|
GÍ-SÛ
Siā-liâu
|
語詞
社寮
ⒸⓀ
社藔
ⒸⓉ
親成漢字
社Ｘ |
|
地号名、『意「原住民的小屋」』（台地典 221）。台灣上少有四个「社寮」（仝）。『社寮』是近代字。請看「-liâu」。那鷄籠社寮、《堡圖》記『社藔庄』『社藔嶋』。〈前後山輿圖〉記『社藔』。〈臺灣汛塘望寮圖〉注『大鷄籠汛⋯⋯』、閣記『羅傼㠘』『黄地粉』。〈臺灣府汛塘圖〉有記『社藔』『圭籠城』『大圭籠汛』、「藔」字字形無介清楚。〈乾隆輿圖〉記『雞籠社』『大雞籠』『～城』。〈康熙輿圖〉記『鷄籠社』『鷄籠城』。
全羅《教會報》有 2 篇寫着「Siā-liâu」、照講是塊講竹山（～南投竹山）个社寮。
|
地名・水名
苗栗竹南～前
台北北投～後 鷄籠市內～坑 ～島
相關个詞
-liâu (寮)
|
|
GÍ-SÛ
Āu-lâng
|
語詞
後龍
後壠
～瓏
后壠
後壟
後隴
后隴
親成漢字
㊟ |
|
苗栗地号名兼溪名。《堡圖》記『後壠』『～庄』。官方書面名一九二〇年去乎日本官改做『後龍』。『龍』『壠』日語仝音。一九二〇年以後个歌仔册『後龍』『～壟』『～隴』『～壠』『后壠』朗有寫。〈乾隆輿圖〉有記『後隴溪』『～庄』『～社』『后隴社』。『后隴社』甲『後隴社』無仝位、『后～』離『後隴庄』恰遠。〈康熙輿圖〉有記『後壠社』『後壠港』。台史數位舘所收・十八世紀个契字、有一半張仔寫『後瓏』。「Āu-lâng」詞底無定着。請看「Chúi-lâng」甲金門「Āu-lâng」。
翁佳音先生（公開面册）强調講自十七世紀着有船對金門后壟（Āu-lâng）塊出入後壠、二位仝名不是𫔘好、「Āu-lâng」嗎無影對先住民語來。
|
行政地名
日本体制後龍庄 ⇄ 中華体制後龍鎭
相關个詞
Āu-lâng (中國)
*Āu-lêng-á Siau-lâng Chúi-lâng
相關个字
礱、壠 (liông, lông)
籠 (lông) 龍 |
|
GÍ-SÛ
*Tâng-lô-khoân
|
語詞
㊟
親成漢字
銅鑼㊟ |
|
苗栗三灣地号名、客語『*THÙNG-LÒ-KHIÊN』。《台地典》（384）注台語音「Tâng-lô-khoân」、注解『意「形似銅鑼的圈形地」。該地因有一中央高起的圈形山，極似銅鑼，故名』。地名服務網苗栗三灣有收『大銅鑼圈』、甲錄音『THAI THÙNG-LÒ-KHIÊN』（客、四縣音）「Tōa Tâng-lô-khoan」（台）、後項注明是用『優勢腔』、資料由『教育部』提拱。注意、「圈」字本成讀 khoân 無讀 *khoan。「*Tâng-lô-khoan」眞有可能是中教部加忌革个。地名服務網夭有收『小銅鑼圈』甲『銅鑼圈圳』。請看「*Tâng-lô-khian-á」。有關「-*khoân」个詞底・詞原、請看「chhiú-khoân」。
|
相關个詞
chhiú-khoân
*Tâng-lô-khian-á Tâng-lô-oân
相關个字
圈
|
|
GÍ-SÛ
Sam-chàn-kiā
|
語詞
三層崎
ⒸⒽⒸ
親成漢字
三Ｘ崎 |
|
一个小可普遍个地号名。《台地典》（31）有記錄六个三層崎（Sam-chàn-kiā）。
|
|
GÍ-SÛ
Sin-káng
|
語詞
新港
㊟
親成漢字
㊟ |
|
後龍地号名・古早社名。〈乾隆輿圖〉有記『新港社』『新港庄』。〈康熙輿圖〉有記『新港社』。《畫說》（73）注講『輿圖所畫的部落位在東西山丘之間，表示這裡屬於谷地，又畫在後龍溪北岸，今有新港國小』。〈康熙輿圖〉新港社倒手平（北平）是『中港社』。只个新港社那會号做「新港」、咱無了解。『新港』二字應該不是借音字、不閣咱夭不敢保証。即閣請教・探討。
《教會報》558 号（1931）・819 号（1957）云云有寫着只个新港（Sin-káng）。馬偕牧師所建立个第三間教會着是治新港。請看《教會報》558 号 Koa Siat-kai〈Pak-pō͘ Kàu-hoē Siat-kàu í-lâi Nî-pió〉。
|
|
GÍ-SÛ
Tâng-lô-oân
*Tâng-lô-oan |
語詞
銅鑼灣
銅羅灣
親成漢字
銅鑼彎 |
|
行政地号名一九二〇年乎官方換做「銅鑼」。《堡圖》有記『銅鑼灣』『～庄』『小銅鑼灣』。台語歌仔册有寫『銅羅灣』『銅鑼～』。全羅《教會報》有 3 篇寫「Tâng-lô-oân」、朗治一九二〇年進前。其中、一篇夭有寫『Tang-lô-oân』。無半篇寫「*Tâng-lô-oan」。不知古早咁有人講「*Tâng-lô-oan」。請看「oan」「*Oân-·lin」。請看「*Tâng-lô-khoân」「*Tâng-lô-khian-á」。銅鑼灣『地名緣自此地三面環山，山麓線環圍成灣狀扁圓形，類像樂器銅鑼，故得稱』（廖忠俊 2009）『並不出產樂器銅鑼，也不面臨海灣，而是三面環山的弧形山麓，地形類似銅鑼，另一面開口成灣狀而得名』（邱乾海・[苗栗銅鑼] 杭菊故鄉銅鑼灣 炮仗花海迎新春）。
香港『銅鑼灣』（廣東語 TUNG⁴ LO⁴ WAAN⁴・TUNG⁴ LO⁴ WAAN¹ 双音）聲調丸那無正常。𫔘好嗎是字（灣）上平・音節下平（～第五調）。『中環』（ZUNG¹ WAAN⁴）後節甲『銅鑼灣』（TUNG⁴ LO⁴ WAAN⁴）尾節大概仝詞素。請讀劉擇明・ 鄧思穎〈香港地名灣的特殊讀法〉（2020）。
台史數位舘所收・大清時代个契字有一半張仔寫『銅羅灣』『銅鑼湾』。台史數位舘所收个別个文件有寫『銅鑼彎』ⒸⒸⒸ。
|
行政地名
日本体制銅鑼庄 ⇄ 中華体制銅鑼鄉
相關个詞
oan ("ji̍p káng sûi ~")
Se-á-oân... *Oân-·lin |
|
GÍ-SÛ
Kiâm-chúi-káng
|
語詞
鹽水港
ⒽⒸⒸ
塩水港
ⒽⒸⒸ
親成漢字
鹹水港醎～～ |
|
只个地名・水名、逐位寫法一致、不閣到今一般有『塩～』『鹽～』二式。高雄小港「Kiâm-chúi-káng」、《堡圖》記做『鹽水港』『～庄』。新竹香山「Kiâm-chúi-káng」、《堡圖》記做『鹽水港庄』『塩水港庄』『䀋水港』。
台南塩水港現代名「Kiâm-chúi」。《堡圖》記做『鹽水港』『～街』、〈乾隆輿圖〉記做『塩水港』『～街』。
苗栗・新竹鹽水港溪現代官方名『鹽港溪』。
|
地名・水名
高雄小港～
～溪 ㊌ 台南塩水～ ㊟ 新竹州 ～溪 ㊌㊟ 新竹香山～
相關个詞
kiâm (鹹、塩、鹽)
kiâm-chúi
相關个字
鹽、塩
鹹、醎 |
|
GÍ-SÛ
tâng-lô
Tâng-lô |
語詞
銅鑼
⭕
ⒸⒸ
親成漢字
銅鑼 |
|
行政地名
日本体制銅鑼庄 ⇄ 中華体制銅鑼鄉
相關个詞
Tâng-lô-oân
*Tâng-lô-khoân *Tâng-lô-khian-á |
|
GÍ-SÛ
Táⁿ-lân
Tá-lân |
語詞
罩蘭
ⓀⓀ
卓蘭
親成漢字
ＸＸ |
|
《堡圖》記『罩蘭』、「罩」字用『𠔿』。〈前後山輿圖〉無記个欵。〈岸裡社蕃把守圖〉有記『罩蘭埔』、「罩」字用『𠔿』。〈臺灣府汛塘圖〉無記。詳細字形先無論、台史數位舘所收・大清時代个契字有寫『罩蘭埔』『罩蘭莊』『罩蘭庄』、自十八世紀。十八世紀有一半張仔寫『卓～』。听講八有人寫『打蘭』『～欄』『～難』。咱無把握。契字內面所寫着个『搭連溝』『塔連溝』凡世相關。罩蘭官方名一九二〇年換做『卓蘭』。全羅《教會報》有 3 篇寫「Táⁿ-lân」、自一九二〇年。其中、一九五四年有一篇注『(卓蘭)』。另外有 1 篇寫字面音「Toh-lân」、一九五七年。在地人甲台中人無塊講「*Toh-lân」、照咱所知。
「Táⁿ-lân、Tá-lân」詞原先住民語『*TARIAN』亞是『*TALAN』亞是『*TAREN』 （林鴻瑞・源於原住民族語的台灣鄉鎮地名探討、鄭明中・卓蘭饒平客家話小稱詞調查研究）。
台中東勢「罩蘭崎」、《堡圖》無記。地名服務網注『地形名，為東勢通往罩蘭必經的陡坡，故得名』。
|
地名・水名
台中東勢罩蘭崎ᴴ ㊟
行政地名
日本体制『卓蘭』庄 ⇄ 中華体制『卓蘭』鎭
相關个字
卓、棹
罩 打 |
|
GÍ-SÛ
Sai-thâm
|
語詞
獅潭
ⒸⒸ
親成漢字
獅潭師～ |
|
客語『SṲ̂-THÀM』（獅潭）。《台地典》（363）注解『意「獅形山旁的深水坑」』。全羅《教會報》有 8 篇寫「Sai-thâm-tóe」、自一九一〇年代。「Sai-thâm」丸那自一九一〇年代着有寫。《堡圖》有記『獅潭』『～庄』、另外治後壠溪邊夭有記『外獅潭』『～庄』（頭屋）。〈前後山輿圖〉朗無記着个欵。台史數位舘所收个契字、一七六〇年代着有 2 張寫着『外獅潭庄』。
Koa Siat-kai（柯設偕）〈Kai Bo̍k-su kap Kheh-lâng-cho̍k〉（教會報 582、1933）寫講獅潭底『[h]it ê só͘-chāi goân-pún sī hoan-siā, chóng-sī āu-lâi kúi-nā pah ê Kheh-lâng ū poaⁿ lâi hia khai-khún, só͘-í pìⁿ-chòe Kheh-lâng chng』。
|
行政地名
日本体制獅潭庄 ⇄ 中華体制獅潭鄉
|
|
GÍ-SÛ
Thong-siau
*Thun-siau |
語詞
通霄
㊟Ⓚ
通宵
㊟Ⓚ
吞霄
ⓀⓀ
吞宵
ⓀⓀ
吞肖
ⓀⓀ
親成漢字
㊟Ｘ |
|
《堡圖》記『通霄』『通霄街』。〈前後山輿圖〉有記『吞霄汛』『吞宵溪』、邊仔注『吞宵〓淺淤不能停泊船隻』。〓、⿰氵⿱爫关、～渓～溪。〈乾隆輿圖〉有記『吞霄灣』『吞霄社』『吞霄庄』『吞霄溪』。〈康熙輿圖〉有記『吞肖社』。台史數位舘所收・大清時代个契字大多數寫『呑霄』（前字詳細字形即閣探听）。有幾那張寫『～宵』。只二種寫法自十八世紀着有。來到一八八九〇年代即有一半張仔寫『通霄股』『通宵股』。台灣歌仔册有寫『通宵』『～霄』。
詞原听講是先住民社名『TONSUYAN』。今「通」字讀 thong（客語 THÛNG）、夭「呑」字讀 thun（客語 THÛN）。看起來『通霄』『～宵』是雅化个地号名、十九世紀即有。治彼个進前、通霄大概号做「*Thun-siau」（台語）『*THÛN-SÊU』（客語）。夭《教會報》自一九〇九年寫「Thong-siau」、「*Thun-siau」不八寫。
|
行政地名
日本体制通霄街 ⇄ 中華体制通霄鎭
相關个字
呑
|
|
GÍ-SÛ
Tōa-oan
*Tōa-oân |
語詞
大灣
Ⓒ㊟
大彎
Ⓒ㊟
親成漢字
大㊟ |
|
地号名「Tōa-oan」（大灣、大彎）《台地典》（80）收做四組。高雄仁武・台南永康・雲林麥寮甲台北市內个「Tōa-oan」注解『意「大彎曲之地」。指傍河流或圳道之地的聚落』。仝欵、宜蘭冬山「Tōa-oan」注解『意「大彎曲之地」。由於冬山河在此處形成一轉彎，故名』。彰化竹塘甲宜蘭南澳个「Tōa-oan」注解『意「大彎曲之地」。指傍因地勢形成大轉彎的道路之聚落』。夭苗栗竹南个「Tōa-oan」注解『原意「大吵架衝突」。為終止閩粵二族之間的敵對所開的協調會，不幸再發生慘事，乃得名』。
頂高第一組按呢注解、打算無正確。第一組「Tōa-oan」、後節个詞底是古早名詞「*oan」、一堀水个意思。《妙悟》有收「淵」（*oan）『土水也水出不流曰 —』。《補彚》有收「灣」（*oan）『水曲又池名』。簡宏逸〈從古契字論臺灣地名表記的傳統規範機制〉（2013）寫講『臺北的大灣、臺南永康的大灣、高雄仁武的大灣，三地過去分別有大陂、鯽魚潭、草潭，顯然先民就是以當地的水池作為命名地方的依據』。請看下脚。
全羅《教會報》有 2 篇寫「Tōa-oân」、治日本時代。朗是塊講台南大灣。
那台北「*Tōa-oan」（→ 大安・*Tōa-an）、《堡圖》記做『大安庄』、注音『トア アン』。請看「Tāi-an」（台北）。簡宏逸《Tōa-oan (THE BIG POOL) 1653-1983: A HISTORY OF WATER, FORESTS, AND AGRICULTURE IN NORTHERN TAIWAN》寫講『THE NAME [大安], WHICH LITERALLY MEANS 'GREAT PEACE', FIRST APPEARED IN THE 1820S. THIS IS AN ABSTRACT AND FORTUNATE NAME THAT DOES NOT DESCRIBE ANY GEOGRAPHICAL FEATURE; SUCH NAMES ARE OFTEN ALTERATIONS OF EARLIER NAMES. THIS IS EXACTLY THE CASE WITH [大安]. BEFORE THE 1820S, THE NAME OF TODAY'S DA'AN WAS Tōa-oan. THE LAND DEEDS PRESERVED BY THE Lîm-an-thài 林安泰 CLAN CLEARLY DOCUMENT THE CHANGE OF NAME. THERE HAVE BEEN SEVERAL INTERESTING ATTEMPTS TO EXPLAIN THIS CHANGE, BUT I BELIEVE THAT THE INHABITANTS CHANGED THE PLACE NAME BECAUSE THEY SIMPLY BELIEVED THAT IT SOUNDED BETTER』（77）『ALTHOUGH THE CHANGE OF PLACE NAME FROM Tōa-oan TO [大安] IS EVIDENT, THE MEANING OF THE PREVIOUS NAME IS NOT. Tōa MEANS 'LARGE' IN HOKKIEN, AND THUS IT SEEMS TO DESCRIBE A SIGNIFICANT GEOGRAPHICAL FEATURE, NAMELY oan; HOWEVER, IT IS UNCLEAR TO HISTORIANS WHAT THAT FEATURE WAS. ACCORDING TO THE CHINESE-ENGLISH DICTIONARY OF THE VERNACULAR OR SPOKEN LANGUAGE OF AMOY 廈英大辭典, WHICH WAS PUBLISHED BY AMERICAN MISSIONARY CARSTAIRS DOUGLAS IN 1873 AND IS STILL AUTHORITATIVE TODAY, oan MEANS 'A BAY; A BEND IN A RIVER OR CHANNEL'. Tōa-oan IS NOT A COASTAL LOCATION, AND THUS IN THIS CASE, oan CANNOT MEAN A BAY. 'A BEND IN A RIVER OR CHANNEL' SEEMS MORE PROBABLE. MY PREDECESSORS, WHO ATTEMPTED TO EXPLAIN THE ETYMOLOGY OF DA'AN OR Tōa-oan, USUALLY ADOPTED THIS MEANING AND BELIEVED THAT Tōa-oan MEANT 'GREAT BEND'. THEY FURTHER SUGGESTED THE TWO NEARLY 90-DEGREE TURNS OF THE ... 瑠公圳 — THE MOST IMPORTANT IRRIGATION SYSTEM IN TAIPEI — AS POSSIBLE CANDIDATES FOR THE ETYMOLOGY OF Tōa-oan, BUT COULD NOT AGREE ON WHICH BEND CONTRIBUTED THE NAME. HOWEVER, THIS THEORY HAS AN OBVIOUS CHRONOLOGICAL FAULT: THE VILLAGE OF Tōa-oan HAD ALREADY BEEN FOUNDED BY 1741 — TWO DECADES BEFORE THE IRRIGATION CHANNEL RAN THROUGH IT IN THE 1760S. THUS, THE ETYMOLOGY OF 'GREAT BEND' MUST BE REJECTED』（仝）。
|
相關个詞
oan ("ji̍p káng sûi ~")
Tāi-an (台北) *Oân-·lin
相關个字
灣、湾
彎、弯 淵 |
|
GÍ-SÛ
*Khàm-thâu-chhù
|
語詞
崁頭厝
ⓉⒸⓉ
崁頭屋
ⓉⒸⒽ
親成漢字
Ｘ頭Ｘ |
|
《台地典》（274）有收『崁頭厝』（桃園新屋、彰化竹塘、雲林古坑）、注音「Khàm-thâu-chhù」、閣注講『新屋鄉的客家人稱之 [KHÁM-THÈU-VUK]』。閣有『崁頭屋』、注音「Khàm-thâu-chhù」（台）『KHÁM-THÈU-VUK』（客、頭節上上、～第二調）、注講『閩系人習慣上不稱 Khàm-thâu-ok』。全羅《教會報》有寫着「Khàm-thâu-chhù」、是塊講雲林古坑坎頭厝、『sin tē-miâ kiò Éng-kong』（～永光）。「*Khàm-thâu-ok」「*Thâu-chhù」「*Thâu-ok」不八寫。
那苗栗个崁頭厝、《堡圖》有記『崁頭屋』『～庄』、注音『カン タウ ツウ』、和老語。〈前後山輿圖〉有記『崁頭厝』。官方名一九二〇年換做『頭屋』。
|
行政地名
日本体制『頭屋』庄 ⇄ 中華体制『頭屋』鄉
相關个詞
Sin-chhù-á
Sin-ok |
|
GÍ-SÛ
**Ba-nih
*Bâ-·ni̍h |
語詞
貓里
ⓀⓀ
貓貍
ⓀⓀ
貓裏
ⓀⓀ
猫裡
ⓀⓀ
～𥚃
親成漢字
ＸＸ |
|
苗栗市彼搭个古早名。《中教部閩南典》記音「Bâ-lí」「Bâ-lî」。一八九五年 FLEMING H REVELL COMPANY〈MAP OF NORTH FORMOSA〉記『BA-NIH』。只張地圖、馬偕《FROM FAR FORMOSA》有甲。《教會報》一九五六年有一篇寫『Ba-nih, (Biâu-lek)』、是塊講教會史。一九〇三年有篇寫『Biâu-le̍k (Bâ--ni̍h)』。只馬苗栗市內有一座『貓貍山』（～狸、～里、猫～）、台語不知咁叫做「*Bâ-lí-soaⁿ」。〈前後山輿圖〉有記『〓里街』（〓、⿱艹𧲹）。〈乾隆輿圖〉有記『〓𥚃社』『〓𥚃庄』（〓、⿰艹⿰犭由）、二个眞相倚。〈康熙輿圖〉無記着只个地名个欵。一七一七年《諸羅縣志》有寫『貓里社』『貓里山』个欵、頭字詳細字形即閣確認。照講
原底个地号名是「**Ba-lih」（起毛志体、無注調）、寫做『猫裡』（貓裏）了後即有人照字音共伊讀做「*Bâ-·ni̍h」。
|
相關个詞
·ni̍h ("lō͘ ~")
niau (生物) bâ-á
相關个字
貓、猫
|
|
GÍ-SÛ
Biâu-le̍k
*Biâu-lek *Miâu-le̍k |
語詞
苗栗
ⓒⓒ
親成漢字
苗栗 |
|
苗栗早名「**Ba-nih」（請看）、寫做『貓里』云云。一八八九年大清植民政權設縣、照官話（～MANDARIN）音共『貓里』雅化做『苗栗』（廖忠俊 2009・126 葉）。續落來人照字音共『苗栗』讀做「Biâu-lek」。「栗」字台灣音 lek、第四調、對《廣韻》來看、是咀音。全羅《教會報》有 121 篇寫「Biâu-le̍k」、自一八九〇年代。有 94 篇寫「Biâu-lek」、丸那自一八九〇年代。在台灣字音來看、「-le̍k」是咀音。現代夭有一个咀音「*Miâu-le̍k」、中華音个欵。
《地輿總圖》有記『苗栗縣』。邊仔有『苗里街汛』。
客語講『MÈU-LI̍T』。
|
行政地名
日本体制苗栗街 ⇄ 中華体制苗栗市
相關个詞
**Ba-nih
相關个字
栗
|
|
GÍ-SÛ
Oán-lí
|
語詞
苑裡
⭕
宛裡
～𥚃
宛裏
苑裏
宛里
⭕
ⓀⓀ
親成漢字
ＸＸ |
|
〈堡圖〉寫『苑裡』『～庄』。〈前後山輿圖〉有記『苑裡街』『宛裡溪口』。〈乾隆輿圖〉有記『宛𥚃庄』『宛𥚃社』。有二个庄標做『宛𥚃庄』。《畫說》（82）寫講『苑裡溪南岸，與北岸的宛裡庄同名不同地，可能二地均以當地平埔宛裡社爲名』。台史數位舘所收・大清時代个契字有寫『苑裡』、自一七五〇年代。嗎有寫『宛裡』、自一七四〇年代。有一半張仔寫『苑裏』『宛裏』『宛里』。「Oán-lí」《教會報》自一九一〇年代寫起。
廖忠俊（2009）注講「Oán-lí」个詞原是斗葛語社名『WARREWARRE』、不閣音韻上那像眞勉强。有个資料寫講『WARREWARRE』是房裡社（外埔鄉誌）。
|
行政地名
日本体制苑裡街 ⇄ 中華体制苑裡鎭
相關个詞
Pâi-oan, Pai-oan
Si̍t-tiāu-oán |
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！