|
GÍ-SÛ
hăⁿ
hâⁿ **hahⁿ ·*hahⁿ ·*haⁿ hàⁿ *háⁿ *hāⁿ **hah ·hah hà há |
語詞
哈
⭕
Ⓚ
親成漢字
Ｘ |
|
《白話典》（151、152、153）有收嘆詞
「ha」『表示嘲笑』甲嘆詞
「ha」『表示高興』甲嘆詞
「há」『趕牛前進用語』、閣有嘆詞『há-·à』（×2）。閣有嘆詞
『háh』『hăh』、注解『解決了問題或自認為猜中答案或抓到毛病時表示高興的語詞』。閣有語氣詞
「·haⁿ、hàⁿ、hahⁿ」『表示告知、叮嚀或警告，輕聲中調或低調』甲
「hàⁿ」『表示鄭重告知、叮嚀或警告』甲
「hăⁿ」『表示加重叮嚀或警告』甲
「hăⁿ」『表示要求認同前述評語，常帶諷刺意味或常為自我解嘲』甲
「hahⁿ」『表示叮嚀或警告』。閣有嘆詞
「háⁿ」『表示想不到居然有這樣的事』甲
「hahⁿ」『回答表示同意』甲
「hāⁿ」『回答表示同意』甲
「hăⁿ」『表示要求對話人重述』甲
「hăⁿ」『表示料想不到或驚駭』甲
「hăhⁿ」『表示突然的驚異』。閣有嘆詞『háⁿ-·àⁿ』『hăⁿ-·àⁿ』（×2）『háhⁿ』。咱求利便、治者者个嘆詞・語氣詞朗總拾做伙。
《台日》嘆詞「hà」「hā」「hahⁿ」「hâⁿ」「hāⁿ」寫做『唯』亞是『嗄』。《渡江》有收「𠻻」（*hàⁿ）『声也』。《八音》無收相關字詞、照咱所知。《分類典》（771）有收「hâⁿ」、甲漢字『唅』。王育德《常彚》有收「hà」『はあ, なるほど』、四角字寫做『哈﹖』。閣有「hâⁿ」『はあ, 何. 呼ばれて何亊かといぶかるとき』、甲四角字『哈﹖』。那塊寫漢羅、者个詞自然着寫做羅字。台文在來借『哈』代表笑聲兼做 h + a 个音節（先無論調）个現代指定卡那。那卜借四角字、台文在來借『哈』代表笑聲兼做 h + a 个音節（先無論調）个現代約束卡那、夭鼻化韻母定定綴對應个非鼻化韻母借字。請看「hiⁿ-haⁿ háu」。
論羅字、傳統羅字台文八寫嘆詞『há』『hà』『hah』『hâⁿ』、閣有語氣詞『hàⁿ』（教會報）。EMBREE 有收嘆詞『hàⁿ』『hâⁿ』。《甘》有收「hâⁿ」『hâⁿ-ah, hâⁿ, sím-mi̍h; chiū-sī mn̄g lí kóng sím-mi̍h ê ì-sù』。
|
相關个詞
hah-hah-, ha-ha chhiò
Há-má-seng Hā-lā-piat hiⁿ-haⁿ háu hah-hì háⁿ... (哄) **ho͘hⁿ, hō͘ⁿ (𠳝)
相關个字
合 (ha̍p)
夏 含 哄 |
|
GÍ-SÛ
m̄
|
語詞
不
⭕
Ⓗ
親成漢字
Ｘ |
|
約束字『不』。減彩有血緣漢字『無』（毋）。今親漢字一定是血緣字、血緣字無一定是親漢字。客語講第五調『M̀』、廣東語講『唔』（M⁴）、朗對應漳泉語「*m̂」。照 BAXTER 甲 SAGART 所推構个頂古支那語音、『母』頂古支那音 *məʔ 亞是 *mˤoʔ、『梅』『媒』頂古支那音 *C.mˤə、『茅』頂古支那音 *C.mˤru、『無』（毋）頂古支那音 *mo。「Bô」含「無」字無血緣、是訓用關係。『無』『毋』眞有可能是「m̄」个血緣字。𫔘好中華時代流行歌詞眞多寫『嘸』。王育德《常彚》綴廣東語寫『唔』、不閣無記述性。
「M̄」寫做『無』『毋』朗無妥當。「無」字在來借去寫「bô」、啞台灣海峽語『毋』在來是「母」字个別形。台語「m̄」介什講、在來寫做『不』、約束了好世好世、使用基礎厚厚厚、今「毋」字多劃閣成『母』、共伊拾來代替『不』、加夯枷。「不」字漢文音 put、不閣台語「put-」不是單詞、袂凍單獨使用、嗎罕得生産新詞、自然袂甲「m̄」相搶字。台灣海峽語以經試驗五百冬有。請看「m̄ koán」。
語氣詞「m̄」「·m̄」自然着寫做『不』。拱樂社《江山美人》（戱文）有寫『野都有影不』（"Iá to ū iáⁿ m̄"）。
一九七三年高雄中洲船難有一个受難者号做『郭不』、應該是「*Koeh M̄」。日本總督府个職員錄丸那有記錄着『李氏不』『柯氏不』『鄭氏不』『呂氏不』。二二八受害者名單（紀念基金會）內底有高雄『陳不』甲台南『梁張不』。
|
相關个詞
m̄ koán
-ḿ (姆)
相關个字
母
|
|
GÍ-SÛ
**mah
·mah |
語詞
嗎
⭕
親成漢字
Ｘ |
|
「Kám m̄ sī án-ne ·mah」云云。應該是借詞、共前近代个官話（MANDARIN）借个。《白話典》收「·ma、·mah、mah」『表示疑問，無固定聲調』。潘科元〈台語有講嗎嗎〉寫講『往過⋯⋯个文獻大常攏寫做 --mah，咱掠卡無伊个實調。但是《台語大成》有記實調，是唸做佮第三聲共款个低調』。《台日》寫『麽』、無記述性个欵。王育德《常彚》寫『麽﹖』。歌仔册不八塊寫只个語詞、總是 b + aⁿ（m + aⁿ）个音節（無論聲調）有約束卡那「馬」（嗎）字。
《八音》文三切・《渡江》門他切（b + aⁿ）無收相關字詞。
只个疑問詞「·mah」甲現代中國語『吗』（嗎）無對同。功能恰幼。『台語疑問詞 "--mah" 是講話者卜表達「反問⋯⋯」抑是「推測⋯⋯」个態度佮口氣个時，才罕罕--仔講一下。單純个疑問，著無塊講 "--mah"』『抑若現代台灣囡仔塊講个「嗎」，實際个呼音，差不多是台語第七聲中平調，檢采有略仔卡輕一 sut 仔。彼著是對台灣北仔話个「嗎」學--來个』（潘科元・台語有講嗎嗎、北仔話～MANDARIN～中國語）。總是台語「·mah」（**mah）大概丸那是百外冬前共官話（MANDARIN）借个。
|
相關个詞
mà ("ta̍k-ke hō͘-siong ~")
mā ("Kheh-gí ~ ē thong") -mà-mà
相關个字
馬
|
|
GÍ-SÛ
mà
**mah |
語詞
嗎
⭕
Ⓚ
親成漢字
Ｘ |
|
「Ta̍k-ke hō͘-siong mà」云云。《白話典》收「mà、mah」『表示肯定、催促』、注講是中語借詞。拱樂社个戱文有寫『嗎』（花鼓情仇）『罵』（節烈夫人）。
|
相關个詞
**mah (疑問詞)
相關个字
馬
|
|
GÍ-SÛ
**ah
à ·ah ·a *ă |
語詞
啞
⭕
Ⓚ
唖 ⭕
呵
⭕
Ⓚ
啊
⭕
Ⓚ
呀
Ⓖ
親成漢字
Ｘ |
|
語氣詞。『Chhiong à!』（沖啞）云云。『Goe̍h-niû à!』（月娘啞）云云。《白話典》有收語氣詞「·a、ah」『表示肯定、辯解、催趕、囑咐、追問等，輕聲隨前變調或固定低調』。閣有語氣詞「ă」『強力表示肯定、辯解、催趕、囑咐、追問等』。閣有語氣詞「à」『用於稱謂後以引起其注意的語詞』。閣有語氣詞「à」『表示懷疑，要求肯定，常有覺得意外的意思』。咱求利便、只幾項拾做伙。
《英厦》（212）有寫『天呵』（thiⁿ ·ah）。嘉靖《荔鏡記》寫『來啞益春』。唐山歌仔册有寫『呵』（"小妹呵"）『呀』。明文堂个歌謡丸那有寫『我哥呵』云云。王育德《常彚》寫『啊』。拱樂社个戱文定定寫按呢、嗎有寫『阿』（空愛情）。張聰敏先生个大作（小說）号做《阿瑛！啊》。玄法山人《道壇符咒應用秘鑑》有寫『代代子孫大興旺！進呵！發呵！』。建議寫羅字亞是『啞』（唖）。有關『啞』（唖）甲『啊』、請看下脚。
『啞』（唖）並『啊』恰束結。在台文、「亞、亜」字甲「阿、呵」字朗主要讀 a、白音。不閣「亞、亜」字中華音 YǍ、夭「阿、呵」字中華音 Ā、不即中治時代个台灣社會恰慣勢寫『啊』、罕得寫『啞』『呵』。那無、日本時代連橫《臺灣語典》「仔」（á）由原注『呼亞』、用「亞」字共『仔』注音。
羅字台文在來慣勢寫『Iâ-so͘ à!』『Lāu-bú à!』『Lia̍t-ūi, lín pêⁿ-pêⁿ kap góa pōe siāng khoán si̍p-jī-kè ê à!』（教會報 645 号）云云、注第三調。亞是『Chhiong ah!』『Goe̍h-niû ah!』云云、無注調、干礁甲『-h』（起毛志体）。
|
相關个詞
·ah ("chhoân hó-sè ~")
相關个字
亞、亜
阿、呵 ア (阿) 牙 |
|
GÍ-SÛ
*koh
ko̍h |
語詞
閣
⭕
Ⓚ
親成漢字
Ｘ |
|
「Kā lí kóng koh...」（白話典）云云、語氣詞、《白話典》記做『kóh』。《台日》寫『咯』。王育德《常彚》寫『𡁤』。拱樂社个戱文有寫『閣』（空愛情）。
傳統羅字台文專寫『ko̍h』个欵（DADWT）。EMBREE 收『ko̍h』。按呢寫有合部份个腔口。
|
相關个詞
kàn (諫)
相關个字
閣
|
|
GÍ-SÛ
·ah
·a **ah *a *ā *à |
語詞
啊
⭕
Ⓚ
啞
⭕
Ⓚ
唖 ⭕
呵
⭕
Ⓚ
親成漢字
㊟ |
|
助詞、「chhoân hó-sè ·ah」云云、《白話典》注解做『表示完成或新事實發生，輕聲隨前變調』甲『表示認為即將完成，輕聲隨前變調』。《台日》無收。除起戱文、傳統漢字台文一般無塊書寫只欵助詞・語氣詞。夭只个「·ah」相對恰新。那無、南管戱文照講會寫『啞』『唖』。杜建坊先生寫『啞』。拱樂社个戱文有寫『啊』（節烈、空愛情）『阿』（空愛情）『仔』Ⓚ（杜諒梅）。中治時代流行歌詞寫『啊』恰多、打算是因爲「阿」字中華（北京）音 Ā、夭「亞」字中華音 YǍ。『啞』『唖』恰省劃・恰挑弄、「亞」字也無影有 *iá 彼号音、顛倒「阿」字有讀 o・o͘。輕調「·ah」建議寫做『啞』『唖』亞是羅字、無論詞。
二十世紀个文献定定無寫「·ah」、寫「·lah」（**lah）。鄭溪泮《出死線》11 葉有寫『Góa kā ín lah neh』（ín ⇄ 允）。岩崎敬太郎《臺灣語典》（1922）79 葉、有人問講『Phài-chhut-só͘ í-keng khí hó bē?』、對方應講『Khí teh beh hó lah』。《教會報》561 号（1931）有刊一篇〈Chiam Tek-kiàn kun Sí-lah !〉（Tiuⁿ Khun-oán）。連橫《台灣語典》（台省文委會版）有收「拉」『爲已定辭』、例詞『食拉』『困拉』。王育德《常彚》簡那歸本無寫着「·ah」、朗用「·lah」（"啦"）「·loh」（"嘍"）云云。王育德《台語入門》（原版 1972 年）寫「hong-thai teh beh lâi ·lah」云云。中華民國國防部《實用閩南語會話》（1966）有紹介「Ū gōa kú lah?」『有好久了？』（68 葉）甲「Ū nn̄g saⁿ kang lah」『有兩三天了』（仝）者个話句。鄭良偉等《親子台語》（1990）由原教一句『Góa lóng chia̍h liáu-liáu ·lah』。《白話典》丸那有收助詞「·la、·lah」『表示完成，隨前輕聲變調或固定低調』。夭陳輝龍《臺灣語法》（1934、121 葉）有用着一句「**Siá hó ah lah」『書き終つたよ』。一九四一年李献璋《福建語讀本》有教一句『暫々燒暖耒啦』、尾節記音「**la」（無注調个欵）、嗎有教一句『你的錶仔今幾奌鐘呀』、尾節記音「**a」。
銅山（東山）漳州語上少治一九七〇年代由原有講「·lah」（中嶋幹起 1979、10 葉、"Hoan-á-hoe kiat tēng ·lah"）。
「·Ah」照講是彼个「·lah」个變体。彼个「·lah」應該是「liáu」个變体。新馬福建語「liáu」、台語「·liauh」（請看）、鹿港・中部海線「·liah」、潮州潮陽語『·AU』、意思朗甲「·ah」相仝亞是相倚。演化个過程打算是 liáu → *lá → ·lah → ·ah 甲 *liáu → ·liauh → ·liah。「·Ah」甲漢文「矣」（í）字自然無血緣、台文在來嗎無按呢寫。
呂宋《漳語 ARTE》寫講『EL PRETERITO PERFECTO SE FORMA CON ESTAS PARTICULAS』、續落來記『𦛨』（*lá）『了𦛨』（*liáu lá）『了』（*liáu）。《西支》有收『息𦛨』（*soah lá、AC 部）、嗎有收「SECO YA」『𭶗了』（*ta liáu）云云。
論羅字、主流傳統字無注輕調。請看「**lah」。
|
相關个詞
**ah (à, "chhiong ~")
**lah (啦、拉) ·liauh (了)
相關个字
亞、亜
阿、呵 ア (阿) |
|
GÍ-SÛ
**hio͘h
·hio͘h **sio͘h ·sio͘h |
語詞
㊟
親成漢字
是Ｘ |
|
語氣詞。「·Sio͘h」是「sī ·bô」个合（kap-）音体、夭「·hio͘h」照講是「·sio͘h」个變体。《白話典》有收「·hio͘」『是嗎，無固定聲調』。「·Sio͘h」照講着寫做『是無』（漢）『sī ·bô』（羅）。那「·hio͘h」、請看嘆詞「hiò͘」。
|
建議
·hio͘h (**hio͘h) ⇄ 𠿚、葉
·sio͘h (**sio͘h) ⇄ 是無
相關个詞
**hio͘h (嘆詞)
bā-hio̍h lāi-hio̍h **lah (啦、拉)
相關个字
葉
|
|
GÍ-SÛ
**no͘h
·no͘h ·no͘ nò͘ |
語詞
呶
⭕
Ⓚ
ノ
⭕
Ⓖ
親成漢字
Ｘ |
|
語氣詞。《台日》（下 509）無收。王育德《常彚》寫『呢﹖』。日本官方《語苑》八寫『呶』。拱樂社个戱文八寫日本假名『ノ』（花鼓情仇）。鄭良偉先生个筆錄（走向標準化的台灣話文・思想起，臺語個中風情）有寫『呶』。羅字台文自一八八〇年代着有寫『no͘h』（教會報）。上慢自一九二〇年代着有寫『nò͘』。「**No͘h」那卜寫做四角字、借日本字『ノ』是有合近代台字个理路、不閣『ノ』本成是「乃」字个變体。日本字『ヌ』𫔘好是「奴」字个變体、夭台語無 l + *uⁿ（n + *uⁿ）个音節、也着是講、台語無須要照日本音借『ヌ』。『ヌ』那看做「奴」字个別形、𫔘好通借來寫 l + o͘ⁿ（n + o͘ⁿ）个音節。
只个詞《厦英》《漳腔典》無收。呂宋《漳語 ARTE》有寫『莫去郎』（*bo̍h khù ·no）『莫詚郎』（*bo̍h tàⁿ ·no）。《西支》有收
「BAJATE ABAJO」『落去呶』（*lo̍h khù [·no]）、尾節注省乜調、咱無把握。閣有「VETE DEAY」（DEAY～DE ALLÍ？）『去郎』（*khù nō）、「郎」字用『卩』。
|
相關个字
奴
ヌ (奴) ノ (乃) 丿、撆、撇 |
|
GÍ-SÛ
**ho͘hⁿ
·ho͘hⁿ ·ho͘ⁿ hò͘ⁿ hō͘ⁿ *hŏ͘ⁿ hô͘ⁿ |
語詞
𠳝
⭕
Ⓚ
親成漢字
Ｘ |
|
《白話典》（179 葉、請看）有收嘆詞「hò͘ⁿ、ho͘hⁿ」（有二條即着）「hò͘ⁿ、ho͘hⁿ、hò͘、ho͘h」「hŏ͘、ŏ͘、hŏ͘ⁿ」、閣有一條語氣詞「hŏ͘ⁿ」。閣有二條語氣詞「·ho͘ⁿ、·ho͘hⁿ」、朗總三項注解、注明『輕聲中調或低調』甲『輕聲中調或低調』甲『輕聲低調』。咱求利便、者个嘆詞甲語氣詞朗拾做伙。
王育德《常彚》（310 葉、請看）「hō͘ⁿ」甲「·ho͘ⁿ」、四角字注『𠳝﹖』。閣有一條「hôⁿ」、四角字注『嚄﹖』。《寶鑑》有收白字「𠲡」（ho͘hⁿ）『應聲也』。《台日》有寫『歟』（hò͘ⁿ）甲『歟』（ho͘hⁿ）甲『呼』（ho͘hⁿ）甲『呼』（hô͘ⁿ）甲『呼』（hō͘ⁿ）。拱樂社个戱文有寫『否』Ⓚ（花鼓情仇、合寶金錢會）『𠳝』（江山美人）。鄭良偉个筆錄（走向標準化的台灣話文・思想起，臺語個中風情）有寫『𠳝』。
論羅字、全羅《教會報》上少八寫「hò͘ⁿ」「hō͘ⁿ」甲起毛志体「ho͘hⁿ」。EMBREE 有收「hò͘ⁿ」甲「hô͘ⁿ」（～hŏ͘ⁿ）。那下調个「**ho͘hⁿ」、羅字建議寫做『hò͘ⁿ』。請看「**lah」。那「hŏ͘ⁿ」甲中調「hō͘ⁿ」、建議直接注調。
|
相關个詞
**lah (啦、拉)
相關个字
否
乎 |
|
GÍ-SÛ
**lo͘h
·lo͘h ·lo͘ lò͘ **loh ·*loh |
語詞
囉
⭕
Ⓚ
親成漢字
Ｘ |
|
句尾助詞・語氣詞。《台日》記「loh」」「lo͘h」「lò͘」、寫『嘮』。王育德《常彚》寫『嘍﹖』。日治時代《新刊神姐歌》寫『了』。《新選笑談俗語歌》寫『勞』。周協隆《特編閙洞房》有寫『今好嘮今好嘮』。中治時代个流行歌詞寫『囉』、凡世有中華因素、不閣請看「lô」（濁、羅）「lo-so」「se-bí-lo͘h」。拱樂社个戱文有寫『ロ』（愛怨情天）。
|
相關个詞
lô (濁、羅)
se-bí-lo͘h sio-lō lo-so *Lô-bē Lô-tong Bî-lô-káng Chu-lô-san
相關个字
ロ (呂)
羅、罗 魯 |
|
GÍ-SÛ
**o͘h
·o͘h ·o͘ ò͘ ó͘ o̍͘h *ŏ͘ *o͘-o͘ ô͘ ō͘ *o͘ |
語詞
噢
⭕
㊟
嗚
⭕
Ⓚ
オ
⭕
Ⓖ
親成漢字
Ｘ |
|
《白話典》（383・384・385・386、請看）有收嘆詞「ó͘」甲「ò͘、o͘h」甲「ŏ͘」、閣有語氣詞「·o͘」。「·O͘」甲五項注解、一項注明『無固定聲調』・一項注明『輕聲低調』・三項注明『輕聲中調或高升調』。閣有語氣詞「o͘」「ō͘」「ŏ͘」「ò͘、o͘h」甲三條「ò͘」。咱求利便、者个嘆詞甲語氣詞樵拾做伙。
王育德《常彚》（233・234 葉、請看）有收「ô͘」（～ŏ͘）、甲漢字『哦﹖』、例句『Tio̍h kàu góa ô͘!』『Āu-páiⁿ m̄ liōng-chêng lí ô͘!』。閣有「·o͘」、甲漢字『噢﹖』、例句『Tio̍h sī lí ·o͘!』『Hit ê cha-bó͘ sī chin lī-hāi ·o͘!』『Kín khì ·o͘!』『Khui mn̂g ·o͘!』『·O͘, goân-lâi sī án-ne!』。
拱樂社个戱文有寫『鳴』（～嗚、可愛離婚妻）『噢』（神秘殺人針、杜諒梅、包公傳）『正實亇噢』（孝子殺親父）『阿也鬼噢』（孝子殺親父）。以上、詳細用字無確定。者个恰多是電視劇本。拱樂社个歌仔戱劇本大多數無寫『噢』。總是張深切《落陰》（中文濫台文）有寫『噢』（⿰口奥）。杜建坊〈食甲 hû--出來〉（公開面册）有寫『嗚～ 鹹梨仔我知。那清噯仔，着是無掛鑼鼓』。方言中文自日本時代着有寫『喔』（火禾生・Ｘ光線室・歸自上海）。現代流行歌詞甲一卦昭和時代・冷戰時代个文献所寫个『噢』、咱共伊看做台字、無論『噢』咁是日本時代共中文借个。「奥」字主流台灣音 ò（泉州漢音 ò͘）、不閣請看「·lo͘、-lo」（囉）。漢文「嗚」（o͘）字丸那有寫做『於』（寶鑑、甘）、夭日字『オ』正是「於」字个變体。那塊寫漢羅、只組嘆詞甲語氣詞自然着愛寫做羅字。
論羅字、傳統台羅字上少有寫「o͘h」甲「ò͘」。全羅《教會報》有一半擺仔寫『o̍͘h』。EMBREE 有收嘆詞「ó͘」。無注輕調个『o͘h』、咱共伊看做起毛志体、代表輕調「·o」亞是下調「ò͘」。下調「**o͘h」咱建議寫做『ò͘』。請看「**lah」。「Ō͘」「ŏ͘」「*o͘」「ó͘」建議直接注調。
Tīⁿ（Tēⁿ）Choân-sang〈La̍k-pah-jī-phian kap Lô-má-jī〉（1964、教會報 941 号）塊論白話字个利益个時寫講『Kan-ta kóng, "o͘," "o͘-o͘," í-ki̍p "o͘--o͘-o͘!" to chha-tit chin-chōe』。『O͘-o͘』照講是塊表示「ŏ͘」。
|
相關个詞
**lo͘h, **loh (囉)
**lah (啦、拉) oh (惡、悪) tang-o... o͘-lián
相關个字
奥、奧 (ò, ò͘)
烏 嗚 オ (於～嗚) 才、材、財 |
|
GÍ-SÛ
**oeh
·oeh *òe *ôe ŏe óe |
語詞
喂
⭕
Ⓣ
親成漢字
Ｘ |
|
嘆詞甲語氣詞幾那條。《白話典》有收嘆詞「ŏe」『應聲』、接電話个時所講。閣有嘆詞「óe」『喂，即阻止聲，不禮貌』。閣有嘆詞「òe」『引起注意聲，不禮貌』。閣有嘆詞『óe-·è』甲『ŏe-·è』。閣有語氣詞「·oe」『表示要求聽清楚，無固定聲調』『表示催促，無固定聲調』。閣有語氣詞「ŏe」『表示肯定，要听話者听清楚』『表示再次引起注，不禮貌』。咱求利便、者个嘆詞甲語氣詞拾做伙來交帶。
EMBREE 有收「ôe」『YES? WHAT DO YOU WANT? (USED BY OLDER PERSONS IN REPLYING TO YOUNGER』『HELLO? USED IN ANSWERING A TELEPHONE — THE RISING TONE IS HIGHER THAN NORMAL』、後項特別注明講聲調恰高第五調直調。閣有「óe」『HEY!』。《厦英》（350）有收「ôe」『THE ANSWER TO A CALL; YES, SIR!』。《甘》綴塊收「ôe」『ôe, chiū-sī ìn-lâng ê siaⁿ』、四角字寫『唯』、無記述性个欵。《台日》甲王育德《常彚》丸那記『ôe』、四角字寫『唯』。《台日》夭有收「óe」『人を呼ぶ語。おい。おいおい。さあ』、寫做『唉』。只个詞王育德《常彚》有收、四角字寫做『喂』。《台日》夭有收「oeh」『主に目下を呼ぶ語。や。よ』、無牽四角字。
流行歌詞簡那寫『喂』恰多、親像〈青蚵仔嫂〉、亞是一九三〇年許炳煌〈桐花紅〉（新民謠）。請看「**a-niâ oeh」。拱樂社个戱文有寫『ヱ』（劍底）『子話』（空愛請）。
|
相關个詞
**a-niâ oeh, a-niâ ôe
ai-·ioh ·oeh...
相關个字
喂
唯 (î, ûi) 唯 (úi) ヱ (惠) |
|
GÍ-SÛ
**leh
·leh ·le lè *le *lē |
語詞
礼
⭕
Ⓚ
レ
⭕
Ⓖ
親成漢字
㊟ |
|
「Pài-thok ·leh」「khah kín ·leh」彼个 ·leh、省音体「·eh」、同化体「·neh」（"khah kín ·neh"）、接尾詞、應該是「·chi̍t ·ē」个變体。閣有語氣詞幾那條。「Khiā ·teh」彼个 ·teh（·leh、請看）以外、咱求利便、將句尾个「**leh」朗拾鬥陣。
《白話典》（330、331）有收接尾詞「·le、·e、·ne」『表示略為處理，固定輕聲變調』『表示少許，與 khah 連用，固定輕聲變調』。閣有語氣詞「·le」『呢，即問另外一個選擇，輕聲中調或低調』、例句『Góa boăi khì, lí ·le』『Iah án-ne ·le』。閣有語氣詞「·le、·ne」『呢，即表示無論如何是肯定的，無固定聲調』、例句『Bô ·le, bô khòaⁿ-·tio̍h』云云。閣有語氣詞「le」『啊，即表示根據自己知識所及是肯定的』。閣有語氣詞「le」『表示責備對話人說得不對』、例句『Lí to ē-hiáu, lí le!』、是功能詞「teh」个變体。閣有語氣詞「lè」『表示很肯定』。閣有語氣詞「lè」『表示過去所說的是正確的』『表示不屑或反諷表示不置信』。閣有語氣詞「lĕ」『"啊 / 呢"，即委婉表示確定的回答』。閣有語氣詞『lĕ-·è』。
句尾 l + e 个語氣詞甲接尾詞、羅字台文在來有寫做『**leh』（起毛志体、無注調）。下調个嗎有寫做『lè』。《教會報》653 号（1939）有寫『hêng-lí khoán-khoán lè』。606 号（1935）有寫『Kiù-miā lè!』。640 号（1938）有寫『ū lâng hi-bōng tio̍h khah chia̍p khui lè』。
拱樂社个戱文有寫「礼、禮」字、親像『巧差不多礼否』（khah chha-put-to ·leh ·ho͘hⁿ、花鼓）、「礼」字詳細字形咱即閣斟酌。嗎有寫『呢』（碎心、節烈）『隸』（神秘、詳細字形即閣斟酌）。《小女俠紅蝴蝶》有寫『野你走甲者呢凶狂是卜去刀位呢』。一九三二年黃石輝有寫『𪜶娘咧』（南音・新字問題）、算是塊提議。《台日》有收「leh、lè」『[lah] と略同じ』、寫做『咧』。王育德《常彚》有收「·le」『確認するとき。强過ぎると相手をなじる気もちを含むようになる』『疑問文につけて疑問の語気を强める』『静態動詞につけて持続をあらわす。但し語気詞の場合と区别しにくい』、牽四角字『咧﹖』。
今 l + e 个音節那借借音字塊寫、恰多是借「禮、礼」字亞是「麗」字、看聲調。夭『レ』是「礼」字个變体。
|
建議
**leh ⇄ 礼、レ
**neh, nē ⇄ 呢
相關个詞
**neh, nē (語氣詞)
·teh ("khiā ~") kap (甲) chhiū-le le̍h ("~ chi̍t ~")
相關个字
禮、礼
レ (礼) 例 厲、礪 麗、丽 (lē) |
|
GÍ-SÛ
**neh
·neh ·*ne nè nē |
語詞
呢
⭕
ⓗ
親成漢字
Ｘ |
|
語氣詞。『Ū súi ·neh』『Chia bô ·neh』（白話典）云云、『表示感歎，輕聲中調或低調』『表示鄭重告知，輕聲中調或低調』（白話典）。閣有『Bô ·neh, bô khòaⁿ ·tio̍h』（仝）。四角字在來無約束。《台日》無收。王育德《常彚》寫『呢』。流行歌詞有寫『呢』（謝麗燕・Ko͘-niû Lí Chin Súi）。甲那「án-ne」卜寫做『按呢』、「**neh」寫做『呢』是眞利便。
論羅字、句尾 l + eⁿ 个語氣詞、羅字台文在來有寫做『**neh』（起毛志体、無注調）。下調个嗎有寫做『nè』（教會報）。中調个嗎有寫做『nē』（仝）。
「呢」字本成讀 nî。『呢』用塊寫「**neh」、勉强通講是共『按呢』（án-ne）借个。那按呢、是借音字。事實只字『呢』大概是塊訓用官話文『呢』（中華語 NE、輕聲）。《常彚》有寫『呢』、不閣「án-ne」寫做『按哖』、過枝字。拱樂社个戱文有个共「**leh」寫做『呢』、煞無共「án-ne」寫做『按呢』。『呢』用塊寫「**neh、nē」「**leh」、應該是官話文訓用字。
日語有一个語氣詞『ね』。「**Neh」應該不是日語借詞。《教會報》一八八六年有一篇寫『i iā bô kiáⁿ thang thàn-chhī, khiok ū chi̍t-ê pun--ê, m̄ kú sī pháiⁿ-kiáⁿ lóng-bô hō͘ i chia̍h, chhut-khì teh liû ū ná-bô neh』。一九〇〇年 Ong Pôe-eng〈Pa̍k-kha ê Lūn〉（教會報 187 号）有寫『chiū sui-bóng ū lâng thang ho̍k-sāi (chhin-chhiūⁿ sè-sio̍k ū cha-bó͘-kán) iā sī chhin-chhiūⁿ chò pēⁿ-lâng teh hō͘ i khoán-thāi neh』。
|
建議
**leh ⇄ 礼、レ
**neh, nē ⇄ 呢
相關个詞
**leh (語氣詞、接尾詞)
án-ne
相關个字
呢
ネ (祢) |
|
GÍ-SÛ
**nih
·nih |
語詞
哖
⭕
Ⓚ
親成漢字
Ｘ |
|
南部語氣詞。台南王育德《常彚》無收、不知咁是恰早恰少人講。歌仔册「án-ni」「chiah-ni̍h」在來寫做『～年』『～哖』。建議寫『哖』亞是羅字、「呢」字留乎「**neh」。請看「**hihⁿ」。
《台日》有收一个疑問詞「nih」、寫做『呢』。
|
相關个詞
**hihⁿ (語氣詞)
**neh, nē (語氣詞) chiah-ni̍h hiah-ni̍h án-ne
相關个字
年
|
|
GÍ-SÛ
**lah
·lah ·la ·*là là |
語詞
啦
⭕
Ⓚ
拉
⭕
Ⓚ
親成漢字
Ｘ |
|
論詞理、《白話典》有收語氣詞「·la、·lah」『表示肯定，無固定聲調』『表示叮嚀，輕聲中調或低調』。閣有語氣詞「là」『表示很肯定，意思堅定』『表示不相信或不同意，反諷』。另外夭有語氣詞『lā-·à』『lă-·à』『là ·ho͘ⁿ』、相關。閣有助詞「·la、·lah」『表示完成，隨前輕聲變調或固定低調』、着是『Chhoân hó-sè ·ah』彼个 ·ah（請看）个先体。閣有助詞「·la、·lah」『用於列舉事項之後，輕聲中調或低調』。咱求利便、將者个詞拾鬥陣。照講只卦詞个用字丸那眞重叠。
流行歌詞寫『啦』。〈思想起〉許丙丁版本（大王唱片）有寫『拉』『啦』。《台日》甲李献璋《福建語讀本》寫『喇』。王育德《常彚》寫『啦』。拱樂社个戱文有寫『啦』（節烈）『拉』（金銀、德化、兩世、流浪、黒染、空愛情）『𫼚』（黒染）『ラ』（金銀、碎心）。現代台灣社會大常寫『乎乾啦』云云。『拉』嗎加減有人寫。助詞「·lah」、一九二〇年代《台灣語典》丸那收做『拉』。請看下脚。今台文「拉」字通講不時朗是音字。『啦』彼个口（khió-、khó͘-）字平有影是加个。
論羅字、『lah』咱共看做起毛志体、無注調・無注輕調。下調个「**lah」寫做『là』不那有基礎（教會報）、閣凡世上條直。那無、那有塊注輕調、『·la』『·lah』（甲 ·*là）仝欵意思、嗎朗有基礎、夭咱建議寫『·lah』（--lah）。第一、『--lah』甲起毛志体『lah』使用基礎上厚。第二、那無寫『là』、無注輕調个人自然着寫『lah』。有注輕調个人那寫『--lah』即相對甲因恰一致。第三、輕調卜樵注乎正確無簡單、眞多人注袂好世。咱有卜注个時那寫『--lah』、注漏交亞是注重担个時拵嗎恰無要緊、比論講、袂産生『*la』彼欵錯誤。
《台灣語典》（台省文委會版）有收「拉」『爲已定辭』、例詞『食拉』『困拉』。呂宋《西支》有收「VETE, DIÇHO CON AMOR」（DIÇHO～DICHO）『去𦛨』（*khù lá）甲「BASTA YA」『好𦛨』（*hó lá）云云。
|
相關个詞
·ah ("chhoân hó-sè ~")
相關个字
拉
ラ (良) |
|
GÍ-SÛ
ā
|
語詞
啊
⭕
Ⓚ
啞
⭕
Ⓚ
唖 ⭕
呵
⭕
Ⓚ
親成漢字
Ｘ |
|
語氣詞。『Bô ā, ná ū?』『Sī ā, tio̍h sí án-ne ā』（白話典）云云、《白話典》第三條「ā」（"表示肯定或否定，針對正反的議題"）。《台日》《常彚》（王育德）無收。拱樂社个戱文有寫『啊』（天涯遊龍、宮樓殘夢、合寶金錢會、父在何處、小女俠紅蝴蝶）『阿』（空愛情）『仔』Ⓚ（杜諒梅）。請看嘆詞「à、a」（**ah）甲『Chhiong à!』彼个 à（**ah）。
|
相關个詞
·ah ("chhoân hó-sè ~")
**ah (à, "chhiong ~") **ah ("~, hāi ·ah")
相關个字
亞、亜
阿、呵 ア |
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！