台字田

GÍ-SÛ

thō͘
*thô͘

＃福建語

語詞

吐 ⭕ Ⓚ　

親成漢字

Ｘ

功能詞、甲台語「hō͘」（乎）仝意思。現此時「thō͘」通講是泉語。古早無一定。《當代泉彚》（54）注『又讀作陽平』（～別音 thô͘）。《晋江方志》（77）《南安方志》（9）干礁收「*thō͘」。《厦英》收「*thò͘」。戱文有寫『度』。《泉腔目連》注『度：本音 tɔ⁷，泉腔借此字音 thɔ⁷，「給」之意』。呂宋《漳語 ARTE》有寫『〓我』（⿸广⿱艹夂）、前字注音 *tòu 亞是 *tōu、注解『ME DA』。歌仔册有寫音字『吐』。

GÍ-SÛ thô͘ ＃SWADESH 100	語詞土 ⭕ Ⓗ　塗 ⭕ Ⓒ　𡍼　親成漢字塗
「Thô͘」寫做『土』成有社會基礎、閣水。是講「thó͘」參「thô͘」會相搶。寫『塗』凡世恰條直。歌仔册二式無輸嬴。台文册以外、社會寫『土』恰多、自中治時代進前着是按呢。彰化花壇「赤塗崎」、《堡圖》記做『赤𡍼埼』。	地名・水名彰化花壇赤塗崎㊟彰化二林塗子崙ᵀ 相關个詞 thô͘-chúi thô͘-kha Ông Thô͘

GÍ-SÛ Thô͘ ＃字姓	語詞涂 Ⓒ　凃 ⓒ　親成漢字涂
台灣姓「Thô͘」个人、有个加忌寫『凃』。總督府个職員錄內底、有个人名粘邊寫做『涂～』・粘邊寫做『凃～』、親像高雄『凃賞』（涂～）亞是北門『凃蕃薯』（涂～）。	相關个詞 Khu (邱) Khu (丘) 相關个字涂、凃

GÍ-SÛ

tō͘-kún
tō͘-ún
tō͘-kín
tō͘-ín
thô͘-ún

＃SWADESH 200 ＃生物 (bóe, bé)

語詞

蚯蚓 Ⓗ　

肚蚓 ⭕ ⓀⒽ　

杜蚓 ⓀⒽ　

肚滾 ⓀⓀ　

土蚓 ⭕ ⒽⒽ　

塗蚓 ⭕ ⒸⒽ　

親成漢字

㊟Ｘ

下山澎湖語有講「thô͘-ún」（中華國語會閩南典）。《英厦》（594）有收「thô͘-ún」甲「tō͘-ún」、朗甲漢字『土蚓』。《補彚》收「螼」（*kín）『蚯 — 即牛 — 也』。《台日》寫『土蚓』。呂宋《西支》有收「LOMBRIZ」『蚓』（*kín）甲「LOMBRIZ」『圡蚓』（*tōu kín）。歌仔册有寫『蚯蚓』『杜蚓』『肚～』Ⓚ『塗～』『～允』Ⓚ。拱樂社个戱文有寫『肚〓』（⿰扌哀～㨰、空愛情）。現代台灣社會「tō͘-kún-á」有寫做『肚蚓仔』『杜蚓仔』『肚滾仔』云云。網路尋無『*肚允仔』『*肚引仔』『*肚緊仔』。那塊寫漢羅、「tō͘-kún、tō͘-kín、tō͘-ún、tō͘-ín」特別適合寫做羅字。那卜寫四角字、建議寫『肚蚓』。

「Tō͘-」詞原無定着。「土」字亞是「塗」字減彩有半親（亞是有親）。澎湖下山話有講「thô͘-ún」、夭「tō͘-kâu」永過嗎有人講「*thô͘-kâu」（台日）。「肚」字「杜」字平平是借音字。理論上、「肚」字加一个音 tó͘、功能恰輸「杜」字。不閣台灣社會在來恰愛借「肚」字來寫第七調 tō͘、夭第二調 tó͘ 慣示借「堵」字。請看「Tōa-tō͘」「tō͘-kâu」「tō͘-peh-á」「tō͘-koai」「tō͘-tēng」。

《台日》有收「tō͘-gín」「thô͘-gín」、注「漳」。看起來「tō͘-ín」是「*tō͘-gín」个變体、夭「tō͘-gín」是「tō͘-kín」个變体。

建議

tō͘-kún, -kín, -ún, -ín ⇄ 肚蚓
thô͘-ún ⇄ 土蚓、塗蚓

地名・水名

台北八里　杜允崎ᴾ
台北石碇仔蚯蚓坑ᴾ

相關个詞

thô͘ (土、塗)
tō͘-peh-á
tō͘-kâu
Tōa-tō͘

相關个字

土 (tō͘)
滚、滾
蚓

GÍ-SÛ

tō͘-kâu
*thô͘-kâu

＃生物 (chiah)

語詞

肚猴 ⭕ Ⓚ㊟　

杜猴 Ⓚ㊟　

親成漢字

㊟

《台日》「tō͘-kâu」「thô͘-kâu」（"泉"）朗寫做『土猴』。歌仔册有一半本仔寫『肚猴』『肚猿』。拱樂社个戱文有寫『肚猿』（空愛情）『杜猿』（漢族）。現代台灣社會有寫『肚猴』『杜～』、寫『肚～』恰多个欵。請看「tō͘-peh-á」。有關「tō͘-」个詞原、請看「tō͘-kún」。「*Thô͘-」有親漢字「塗」字。夭「猴」字大概是「-kâu」个親成漢字。

《台日》有收「thô͘-káu」（土狗）『臺灣大蟋蟀、害蟲にして夜間美聲を發す』。台灣客語有講『THÚ-KIÉU-*É』（土狗仔、客詞庫）。濁水溪客語有講『THÚ-KÉU』（土狗、客詞庫）。只个詞《客法》《客英》有收。

相關个詞

tō͘-peh-á
tō͘-kún...
hê-kâu

GÍ-SÛ thô͘-tāu ＃生物 (châng)	語詞土豆 ⭕ ⒽⒸ　塗豆 ⭕ ⒸⒸ　親成漢字塗豆～荳
《千金譜》寫『土豆』。《雲林雜念簿》寫『圡荳』。《台植彚》寫『土豆』『山土豆』『土豆舅』云云。歌仔册寫『土豆』『塗～』。	相關个詞 thô͘ (土、塗)

GÍ-SÛ thô͘-sat ＃生物 (bóe, bé)	語詞土虱 ⭕ ⒽⓀ　塗虱 ⭕ ⒸⓀ　親成漢字塗Ｘ
現代个招牌專寫『土虱』。《台日》寫『土虱』。《英厦》（328）有寫『塗虱』。《千金譜》寫『土〓』（⿰魚刹）。歌仔册有寫『塗虱』『塗剎』ⒸⓀ『土殺』ⒽⓀ。	地名・水名台南善化土虱堀台北北投土虱洞相關个詞 thô͘-thoh-hî, thô͘-thuh-hî thô͘ (土、塗) sat-ba̍k-hî 相關个字虱

GÍ-SÛ thô͘-kha	語詞土脚 ⭕ ⒽⒽ　塗脚 ⭕ ⒸⒽ　親成漢字塗Ｘ
《台日》寫『土脚』。『土脚』甲『塗～』、歌仔册差不多無輸嬴。	相關个詞 thô͘ (土、塗) kha (脚)

GÍ-SÛ

thô͘-phú

＃生物 (chiah)

語詞

土蜅 ⭕ ⒽⓉ　

土氆 ⭕ Ⓗ㊟　

塗氆 ⭕ Ⓒ㊟　

塗蜅 ⭕ ⒸⓉ　

親成漢字

塗Ｘ

EMBREE（1973）無收。《台日》「土蜅」（thô͘-phú）『（動）草鞋蟲』。《厦英》（404）「thô͘-phú、tō͘-phú、thô͘-phú-á」『A GRAY OR DARK-COLOURED WINGLESS INSECT THAT CRAWLS ON THE GROUND, BREEDING IN DAMP PLACES』。只个「-phú」眞有可能甲「phú-sek」彼个 phú- 仝源。

人名。葉『土蜅』・周『土蜅』・陳『土蜅』（總督府職員錄、台史所檔案）。葉土蜅戰後八做過台北市永樂國校校長。章『土蜅』・黃陳『土蜅』（GOOGLE）。林『土氆』・余『土氆』・張『土氆』・鄭張『土氆』（GOOGLE）。李『塗氆』（台史所檔案）。陳『塗氆』（GOOGLE）。

相關个詞

thô͘ (土、塗)
phú (氆)

GÍ-SÛ thô͘-hún ＃SWADESH 200	語詞塗粉 ⭕ ⒸⒸ　土粉 ⭕ ⒽⒸ　親成漢字塗粉
《台日》寫「土粉」。歌仔冊有一半本仔寫按呢。請看「thô͘」。	相關个詞 thô͘ (土、塗)

GÍ-SÛ Ông Thô͘ ＃戱藝＃人名	語詞王塗 ⒸⒸ　王土 ⒸⒽ　親成漢字王塗
《最新王塗歌》（會文堂、開文）內面个人物、北部暖暖人。《最新王塗歌》『王土』『王塗』湳塊寫。

GÍ-SÛ

thô͘-kat
*thô͘-kak-

語詞

塗葛 ⭕ ⒸⓀ　

土葛 ⭕ ⒽⓀ　

土墼 ⭕ Ⓗ㊟　

塗墼 ⭕ 　

親成漢字

塗㊟

《雲林雜念簿》有寫『土墼』。《台日》寫『土墼』。《甘》寫『～墼』。《台日新》寫『土𡑪』。《補彚》*kat 有收「𡏴」『未〓土磚曰 —』（〓～焙？）甲「〓」（⿱⿰束殳瓦）『同上』。《渡江》有收「墼」（*kat）『土 —』甲「〓」（⿱⿰叀殳瓦）『瓦噐』。《英厦》（48）有寫『土角』。《寶鑑》收白字「墼」『土墼』、隨《雅俗通》。《台十五》寫『土墼』『～𤮛』『～角』。歌仔册有寫『塗葛』『土葛』。台史數位舘所收・大清時代个契字有一半張仔寫『塗墼』、字形照台史數位舘个數位版。注意、台史數位舘个資料庫無支援『𡑪』（字形）。大清時代个契字員那有寫『𡍼𡑪』（https://archive.ph/6OWNI）。台史數位舘所收・大清時代个契字夭有幾那張寫着『土葛堀』『塗葛堀』『塗結堀』『土結堀』、朗仝一个所在、治下淡水溪屏東彼搭。

《八音》*kat 無收相關字詞。呂宋《西支》（AD 部）有寫『圡𡑪』、「𡑪」字用『匂』。

『墼』不是通漢字。《妙悟》無收。《補彚》無記漢音。《集韻》（北師版）收「墼」（吉歷切）『說文瓴適也一曰未燒也』。『墼』照講是「-kat」个半親漢字。

有關高雄梓官（彌陀）「土葛厝」、蚵仔寮土葛厝龍安堂个面册專葉寫『土葛厝』。

地名・水名

屏東崁頂土葛堀ᴴ ㊟
高雄梓官土葛厝㊟
　（彌陀）
台中龍井塗葛堀ᴴ

相關个詞

thô͘ (土、塗)

GÍ-SÛ Thô͘-siâⁿ ＃地名＃台北＃台北州	語詞土城 ⒽⒸ　塗城 ⒸⒸ　親成漢字塗城
一个成四常个地号名、治台灣寫做『土城』恰多。	行政地名日本体制土城庄 ⇄ 中華体制土城區相關个詞 thô͘ (土、塗)

GÍ-SÛ

*thô͘-khò͘
Thô͘-khò͘

＃地名＃雲林＃台南州

語詞

土庫 ⒽⒸ　

塗庫 ⒸⒸ　

親成漢字

塗庫

普通詞「*thô͘-khò͘」是古早話、治十九世紀以經無常用（簡宏逸・土庫考：本土地名的源流與東亞世界的連結、2012）。《台日》無收。《增補厦英》有收「thô͘-khò͘」『[A FIRM DEALING IN OPIUM]; A GODOWN』（251）。「Thô͘-khò͘」是眞普遍个地号名、四角字寫做『土庫』恰多、《台地典》注解『意「土造糧倉」。即「竹編塗泥的存糧倉庫」之意。其功用同「古亭笨」』（82、83）。《地名服務網》注講台南仁德『塗庫』『為往昔農家儲藏稻穀之一種農倉，材料由竹編成，外表塗上混合牛糞黏土，下方四端用竹管做腳支撐，開口處位在上方』。

簡宏逸〈土庫考：本土地名的源流與東亞世界的連結〉寫講『對照《臺灣堡圖》上可以找到的土庫，可發現在以集村為主要聚落型態的中南部平原，「土庫」往往是主要聚落旁的附屬聚落。我們或許可以這麼推想：在主要聚落形成後，當地居民在離聚落稍遠的地方用防火建材設置土庫。這樣的位置可防止主要聚落不幸發生火災時，不至於延燒到土庫，可說是建材和選址上的雙重保障。這樣的建築也成為一個明顯的地標，成為被納入當地居民的通稱地名。意義不明後，人口擴張，原來設置土庫的地方變成新聚落的地點，便把「土庫」當作新聚落名稱沿用下來。這可以解釋為什麼《臺灣堡圖》上的「土庫」有一些是大聚落旁的小聚落⋯⋯，或是一個庄下的小地名』『除了大聚落旁的小聚落，《臺灣堡圖》上還有另一種以「土庫」命名的聚落，它們通常出現在平地與丘陵地交界附近』『這些位於山腳，通往內山的土庫，可能是用來儲藏內山物產的防火倉庫』。

台灣海峽語「thô͘-khò͘」照講是巫語（馬來語）『TOKO』个詞原。夭馬來西亞檳榔嶼『LEBUH PANTAI』（巫）『BEACH STREET』（英）、福建語号做「土庫街」（面册 @STEVEN GOH・NAME OF PENANG STREETS IN CHINESE）。

地名・水名

彰化竹塘　土庫子ᵀ
台中市內　土庫溪ᵀ ㊌
大馬檳榔嶼土庫街㊟

行政地名

日本体制土庫街 ⇄ 中華体制土庫鎭・褒忠鄉

相關个詞

thô͘ (土、塗)

GÍ-SÛ thô͘-chúi	語詞土水 ⭕ ⒽⒸ　塗水 ⭕ ⒸⒸ　親成漢字塗水
《台日》寫『土水』。歌仔册有幾那本按呢寫。請參考美術家黃土水（N̂g Thô͘-chúi）伊个名个用字。另外、總督府職員錄有收『黃土水』『李土水』『李塗水』。李土水甲李塗水是鉄道部个職員、眞有可能是仝一个人、名一九二〇年代寫做『～塗水』、一九四〇年代寫做『～土水』。

GÍ-SÛ

thô͘-thoh-hî
thô͘-thuh-hî

＃借詞＃生物 (bóe, bé)

語詞

𩵚魠魚 ⓉⓉⒸ　

土魠魚 ⭕ ⒽⓉⒸ　

土托魚 ⭕ ⒽⓀⒸ　

塗魠魚 ⭕ ⒸⓉⒸ　

塗托魚 ⭕ ⒸⓀⒸ　

親成漢字

塗Ｘ魚

只馬台灣恰時行个寫法有「𩵚魠魚」「土魠～」「土托～」。寫个人是卜表達中國語「TǓTUŌ」亞是台語、一般眞歹講、因爲二个講法朗眞時行。不閣者个用字看欵朗是照台字个理路生个。《千金譜》有寫「塗托」。《雲林雜念簿》有寫「塗魠勼」（thô͘-thoh-kiu？）。《台日》有收「thô͘-thuh」「thô͘-thoh」「thô͘-thih」三个音、第三个注「漳」、朗寫做「土𩽆」。《厦英》（549）有收「thô͘-thì」、注解甲「thô͘-thoh」差不多。《台十五》有收「𩽆」（thoh）『泥 nî —, 魚名』甲「𩽆」（tho̍h）『土 thô͘ —, 魚名』。《雅俗通》*tho̍h 有收「魠」『魚名泥 —』。《渡江》*tho̍h 有收「𩽆」『魚名』甲「魠」『仝上』。只个「-thoh、-thuh」个詞源大概是葡語・西班牙語魚名「BONITO」个尾節。請讀〈土魠魚羹其實是葡萄牙料理？專訪鄭維中追查土魠魚和虱目魚身世之謎〉（受訪者鄭維中、著者陳皓嬿、編輯陳怡君）。

「BONITO」尾節 -TO、那現代个呼音轉寫做台灣白話字、葡語講 tuh、西班牙語講 to͘h。「-Thuh、-thoh」双音咁正實按呢來、愛閣斟酌。

相關个詞

thuh ("~ koáiⁿ-á")
thô͘ (土、塗)

相關个字

托

GÍ-SÛ âng-mn̂g-thô͘ âng-mô͘-thô͘	語詞紅毛塗 ⭕ ⒸⒸⒸ　紅毛土 ⭕ ⒸⒸⒽ　親成漢字紅毛塗
《白話典》收「âng-mô͘-thô͘」「âng-mn̂g-thô͘」、無收「*âng-mo͘-」。	相關个詞 Âng-mn̂g- (族名) Âng-mô͘-pi

GÍ-SÛ thô͘-thô͘-thô͘	語詞土土土 ⭕ ⒽⒽⒽ　塗塗塗 ⭕ ⒸⒸⒸ　親成漢字塗塗塗
論連劃、三重叠詞（saⁿ-têng tha̍h-sû）在來連劃用尽磅。啞 Tiō Hûn-kû〈Kiù-chú ê Lâi-le̍k〉（教會報 544 号、1930 年 7 月）有寫『o͘--o͘-o͘』。Lîm Chheng-kiat〈Siú-chîⁿ-lô͘ pìⁿ-choè Chû-siān-ong〉（教會報 593 号、1934 年 8 月）有寫『n̂g--n̂g-n̂g』。總是三重叠詞中央節無影用輕調。

字形 ? 桃挑	JĪ-IM thô 漢 thô͘ 漢	漢文音 thô（漳、厦）thô͘（泉）。讀 thô͘ 个腔口員那有話音 thô。
	借音用例 thian-tho̍h chhit-thô...

字形 ? 頭镸头	JĪ-IM thiô 漢 thô͘ 漢 *thiû 漢 thâu	漢文音 thô͘（漳、厦）thiô（泉）。《高十五》記 thiô 無記 thô͘。董峰政記 thô͘（主）thiô（別）。黃良成 thiô・thô͘ 湳塊記。 Thiû 介成是塊讀漢詩・硬卜乎伊押韻个時即用着个音。黃勁連《台譯唐詩三百首》「頭」字主要記 thiô、不閣〈春詞〉上尾彼字「頭」字記 thiû、爲着卜乎伊隨「愁」字押 -iu 韻。請看「樓、楼」（字）。《台日》有收「lióng-thiû」（兩頭）、注「文」。閣有「liông-thiû siâ-bí」（龍頭蛇尾）「liông-thiû sio̍k ló-sêng」（龍頭屬老成）。《寶鑑》thiû 員那有收「頭、镸」字、烏字。《妙悟》*thiû 記做「正」音。洪惟仁（1996）寫講『今詩人在讀唐宋詩時，凡尤侯通押時，〈侯〉韻皆讀爲 -iu，不止「頭」字。〈侯〉韻字讀 -iu，只是詩人吟詩之一時權宜，不一定是「正音」⸺官話層』。《當代泉彚》（215）記 thiô（漢）thâu（早）thô̤u（南管、"TYOU²"）。自由字有寫『镸』『头』。
	相關个字樓、楼	彚音妙悟 thiô 他燒下平頭土差㊟「差」字字形各樣。燒韻全韻注『俱從俗解』 thiû 他秋下平頭 — 面㊟原册注「正」 thâu 他郊下平頭首也 thô̤u 他鉤下平頭首也獨也

字形 ? 土圡	JĪ-IM thó͘ 漢 thô͘ 訓
	人・物・神名 N̂g Thô͘-chúi (黃土水), 1895 相關个字土 (tō͘) 塗相關个詞 thô͘-kha thô͘ (塗)	LA̍K-PAH-JĪ PHIAN thó͘ 土 thó͘, thó͘-tōe.

字形 ? 涂凃	JĪ-IM tô͘ 漢 thô͘	「涂」字含「塗」字「途」字部份相通。《王力典》（1436）注講『"途" 字古代多寫作涂、塗。"道路" 一義，三字通用；"泥塗" 一義只作 "塗"；"涂抹" 一義，可作 "涂"，又可作 "塗"』。《明解漢和》（414）「塗」字員那有注解『ミチ＝途⋯⋯』云云。論字形、台灣姓 Thô͘ 个人有个加忌寫『凃』。『凃』不知中古漢文咁八有人寫。咱先共『凃』凖做近古別形。
	相關个字塗途相關个詞 Thô͘ (字姓)

字形 ? 塗𡍼	JĪ-IM tô͘ 漢 thô͘	「塗」字「涂」字「途」字部份相通。請看「涂」（字）。論字形、呂宋《西支》（VN 部）有寫『𡍼』。
	借音用例 hô͘-tô͘ 相關个字土 (thó͘) 涂、凃途相關个詞 thô͘ (土、塗)

GÍ-SÛ thô͘ ＃SWADESH 100	語詞土 ⭕ Ⓗ　塗 ⭕ Ⓒ　𡍼　親成漢字塗
「Thô͘」寫做『土』成有社會基礎、閣水。是講「thó͘」參「thô͘」會相搶。寫『塗』凡世恰條直。歌仔册二式無輸嬴。台文册以外、社會寫『土』恰多、自中治時代進前着是按呢。彰化花壇「赤塗崎」、《堡圖》記做『赤𡍼埼』。	地名・水名彰化花壇赤塗崎㊟彰化二林塗子崙ᵀ 相關个詞 thô͘-chúi thô͘-kha Ông Thô͘

字形 ? 頭镸头	JĪ-IM thiô 漢 thô͘ 漢 *thiû 漢 thâu	漢文音 thô͘（漳、厦）thiô（泉）。《高十五》記 thiô 無記 thô͘。董峰政記 thô͘（主）thiô（別）。黃良成 thiô・thô͘ 湳塊記。 Thiû 介成是塊讀漢詩・硬卜乎伊押韻个時即用着个音。黃勁連《台譯唐詩三百首》「頭」字主要記 thiô、不閣〈春詞〉上尾彼字「頭」字記 thiû、爲着卜乎伊隨「愁」字押 -iu 韻。請看「樓、楼」（字）。《台日》有收「lióng-thiû」（兩頭）、注「文」。閣有「liông-thiû siâ-bí」（龍頭蛇尾）「liông-thiû sio̍k ló-sêng」（龍頭屬老成）。《寶鑑》thiû 員那有收「頭、镸」字、烏字。《妙悟》*thiû 記做「正」音。洪惟仁（1996）寫講『今詩人在讀唐宋詩時，凡尤侯通押時，〈侯〉韻皆讀爲 -iu，不止「頭」字。〈侯〉韻字讀 -iu，只是詩人吟詩之一時權宜，不一定是「正音」⸺官話層』。《當代泉彚》（215）記 thiô（漢）thâu（早）thô̤u（南管、"TYOU²"）。自由字有寫『镸』『头』。
	相關个字樓、楼	彚音妙悟 thiô 他燒下平頭土差㊟「差」字字形各樣。燒韻全韻注『俱從俗解』 thiû 他秋下平頭 — 面㊟原册注「正」 thâu 他郊下平頭首也 thô̤u 他鉤下平頭首也獨也

字形 ? 涂凃	JĪ-IM tô͘ 漢 thô͘	「涂」字含「塗」字「途」字部份相通。《王力典》（1436）注講『"途" 字古代多寫作涂、塗。"道路" 一義，三字通用；"泥塗" 一義只作 "塗"；"涂抹" 一義，可作 "涂"，又可作 "塗"』。《明解漢和》（414）「塗」字員那有注解『ミチ＝途⋯⋯』云云。論字形、台灣姓 Thô͘ 个人有个加忌寫『凃』。『凃』不知中古漢文咁八有人寫。咱先共『凃』凖做近古別形。
	相關个字塗途相關个詞 Thô͘ (字姓)

字形 ? 塗𡍼	JĪ-IM tô͘ 漢 thô͘	「塗」字「涂」字「途」字部份相通。請看「涂」（字）。論字形、呂宋《西支》（VN 部）有寫『𡍼』。
	借音用例 hô͘-tô͘ 相關个字土 (thó͘) 涂、凃途相關个詞 thô͘ (土、塗)