|
GÍ-SÛ
Má-chó͘-káng
|
語詞
媽祖港
ⓉⒸⒸ
祖緣漢文字
Ｘ祖港 |
|
高雄市內水名兼橋名。媽祖港『位於前鎮河的上游，因河水為淡水，又名淡水溝』『在清代前鎮河上游地區因傳說鬧鬼，而該處受媽祖庇佑，因以得名，今位於媽祖港橋附近』。
|
|
GÍ-SÛ
Bî-long
*Bi-long *Bi-lóng |
語詞
瀰濃
⭕
ⓀⓀ
彌濃
⭕
ⓀⓀ
祖緣漢文字
ＸＸ |
|
現代台語主要講「Bi-long」。那泉底个腔口、鹿港許嘉勇先生（私下請教）講不八听過人講「*Bî-long」、啞鹿港人講「Bi-lóng」。注意、鹿港語「Bi-lóng」實音（表面音）含主流台語「Bi-long」一致。換話・換觀点來講、南部台語講「Bî-long」（～Bi-long、無爭差）、啞中北部話專綴南部「音」、前節中調、後節高調。在治鹿港个音理、只个「音」是「Bi-lóng」。在治泉底北部話个音理、只个音是「Bi-long」。全羅《教會報》一九四〇年進前差不多朗寫「Bî-long」。一九五〇年以後寫「Bí-long」恰多、減彩是塊就中文『美～』个寫法。那客語、在地人講『MÌ-NÙNG』、前節第五調（邱智偉先生、私下請教）。北部客語講『MÎ-NÙNG』（四）『MÛI-NÙNG』（海）恰多、啞南北部朗夭有人講『MÍ-NÙNG』（～"米濃"、仝）。『MÎ-NÙNG』是字面音、照『美～』讀个。「美」字客語讀 MÎ（四）MÛI（海）、第一調。
『美濃』只个寫法是日本官員發明个（葉高華・1920 年地名大變革）。『美』『瀰』日本語仝音。明治《堡圖》寫『瀰濃』。日本中部岐阜（*Kî-hū）縣有一个「美濃」（みの、*Bí-lông）市。〈前後山輿圖〉有記『彌濃庄』『彌濃山』。〈重修臺灣縣志疆域圖〉（1753）甲〈乾隆輿圖〉有記『彌濃庄』。〈雍正輿圖〉有畫一粒『彌濃山』。
『美濃』二字事實上是照日本音借个、是外文。請讀葉高華〈臺灣日式地名新論〉。不閣台語無照『美濃』二字講「*Bí-long」（亞是 *Bí-lông）、在地个客語也無講『MÎ-NÙNG』。「Bi-long」借「美」字來寫、無合台文字理。B + i 个音節（聲調先無論）有約束卡那「米」字。有『西米羅』、無『*西美羅』。
清國个地圖寫『彌～』恰多。有人講『瀰～』个寫法嗎是日本官起个、不閣明治時代个日本人罕得做只欵代志。大概『瀰～』是「民間」个寫法、三点水對後字妬（tò͘）過來前字。含清官比、日官有影恰注重社會約束。瀰濃人寫『瀰濃』寫到今。中華行政体制嗎有『瀰濃里』。寫『彌～』恰省劃、不閣現代瀰濃人慣勢寫『瀰～』。
|
行政地名
日本体制『美濃』街 ⇄ 中華体制『美濃』區
相關个詞
Bî-lô-káng
相關个字
濃
|
|
GÍ-SÛ
Iàn-châu
|
語詞
燕巢
ⓒⓒ
祖緣漢文字
燕巢 |
|
高雄地名。《堡圖》有記「援巢中（庄）」甲「援巢右」。《教會報》八寫着「Oān-châu-tiong」。『鄭成功來到台灣後，把部隊分派到各地去屯墾、駐守。其中援剿中鎮、援剿右鎮、角宿鎮等各部隊，來到到了我們的－燕巢鄉，並駐紮了下來。當時這塊土地並沒有地名，於是以部隊名字來稱呼』（高雄縣國民小學中年級鄉土教材、bit.ly/2Rk4YtF）。一九二〇年、官方照日本字音共「援～」轉寫做「燕巢」（仝）。《教會報》一九三二年頭擺寫着「Iàn-châu」。
水蛙潭个西平屬燕巢區（中）・田寮庄（日、@RICHTER78・戰後調整的鄉鎮級邊界）。
|
行政地名
日本体制燕巢庄 ⇄ 中華体制燕巢區 ㊟
|
|
GÍ-SÛ
Thô-á-hn̂g
|
語詞
桃仔園
ⒸⓉⒸ
祖緣漢文字
桃Ｘ園 |
|
高雄市內地名、路尾廢庄。《堡圖》有記『桃仔園』『～庄』。〈前後山輿圖〉〈乾隆輿圖〉無記。
林劍鋒（2004）《失落的桃子園》（3）寫講『左營「桃子園」地名，在清朝的文獻資料中⋯曾記著「桃仔園」，日本統治臺灣時期的官方文獻資料⋯又更改成「桃子園」。一般而言，正確的地名應爲「桃子園」，這可從左營新莊仔青雲宮前石製香爐上的鏤刻文字可得知，這座有百年以上歷史的香爐，鏤刻著是「桃子園」。至於何以會寫成「桃仔園」？根據臺語的讀音，桃子園的正讀音是「桃仔園」，不過，因「仔」這個字的讀音較近乎庶民俚語，難登大雅之堂。臺灣在清領時期，在私塾教「漢學」的老先生，一般在書寫漢文時，書寫到地名時的「仔」音，爲了求文言典雅，直接書寫「子」，如讀音桃仔園，就書寫成「桃子園」！而漢文書寫的「桃子園」當中的子字，讀成「啊」音』。
|
相關个詞
Thô-á-hn̂g... (桃園)
|
|
GÍ-SÛ
ba̍k-sa
Ba̍k-sa |
語詞
木柵
Ⓒ㊟
～栅 ⭕
祖緣漢文字
木㊟ |
|
《英厦》（363）寫『木柵』。《八音》《妙悟》*sa 無收相關字詞。《渡江》*sa 有收「栅」『木 —』。台灣地名多數寫『木柵』（～栅）。《堡圖》寫『～柵』恰多个欵。請看「栅」（字）。嘉義竹崎木栅寮、《堡圖》記做『目沙藔』。那歌仔册、宋阿食《烏貓扒壁新歌》寫『木栅』、台北地名。捷發《百草問答相褒歌》寫『目栅』、台北地名。下門會文堂《最新烏貓烏狗歌》有寫『木沙』、台北地名。
「栅、柵」字有可能不是祖緣字。《集韻》（北師版）『𣑭』『栅』記所晏切・數眷切・測革切三个音、無一項對應「-sa」。雖然「栅、柵」字台灣漳州漢文音讀 sa、無的確 sa 是訓讀音、亞是共厝邊仔語文借个。主流台灣客語有講『CHHA̍K-MÙN』（*栅門）『CHHA̍K-*É MÙN』（*栅仔門、客詞庫）、不閣濁水溪客語講『TSHAH-MÙN』（客詞庫）。不知「-sa」咁有可能含『TSHAH-』仝原。呂宋《西支》有收「ÇERCA DE ESPINOS」『柵』（*ba̍k sa、加注『木～』个音）、通知「-sa」寫做「栅」字上少有四百冬啞。
|
地名・水名
高雄旗山木柵ᴾ
高雄內門木柵ᴾᵀ 新～ ᴾ 舊～ ᴾ ～ 內ᴾ 台南東山木柵ᴾᵀ 嘉義竹崎木栅寮 (目沙～) ㊟ 台北新店木柵ᴾ 台北深坑木栅ᴾᵀ （文山）
相關个字
栅
册 |
|
GÍ-SÛ
*Sai-gia̍h-thâu
|
語詞
獅額頭
ⒸⓉⒸ
祖緣漢文字
獅Ｘ頭師Ｘ～ |
|
高雄六龜地号名。《堡圖》記『獅額頭』、「額」字注音『ヤ』。
游永福（PIXNET @puumen2727）〈荖濃里長候選人董武慶〉寫講『「大家看，此山形狀，就像獅子舉起頭來，亦即是『獅舉頭』是也；而《安平縣雜記》則是以『獅額頭』來記錄，因為『舉』與『額』閩南語音接近。」關於六龜區的「獅額頭」地名，課程伙伴來到現地後，文化工作者董武慶依據他的觀察與研究，比了比山的形狀，給了如此解釋與訂正，可說合情合理──這是民國百零二（2013）年 11 月 23 日的場景了』。
|
相關个詞
gia̍h thâu...
|
|
GÍ-SÛ
Kiâm-chúi-káng
|
語詞
鹽水港
ⒽⒸⒸ
塩水港
ⒽⒸⒸ
祖緣漢文字
鹹水港醎～～ |
|
只个地名・水名、逐位寫法一致、不閣到今一般有『塩～』『鹽～』二式。高雄小港「Kiâm-chúi-káng」、《堡圖》記做『鹽水港』『～庄』。新竹香山「Kiâm-chúi-káng」、《堡圖》記做『鹽水港庄』『塩水港庄』『䀋水港』。
台南塩水港現代名「Kiâm-chúi」。《堡圖》記做『鹽水港』『～街』、〈乾隆輿圖〉記做『塩水港』『～街』。
苗栗・新竹鹽水港溪現代官方名『鹽港溪』。
|
地名・水名
高雄小港～
～溪 ㊌ 台南塩水～ ㊟ 新竹州 ～溪 ㊌㊟ 新竹香山～
相關个詞
kiâm (鹹、塩、鹽)
kiâm-chúi
相關个字
鹽、塩
鹹、醎 |
|
GÍ-SÛ
Lêng-á-liâu
|
語詞
苓仔寮
ⓀⓉⓀ
苓雅寮
ⓀⓀⓀ
苓雅藔
ⓀⓀⓉ
能仔寮
ⓀⓉⓀ
𦊓仔寮
寧仔藔
ⓀⓉⓉ
祖緣漢文字
ＸＸＸ |
|
高雄市內地名。《堡圖》寫「苓雅藔（庄）」。〈前後山輿圖〉無注記着个欵。大清《鳳山縣採訪冊》（CTEXT）寫「能雅寮」。〈乾隆輿圖〉寫「寧仔藔」。〈雍正輿圖〉寫「𦊓仔寮」。鄭志文《工商服務》有寫『苓仔寮』。永過夭有一式、「笭～」。
『「苓雅寮」地名的由來，是漁民在海灘搭「寮」棲身，曬「𦊓子」而演成的』『「𦊓子」乃捕魚用的一種魚網，可在淺灘用之，至今漁塭撈捕虱目魚用的就是𦊓子，所以捕魚也叫故「𦊓魚」』（杜劍鋒《苓雅寮煙雲》15 葉、故 → 做）。
|
相關个詞
Lêng-á-liâu (台南)
lêng-á |
|
GÍ-SÛ
Nâ-á-piⁿ
|
語詞
林仔邊
ⒽⓉⒸ
祖緣漢文字
ＸＸ邊 |
|
屏東林仔邊、日語華語号做「林邊」（～辺）、不閣在地專講「Nâ-á-piⁿ」、無人講 *Nâ-piⁿ、嗎無人講 *Nâ-piⁿ hiong、朗講「Nâ-á-piⁿ hiong」（林仔邊鄉）。《堡圖》記「林仔邊」「林仔邊庄」。官方一九二〇年共日文・漢文地名修改做「林邊」、不閣台語到今講「林仔邊」。
高雄林園早名「Nâ-á-piⁿ」（林仔邊）、一九二〇年即換做「Lîm-hn̂g」（林園）。
|
地名・水名
屏東林仔邊 ㊟
屏東林仔邊溪 ㊌ 高雄林園林仔邊 頂～ 下～ ㊟ 高雄大社林仔邊 台南關廟林仔邊 台南歸仁林仔邊
行政地名
日本体制『林邊』庄 ⇄ 中華体制『林邊』鄉・南州鄉
相關个詞
Lîm-hn̂g
|
|
GÍ-SÛ
Ka-tiaⁿ-á
|
語詞
茄萣仔
⭕
ⓉⓉⓉ
祖緣漢文字
ＸＸＸ |
|
高雄地名。《堡圖》有記『頂茄萣』『～庄』『下茄萣』。『茄萣仔』到今罕得有人寫、那有寫、恰多簡那朗是塊交帶口語「Ka-tiaⁿ-á」。夭全羅《教會報》有 26 篇寫「Ka-tiaⁿ」、朗治一九五六〇年代。無半篇寫「Ka-tiaⁿ-á」。
照主流台語个聲調規則、「Ka-tiaⁿ-á」甲「*Ka-tiāⁿ-á」仝音、「萣」字閣借「定」字做音符、自按呢上少外位仔人有講「Ka-tiāⁿ khu」、親像《中教部閩南典》所記。
行政上、竹滬（Tek-hō͘）屬湖內庄（日）・路竹區（中）。
|
建議
Ka-tiaⁿ-á ⇄ 茄萣仔
*Ka-tiaⁿ ⇄ 茄萣
行政地名
中華体制『茄萣區』・湖內區 ⇄ 日本体制湖內庄 ㊟
相關个詞
ka-tiaⁿ (生物)
|
|
GÍ-SÛ
Lîm-hn̂g
|
語詞
林園
ⒸⒸ
祖緣漢文字
林園 |
|
高雄地名、一九二〇年号个、早名「Nâ-á-piⁿ」（林仔邊）。
|
行政地名
日本体制林園庄 ⇄ 中華体制林園區
|
|
GÍ-SÛ
Hoan-á-lō͘
|
語詞
番仔路
ⒸⓉⒸ
祖緣漢文字
蕃Ｘ路番Ｘ～ |
|
嘉義番仔路官方名一九二〇年換做「番路」。《堡圖》有記『番仔路』『～庄』。《堡圖》所記个「番仔路」上少閣有二个、治高雄內門・台中太平。
|
行政地名
日本体制番路庄 ⇄ 中華体制番路鄉
|
|
GÍ-SÛ
Tōa-oan
|
語詞
大灣
Ⓒ㊟
大彎
Ⓒ㊟
祖緣漢文字
大㊟ |
|
地号名「Tōa-oan」（大灣、大彎）《台地典》（80）收做四組。高雄仁武・台南永康・雲林麥寮甲台北市內个「Tōa-oan」注解『意「大彎曲之地」。指傍河流或圳道之地的聚落』。仝欵、宜蘭冬山「Tōa-oan」注解『意「大彎曲之地」。由於冬山河在此處形成一轉彎，故名』。彰化竹塘甲宜蘭南澳个「Tōa-oan」注解『意「大彎曲之地」。指傍因地勢形成大轉彎的道路之聚落』。夭苗栗竹南个「Tōa-oan」注解『原意「大吵架衝突」。為終止閩粵二族之間的敵對所開的協調會，不幸再發生慘事，乃得名』。
頂高第一組按呢注解、打算無正確。第一組「Tōa-oan」、後節个詞底是古早名詞「*oan」、一堀水个意思。《妙悟》有收「淵」（*oan）『土水也水出不流曰 —』。《補彚》有收「灣」（*oan）『水曲又池名』。簡宏逸〈從古契字論臺灣地名表記的傳統規範機制〉（2013）寫講『臺北的大灣、臺南永康的大灣、高雄仁武的大灣，三地過去分別有大陂、鯽魚潭、草潭，顯然先民就是以當地的水池作為命名地方的依據』。請看下脚。
那台北「*Tōa-oan」（→ 大安・*Tōa-an）、《堡圖》記做『大安庄』、注音『トア アン』。請看「Tāi-an」（台北）。簡宏逸《Tōa-oan (THE BIG POOL) 1653-1983: A HISTORY OF WATER, FORESTS, AND AGRICULTURE IN NORTHERN TAIWAN》寫講『THE NAME [大安], WHICH LITERALLY MEANS 'GREAT PEACE', FIRST APPEARED IN THE 1820S. THIS IS AN ABSTRACT AND FORTUNATE NAME THAT DOES NOT DESCRIBE ANY GEOGRAPHICAL FEATURE; SUCH NAMES ARE OFTEN ALTERATIONS OF EARLIER NAMES. THIS IS EXACTLY THE CASE WITH [大安]. BEFORE THE 1820S, THE NAME OF TODAY'S DA'AN WAS Tōa-oan. THE LAND DEEDS PRESERVED BY THE Lîm-an-thài 林安泰 CLAN CLEARLY DOCUMENT THE CHANGE OF NAME. THERE HAVE BEEN SEVERAL INTERESTING ATTEMPTS TO EXPLAIN THIS CHANGE, BUT I BELIEVE THAT THE INHABITANTS CHANGED THE PLACE NAME BECAUSE THEY SIMPLY BELIEVED THAT IT SOUNDED BETTER』（77）『ALTHOUGH THE CHANGE OF PLACE NAME FROM Tōa-oan TO [大安] IS EVIDENT, THE MEANING OF THE PREVIOUS NAME IS NOT. Tōa MEANS 'LARGE' IN HOKKIEN, AND THUS IT SEEMS TO DESCRIBE A SIGNIFICANT GEOGRAPHICAL FEATURE, NAMELY oan; HOWEVER, IT IS UNCLEAR TO HISTORIANS WHAT THAT FEATURE WAS. ACCORDING TO THE CHINESE-ENGLISH DICTIONARY OF THE VERNACULAR OR SPOKEN LANGUAGE OF AMOY 廈英大辭典, WHICH WAS PUBLISHED BY AMERICAN MISSIONARY CARSTAIRS DOUGLAS IN 1873 AND IS STILL AUTHORITATIVE TODAY, oan MEANS 'A BAY; A BEND IN A RIVER OR CHANNEL'. Tōa-oan IS NOT A COASTAL LOCATION, AND THUS IN THIS CASE, oan CANNOT MEAN A BAY. 'A BEND IN A RIVER OR CHANNEL' SEEMS MORE PROBABLE. MY PREDECESSORS, WHO ATTEMPTED TO EXPLAIN THE ETYMOLOGY OF DA'AN OR Tōa-oan, USUALLY ADOPTED THIS MEANING AND BELIEVED THAT Tōa-oan MEANT 'GREAT BEND'. THEY FURTHER SUGGESTED THE TWO NEARLY 90-DEGREE TURNS OF THE ... 瑠公圳 — THE MOST IMPORTANT IRRIGATION SYSTEM IN TAIPEI — AS POSSIBLE CANDIDATES FOR THE ETYMOLOGY OF Tōa-oan, BUT COULD NOT AGREE ON WHICH BEND CONTRIBUTED THE NAME. HOWEVER, THIS THEORY HAS AN OBVIOUS CHRONOLOGICAL FAULT: THE VILLAGE OF Tōa-oan HAD ALREADY BEEN FOUNDED BY 1741 — TWO DECADES BEFORE THE IRRIGATION CHANNEL RAN THROUGH IT IN THE 1760S. THUS, THE ETYMOLOGY OF 'GREAT BEND' MUST BE REJECTED』（仝）。
|
相關个詞
oan ("ji̍p káng sûi ~")
Tāi-an (台北)
相關个字
灣、湾
彎、弯 淵 |
|
GÍ-SÛ
A-kong-tiàm
|
語詞
阿公店
ⒸⒸⒸ
祖緣漢文字
阿公店 |
|
『意 「阿公的商鋪」。「阿公」 係對該店老翁的尊稱』（台地典 233）。《地輿總圖》有記『阿公店街』『阿公店溪』。〈汛塘望寮圖〉有記『阿公店塘』。全羅《教會報》一九二一年上尾擺寫「A-kong-tiàm」。
|
|
GÍ-SÛ
Há-má-seng
|
語詞
哈瑪星
ⓀⓀⓀ
哈馬星
⭕
ⓀⓀⓀ
祖緣漢文字
ＸＸ線ＸＸ綫 |
|
詞源日語『濱線』（はません、新字体『浜線』）。只个地名凡世到甲黨國時代尾即有寫做中文亞是漢字台文。高雄市立圖書舘所收・册名有『哈瑪星』个册、上早个一九九八年即出版。今在地商業寫『哈瑪星』『哈馬星』。『哈瑪星』占主流。寫『瑪』不寫『馬』照講是爲着中文个字理。「馬」字字義具体。中國語無愛借只欵字做借音字。台文在來無只欵限制。B + aⁿ（～ma）个音節（那無論聲調）、約束卡那着是「馬」字。借「星」字・不借「生」字（亞是「升」字）、凡世主要嗎是因爲「星」字中語讀 XĪNG、倚「-seng」。
|
相關个字
升、昇、陞
合 (ha̍p) |
|
GÍ-SÛ
Ko-hiông
Ko-iông |
語詞
高雄
ⓒⓒ
髙～
祖緣漢文字
高雄髙～ |
|
詞源日文・漢文「高雄」、日本音「たかお」。在日語、「たかお」是口語台語借詞。
日本体制高雄市（一九四四年以後）對應中華体制高雄市『楠梓』區・左營區・鼓山區・三民區・苓雅區・新興區・前金區・鹽埕區・前鎮區・旗津區。本組尽量日本体制个高雄市市內个地名、即注「高雄市內」。
|
行政地名
日本体制高雄市 ⊂ 中華体制高雄市 ㊟
相關个詞
ngó͘-hiong
Táⁿ-káu |
|
GÍ-SÛ
Iâm-tiâⁿ-po͘
|
語詞
塩埕埔
ⒸⓉⓉ
鹽埕埔
ⒸⓉⓉ
祖緣漢文字
鹽㊟Ｘ塩～Ｘ |
|
《堡圖》記『鹽埕』『～庄』。〈前後山輿圖〉記『塩埕』甲『瀬南塲』。〈乾隆輿圖〉記『塩埕』。「Iâm-tiâⁿ-po͘」《教會報》一九〇七年頭擺寫。請看「iâm-tiâⁿ」。
|
相關个詞
Ko-hiông
iâm-tiâⁿ |
|
GÍ-SÛ
Se-á-oan
Se-á-oân |
語詞
西仔灣
祖緣漢文字
㊟ |
|
「Se-á-oân」是恰新个音。打狗个多歲人有眞多（亞是恰多）講「-oan」。全羅《教會報》有 4 篇寫「Se-á-oan」、無半篇寫「-oân」。
「Se-á-oân」只个地名介成是「西仔」（Se-á、～西洋人）鬥「海灣」。不閣此欠確証。
|
|
GÍ-SÛ
Ē Tām-chúi
Ē-Tām-chúi Ē-tām-chúi ē Tām-chúi |
語詞
下淡水
ⒸⒸ
祖緣漢文字
下淡水 |
|
南部溪名、華名「高屏溪」。《堡圖》記『淡水溪』。《教會報》八寫『ē Tām-chúi』『Ē-Tām-chúi』『Ē-tām-chúi khoe』『Ē Tām-chúi khe』『ē Tām-chúi khoe-pak, khoe-lâm』云云。〈御製番界圖〉〈乾隆輿圖〉記『淡水溪』。〈雍正輿圖〉記『淡水大溪』。《地輿總圖》有記『下淡水都司』。
|
相關个字
Tām-chúi- (高雄州)
Tām-chúi (台北) |
|
GÍ-SÛ
Táⁿ-káu
*Táⁿ-kó͘- |
語詞
打狗
ⓀⓀ
祖緣漢文字
ＸＸ |
|
全羅《教會報》有 106 篇寫「Táⁿ-káu」、無半篇寫「*Tá-káu」。《教會報》一九二九年有一篇塊論十七世紀史个時有寫着「Táⁿ-kó͘-soaⁿ」。今「打」字中語讀 DǍ、夭中文世代照按呢約講「打」字台語大概讀 *tá、不即生咀音「*Tá-káu」。日語『高雄』（たかお、起毛志体 **Tha-ka-o͘h）極加是眞次要个因素。
照甘爲霖《FORMOSA UNDER THE DUTCH》、古早荷蘭文献普遍寫『TANKOIA』『TANKOYA』。JUNIUS 牧師一六三八九年个記錄（FORMOSA UNDER THE DUTCH 173）夭有寫着『TAKOUSAN』。清・日時代个地圖有記『打狗』（～山）『打鼓』（～山）。〈御製番界圖〉記『打鼓山』『打鼓港』。一六〇三年《東番記》有寫着『打狗嶼』（字形照 WIKISOURCE）。《東西洋考》、一六一〇年代漳人（Chiang-jîn）所著、有寫「東番」『人稱爲小東洋從彭湖一日夜至魍港又一日夜爲打狗仔又用辰𢁌針十五更取交里林以逹雞籠淡水』、「魍」字「𢁌」字字形小可各樣。十七世紀尾《裨海紀遊》寫『打狗仔港』。十八世紀僞作《平臺灣序》有寫『打鼓澳』（字形照 WIKIPEDIA）。
「Táⁿ-káu」个詞原眞有可能不是某乜先住民名詞『MAKATAU』。高雄地區不八有番社号做『*MAKATAU』（翁・曹 2016）。翁・曹（2016）推論講只个地名原底是「*Táⁿ-kó͘」亞是「*Tân-kó͘」、無的確是純漳泉語地名。
今「狗」字漳州漢文音讀 kóu（台灣漳音 kó͘）、甲「鼓」字「古」字仝音。十七世紀『打狗～』所記个音是「-*káu」亞是「-*kóu、-*kó͘」、咱無法度知。照翁・曹（2016）个推論、原底人講「-*kó͘、-*kóu」、共伊記做『～狗』以後即産生「-*káu」只个音。不閣「-*kóu、-*kó͘」寫做『古』恰自然、那凖原底个音是「-kóu、-*kó͘」、有人借「狗」字不是無可能、不閣那會朗無人借「古」字、此着奇怪囉。（是講 "九" 字嗎無人借。）夭那人本底講「-*káu」、借「狗」字着成正常、讀册人閣照漢文音共伊讀做「-*kó͘、-*kóu」嗎成正常、續落來借「鼓」字共伊雅化嗎介正常。不閣「-*kóu、-*kó͘」恰合荷蘭語『TANKOIA』。（現代話「-á」、古早台灣海峽語講「-*giá」「-*ngiá」「-*iá」云云。）
|
相關个詞
tân ("~ lûi")
Táⁿ-niau é-káu -á (接尾詞)
相關个字
狗
鼓 (kó͘) 古 打 |
|
GÍ-SÛ
Hì-sai-kah
|
語詞
戱獅甲
戲獅甲
祖緣漢文字
戲獅Ｘ |
|
高雄市內地号名、『簡稱獅甲，又稱「西甲」』（楊玉姿・前鎮開發史）。《堡圖》有記『戱獅甲』『～庄』。一九〇五年〈台灣圖〉記『戯獅甲』。一九三六年〈大日本職業別明細圖〉（高市文化局 2005）記『戱獅田』、尾字寫掞。「獅甲廣濟宮」个牌匾由原寫『戲獅甲廣濟宫』。廣濟宮對面是『西甲』里。
楊玉姿《前鎮開發史》寫講『一般而言，我們常用「舞龍舞獅」的語詞，獅陣常自稱某某醒獅團。臺語稱為「弄」獅，因此「戲獅甲」的「戲」似乎是當名詞用，解釋為戲班較為適當，高雄的獅陣，昔日多屬武館所領導，平時練拳習武，遇有廟會慶典時，則集合武獅獻藝，也有少部分是寺廟的舞獅隊。從閩粤傳入打狗地區的為「南派」舞獅，人數自 3 人，甚至 10 多人亦可，舞獅者以巾包頭，舞獅時，一人頂著獅頭，另一人則俯身藏在獅屋，鑼鼓響起，兩人就在場內舞出各種姿勢，其間告一段落，則由團員表演拳脚、刀槍、劍戟等武術功夫，最後的壓軸戲就是「採青」和「疊羅漢」。這數 10 人旌旗、刀槍、棍棒等簇擁隨行、吶喊助陣，俗稱「獅陣」。依華文之習慣，戲獅「甲」的甲似乎當名詞用，昔日臺人之田地面積習慣以「甲」計算，此處的 [甲] 可引申為墾殖區，如今高雄市楠梓區的建昌里、興昌里，清代稱「一甲」，泰昌里、福昌里稱之「二甲」。因此「戲獅甲」可以解釋為戲班舞獅者居住的墾殖區』。
|
相關个詞
kah (空間)
相關个字
戲、戱 (hì)
|
|
GÍ-SÛ
Ài-hô
|
語詞
愛河
ⒸⒸ
祖緣漢文字
愛河 |
|
請看「Ko-hiông-chhoan」。田哲榮〈愛河 最浪漫的工業運河〉寫講『愛河之名，其實源於一場美麗的誤會。六十多年前，在初成情侶約會勝地的愛河下游，聚集了許多出租小舟供情侶談情說愛的業者，其中以詩人呂筆取名的「愛河遊船所」最負盛名，五個字的招牌直挺挺地豎立河畔。一九四九年一場颱風過後，愛河發生投河殉情事件，初抵高雄的《新生報》北部記者，誤以為河畔甫遭颱風拆解、僅剩「愛河」二字的招牌便是河名，於是以愛河殉情為標題進行報導，經媒體傳布，愛河之名始不脛而走』。
台語「-hô」干礁用治一卦溪名、不是單詞。簡單講、在來个台灣話無講「河」。那離開客庄、《堡圖》干礁『淡水河』『基隆河』『頭圍河』『宜蘭河』只四條溪号做「～河」、朗治北部。夭花蓮港附近有『三仙河庄』。《厦英》（136）「-hô」注解『A LARGE RIVER; A CANAL』、例詞有收「hô-á」『A CANAL; A DITCH』、着是含「hô-kau」（壕溝）彼个「hô-」濫濫做伙。
許嘉勇〈講臺語踅剝皮寮：從語言看臺灣的文化傳統〉寫講『在閩南語的傳統用法中，「RIVER」僅稱為「溪」，不稱為「河」，以下各溪名可以為例，其中部分溪名僅指其溪流的某區段，如基隆河有稱做基馬遜河（KIMAZON）、基麻少翁河（KIMASSAUW）、里族河（RITSOUQUIE）、雞籠河（QUELANGHSCHE）、【峰仔峙（Phang-á-sī）溪】、【大隆同（Tuā-lōng-pōng）溪】、【內港北（Lāi-káng-pak）溪】，大漢溪有稱做【大姑陷（Tuā-khoo-hām）溪】、武朥灣(PULAUAN/PINNONOUAN）溪、【新莊（Sin-tsng）溪】、擺接溪，新店溪有稱做雷裡（REVRIJCQ）溪、【艋舺（[B]áng-kah）溪】』。
|
相關个詞
Tām-chúi-hô
Hông-hô |
|
GÍ-SÛ
Pòaⁿ-pêng-soaⁿ
|
語詞
半屏山
ⒸⓀⒸ
半平山
ⒸⓀⒸ
祖緣漢文字
半Ｘ山 |
|
地名。《台地典》（153）注解『意「半座山」。就是「單面山」的意思』。台北瑞芳『半平山』、《堡圖》有記。高雄市內『半屏山』、一九〇四年《堡圖》記做『半屏山』、閣有『半屏里』。〈乾隆輿圖〉有記『半屏山』。一七二三〇年代〈雍正台灣輿圖〉（高市文化局 2005）甲一七一九年〈鳳山縣輿圖〉（高市文化局 2005）寫『半屏山』。
|
相關个詞
pêng (平)
|
|
GÍ-SÛ
La̍k-ku-lí
|
語詞
六龜里
ⓀⓀⓀ
～亀～
祖緣漢文字
ＸＸＸ |
|
高雄地名、一九二〇年乎日本官改做「六龜」。《堡圖》寫「六龜里庄」。詞底有人講是先住民社名「LAKURI」。咁有影、等人証明。
|
行政地名
日本体制六龜庄 ⇄ 中華体制六龜區
相關个字
龜、亀
|
|
GÍ-SÛ
Jī-chàn-hâng
|
語詞
二層行
ⒸⒽⒸ
二贊行
ⒸⓀⒸ
～賛～
祖緣漢文字
二Ｘ行 |
|
台南仁德地名兼台南・高雄水名、中國名「二仁溪」。不閣干礁「仁仁溪」个水尾号做「Jī-chàn-hâng-khe」。《堡圖》有記「二層行」「二層行溪」。〈前後山輿圖〉〈乾隆輿圖〉有記「二層行溪」。〈康熙輿圖〉有記『二層行』『～溪』、「溪」字字形無省清楚。網路有一卦資料寫『二贊行』『～溪』。中治時代个工作者慣勢共『賛』轉做『贊』、照中華民國用字。清日時代台灣社會寫『賛』恰多。請看「chàn」（層、賛）甲「賛、讃」（字）。
|
相關个詞
chàn (層、賛)
相關个字
賛、讃
|
|
GÍ-SÛ
*Táⁿ-káu-chhoan
|
語詞
打狗川
ⓒⓒⒸ
祖緣漢文字
打狗川 |
|
中華名「愛河」（Ài-hô、請看）。高雄川大清時代無名、叫做「港」。日本時代即号名「打狗川」「高雄川」。請參考〈愛河的身世〉（黃意婷・吳孟欣・林俐伶・曾麗桂、bit.ly/3HvBzUT）。只條溪《堡圖》無記名。一八九七年一幅官方地圖（圖名即閣補充）有記『打狗川』。一九二四年、陸地測量部个地形圖記『高雄川』。一九五八年〈最新高雄市街圗〉（金融出版社）記『愛河』、月眉內底注『高雄河』。
福建語 WIKIPEDIA（2022 年 2 月）寫講『Ài-hô tī Ji̍t-pún sî-tāi kiò chòe Ko-hiông-chhoan (高雄川 TAKAO-GAWA) iah-sī Táⁿ-káu-chhoan (打狗川), chiàn-āu pat kái chòe Jîn-ài-hô (仁愛河). Nā koh khah thoân-thóng lâi kóng, Ài-hô ê bô-kâng hô-toāⁿ lóng ū bô-kâng ê miâ, kó͘-chá chāi-tē lâng it-poaⁿ sì kā hō chò "káng", chhan-chhiūⁿ "Thâu-chêng-káng", "Āu-piah-káng" téng-téng』『Tī Hōng-soaⁿ-koān Chhái-hóng-chheh lāi-bīn, ū kì-lio̍k pún hô tī Chheng-kok sî-kî hun tōaⁿ ê hō-miâ, tùi téng-liû sǹg--lo̍h-lâi, sī Chûn-á-thâu-káng (船仔頭港), Chhân-bóe-káng (田尾港), Lêng-chúi-káng (龍水港), í-kip Iâm-tiâⁿ-káng (鹽埕港)』『Ji̍t-pún sî-tāi chá-kî chiàu tē-hō-miâ, hō kûi-tiâu sī Táⁿ-káu-chhoan (打狗川), āu-lâi mā tùi tē-hō-miâ kái chò Ko-hiông-chhoan. Chiàn-āu koan-hong ê hō-miâ sī Ko-hiông-hô (高雄河)』（咱求利便、原文斜字轉做普通字）。
|
相關个詞
*Ko-hiông-chhoan
Táⁿ-káu Ài-hô |
|
GÍ-SÛ
*Ko-hiông-chhoan
|
語詞
高雄川
ⒸⒸⒸ
祖緣漢文字
高雄川 |
|
請看「*Táⁿ-káu-chhoan」。黃意婷・吳孟欣・林俐伶・曾麗桂〈愛河的身世〉（bit.ly/3HvBzUT）注講日本時代『鐵道部在今建國橋北側的鐵路鐵橋邊立有「高雄川」的鐵牌。1995 年市政府拆除該鐵橋，「高雄川」鐵牌隨之消失』。
|
相關个詞
*Táⁿ-káu-chhoan
Ko-hiông |
|
GÍ-SÛ
Khut-kang
|
語詞
堀江
祖緣漢文字
堀江窟～ |
|
商場名、治高雄市內。日治時代高雄市內甲台北市內朗有「堀江町」、日本音『ほりえちょう』。
琉球・日本字姓字『堀』、日本音『ほり』云云、台音 khut。
「堀內」（堀内）日本音『ほりうち』（**Ho͘-li-u-chih、起毛志体、無注調）。《教會報》有 6 篇寫「Khut-lōe」、無半篇寫「-*lāi」。
「堀江」日本音『ほりえ』（**Ho͘-li-eh）。
「堀」日本音『ほり』（**Ho͘-lih）。
|
地名・水名
高雄市內新堀江商場
日本關西大阪南崛江 北崛江
相關个詞
khut (堀)
|
|
GÍ-SÛ
*Tiáⁿ-kám-á-hia̍t
|
語詞
鼎𥴊仔穴
祖緣漢文字
㊟ |
|
高雄市內地名。呼音愛閣確定。華台內政部地名資訊服務網注講『鼎（竹敢）仔穴是指鼎（竹敢）狀的靈地。愛河在日人整治以前，河床的寬度約有今貌之二、三倍大，當時高雄川有兩處洲渚，其一在愛河本流與支流交會附近，浮洲接近右岸，屬於鹽埕行政區域內，洲渚成覆鼎狀，不易淹水，乃以「鼎（竹敢）仔穴」稱之。』『打狗時代，鹽埕廟陪祀李千歲神誕時，請王與送王時都在此舉行。鼎（竹敢）仔穴在高雄川浚渫時，已被清除而失去蹤跡。』
|
|
GÍ-SÛ
Kong-san
|
語詞
岡山
ⒸⒸ
祖緣漢文字
岡山崗～ |
|
高雄兼日本地名。高雄岡山早名「阿公店」（A-kong-tiàm）、一九二〇年甲日本名「岡山」。日本岡山日語讀『おかやま』、音譯做台語（起毛志体、無注調）**O͘-ka-ia-mah。
有關石螺潭、彌陀區公所个網站（2021 年所查）寫講『1943 年民國三十二年（昭和十八年）隸屬本庄（區）之石螺潭於因開闢岡山空軍機場地段變更，而將石螺潭於是年十月一日將行政區劃變更為岡山郡岡山街石螺潭』。
日本行政体制岡山街對應『橋頭區』彼平治一九四四年進前屬岡山郡『楠梓』庄。
|
行政地名
日本体制岡山街 ⇄ 中華体制岡山區・『橋頭』區 ㊟
相關个詞
Kang-soaⁿ
Kang-soaⁿ-á A-kong-tiàm |
|
GÍ-SÛ
Kang-soaⁿ-á
|
語詞
崗山仔
ⒼⒸⓉ
岡山仔
ⒼⒸⓉ
江山仔
ⓀⒸⓉ
祖緣漢文字
Ｘ山Ｘ |
|
高雄市內地号名、《堡圖》記做『崗山仔』。《地輿總圖》《前後山輿圖》記『江山仔』。《鳳山縣採訪冊》有寫『岡山仔』（CTEXT）。「Kang-」詞底・詞原無定着。請看「Kang-soaⁿ」。
高雄岡山有一座山号做「Kang-soaⁿ-á」。請看「Kang-soaⁿ」。
|
相關个詞
Kang-soaⁿ
Kong-san
相關个字
岡、崗
|
|
GÍ-SÛ
Kang-soaⁿ
Kang-soaⁿ- |
語詞
崗山
ⒼⒸ
岡山
ⒼⒸ
祖緣漢文字
㊟山 |
|
山名、治高雄北、有二座。大崗山・小崗山在地号做「Kang-soaⁿ」「Kang-soaⁿ-á」。請看 @5BEAR（武雄）〈真愛的所在之崗山之眼〉。另外請看高雄市內「Kang-soaⁿ-á」。地名服務網注講大崗山『在部分古籍中另有寫法為「大岡山」、「江山」或「碙山」』。
《堡圖》有記『大崗山』『小崗山』『崗山頭』『崗山營』、朗相關。〈乾隆輿圖〉有記『大岡山』『小～』『岡山頭汛』『～腰汛』『～尾汛』。〈康熙輿圖〉有記『大崗山』『小～』。「岡、崗」字甲「Kang-」省關係、歹講。台語本身簡那無一个對應个詞素。那漢文「岡、崗」字、台語讀 kong、無論腔口。請看「Kong-san」。「岡、崗」字官話（～中國語）讀 GĀNG。咱先將只字「崗、岡」字看做外字。另外、台中地名「Sin-kóng」是客語借詞、後節祖緣漢字「岡、崗」字。
《教會報》八有 1 篇寫着『tōa Kang-soaⁿ』、一九三三年。閣有 4 篇寫「Kang-soaⁿ」。
|
地名・水名
高雄 大～
高雄岡山小～
相關个詞
Kang-soaⁿ-á (高雄市內)
Kong-san Sin-kóng Chio̍h-kng-á
相關个字
岡、崗
|
|
GÍ-SÛ
Hái-hong
|
語詞
海豐
ⒸⒸ
～豊
海風
ⒸⓀ
祖緣漢文字
海豐～豊 |
|
唐山廣東惠州地名。台灣有幾落个庄綴塊号做「Hái-hong」。屏東市內・高雄橋仔頭甲嘉義鹿草有『海豐』。台中清水有『海風』。請看《台地典》（275、276）。雲林麥寮有『海豐』。〈乾隆輿圖〉治現此時个雲林麥寮叱有記『海豊港』。論字形、台史數位舘所收・大清時代个契字有寫『海豊厝』『海豊崙洋』『海豊庒』『海豊藔庒』云云。
漢文地名「海豐」上慢第八世紀着有（CTEXT）。
|
地名・水名
台南白河 海豐厝ᵀ
嘉義新港 海豐子ᵀ 雲林斗六 海豐崙ᵀ 彰化二水 海豐寮ᵀ 彰化田尾 海豐崙ᵀ 桃園大園仔海豐坡ᵀ |
|
GÍ-SÛ
Lōa-lâm
|
語詞
瀨南
ⒸⒸ
祖緣漢文字
瀨南瀬～ |
|
打狗塩埕名、塩埕一九一〇年代廢。現此時春路名「瀨南街」甲里名「瀨南里」、閣有彌陀「瀨南場」代天府。
『鹽埕原來是一片浩瀚的鹽場，分佈的鹽池達三十六甲之多；早期稱「打狗鹽埕」，其後更名為「瀨南鹽埕」，簡稱鹽埕，「鹽埕」之名』（樹德科技大學・高雄市鹽埕區歷史空間資源調查研究計畫）。高雄塩埕國民中學个資料寫講『瀨南場，在鳳山縣打鼓港口北區，就是現在的高雄市鹽埕區』『1756 年（清乾隆 21 年）清廷另於鳳山莊大林蒲設瀨東場，又於彌陀港設瀨西場。1912 年（民國元年、日大正元年）高雄築港第二期工程全面施工，日人廢瀨南鹽場，整建為新市街』。@DAWNSTARLOVE〈台灣六大古鹽場變化表〉寫講『瀨南場：即今之高雄市鹽埕區，俗稱「打狗鹽場」，一九一四年因應高雄擴港與都市發展而廢』。閣有、『瀨西場：初設於現在高雄縣彌陀鄉一帶，咸豐七年（一八五七）毀於洪水，後遷與「瀨南場」併曬，一九一四年與「瀨南場」同步結束關場』。
全羅《教會報》一九六五年有一篇寫着「Lōa-lâm koe 53 hō」、着是塩埕教會个地址。
|
相關个詞
*Lōa-kháu
-lōa (瀨)
相關个字
瀨、瀬
|
|
GÍ-SÛ
Kî-āu
|
語詞
旗後
ⓀⒸ
旗后
ⓀⒸ
旂后
ⓀⒸ
岐後
祖緣漢文字
Ｘ後Ｘ后 |
|
高雄市內地名、中華名「旗津」（Kî-tin）。《堡圖》記『旗後街』。一九三〇年代个地圖朗寫『旗後』『～町』个欵。米軍一九四五年出个打狗地圖（高市文化局 2005）丸那寫『KIGO』（～きご、～旗後）。 一八九九年〈打狗局市內集配線路図〉寫『旗后街』。一八七八年〈全臺前後山輿圖〉有記『旂后街』甲『旂山』。〈乾隆輿圖〉甲〈御製番界圖〉記『岐後汛』。一七一九年〈鳳山縣輿圖〉（高市文化局 2005）寫『岐後汛』。現此時在地人有講「Kî-tin」、不閣「Kî-āu」夭有塊使用。中洲路有『旗后藥局』。海邊仔旗津路有『晴美旗后診所』。通山路臨水宮自稱『旗后臨水宮』。夭旗後山（旗后山、Kî-āu-soaⁿ）只馬簡那無別个名。
「旗」字凡世是「Kî-」个祖緣漢字。此咱夭不敢保証。K + î 个音節借音借「旗」字「岐」字是眞特別。
中華名「旗津」是共本土漢文界借个。旗津吟社『1921 年 6 月，成立於高雄旗津之漢語文言詩社。澎湖人陳錫如應邀到高雄教授漢文，將其書塾留鴻軒之弟子組成旗津吟社』（bit.ly/3oQHjhR）。
|
相關个字
岐
|
|
GÍ-SÛ
Chhiah-khàm
|
語詞
赤崁
⭕
ⒸⓉ
赤嵌
祖緣漢文字
赤Ｘ |
|
照《台地典》（199、200）、中壢甲高雄大寮个「Chhiah-khàm」『意「紅棕色的崖」』、不閣台南市內甲高雄梓官个「Chhiah-khàm」『意「漁港」。係西拉雅平埔族社名的閩系台語譯音，荷蘭人譯作 SACCAM』。照講全台灣个「赤崁」朗是『紅棕色的崖』即着。只个地号名甲廣東語『紅磡』（HUNG⁴ HAM³）眞對同。有關『～嵌』、請看「崁」（字）。
有關恒春「赤崁」、地名服務網注講『係指龍鑾潭西岸的條狀小丘，小丘雖低矮但較北、東、西三面均高，表面覆蓋紅土層，臨龍鑾潭之東側昔有明顯之落差，故稱赤崁』。
有關澎湖西嶼「赤崁仔」、地名服務網注講『因濱臨海岸高地，當地居民稱為赤崁仔。村民認為可能當地土石呈暗褐色而得名』。
有關澎湖白沙「赤崁仔頭」、地名服務網注講『名稱的由來是由於「崁仔頭」位於山崖的頭端，而山的地質是赤褐色的』。
|
地名・水名
澎湖西嶼赤崁仔ᴴ ㊟
澎湖白沙赤崁仔頭ᴴ ㊟ 埔里 赤崁頂ᴴ 埔里 赤崁腳ᴴ
相關个詞
khàm ("poa̍h lo̍h ~")
Lâm-khàm
相關个字
崁
|
|
GÍ-SÛ
Sió-káng
|
語詞
小港
ⒸⒸ
祖緣漢文字
小港 |
|
高雄地号名、早名「Káng-á-kîⁿ、港仔墘」（堡圖）。『小港』原底是日語地名、日本音『こみなと』（起毛志体 **Kho͘-mi-na-to͘h）。請讀葉高華〈臺灣日式地名新論〉。行政上、小港庄草衙（大字）甲佛公（大字）一九四〇年過乎高雄市管。治此以外、小港無屬日本体制个高雄市、所以、小港地号名台字田尽量注「高雄小港」。
|
地名・水名
日本体制小港庄 ⇄ 中華体制小港區
|
|
GÍ-SÛ
Tōa-liâu
|
語詞
大寮
ⒸⓀ
大藔
ⒸⓉ
祖緣漢文字
大Ｘ |
|
眞四常个地号名。請看「-liâu」。
|
行政地名
日本体制大寮庄 ⇄ 中華体制大寮區
相關个詞
-liâu (寮)
|
|
GÍ-SÛ
Lâm-á-kheⁿ
*Lâm-á-khe |
語詞
楠仔坑
ⓀⓉⒸ
楠梓坑
ⓀⓉⒸ
湳仔坑
㊟ⓉⒸ
南仔坑
ⓀⓉⒸ
祖緣漢文字
ＸＸ坑 |
|
高雄地名、中華名・日本名『楠梓』。《台地典》寫講『「楠仔」有「大葉楠」與「台灣雅楠」二種，該地的楠仔是那一種？尚待研究』。一九〇七年〈臺灣郵便線路圖〉（高市文化局 2005）甲一八七八年〈全臺前後山輿圖〉（高市文化局 2005）寫「楠梓坑」。一八九七年〈台灣假製二十萬分之一圖〉（高市文化局 2005）寫「南仔坑」。一七一九年〈鳳山縣輿圖〉（高市文化局 2005）寫「楠仔坑街」。同治《鳳山縣輿圖纂要》地圖注「湳仔坑舖」、不閣文章寫「楠～」。
楠仔坑彼塔地勢下、爻做大水、嗎無適合楠仔生炭。只个地名原早照講是 *Làm-á-kheⁿ、路尾寫做「楠仔坑」即照字走音變做「Lâm-」。請參考洪・曹 2016 第 142 頁。請看「Lâm-á-sian」。「Lâm-a-kheⁿ」个原形咁眞正是「*Làm-á-kheⁿ」、咱無百份百確定。不閣咱確定「楠」字治者是假名（借音字）。
現此時眞多高雄人講「Lâm-á-khe」、尾節脫鼻音。
日本体制一九四四年進前个『楠梓庄』對應中華体制『楠梓區』・『橋頭區』甲燕巢區一部份。一九四四年『楠梓庄』廢庄、自按呢對應『楠梓區』彼平合（kap）入去高雄市、對應『橋頭區』彼平合入去岡山街、春个彼个部份合入去燕巢庄。楠仔坑地名、台字田尽量注「高雄楠仔坑」。
|
行政地名
中華体制『楠梓』區 ⊂ 日本体制高雄市 ㊟
相關个詞
Lâm-á-sian
làm-á lâm-á |
|
GÍ-SÛ
oat-á
Oat-á |
語詞
挖仔
⭕
ⓀⓉ
祖緣漢文字
ＸＸ |
|
台灣地号名寫『挖仔』。請看「oat」。
|
地名・水名
嘉義中埔挖仔厝
彰化二水挖仔內 台北八里挖子尾 台北北投內挖仔埔 台北北投挖仔內 台北新店內挖仔 外挖仔 台北深坑挖仔內 （文山） 鷄籠暖暖內越仔 外越仔
相關个詞
oat (挖)
-á (仔) |
|
GÍ-SÛ
Bî-lô-káng
*Bî-tô-káng |
語詞
彌羅港
ⓀⓀ㊟
彌陀港
ⓀⓀ㊟
微羅港
ⓀⓀ㊟
祖緣漢文字
ＸＸ㊟ |
|
高雄地名。行政地名一九二〇年換做『彌陀』。在地人現此時講「Bî-lô」、不閣在來名「Bî-lô-káng」夭有人塊用、比如講、清和宮自稱「彌羅港清和宮」（面册）。《堡圖》有記『彌陀港』『～庄』。〈乾隆輿圖〉有記『彌陀港』、記帶海底。《重修臺灣府志》（CTEXT）有寫『微羅港』。
全羅《教會報》有 1 篇寫「Bî-lô」、一九四八年。有 5 篇寫『Bî-tô』、5 篇寫「Mî-tô」、朗治一九五六〇年代。另外有 1 篇寫「Bî-lô-káng」、1 篇寫『Bî-tô-káng』、朗治一九二六年、作者仝一位。注意、人寫『Bî-tô』『Bî-tô-káng』無一定代表伊不知影在地音是「Bî-lô」。台語 t- 只个聲母肴濁化、定定變做 l-。「Tī-·teh」變做「tī-·leh」着是按呢、「í-tiâu」生「í-liâu」嗎是。「Bî-lô-」那像不是「*Bí-tô-káng」个變体。上少、咱無証據。不閣人自然會按呢想、特別因爲漢・日・中文寫『彌陀』。
《中教部閩南典》「彌陀區」記「Mî-tô-」（主）「Bî-lô-」（別）「Mî-lô-」（別）三个音。大概「Mî-lô」「Mî-tô」是外埔頭人塊講个。
翁（Ang）佳音先生八提議講「Bî-lô-」个詞源是漳泉語「bí-lô」亞是荷蘭船名『BROUWERSHAVEN』前二節（公開面册、2017）。「Bî-lô-」个詞源省欵、欠証明。「-Káng」大概是「入港」彼个「港」。
有關石螺潭、區公所个網站（2021 年查）寫講『1943 年民國三十二年（昭和十八年）隸屬本庄（區）之石螺潭於因開闢岡山空軍機場地段變更，而將石螺潭於是年十月一日將行政區劃變更為岡山郡岡山街石螺潭』。
|
行政地名
日本体制彌陀庄 ⇄ 中華体制彌陀區・梓官區・永安區
相關个詞
Bî-long
相關个字
彌、弥、弭 (bí)
彌、弥 (bî) |
|
GÍ-SÛ
Chú-koaⁿ
|
語詞
梓官
ⒸⒸ
祖緣漢文字
梓官 |
|
高雄地名。《堡圖》有記『梓官』『～庄』。〈前後山輿圖〉〈乾隆輿圖〉無記着。
梓官區公所个網站寫講『鄭成功渡台後，有福建漳州人姓王名梓者，與鄭、蔡、歐、蘇等各族姓，卜居於梓官地區而成一社，其中以王姓勢力較大，於是王梓被社眾尊稱為「梓官」，梓官地名因此而得名』。在地夭有一个地号名「淵官」、《堡圖》丸那有記、梓官區公所寫『即今之同安里的淵官庄，此地開化最早。明朝永曆年間，有福建舉人李淵來此定居，三百多年來，該地居民仍以李姓為主，李淵來此經農兼營糖業，土地耕作佔有半個梓官區的面積，財勢與權勢和梓官的王梓不分上下，李淵因此被尊稱為「官」，而淵官地名係由此而來』。「Chú-koaⁿ」只个地名照講是按呢來無不着。
|
行政地名
中華体制高雄市梓官區・彌陀區・永安區 ⇄ 日本体制彌陀庄
|
|
GÍ-SÛ
iâm-tiâⁿ
Iâm-tiâⁿ |
語詞
塩埕
⭕
ⒸⓉ
鹽埕
⭕
ⒸⓉ
祖緣漢文字
鹽㊟塩～ |
|
普通名詞兼地号名。高雄彌陀甲台南市內朗有「Iâm-tiâⁿ」。高雄市內塩埕埔丸那有講「Iâm-tiâⁿ」。《教會報》（29 号）一八八七年頭擺寫着「Iâm-tiâⁿ」着是寫『Lāi-ûi chng khah ū ki-hōe; Saⁿ-tè-chhù, kap Iâm-tiâⁿ, Lêng-á-liâu chin oàn-hīn, lóng bô beh sêng-siū. Hì-sai-kah iā iáu hó ki-hōe』。請看「Iâm-tiâⁿ-po͘」。論用字、逐位在地朗有寫『塩埕』『鹽埕』、寫『塩～』恰多个欵。
「庭」（廷）字大概是「-tiâⁿ」个祖緣漢文字。請看「tiâⁿ」。
|
地名・水名
高雄市內～埔 ㊟
台南七股～地ᵀ 台南麻豆～子ᵀ
相關个詞
iâm (塩、鹽)
Iâm-tiâⁿ-po͘ |
|
GÍ-SÛ
A-lian
|
語詞
阿蓮
ⓀⓀ
阿嗹
ⓀⓀ
阿璉
ⓀⓀ
呵嗹
ⓀⓀ
祖緣漢文字
ＸＸ |
|
高雄地名、日・中文名『阿蓮』。恰早漢文・台文寫「阿嗹」。閣恰早、一七二三〇年代个地圖有寫「呵嗹庄」、不閣〈乾隆輿圖〉無記着个欵。《堡圖》寫「阿嗹庄」。日本官方共『阿嗹』改做『～璉』（阿蓮區公所）『～蓮』。台語到今講「A-lian」無講 *A-liân。在台灣漢字、「嗹」字通講是第一調 l + ian 个約束卡那。
詞源照講是先住民語。啞阿蓮區公所網站〈區名由來〉有寫五種解說、咱那有興趣即迺對叱讀。
|
行政地名
日本体制阿蓮庄 ⇄ 中華体制阿蓮區
相關个詞
a- (阿)
lian (嗹) Hoa-lian... lōng-liú-lian lián-bū
相關个字
嗹
|
|
GÍ-SÛ
Chiáu-chhêng
*Chiáu-chhèng |
語詞
鳥松
ⒸⓀ
祖緣漢文字
鳥Ｘ |
|
高雄地名、早名「Chiáu-chhêng-kha」（鳥松脚）。行政地名一九二〇年換做『鳥松』（とりまつ）。台語新名「鳥松」根底上按日語來。請讀葉高華〈1920 年地名大變革〉。請看「chiáu-chhêng」。
現此時在地人有个講「Chiáu-chhèng」、不閣干礁後節用直調（～本調、原調）个時即有按呢、也着是講、無人講「*Chiáu-chhèng lâng」云云。
|
行政地名
日本体制鳥松庄 ⇄ 中華体制鳥松區
相關个詞
chiáu-chhêng (生物)
chhêng, chêng (松) |
|
GÍ-SÛ
Jîn-bú
|
語詞
仁武
ⒸⒸ
祖緣漢文字
仁武 |
|
〈乾隆輿圖〉有記『仁武庄』。「仁武」是十七世紀・東寧時代个漢文地名。
|
行政地名
日本体制仁武庄 ⇄ 中華体制仁武區
|
|
GÍ-SÛ
Tōa-chhiū-kha
|
語詞
大樹脚
ⒸⒸⒽ
祖緣漢文字
大樹Ｘ |
|
高雄大樹地名、嗎是大樹个古早名。大樹脚庄官方名一九二〇年改做「大樹」（大字、管轄便覽）。《堡圖》有記『大樹脚』『～庄』。
|
行政地名
日本体制大樹庄 ⇄ 中華体制大樹區
|
|
GÍ-SÛ
Kiô-á-thâu
|
語詞
橋仔頭
ⒸⓉⒸ
祖緣漢文字
橋Ｘ頭 |
|
高雄地名、對應中華行政地名・中國語地名『橋頭』（QIÁOTÓU）。台語朗講「橋仔頭」、無人講「*橋頭」。
日本行政体制岡山街對應『橋頭區』彼平治一九四四年進前屬岡山郡『楠梓庄』。橋仔頭地名、台字田尽量注『高雄橋仔頭（岡山）』。
|
行政地名
中華体制『橋頭』區・岡山區 ⇄ 日本体制岡山街
|
|
GÍ-SÛ
Tōa-siā
|
語詞
大社
ⒸⒸ
祖緣漢文字
大社 |
|
中華体制高雄市大社區甲仁武區對應日本体制仁武庄。日本体制仁武庄下底有大字「大社」（新安大字一覽表）。照《台地典》、高雄路竹・台南新市・台中新廣嗎朗有「大社」。《堡圖》高雄市內夭有記着一个。
日本体制屏東郡・中華体制『三地門』鄉山內个 PARIDRAYAN 庄社（OSM 地圖）、台語名應該嗎是「*大社」（OSM 地圖、地名服務網）。GOOGLE 地圖治叱夭有記『大社溪』。
|
行政地名
中華体制大社區・仁武區 ⇄ 日本体制仁武庄
相關个字
社
|
|
GÍ-SÛ
Tek-hō͘
|
語詞
竹滬
ⒸⒸ
祖緣漢文字
竹滬 |
|
高雄路竹（湖內）地名。（竹滬屬日本体制湖內庄兼中華体制高雄市路竹區。）《台地典》（183）注解『意「笱與竹籬結合成的定置漁具」』。謝國興先生塊評論林文鎭《澎湖吉貝嶼的地方知識與石滬漁業》个時寫講『高雄有個地名「竹滬」，位於茄萣、永安附近，過去是以竹子作為漁滬來捕魚，原理與石滬相似；而淡水亦有「滬尾」一稱，代表淡水位於石滬的尾端；上海過去也簡稱「滬」，上述皆與滬有關，以滬捕魚的漁法源遠流長，已歷經好幾百年甚至上千年的歷史』。
只个「-hō͘」、《台日》無收。《厦英》干礁收「hō͘」『A WORD USED IN THE NAMES OF MANY PLACES』・「Chhim-hō͘」『CHIMMO, NEAR CHINCHEW』・「Hō͘-bé」『THE NATIVE NAME OF THE TOWN AT THE SETTLEMENT OF TAM-SUY, IN FORMOSA』。《甘》「滬」字有注解『⋯⋯, lia̍h-hî ēng bāng kap tek ûi tī hái-ni̍h』。大宋《集韻》『簄』『槴』丸那相關。請看「滬、沪」（字）。看起來只个「-hō͘」是古早話、留治「Tek-hō͘」甲台北淡水「Hō͘-bé、-bóe」者个地名內底。
中國福州馬祖有「竹滬澳」（福澳个古早名）「滬裡」（屬福正村）云云（馬祖列島地質與地形學習手冊）。
請參考林文鎭《澎湖吉貝嶼的地方知識與石滬漁業》甲陳尊慈〈我国东南沿海的石沪渔业及其文化遗产初探〉。
|
相關个詞
Hō͘-bé, -bóe
相關个字
滬、沪
|
|
GÍ-SÛ
Pang-liâu
|
語詞
枋寮
ⒸⓀ
枋藔
ⒸⓉ
板寮
ⒽⓀ
邦藔
ⓀⓉ
祖緣漢文字
方Ｘ枋Ｘ |
|
地号名。那屏東枋寮、《堡圖》共伊記做『枋藔』『～庄』。〈乾隆輿圖〉有記『枋藔口汛』。
台南左鎭个枋寮、《堡圖》記做『邦藔』。
雲林古坑『枋寮埔』嗎有寫做『板～』。
有關台北中和枋寮、廖忠俊（2009）寫講十八世紀漳和庄邊仔『因防禦番人侵擾，於此伐枋設寮派人輪班守望，原稱「班寮」，後因班、枋閩音接近，轉稱「枋寮」』。
|
地名・水名
雲林古坑枋寮埔 ㊟
南投竹山枋寮子
行政地名
日本体制枋寮庄 ⇄ 中華体制枋寮鄉
相關个詞
-liâu (寮)
|
|
GÍ-SÛ
Ô͘-lāi
|
語詞
湖內
ⒸⒽ
祖緣漢文字
湖裏 |
|
屏東林仔邊・高雄湖內・台南市內（安平）・台北北投朗有「湖內」（台地典 331）。
行政上、竹滬（Tek-hō͘）屬湖內庄（日）・路竹區（中）。
|
地名・水名
日本体制湖內庄 ⇄ 中華体制岡山區・『茄萣』區 ㊟
行政地名
台中太平大湖內
台北北投大湖內ᵀ |
|
GÍ-SÛ
Chhân-liâu
|
語詞
田寮
ⒽⓀ
田藔
ⒽⓉ
祖緣漢文字
ＸＸ |
|
大衆地号名。請看《台地典》163 葉。
水蛙潭个西平屬田寮庄（日）・燕巢區（中、@RICHTER78・戰後調整的鄉鎮級邊界）。
|
行政地名
日本体制田寮庄 ⇄ 中華体制田寮區 ㊟
|
|
GÍ-SÛ
Pòaⁿ-lō͘-tek
|
語詞
半路竹
ⒸⒸⒸ
祖緣漢文字
半路竹 |
|
高雄地名。行政地名一九二〇年改做「路竹」。〈康熙輿圖〉有記『半路竹庄』。
行政上、竹滬（Tek-hō͘）屬路竹區（中）・湖內庄（日）。
|
行政地名
日本体制路竹庄 ⇄ 中華体制路竹區 ㊟
|
|
GÍ-SÛ
Lāi-mn̂g
|
語詞
內門
ⒽⒸ
祖緣漢文字
裏門 |
|
高雄地名。〈乾隆輿圖〉有記『內門营盤』。附近恰水頭有記『內埔』、《畫說乾隆》（142）注『漢/ 高雄縣內門鄕的內門、內豐、光興等三村』。《堡圖》有注『羅漢內門里』。日・中時代內門只个地名是『以堡里名為街庄名』（葉高華・1920 年地名大變革）。
〈乾隆輿圖〉（畫說乾隆 144）有畫一條『東方木溪』、甲『淡水溪』仝水系。溪个正手平有一搭个山記『內門東方木』。淡水溪倒手平有一搭个山記『外門東方木』。另外、『蕃薯藔』水頭無若遠有一个『外門营盤』。《堡圖》『蕃薯藔街』叱有記『羅漢外門里』。
|
行政地名
日本体制內門庄 ⇄ 中華体制內門區
|
|
GÍ-SÛ
Kî-san
|
語詞
旗山
祖緣漢文字
㊟山 |
|
早名「Han-chî-liâu」。官方地号名是一九二〇年改个、詞底山名「旗尾山」。《堡圖》有記二粒旗尾山。一粒 1037 尺高、倚『旗尾庄』。一粒 1289 尺、恰去淡薄仔。〈乾隆輿圖〉有記『旗尾山』『旗尾庄』、無記『*旂～』。治者「旗」字大概是祖緣漢字。
《教會報》一九〇九年也有一篇寫『Iū tùi Kî-soaⁿ ê soaⁿ-me̍h hun-chhe thàu kàu chē-chē só͘-chāi...』、主題是「Hoan-chû-liâu ê chio̍h-iû khòng」。
《教會報》第 429 号（1920 年 12 月）〈Kàu-hoē ê Miâ〉有寫「Kî-soaⁿ ke」。
|
行政地名
日本体制旗山街 ⇄ 中華体制旗山區
相關个詞
Kî-āu
|
|
GÍ-SÛ
Soaⁿ-sam-nâ
|
語詞
山杉林
ⒸⒸⒽ
祖緣漢文字
山杉Ｘ |
|
官方名一九二〇年改做「杉林」（Sam-nâ）。《堡圖》有記『山杉林』『～庄』。全羅《教會報》有 2 篇（1895、1906）寫着「Soaⁿ-sam-nâ」。
《台植彚》（49）有收「soaⁿ-sam、山杉」、學名 Podocarpus [n]agi、夭有別个台灣名。
|
行政地名
日本体制杉林庄 ⇄ 中華体制杉林區
|
|
GÍ-SÛ
Kah-sian-po͘
|
語詞
甲仙埔
ⓀⓀⓉ
祖緣漢文字
ＸＸＸ |
|
高雄甲仙个古早名。官方一九二〇年設「甲仙庄」。《堡圖》有記『甲仙埔』。《教會報》有 1 篇寫着「Kah-sian-po͘」、一九〇六年。「Kah-sian-」詞原無定着。
|
行政地名
日本体制甲仙庄 ⇄ 中華体制甲仙區
|
|
GÍ-SÛ
Āu-ngē
|
語詞
後勁
ⒸⓉ
后勁
ⒸⓉ
後硬
ⒸⒸ
祖緣漢文字
後硬后～ |
|
高雄地名。《堡圖》寫「後勁（庄）」、音簡那是注「アウ ゲー」。一八七八年〈前後山輿圖〉寫「后勁」。〈乾隆輿圖〉記「後勁庄」。〈汛塘望寮圖〉記『後硬庄』。一七二三〇年代〈雍正台灣輿圖〉（高市文化局 2005）寫「後勁社」。一七一九年〈鳳山縣輿圖〉（高市文化局 2005）寫「后勁」。恰早咁八有人寫「後硬」、此愛閣斟酌。
《寶鑑》ngē 有收白字「硬」『與軟相反』甲白字「硜」『仝上字也』。《渡江》*ngē 有收「硬」『—軟』甲「勁」『仝上』。通知「ngē」永過有人共伊寫做「勁」字、不是干礁「後勁」一个地名那定。
|
相關个字
勁
|
|
GÍ-SÛ
Âng-mn̂g-káng
|
語詞
紅毛港
ⒸⒸⒸ
祖緣漢文字
紅毛港 |
|
高雄小港地名兼新竹新豐地名兼新竹州溪名。
新竹个紅毛港、《堡圖》記做『紅毛港庄』、『毛』記音『モー』。《地輿總圖》記『紅毛港庒』甲水名『紅毛港』。全羅《教會報》有 22 篇寫「Âng-mn̂g-káng」、多數是塊講只个紅毛港。無半篇寫「*Âng-mo͘-káng」「*Âng-mô͘-káng」。官方名一九二〇年改做『紅毛』、大字。頂高閣設「紅毛庄」、對應中華体制新豐鄉。不閣新豐鄉有一点仔（大眉个一部份）屬日本体制竹北庄。
|
行政地名
日本体制紅毛庄 ⇄ 中華体制新豐鄉 ㊟
相關个詞
Âng-mn̂g- (族名)
Sin-hong |
|
GÍ-SÛ
Ē-nâ-á
|
語詞
下林仔
ⒸⒽⓉ
祖緣漢文字
下ＸＸ |
|
那台南市內下林仔、《堡圖》記做『下林仔』。現此時有「Ē-nâ-lō͘」、寫做『夏林路』、74 号有一間「下林米糕」。
|
|
GÍ-SÛ
Tōa-pi
|
語詞
大埤
ⒸⓉ
祖緣漢文字
大陂 |
|
雲林大埤早名「Tōa-pi-thâu」（請看）。
高雄鳥松大埤湖《堡圖》記做『大埤』。現代中華名『澄清湖』。
|
地名・水名
高雄鳥松大埤湖
行政地名
日本体制大埤庄 ⇄ 中華体制大埤鄉
相關个詞
Tōa-pi-thâu
|
|
GÍ-SÛ
Lap-á-té
Lap-á-tóe |
語詞
凹仔底
ⒽⓉⒸ
漯仔底
ⓀⓉⒸ
祖緣漢文字
ＸＸ底 |
|
屏東林仔邊凹仔底、《堡圖》有記。
台南永康凹仔底《堡圖》有記、注音『ナ バ テイ』个欵。
那高雄市內凹子底、《台地典》有收「凹子底」（Lap-á-tóe、Lap-á-té）『意「凹地的底部」』（170）甲「漯仔底」（Lap-á-tóe、Lap-á-té、381）、後項注講『日治時期易名「凹子底」』。《堡圖》有記『螺仔底』、頭字注音『レー』、不知咁是記掞去。
|
相關个詞
lap, lop (凹)
相關个字
漯
|
|
GÍ-SÛ
Káng-á-chhùi
|
語詞
港仔嘴
ⒸⓉⓗ
江仔翠
ⓀⓉⓀ
祖緣漢文字
港ＸＸ |
|
高雄林園地号名。《堡圖》有記『港仔嘴』。
台北枋橋地号名。《堡圖》有記『港仔嘴庄』、邊仔有『舊社』『新社』。閣有『江仔翠庄』、無仝庄。照《堡圖》、淡水河大稻埕邊仔・只馬加減号做「台北島」个彼个溪州、彼拵丸那屬江仔翠庄。
|
|
GÍ-SÛ
Tōa-nâ-pô͘
*Tōa-nâ-po͘ |
語詞
大林埔
ⒸⒽⓉ
大林蒲
ⒸⒽ㊟
祖緣漢文字
大ＸＸ |
|
高雄小港地号名。〈堡圖〉寫『大林蒲庄』。一九〇五年〈台灣圖〉（高市文化局 2005）寫『大林蒲』。〈御製番界圖〉記『大林蒲汛』。〈乾隆輿圖〉〈臺灣汛塘望寮圖〉有記『大林埔庄』。一七二三〇年代〈雍正輿圖〉（高市文化局 2005）寫『大林蒲庄』。〈臺灣府汛塘圖〉〈康熙輿圖〉無記。台史數位舘所收・大清時代个契字有幾落張寫『大林蒲』。照《台地典》（65）、「Tōa-nâ-po͘」（大林埔）是原名、『意「有廣大樹林的平地」』。夭《台地詞書》注講『〈大林蒲鳳林宮創建沿革〉記載，鄭氏時代（1662-1683）先民來此拓墾，因荒野樹林與草埔景觀，初名大樹林，後改作大林蒲，地名最早出現於〈雍正臺灣輿圖〉』。照講「*Tōa-nâ-po͘」是原体、夭「Tōa-nâ-pô͘」是字面音、不閣自十八世紀着有。
全羅《教會報》有 54 篇寫「Tōa-nâ-pô͘」、自一九〇三年。一九一〇年有一篇寫「Tōa-nâ-po͘」。
|
|
GÍ-SÛ
Chó-iâⁿ
|
語詞
左營
ⒸⒸ
祖緣漢文字
左營 |
|
《堡圖》高雄有記『左營』『～庄』。〈乾隆輿圖〉〈康熙輿圖〉無記着。『最早為明鄭軍隊「宣毅左鎮」屯墾之地，因軍隊番號「左鎮」紮「營」而名為「左營」』（高雄文明史・歷史篇）。『左營區古名為興隆里，為鄭成功的萬年縣治及鄭經的萬年州治之所。而興隆里為宣毅「左」鎮所墾，「左」鎮紮「營」而名為「左營」；或云紮「營」於城之「左」等說』（地名服務網）。
《堡圖》台南善化有記『左營』。
|
相關个詞
Chó-tìn
Iū-chhiong Ko-hiông |
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！