台夢》有用着、通知「kòng-hiàn」有可能按中文來。
|
相關个詞
hiàn ("~ hoe")
相關个字
献、獻
|
|
GÍ-SÛ
iōng-hoat
ēng-hoat |
語詞
用法
⭕
ⒸⒸ
祖緣漢文字
用法 |
|
《厦英》無收。《台日》有、無注「國」。《教會報》一九二五年頭擺用着。
|
相關个詞
kóng-hoat
|
|
GÍ-SÛ
tâu-kó
|
語詞
投稿
⭕
Ⓒⓒ
祖緣漢文字
投稾 |
|
《台日》有收、注「文」。《教會報》一九一五年頭擺寫。
「投」字早音 tâu、漢音 tô͘（漳、厦）tiô（泉）。
論連劃、傳統羅字台文專寫『tâu-kó』个欵。照講此是因爲「tâu-kó」是書面日語借詞亞是漢文借詞、不是台灣話「tâu」鬥台灣話「kó」。
|
相關个字
投、骰
|
|
GÍ-SÛ
biô-siá
biâu-siá |
語詞
描寫
⭕
ⒸⒸ
祖緣漢文字
描寫 |
|
GÍ-SÛ
tha̍k-hoat
*tho̍k-hoat |
語詞
讀法
⭕
ⒸⒸ
祖緣漢文字
讀法 |
|
《台日》有收「讀法」（tha̍k-hoat）『讀方』。閣有「讀法」（tho̍k-hoat）『讀法』、注「文」。《教會報》一九二五年頭擺用着「tha̍k-hoat」。全羅《教會報》不八用着「tho̍k-hoat」。
|
相關个詞
kóng-hoat
|
|
GÍ-SÛ
chiàn-tàu
chiàn-tò͘ |
語詞
戰鬥
⭕
ⒸⒸ
戰閗
⭕
Ⓒⓒ
祖緣漢文字
戰鬬～鬪 ～鬥 |
|
應該是日語借詞、詞原日本漢文『戰鬪』（せんとう、新字体 "戦闘"）。《台日》注「文」無注「國」。《白話典》丸那無注講是借詞。「Chiàn-tò͘」《教會報》一九二九年即頭擺出現。
相對「chiàn-tò͘」、「chiàn-tàu」是新音。
|
相關个詞
tàu-cheng, tò͘-
相關个字
鬪、閗、鬬、鬥
|
|
GÍ-SÛ
lé-bu̍t
lé-mi̍h *lé-mn̍gh |
語詞
禮物
⭕
ⒸⒸ
礼物
⭕
ⒸⒸ
祖緣漢文字
禮物礼～ |
|
「Lé-mi̍h、lé-mn̍gh」是在來詞、《教會報》自一八八〇年代・創刊个年代着有塊寫。全羅《教會報》有 181 篇寫「lé-mi̍h」（0 篇寫 "lé-mn̍gh"）、干礁 7 篇寫「lé-bu̍t」、自一九〇九年、內底一九六〇年代占 4 篇。「Lé-bu̍t」減彩是日語借詞、親像「tāi-ha̍k」。《台日》甲 EMBREE「lé-bu̍t」「lé-mi̍h」樵收。《台日》夭有記「lé-mn̍gh」。
日語『礼物』（舊字体 "禮物"）呼音『れいもつ』。中國語『禮物』『礼物』呼音 LǏWÙ。
|
相關个詞
tāi-ha̍k, tōa-o̍h
|
|
GÍ-SÛ
soa-bô͘
soa-bo̍k *sa-bo̍k |
語詞
沙漠
⭕
ⒸⒸ
砂漠
⭕
ⒸⒸ
祖緣漢文字
沙漠砂～ |
|
全羅《教會報》有 44 篇寫「soa-bô͘」、自一八九二年。有 6 篇寫「soa-bo̍k」、自一八九三年。無半篇寫「sa-bo̍k」。《厦英》（25）有收「bān-lí sa-bo̍k」（原册治者無用大本字）『THE GREAT DESERT OF SHAMO OR GOBI』。《英厦》（108）『DESERT』下脚收「khòng-iá」無收「沙漠」。漢文 LOBSCHEID（599）有收「A SANDY DESERT, ALSO THE DESERT OF GOBI」『沙漠』。
|
相關个詞
soa (沙、砂)
相關个字
沙、砂
|
|
GÍ-SÛ
sòaⁿ-bûn
sàn-bûn |
語詞
散文
⭕
ⒸⒸ
祖緣漢文字
散文 |
|
「Sòaⁿ-bûn」是中治時代个中語借詞。「Sàn-bûn」減彩是日語借詞、《台日》丸那無收、不閣全羅《教會報》有 3 篇寫着、頭遍一九一九年。日語有講『散文』（さんぶん）。韓語有講『산문』（散文）。不閣『산문』甲日語『散文』甲台語戰前个「sàn-bûn」是『PROSE』（NAVER）个意思、『指不講究韻律的散體文章』（漢典）、不是『（詩歌・戯曲・小説以外の文学作品）随筆，雑文，ルポルタージュ』（WEBLIO）『一種文學體裁, 包括雜文、隨筆、遊記等』（漢典）。
|
|
GÍ-SÛ
Kiàm-kiô
|
語詞
劍橋
ⒸⒸ
祖緣漢文字
劍橋 |
|
英國學校名、英語『CAMBRIDGE』。全羅《教會報》有 32 篇寫「Kiàm-kiô」、自一九二九年。無半篇寫「-chin」。英語『CAMBRIDGE』丸那是地号名。
|
|
GÍ-SÛ
oán-iûⁿ
|
語詞
遠洋
⭕
ⒸⒸ
祖緣漢文字
遠洋 |
|
《白話典》無注詞原。
|
|
GÍ-SÛ
io̍h-che
|
語詞
藥劑
⭕
ⒸⒸ
葯劑
⭕
ⓒⒸ
祖緣漢文字
藥劑 |
|
「Hòa-ha̍k io̍h-che」云云、凡世是日語借詞、嗎有可能對日語借詞「io̍h-che-su」來（BACK-FORMATION）。《台日》甲 EMBREE 有收日語借詞「io̍h-che-su」、無收只項「io̍h-che」。全羅《教會報》不八寫着「io̍h-che、*io̍h-chè」。
|
相關个詞
io̍h-che (藥渣、葯渣)
io̍h-che-su |
|
GÍ-SÛ
kai-tōaⁿ
|
語詞
階段
⭕
ⒸⒸ
祖緣漢文字
階段堦～ |
|
不知是共日語亞是中語借个。全羅《教會報》有 44 篇寫着、內底中治時代 40 篇・日本時代即 4 篇、自一九三二年。
|
|
GÍ-SÛ
gí-sû
gú-sû |
語詞
語詞
⭕
Ⓒ㊟
語辭
⭕
Ⓒ㊟
語辞
⭕
Ⓒ㊟
祖緣漢文字
語㊟ |
|
英語『WORD』『WORDS』、口語中華民國語『字』（ZÌ）。《台日》有收「語詞」『語詞』（ごし）、注「文」、凡世是『SPEECH; EXPRESSION』（JISHO）个意思。現此時中華民國語『語詞』『～辭』朗有寫（中教部國語典）。韓語主要寫『語辭』个欵。台語文語詞檢索（楊允言先生等等）內底、『語辭』干礁 3 條、『語詞』上少 200 條。
那「tōng-sû」「bêng-sû」「gí-chō͘-sû」云云、東洋諸語朗總寫做『～詞』（～词）。越南語『TÍNH TỪ』（～形容詞）漢字寫做『性詞』。
「詞」字含「辭、辞」字个關係誠復雜、自頂古漢文彼坎鏨着是按呢。日本語『ことば』現此時寫做『言葉』。以早八寫做『詞』『辞』云云。
《英厦》『WORD』注「ōe」。
|
相關个詞
sû-tián
相關个字
辭、辞
詞 |
|
GÍ-SÛ
Hô-lân
*Hô-lan *O-lân |
語詞
荷蘭
⭕
和蘭
⭕
㊟
祖緣漢文字
ＸＸ |
|
地名、國名。《台日》「Hô-lân」寫做『和蘭』。「O-lân」仝意思、寫做『荷蘭』。《台植彚》寫『荷蘭』無寫『和蘭』。《寶鑑》有收「囒」（lân）『荷囒國名』。賴仁聲（1938）『Au Bí Chong-kàu hiān-sè （3）』「Hô-lân」有注漢字『和蘭』、不閣是塊注日語恰大面。一九三〇年代个本土中文『和～』『荷～』朗有寫。寫『荷～』寫『和～』、看欵平有理・平有基礎。『荷～』嬴『和～』二項。第一、客語講『HÒ-LÀN』（荷蘭）無講『*FÒ-LÀN』、『荷～』台・客語通用。第二、『和蘭』無方便簡稱做「和」、因爲「和」是日本个別稱。
《英厦》（218、136）有寫『荷蘭』。《日台》（頂 180）有收「和蘭陀」（オランダ）『荷蘭』（Hô-lân）。『和蘭』凡世是共日本漢文借个。《台日》「Hô-lân」（和蘭）無注講是日語借詞。
|
相關个詞
Hô-lân-se...
-ho-ho Bí-kok
相關个字
荷 (hô, *hô͘)
|
|
GÍ-SÛ
tiong-kò
tiong-khok |
語詞
忠告
⭕
ⒸⒸ
祖緣漢文字
忠告 |
|
《台日》記「tiong-khok」。《增補厦英》「tiong-khok」「tiong-kò」樵收。《厦英》無收。《六百字編》記「tiong-khok」。EMBREE 有收「tiong-kò」「tiong-kò-chiá」、無收「tiong-khok」。《教會報》有寫「tiong-kò」、自一九一九年。嗎有寫「tiong-khok」、自一九二六年。一九二九年 535 号 Phoaⁿ Tō-éng〈Sin chheh Siāu-kài〉寫講『Kīn-lâi Hàn-ha̍k chiām-chiām hoè-tūi, tì-kàu chē-chē lâng jī-im tha̍k chhò, lâi sit-lo̍h piàn-im ê pún-ì. Chhin-chhiūⁿ "Tiong-khok" (忠告) tha̍k chò "Tiong-kò"; "Tēng-lu̍t" (定率) tha̍k chò "Tēng-sut"; "Gû-lo̍k" (娛樂) tha̍k chò "Gō͘-lo̍k"』。
「Tiong-kò、tiong-khok」減彩有一港詞原是日語『忠告』（ちゅうこく）。
|
相關个字
告 (kò, kò͘)
告 (khok) |
|
GÍ-SÛ
kî-thaⁿ
kî-tha |
語詞
其他
⭕
ⒸⒸ
祖緣漢文字
其他 |
|
大概是日語借詞、詞原『其他』（そのた）。日語『其他』照講按古漢文來。「Kî-thaⁿ、kî-tha」《厦英》無收。《增補厦英》《台日》有。《台日》無注「國」。《白話典》無注講是日語借詞、干礁建議參考日語『其の他』。《教會報》一九一〇年頭擺用着。請看下脚。
《台日》注講「kî-thaⁿ」是漳音、不閣全羅《教會報》有 1070 篇寫「kî-thaⁿ」。干礁 2 篇寫「kî-tha」。現此時「kî-tha」漸漸恰多人講、主要中語植民教育甲媒体所致。
傳統歌仔册罕得用着「其他」。治中語教育行氣進前、只个詞个使用比例無高个欵。
|
相關个字
他
|
|
GÍ-SÛ
hoan-e̍k
|
語詞
翻譯
⭕
ⒸⒸ
番譯
⭕
㊟Ⓒ
祖緣漢文字
翻譯飜～ |
|
漢文「翻譯」咁是明治維新彼拵透過日語入來台灣海峽語、咱無把握。台史數位舘大清時代个契字無半張寫「翻譯」「繙譯」、不閣《教會報》一八八〇年代創刊了後着有 25 篇用着「hoan-e̍k」、啞十八世紀个大清漢文有塊寫「翻譯」（CTEXT）。論書寫、建議寫『翻譯』亞是『番譯』。
現代日語寫『翻訳』恰多。八有人寫『飜訳』。中華民國語寫『翻譯』。韓語寫『飜譯』。注流中國語寫『翻译』。近代大清漢文寫『繙譯』个欵。《甘》《厦英》反射只欵寫法。《台日》寫『翻譯』、注講是日語借詞。《日台》寫『翻譯』。那中古漢文、CBETA-O 唐・宋時代个佛典『翻譯』出 938・448 筆。『飜譯』18・28 筆。『番譯』5・23 筆。『繙譯』0・1 筆。
「Hoan-thâu」「hoan-sin」台文有寫做『番頭』『番身』。彼字「番」字凡世通看做台灣海峽簡字。並且「翻」字甲「番」字在中古漢文凡世有透濫。佛典寫『番譯』（CBETA-O）是一个例。請看「hoan-thâu」。
|
相關个詞
hoan-thâu
相關个字
譯
|
|
GÍ-SÛ
giâm-siok
|
語詞
嚴肅
⭕
ⒸⒸ
祖緣漢文字
嚴肅 |
|
《台日》注「文」。《白話典》無注講是日語借詞。《厦英》無收。《教會報》一九二三年頭擺用着。
|
|
GÍ-SÛ
koàn-si̍p
|
語詞
慣習
⭕
ⒸⒸ
祖緣漢文字
慣習貫～ 串～ |
|
《台日》有收、寫做『慣習』、無注「國」。全羅《教會報》一九三四年甲一九四八年有 2 篇用着。《厦英》無收。
|
|
GÍ-SÛ
phiat-sàng
|
語詞
皿送
ⓀⓀ
丿送
⭕
ⓀⓀ
祖緣漢文字
ＸＸ |
|
後節打算是日語借詞素。《台日》寫『丿送』。歌仔册寫『皿～』『丿～』。拱樂社个劇本有寫『丿送』（碎心記、空愛情難斷）。
|
相關个詞
-sàng (接尾詞)
phiat (皿、𥐵)
相關个字
丿
|
|
GÍ-SÛ
*Hui-jî
|
語詞
㊟
祖緣漢文字
ＸＸ |
|
南太平洋島名兼國名兼族名、英語『FIJI』、日語『フィジー』、FIJI 語『VITI』。英語『FIJI』對 TONGA 語『FISI』來。《教會報》643 号（1938 年 10 月）〈Lín khì phó͘ thiⁿ-ē thoân hok-im....〉有寫『Hui-jî (フイジー) kûn-tó』（無寫『フィジー』）。請看「Hui-ki』。
|
相關个詞
*Hui-ki
|
|
GÍ-SÛ
iû-hêng
|
語詞
游行
⭕
ⒸⒸ
遊行
⭕
ⒸⒸ
祖緣漢文字
遊行游～ |
|
《白話典》注講是日語借詞。《教會報》一九四八年頭擺寫。「游」字「遊」字二字朗是祖緣字。請看「iû-oán、iû-goán」。
黃塗《月臺夢美女歌》有寫『愚兄遊行下山時』。
|
相關个詞
iû-oán, iû-goán
相關个字
游
遊 |
|
GÍ-SÛ
kò͘-tēng
|
語詞
固定
⭕
ⒸⒸ
祖緣漢文字
固定 |
|
《台日》無收。EMBREE 有。《教會報》頭擺用着一九二九年。第二篇一九五三年。歌仔册一九五〇年代即有用着个欵。
|
|
GÍ-SÛ
àm-kì
|
語詞
暗記
⭕
ⒸⒸ
祖緣漢文字
暗記～紀 |
|
《台日》《白話典》無注講是日語借詞。《教會報》一九三三年頭擺寫。《厦英》無收。傳統歌仔册不八用着、照咱知。
|
|
GÍ-SÛ
Niú-iok
*Niú-io̍k *Liú-iok *Liú-io̍k *Niû-iok |
語詞
㊟
祖緣漢文字
㊟約 |
|
全羅《教會報》有 77 篇寫「Niú-iok」、自一九〇五年。有 45 篇寫「Liú-iok」、自一八九一年。有 10 篇寫「Niú-io̍k」、3 篇寫「Liú-io̍k」、2 篇寫「Niû-iok」。只馬干礁春「Niú-iok」一个音个欵。「Liú-iok」照講是書面官話借詞、對官話文「紐約」來。不閣「紐」字台語干礁 liú 一个音。「Niú-iok」「Niú-io̍k」二式無的確是受着日語个影响。日語「ニューヨーカー」永過八寫做「紐約」「紐育」「紐約」「新約克」。甲那「紐」字無 *niú 个音、「Niú-iok」寫做「紐約」眞碍虐。不閣咱從到今不八塊寫「兩約」。那塊寫漢羅、只个地名自然着寫做羅字。
文林《福建手環記歌》有寫『銷甲紐約透倫敦』。
《白話典》閣有收一式、「Niŭ-iò-khù」。
《甘》个付錄有收（英）「NEW YORK」（漢）『紐約』（Liú-iok）。《增補厦英》个付錄有收「紐約」（Niú-iok）『NEW YORK』。
|
建議
*Liú-iok ⇄ 紐約
相關个詞
niú-khiok
相關个字
兩、两
紐 |
|
GÍ-SÛ
chek-jīm
|
語詞
責任
⭕
ⒸⒸ
祖緣漢文字
責任 |
|
《台日》注講是日語借詞、不閣《厦英》（182）有收「chek-jīm」『RESPONSIBILITY, AS IN CARE OF AN AFFAIR』。《教會報》一九一一年即頭擺用着、不閣台史數位舘所收・大清時代个契字有寫「責任」、自十八世紀。不閣《英厦》（439）『RESPONSIBILITY』譯做「chek-sêng」（責成）云云、無譯做「chek-jīm」。唐山歌仔册不八寫「責任」、照咱知。台灣歌仔册自一九三〇年代有寫「責任」。通知「chek-jīm」原底成罕用、亞是夭未正經借入來主流个口語。
|
|
GÍ-SÛ
khiàm-tiám
|
語詞
欠點
⭕
欠点
⭕
Ⓒⓒ
祖緣漢文字
欠㸃 |
|
《厦英》《台日》無收。《教會報》一九一〇年頭擺寫。歌仔册有幾落本寫『欠点』『～點』。
日語有講『欠点』（けってん）。韓語有講『흠점』（欠點）。中國語有講『欠点』（QIÀNDIǍN、ZDIC）、不閣《中教部國語典》無收。
|
|
GÍ-SÛ
kám-kak
|
語詞
感覺
⭕
ⒸⒸ
祖緣漢文字
感覺 |
|
應該是日語借詞。《教會報》一九二〇年代進前不八有人寫「kám-kak」、一九二〇年代以後即雄雄大出。日語・中語・韓語・越南語朗有只个詞。《白話典》干礁注講只个詞對書面來。《台日》干礁注「文」。《增補厦英》有收、《厦英》無。
|
相關个字
覺、斍
|
|
GÍ-SÛ
hūi-tō͘
úi-tō͘ |
語詞
緯度
⭕
ⒸⒸ
祖緣漢文字
緯度 |
|
《白話典》注講是日語借詞。《台日》甲 EMBREE 無收。全羅《教會報》有 2 篇寫着「úi-tō͘」（1954、1967）、「*hūi-tō͘」不八寫。EMBREE 有收「hūi-sòaⁿ」（請看）。「緯度」有可能是間接个日語借詞、按中國語來。請看「緯」（字）。
|
相關个詞
hūi-sòaⁿ
keng-tō͘
相關个字
緯
|
|
GÍ-SÛ
pún-thó͘
|
語詞
本土
⭕
ⒸⒸ
祖緣漢文字
本土 |
|
「Pún-thó͘ ì-sek」云云、中語借詞（白話典）。「Chi-ná pún-thó͘」云云、應該是日語借詞。《台日》朗無收。《教會報》一九二九年頭擺用着、歸句寫『Koh tī 1655 nî ū phài i lâi Chi-ná pún-thó͘, tī Ē-mn̂g siat kàu-hoē』（Kò͘ Gô͘ Chhiong-sēng・Tâi-oân Ki-tok-kàu Sú、533 号）。Tân Kim-jiân〈Sèng-keng hoan-e̍k-sú〉（668 号、1940）寫講『Ē-mn̂g oē sī Hok-kiàn chi̍t hāng chú-iàu ê hong-giân, tī pún-thó͘ kap Tâi-oân kóng chit khoán oē--ê ū 700―1000 bān lâng』、治者、「本土」是塊講福建。甲「內地」倚意个只項「本土」、日語・韓語嗎有講。
|
|
GÍ-SÛ
keng-tō͘
*keⁿ-tō͘ |
語詞
經度
⭕
ⒸⒸ
祖緣漢文字
經度経～ |
|
《白話典》注講是日語借詞。《台日》甲 EMBREE 無收。全羅《教會報》不八寫着。EMBREE 有收「keng-sòaⁿ」。無的確「經度」「緯度」是間接个日語借詞、按中國語來。
|
相關个詞
hūi-tō͘, úi-tō͘
keng-sòaⁿ |
|
GÍ-SÛ
kín-tiuⁿ
*kín-tiong |
語詞
緊張
⭕
ⒸⒸ
祖緣漢文字
緊張 |
|
《白話典》注講是日語借詞。《台日》（頂 321）《增補厦英》無收。傳統歌仔册不八寫。全羅《教會報》有 46 篇用着、自一九三七年、內底日本時代 7 篇・中華時代 39 篇。夭有 9 篇寫「*kín-tiong」、自一九二六年、內底日本時代占 6 篇。
|
|
GÍ-SÛ
Hô-lân-se
Hu̍t-lân-se Hoat-lân-se |
語詞
和蘭西
⭕
ⓀⓀⓀ
佛蘭西
⭕
ⓒⓒⓒ
祖緣漢文字
㊟ |
|
《台日》有收「Hô-lân-se」『佛蘭西。佛國』、寫做『和蘭西』。閣有「Hoat-lân-se」『佛蘭西』、寫做『法蘭西』。《英厦》（187）有收「Tāi Hoat-kok」、閣有「Hô-lan-se」、漢字『荷蘭西』。《厦英》（292）有收「Hô-lân-se」「Hoat-lân-se」。全羅《教會報》有 36 篇寫「Hoat-lân-se」、自一九一〇年。有 3 篇寫「Hô-lân-se」、朗治一八九〇年代。有 4 篇寫「Hu̍t-lân-se」、自一九三〇年、尾擺一九四一年。一九三七年有 1 篇寫「Hu̍t-kok」。有成三百篇寫「Hoat-kok」、自十九世紀。「*Ô-lân-se」不知咁八寫着。請看「Hô-lân-se chúi」。
看起來『和蘭西』三字屬福建語・台灣海峽語。「Hu̍t-lân-se」大概是共日語借个、夭日語『佛蘭西』（新字体 "仏～"）是漢文借詞。LOBSCHEID 收「FRANCE」（英）『佛蘭西國』（漢）。SCHLEGEL 有收「FRANSCH」（荷）『法國的』（漢）『佛蘭西國的』（漢）。《甘》个付錄（55）收「法蘭西國」、記音「Hoat-lân-se kok」。
|
建議
Hu̍t-lân-se ⇄ 佛蘭西
Hô-lân-se ⇄ 和蘭西
相關个詞
Hô-lân-se chúi
Hoat-kok Hô-lân |
|
GÍ-SÛ
pió
|
語詞
表
⭕
Ⓒ
祖緣漢文字
表 |
|
「Nn̄g tiuⁿ pió」（二張表）云云。《台日》有收「pió」『表』、寫做『表』、注「國」（～日語借詞）、例句「tēng-kè pió」「sî-kan pió」。《厦英》「pió」無注解只項意思、夭 LOBSCHEID『TABLE』『CHART』下脚嗎尋無相關字詞、不閣《教會報》自一八八六年着有「chit tiuⁿ pió」只欵寫法。是講治一九二五年進前、用例無幾筆。
|
相關个詞
chhiú-pió
|
|
GÍ-SÛ
kheh-koan
*khek-koan |
語詞
客觀
⭕
ⒸⒸ
祖緣漢文字
客觀～観 |
|
《台日》有收「kheh-koan」「chú-koan」、注「國」（～日語借詞）。「*Khek-koan」無收。《增補厦英》有收「kheh-koan」「chú-koan」。全羅《教會報》有 2 篇寫「kheh-koan」、自一九六一年。有 12 篇寫「khek-koan」、自一九五二年。有 13 篇寫「chú-koan」、自一九三五年。EMBREE「kheh-koan」「khek-koan」朗有收。
|
|
GÍ-SÛ
bêng-chheⁿ
bêng-seng |
語詞
明星
⭕
ⒸⒸ
祖緣漢文字
明星 |
|
減彩是日本時代个中語借詞、亞是日語借詞、詞原中語『明星』（MÍNGXĪNG）亞是日語『明星』（みょうじょう）。全羅《教會報》有 4 篇寫着「bêng-seng」、內底戰前 2 篇・戰後 2 篇。有 3 篇寫「bêng-chheⁿ」、朗治戰前。EMBREE 收「bêng-seng」無收「bêng-chheⁿ」。
|
|
GÍ-SÛ
Hàn-bûn
hàn-bûn |
語詞
漢文
⭕
ⒸⒸ
祖緣漢文字
漢文 |
|
凡世是書面日語借詞、對日本漢文來。《厦英》無收。《增補厦英》有。《教會報》一八九八年即頭擺用着。一八六〇年代 LOBSCHEID（375）有收「CHINESE WRITING」『漢文』『唐文』。
一九七〇年進前、少數个羅字台文文献有寫『hàn-bûn』。請看「Hàn-jī」。
|
相關个詞
Hàn-jī
|
|
GÍ-SÛ
tāi-chiòng
*tāi-chèng |
語詞
大衆
⭕
ⒸⒸ
祖緣漢文字
大衆 |
|
應該是昭和時代个中語借詞。《台日》（下 18）無收。《增補厦英》（26）有收「tī tāi-chiòng ê bīn-chêng」。《教會報》一九三二年頭擺用着。
|
|
GÍ-SÛ
pán-pún
|
語詞
版本
⭕
ⒸⒸ
板本
⭕
ⒸⒸ
祖緣漢文字
版本板～ |
|
請看「chhut-pán」。
|
相關个詞
chhut-pán
相關个字
板 (pán)
版 |
|
GÍ-SÛ
thâu-náu
thâu-ló |
語詞
頭腦
⭕
ⒸⒸ
祖緣漢文字
頭腦 |
|
《英厦》（46）有收「náu-chhé」（"BRAINS"）甲「náu-khak」（"BRAINPAN"）。《厦英》（335）有收「thâu-náu」『PERSON OR ITEM OF PRINCIPAL IMPORTANCE IN AN AFFAIR』甲「kúi-thâu kúi-náu」『VERY CUNNING, CRAFTY, AND FALSE (LIT. DEMON'S HEAD)』云云、無收「*thâu-ló」。《台日》收「頭腦」（thâu-náu）『頭腦。腦』、無仝意思。閣有「頭腦」（thâu-ló）『腦膸』。《教會報》一九〇〇年頭擺用着「thâu-náu」、着是《厦英》注解个彼个意思。一九一五年 367 号一篇〈Sió-toān〉有寫『Chit nn̄g kù oē khì kô͘ tī Kin-ḿ ê thâu-náu, tùi án-ne tiāⁿ-tiāⁿ siūⁿ』、着是《台日》注解个彼項意思。一九一四年 352 号〈Cha̍p-sū〉有寫『I ê pīⁿ chiū-sī thâu-ló ê pīⁿ』、是頭擺寫着「thâu-ló」、丸那是《台日》『頭腦。腦』彼項意思。日本時代台灣歌仔册『頭腦』一般嗎是只項意思。現代意思个「thâu-náu、thâu-ló」大概是日語借詞、不閣音理大概有受着在來詞「thâu-náu」个影响。在來詞「thâu-náu」眞有可能是官話借詞。
傳統羅字台文有寫「thâu-náu」「thâu-ló」、不八寫「*thâu-nó͘」个欵。
|
相關个詞
chiuⁿ-ló
相關个字
腦
|
|
GÍ-SÛ
khí-goân
|
語詞
起原
⭕
ⒸⒸ
起源
⭕
祖緣漢文字
起原 |
|
《台日》有收「khí-goân」『源の起』、寫做『起源』、無注「文」「國」。「Khí-goân」大概是日語借詞。《教會報》一九〇四年頭擺寫。傳統歌仔册不八寫着个欵。台史數位舘所收・大清時代个契字不八用着。LOBSCHEID 無收「*起源、*起原」个欵。請看 1259・1260・1639 葉。現代日語・韓語・中語寫『起源』（主）『起原』（別、JISHO・NAVER・漢典・中教部國語典）。《朝鮮典》寫『～源』。請看「goân-thâu」「chúi-goân」。
|
相關个詞
kin-, kun-goân
goân-thâu chúi-goân
相關个字
原
源 |
|
GÍ-SÛ
téng
|
語詞
等
⭕
Ⓒ
祖緣漢文字
等 |
|
「Sè-kài tē it téng」「kiaⁿ-kiaⁿ bē tio̍h téng」云云、在來詞。「Ba̍k-sa téng」（增補厦英）云云、大概是日語借詞（張裕宏《白話典》無收）。請看「téng-téng」。
古漢文有寫『亮與張飛趙雲等率衆溯江』云云（王力典 875）。不閣台灣海峽語只个「téng」介成是近代即共日語亞是日本漢文借个。
|
相關个詞
téng-téng
ûn-ûn |
|
GÍ-SÛ
goân-lí
|
語詞
原理
⭕
ⒸⒸ
祖緣漢文字
原理～里 |
|
《教會報》一九一〇年頭擺寫。《厦英》無收。《台日》寫做『原理』、注「文」。歌仔册專寫『原理』、不八寫『*元理』、照咱知。現此時中語・日語・韓語・朝鮮語（朝鮮典）專寫『原理』。請看「goân-lâi」。
LOBSCHEID（1371）有收「PRINCIPLE, CAUSE OR SOURCE」『原』『本』『本原』『原由』『本行』。「原理」台灣歌仔册恰有塊用、唐山歌仔册無、照咱知。通知「goân-lí」大概對日語來、雖然日語『原理』大概是漢文借詞。
|
相關个詞
goân-lâi
goân-in |
|
GÍ-SÛ
hùn-khài
*hún-khài |
語詞
憤慨
⭕
祖緣漢文字
憤慨 |
|
《台日》（下 709）《厦英》《增補厦英》無收。照講是一九二三〇年代个中語借詞、亞是中語・日語借詞。林茂生〈Sin Tâi-oân-oē ê Tîn-lia̍t-koán〉（教會報 598 号、1935）有紹介日語借詞「hún-khài」、注講「Bîn-kok ū ēng」。全羅《教會報》無別篇寫「hún-khài」、不閣有 20 篇寫「hùn-khài」、自一九二九年。清・日時代个歌仔册不八寫个欵、包含唐山歌仔册。中華愛國歌仔册《西歐大戰記》（新興書局 1945 年）即有寫『憤慨』。對近代个台灣海峽社會來講、「憤」字加減有中華味、特別是讀做第三調 hùn 个時。請看「憤」（字）。相關个語詞《厦英》（160）干礁收「hoat-hún」、《增補厦英》（76）煞加收「hún-lō͘」「kek kong-hún」「kok-hún」（國憤）。
EMBREE 收「hùn-khài」「hùn-lō͘」無收「*hún-」、閣收「hiông-hún」無收「-*hùn」。全羅《教會報》干礁 1 篇寫「hún-lō͘」、一九二五年。「-*Nō͘」「*hùn-」不八寫。《台日》干礁記「hún-lō͘」（音）。
全羅《教會報》有 1 篇寫「hún-lō͘」（憤怒）。別个音不八寫。
|
相關个字
憤
奮 慨 |
|
GÍ-SÛ
ki-thé
*chi-thé |
語詞
枝體
⭕
ⒸⒸ
枝体
⭕
Ⓒⓒ
祖緣漢文字
肢體支～ 枝～ |
|
「*Chi-thé、ki-thé」原底照講是借詞。大概是中語借詞。另外一條「ki-thé」（肌体）介成是在來詞。傳統歌仔册只二項朗不八寫、照咱知。《台日》有收「chi-thé」（肢體）『體。身體』（無注詞原）甲「ki-thé」（肌體）『身體』。《增補厦英》（246）有收「ki-thé」『THE BODY』甲「chi-thé」（仝）。《厦英》朗無收个欵。全羅《教會報》有 9 篇寫着「ki-thé」、自一八九一年、內底一九六〇年代占 6 篇。有 6 篇寫「chi-thé」、自一九三七年、內底一九六〇年代占 3 篇。EMBREE 有收「chi-thé」『LIMBS (BODY)』『MEMBERS (ORGANIZATION)』『ASSISTANT, "RIGHT-HAND MAN"』甲「ki-thé」『TRUNK AND LIMBS (OF THE BODY)』。不閣全羅《教會報》一九六〇年代「ki-thé」干礁一擺是塊寫後項（～肌体）。春个是塊寫前項（～肢体）。夭「肢体」《教會報》頭一擺寫做「ki-thé」、應該是一九六一年。
《中教部閩南典》『肢體』記音「ki-thé」、無記「*chi-」。現代台語聖經（譯本名）寫「chi-thé」个所在、全民聖經有寫「ki-thé」（哥林多前 12 章）「pah-thé」（羅馬 7 章）。全民聖經無寫「*chi-thé」个欵。
|
建議
*chi-thé ⇄ 肢體、肢体
ki-thé ⇄ 枝體、枝体
相關个詞
sù-ki, *sù-chi
ki (枝) -ki-ki
相關个字
支、枝
肢 |
|
GÍ-SÛ
chiân-tô͘
|
語詞
前途
⭕
ⒸⒸ
祖緣漢文字
前途 |
|
歌仔册寫『前途』。有一半本仔寫『～徒』Ⓚ。
《白話典》無注講是日語借詞。《台日》干礁注「文」。《厦英》無收。《增補厦英》有。《教會報》一九一二年即頭擺用着。
|
|
GÍ-SÛ
sek-ín
|
語詞
索引
⭕
ⒸⒸ
祖緣漢文字
索引 |
|
大概是日語借詞。《教會報》一九五二年頭擺用着。一九一七年《Lāi-gōa-kho Khàn-hō͘-ha̍k》（內外科看護學）有甲『SEK-ÍN』。
|
|
GÍ-SÛ
kì-liām
|
語詞
記念
⭕
ⒸⒸ
祖緣漢文字
記念紀～ |
|
《台日》寫『記念』、「記」字用『巳』無用『己』。歌仔册『記念』『紀念』朗有寫、無論日本時代亞是中華時代、亞是唐山歌仔册。不閣歌仔册寫『記念』恰多、夭『紀念』是用塊寫「kí-liām」恰大面。請看下脚。現代台語無塊講「*kí-liām」。漳州語治冷戰時代夭有講「kí-liām」（紀念）。請看潘科元〈台語講記念，毋是紀念〉。
在頂古漢文、「記」字「紀」字半相通、寫「記」字个所在朗會凍換寫「紀」字（上少治無仝時代）。不閣台語有分、「kì」寫做『記』、「kí-」寫做『紀』。
《台日》《白話典》注講「kì-liām」是日語借詞。不閣《教會報》一八八〇年代着有 7 篇用着「kì-liām」、一八九〇年代閣 18 篇、用法甲現代台語「kì-liām」重叠、亞是相仝。比如講一八八七年十二月〈Kàu-hōe ê Siau-sit〉有一段寫『koh chhiáⁿ Lîm sian-siⁿ khoàn-bián kàu-hoē, chiū-sī kóng kàu-hoē tio̍h kì-liām kin-á-ji̍t ê un-tián』。（只幾句是塊講唐山泉州个代志。）《厦英》（211）有收「kì-liām」『TO THINK OF WITH PLEASANT AND GRATEFUL REMEMBRANCE』。《日台》（頂 291）有收「記念」『記念。爲記。表記』甲「記念日」『記念日』甲「紀念碑」（日）『記念碑』（台）。
全羅《教會報》朗總有 1571 篇寫着「kì-liām」。有 6 篇寫「kí-liām」、自一九一一年。
《台日》《厦英》無收「*kí-liām」、不閣《增補厦英》有收「kí-liām」『TO COMMEMORATE』、閣有「kí-liām ji̍t」「kí-liām-bu̍t」「kí-liām-pi」「kí-liām-phín」「kí-liām chhiū」「chiu-liân ê kí-liām」、閣有「kong-ho̍k kí-liām」『COMMEMORATION OF THE OVERTHROW OF THE MANCHUS』、閣有「khoe-ho̍k kí-liām-choeh」『COMMEMORATION DAY OF ESTABLISHMENT OF THE REPUBLIC, 12TH JULY』、閣有「kok-thí kí-liām ji̍t」『DAY OF NATIONAL HUMILIATION, OBSERVED IN COMMEMORATION OF SIGNING THE 21 DEMANDS, 9TH MAY』。台灣漢文（≠ 台文）大概自彼拵着恰愛寫「紀念」（kí-liām）。夭那台文、一九四一年李献璋《福建語讀本》有教一句『後帮的紀念祭是幾時』、『紀念祭』『幾時』記音「kí⁺ liàm⁺ chè」「tì⁺ sî」。
越南語講『KỶ NIỆM』、前節上上聲（～第二調）、着是按書面『紀～』來、對應「*kí-liām」。不知『KỶ NIỆM』咁是近代即有塊講。《大南國音字彚》無收。廣東語講『紀念』（GEI² NIM⁶）、對應「*kí-liām」。台灣客語講『KI-NGIAM』『KI-NGIAM NGIT』、對應「kì-liām」「kì-liām ji̍t」。唐山《客英》收『紀念會』（*KÍ-NGIÅM-FUI）『紀念日』（*KÍ-NGIÅM NGIT）『記念』（*KI-NGIÅM）『留來記念』（*LIÙ LÒI KI-NGIÅM）。《客法》甲《客英》一致。現代台語・台灣客語所以干礁講「kì-liām」『KI-NGIÅM』、凡世甲日語有關係。
|
相關个字
記
紀 |
|
GÍ-SÛ
chi-oān
*chi-oân |
語詞
支援
⭕
ⒸⒸ
祖緣漢文字
支援枝～ |
|
直接亞是間接（經過太平洋戰爭前後个中文）个日語借詞。全羅《教會報》一九三八年頭擺用着。一般來講、「*chi-oân」通講是中華音、雖然「援」字台灣泉州・下門漢文音讀 oān（主）oân（次）双音。
「枝」字丸那是「chi-」个祖緣字。請看《王力典》（464）。
|
相關个字
援
|
|
GÍ-SÛ
sin-bûn
|
語詞
新聞
⭕
ⒸⒸ
祖緣漢文字
新聞 |
|
《台日》注「國」（～日語借詞）、不閣「sin-bûn」應該是在來詞。《教會報》自一八八〇年代・創刊个年代着有塊寫。《厦英》有收。LOBSCHEID（1221）有收「新聞」。
|
|
GÍ-SÛ
kang-thêng
kang-têng *kang-tiâⁿ |
語詞
工程
⭕
ⒸⒸ
祖緣漢文字
工程 |
|
《厦英》（195）有收「kang-tiâⁿ」『A PIECE OF (NOT COARSE) WORK, ESP[ECIALLY] LITERARY WORK』、無收「kang-t(h)êng」。《增補厦英》（94）即有收「kang-thêng」『PROGRAMME OF DAY'S LABOUR; ORDER OF WORK』。全羅《教會報》有 488 篇寫着「kang-tiâⁿ」、自一八九三年。有 49 篇寫着「kang-thêng」（2 篇寫 "kang-têng"）、其中一九五〇年以後 46 篇（2 篇）。《白話典》注講「kang-t(h)êng、kang-tiâⁿ」是戰後个中語借詞。照講古早意思个「kang-tiâⁿ」是在來詞、夭現代台語「kang-t(h)êng」主要是中語借詞。日本時代有人共日語『工程』拾來用、不閣通行度簡那眞有限。
|
相關个字
程
|
|
GÍ-SÛ
sū-su̍t
|
語詞
叙述
⭕
ⓒⒸ
祖緣漢文字
敘述敍～ |
|
大概對日文亞是日本漢文來。《厦英》《增補厦英》《台日》朗無收个欵。全羅《教會報》有 2 篇用着、治一九三五年甲五三年。請看「sū-sū」。
|
相關个詞
sū-sū
相關个字
叙、敘
|
|
GÍ-SÛ
sū-sū
|
語詞
叙事
⭕
ⓒⒸ
祖緣漢文字
敘事敍～ |
|
大概對日文亞是日本漢文來。《厦英》《增補厦英》無收个欵。《台日》有收「叙事」（sū-sū、sṳ̄-sṳ̄）『叙事』（じょじ）、注「文」。全羅《教會報》「sū-sū」普遍是塊寫「事事」。上少一九一〇年進前不八寫着只个「sū-sū」（叙事）。有關「叙」字个字形、請看「叙、敘」（字）。
|
相關个字
叙、敘
|
|
GÍ-SÛ
iá-sim
|
語詞
野心
⭕
ⒸⒸ
祖緣漢文字
野心 |
|
照《白話典》、名詞「iá-sim」是日語借詞、形容詞（性詞）「iá-sim」不是。《台日》「iá-sim」無注「國」、不閣第二項意思『野心』（日語）有注「新」。《增補厦英》有收「iá-sim」『BRUTAL; AMBITIOUS』。《教會報》一九一四年第一擺用着、做性詞（形容詞）。
|
|
GÍ-SÛ
tāi-thè
tāi-thòe |
語詞
代替
⭕
ⒸⒸ
祖緣漢文字
代替 |
|
《厦英》無收。《教會報》一九三七年頭擺用着。第二擺一九五二年。《白話典》無注講是日語借詞亞是戰後中語借詞。
全羅《教會報》不八用着「*thè-tāi」「*thòe-tāi」。《白話典》有收「thè-tāi-e̍k、thè-tāi-ia̍h」、注講是戰後中語借詞。
|
|
GÍ-SÛ
sêng-ì
|
語詞
誠意
⭕
ⒸⒸ
祖緣漢文字
誠意成～ |
|
《台日》《白話典》有收、無注講是日語借詞。《教會報》一八九四年有一篇寫『chīn kî kui-kí, piáu kî sêng-ì』、閣來一九二三年「sêng-ì」即閣一擺出現。
歌仔册丸那有寫『成意』ⒸⒸ 个欵。
|
|
GÍ-SÛ
cheng-chhái
|
語詞
精彩
⭕
ⒸⒸ
祖緣漢文字
精彩～采 |
|
《台日》無收。《白話典》注講是日語借詞。全羅《教會報》有 46 篇寫着、頭擺一九五二年。
韓語・朝鮮語有講『정채』（精彩、NAVER・朝鮮典）。
|
相關个詞
kong-chhái
|
|
GÍ-SÛ
si̍p-koàn
|
語詞
習慣
⭕
ⒸⒸ
習貫
⭕
ⒸⒸ
祖緣漢文字
習慣～貫 ～串 |
|
日・中時代个台灣歌仔册寫『習慣』恰多。有一半本仔寫『～貫』。「慣」字「貫」字（請看）朗是祖緣字。其實那「si̍p-koàn」寫做『習貫』・「koàn-sì」寫做『貫勢』『貫示』、「慣」字着通好省起來。
現此時日・韓語甲車輦語寫『習慣』。主流中國語寫『习惯』。
「Si̍p-koàn」咁是在來詞、歹講。《厦英》是有收「si̍p-koàn, sêng chū-jiân」。《教會報》一八九〇年着有寫着「si̍p-koàn」、不閣是用治「si̍p-koàn sêng chū-jiân」。到一九一一年即有用做單詞。單詞「si̍p-koàn」一九三〇年代个台灣歌仔册有用着、唐山歌仔册顚倒無。一般來講、有影日語借詞恰會按呢。
|
相關个詞
貫、串、慣
|
|
GÍ-SÛ
Lō͘-se-a
|
語詞
露西亞
⭕
～～亜 ⭕
祖緣漢文字
露西亞 |
|
「Lō͘-se-a」个直接詞源應該是日本漢文。《台日》有收、無注「國」、通知上少「Lō͘-se-a」个詞源不是日本白話文。《英厦》有收「Gô-lô-su」（俄羅斯）甲「Se-ló͘」（西魯）。全羅《教會報》有 30 篇寫着「Lō͘-se-a」、自一九二二年。有 8 篇寫着「Lō͘-kok」、自一九一八年。無半篇寫「Se-ló͘」「*Sai-ló͘」。有 28 篇寫「Ngô͘-lô-su」・8 篇寫「Gô-lô-su」、自一八九一年。有 52 篇寫「Ngô͘-kok」、自一八九三年。有 41 篇寫「Ngô͘-lô」、自一九一二年。有 1 篇寫「Ngô͘-lô-kok」・1 篇寫「Gô-lô」。「Gô-kok」「*Gô-lô-kok」無寫。全羅《教會報》有 2 篇寫「Lô-se-a」、治一九三四〇年代。「*Lô-kok」不八寫。
謝貴安〈从英法德意俄美汉译国名演变看中国人对西方列强的认知过程〉（武漢大學出版社・语义的文化变迁）寫講『据说清朝曾将俄国按音译作 "鲁西亚"（RUSSIAN），遭到俄方抗议，清乃改称 "露西亚"。据王松（字友竹）在其刊行于光绪三十一年（1905）的《台阳诗话》下卷载："露国黑船东来之始，当年邦人袭用支那所称，呼曰 '俄罗斯'；后乃改称 '鲁西亚'，从译音也。然 '鲁' 字乃愚钝之意，彼国外交官嫌其侮己，致书于外务省，请以 '露' 谐音代之；政府乃命各新闻社，凡有涉及 '鲁西亚' 皆宜改用 '露西亚'。" 俄罗斯强迫清政府将其译名改作比较雅训的汉字，集中反映了欧美列强的此种心态』。
|
建議
Lō͘-se-a ⇄ 露西亞
Lô-se-a ⇄ 羅西亞
相關个字
亞、亜
|
|
GÍ-SÛ
sè-kài
*sì-kài |
語詞
世界
⭕
ⒸⒸ
祖緣漢文字
世界～介 |
|
佛底漢文詞个欵。《白話典》注講只个詞是日語借詞、意思是講「sè-kài」是敲（khau）對日語即入來台語个。不閣《厦英》有收、啞《教會報》一八八〇到一九〇〇年代着有 24 篇使用着。日語借詞應該袂按呢。
呂宋《西支》有收「[EN ESTE] MUNDO」『世界』（*sì kèi）。
|
|
GÍ-SÛ
chhiam-î
chhiam-ûi |
語詞
韱維
⭕
ⒸⒸ
韯～ ⭕
纖維
⭕
纎～ ⭕
祖緣漢文字
韱維韯～ 纖～ 纎～ |
|
大概是日語借詞、詞原『纖維』（せんい、現代日文：繊維、線維）。《內外科看護學》『FIBRIN』『FIBRO-CARTILAGE』等等譯做「chhiam-î-sò͘」（纖維素）「chhiam-î nńg-kut」（纖維軟骨）云云。請看〈Gú-lūi〉640 面。
韓語有講『섬유』（纖維）。越南語講『CHẤT XƠ』（*質疎）。
|
相關个字
韱、韯、纖、纎
維 (î, ûi) |
|
GÍ-SÛ
lòng-kiû
tōng-kiû |
語詞
撞球
⭕
㊟ⓒ
郎球
⭕
𢭗球
⭕
祖緣漢文字
㊟毬 |
|
二个名詞、大概按日語亞是中國語來、亞是福建語。外文『撞球』台語讀做「tōng-kiû」（漢音）亞是「lòng-kiû」（"撞" 用訓讀音）。《台日》收「lòng-kiû」『撞球』、寫做『撞球』、注「新」無注「國」。《教會報》一九三五年頭擺寫「tōng-kiû」。「Lòng-kiû」全羅《教會報》不八寫。EMBREE「lòng-kiû」「tōng-kiû」朗有收。歌仔册有寫『撞球』、包含戰前个唐山歌仔册、通知只二个詞無一定是共日語借个。捷發漢書部一九三五年出《現代流行撞球相褒歌》、册名現此時讀做「Hiān-tāi Liû-hêng Tōng-kiû Sio-po Koa」。論眞、歌仔册『撞球』讀做「tōng-kiû」「lòng-kiû」朗會通、惡判斷。建議「lòng-kiû」（名詞）寫做『郎球』『𢭗球』『lòng 球』亞是羅字。請看「lòng」「tōng」。
韓語有講『당구』（撞球）。十九世紀个福建語講「chhn̂g-kiû」（床球）。傳統台羅文献甲傳統歌仔册朗不八寫、照咱知。
|
建議
lòng-kiû ⇄ 郎球、𢭗球
tōng-kiû ⇄ 撞球
相關个詞
tōng ("~ chi̍t khang")
lòng (動詞)
相關个字
撞
|
|
GÍ-SÛ
kù-hoat
|
語詞
句法
⭕
ⒸⒸ
祖緣漢文字
句法 |
|
《台日》有收「句法」（kù-hoat）『句法。句の作方』、無注「國」（～日語借詞）「新」。全羅《教會報》有 2 篇（1919、1921）寫「kù-hoat」。
越南語講『CÚ PHÁP』（句法）『CÚ PHÁP HỌC』（句法學）云云。
|
|
GÍ-SÛ
hēng-hok
|
語詞
幸福
⭕
ⒸⒸ
祖緣漢文字
幸福 |
|
應該是日語借詞、無論日語『幸福』（こうふく）咁對古漢文來。 《白話典》《台日》無注講是日語借詞、不閣《教會報》一九一〇年即頭擺用着。唐山歌仔册罕得（亞是不八）寫、不閣黃塗《正派三國歌》（1929）有寫『安寧幸福保百姓』。《厦英》（126、149）有收「hēng-tit」「put-hēng」、無收「hēng-hok」。《增補厦英》（59）「幸、hēng」有甲例句「jîn-bîn ê hēng-hok」。
《中教部國語典》（中國語）「幸福」無甲漢文（～古早）用例。
|
|
GÍ-SÛ
pêng-hêng
|
語詞
平𢖍
⭕
ⒸⒸ
～衡 ⭕
祖緣漢文字
平衡～𢖍 |
|
「Chit, liōng pêng-hêng」（質・量平𢖍）云云。《白話典》注講是日語借詞。咱堯疑只个「pêng-hêng」是中語借詞。《台日》《增補厦英》無收。《教會報》一九五三年即頭擺寫。「Kin-hêng、kun-hêng」（均𢖍）嗎是一九五三年頭擺寫、夭全羅《教會報》不八寫着「*khòng-hêng」「*hêng-liông」。
|
相關个字
𢖍、衡
|
|
GÍ-SÛ
ūi-tì
|
語詞
位置
⭕
ⒸⒸ
祖緣漢文字
位置 |
|
《教會報》一九一〇年頭擺用着。
|
|
GÍ-SÛ
ho̍k-goân
|
語詞
復元
⭕
Ⓒ㊟
復原
⭕
Ⓒ㊟
祖緣漢文字
復㊟ |
|
《台日》有收、寫做『復原』、無注「國」「文」。《增補厦英》（51）收帶「元」字下底。《厦英》無收。歌仔册有一半本仔寫『復元』。現此時日語『復元』『復原』朗有寫、寫『～元』恰多个欵。韓語『복원』有寫做『復元』、嗎有寫做『～原』（NAVER）。朝鮮語《朝鮮典》寫『復元』『復元力』『復元性』。請看「goân-pún」「goân-hêng」。
《教會報》一九一六年頭擺寫。第二擺一九二八年。
|
相關个詞
goân-hêng
goân-pún goân-lâi goân-khì |
|
GÍ-SÛ
kóng-pò
kóng-pò͘ |
語詞
廣播
⭕
Ⓒ㊟
祖緣漢文字
廣㊟ |
|
《台日》無收。不閣《厦英》（378）有收「kóng-pò͘」『TO PUBLISH ABROAD』、注『R.』（～文語？）、含「pò͘-si」（布施）收做伙（～廣布）。《增補厦英》（176）有收「kóng-pò͘」『TO PROCLAIM WIDELY』、丸那收帶「pò͘、布」下底。全羅《教會報》有 17 篇寫「kóng-pò」、自一九一五年、內底戰後占 12 篇。有 40 篇寫「kóng-pò͘」、自一九二八年、內底戰後 38 篇。EMBREE 收「kóng-pò͘」無收「-pò」。今日語有講『広播』（こうは）、不閣現此時無常用个欵。朝鮮語有講『광파』（廣播、朝鮮典）。現代台語「kóng-pò、kóng-pò͘」照講是借詞、夭「-pò͘」只个音凡世甲「thoân-pò͘」（請看）相關。
《厦英》有收个彼條「kóng-pò͘」是傳統漢文借詞。LOBSCHEID（651）『DISSEMINATE』『DISSEMINATING』後尾有收「廣布」。現代台語「kóng-pò͘」含十九世紀个彼个「kóng-pò͘」不知咁有直接个血緣。
|
相關个詞
thoân-pò, thoân-pò͘
pò-iông pò͘-si pò͘ chhân
相關个字
布、佈
播 |
|
GÍ-SÛ
tiān-kong
|
語詞
電光
⭕
ⒸⒸ
祖緣漢文字
電光 |
|
「Chiò tiān-kong」云云、《白話典》無注詞原。「Iá-cheng tiān-kong tit-beh pàng」（廣榮社・最新探親結緣新歌）云云、在來詞。
|
|
GÍ-SÛ
Gû-tin
Giû-tin |
語詞
牛津
ⒸⒸ
祖緣漢文字
牛津 |
|
英國學校名、英語『OXFORD』。全羅《教會報》有 31 篇寫「Giû-tin」、自一九三二年。有 6 篇寫「Gû-tin」、丸那自一九三二年。無半篇寫「-chin」。《增補厦英》个付錄記「Giû-tin」。英語『OXFORD』丸那是地号名。
|
|
GÍ-SÛ
pan-pò͘
|
語詞
頒布
⭕
ⒸⒸ
祖緣漢文字
頒布～佈 |
|
《台日》寫『頒布』、注「文」。《增補厦英》有收。《厦英》無。《教會報》一九三〇年頭擺寫。日・中・韓語朗有只个詞。
「Pan-chióng」《教會報》一九五七年頭擺寫。EMBREE 有收。
|
|
GÍ-SÛ
kū-lī
*kī-lī |
語詞
距離
⭕
ⒸⒸ
祖緣漢文字
距離 |
|
孤語人士凡世從到今不八塊講「kū-lī」。全羅《教會報》干礁 7 篇用着「kū-lī」。一九二三〇年代 3 篇、戰後 4 篇。通知日本時代甲黨國時代个多語人士嗎罕得講「kū-lī」。
韓語有講『거리』（距離）『거리감』（距離感）云云。
|
|
GÍ-SÛ
pó-chiàⁿ
Pó-chiàⁿ pó-chèng |
語詞
保正
⭕
ⒸⒸ
祖緣漢文字
保正 |
|
《台日》收「保正」（pó-chiàⁿ、pó-chèng）『保正。【保】の頭』、無注「國」。《厦英》無收。《增補厦英》注明講是台灣只平即有。全羅《教會報》「pó-chèng」（Pó-chèng）一九〇三年頭擺寫、「pó-chiàⁿ」（Pó-chiàⁿ）一九一三年。《台日新》注講「pó-chiàⁿ」是北部話・「pó-chèng」是中南部話。歌仔册寫『保正』。歌仔册「保正」專押 -iaⁿ 韻、包含嘉義・台中出版个。
台灣話「pó-chiàⁿ、pó-chèng」大概按日本植民体制个漢文來。大概不是日語借詞、而且、凡世通講是一種台製漢詞。
|
|
GÍ-SÛ
oân-sêng
|
語詞
完成
⭕
ⒸⒸ
祖緣漢文字
完成 |
|
《白話典》注講是日語借詞。《教會報》一九一三年頭擺用着。全羅《教會報》有 501 篇用着、內底一九一二〇年代即 11 篇。一九五六〇年代占 372 篇、通知「oân-sêng」上少有受着中國語『完成』（WÁNCHÉNG）个牽成。那歌仔册、日本時代个台灣歌仔册朗無用着、照咱知。仝彼个時代个唐山歌仔册顚倒有。通知「oân-sêng」眞有可能不是單純个日語借詞。
|
|
GÍ-SÛ
soan-thoân
|
語詞
宣傳
⭕
ⒸⒸ
祖緣漢文字
宣傳 |
|
《厦英》有收。《教會報》自一八九四年着有用着。不閣《台日》注講「soan-thoân」是日語借詞。
|
|
GÍ-SÛ
chiap-siū
|
語詞
接受
⭕
ⒸⒸ
祖緣漢文字
接受 |
|
《白話典》注講是日語借詞。《台日》（下 99）《厦英》《增補厦英》無收。不閣《教會報》一八八九年着有用着。是講《教會報》一九三〇年進前「chiap-siū」用無十擺。傳統歌仔册不八用着「接受」、照咱知。
|
|
GÍ-SÛ
hùn-liān
|
語詞
訓練
⭕
ⒸⒸ
祖緣漢文字
訓練 |
|
約束字『訓練』。歌仔册有一半本仔寫『～煉』。
《教會報》一九一七年頭擺用着。一九一二〇年代朗總 11 篇、一九三〇年代雄雄 101 篇。《厦英》無收。《台日》無注「國」、《白話典》嗎無注講是日語借詞。
|
相關个詞
thoàn-liān
siu-liān
相關个字
煉、鍊 (liān)
練 |
|
GÍ-SÛ
pā-bián
|
語詞
罷免
⭕
ⒸⒸ
祖緣漢文字
罷免 |
|
《白話典》注講是中治時代共中語借个。全羅《教會報》干礁 1 篇用着、治一九五〇年。日・韓語丸那有講『罷免』（ひめん、파면）。
|
|
GÍ-SÛ
pā-kang
|
語詞
罷工
⭕
ⒸⒸ
祖緣漢文字
罷工 |
|
《台日》收「罷工」（pā-kang）『同盟罷工。同盟罷工』、無注「國」亞是「新」。《厦英》（354）有收「pā-chhī」「pā-khó」。《教會報》一九一二年頭擺寫。
|
|
GÍ-SÛ
ka-cho̍k
|
語詞
家族
⭕
ⒸⒸ
祖緣漢文字
家族 |
|
應該是日語借詞。《厦英》無收。《教會報》一九一四年即頭擺用着。傳統歌仔册罕得寫。台史數位舘所收・十八世紀个契字介成一半張仔有寫「家族」、不閣 LOBSCHEID 394 葉『CLAN』下脚朗無紹介着「*家族」。
|
相關个字
家
|
|
GÍ-SÛ
gì-tà
gì-tah *gi-tá |
語詞
㊟
祖緣漢文字
ＸＸ |
|
無約束四角字（～漢字）。那卜借台灣假名、g + i 个音節（聲調先無論）定定借「義」字塊寫。T + a 个音節（聲調先無論）八借「搭」字「焦」（礁、噍）字塊寫。
《白話典》《台外典》記『gi-tá』『gì-tà』。照《白話典》、只个詞是英語借詞、詞原『GUITAR』。照《台外典》、只个詞是日語借詞、詞原『[ギター]』、夭『ギター』詞原英語『GUITAR』。『GUITAR』間接按古早希臘語『κιθάρα』來。「Gì-tà、gi-tá」『GUITAR』『κιθάρα』照講含『SITAR』（英）『シタール』（日）『சித்தார்』（淡）『सितार』（梵）仝源。
|
相關个詞
bì-lù
相關个字
義
搭 罩 |
|
GÍ-SÛ
Se-pí-lī-a
|
語詞
西比利亞
⭕
ⓒⓒⓒⓒ
～～～亜 ⭕
祖緣漢文字
西比利亞 |
|
日語借詞个欵、對日本漢文來。《台日》有收、寫做『西比利亞』、無注「國」。《英厦》收「SIBERIA」『奚國 Hê-kok』。全羅《教會報》有 19 篇寫着「Se-pí-lī-a」、頭篇一九〇四年、尾篇一九五二年。有一篇寫「Se-pí-lí-a」。一九二八年有一篇寫「Se-pek-lī-a」（西伯利亞）。
越南語講『XI-BE-RI-A』。永過有講『TÂY BÁ LỢI Á』（西伯利亞）。
|
|
GÍ-SÛ
kok-hāu
|
語詞
國校
⭕
ⒸⒸ
祖緣漢文字
國校囯～ |
|
《中教部閩南典》注講「kok-hāu」『源自日治時代末期的「國民學校」，今指戰後的國民小學』。《教會報》一九二二年頭擺用着。日語無講『*国校』、上少、現代日語無。
|
|
GÍ-SÛ
soeh-ho̍k
seh-ho̍k soat-ho̍k *sòe-ho̍k |
語詞
說服
⭕
Ⓒ㊟
說伏
⭕
Ⓒ㊟
祖緣漢文字
說㊟ |
|
「Soeh-ho̍k、seh-ho̍k」是中語借詞。「Soat-ho̍k」上早大概是日語借詞。全羅《教會報》有 4 篇寫「soat-ho̍k」、第一篇一九三〇年、第二篇一九六〇年。EMBREE 干礁收「soat-ho̍k」。王育德《常彚》朗無收。《日台》（下 823）有收「說伏」（トキフセル）『講 [kah hō͘] 伊服。開破 [hō͘] 伊信』、無收『*說伏』（*セップク、頂 651）。現代日語由原寫『説伏』（せっぷく）。永過有人寫『説服』（說～）。韓語『說伏』『說服』朗有寫（NAVER）。朝鮮語寫『說服』（朝鮮典）。《白話典》注講「soeh-ho̍k、seh-ho̍k、soat-ho̍k」是戰後个中語借詞、夭中語『說服』（说～、説～）是日語借詞、詞原日語『說伏』。
《中教部閩南典》干礁收「*sòe-ho̍k」、大概因爲中華民國語『說服』讀 SHÙIFÚ、無讀 *SHUŌFÚ。今有一字「說」字讀 soat（中語 SHUŌ）、閣有一字「說」字讀 sòe（中語 SHÙI）。車輦國學者主張講『說服』个只字『說』是讀 SHÙI（sòe）彼字。不閣高麗語講『설복』、對應「soat-ho̍k」。日語『説伏』讀『せっぷく』、對應「soat-ho̍k」甲『설복』。夭日語『遊説』讀『ゆうぜい』、對應「iû-sòe」。高麗語『유설』（～iû-soat）『유세』（～iû-sòe）朗有講（NAVER、朝鮮典）。
|
相關个字
說 (soat)
說 (sòe) |
|
GÍ-SÛ
Hàn-im
|
語詞
漢音
⭕
ⒸⒸ
祖緣漢文字
漢音 |
|
《台日》有收「漢音」（Hàn-im）『漢音』、無注「國」。
ARBEH, goân-ì sī "siⁿ-thoàⁿ--ê" (A SPECIES OF LOCUST). Kū-iok ū ēng 20 pái í-siong.... Lī 11:22, sī chiàu Hàn-im "hông-thiông" (蝗虫), bô e̍k choè pe̍h-oē, kiám-chhái sī chháu-meh ê it-poaⁿ bêng-chheng, ū lâng kóng sī "kià-kha chháu-meh" (寄寓蝗虫 Acridium Peregrinum)』。
|
|
GÍ-SÛ
iu-sian
|
語詞
優先
⭕
ⒸⒸ
祖緣漢文字
優先 |
|
《台日》無收、不閣有收「iu-sian-koân」、注「國」。《教會報》672 号（1941）Lâu Iok-hàn〈Chin ê Kiàn-siat〉有寫『su-ek iu-sian (私益優先)』『kong-ek iu-sian (公益優先)』、不閣單詞「iu-sian」是一九四八年即頭擺出現。《白話典》注講「iu-sian」是日語借詞。事實無的確「iu-sian」是中語借詞。
|
|
GÍ-SÛ
bí-lē
|
語詞
美麗
⭕
ⒸⒸ
祖緣漢文字
美麗～丽 |
|
頂・古漢文有「美麗」只个詞。台語「bí-lē」眞有可能按日本漢文來。《教會報》一九一六年即頭擺用着單詞「bí-lē」。《台日》注「文」。《厦英》無收。
|
|
GÍ-SÛ
-chiu
|
語詞
周
⭕
Ⓒ
週
⭕
祖緣漢文字
周 |
|
「Kì-liām-chiu」云云。「-Chiu」祖緣漢文字「周」字。「-Chiu」个仝原詞、日・韓語甲中華民國語慣勢寫做『週』个欵。主流中國語寫『周』。今台語「-chiu」甲日語『週』・中語『周』（週）無仝、不是單詞、袂使獨立使用、干礁用帶「kì-liām-chiu」「chiu-khan」「chiu-hōe」云云。台語「-chiu」卜寫做『週』、理由大概是卜參日語・中華民國語竪鬥陣。請看「周、週」（字）甲「chiu-nî」。
「-Chiu」不知咁是日語借詞。《甘》「週」字有注『chhit-ji̍t tsòe chi̍t-chiu』。《增補厦英》嗎有記載着只个意思、夭《厦英》無。
|
相關个詞
chiu-nî
相關个字
周、週
|
|
GÍ-SÛ
khó-lū
khó-lī |
語詞
考慮
⭕
ⒸⒸ
祖緣漢文字
考慮攷～ |
|
《台日》（頂 490）《增補厦英》無收。《教會報》一九三一年頭擺用着、自彼拵着定定使用。日・韓語是有講『考慮』（고려、こうりょ）。只个詞眞有可能是日本時代个中語借詞。
|
|
GÍ-SÛ
lîm-sî
|
語詞
臨時
⭕
ⒸⒸ
祖緣漢文字
臨時 |
|
《台日》注講是日語借詞、不閣《教會報》自一八八七年着有用着。戰前个唐山歌仔册嗎有用着。「Lîm-sî」眞有可能是大清時代間接个日語借詞（～不是直接个日語借詞）。
|
|
GÍ-SÛ
khì-tô͘
|
語詞
企圖
⭕
ⒸⒸ
祖緣漢文字
企圖 |
|
《白話典》注講是日語借詞。日語是有講『企図』（きと）。韓語嗎有講『기도하다』（企圖～）。不閣台語治冷戰時代尾進前夭未有只个詞、照咱知。《台日》《增補厦英》甲 EMBREE 朗無收。全羅《教會報》不八寫。一九九〇年進前个台文文献不八用着只个詞、照咱知。
|
|
GÍ-SÛ
ū-pò
ī-pò |
語詞
預報
⭕
ⒸⒸ
祖緣漢文字
豫報預～ |
|
《教會報》一九三八年着有一篇文（641 号 "Ū-giân kap Hiān-tāi"）寫『Kīn-lâi sui-jiân ji̍t-mê Hòng-sàng-kio̍k ū thiⁿ-khì ū-pò (天氣豫報)』。一九七〇年代進前个文献（無論漢・羅）介成罕得用着只个詞。現代台語「ū-pò、ī-pò」是日語借詞亞是中語借詞、咱無把握。
現代日語有講『予報』（よほう）。韓語有講『예보』（豫報）。
|
相關个詞
ū-, ī-hông
|
|
GÍ-SÛ
chóng-thóng
Chóng-thóng |
語詞
總統
⭕
ⒸⒸ
祖緣漢文字
總統 |
|
大概是日語借詞、亞是日語借詞兼中語借詞。《厦英》無收。《增補厦英》有。《台日》有收「總統」（chóng-thóng）『統督。總大將』、無注「國」、無注「新」。全羅《教會報》有 76 篇用着、自一九一三年。內底到甲一九四〇年即 21 篇。自一九四六年到一九六七年有 55 篇。
《教會報》一九一三年（334 号）頭擺用着「chóng-thóng」、文章寫『Chá-nî Bí-kok ê tāi Chóng-thóng Lîm Kin』『Tùi chit sî choân-kok ê lô͘-châi ... ta̍k lâng ū Chóng-thóng ê chu-keh』。
|
|
GÍ-SÛ
kòe-thêng
kè-thêng *kò-thêng kòe-têng *kè-têng |
語詞
過程
⭕
ⒸⒸ
祖緣漢文字
過程 |
|
《台日》《增補厦英》無收。《白話典》注講是日語借詞。全羅《教會報》有 19 篇寫「kò-thêng」、自一九三四年。有 3 篇寫「kòe-thêng」、自一九五三年。無半篇寫「-têng」亞是「kè-」亞是「kò͘-」。EMBREE 有收「kè-thêng」「kòe-thêng」「kò-thêng」、無收「-têng」。請看「chiân-thêng」。
|
相關个詞
chiân-thêng, -têng
相關个字
過、过
程 |
|
GÍ-SÛ
sûn-chhùi
*sûn-chùi sûn-sùi |
語詞
純粹
⭕
ⒸⒸ
祖緣漢文字
純粹 |
|
《厦英》無收。《台日》有收「純粹」（sûn-chùi）『純粹』、注「文」。一八三二年《麥》「粹」（*sùi）字有甲例詞「純粹」（*sûn-sùi）。全羅《教會報》有 7 篇寫「sûn-sùi」、自一九二四年。有 1 篇寫「sûn-chùi」、一九四七年。有 5 篇寫「sûn-chhùi」、內中中治時代 4 篇・日治時代 1 篇。《十項管見》有寫「sûn-sùi」。EMBREE「sûn-chùi」「sûn-chhùi」「sûn-sùi」（← sûn-sūi）朗有收。「粹」字本音 sùi。「-Chùi」「-chhùi」是咀音。大概「粹」字罕用、自按呢人共「醉」（chùi）字「碎」（chhùi）字个音借來鬥。不閣請看「chhùi」。
「*Chhûn-chhùi」是純中華音。中國語講『纯粹』（純～、CHÚNCÙI）。
|
相關个詞
chhùi (碎)
相關个字
粹 (sùi)
醉 碎 (chhùi) |
|
GÍ-SÛ
kàm-tok
*kam-tok |
語詞
監督
⭕
ⒸⒸ
祖緣漢文字
監督 |
|
主流現代音「kàm-tok」。《厦英》《台日》干礁收「kam-tok」。全羅《教會報》有 219 篇寫「kam-tok」、自一八八〇年代。有 52 篇寫「kàm-tok」、自一九〇三年、一九三四〇年代占 30 篇。請看「監」（字）。歌仔册寫『監督』。有一半本仔寫『鑑～』。
《台日》「kam-tok」注講是日語借詞、不閣《厦英》一八七〇年代着有收。
|
相關个字
監
鑑 |
|
GÍ-SÛ
si̍t-chián
*si̍t-chiān |
語詞
實踐
⭕
ⒸⒸ
祖緣漢文字
實踐 |
|
詞原大概是日語『實踐』（じっせん、新字体：実践）。韓語有講『실천』（實踐）。全羅《教會報》有成五十篇寫「si̍t-chián」、自一九二〇年代。
「踐」字本音 chián（漳、厦）chiān（厦）、無讀 *chiàn。「*Si̍t-chiàn」「*si̍t-kiàn」是中華音。
|
相關个字
踐 (chián, chiān)
|
|
GÍ-SÛ
iā-kéng
|
語詞
夜景
⭕
ⒸⒸ
祖緣漢文字
夜景 |
|
大概是日語借詞、詞原『夜景』（やけい）。《教會報》一九二四年頭擺用着。日本時代个歌仔册有一半本仔用着、不閣車輦時代个唐山歌仔册無、照咱知。韓語有講『야경』（夜景）。
|
|
GÍ-SÛ
tui-kiû
|
語詞
追求
⭕
ⒸⒸ
祖緣漢文字
追求 |
|
《白話典》注講是日語借詞。《台日》（下 375）無收。《教會報》一九二一年頭擺、不閣一九三〇年代即雄雄變常用。不那日語、韓語嗎有講『추구』（追求）。不閣「tui-kiû」眞有可能是日本時代个書面中語借詞。
|
|
GÍ-SÛ
siáu-sú-á
|
語詞
小使仔
⭕
ⒸⒸⓉ
祖緣漢文字
小使Ｘ |
|
「Siáu-sú-」是共日語借个（台日）。《增補厦英》有收「siáu-sú」『OFFICE BOY; SERVANT; COOLIE』（213）。《四民經紀通俗歌》有寫『一個小使陞給士 一個甲長陞保正』。
客語有講『SIÁU-SṲ́-*É』（海）云云。
|
|
GÍ-SÛ
Má-lâi
|
語詞
馬來
ⓒⓒ
祖緣漢文字
馬來 |
|
《教會報》一九二五年頭擺寫。日語『マレイ』永拵有寫做『馬來』。《台日》有收「Gû-lâ-iû」『馬來』、寫做『牛朥油』。請看「*Bû-lâi-iû」。《增補厦英》个付錄有收「馬來羣島」（Má-lâi kûn-tó）『MALAY ARCHIPELAGO』。
「Má-lâi-a」《教會報》一九四八年頭擺寫。
|
相關个詞
*Bû-lâi-iû
|
|
GÍ-SÛ
teng-tâi
|
語詞
灯台
⭕
ⓒⓒ
燈台
⭕
Ⓒⓒ
祖緣漢文字
燈臺 |
|
《台日》有收「teng-tâi」、寫做『燈臺』、注「國」（～日語借詞）。歌仔册有寫『灯台』『燈～』、用例少少仔。戰後明文堂个歌謡有寫『灯台』。《台日》夭有收「teng-thah」「teng-lâu」。《英厦》收「tiám teng lâu」「teng-thah」。《白話基礎語句》教「teng-tâi」、句例『Hok-im sī jîn-seng ê teng-tâi』。歌仔册有一半本仔寫『灯樓』。
全羅《教會報》人名・雜志名那無算、有 6 篇寫「teng-thah」、自一九五二年。有成百篇寫「teng-tâi」、自一八八〇年代・創刊个年代、其中一九六〇年代由原占 10 篇。
英漢 LOBSCHEID 收『光塔』『燈塔』。
|
相關个詞
teng (灯、燈)
相關个字
燈、灯
|
|
GÍ-SÛ
ì-gī
|
語詞
意義
⭕
ⒸⒸ
祖緣漢文字
意義 |
|
《厦英》有收。《教會報》自一八八〇年代・創刊个年代着有用着。不閣《台日》注講是日語借詞、夭傳統歌仔册不八用着只个詞、照咱知。
|
|
GÍ-SÛ
chhiòng-koàn
*chhiong-koàn |
語詞
縱貫
⭕
ⒸⒸ
祖緣漢文字
縱貫～串 |
|
照講是日語借詞。《台日》無收、不閣「chhiong-koàn thih-tō」（縱貫鐵道）有收、注「國」（～日語借詞）。《白話典》「chhiòng-koàn thih-lō͘」注講是部份个日語借詞、夭「chhiòng-koàn kong-lō͘」注講是中語借詞。照潘科元先生个注解、「chhiòng-koàn」是咀音。請讀〈台語詞脫線个來源佮演變〉。請看「縱」（字）。不閣全羅《教會報》有 5 篇寫着「chhiòng-koàn」、頭擺一九四七年。「*Chhiong-koàn」不八寫。
|
相關个字
縱 (chhiong, chong)
縱 (chhiòng) |
|
GÍ-SÛ
chài-hōe
|
語詞
再會
⭕
ⒸⒸ
祖緣漢文字
再會 |
|
流行歌詞專寫『再會』。《台日》有收、無注講是借詞。不閣只个講法治清・日時代簡那無常用。全羅《教會報》干礁 9 篇寫着、頭篇一九三八年、閣來一九五五。二十世紀个歌仔册、無幾本用着。顚倒恰多本寫「暫別」（*chiām-pia̍t）、對應越南語『TẠM BIỆT』（暫別）。《台日》「chài-hōe」注解做（日語）『再會』（さいくゎい、～さいかい）。
瑞成《最新流行香閨春怨歌》有寫『大家另日即再會』。
|
|
GÍ-SÛ
khòng-chôaⁿ chúi
|
語詞
礦泉水
⭕
ⒸⒸⒸ
鑛泉水
⭕
ⒸⒸⒸ
祖緣漢文字
鑛泉水礦～～ |
|
「Khòng-chôaⁿ」是日語借詞（台日）。只个「khòng-」是「khòng-bu̍t」彼个 khòng-、祖緣字「鑛、礦」（kóng）字。只个「khòng-」不是「kim-khòng」彼个 -khòng。
|
相關个詞
khòng-bu̍t
相關个字
壙、鑛、礦 (khòng)
鑛、礦 (kóng) |
|
GÍ-SÛ
ngiâ-chih
gêng-chiap |
語詞
迎接
⭕
ⒸⒸ
祖緣漢文字
迎接 |
|
在來音「ngiâ-chih」。歌仔册「迎接」用帶韻脚專押 -i 韻（～ngiâ-chih）。《教會報》一八九九年頭擺用着「gêng-chiap」。第二篇一九三一年。「Gêng-chiap」凡世是日語借詞。請看「tāi-ha̍k」。
日語『迎接』（げいせつ）無常用个欵。韓語有講『영접』（迎接）。
|
相關个詞
tāi-ha̍k, tōa-o̍h
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！