台字田

GÍ-SÛ bûn-pêng ＃戱藝	語詞文平 ⭕ ⒸⓀ　親成漢字文Ｘ
歌仔戱界个用詞、中國語「文邊」。潮州語講「BÛNG-PÔIᴺ、BÛNG-PÂIᴺ」、仝源、一般寫做「文畔」。	相關个詞 pêng ("chi̍t ~ chi̍t kok")

GÍ-SÛ bú-pêng ＃戱藝	語詞武平 ⭕ ⒸⓀ　親成漢字武Ｘ
歌仔戱界个用詞、約束字『武平』。拱樂社个戱文專寫『武平』。潮州語講『BÚ-PÔIᴺ、BÚ-PÂIᴺ』、仝原、一般寫做『武畔』。中國語講『武邊』（WǓBIĀN）。	相關个詞 pêng ("chi̍t ~ chi̍t kok")

GÍ-SÛ Lâm-koán ＃戱藝＃音樂＃事物名	語詞南管 ⒸⒸ　南舘　親成漢字南管
約束字『南管』、對應『北管』。在來夭有人寫『南舘』。一九三七年（"昭和拾弐年丁丑"）有一位「榮陽氏」編一本《南舘曲總抄簿》。

GÍ-SÛ kio̍k-pún ke̍k-pún ＃戱藝＃中語借詞	語詞劇本 ⭕ ⒸⒸ　親成漢字劇本
《教會報》一九五二年頭擺寫。全羅《教會報》專寫「ke̍k-pún」、不八寫「kio̍k-pún」。EMBREE 收「ke̍k-pún」無收「kio̍k-」。	相關个詞 hì-kio̍k, hì-ke̍k

GÍ-SÛ Hoân Lê-hoa Hân Lê-hoa Hān Lê-hoa ＃戱藝＃人名＃官話借詞﹖	語詞樊梨花　樊犁花㊟　親成漢字㊟
《甘》有寫「Hoân Lê-hoa」。《嘉方志》（下 153）記「Hān Lê-hoa」（嘉義市內）。歌仔册有寫『樊犁花』『犁花』、夭中文嗎有寫按呢。	相關个字樊

GÍ-SÛ kak-sek ＃戱藝＃中語借詞	語詞角色 ⭕ ⓒⒸ　親成漢字脚色腳～
黨國時代个書面中語借詞、詞原『角色』（JÚESÈ、JIǍOSÈ）。《教會報》一九六五年頭擺用着。中語・官話『角色』前節親成漢字「脚、腳」字。『角』是借音字。請看劉建仁〈脚數──角色〉。《白話典》嗎是按呢整理。	相關个詞 kioh-sek

GÍ-SÛ Bé Chùn ＃戱藝＃人名	語詞馬俊 ⒸⒸ　馬圳 ⒸⓀ　馬駿　親成漢字馬俊
《陳三五娘》內底个人物、潮州人。字姓馬、潮州語讀『BÉ』。現代台語專讀「Má」、不閣『馬俊』台語由原講「Bé Chùn」（台灣文學舘歌仔册資料庫）。唐山歌仔册寫『馬俊』。台灣歌仔册寫『馬俊』『馬圳』。	相關个詞 Má (字姓) chùn (動詞) 相關个字圳

GÍ-SÛ pêⁿ ＃戱藝	語詞棚 ⭕ Ⓒ　枰 ⭕ Ⓣ　坪 Ⓚ　親成漢字棚
「Chi̍t pêⁿ hì」「àu hì thoa pêⁿ」云云。《雲林雜念簿》寫『棚』。歌仔册寫『棚』『枰』『坪』。唐山歌仔册寫『棚』恰多个欵。《英厦》（500）漢字寫『平』Ⓚ。《妙悟》寫『枰』。《千金譜》有寫『搭棚』。	相關个字枰 [pêⁿ] 平、坪朋

GÍ-SÛ hì-kio̍k hì-ke̍k ＃戱藝＃中語借詞	語詞戱劇 ⭕ 　戲劇 ⭕ ⒸⒸ　親成漢字戲劇戯～
全羅《教會報》有 8 篇寫「hì-ke̍k」、自一九五三年。有 1 篇寫「hì-kio̍k」、一九四八年。《白話典》有收「hì-kio̍k」「hì-ke̍k」、無「-*kia̍k」。	相關个詞 kio̍k-pún, ke̍k-pún pi-kio̍k, pi-ke̍k 相關个字戲、戱 (hì) 劇

GÍ-SÛ

*Sam-phek
*San-pek

＃戱藝

語詞

三伯 ⓀⒸ　

山伯 ⒸⒸ　

三碧 ⓀⓀ　

親成漢字

山伯

實音「Sam-phek」（～San-phek）。《十項管見》（72）有寫『Niû San-pek』。《教會報》八有人寫『Sam-phek』（bit.ly/3nSPgVG）。台灣歌仔册寫『三伯』。本地歌仔有寫『三碧』（山伯英台・陳羿錫藏本）。唐山歌仔册有寫『山伯』。

那戱名《*Sam-phek Eng-tâi》、「-phek」讀橫調（～變調）。

印尼語有寫『SAMPEK ENGTAY』『SAM PEK ENG TAY』『SAN PEK ENG TAY』『SAM PHEK INGTAY』云云。印尼語無對立个 /p/（無氣）甲 /pʰ/（有氣）。

GÍ-SÛ

chiāⁿ

＃戱藝

語詞

淨 ⭕ Ⓒ　

親成漢字

淨
靖

南管戱角色名。黃健銘〈宋代南戲的角色職能〉（bit.ly/3mSUIGR）寫講『「淨」的稱呼是由唐代的「參軍戲」而來，「淨」是「參軍」兩字的促音，起先寫作「靚」，意思是表演時有「粉白黛面」的妝扮，但一般人不認識「靚」字，在宋代已有人寫作「靖」字或「淨」字，因為「淨」字最通俗易懂，所以成為普遍流行的稱呼』『「淨」在南戲中負責扮演閒雜人物，它畫花面，與「末」一起構成一對插科打諢的喜劇角色。「淨」聲音的演出方面，在南戲時開始以嗓子大為特色，日後「淨」逐漸朝向大嗓發展，大概就是從這裡發源』。

高雄市皮影戱舘〈生旦淨末丑〉（bit.ly/3a6Sy0X）有補充講『福德皮影戲團文戲劇本《割股》中僅有「爭」，即「淨」的省文；武戲《誅仙陣》則直接以腳色名稱稱之，如孫臏即稱孫臏，金子陵亦直稱金子陵，不稱淨或副淨或武淨』。按呢《台十五》「chiāⁿ」寫做『爭』應該不是寫不着字。

相關个字

淨

GÍ-SÛ

kháu-pe̍h

＃戱藝＃官話借詞﹖ ＃中語借詞﹖

語詞

口白 ⭕ ⒸⒸ　

親成漢字

口白

歌仔册有寫『口白』。《台日》有收「口白」（kháu-pe̍h）『臺詞』、無注「新」。《厦英》《增補厦英》無收个欵。《教會報》一九六三年頭擺寫。只个語詞減彩按中國語亞是前近代个官話文來。

中國語有講『口白』（KǑUBÁI）、《中教部國語典》注解『口頭告訴』『戲曲中人物的內心獨白和對話，較接近各地方日常語言，但又比口語誇張者，稱為「口白」』。

GÍ-SÛ Lē-kèng-kì ＃戱藝＃事物名	語詞荔鏡記 ⭕ ⒸⒸⒸ　親成漢字荔鏡記茘～～～～紀
通俗名《陳三五娘》。	相關个字荔、茘

GÍ-SÛ

chú-kak

＃戱藝＃中語借詞

語詞

主角 ⭕ Ⓒⓒ　

親成漢字

主脚
～腳

《白話典》注講是中治時代个中語借詞。一九三三年林茂生（Lîm Bō͘-seng）先生〈Ki-tok-kàu Bûn-bêng Sú-koan〉寫講『Chū-lâi teh chi-phoè it-poaⁿ ê jîn-seng hit ê tiōng "lêng", kìm-io̍k ê Ki-tok-kàu bûn-bêng, chiū bē bián-tit oāⁿ hiān-sè chú-gī ê Hi-lī-nî bûn-bêng ê jîn-seng-koan, lâi chò tong-sî su-siúⁿ-chiūⁿ ê chú-kak (主角)』、是《教會報》（577 号）頭擺用着「chú-kak」。一九六一年即第二擺。

中語『主角』後字是借音字。請看「kak-sek」。

相關个詞

kak-sek

GÍ-SÛ tâi-sû ＃戱藝＃日語借詞﹖ ＃中語借詞﹖	語詞台詞 ⭕ ⓒⒸ　親成漢字臺詞
詞原介成是中語『台词』（臺詞、TÁICÍ）。中語『台词』應該是日語借詞。韓語有講『대사』（臺詞、NAVER）。「*Tâi-sû」全羅《教會報》不八寫。EMBREE 無收。	相關个詞 phàu-tâi giân-sû koa-sû 相關个字臺、台 (tâi) 詞

GÍ-SÛ Eng-tâi ＃戱藝	語詞英臺 ⒸⒸ　英台 Ⓒⓒ　親成漢字英臺

GÍ-SÛ

ka-lé

＃戱藝

語詞

傀儡 ⭕ Ⓗ　

加禮 ⭕ ⓀⓀ　
～礼 ⭕ 　

親成漢字

Ｘ儡

約束字『傀儡』。《千金譜》寫『傀儡』、是塊講傀儡戱。竹林《萬項事業新歌》有寫『加禮』ⓀⓀ。開文《最新相箭歌》有寫『家儡』ⓀⒸ。現代有人寫『加禮』（～戲）『嘉～』Ⓚ、不閣『傀儡』恰主流。漢文上慢自大宋時代着有塊寫「傀儡」（kúi-lúi、khúi-lúi）。「儡」字是「-lé」个親漢字、不閣「ka-」含「傀」字無血緣、照咱所知。『傀儡』是特別訓用、借二字・寫二節。換話講、台文是借『傀儡』二字來塊寫「ka-lé」、不是借「傀」字來塊寫「ka-」。請看族名「Ka-lé」。

《廣韻》「儡」（落猥切）『傀儡戲』屬灰韻、含「妹」字「配」字仝韻、有對應早音 *lé（主流）ló̤（海口）。

葉石濤（Ia̍p Chio̍h-tô）先生个小說內底有一條「傀儡巷」、听講是只馬台南市忠義路二段 147 巷。地名服務網注講『據說在機場西側，但目前尚無進一步資料』。

地名・水名

台南市內傀儡巷㊟

相關个詞

Ka-lé (族名)

GÍ-SÛ tòaⁿ ＃戱藝	語詞旦 ⭕ Ⓒ　親成漢字旦
約束字兼親成漢字「旦」字。請參考黃健銘〈宋代南戲的角色職能〉（bit.ly/3mSUIGR）。歌仔册有一半本仔寫『妲』Ⓣ。《雲林雜念簿》有寫『苦旦』。鹿港地名「查某旦」打算甲只个「tòaⁿ」相關。	相關个詞 gē-tòaⁿ

GÍ-SÛ Iah-chhun ＃戱藝＃人名	語詞益春 ⒸⒸ　親成漢字益春
《陳三五娘》人名。請看《當代泉彚》（124）甲潘科元〈蔡培火十項管見 ê 語詞運用對現時台語文 ê 啓示〉云云。

GÍ-SÛ bō͘ *bo̍k ＃戱藝＃日語借詞﹖ ＃中語借詞﹖	語詞幕 ⭕ Ⓒ　親成漢字幕莫
《白話典》注講「bō͘、bo̍k」是共日語借个。照文字記錄來看、「bō͘」眞有可能是戰後共中國語借个。竹林《二林大奇案歌》有寫『兇案始終到只幕』、押 -o͘ 韻。

GÍ-SÛ

pi-kio̍k
pi-ke̍k

＃戱藝＃日語借詞＃中語借詞﹖

語詞

悲劇 ⭕ ⒸⒸ　

親成漢字

悲劇

《台日》有收「pi-kio̍k」（悲劇）『悲劇』、注「國」（～日語借詞）。《增補厦英》有收「chhám-kio̍k」『UNHAPPY CONDITIONS』甲「pi-kio̍k」（仝）。EMBREE 收「pi-ke̍k」無收「-*kio̍k」。全羅《教會報》有 1 篇寫「pi-kio̍k」、一九四七年。有 15 篇寫「pi-ke̍k」、自一九二五年、上早朗是塊講人生、不是塊講戱劇。用塊講戱劇个「pi-ke̍k、pi-kio̍k」眞有可能是中語借詞。

相關个詞

hì-kio̍k, hì-ke̍k

GÍ-SÛ kioh-siàu ＃戱藝	語詞脚賬 ⭕ Ⓒⓗ　脚數 ⭕ ⒸⒸ　親成漢字脚數腳～
《台日》寫『脚賬』。請看「kha-siàu」。	相關个詞 kha-siàu kioh-sek

Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！

GÍ-SÛ Hoân Lê-hoa Hân Lê-hoa Hān Lê-hoa ＃戱藝＃人名＃官話借詞﹖	語詞樊梨花　樊犁花㊟　親成漢字㊟
《甘》有寫「Hoân Lê-hoa」。《嘉方志》（下 153）記「Hān Lê-hoa」（嘉義市內）。歌仔册有寫『樊犁花』『犁花』、夭中文嗎有寫按呢。	相關个字樊