|
GÍ-SÛ
koái
|
語詞
拐
⭕
Ⓖ
祖緣漢文字
Ｘ |
|
約束字『拐』、外字。「Koái」照講是古早官話借詞、祖緣漢字無定着。「柺」字《集韻》（北師版）干礁注解『杖』『老人杖』。
|
相關个詞
koáiⁿ-á, koái-á
相關个字
拐、柺
|
|
GÍ-SÛ
Ka-ná-tāi
Ka-ná-tah Kha-ná-tah |
語詞
加拿大
ⓒⓒⓒ
㊟
祖緣漢文字
㊟ |
|
「Ka-ná-tāi」是書面借詞、詞原官話文『加拿大』。《教會報》一九〇三年頭擺寫着「Ka-ná-tāi」。自創刊彼拵到甲一九〇〇年代、《教會報》寫「Ka-ná-thaⁿ」恰多。一八九三年有一篇寫「Kan-a-ta̍t」（～干阿達）。LOBSCHEID（304）有收「CANADIAN, A...」『加拿他人』。《甘》个付錄收「CANADA」（英）『加拿大』（漢）、注台灣音「Ka-ná-tāi」。
「Kha-ná-tah」凡世是日語借詞、詞原『カナダ』。嗎有可能是台灣人加忌按英語『CANADA』音譯个。現代台語社會塊音譯英語个時、眞慣勢照日語个理路落去譯。夭「Ka-ná-tah」不知是日語借詞亞是「Ka-ná-tāi」甲「Kha-ná-tah」个双原透濫体。
「Kha-ná-tah」甲「Ka-ná-tah」是一九九〇年代以後即有人塊寫。「Kha-ná-tah」那卜寫做四角字、照講着寫做『脚那搭』亞是『卡那搭』。「Ka-ná-tah」照講着寫做『加那搭』。『卡那搭』網路八有人寫（archive.ph/rLqPA）。那塊寫漢羅、「Kha-ná-tah」甲「Ka-ná-tah」自然着寫做羅字。
|
建議
Kha-ná-tah ⇄ 脚那搭、卡那搭
Ka-ná-tah ⇄ 加那搭 Ka-ná-tāi ⇄ 加拿大
相關个詞
*Hòng-là
相關个字
搭
脚 卡 加 カ (加) ナ (奈) タ (多) |
|
GÍ-SÛ
hóe-kì
hé-kì |
語詞
夥記
ⓀⓀ
火記
ⓀⓀ
夥計
Ⓖ
伙記
⭕
ⓉⓀ
祖緣漢文字
㊟ |
|
官話借詞、對明清時代个官話來、詞原官話『夥計』（伙計）。歌仔册寫『夥記』『火記』『夥計』『伙記』。寫『～計』是綴官話文塊寫个。「計」字台語無讀 *kì、干礁讀 kè。『夥計』嗎不是主流台文寫法。那塊寫漢羅、只个語詞介適合寫做羅字。
不知官話・中國語『夥計』（伙計、HUǑJÌ）前節咁有祖緣漢文字。通行漢文無『夥』。《廣韻》「夥」字看起來是古早地方字。那後節、「計」字大概是祖緣字。
廣東語『伙記』（FO² GEI³）甲「hóe-kì、hé-kì」仝原倚意、寫做『～記』个理路照講含台文仝欵。
|
相關个詞
chò-hóe...
-kì-kì
相關个字
記
計 |
|
GÍ-SÛ
lī-hāi
|
語詞
利害
⭕
ⒸⒸ
祖緣漢文字
利害 |
|
漢文「利害」意思是『이익과 손해. 득실』（利益과 損失. 得失、존典）。意思對應廣東語『犀利』个「lī-hāi」照講是官話借詞、夭官話文原底嗎有寫『利害』、不閣現代中國語寫『厉害』（厲～）。彼字『厲』（厉）通講是一種特別借音字。台文從到今寫『利～』。
|
相關个字
厲 (lē)
|
|
GÍ-SÛ
chhiⁿ-chhám
*chheⁿ-chhám chhi-chhám |
語詞
青慘
⭕
ⓀⒸ
悽慘
⭕
ⒼⒸ
凄慘
⭕
ⒼⒸ
淒～ ～惨 Ⓖⓒ
祖緣漢文字
悽慘凄～ |
|
歌仔冊寫「青慘」恰多。《台日》寫「悽～」。歌仔冊嗎有眞多本綴官話文寫「悽～」。有幾落本寫「星慘」ⓀⒸ『青滲』。瑞成《菜瓜花鸞英爲夫守節歌》有寫「痴慘」ⓀⒸ。捷發〈一夜差錯〉寫「淒慘」ⒼⒸ。那塊寫漢羅、前節「chhiⁿ-、chhi-」特別適合寫做羅字。
《台日》《甘》《厦英》朗干礁收「chhiⁿ-chhám」、無「chhi-chhám」。《教會報》自一八八〇年代「chhiⁿ-」「chhi-」朗有寫。EMBREE「chhiⁿ-」「chhi-」「chheⁿ-」朗有收。
「Chhiⁿ-chhám」大概是半口語外來詞、明清時代共官話借个、寫做假名「青～」有理。「悽」字「淒、凄」字台語音 chhe。外文「悽（淒、凄）慘」那按書面借入來台語、會借做「*chhe-chhám」即着、不閣無彼个音。「Chheⁿ-chhám」只个音産生、是「腔口有 -eⁿ 个人」共「chhiⁿ-chhám」凖做「腔口無 -eⁿ 个人」个話、了後共伊「超轉」做「chheⁿ-」來講。中國語「QĪCǍN」八寫做『淒慘』『凄～』『悽～』。
《教會報》八有 196 篇寫「chhi-chhám」、176 篇寫「chhiⁿ-chhám」、0 篇寫「chheⁿ-chhám」。顚倒一九五〇年代進前寫「chhi-」个恰多、一九五六〇年代寫「chhiⁿ-」个恰多。
|
建議
chhi-chhám ⇄ 凄慘、青慘、悽慘
chhiⁿ-chhám ⇄ 凄慘、青慘、悽慘 *chheⁿ-chhám ⇄ 青慘
相關个字
凄、淒、悽
|
|
GÍ-SÛ
lo-so
|
語詞
羅梭
⭕
ⓀⓀ
羅唆
ⓀⓀ
勞梭
ⓀⓀ
祖緣漢文字
ＸＸ |
|
官話借詞、共明清時代个官話借个。彼个語詞、中華民國語寫做「囉嗦」「囉囌」「囉唆」（中教部國語典）、朗借音字、無漢文血緣、照咱知。「Lo-so」《台日》寫做「囉唆」ⓀⓀ。歌仔冊寫「羅梭」恰多、少數寫「羅唆」「勞梭」「囉唆」ⓀⓀ「囉梭」ⓀⓀ「嘮梭」ⓀⓀ「羅騷」ⓀⓀ「老梭」ⓀⓀ。拱樂社个劇本有寫『勞騷』ⓀⓀ（母之罪）。在台文來講、寫羅字亞是「羅梭」上條直。
《中教部閩南典》寫「囉嗦」、照車輦語。「索」字台灣漢音 sek。
《台日》甲 EMBREE 記「lo-so」。《甘》（462）有寫「lo-so」。全羅《教會報》5 篇寫『lô-so』・2 篇寫『lo-so』。
|
相關个字
羅
|
|
GÍ-SÛ
chām
|
語詞
站
⭕
Ⓖ
祖緣漢文字
㊟ |
|
「Āu chi̍t chām」云云、官話借詞、明清時代亞是蒙古時代共官話借个、詞掛字做一困借。台灣海峽个韻册自《妙悟》着朗有收「站」（chām）字（請看）。
仝只个概念、主流泉語講「chãm」、第六調。台灣客語講『CHAM』（上去聲、～第三調）。《客法》記『TSHAM』。越南語講『TRẠM』（站）。廣東語講『站』（ZAAM⁶）。中國語講『站』（ZHÀN）。只个語詞、官話應該是共蒙古語借个。請看「phò͘」。
|
相關个詞
chām (時間)
phò͘ (舖)
相關个字
站
|
|
GÍ-SÛ
chhiàng
|
語詞
唱
⭕
Ⓖ
祖緣漢文字
唱 |
|
只个語詞明清時代對官話來。《台日》寫「唱」、注講『語原は官話より轉じたるものなるべし』。《台日》閣有收一項「chhiòng」、「夫唱婦隨」云云、漳音「chhiàng」。
「唱」字漢音 chhiòng（泉、厦）chhiàng（漳）。「Chhiàng」寫做「唱」照講是外字、語詞甲用字同齊共官話借。不閣卜講是借音字嗎不是無理。請看「chhiâng-chāi」「chúi-chhiâng」。
|
相關个詞
chúi-chhiâng
chhiâng-chāi
相關个字
唱、倡
|
|
GÍ-SÛ
bêng-láng
|
語詞
明籠
⭕
ⒸⓀ
祖緣漢文字
明朗 |
|
「-Láng」是「朗」字个一種明清「正」音、不閣台語「朗」字干礁讀 lóng。地方中文自然將「bêng-láng」寫做『明朗』、不閣台文不八寫按呢。歌仔册專寫『明籠』。那塊寫漢羅、後節特別適合寫做羅字。
|
相關个詞
láng ("chi̍t ~ soāiⁿ-á")
相關个字
籠 (lóng)
朗 |
|
GÍ-SÛ
hô͘-tô͘
|
語詞
糊塗
⭕
Ⓖ
何途
ⓀⓀ
糊途
ⓀⓀ
胡途
⭕
ⓀⓀ
乎徒
ⓀⓀ
～徙
乎途
ⓀⓀ
祖緣漢文字
ＸＸ |
|
官話借詞、按中國語个前身・近古官話來。祖緣漢字無定着。近代官話文（～中國語）『糊涂』『糊塗』本身百面是借音字。官話文上少閣有寫『胡突』『胡塗』『糊突』『鶻突』四式。那台文、歌仔册寫『糊塗』上多、嗎有寫『何～』『乎～』『胡～』『狐～』『戶～』『湖～』甲『～途』『～徒』『～圖』。今「糊」字泉・厦漢文音 hô͘、「塗」字漢文音 tô͘。不閣『糊塗』不是台灣假名、嗎不是綴古漢文寫个、是綴官話文寫个。「糊」字台文用塊寫「kô͘」恰多、夭官話借詞「hô͘-soat」寫做『胡說』（台日、歌仔册）。『塗』恰多是用塊寫「thô͘」。寫『胡途』𫔘好上合台灣假名个理路、夭那塊寫漢羅、只个語詞寫做羅字愈直。
|
相關个詞
hô͘-sîn
相關个字
胡
乎 塗 |
|
GÍ-SÛ
I-lê
|
語詞
伊犁
ⓒⓒ
祖緣漢文字
伊犁～犂 |
|
《教會報》一八八七年有一篇寫『Chi̍t-tiuⁿ sī Tāi-Chheng-kok ê Choân-tô͘, hō͘ lâng chai tó-chi̍t-séng sio̍k tī tó-chi̍t-hng, kīn tī tó-chi̍t-ūi; lēng-gōa ū kì hiah-ê sio̍k-tē, chhin-chhiūⁿ Boán-chiu, Bông-kó͘, Se-chōng, I-lê』。一九〇二年有一篇寫『Chiàu in sǹg Tiong-kok ê lâng-gia̍h kè-kiōng ū 426 tiāu (426,000,000), ...... Chiông-tiong Boán-chiu ū 850,0000, Bông-kó͘ 258,0000, Se-chōng 643,0000, I-lê 120,0000』。通知台灣海峽語「I-lê」彼拵有對應現代話「新彊」。《甘》个付錄有收「ILI-FU」（英）『伊犁府』（漢、I-lê hú）。閣有「TURKESTAN」『西域』（Se-he̍k）。《英厦》（549）有收「TURKESTAN」「CHINESE OR EASTERN」『回疆 Hôe-kiong』（咱有撨大細本字）。請看「Sin-kiong」。
|
相關个詞
Sin-kiong
相關个字
犁
|
|
GÍ-SÛ
pó-pio
|
語詞
保鏢
Ⓖ
保標
⭕
ⒸⒸ
祖緣漢文字
保標 |
|
《台日》寫『保標』。歌仔册有寫『保鏢』『～標』、用例少少仔。拱樂社个劇本有寫『～鏢』（母之罪、合寶、三潭）。請看「標、鏢」（字）。
「標」字照講是祖緣字。研之有物〈武俠小說中的鏢局原來真的存在！歷史學者揭運鈔車保全始祖竟是這樣來的〉寫講『保標的「標」，指的即是「標布」，也就是當時貿易往來的棉布』『從標布延伸，明代與「標」相關的詞彙，大多和商業布匹有關。布匹商行是「標號」，運送布匹來往經商者為「標商、標客」，運輸布匹的船隻為「標船」，而「保標」也即是保護標布、標商的護衛』『那麼，與布匹相關的「標」，何時演變為金字旁的「鏢」？』『曾有學者揣測，或許跟標局使用的武器「飛鏢」有關；但透過史料的驗證，可排除這項推測，當時保標用的多是長鎗。保標的「標」字應與標布有關，直到清雍正年間，「保標」才慢慢變成今天慣用的「保鏢」與「鏢局」』。
韓・日語無講『*保標』。現代中國語寫『保镖』（簡）『～鏢』（繁）『～鑣』（繁）。
|
相關个字
標、鏢
鑣 |
|
GÍ-SÛ
chhiâng-chāi
*chhêng-chāi |
語詞
清在
ⓀⒸ
昌在
⭕
ⓀⒸ
祖緣漢文字
常在 |
|
《台日》甲《白話典》注講是官話借詞、共中國語个前身借个、詞原官話『常在』（CHÁNGZÀI）。《台日》照中華國學共官話借字、寫『常在』。《英厦》（397）寫『常在』。歌仔册八寫『清在』『常～』Ⓖ『𢮵～』『昌～』Ⓚ『倡～』Ⓚ『娼～』Ⓚ、無約束、用例少。今「常」字台灣音 siông（主流漢音）siâng（漳州漢音）、無讀 *chhiâng。咱那塊寫漢羅、「chhiâng-」自然着愛寫做羅字。那卜借假名、chh + iang 个音節（聲調先無論）有約束卡那「昌」字。請看「chúi-chhiâng」云云。
|
建議
chhiâng-chāi ⇄ 昌在
相關个詞
chhiâng-chhiâng kún
chúi-chhiâng chhiàng siaⁿ
相關个字
昌
常 |
|
GÍ-SÛ
a-pa
a-pâ a-pah |
語詞
阿爸
⭕
ⒸⒼ
阿巴
⭕
ⒸⓀ
祖緣漢文字
阿Ｘ |
|
「-Pa、-pâ」是共官話借个。《雅俗通》*pà 有收「爸」『呼父』。王育德《常彚》寫「阿爸」、記「a-pa」。全羅《教會報》自一八九〇年代有 55 篇寫着「a-pa」、主要一九三〇年以後。也有 11 篇寫「a-pâ」。閣有 5 篇對上帝寫『A-pà, Pē--ah』。「A-pah」簡那一九八〇年代以後即有人寫。漢文無『爸』。只字按官話文來、借來寫「-pa、-pâ」簡那眞𫔘好。
歌仔册有一半本仔寫『阿巴』ⒸⓀ。拱樂社《火煙新作》有寫『鴨吧仔』。
|
相關个詞
pē (父)
相關个字
巴
|
|
GÍ-SÛ
Pa Khek-lé
|
語詞
巴克禮
⭕
ⓒⓒⓒ
祖緣漢文字
巴克禮～～礼 |
|
巴克禮牧師、蘇國人、英語名『THOMAS BARCLAY』。官話文『巴克禮』（→ 台語 Pa Khek-lé）是 BARCLAY 个音譯、不閣台灣人有講「巴牧師」云云、袂輸伊姓「巴」・名「克禮」。全羅《教會報》寫『Pa Khek-lé』。
|
相關个字
禮、礼
|
|
GÍ-SÛ
ku-koài
|
語詞
龜怪
⭕
ⓀⒸ
亀怪
⭕
ⓀⒸ
祖緣漢文字
古怪 |
|
歌仔册有一半本仔寫『亀怪証』ⓀⒸⓒ『龜～』Ⓚ。《台日》寫『古怪』。「Ku-koài」个詞原照講是近古官話（～中國語个前身）『古怪』（GǓGUÀI）。今「古」字台語無讀 *ku。那卜寫四角字亞是漢羅、建議寫『亀怪』『龜怪』『ku 怪』、將『古怪』留起來寫「kó͘-koài」（請看）。
|
相關个詞
kó͘-koài
kòng-ku
相關个字
龜、亀
古 |
|
GÍ-SÛ
Hi-lī-nî
|
語詞
希利尼
ⓒⓒⓒ
祖緣漢文字
希利尼 |
|
聖經底官話借詞。官話『希利尼』是希文『ΈΛΛΗΝΕΣ』个音譯。全羅《教會報》有 185 篇寫「Hi-lī-nî」、其中一九二〇年進前 49 篇。有 2 篇寫「Hi-lî-nî」。有 163 篇寫「Hi-lia̍p」、其中一九二〇年進前 11 篇。一九六〇年代有 22 篇寫「Hi-lia̍p」・20 篇寫「Hi-lī-nî」。《英厦》（202、213）有收「GREECE」『希尼尼 Hi-lî-nî』甲「GREEK」『希尼尼 Hi-lî-nî』甲「GREEK CHURCH」『希拉敎 Hi-lia̍p-kàu』（咱有撨調丿・連劃）甲「HELLENIC」『希拉 Hi-lia̍p』。
「Hi-lia̍p」是近古漢文借詞。越南語講『HY LẠP』（希臘）。日語『ギリシャ』有寫做『希臘』。韓語永過有講『희랍』（希臘）。漢文「希臘」是照官話（亞是吳越語）字音塊音譯希文『ἙΛΛΆΣ』。LOBSCHEID（918、919）有收「希臘國人」云云。『HY LẠP』『희랍』「Hi-lia̍p」第二節个韻尾對漢字「臘」字來。
|
|
GÍ-SÛ
Ai-tiân
|
語詞
埃田
ⓒⓒ
祖緣漢文字
埃田 |
|
聖經創世紀个埃田園。十九世紀共官話（MANDARIN）借个。中國語（～近代標凖官話）講『伊甸』（YĪDIÀN）。日語講『エデン』。
|
|
GÍ-SÛ
-tiāu
|
語詞
兆
⭕
Ⓚ
祖緣漢文字
㊟ |
|
「Tàn-tiāu」云云、半口語外來詞（詞素）、相對恰新。《台日》無收、不閣「piàⁿ-tiāu」有收、寫做「傾丟」。《厦英》嗎無收、不閣《增補厦英》有、無定義、干礁例詞「hiat-tiāu」『TO THROW AWAY』甲「choh-tiāu」『TO MAKE A MOLE OR EARTHWORK TO GUIDE WATER IN A DESIRED DIRECTION』。《增補厦英》「舞、bú」下底嗎有收「bú-tiāu」『TO THROW AWAY』。通知只个接尾詞大概是十九世紀尾・二十世紀頭借借入來台語。
那書寫、《連枝接葉新歌》有寫『我那共娘放血兆』。竹林《綠牡丹歌》有寫『神主成煞加旦調』（sîn-chú sēng-sòa kā tàn-tiāu）。玉珍《菜瓜花鸞英為夫守節歌》有寫『放調小妹』。玉珍《梁英死某歌》有寫『放兆細子』。玉珍《尫某看博覽會新歌》有寫『銃兆』。平平是借音字、「兆」字恰省劃・恰束結・恰無足多別个用法。
「-Tiāu」是口語外來詞素、按官話來、詞源中國語『掉』（DIÀO）个前身。嗎有可能是對第三語轉个。「掉」字《寶鑑》讀 thiáu、《雅俗通》讀 *thiáu、《妙悟》讀 *tiáu。凖那按書面借外文『掉』、會借做 *thiáu・*tiáu 不即着。「-Tiāu」嗎有可能是借「調」字个音按呢「轉」个、親像中國語『捷運』（JIÉYÙN）借「節」字个字音、轉做台語「chiat-ūn」按呢。不閣「-tiāu」个使用本底無濶、無「生産性」。到甲華治時代、靠中國語牽成、「-tiāu」使用額即大起、嗎得着生産性。特別一九七〇年以後、靠華文个勢、逐个即自然共「-tiāu」寫做外字『掉』。
台文自本無寫『掉』。《台日》台語个部份、頂下本朗無用着『掉』。通行漢文有「掉」（thiáu）字（請看）。假使講「掉」字是官話『掉』（DIÀO）个祖緣字、按呢「掉」字着是「-tiāu」个祖緣字、不閣甲「khóng」含「紺」字仝欵、脫離台語个字音系統。流行歌詞「-tiāu」寫做『掉』、云仔是塊寫外字。
潮州語『TIĀU』本身是單詞、《潮詞滙》注解做（中語）『丟，抛』。「TIĀU-TIĀU」注解做『丟掉』。《擊木知音》TIĀU 有收『丟』『𢫻』。廣東語『掉』（DEU⁶、DIU⁶）、《粵典》第一義注解『用手拋走；將物件甩出手』、第二義注解『唔要；丟棄；擗』。
|
相關个詞
khóng (孔)
pàng-tiāu
相關个字
調
兆 掉 |
|
GÍ-SÛ
kau-liâng
*kau-liông *ko-liông *ko-liâng *ko-niû |
語詞
高梁
⭕
㊟
祖緣漢文字
㊟粱 |
|
「Kau-liâng、*kau-liông」是官話借詞、按 MANDARIN 來、詞原中國語『高粱』（GĀOLIÁNG）个前身。傳統近代台灣音「kau-liâng」。請看下脚。《千金譜》寫『高梁』、是塊講酒無不着。唐山歌仔册有寫『膏粱子弟愛食新』、夭黃塗《最新賣油郞歌》寫『膏梁子弟愛食新』。一九四〇年代个歌謡有寫『高梁』。《台日》寫『高梁』。《台日》夭有收『稻梁菽麥黍稷』（tō, liông, siok, be̍k, sú, chek）、仝欵寫『梁』無寫『粱』。在台文、看起來『梁』是「粱」字个別形。仝欵、日語『コーリャン』有寫做『高粱』『高梁』。不八有人寫『*交凉』、照咱知。「Kau-liâng」寫做『高梁』咱由原共伊看做外字、雖然後字字形無一定照官話文。那塊寫漢羅、「kau-liâng」寫做羅馬字恰妥當。
官話『高粱』、「粱」字照講是祖緣字無不着。那前節个詞原、咱無把握。
《厦英》（312）收「kau-liông」『A SORT OF DISTILLED LIQUOR』。《台日》記「kau-liâng」「kau-liông」、閣收「ko-liông」『高黍』、注「文」、注明講干礁含「kau-liâng、-liông」第一項意思（≠ 高梁酒）相通。只項「*ko-liông」《厦英》無收个欵。EMBREE 干礁記「kau-liâng」。《白話典》有收「kau-liâng」『高粱酒』『稷』甲「ko-liâng、ko-liông、ko-niû」『稷』。《中教部閩南典》記「kau-liâng-chiú」「ko-liâng-chiú」「ko-liông-chiú」。
許嘉勇〈高粱愛呼做 kau-liâng〉寫講『實際佇真濟泉腔个地頭（ex. 鹿港、金門、福建），夭是讀做「kau-liâng」，咱猶原愛共伊看做是「官話借詞」；現主時个臺灣人毋知，煞干焦會曉照字面讀「ko-liông / liâng」』『阮塊（tèr）个視大人（阮俺公、許 hua̋i 愛濕--一杯--仔个叔公仔）計是讀做官話借詞个「kau-liâng」，我佇金門徛過年半，聽老勻--个、中年勻个金門人嘛是講「kau-liâng」』『教育部个方言差共鹿港个高粱酒記做「ko-liông-tsiú」，茲（tse）參我只个鹿港人理解个鹿港話有出入』。潘科元先生八寫講『高梁 kau-liâng / liông 往往特指「高梁酒」。也指迄種農作物，口語叫做「（紅）蘆黍 lôo-sué/sé」，金門儂寫做「露黍」因為怹第五聲、第七聲變調無分。若唸 ko-liông 照講是作物个文言名，毋是指迄種酒，但是有个儂無分』（高台語唸 kau 个詞例）。不閣照唐山歌仔册有寫『膏粱』來看、「ko-」凡世一百冬前着有人塊講啞。
|
相關个字
粱
梁 交 凉、涼 |
|
GÍ-SÛ
Ki-tok
|
語詞
基督
⭕
ⓒⓒ
祖緣漢文字
基督 |
|
詞原官話文『基督』（JĪDŪ）。官話『基督』是『基利斯督』个簡省体、夭『基利斯督』是希利尼語『ΧΡΙΣΤΌΣ』个音譯。
|
|
GÍ-SÛ
choán
|
語詞
轉
⭕
Ⓚ
祖緣漢文字
Ｘ |
|
「Hó choán」「choán chîⁿ」云云。口語官話借詞、共明清時代个官話借个、詞原是中國語『赚』（賺、ZHUÀN）个前身。古早支那地方字『賺』大概是血緣字。《台日》寫『賺』Ⓖ、照中華國學。歌仔册寫假名『轉』、嗎有一半本仔寫『賺』。開文《最新鴉片風流歌》有寫『攢錢』『攢食人』。《甘》「choán」無甲漢字。《寶鑑》無收相關字詞。論使用基礎、『轉』基礎厚。論詞原、「choán」（甲中國語 "赚"）無祖緣漢文字、照咱知。那塊寫漢羅、「choán」特別適合寫做羅字。
|
|
GÍ-SÛ
má-má hu-hu
|
語詞
馬馬夫夫
⭕
ⓀⓀⓀⓀ
祖緣漢文字
ＸＸＸＸ |
|
《台日》寫『馬馬夫夫』。拱樂社个劇本有寫『馬～夫～』（花鼓情仇）『馬～附～』（劍底鴛鴦）。「馬」字甲「夫」字是 m + a 个音節（無論調）甲第一調 h + u 个音節个約束卡那。那塊寫漢羅、只个語詞特別適合寫做羅字。
台灣客語講『MÂ-MÂ FÚ-FÚ』。台語「má-má hu-hu」甲客語『MÂ-MÂ FÚ-FÚ』照講是大清時代共 MANDARIN（官話）借个、詞原是中國語『马马虎虎』个前身。『马马虎虎』四字是音字。官話文永過有人寫『麻麻呼呼』『麻麻糊糊』（中教部國語典）。
論連劃、一九五〇年代个羅字台文有寫『má-má hu-hu』、中央籠縫。仝欵、傳統台羅字寫『chhìn-chhìn chhái-chhái』、罕得（亞是不八）寫『chhìn-chhìn-chhái-chhái』。
|
相關个字
夫 (hu)
馬 |
|
GÍ-SÛ
táⁿ-tia̍p
|
語詞
打疊
⭕
ⒸⒸ
～叠 ⭕ Ⓒⓒ
打牒
⭕
ⒸⓀ
祖緣漢文字
打疊 |
|
《台日》甲嘉靖《荔鏡記》寫「打疊」。《英厦》（309）有寫『打叠』。呂宋《西支》（AD 部）有寫『打叠』（*táⁿ tia̍p）。歌仔冊有寫「打叠」ⒸⓀ「～牒」「～蝶」Ⓚ。唐山客語永過有講「TÁ-THIA̍P」『TO ARRANGE』甲「TÁ-THIA̍P-CHANG」『TO SETTLE A MATTER』（客英）、《客英》寫做「打疊」「打疊正」。中國語亞是官話有講「打叠」（～疊、打迭、打揲）『收拾、整理』（漢典）、用字無定着。看起來「táⁿ-tia̍p」甲客語「TÁ-THIA̍P」是明清時代个官話借詞。照客語・廣東語个詞理來看、「疊」字是「-tia̍p」个祖緣字無不着。不閣台文「疊、叠」字担頭重、「-tia̍p」那寫做「牒」字亞是羅字、「疊、叠」字通好留乎「thia̍p」「tha̍h」。
後節《甘》無甲漢字。《台灣語典》（四）寫『打揲』、注『亦作打疊』。
客語閣有講「THIA̍P-CHANG LÒI」（疊正來）『ARRANGE IN ORDER』（客英）。「THI̊N-THIA̍P」『穩定』（客委會大埔典）『穩當，妥貼』（中教部客語典）、《客委會大埔典》寫做「定疊」。《客英》有收一句「TÛNG-SÎ THIA̍P TSHÈ MÒ」『TOUS LES OBJETS SONT-ILS EN ORDRE?』。啞廣東語有一句『疊埋心水』（DIP⁶ MAAI⁴ SAM¹ SEOI²）、意思「WHOLEHEARTEDLY, WITH RESOLVE』（CANTODICT）。
|
相關个詞
tia̍p (動詞)
tia̍p (時間) tiap-á-kú tha̍h (疊、叠) thia̍p (疊、叠)
相關个字
疊、叠
牒 |
|
GÍ-SÛ
Biâu-le̍k
*Biâu-lek *Miâu-le̍k |
語詞
苗栗
ⓒⓒ
祖緣漢文字
苗栗 |
|
苗栗早名「**Ba-nih」（請看）、寫做『貓里』云云。一八八九年大清植民政權設縣、照官話（～MANDARIN）音共『貓里』雅化做『苗栗』（廖忠俊 2009・126 葉）。續落來人照字音共『苗栗』讀做「Biâu-lek」。「栗」字台灣音 lek、第四調、對《廣韻》來看、是咀音。全羅《教會報》有 121 篇寫「Biâu-le̍k」、自一八九〇年代。有 94 篇寫「Biâu-lek」、丸那自一八九〇年代。在台灣字音來看、「-le̍k」是咀音。現代夭有一个咀音「*Miâu-le̍k」、中華音个欵。
《地輿總圖》有記『苗栗縣』。邊仔有『苗里街汛』。
客語講『MÈU-LI̍T』。
|
行政地名
日本体制苗栗街 ⇄ 中華体制苗栗市
相關个詞
**Ba-nih
相關个字
栗
|
|
GÍ-SÛ
chúi-kiáu
|
語詞
水皎
ⒸⓀ
水嬌
ⒸⓀ
水繳
⭕
ⒸⓀ
祖緣漢文字
水㊟ |
|
官話借詞、詞原『水餃』（～饺、SHǓIJIǍO）。講恰精凖レ、上少後節「-kiáu」是借詞。歌仔册有寫『水皎』『水嬌』『水繳』、用例無多。唐山歌仔册甲黨國時代个台灣歌仔册有幾落本寫『水餃』ⒸⒼ。《台日》寫『水攪』ⓀⓀ、不閣「bah-kiáu」寫做『肉餃』ⒽⒼ。「-Kiáu」大概有祖緣漢文字「角」字。請看下脚。『餃』不是通行漢文个字。是官話文私奇用字、路尾借入去日・粤語。台文在來無『餃』。那塊寫漢羅、「-kiáu」自然着寫做羅字。那卜借在調卡那、「繳」字甲「皎」字朗會合、不閣請看「kiáu-jiáu」「poa̍h kiáu」。那汎調卡那、約束卡那照講是「喬」字、不即歌仔册有寫『水嬌』。
中國語講『水饺』（～餃）『饺子』（餃～、JIǍOZI）。客語講『ṢÚI-KIÁU』。廣東語講『餃子』（GAAU² ZI²）『水餃』（SEOI² GAAU²）。越南語講『SỦI CẢO』、照講是粤語借詞。日語講『餃子』（ギョウザ）。水繳打算是只二三百冬即對唐山北部炭出來。
通行漢文無『餃』。《集韻》（潘悟雲版）有收「餃」（居效切）『飴也』、甲「較」（kàu）字仝音。治近代台灣、不那《寶鑑》、參《甘》都無收『餃』。《厦英》共伊收帶動詞「kiáu」下底。《台日》丸那寫『水攪』。
官話『餃』（-JIǍO）詞底大概是「角」。周星〈餃子發展簡史：明清時，在北方已成為定俗〉寫講『餃子在中國古代文獻中有很多不同的稱謂，常因時代、地區、製作方法和餡料之不同，往往叫法上也就各有區別。如「角子」、「角兒」、「粉角」、「扁食」、「餛飩」、「餃餌」、「水煮餑餑」、「水餃兒」等等，其中「角」是餃子的象形，「角」、「交」、「餃」諧音，「餃子」一名便由此而來。「餃」字的「交」既是音符，又與「角」相諧；「飠」為義符，可作「飴」解。從訓詁學看，「角子」作為「餃子」一詞的語源，應無疑問。明人張自烈撰《正字通》：「今俗餃餌，屑米面和飴為之，乾濕大小不一，水餃餌即段成式食品湯中牢丸，或謂之粉角。北人讀角如矯，因呼餃餌訛為餃兒」』。官話文小說《金瓶梅》有寫『水角兒』『肉角兒』（字形照 CTEXT）。
|
相關个詞
poa̍h kiáu
kiáu-jiáu
相關个字
皎
繳 喬 |
|
GÍ-SÛ
pa-á
pâ-á pâ-·á *pâ-·a *pâ-·ah **pâ-ah pâ |
語詞
爸
⭕
Ⓖ
爸仔
⭕
ⒼⓉ
巴仔
⭕
ⓀⓉ
祖緣漢文字
ＸＸ |
|
「Pa-á、pâ-·á」羅字台文自二十世紀尾即有塊寫（DADWT）。「Pâ」上慢一九五四年出現（教會報 788 号、"goán pâ"）。流行歌詞有寫『爸』『爸仔』。「Pa-á、pâ-·á」《台日》無收。《台日》有收「pâ」『父。父樣』、寫做『爸』、例句「gún pâ」。《白話典》有收「pâ」「pâ-·á」「pa-á」。請看「a-pa、a-pâ、a-pah」。通行漢文無『爸』。
|
建議
pâ-·á ⇄ 爸仔、巴仔
pa-á ⇄ 爸仔、巴仔 pâ ⇄ 爸
相關个詞
-·á ("Ōng-~")
a-pa, a-pâ, a-pah pá-pah, pa-pa bú-·á
相關个字
巴
|
|
GÍ-SÛ
hán
|
語詞
罕
⭕
Ⓚ
祖緣漢文字
㊟ |
|
動詞。歌仔冊專寫假名「罕」。《台日》《甘》《台十五》寫「喊」、勉强通理解做訓用字。《寶鑑》《雅俗通》《妙悟》無收相關个字詞。呂宋《西支》（VO 部）有寫『大聲𠳾』。
「喊」字《廣韻》記三个音、呼覽切（曉母談韻）完全對應台語漢文音 hám。請看「hiàm」。「喊」字無可能對應台語漢文音亞是早音 *hán。總是「hán」照講是共明清時代个官話借个、不即含中國語「HǍN」（喊）眞倚音。竪算講是按呢、共「hán」寫做「喊」、袂輸共「gió-toh」寫做「*上等」、亞是「sio̍k-pháng」寫做「*食 pháng」。製造例外、共台字舞呼復雜、夯枷。「Hán」寫做「罕」、「喊」字留起來寫「hiàm」、按呢介清楚、閣合台文个習慣。啞那塊寫漢羅、只个語詞自然適合寫做羅字。
|
相關个詞
hán-hoah
hiàm (喊) |
|
GÍ-SÛ
hán-hoah
|
語詞
罕喝
⭕
ⓀⒸ
祖緣漢文字
㊟喝 |
|
歌仔冊有幾也本寫「罕喝」、嗎有一半本仔寫「罕吪」ⓀⓀ。「Hán-」大概是官話借詞。請看「hán」甲「hoah」。
|
相關个詞
hoah (喝)
hán (罕) |
|
GÍ-SÛ
chau-that
|
語詞
巢撻
ⓀⓀ
糟撻
⭕
ⓀⓀ
祖緣漢文字
ＸＸ |
|
《台日》寫「蹧躂」。歌仔冊寫「巢撻」「糟撻」上多、嗎有幾若本寫「𢲵撻」（最新工塲歌）「糟躂」「蹧躂」。「𢲵」字「蹧」字是用「曹」（～糟）做音符塊造字、不閣台文治只个詞以外、不八用着彼二字。爲着一个双節个實詞造一字、無經濟、重精英、嗎無合台字一般个原則。建議寫羅字亞是假名「糟撻」。
只个語詞大概是明清時代共官話（～中國語个前身）借个、詞源打算是後來演變做華語「糟蹋、蹧蹋、糟踏、蹧塌」（ZĀOTÀ）彼个詞。「ZĀOTÀ」中華語・官話文有影上少有四个寫法（中教部國語典）。
|
相關个字
巢
糟 撻 踏 |
|
GÍ-SÛ
Iû-thài
|
語詞
猶太
ⓒⓒ
祖緣漢文字
猶太～大 |
|
照講是官話借詞、對聖經甲基督教篐仔入來。《台日》有收「猶太」『猶太國』甲「猶太人」『猶太人』。《厦英》（176）「iû ū put koat」（～猶有不決）後壁有收「Iû-thài」、注講是教會用詞。
「猶」字台文眞罕用、那竪治台文觀点、寫『Iû-thài』『Iû 太』『由太』甚至『尤太』朗恰會和・恰環保。此是塊論字、不是塊論詞。台灣話講「Iû-thài」以經百外冬。越南語丸那講『DO THÁI』（猶太）。
|
相關个詞
iu-goân
相關个字
猶、猷
由 尤 |
|
GÍ-SÛ
Iâ-so͘
Ia-so͘ |
語詞
耶穌
ⓒⒼ
耶蘇
⭕
ⓒⓀ
祖緣漢文字
耶㊟ |
|
全羅《教會報》有 16 篇寫「Ia-so͘」、春个朗寫「Iâ-」。呂宋漳文寫「西士」（*Se-sū）。《大正台職彚》有寫『耶穌教牧師』甲『耶蘇布教師』云云。今『穌』只字在漢文無講眞通行、台文寫『耶穌』是綴外文寫个。現代漢羅台文丸那不時有寫『耶蘇』。
漢文『穌』（字、請看）不是眞通行。咱共伊看做外字、按官話文進口个。
|
相關个字
耶
穌 蘇 |
|
GÍ-SÛ
bóng-tóng
|
語詞
罔黨
⭕
ⓀⓀ
罔党
⭕
ⓀⓀ
祖緣漢文字
ＸＸ |
|
「Bóng-tóng」不是漢來語、是官來語。換話講、「bóng-tóng」不是對漢文來、是按官話來、含「ún-tàng」仝欵、打算是治大明時代、打算不是按書面、凡世是對戱界。台文自然共伊寫做借音字「罔黨」「～党」。一半擺仔八有人寫「懞懂」「矇瞳」「罔〓」（〓倒『忄』正『党』）。拱樂社个劇本有寫『弄黨』（～莽黨、仇海情天、「黨」字字形無確定）。那塊寫漢羅、只个詞適合寫做羅字。
「Bóng-tóng」个詞源是官話「MĚNGDǑNG」（ㄇㄥˇ ㄉㄨㄥˇ）。只个詞官話文都寫做幾落式、『懵懂』『蒙董』『蒙懂』『懞懂』『瞢懂』、來到中華時代即標凖化做『懵懂』。華文只个詞塊選字含通行漢文無治代、自然含台文嗎無治代。「Bóng-tóng」四角字卜按盞寫、照講含「sap-bûn」亞是「gió-toh」卜按盞寫是仝欵議題。
|
相關个詞
tóng (黨、党)
|
|
GÍ-SÛ
tàu-té
tàu-tóe tàu-tí *tò-tí |
語詞
到底
ⒼⒸ
罩底
ⓀⒸ
鬥底
⭕
ⓀⒸ
閗底
⭕
ⓀⒸ
祖緣漢文字
到底 |
|
「Tàu-tí、tàu-té、*tàu-tóe」歌仔冊有幾若本寫做『到底』『罩～』Ⓚ『鬪～』Ⓚ『閗～』Ⓚ、用例少少仔。現代流行歌詞綴中國語寫『到～』。拱樂社个劇本有寫『投底』ⓀⒸ（劍影情仇、愛怨情天、節烈夫人）。《台日》寫『到～』。歌仔冊『到底』二字主要是塊寫「kàu té、kàu tóe」、少數用塊寫「*tò-tí、tàu-tí、tàu-té」。台語恰早講「tàu-tí」恰多。「Tàu-té」中治時代即變眞常用、夭「tàu-tóe」是中語借詞。請看下脚。「Tàu-tí」是明清時代共官話（MANDARIN）借个、治十九世紀有常用。「到」字本身讀 tò（漢）tò͘（漢）kàu（訓）、無讀 *tàu。「Tàu-té、-tóe、-tí」寫做『到～』、基礎薄薄仔、夭「到」字着加負一个音、袂和。「Tàu-」寫做羅字亞是假名『鬥』（閗）恰直・恰惜環境。
《妙悟》《雅俗通》《補彚》《八音》《寶鑑》《台十五》「到」字無記 *tàu 个音。《厦英》有收「tàu-tí」「tò-tí」、無收「*tàu-té」。《台日》加收「tàu-té」、無收「*tàu-tóe」。王育德《常彚》收「tàu-té」、無收「tàu-tí」。全羅《教會報》有 4 篇寫着「tò-tí」、尾擺一九〇四年。「*Tò-té」「*tò-tóe」不八寫着。有 273 篇寫着「tàu-tí」、內中十九世紀占 42 篇。一九三〇年代夭有 57 篇。一九六〇年代夭有 50 篇。朗總干礁 12 篇寫着「tàu-té」、頭擺一九〇六年（"in chiū chhe Pa-ná-pa khì khoàⁿ-khoàⁿ tàu-té sī án-cháiⁿ-iūⁿ"）、第二擺一九三〇年。一九六〇年代占 7 篇。啞「tàu-tóe」不八寫着。夭有 5 篇寫「kàu té」・3 篇寫「kàu tóe」。
大宋漢文有寫「到底」（CBETA-O）、不閣台語「tàu-tí」是官話借詞、不是直接對漢文來。照使用額來看、現代常用詞「tàu-té、tàu-tóe」嗎不是單純對「tàu-tí」變个。請參考《白話典》510 葉。
|
建議
tàu-té, -tóe, -tí ⇄ 鬥底、閗底
*tò-tí ⇄ 到底
相關个詞
kàu té, kàu tóe
thiat-té, -tóe tàu (鬥、閗) láu-tàu
相關个字
到
|
|
GÍ-SÛ
chhiú-khàu
|
語詞
手扣
⭕
ⒸⓀ
祖緣漢文字
手Ｘ |
|
歌仔冊有一半本仔寫「手扣」「手銬」ⒸⒼ。《英厦》（292）寫『手扣』。《台日》《甘》甲王育德《常彚》寫「手梏」ⒸⒽ、不閣「thih chhiú-khàu」《台日》寫做「鐵手扣」。《雅俗通》《寶鑑》《台十五》khàu・*khàu 朗無收「梏」字。「梏」字《廣韻》古沃切・古岳切、《雅俗通》記音 khok。歌仔冊不八寫「梏」字。《台十五》寫「手扣」。《渡江》寫「手𨯕」。寫「手扣」上條直、嗎相對恰有基礎。那塊寫漢羅、後節適合寫做羅字。
仝只个概念、客語講「SÚ-KHAU」（四）「ṢIÚ-KHAU」（海）。廣東語講「手扣」（SẲU KẮU）「手銬」（SẲU KÁU）「孖葉」（MA YỊP）。中國語講「手铐」（手銬、SHǑUKÀO）。韓國語講「手匣」（수갑） 。照講台語「-khàu」客語「KHAU」粵語「-KẮU」「-KÁU」中國語「-KÀO」朗仝源、對近代个官話來。只組詞咁有祖緣漢文字、欠研究甲証明。『銬』是官話私奇字。通行漢文無『銬』、參《甘》都無收。漢文「釦」字意思無仝、音理上嗎無合中國語「-KÀO」。
|
相關个詞
khàu (扣)
|
|
GÍ-SÛ
khàu
|
語詞
扣
⭕
Ⓚ
祖緣漢文字
Ｘ |
|
動詞、「iōng chhiú-khàu khàu tiâu ·leh」云云。《台日》《甘》四角字寫『釦』、不閣請看「chhiú-khàu」。王育德《常彚》寫『梏』Ⓗ。歌仔册有一半本仔寫借音字『扣』。那塊寫漢羅、只个語詞介適合寫做羅字。
「Khàu」打算是外來詞、明清時代共官話借个。詞原無定着。
『釦』傳統歌仔册不八寫、不閣韻册有收。《雅俗通》有收烏字「釦」『鈕』。《寶鑑》收「釦」『鈕釦也』。《台十五》收「釦」『鈕 liú —』。夭頂古漢文《說文解字》注『金飾器口』。中古漢文《廣韻》注『金飾』。日文八用『釦』塊寫歐州語借詞『ボタン』（～鈕仔）。
|
相關个詞
khàu ("~ gō͘ kho͘")
chhiú-khàu
相關个字
扣
釦 |
|
GÍ-SÛ
phî-tàn
*phīⁿ-tàn |
語詞
皮旦
⭕
ⒸⓀ
祖緣漢文字
皮Ｘ |
|
照講是口語亞是半口語借詞、詞原官話（～中國語个前身）『皮蛋』ⒸⒼ（中國音 PÍDÀN）。《白話典》有記一个別音「phīⁿ-tàn」。歌仔册寫『皮旦』恰多。嗎有寫『鼻旦』ⓀⓀ『丕旦』ⓀⓀ。「皮」字照講是祖緣字、啞「皮」字台語𫔘好有讀 phî。不閣『蛋』（字、請看）不是通行漢文字、自然嗎不是「-tàn」个祖緣漢文字。咱那「nn̄g」寫做「卵」字、台文『蛋』着會凍省。
日語講『皮蛋』（ピータン）。韓語講『피단』、甲「phî-tàn」卜倚仝音。吳越語講『皮蛋』。廣東語講『皮蛋』（～疍、PEI⁴ DAAN²）。越南語講『TRỨNG BÁCH THẢO』（〓百草、⿱壯卵）。
|
相關个詞
Kū-tàn, Kī-tàn
tàn (旦、擲)
相關个字
旦
蛋 |
|
GÍ-SÛ
si-koe
|
語詞
西瓜
⭕
Ⓖⓒ
祖緣漢文字
西𤓰 |
|
「Si-」是官話借詞（詞素）、近古時代共官話借个。《千金譜》（竹林）寫「絲瓜」ⓀⒸ。歌仔冊寫「西瓜」恰多。會文《四民經紀通俗歌》共「si-koe-chí」寫做「絲瓜子」ⓀⓒⒸ。《台日》寫「西瓜」、閣收第二个音「sai-koe」。台灣地名寫「西瓜」恰多。台文「西」字生成讀 sai 讀 se、無 si 个音、「si-koe」寫做「西瓜」通講是外來詞甲外來字做一困借。按呢乎「西」字加負（phāiⁿ）一个音、袂和、不閣台文在來寫按呢。那塊寫漢羅、寫『si 瓜』介有理。那卜共「si-」寫做假名、「糸」字上清氣、不閣台文「施」字恰什借來做假名。請看「ke-si」。
地名。屏東鹽埔「西瓜」園。雲林斗六「施瓜」寮、《堡圖》寫做「施瓜𦼔」、也有人寫「西瓜寮」个欵（地名服務網）。台中清水「西瓜」寮。
客語講「SÎ-KÔA」、潮州語講「SI-KUE」、甲「si-koe」仝源。官話『西瓜』、詞底照講是「西」鬥「瓜」無不着。日語『スイカ』、詞源嗎是官話『西瓜』。永過嗎有人借「水」字、共『スイカ』寫做『水瓜』。𫔘好菜瓜、中國語（～官話）講『絲瓜』、廣東語講『水瓜』。
|
相關个詞
ke-si
相關个字
絲、糸
施 (si) 施 (sì) 瓜 |
|
GÍ-SÛ
phî-khì
*phîⁿ-khì *phīⁿ-khì |
語詞
脾氣
⭕
Ⓖ
祖緣漢文字
脾氣～气 |
|
照講是半口語官話借詞。「脾」字台灣音 pî、無論腔口。「Phî-khì」个只个 phî- 無用帶別个詞內底。通行漢文嗎無寫「*脾氣」。漢文《존典》無收。《中教部國語典》『脾氣』干礁甲官話文用例。
《台日》夭有收「phīⁿ-khì」甲「pháiⁿ phîⁿ-khì」。
|
|
GÍ-SÛ
khàu
*khiò |
語詞
扣
⭕
Ⓖ
祖緣漢文字
扣 |
|
「Khàu gō͘ kho͘」云云。《王力典》（350）注講此是漢文「扣」字个『晚起義』、用大明用例。歌仔册有寫『七扣共八遍』云云。《英厦》（103、514）《台日》寫『扣』。
《台日》彼拵个泉底台語有講「khiò」。『扣』漢音 khiò（泉）khò͘（漳、厦）。Khàu 照講是外音、按官話推構个。
|
相關个詞
chhiú-khàu
相關个字
扣
|
|
GÍ-SÛ
Iok-ní
*Iok-jíⁿ |
語詞
約耳
ⓒⓀ
約珥
ⓒⓒ
祖緣漢文字
約珥 |
|
舊約聖經三十九本（卷）个一本、嗎是著者个名。以色列語『יואל』。中國語『约珥』（約～）。傳統台灣海峽語「Iok-jíⁿ」是書面借詞、按官話文（～中文个前身）來。巴克禮聖經使徒行傳 2:16（歸節）寫『che chiū-sī thok sian-ti Iok-jíⁿ só͘ kóng ê, kóng』。只節二〇一〇年代个巴克禮普世版（t.ly/qX26i）修改做『Kî-si̍t che sī sian-ti Iok-ní só͘ kóng-.ê』、反射台語音理个演變。請看「爾、尔」（字）。現代漢羅台文有綴繁体中文寫『約珥』、嗎有人寫『約耳』ⓒⓀ。請看「耳」（字）「珥」（字）。
《教會報》上少到一九六〇年代夭有寫「Iok-jíⁿ」（人名、卷名）、不閣「Iok-ní」（人名、卷名）丸那自一八八九〇年代・創刊个年代着有寫。
|
相關个字
爾、尔
耳 珥 |
|
GÍ-SÛ
phah-khui
|
語詞
打開
⭕
ⒽⒸ
拍開
⭕
ⒸⒸ
祖緣漢文字
拍開 |
|
照講是書面官話借詞。《厦英》《增補厦英》《台日》（下 562）無收。含《中教部閩南典》都無收。台史數位舘所收个契字、十九世紀中節有 2 張寫『候樹林打開方指定界址』甲『俟樹林打開之日』（用字照台史數位舘）、意思含現代詞「phah-khui」無仝。全羅《教會報》有 11 篇寫「phah-khui」、自一八八七年。《白話典》丸那注講「phah-khui」對書面來、不是台語內部「phah」鬥「khui」。含「khui ·khui」「tháu ·khui」「peh ·khui」無仝、「phah-khui」前節「phah-」不是具体的个「phah」。
論音、《白話典》干礁記「phah-khui」、無記「*phah-·khui」。
照以上通知、「phah-khui」是借詞、適合揷連劃、雖然戰後加減有人寫『phah khui』。
《존典》（不是韓語詞典）有收『打開』（타개）。
|
|
GÍ-SÛ
ún-tàng
|
語詞
允凍
⭕
ⓀⓀ
允棟
ⓀⓀ
穩凍
⭕
ⒸⓀ
祖緣漢文字
穩當 |
|
歌仔册大多數寫『允凍』、閣來『允棟』。有幾那本寫『允當』『穩凍』『隱凍』『穩當』。拱樂社个劇本八寫『允冬』ⓀⓀ（金銀天狗）。《台日》寫『穩當』。「Ún-tàng」是外來詞、對官話『穩當』（WĚNDÀNG）來。*Tàng 不是「當」（tòng）字个漢文音。漢文『當』漢文音 tong・tòng、對應早音 tng・tǹg。『當』台語無讀 *tang・*tàng。「Ún-tàng」後節特別適合寫做羅字。那卜共伊寫做四角字、照講無別字恰嬴約束字『凍』。『凍』是第三調 t + àng 个音節个約束卡那。
外文『穩當』、台語着讀做「ún-tòng」。《台十五》ún 有收「穩、𥝲」『安 an —. — 健 kiān. — 當 tòng』。《台灣語典》（四）有『允當』（*ún-tòng）。
|
相關个詞
ún (穩、允)
pau-ún an-ún
相關个字
當 (tòng)
穩、𥝲 隱、阭 |
|
GÍ-SÛ
chāu
|
語詞
找
⭕
Ⓖ
祖緣漢文字
Ｘ |
|
「找」字不是祖緣漢文字、不閣是約束字。通行漢文無『找』。《集韻》『找』含『划』仝字各形。《廣韻》無收、參十四世紀《中原音韻》都無收。不閣「chāu」現現含客語「CHÁU」廣東語「ZẢU」（找）中國語「ZHǍO」（找）仝源。十九世紀頭《妙悟》「找」字干礁記一个音 *cháu、甲客語廣東語有對應。只个語詞照講是近代共官話借个、順續借「找」字來共伊書寫。
|
相關个字
找 [chāu]
|
|
GÍ-SÛ
koán-thāi
|
語詞
管太
⭕
ⒸⓀ
管汰
ⒸⓀ
管待
ⒸⓀ
祖緣漢文字
管他Ｘ |
|
歌仔册有寫『管太』『～待』、用例少少仔。流行歌詞用例眞多、主要寫『管太』『～汰』、嗎有寫『～待』『～代』。今「太」字通講是 th + ai 个音節个約束卡那、上少在第二・第三・第四甲第七調來講。「-Thāi」建議寫做羅字亞是「太」字。
「Koán-thāi」个原体照講是「*koán-tha i」。「*Koán-tha」是官話借詞、共 MANDARIN 借个。《台日》有收「koán-·thāi」『勝手に爲す。相手にせぬ』『構ふな。（語原は【管他】に【伊】が連りたるものなるべし）』、寫做『管待』。閣有「koán-tha」『勝手に爲す。相手にしない。構はない』、寫做『管他』。《增補厦英》（115）有收「koán-thài i」『LET HIM DO AS HE PLEASES』甲「koán-thài i khì sí--bô」『NO MATTER IF HE DIES』。
《教會報》一九三九年有一篇有寫『Bo̍k-su iā put koán-thaⁿ』。
|
相關个詞
thái, thài (太、豈)
thái-ko |
|
GÍ-SÛ
chà-tân
chà-tôaⁿ |
語詞
炸彈
⭕
ⒼⒸ
祖緣漢文字
Ｘ彈 |
|
《台日》記「chà-tân」、寫做『炸彈』。《教會報》朗寫「-tân」、自一九一六年。EMBREE「-tân」「-tôaⁿ」樵收。歌仔册有寫『炸彈』『乍彈』『乍壇』。台語「chà」（炸）是官話借詞、按大清時代个官話來。「Chà-tân」那不是中語借詞着是官話借詞。「炸」字不是漢字、是唐山內地地方字。請看「po̍k-chà」。
|
相關个詞
po̍k-chà
|
|
GÍ-SÛ
liu
*liu̍h |
語詞
六
Ⓖ
留
Ⓚ
祖緣漢文字
六 |
|
工乂譜个一个音。請看「kong」「chhe」。《厦英》甲 EMBREE 記音「liu̍h」「lio̍k」。《台日》記「liu」。
|
相關个詞
kong (音樂)
chhe... (音樂) |
|
GÍ-SÛ
u
*ú *ngó͘ |
語詞
五
Ⓖ
有
Ⓚ
祖緣漢文字
五 |
|
工乂譜个一个音。請看「kong」「chhe」。《台日》記音「u」。《增補厦英》「u」『THE FIRST NOTE OF THE MUSICAL SCALE (SOME SAY "ú")』。EMBREE 記「ngó͘」。
|
相關个詞
kong (音樂)
chhe... (音樂) |
|
GÍ-SÛ
put-tóng
|
語詞
不黨
⭕
ⒸⓀ
不党
⭕
ⒸⓀ
祖緣漢文字
不Ｘ |
|
歌仔冊寫「不黨」「不党」。按呢寫上合台文个字理。「-Tóng」照講對官話「DǑNG」（懂）來、不閣通行漢文無「懂」字、在來个台文嗎無。啞不知官話「懂」（DǑNG）伊咁有祖緣漢字。咱那塊寫漢羅、後節適合寫做羅字。
《台灣語典》（二）寫『不黨』、閣注『楚人謂曉曰黨』。
|
相關个詞
bóng-tóng
相關个字
黨、党
|
|
GÍ-SÛ
thài-thài
|
語詞
太太
⭕
ⒸⒸ
祖緣漢文字
太太大大 |
|
《厦英》有收「thài-thài」『WIFE OF THE PREFECT OF A FOO DEPARTMENT, OR OF A HAI-FANG, OR OF A KUJIN』（KUJIN ～ kú-jîn）。只个詞是近古借詞、共官話借个、凡世透過明清漢文。王育德《常彚》「thài-thài」注解『奥さま, 御新造さま. 敬語』。「Goán thài-thài」・含「某」仝意思个彼个「thài-thài」（中教部閩南典：丈夫稱呼自己的妻子）是中語借詞。
|
相關个詞
sian-seⁿ, sin-seⁿ
|
|
GÍ-SÛ
thán-á
|
語詞
氈仔
⭕
ⒽⓉ
祖緣漢文字
ＸＸ |
|
「Thán-」照講是官話借詞、台灣海峽語近古時代共官話（MANDARIN）借个。台語有用着「thán-」个語詞、恰多朗是官話借詞・中語借詞。請看「tē-thán、tōe-」。全台文个文献在來寫『氈仔』。字詞典眞多寫『毯仔』ⒼⓉ、反射讀册人个文字思路。《八音》《補彚》有寫『氈～』。『氈～』是社會主要个用字。『氈』治者有訓用个性質、不閣會借來寫「thán-」云那百面是因爲人共彼个『亶』凖做音符。『毯』（請看）是官話字・外文字、雖然是祖緣唐山字、《廣韻》嗎有收、煞不是通行漢文字。『毯』个只个『炎』嗎無音符个作用、今「談」字「淡」字朗 -m 韻尾、不閣「thán-」是官話借詞、-n 韻尾。建議寫『氈～』亞是羅馬字。
《雲林雜念簿》《英厦》（451）《台日》寫『毯仔』。歌仔册有幾那本寫『氈仔』、嗎有一半本仔寫『毡～』。《妙悟》*thán 有收「琰」『氊 — — 仠』、『*琰仠』大概是『毯仔』寫走形。《八音》*thán 有收「氈」『仔』甲「襢」『褥』。《補彚》有收「㲜、毯、氊」（*thán）『毛席也』。《千金譜》彼句『氊條、毡褥、無彼止』、『氊條』凡世是塊寫「chiⁿ-tiâu」、不閣許克綏・關廟黃良成・漳州林建輝甲《日台千金譜》朗共伊讀做「*thán-tiâu」、通知「thán-」寫做「氈、氊」字有若四常。
《千金譜》『氊條、毡褥』許克綏先生讀做「thán-tiâu, chiam-jio̍k」。《日台千金譜》記「thán-tiâu, chian-jio̍h」个欵。中華時代个版本永永編者按盞讀着按盞換字。在咱土想、無的確《千金譜》原底寫「*chiⁿ-tiâu, chian-jio̍k」。
論「-thán」、歌仔册有寫『金沙氈』（押 -an、kim-soa-thán）『金沙毡仔』（kim-soa-thán-á）『醒酒氈』（押 -an、chhéⁿ-chiú-thán）『醒酒氈仔』『花氈』。啞《探親結緣新歌》有共「phian-thán」寫做『偏氈』、通知「-thán」寫做『氈』有若通行。
|
相關个詞
tē-thán, tōe-thán
相關个字
氈、毡
壇 檀 |
|
GÍ-SÛ
hoan-hù
*hun-hù |
語詞
吩咐
⭕
Ⓖ
分付
ⒸⒸ
番付
⭕
ⓀⒸ
祖緣漢文字
分付 |
|
恰早閣有一个音「hun-hù」。歌仔冊大多數寫外語字「吩咐」。《台日》「hoan-hù」「hun-hù」朗寫做「吩咐」。通行漢文無『吩』無『咐』。「吩咐」是綴明清時代个官話文寫个、不閣基礎有厚、台文在來朗寫按呢恰多。歌仔冊少數寫「分付」、愈少數寫「分咐」「吩付」「番付」。「Hoan-hù」寫做「番付」恰條直、「付」字嗎恰合詞源。不閣「hoan-hù」在來有約束字「吩咐」。那塊寫漢羅、甲那「吩」字「咐」字不是狹義个漢字、咱寫「hoan 付」嗎是有理。「Hoan-」甲「-hù」有祖緣漢字「分」字「付」字、不閣台文「分」字本成無 *hoan 个音。
羅字台文在來寫「hoan-hù」、無寫「*hun-hù」（DADWT、教會報）。
中古漢文着有寫「分付」、不閣照 CBETA-L 來看、明清漢文即定定寫「分付」。「Hun-hù」看欵是書面漢文借詞、詞源漢文「分付」。不閣「hoan-hù」看欵上少是半口語个官話借詞（～對官話來）、了後綴官話文寫。《廣韻》無『吩』、不閣《妙悟》有收、讀下去調 *phūn（→ *phùn、應皆上去調即着）、注解『吐氣』（瑞成本）。此含《康典》「吩」『集韻與噴同』一致。《雅俗通》有收「咐」『吩 —』、不閣《妙悟》無。照《台日》來看、台語無別个詞用着「吩」字、啞卜倚無別个詞用着「咐」字。
|
建議
hoan-hù ⇄ 番付、吩咐
hun-hù ⇄ 分付、吩咐 |
|
GÍ-SÛ
hoa̍t-lo̍h
|
語詞
伐落
⭕
ⓀⒸ
祖緣漢文字
發落 |
|
歌仔冊大多數寫「伐落」、眞少數寫「發落」「罰落」。《台日》寫「發落」、看欵是帶念着中國語・官話文『發落』。「Hoa̍t-lo̍h」照講是官話借詞、對明清時代个官話來、詞源官話『發落』。總是「hoa̍t-lo̍h」約束四角字「伐落」、夭「發」字本成無讀 *hoa̍t。
|
|
GÍ-SÛ
chhàu-khiáu
|
語詞
湊巧
⭕
Ⓒ㊟
凑～
祖緣漢文字
湊巧 |
|
歌仔册簡那不八塊寫「chhàu-khám」、不閣有寫「chhàu-khiáu」（湊巧、凑～）。只个「-khiáu」含「chiok khiáu ·ê」彼个 khiáu 無仝意思。只个「-khiáu」照講是外來詞素、詞原官話『巧』（QIǍO）、明清時代借个。夭「巧」字漢文音 kháu（漢）。通知「chhàu-khiáu」不是正辦个漢文借詞。
|
相關个詞
chhàu-khám
khiáu (巧)
相關个字
巧 (kháu)
湊 |
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！