台字田

GÍ-SÛ

àu

＃SWADESH 200

語詞

歐 Ⓚ　

朽 ⭕ Ⓗ　
杇　

親成漢字

Ｘ

《台日》寫「腐」Ⓗ。王育德《常彚》寫「腐﹖」。《麥字典》寫「〓」（倒「歹」正「幼」）。《寶鑑》寫「朽」。現前台灣人寫華文塊借「àu-pō͘」「àu-kheh」者个詞个時、夭定定皆寫做「朽～」。「Áu」（拗）歌仔冊嗎八借「朽」Ⓚ 字寫。下門林國清《最新寃枉錢拔輸餃》有寫『因厝家火飽々々　無宜交着杇柴吧』。本地歌仔《呂蒙正抛綉球》張松池藏本有寫『相府听一見氣冲天杇惱就受氣』。日本時代个流行歌詞有寫『朽』（張雲山人・臺北行進曲）。拱樂社个戱文有寫「杇」（劍底、節烈、小女俠、空愛情、黒染）『杅』（可恨）。先人借「杇」字（～朽）塊寫「àu」「àu-」、嗎是「朽」字八流通个証據。

親漢字減彩是「漚」、不而過、請看「làu、lauh」。雨落袂離、客語講「EU-ṢÚI」、彼个「EU」大概甲「àu」仝源。嗎會凍孤節提來用、做動詞。《客英》共伊寫做「漚」字、下底收眞多多節詞、『漚壞』『漚臭』等等。

周協隆《特編馬圳娶七娘新歌》有寫『我都無嫌恁鮭噁　汝煞嫌我無秤頭』、『噁』簡那是塊寫「àu」。周協隆《特編三伯想思士九帶書回故鄉新》有寫『汝味無嫌我鮭臭　我袂嫌汝無秤頭』。

相關个詞

làu ("~ ē-hâi")

GÍ-SÛ

Ò-chiu

＃地名＃遠洋＃中語借詞

語詞

澳州 ⭕ ⓒⒸ　

澳洲 ⭕ ⓒⒸ　

親成漢字

澳州
～洲

「Ò-chiu」是二十世紀下半圭个書面中語借詞。二十世紀閣有一个書面日語借詞「Hô-chiu」（請看）、仝意思。《台日》二項朗無收、干礁收「新金山」（-soaⁿ）、注『オーストラリヤ。アラスカ。』越南語講「CHÂU ÚC（澳）」。韓國語「오스트레일리아」（← AUSTRALIA）甲「호주」（濠洲）朗常用。《教會報》有 11 篇寫着「Ò-chiu」、上早一九五三年。有 11 篇寫着「Hô-chiu」、上早一九三〇年、上路尾一九五九年。夭有 23 篇寫「Ò-tāi-lī-a」、上早一九〇四年、上路尾一九六五年。《增補厦英》有收「Ò-tāi-lī-a」『澳大利亞』『AUSTRALIA』。《教會報》「Ò-kok」有時仔指澳州。

有關「州」字「洲」字、請看「-chiu」。

「*Àu-chiu」前節是中華音。

相關个詞

-chiu (州、洲)
Hô-chiu
Ò-tē-lī-a

GÍ-SÛ àu-tò͘ àu-to͘h ＃日語借詞	語詞㊟　親成漢字ＸＸ
詞原『アウト』。間接詞原英語『OUT』。《台音外來典》收『àu-tò͘』。《白話典》《台音外來典》夭有收『àu-chù』、注英語詞原『OUT』。《白話典》閣有收「áu」、詞原『OUT』。「Áu」照講有經過中國語个音理・語感。	相關个詞 tho͘-má-to͘h *àu-chù bì-lù

GÍ-SÛ

àu-náu
*áu-náu

＃官話借詞

語詞

懊惱 ⭕ Ⓖ　

親成漢字

懊惱

《台日》寫『懊惱』、記音「áu-náu」（主）「àu-náu」（別）。唐山開文《梁士奇歌本》有寫『懊惱』。傳統台灣歌仔册不八用着只个詞个欵。那塊寫漢羅、「àu-náu」建議寫做羅字。「Àu-náu」那寫做羅字亞是借音字・卡那、「懊」字（請看）通省起來、「惱」字嗎免加負一个音。

《八音》*àu 干礁收「㥺」『面』。*Áu・*áuⁿ 無收相關字詞。*Àuⁿ 無收字詞。*Náu 有收一項「恢」『氣』、大概相關。《補彚》有收「懊」（*àu）『— 恨也』甲「𫺘」（*làu）『懊恨聲也』。

「Àu-náu」照講是官話借詞。《厦英》（7 面）有記「àu-náu」「àu-láu」「àu-làu」三个音。《台日》記「áu-náu」「àu-náu」。請看「懊」（字）。日語『懊悩』（おうのう）有恰罕用个欵。《台日》「áu-náu、àu-náu」無用『懊惱』解說。韓語『오뇌』（懊惱）嗎是成罕用个欵。

相關个詞

chhiⁿ-, chhi-chhám
àu (朽)

相關个字

懊
惱
腦
歐
嘔

GÍ-SÛ àu-kó͘	語詞朽古 ⭕ ⒽⒸ　親成漢字Ｘ古
《台日》甲 EMBREE 無收。《白話典》有。傳統歌仔册不八寫、照咱所知。只个詞有恰新个欵。請看「àu」甲「hàm-kó͘」。	相關个詞 -kó͘ (接尾詞) hàm-kó͘ àu (朽)

GÍ-SÛ *àu-chù àu-chuh ＃英語借詞	語詞㊟　親成漢字ＸＸ
《白話典》《台音外來典》收『àu-chù』、注英語詞原『OUT』。請看「*àu-tò͘」。	相關个詞 *àu-tò͘ bì-lù

字形 ? 拗𫼡抝	JĪ-IM áu 漢 *àu 漢	《寶鑑》《甘》記 áu・àu 双音。《妙悟》干礁記 *áu。Áu 含《廣韻》於絞切・越南漢音 ẢO（VDICT）有對同。論字形、歌仔册干礁一半本仔用着『拗』、閣一半本仔用着『抝』。漢文《廣韻》《集韻》有收『拗』・無收『抝』。
	相關个詞 áu (拗) áu-bân	彚音寶鑑 àu 拗固違執拗 áu 拗手拉也又折也 áu 㑃仝拗字 áu 抝属拗字 áu 〓属〓字㊟〓、⿰亻幻

字形 ? 懊	JĪ-IM ò 漢 ò͘ 漢 *àu	漢文音 ò（漳、厦）ò͘（泉）。《補彚》干礁記 àu。《雅俗通》àu『懊』收做烏字、通知《補彚》應該是無記漢音。只字咱勉强共看做通行漢字。《寶鑑》《甘》記 ò（漢）àu（白）、《甘》閣記漢音 hiok。「Àu-náu」打算是官話借詞。《厦英》（7 面）治只个「àu-」下底干礁收「àu-náu、àu-láu、àu-làu」甲「àu-e̍h」二个詞例。
	借音用例 oh (惡、悪) oh-tit 相關个字奥、奧 (ò, ò͘) 澳 (hiok) 相關个詞 àu-náu	DICT. OF THE HOK-KEEN DIALECT àu 懊 [Àu náu] 懊惱, sour, surly, stubborn. ㊟「懊」字用『奧』 ò 懊 To regret, to be vexed, to be enraged; [ò hūn], 懊恨, to repent. ㊟「懊」字用『奧』彚集雅俗通十五音 àu 英交上去懊 — 〓㊟烏字。「懊」字用『奧』。〓、～「𢚰」字 ò 英高上去懊悔恨也 — 〓也㊟紅字。「懊」字用『奧』。〓、字形看袂清、等于「恼」字个欵彚音妙悟 *ò͘ 英高下去懊悔恨也㊟下去 → 上去

字形 ? 歐	JĪ-IM au 漢 *o͘ 漢	台灣漢文音 au（漳、泉、厦）。請看「嘔」（字）。《雅俗通》《麥》「嘔、歐」字記漢音 óu。《麥》au 記做白音。《寶鑑》au 記做漢音。《妙悟》*au 無注講是白音。《泉方志》記 o（漢）au（白）。《當代泉彚》記 áu、注『同「嘔」』。閣來干礁記 au。《集韻》（潘悟雲版）有收「歐」（烏侯切）『姓也一曰歐刀』、對應 au。閣有收「歐、嘔、𠴰、㰶、𧖼、𣢨」（於口切）『說文吐也』、對應 ó͘（漢）áu（早）。閣有「歐」（區遇切）『疾行也』。「歐」字越南漢文音 ÂU（上平聲、～第一調）。
	借音用例 àu (朽) au (𥕥、甌) Nńg-au 相關个字嘔相關个詞 áu-bân

字形 ? 朽𣏓杇㱙	JĪ-IM hiú 漢 àu 訓	彚音寶鑑 hiú 朽木朽腐也 hiú 㱙腐也仝上 àu 朽腐木也㊟白字彚音妙悟 hiú 喜秋上上朽腐也 hiú 喜秋上上㱙同上 *hiúⁿ 喜箱上上朽腐也㊟原册箱韻有注『此一字俱從俗解』

字形 ? 懊	JĪ-IM ò 漢 ò͘ 漢 *àu	漢文音 ò（漳、厦）ò͘（泉）。《補彚》干礁記 àu。《雅俗通》àu『懊』收做烏字、通知《補彚》應該是無記漢音。只字咱勉强共看做通行漢字。《寶鑑》《甘》記 ò（漢）àu（白）、《甘》閣記漢音 hiok。「Àu-náu」打算是官話借詞。《厦英》（7 面）治只个「àu-」下底干礁收「àu-náu、àu-láu、àu-làu」甲「àu-e̍h」二个詞例。
	借音用例 oh (惡、悪) oh-tit 相關个字奥、奧 (ò, ò͘) 澳 (hiok) 相關个詞 àu-náu	DICT. OF THE HOK-KEEN DIALECT àu 懊 [Àu náu] 懊惱, sour, surly, stubborn. ㊟「懊」字用『奧』 ò 懊 To regret, to be vexed, to be enraged; [ò hūn], 懊恨, to repent. ㊟「懊」字用『奧』彚集雅俗通十五音 àu 英交上去懊 — 〓㊟烏字。「懊」字用『奧』。〓、～「𢚰」字 ò 英高上去懊悔恨也 — 〓也㊟紅字。「懊」字用『奧』。〓、字形看袂清、等于「恼」字个欵彚音妙悟 *ò͘ 英高下去懊悔恨也㊟下去 → 上去