|
GÍ-SÛ
Thô-á-hn̂g
Thô-á-hûiⁿ |
語詞
桃仔園
ⒸⓉⒸ
桃仔园
ⒸⓉⓒ
親成漢字
桃Ｘ園 |
|
《堡圖》有記『桃園街』、治景福宮彼搭。閣有『桃仔園』、治火車頭叱。〈前後山輿圖〉有記『桃仔园』。〈乾隆輿圖〉有記『桃仔园』、畫治『南嵌社』甲『𬺞崙社』中央。『清末至日治之初，桃仔園與桃園常併用皆稱』（廖忠俊 2009、83 葉）、比如講姚瑩（1829）《東槎紀略》有寫「桃園」（字形即閣斟酌、廖 82・83 葉）。日本官厛一八九八年設『桃子園公學校』。一九〇三年以後、官方即固定寫『桃園』（廖）。
全羅《教會報》有 9 篇寫「Thô-á-hn̂g」、其中一九一〇年進前 6 篇。「Thô-hn̂g」一九〇八年頭擺用着。一八九五年 FLEMING H REVELL COMPANY〈MAP OF NORTH FORMOSA〉記『THÔ-Á-HN̂G』。雖罔大清時代个漢文文献有寫「桃園」、口語「Thô-hûiⁿ、-hn̂g」治大清時代咁有通行、咱不敢講。
|
行政地名
日本体制桃園街 ⇄ 中華体制桃園市桃園區
相關个詞
Thô-á-hn̂g (高雄)
|
|
GÍ-SÛ
Tiong-le̍k
*Tiong-lek |
語詞
中壢
ⒸⒼ
中歷
ⒸⓀ
中曆
ⒸⓀ
親成漢字
中㊟ |
|
詞原客語『中壢』（CHÛNG-LAK）、『意「中間的溪谷」』（台地典）。全羅《教會報》有 4 篇寫「Tiong-lek」、春个專寫「Tiong-le̍k」。中壢早名『澗仔壢』（*Kán-á-le̍k、中教部閩南典）、『之後因其位在淡水廳城竹塹（今新竹）與淡水、新莊中途要站街肆而改稱中壢』（廖忠俊 2009）。一七四〇年代《台灣府志》（劉志）有寫『澗仔壢』。《地輿總圖》記『中〓』（⿰土𢟍）。〈前後山輿圖〉記『中壢街』、「壢」字字形無介清楚。邊仔楊梅壢「壢」字用『歴』。《乾隆輿圖》干礁記『内澗仔力』『外澗仔力』。今台文・通行漢文無『壢』。歌仔册有寫『中歷』。黃塗《嘉義歌》有寫『中曆』ⒸⓀ。那塊寫漢羅、寫『中 Le̍k』簡那介有理。
台史數位舘所收・大清時代个契字自一八〇〇年代・嘉慶時代着有寫『桃澗保土名中壢街』『土名桃澗保中壢街』『土名澗仔壢、內壢、水尾庄四至界址鬮分內』『澗仔壢中壢舊社』云云（字形照台史數位舘數位版本）。有一半張仔寫『中歷街』。
『壢』《廣韻》《東國正韻》無收、不閣《集韻》有收「壢、歷」（狼狄切）『坑也或省』（"坑" 字字形小可各樣）。客語陰聲調不時對應中古支那語陽聲調、親像『日』（NGIT、第四調）字。中古漢文「壢、歷」字眞有可能是『-LAK』（客）「-le̍k」（台）个血緣字、不閣只字無通行。
主流客語講『CHÛNG-LAK』、不閣理論上四縣音甲海陸音（聲調）會曉替換个人、那替換無好世个時、無的確會講『*CHÛNG-LA̍K』（邱智偉先生、私底下請教）。
|
行政地名
日本体制中壢街 ⇄ 中華体制中壢區
相關个字
澗
|
|
GÍ-SÛ
*Iûⁿ-mûi-le̍k
*Iûⁿ-mûi-lek |
語詞
楊梅壢
ⒸⒸⒼ
楊梅歷
ⒸⒸⓀ
親成漢字
楊梅㊟ |
|
《台地典》（376）記音「Iûⁿ-mûi-lek」（"泉系台語音"）「Iûⁿ-bôe-lek」（"漳系台語音"）『YÒNG-MÒI-LAK』（客語）。不閣請看「Tiong-le̍k」。《台地典》注解『意「茂生楊梅樹的溪谷」』。《堡圖》有記『楊梅壢』『～庄』『小楊梅壢』。〈前後山輿圖〉記『楊梅〓街』（⿰土歴）。
有關「-*le̍k、-*lek」个詞原、請看「Tiong-le̍k」。
|
地名・水名
桃園楊梅小楊梅壢ᴾᵀ
行政地名
日本体制楊梅街 ⇄ 中華体制楊梅區
相關个詞
Tiong-le̍k
|
|
GÍ-SÛ
Saⁿ-kap-chúi
|
語詞
三洽水
ⒸⒼⒸ
親成漢字
三Ｘ水 |
|
桃園龍潭地名、詞原客語『SÂM-KAP-SHÚI』、照《台地典》所記个音。『三洽水』原底照講是客語用字。福哥〈客家地名〉（bit.ly/2Nwx0Au）解說講客語地名『洽』讀 KAP（← ㄍㄚㄆ˙）、意思『會合之意，客語多用在 "河流會合之處"，如兩河會流處稱為洽水或洽坑仔，三河會流處稱為三洽水』。
《客委會饒平典》有收『SÂM-KA̍P-FÍ』、寫做『三洽水』、注『三條小溪會合的地方。亦是地方名，在桃園龍潭鄉。～有饒平邱姓人邸在該。（桃園龍潭鄉三洽水有饒平邱姓人住在那裡）』。《客委會詔安典》嗎有收『SÂM-KA̍P-FÍ』、寫做『三洽水』、注解『三洽水』。『SÂM-KA̍P-FÍ』第二節 -KA̍P 聲調甲《台地典》所記个四縣音 -KAP 各樣。不閣客詞庫記『SÂM-KAP-FÍ』（饒平、詔安）。三條溪合港（kap-káng）个只个意思甲客語『KAP-KAI』（合界）『KAP-YO̍K-*É』（合藥仔）彼个 KAP- 相關、《中教部客語典》『KAP』（合）嗎有甲例詞『KAP-SHÚI』。只个『KAP』 彼照講含台語「kap-káng」「kap chó-hóe」彼个 kap 仝原、有親成漢字「合」字。
高雄瀰濃『三洽水』『位於永安的中庄區域，由柚仔林溪，美濃河與羌仔寮溪三條河水至天后宮前匯合，下流至楠梓仙溪，本地人稱此交會處為三洽水。三溪交會處水量豐富，美濃先民因而選擇這一帶做為清時建庄的地方』（bit.ly/36fNBS0）。地名服務網『三夾水』注『因有三條溪流瀰濃河（美濃河）、竹子門溪、羌子寮溪（橫溝）在此會合，因此得名三夾水』、百面是仝只个所在。台語名應該是「*Saⁿ-kap-chúi」。
|
相關个詞
Saⁿ-kak-éng
kap-káng |
|
GÍ-SÛ
Lâm-khàm
|
語詞
南崁
⭕
ⒸⓉ
南嵌
南坎
ⒸⓀ
親成漢字
南Ｘ |
|
桃園地号名。《地輿總圖》淡水縣有記『南崁街』『南崁山』『南崁港』。另外、南平新竹縣丸那有記『南崁港』。彼看起來應該是〈乾隆輿圖〉大溪墘溪个水尾。夭〈乾隆輿圖〉有記『南嵌社』『南嵌汛』。〈康熙輿圖〉記『南坎社』。
論詞底、「Lâm-khàm」生成是和老語名詞、不是音譯个。親像簡宏逸〈從 LAMCAM 到南崁：荷治到清初南崁地區村社歷史連續性之重建〉（2012、第 9・10 葉）所寫、「Lâm-khàm」个四角字寫法從到今都眞一致。『最早出現於 [漢字] 文獻的紀錄，是首任諸羅知縣季麒光在 1684 年報告臺灣北部狀況以請求增派兵力和陳述贌社之難的論述』『自此以降的 [漢字] 文獻中，「南崁」的寫法都相當固定。由此可知，寫下「南崁」這個地名的人「知道自己在寫什麼」。也就是說，這個地名在當地使用的語言中是有意義的』『此外，「方位詞 + 崁」在閩南語中也是可能的構詞法，所以我們還可以在臺灣各地的契字中找到「東崁」、「西崁」、「北崁」等通稱地名。從這些通稱地名的用法可知，「方位詞 + 崁」指的是位於該方位，有高低落差的地形』『所以「南崁」最初的意思是「位於南方的斷崖」，後來指涉的範圍擴展，才成為稱呼一個區域的地名。不 過此地名最初所指的地點已經不可考』。請看「khàm」。
有關荷蘭語『LAMCAM』（～南崁）甲『PARRICOUTSIE』个關係、請看簡宏逸〈從 LAMCAM 到南崁：荷治到清初南崁地區村社歷史連續性之重建〉。
|
相關个詞
khàm ("poa̍h lo̍h ~")
相關个字
崁
|
|
GÍ-SÛ
iûⁿ-mûi
Iûⁿ-mûi |
語詞
楊梅
⭕
ⒸⒸ
親成漢字
楊梅 |
|
EMBREE（115 葉）有收「iûⁿ-mûi」『STRAWBERRY TREE, Myrica rubra var. acuminata (HAKKA FORM, CF chhiū-m̂)』。《台植彚》（143）「iông-moâi」『楊梅』、學名 Myrica nagi。《台植彚》（244）「iûⁿ-thô」有收一个別名「iûⁿ-mûi-thô」（楊梅桃）。《台日》記音「iûⁿ-mûi」。《台日》「iông-mûi」是病。
|
地名・水名
桃園楊梅楊梅壢 ㊠
行政地名
日本体制楊梅街 ⇄ 中華体制楊梅區
相關个詞
chhiū-m̂
*Iûⁿ-mûi-le̍k |
|
GÍ-SÛ
Tām-chúi-hô
*Tām-súi-hô |
語詞
淡水河
ⒸⒸⒸ
親成漢字
淡水河 |
|
請看「Tām-chúi」。全羅《教會報》干礁一九三一年 1 篇寫「Tām-súi-hô」（1931）・一九六七年 1 篇寫「Tām-chúi-hô」。另外、一九二九年有一篇寫『Tī sai-pêng oē khoàⁿ-kìⁿ hái, iā oē khoàⁿ-kìⁿ Lâm-pō͘ Tām-chúi-hô ê goân-thâu』。「-Hô」不是單詞。請看「Ài-hô」。「淡水河」只个名是大清時代尾即有个、夭原底主要是治官方个文献內底即恰汁塊用（翁・曹 2016）。淡水河恰早号做「滬尾溪」（仝）。
|
相關个詞
Tām-chúi (台北)
Ē Tām-chúi Ài-hô |
|
GÍ-SÛ
Sin-chhù-á
|
語詞
新厝仔
ⒸⓉⓉ
親成漢字
新ＸＸ |
|
大衆地号名。《台地典》（366）有記錄十幾个地点。不閣桃園『新屋』注音「Sin-ok」（台）『SÎN-VUK』（客）、無注「*Sin-chhù」。請看「*Khàm-thâu-chhù」。
客語『新屋』、桃園人个和老語內底有講「Sin-chhù-á」（新厝仔）「Sin-chhù」（新厝）「Sin-ok」（新屋）。全羅《教會報》朗寫「Sin-ok」个欵、不閣嗎是戰後即有、也着是講、「Sin-ok」減彩按中文來、雖然只个地号名本成是客語地号名。《堡圖》有記『新屋』『～庄』、注音『シン ブツ』（～客語 SÎN-VUK）。請看「*Khàm-thâu-chhù」。新厝仔地号名本組丸那注「桃園新屋」。
|
行政地名
日本体制新屋庄 ⇄ 中華体制新屋區
相關个詞
*Khàm-thâu-chhù
Tōa-hn̂g-á |
|
GÍ-SÛ
Kòe-khe
Kòe-khe- Kè-khoe Kè-khoe- |
語詞
過溪
ⒸⒸ
檜溪
ⓀⒸ
親成漢字
過溪 |
|
眞四常个地名。台灣南・中・北朗有。請看《台地典》360 葉。閣有「Kòe-khe-á、Kè-khoe-á」云云。漢字寫做『過溪』恰多。干礁桃園大園仔「Kòe-khe-á」甲桃園市內「Tōa Kòe-khe」「Sió Kòe-khe」寫做『檜溪～』。《堡圖》丸那寫按呢。《台地典》（79）注講『昔亦作「大過溪」』。
大園仔檜溪仔離桃園市內大・小檜溪十外公里有。
|
|
GÍ-SÛ
Tōa-hn̂g-á
|
語詞
大園仔
ⒸⒸⓉ
親成漢字
大園Ｘ |
|
早名「大坵園」。官方名一九二〇年換做『大園』（おおその）。在地人現此時講「Tōa-hn̂g-á」「Tōa-hûiⁿ-á」。「Tōa-hn̂g-、Tōa-hûiⁿ-」是共日語借个。請看葉高華〈1920 年地名大變革〉。全羅《教會報》有 12 篇寫「Tōa-hn̂g」、自一九三二年。一九三三年有 1 篇寫着新竹州个只个「Tōa-khu-hn̂g」。
傳統在地音「Tōa-hûiⁿ-á」。二〇一〇年代在地个中年人有个講「Tōa-hn̂g-á」（私下請教）。
|
地名・水名
日本体制『大園』庄 ⇄ 中華体制『大園』區
相關个詞
Tōa-khu-hn̂g
|
|
GÍ-SÛ
Ku-soaⁿ
|
語詞
龜山
ⒸⒸ
亀山
ⓒⒸ
親成漢字
龜山龜～ |
|
桃園地名、日語借詞、詞原『龜山』（かめやま、新字体 "亀山"）。早名「*Ku-lūn-téng」、《堡圖》記做『亀崙頂』。請看葉高華（1920）。
|
行政地名
日本体制龜山庄 ⇄ 中華体制龜山區
相關个詞
Ku-soaⁿ (宜蘭)
|
|
GÍ-SÛ
*Khàm-thâu-chhù
|
語詞
崁頭厝
ⓉⒸⓉ
崁頭屋
ⓉⒸⒽ
親成漢字
Ｘ頭Ｘ |
|
《台地典》（274）有收『崁頭厝』（桃園新屋、彰化竹塘、雲林古坑）、注音「Khàm-thâu-chhù」、閣注講『新屋鄉的客家人稱之 [KHÁM-THÈU-VUK]』。閣有『崁頭屋』、注音「Khàm-thâu-chhù」（台）『KHÁM-THÈU-VUK』（客、頭節上上、～第二調）、注講『閩系人習慣上不稱 Khàm-thâu-ok』。全羅《教會報》有寫着「Khàm-thâu-chhù」、是塊講雲林古坑坎頭厝、『sin tē-miâ kiò Éng-kong』（～永光）。「*Khàm-thâu-ok」「*Thâu-chhù」「*Thâu-ok」不八寫。
那苗栗个崁頭厝、《堡圖》有記『崁頭屋』『～庄』、注音『カン タウ ツウ』、和老語。〈前後山輿圖〉有記『崁頭厝』。官方名一九二〇年換做『頭屋』。
|
行政地名
日本体制『頭屋』庄 ⇄ 中華体制『頭屋』鄉
相關个詞
Sin-chhù-á
Sin-ok |
|
GÍ-SÛ
Tōa-kho͘-hām
*Tōa-ko͘-hām |
語詞
大嵙崁
⭕
㊟
大嵙嵌
大科崁
㊟
大科嵌
大科陷
大科咸
ⓀⓀⓀ
大姑崁
㊟
大姑嵌
大姑陷
ⓀⓀⓀ
親成漢字
㊟ |
|
古早溪名兼桃園地号名。照廖忠俊（2008、初版）、詞原是先住民語溪名『TAKOHAM』。『TAKOHAM』上早譯做『大姑陷』、後來雅化做『大姑嵌』（～崁）。那竪治口語來講、『TAKOHAM』上早應該是音譯做口語「**Ta-ko͘-ham」（聲調先無論）。「**Ta-ko͘-ham」寫做『大姑陷』、『大姑陷』即生字面音「*Tōa-ko͘-hām」。路尾『大科崁』『大嵙崁』閣生「Tōa-kho͘-hām」「*Tōa-kho͘-khàm」。
注意、廖忠俊（2008、初版）寫講一八六五年『月眉人士李騰芳「科」中舉人，將「姑」字易為「科」，稱為「大科崁」』。一八八六年『劉銘傳大力開「山」撫番，乃書寫為「大嵙崁」；之後，漸成官方正式稱名』。對此咱有堯疑。韋煙灶〈客、閩族群對河流通名之用法差異〉寫講『或謂月眉李騰芳中舉人而改為「嵙」，但既是慶賀中舉而將「姑」雅化，為何不直接用「科」字更貼切？實際上「嵙」是來自詔安客慣用的地名詞，為「坑谷」之意』『而大嵙崁（今桃園大溪）月眉舉人李騰芳的祖籍就是漳州府詔安縣二都秀篆青龍山（今詔安縣秀篆鎮青龍山村），是屬於客家語區』。通知『嵙』治者眞有可能主要是借音字。請看「窠、嵙」（字）甲「Chia̍h-chúi-kho」。
全羅《教會報》有 26 篇寫「Tōa-kho͘-hām」、自十九世紀尾。1 篇（統計表）寫「Tōa-kho͘-khàm」。0 篇寫「*Tōa-ko͘-hām」。《堡圖》記『大嵙崁街』、記音『トア コー カン ～』。閣有『大嵙崁溪』。《地輿總圖》甲〈前後山輿圖〉有記『大姑崁』。歌仔册有一半本仔寫『大科咸』。
〈乾隆輿圖〉有記『大溪墘溪』。洪英聖（62）注講『可能是⋯⋯新屋鄕社子溪流經楊梅、平鎭老街溪一帶』。閣有『大溪墘店』。洪英聖注『桃園縣大溪鎭，清晚期發展爲國內外貿易港鎭』。咱對此有堯疑。
大嵙崁溪（大科陷溪）中華名「大漢溪」（Tāi-、中語借詞）。只个名是植民政權一九六六年制定个。
|
相關个詞
Chia̍h-chúi-kho
tōa kho͘
相關个字
窠、嵙
科 陷 咸 含 崁 |
|
GÍ-SÛ
Tāi-khe
Tāi-khoe *Tōa-khe *Tōa-khoe |
語詞
大溪
ⒸⒸ
親成漢字
大溪 |
|
早名「Tōa-kho͘-hām」（請看）。全羅《教會報》自一九二三年着有寫「Tōa-khe、Tōa-khoe」。一九三五年尾擺寫「Tōa-kho͘-hām」。干礁 5 篇寫「Tāi-khe、Tāi-khoe」、頭擺一九五五年。
|
行政地名
日本体制大溪街 ⇄ 中華体制大溪區
相關个詞
Tōa-kho͘-hām
相關个字
溪
|
|
GÍ-SÛ
lô͘-tek
Lô͘-tek |
語詞
蘆竹
⭕
ⒸⒸ
路竹
ⓀⒸ
芦竹
⭕
ⓒⒸ
親成漢字
蘆竹 |
|
學名 Arundo donax（台物錄・GBIF・KPLANT、EMBREE Arundo colectricha → coleotricha）。《台日》《台日新》《台植彚》漢字寫『蘆竹』。《台日》夭有收「lô͘-te̍k」、仝意思、寫做『蘆荻』。《台稻彚》有收「lô͘-tek-chu̍t」、四角字『爐竹朮』。閣有「lō͘-tek-hoe chu̍t」、四角字『路竹花朮』。歌仔册有寫『路竹』『露～』Ⓚ『盧～』Ⓚ。「蘆」字照講是親漢字。有關桃園「Lô͘-tek」、請看上下脚。
廣東語講『蘆竹』（LOU⁴ ZUK¹）。中國語講『芦荻』（蘆～、LÚDÍ）『芦竹』（蘆～、LÚZHÚ）。日語有講『暖竹』（だんちく）。
「Lô͘-tek」「lô͘-tek-á」「lô͘-tek-chháu」个範詞、EMBREE 注講是「phō」、無注「ki」。
雲林土庫「蘆竹塘」《台地典》（422）注講是『客系台語地名』、『舊資料多誤寫成「爐竹塘」』。
古早桃園蘆竹地号名「蘆竹厝」『方志上最早出現於《淡水廳志》，地名源於拓墾之初，此地為禾本科植物「蘆（葦）竹」茂生之處，居民於此建「厝」成莊，故稱』（廖忠俊 2008）。植民官厛一九二〇年設「蘆竹庄」（仝）。地名「Lô͘-tek」《教會報》一九三四年頭擺寫。「Lô͘-tek-chhù」不八寫着。日本体制蘆竹庄下底有大字「蘆竹」（～不是 "*蘆竹厝"）。
|
地名・水名
台南後壁蘆竹潭ᵀ
台南北門蘆竹溝ᵀ 雲林大埤蘆竹角ᴴ 雲林土庫蘆竹塘ᵀ ㊟ 彰化竹塘內蘆竹塘 ㊠ 台中烏日蘆竹湳ᵀ 台中大甲蘆竹仔ᵀ 台中大安蘆竹湳ᵀ 新竹市內蘆竹圍ᵀ 新竹市內蘆竹湳ᵀ 桃園蘆竹蘆竹厝ᵀ ㊟ 台北新店蘆竹濫ᵀ 台北市內蘆竹脚街ᵀ
行政地名
日本体制蘆竹庄 ⇄ 中華体制蘆竹區
相關个詞
Lāi Lô͘-tek-tn̂g
hô͘-lô͘ Pòaⁿ-lō͘-tek
相關个字
蘆、芦
|
|
GÍ-SÛ
Koân-soaⁿ-kha
|
語詞
㊟
親成漢字
Ｘ山Ｘ |
|
桃園平鎭地名、客語「KÂU-SÂN-HÂ」（高山下）。《台地典》285 注「Koâiⁿ-soaⁿ-kha」「Koân-」二个音。「高山下」照講是客文、台文會寫「*高山脚」ⒽⒸⒽ。不知咁正實有人按呢寫。
|
相關个詞
koân... (高)
相關个字
脚
|
|
GÍ-SÛ
Chhiah-khàm
|
語詞
赤崁
⭕
ⒸⓉ
赤嵌
親成漢字
赤Ｘ |
|
照《台地典》（199、200）、中壢甲高雄大寮个「Chhiah-khàm」『意「紅棕色的崖」』、不閣台南市內甲高雄梓官个「Chhiah-khàm」『意「漁港」。係西拉雅平埔族社名的閩系台語譯音，荷蘭人譯作 SACCAM』。照講全台灣个「赤崁」朗是『紅棕色的崖』即着。只个地号名甲廣東語『紅磡』（HUNG⁴ HAM³）眞對同。有關『～嵌』、請看「崁」（字）。
有關恒春「赤崁」、地名服務網注講『係指龍鑾潭西岸的條狀小丘，小丘雖低矮但較北、東、西三面均高，表面覆蓋紅土層，臨龍鑾潭之東側昔有明顯之落差，故稱赤崁』。
有關澎湖西嶼「赤崁仔」、地名服務網注講『因濱臨海岸高地，當地居民稱為赤崁仔。村民認為可能當地土石呈暗褐色而得名』。
有關澎湖白沙「赤崁仔頭」、地名服務網注講『名稱的由來是由於「崁仔頭」位於山崖的頭端，而山的地質是赤褐色的』。
|
地名・水名
澎湖西嶼赤崁仔ᴴ ㊟
澎湖白沙赤崁仔頭ᴴ ㊟ 埔里 赤崁頂ᴴ 埔里 赤崁腳ᴴ
相關个詞
khàm ("poa̍h lo̍h ~")
Lâm-khàm
相關个字
崁
|
|
GÍ-SÛ
chhiū-nâ-á
Chhiū-nâ-á |
語詞
樹林仔
⭕
ⒸⒽⓉ
親成漢字
樹ＸＸ |
|
普通名詞兼地号名。
台北樹林仔漢文名在來寫做『樹林』。《堡圖》記『樹林』。《台地典》共伊收做『樹林（Chhiū-nâ）』、注『俗稱「樹林仔」』。
|
地名・水名
新竹市內樹林仔ᵀ
新竹香山樹林仔腳ᵀ 桃園觀音樹林仔ᵀ 台北 樹林仔ᴾᵀ ㊟
行政地名
中華体制『樹林』區・鶯歌區 ⇄ 日本体制鶯歌街
相關个詞
chhiū-nâ
相關个字
脚
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！