|
GÍ-SÛ
Chiang Choân
|
語詞
漳泉
⭕
ⒸⒸ
彰泉
親成漢字
漳泉 |
|
台灣歌仔册有幾落本寫『彰泉』。
論連劃、傳統台羅字『Chiang-choân』『Chiang-Choân』『Chiang Choân』朗有寫。全羅《教會報》寫『Chiang-choân』恰多个欵。請看「Seng Má」甲「tang-sai lâm-pak」。
|
相關个詞
tang-sai lâm-pak
Sìn Bōng Ài Seng Má Tâi Phêⁿ |
|
GÍ-SÛ
Chiang-pêng
*Chiuⁿ-phêng |
語詞
漳平
ⒸⒸ
親成漢字
漳平 |
|
福建地名。福建語 WIKIPEDIA 寫「Chiuⁿ-phêng」。不知台灣話咁八按呢講。全羅《教會報》有 2 篇寫「Chiang-pêng」、治一八八六年甲一九四八年。
漳平明・清時代有二百外冬屬漳州。漳平市政府个網站寫講『明成化七年（1471 年），从龙岩县九龙乡划出居仁、聚贤、感化、和睦、永福 5 里置漳平县。漳平建县至清雍正十一年（1471～1733 年），属漳州。嘉靖十五年（1536 年）划出聚贤里置大田县。雍正十二年至民国元年（1734—1912 年），改属龙岩直隶州』。「漳平」只个地名照講漢文底。
|
|
GÍ-SÛ
Chiàu-an
*Chiau-an |
語詞
詔安
ⒸⒸ
照安
ⓀⒸ
親成漢字
詔安 |
|
唐山地名。台灣地名普遍共伊寫做『詔安～』、嗎有寫做『照安～』。西螺・崙背（Lūn-pòe）漳州底个客人塊講台語个時、普遍共『詔安』呼做「Chiau-an」（邱智偉、私下請教）。《甘》sio「霄」字丸那注『Un-sio, siâⁿ ê miâ, chiū-sī tī Chiu-phó͘ kap Chiau-an ê tiong-kan』。
唐山地名「詔安」大明時代按一句「南詔安靖」來。彼搭『宋时属漳浦县的安仁乡（当时漳浦县有一坊三乡）。安仁乡统辖遵化、修竹、思政、海滨、永清、含恩六个里。其中遵化、修竹、海滨、思政等里又称为 "南诏场"，明初改乡、里为都，海滨里分为二都、三都，遵化、修竹里称为四都，思政里称为五都（另永清里称为七都，含恩里为十五都）』（archive.ph/ruQ0u）『诏安地域最初于东晋义熙九年设立绥安县时，属于绥安之地。唐垂拱四年（688年）漳州初设时，辖漳浦、怀恩二县。以漳江为两县界河，怀恩县置于漳江南岸，北起今之云霄城并，南迄南诏保，与潮阳交界。诏安当年之所以称为 "南诏"，据《诏安县志》旧说注⋯⋯唐时有南诏人过此，言此地风景好似我南诏，故以南诏为名』（仝）。通知「詔安」有中古漢文詞底「南詔場」、雖然咱對『唐时有南诏人⋯⋯言此地风景好似我南诏』眞無把握。
有關宜蘭冬山照安坑（詔安坑）、《G 林居台語 A-KI 的心聲》（網志）〈冬瓜山〉寫講『冬山河舊稱冬瓜山港，冬山河有五大支流：由東到西排例為詔安坑、大伯爺坑、十三份坑、新寮溪、舊寮溪』『詔安坑位於安平村，冬山鄉南邊近山地區⋯⋯清代為番界，待日治期間才有移民進山取材，因番犯頻頻，乃築城自保，又因移民多為詔安縣人，乃稱之為詔安城。居民建有一詔安宮（位於冬山鄉安平村安平路），祀三山國王』。
台南白河「詔安厝」有合音体「Chiàn-chhù」（戰厝）。
|
地名・水名
台南白河詔安厝 (照～、戰～)ᵀᴴ ㊟
嘉義梅山詔安寮ᵀ 雲林西螺詔安里ᵀ 南投竹山照安寮ᵀᴴ 彰化鹿港詔安厝ᵀ 彰化和美詔安厝ᵀ 台北市內詔安厝ᵀ ～街ᵀ 宜蘭冬山照安坑 (詔～)ᴴ ㊌㊟ 詔安城ᵀ
相關个詞
*Chiàn-chhù
相關个字
昭
|
|
GÍ-SÛ
Tâng-soaⁿ
|
語詞
銅山
ⒸⒸ
東山
ⓀⒸ
親成漢字
銅山 |
|
漳州島名、現代中國語『东山』（東～）。十九世紀尾、《金門志》由原寫『銅山』（照 CTEXT 个數位版本）。
一六八三年清軍占澎湖甲台灣是治銅山出帆个。現代个歷史文章眞多由原寫『銅～』（铜～）、包含台灣島內个資料。
|
|
GÍ-SÛ
Chiang-chiu
*Chiong-chiu *Cheng-chiu |
語詞
漳州
ⒸⒸ
漳洲
彰州
ⓀⒸ
親成漢字
漳州 |
|
主流台語綴漳州語講「Chiang-chiu」。傳統台羅字・全羅《教會報》寫「Chiang-chiu」。歌仔册（瑞成・徐公奇案新歌）甲歌仔戱劇本（拱樂社・三潭）有寫『彰州』。
唐山泉州有人講「Chiong-chiu」「Cheng-chiu」。鹿港人講「Chiang-chiu」多過講「Chiong-chiu」多過講「Cheng-chiu」、不閣當地有一个墓仔埔号做「Chiong-chiu-thióng」亞是「Chiong-chiu-po͘」「Chiang-chiu-thióng」「Chiang-chiu-po͘」、那照使用額來排列。夭有少數个少數講「Cheng-chiu-po͘」（許嘉勇、私下請教）。今那南部亞是各都會有人講「*Chiong-chiu」、大多數是照中國語『漳州』（ZHĀNGZHŌU）塊轉音、不是塊傳承海口音。
十九世紀 MEDHURST（81）有記「*Chioⁿ-chiu」（～台 Chiuⁿ-chiu）。《西支》（ÇH 部）有收「[Chioⁿ-chiu]: PROVINÇIA DE CHÍNCHEO」『漳州府』（*Chiang-chiu hú）。
台北林口漳州寮《堡圖》記做『樟州藔』。
「漳州」只个地名、中古漢文着有。
|
地名・水名
台南佳里漳洲里
彰化鹿港漳洲街 台北林口漳州寮 ㊟
相關个詞
Chiuⁿ-phó͘
Chiang-hô |
|
GÍ-SÛ
Ûn-sio
Ûn-sio- Un-sio- *Ûn-chhio |
語詞
雲霄
親成漢字
㊟ |
|
唐山福建地名。《台日》有收。治《雅俗通》《麥》（113）彼个時代、漳浦人講「*Ûn-chhio」。
台灣地名。台南市內「雲霄」街。嘉義市內「雲霄」厝。只二个地名《台地典》記「Un-sio-」做主音、記「Ûn-」做別音。鹿港「溫燒」厝、在地号做「Un-sio-chhù」。彼搭上早照講是雲霄人塊帶。減彩漳泉拼彼拵刣輸・走路。不那溫燒厝、鹿港閣有「詔安厝」「漳州埔」（漳州塚）「南靖宮」。市內潮州街有一間「三國王」廟。以上、私底下請教許嘉勇先生。通知永過鹿港有漳孫、因有塊講「Ûn-sio」、恰無塊寫「雲霄」、泉孫自按呢共漳語「Ûn-sio」听做「Un-sio」、鹿港人到今按呢講。
照《中國古今地名大辭典》、雲霄『舊爲漳浦縣地。元置雲霄驛。明設海防館於城内。以督捕通判駐此。清設糧捕通判。爲戍守要地。民國改縣』。按呢「雲霄」只个名凡世自近古漢文即起步。詞源即閣探討。
|
|
GÍ-SÛ
Chiuⁿ-phó͘
|
語詞
漳浦
ⒸⒸ
樟普
ⓀⓀ
親成漢字
漳浦 |
|
唐山漳州地名。中古漢文彼坎鏨着有「漳浦」只个地名。
|
地名・水名
嘉義梅山樟普寮
南投市內樟普寮 台北鶯歌樟普坑 |
|
GÍ-SÛ
Hái-têng
|
語詞
海澄
ⒸⒸ
親成漢字
海澄 |
|
唐山漳州地名。全羅《教會報》有 1 篇寫着「Hái-têng」。
只个地名是官方号个、有漢文底。江式鴻〈近代臺灣剳紀〉（archive.ph/jLVLT）寫講『海澄縣⋯⋯大約 CE 1566 年設縣，縣名寓「海疆澄靜」之意。CE 1563 年，廣東潮州府新設一縣，名曰「澄海縣」，縣名取「澄靖海氛」之意。此 2 新縣分別位於韓江與漳州江之河口，外有南澳、廈門與金門等島，是海陸交通要地。從海澄到澄海一帶海岸，古來是洋船出入和停泊場所，志書云：「海中扼要，南澳、中左、金門、銅山同一體」，正標示了閩粵漳潮在歷史一段長時間中的一體性』。
|
相關个詞
*Thêng-hái-chhù
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！