|
GÍ-SÛ
Hong-oán
|
語詞
芳苑
親成漢字
芳苑 |
|
中華行政地名、對應日本体制「沙山」（Soa-san）。早名「Hoan-oah」（番挖）。
听講「芳苑」是大清時代一位讀册人洪算諒所号个名、亞是因兜厝宅个名（李筱峰・彰化地名的故事）。咁有影是按呢、咱即閣探听。
|
行政地名
中華体制芳苑鄉 ⇄ 日本体制沙山庄
相關个詞
Hoan-oah
Soa-san... |
|
GÍ-SÛ
Ông-keng
|
語詞
王功
ⒸⒼ
王宮
Ⓒⓒ
～宫 ⒸⒸ
親成漢字
王宫 |
|
《堡圖》有記『王功』『～庄』。〈前後山輿圖〉有記『王宫港』、海中閣記『王宫〓』、尾字看袂清。
|
相關个詞
Ke-lâng...
Má-keng
相關个字
功
|
|
GÍ-SÛ
chhim-kheⁿ
Chhim-kheⁿ |
語詞
深坑
⭕
ⒸⒸ
親成漢字
深坑 |
|
論連劃、地号名先無論、傳統台羅字寫『chhim-kheⁿ』『chhim-khiⁿ』、罕得干礁籠縫。
那台北地名、請看「Chhim-kheⁿ-á」。
|
行政地名
日本体制深坑庄 ⇄ 中華体制深坑區・文山區
相關个詞
Chhim-kheⁿ-á
|
|
GÍ-SÛ
Lāi Lô͘-tek-tn̂g
|
語詞
內蘆竹塘
ⒽⒸⒸ㊟
親成漢字
裏蘆竹㊟ |
|
照廖忠俊（2008）、只个所在原底是『多蘆「竹」叢生之沼澤水「塘」，故得稱』。不閣請看「-tn̂g」「tî-tn̂g」。『由於「外口」西北方今二林鎮外竹里舊名「外蘆竹塘」，故對稱「內底」此地為「內蘆竹塘」，以資區分』（廖忠俊 2008）。官方一九二〇年設「竹塘庄」。只个行政地名个詞原着是「內蘆竹塘」尾二字。
《教會報》一九三二年頭擺寫「Tek-tn̂g」。全羅《教會報》有幾落篇寫「Tek-tông」。一九三二年有 1 篇寫「Lô͘-tek-tn̂g」。
|
行政地名
日本体制竹塘庄 ⇄ 中華体制竹塘鄉
相關个詞
-tn̂g ("Hiong-san-")
tî-tn̂g lô͘-tek
相關个字
塘
|
|
GÍ-SÛ
Tāi-kah
|
語詞
大甲
ⓀⓀ
親成漢字
ＸＸ |
|
台中地名兼水名。《堡圖》有記『大甲街』『大甲溪』。〈前後山輿圖〉有記『大甲溪』、注講大甲溪是彰化縣甲新竹縣个隔界。
荷蘭語文献所講个『TACKAWARRE』着是大甲彼搭。請看翁・曹（2016、172 葉）。「Tāi-kah」甲『TACKA-』凡世含近代族名「斗葛」（*Táu-kat、請看）仝原。
|
地名・水名
台中外埔大甲東ᵀ
行政地名
日本体制大甲街 ⇄ 中華体制大甲區
相關个詞
*Táu-kat
|
|
GÍ-SÛ
Éng-chēng
|
語詞
永靖
ⒸⒸ
親成漢字
永靖 |
|
早名「Koan-tè-thiaⁿ」、一八一三年『蒙縣主楊桂森賜予永靖嘉名』（廖忠俊 2008・198 葉、引古早契字）。《彰化縣志》有寫着「永靖街」（廖忠俊 2008・198 葉）。《堡圖》有記『永靖』『関帝廳』『關帝廳庄』。全羅《教會報》有 2 篇寫「Koan-tè-thiaⁿ」、治一九〇〇年。一九四一年即頭擺寫「Éng-chēng」。
|
行政地名
日本体制永靖庄 ⇄ 中華体制永靖鄉
|
|
GÍ-SÛ
Tōa-tun
|
語詞
大墩
ⒸⒸ
～墎
大屯
親成漢字
大墩 |
|
台中个古早名。請看「Tang Tōa-tun」甲「Sai-tūn」。歌仔册八寫『大墩就是此臺中』（黃塗・最新週遊歌）『火車一時到大墩』（黃塗・嘉義歌）『店著臺中西大屯』（瑞成・臺灣名勝仙洞遊歷褒歌）『大屯連後改臺中』（捷發・最新戱情相褒歌）。現此時台中南屯有『大墩路』『大墩七街』云云。
|
地名・水名
台中市內東大墩 ㊠
台中西屯西大墩 ㊠
相關个詞
Sai-tūn
Tang Tōa-tun Tāi-tūn-soaⁿ |
|
GÍ-SÛ
Tek-tn̂g
*Tek-tông |
語詞
竹塘
親成漢字
竹㊟ |
|
請看「Lāi Lô͘-tek-tn̂g」。只字『塘』介成是親漢字。
|
行政地名
日本体制竹塘庄 ⇄ 中華体制竹塘鄉
相關个詞
Lāi Lô͘-tek-tn̂g
-tn̂g ("Hiong-san-")
相關个字
塘
|
|
GÍ-SÛ
Sai Tōa-tun
|
語詞
西大墩
ⒸⒸⒸ
親成漢字
西大墩 |
|
台中西屯（Sai-tūn）个早名。《堡圖》有記『西大墩』『～街』、「西」字注音『サイ』。請看「Tang Tōa-tun」。
|
相關个詞
Tang Tōa-tun
-tun (墩) Sai-tūn |
|
GÍ-SÛ
Tōa-tō͘
|
語詞
大肚
ⓀⓀ
親成漢字
ＸＸ |
|
台中地号名兼水名、詞源先住民語社名、荷蘭語文献記錄做『TATUTURO』（bit.ly/3HOHlBq、畫說康熙 88）。「Tōa-tō͘」前節打算是字面音。無定後節嗎是。請看「Tōa-tu̍t-」。〈乾隆輿圖〉有記『南大肚社』『北大肚社』『大肚溪』。中華体制大肚區大肚里彼搭、〈乾隆輿圖〉注『街』（畫說 94）。〈康熙輿圖〉有記『大肚社』（無畫草厝）『南～』『中～』『北～』甲『大肚溪』、「溪」字字劃相粘。
|
行政地名
日本体制大肚庄 ⇄ 中華体制大肚區
相關个詞
Tōa-tu̍t-
|
|
GÍ-SÛ
Chheng-chúi
*Chheng-súi |
語詞
清水
ⒸⒸ
親成漢字
清水 |
|
台中地名。早名「Gû-mā-thâu」（牛罵頭）。官方名一九二〇年改做「清水」（きよみず）。「清水」根底上是日語地名。請讀葉高華〈1920 年地名大變革〉。全羅《教會報》寫「Chheng-chúi」、干礁 1 篇寫「Chheng-súi」。
|
相關个詞
Chheng-chúi (字姓)
|
|
GÍ-SÛ
Tōa-tu̍t-
|
語詞
大突
ⓀⓀ
親成漢字
ＸＸ |
|
詞底「大突社」。減彩含荷蘭文文献『TATUTURO』甲台中「Tōa-tō͘」相關。《堡圖》有記『大突𦼔』『大突頭』『大突尾』（地名服務網）。《台地典》（68）注講『大突社屬洪雅平埔族之一番社』。〈康熙輿圖〉所記个『大肚社』減彩治大里大突寮彼搭。《畫說》（88）「大肚社」彼條注講『在大里市大里溪邊有一處名爲大突寮，昔日稱大肚寮，昔日有公車站牌，又附近有番仔寮地名，是否有關，需再考證』。
|
地名・水名
彰化二林大突陳
彰化溪湖大突頭 彰化溪湖大突尾 台中大里大突寮 台中清水大突寮
相關个詞
Tōa-tō͘
|
|
GÍ-SÛ
Sin-kóng
*Sîn-kóng |
語詞
神岡
ⓗ
神崗
Ⓖ
新廣
ⓀⓀ
親成漢字
㊟ |
|
台中地名、詞原客語『SHṲ̀N-KÔNG』（神崗、四縣音 SṲ̀N-、東勢音 SHÌN-）。彼冬時有一陣人對唐山廣東蕉嶺（*Chiau-niá、TSÊU-LIÂNG、TSIÂU-LIÂNG）个『神崗』過台灣治只个所在開墾。只个地名是按呢來（台灣地名事典）。中國廣東現此時有一个『梅州市蕉岭县长潭镇神岗村』、大概着是。按呢台語「Sîn-kóng」是口語客語借詞、雖然無合四縣音『SṲ̀N-KÔNG』。神岡地區个客語腔口史、咱即閣探討。《堡圖》注『神崗庄』。〈乾隆輿圖〉簡那無記相關地号名。《中教部閩南典》「Sîn-kóng、神廣」收做「舊地名」。
只个地号名到今罕得寫做羅字。全羅《教會報》有 3 篇寫「Sîn-kóng」、自一九三五年。有 1 篇寫「Sin-kóng」、一九六三年。有 2 篇寫「Sîn-kong」、一九一三年甲一九六五。那在地音、「*Sin-」「*Sîn-」仝音。現此時中部海線（～中部 *Sin-・*Sîn- 有分个腔口）朗講「Sin-kóng」（許嘉勇、私下請教）。請看「Bî-long」。
包含台中市府个網站、眞多資料寫講只个地名八寫做『新廣』。地名服務網注講『「新廣」莊名，見於道光 12 年（1832）周璽纂修《彰化縣志・規制志》貓霧捒東西上下堡中。鄉名之由來，與廣東省嘉應州鎮平縣「神岡社」移民之入墾有密切關係，是以家鄉地名轉用而來。清朝時期，岸裡大社荒埔之開墾，得力於客籍通事張達京，所以初闢之時，來墾者多客籍移民。神岡一帶荒埔之最早入墾者，可能以廣東省嘉應州鎮平縣神岡社移民為主體，其所建村莊稱「神岡莊」，彰化縣志取其諧音作「新廣莊」。是否以廣東省人新建之村莊，故稱「新廣莊」，缺乏資料佐證。地方盛傳的另一個說法，則是在漳泉械鬥發生之際，粵人聚集於此，能保安全，係今神岡路 16 號八仙寺李仙祖之指示，亦即「神」所「講」的，由「神講」（SINKON）而取其諧音為「神岡」』。
台史數位舘所收个契字、一八七〇年有一張寫『彰属新廣庒街』。後來个神岡彼拵有影屬彰化縣。『*神廣』超無。
今『神崗』是漢文兼客文。廣東蕉嶺『神崗』彼二字咁是親成漢字、咱無把握、即閣探討。台中『神崗』官方名一九二〇年換做『神岡』（かみおか）、彼根底上是日語、不閣台語無去乎『神岡』二字牽去。「Sîn-kóng」是口語客語借詞、無日語元素。請讀葉高華〈1920 年地名大變革〉。論書寫、『新廣』即是正台文、不閣只馬神岡人慣勢綴日・中官方寫『神岡』。「神」字「岡」字雖然聲調無合「Sin-kóng」、不閣台灣假名生成無一定「着調」。自按呢、本組先綴日・中時代个約束寫『神岡』。
|
行政地名
日本体制『神岡』庄 ⇄ 中華体制『神岡』區
相關个詞
Bî-long
相關个字
岡、崗
|
|
GÍ-SÛ
Láu-long
|
語詞
荖濃
ⓀⓀ
親成漢字
ＸＸ |
|
台中州・高雄州溪名。《堡圖》有記『荖濃溪』『荖濃庄』『下荖濃』『上荖濃』、「上」字注音『シヤン』。
|
地名・水名
高雄六龜頂～ᴴ
高雄六龜下～ᴴ
相關个字
濃
|
|
GÍ-SÛ
Jī-pat-chúi
|
語詞
二八水
ⒸⒸⒸ
親成漢字
二八水 |
|
二水个古早名。《堡圖》有記『二八水』『～庄』。《臺灣汛塘望寮圖》有記『二八水塘』。地号名「Jī-pat-chúi」个詞原照講是水名「二八水圳」。『二八水圳大約興築於康熙五十八到六十年之間（1719-1721），是兩條重要水利設施的聯絡水圳，穿過清代二水的過圳庄（今天合和、上豐、過圳、五伯、光化、光文、二水等村），也就是從二水的集集線火車車庫，流經文化村、二水街、光化村到員集路的二八水橋，不過目前已經看不到完整的水圳。這條水圳正好是二水的中心，也是昔日二八水庄的範圍，⋯⋯』（張素玢・文獻蒐集與地方史志研究：以彰化二水鄕爲例、請看）。
歷史記述以外、全羅《教會報》一九二〇年以後無閣寫「Jī-pat-chúi」。一九二〇年進前嗎不八寫「Jī-chúi」。一九三四〇年代有幾那篇寫「Jī-súi」。
|
行政地名
日本体制二水庄 ⇄ 中華体制二水鄉
|
|
GÍ-SÛ
Tiong-lâm-pō͘
*Tiong-Lâm-pō͘ tiong-lâm-pō͘ Tiong Lâm-pō͘ tiong lâm-pō͘ Tiong, Lâm-pō͘ tiong, lâm-pō͘ |
語詞
中南部
ⒸⒸⒸ
親成漢字
中南部 |
|
對應日本体制高雄州・台南州・台中州。眞有可能是中語借詞。全羅《教會報》八寫『Tiong-lâm-pō͘』『tiong-lâm-pō͘』『tiong lâm-pō͘』『Tiong lâm-pō͘』『Tiong Lâm-pō͘』『Tiong, Lâm-pō͘』『tiong, lâm-pō͘』、朗是塊講台灣中南部。寫『*Tiong-Lâm-pō͘』簡那上合理、不閣台文界在來無愛店大本字頭前揷連劃。請看「choân Lô」云云、閣有「Tiuⁿ Kán」。『Tiong-lâm-pō͘』『tiong-lâm-pō͘』凡世是相對恰主流个寫法、不閣「中南部」甲「東南亞」無仝詞理、不是「中南」鬥「部」、是中部鬥南部。寫做『Tiong, Lâm-pō͘』凡世恰有理。總是「台澎黨」寫做『*Tâi, Phêⁿ-tóng』那像無自然。
越南『TRUNG NAM BỘ』（中南部）不是中部鬥南部、是幾那个半中半南个省。
|
相關个詞
choân Lô
Seng Má Tâi Phêⁿ Tiuⁿ Kán Lîm-kí-po͘ Tang-lâm A Sìn Bōng Ài |
|
GÍ-SÛ
Îⁿ-nâ-á
|
語詞
員林仔
ⒸⒽⓉ
圓籃仔
ⒸⓀⓉ
親成漢字
員ＸＸ圓ＸＸ |
|
『意「圓形狀樹林」』、甲地号名「Îⁿ-nâ」「Îⁿ-chhiū-nâ」仝意思（台地典 272）。彰化員林（Oân-lîm、請看）早名「Îⁿ-nâ-á」（員林仔）。嘉義市內嗎有一个所在号做「Îⁿ-nâ-á」（員林仔・圓籃仔、台地典 272・358）。
|
地名・水名
台中大雅員林仔埔ᴴ
相關个詞
îⁿ (圓、員)
chhiū-nâ Oân-lîm |
|
GÍ-SÛ
Tang-chio̍h
|
語詞
東石
親成漢字
㊟ |
|
唐山泉州地名。對只个地号名个詞底、咱無把握。NEWTON.COM.TW《中文百科》寫講『歷史悠久的東石古寨，位於龍江澳（東石港）北岸，鎮區西隅，古稱 "畲家寨"，是漢武帝建武年間（25—27）閩中畲家族南遷的酋長住地。五胡亂華時，河南洛陽林尚書（諱開基，號西山），避兵禍帶了一批族人，從水路沿海南下居於寨之東，"東石" 地名即由此而生，"畲家寨" 也即改稱 "東石寨"。隋開皇元年（581），隋文帝遣使開發夷州（台灣）派兵駐紮。《西山雜誌》稱此為泉南戍兵之始』。此不知咁完全正確、夭『居於寨之東』不知含「石」有省關係。即閣探討・請教。不閣「石」字治者照講不是假名。
|
地名・水名
澎湖湖西東石ᴴ
嘉義東石 (～港 ㊠) 彰化鹿港東石ᴴ
相關个詞
Tang-chio̍h-káng
|
|
GÍ-SÛ
Po͘-lí-siā
|
語詞
埔里社
埔裡社
埔裏社
親成漢字
㊟ |
|
埔里个古早名。《教會報》一九二〇年進前干礁寫着「Po͘-lí-siā」、無寫着「*Po͘-lí」。《堡圖》記『埔里社』『～街』。〈前後山輿圖〉記『埔裡社』甲『大莆城』。官方漢名一九二〇年換做「埔里」。一八〇四年《東槎紀略》有寫着『埔裏社』。有關『埔裏社』、廖忠俊（2009）無講着閣恰早个記載。對「Po͘-lí-siā」个詞原、咱無把握。即閣探討。
論連劃、當代个台羅字寫『Po͘-lí-siā』、罕得寫『Po͘-lí siā』个欵（DADWT、教會報）。
|
行政地名
日本体制埔里街 ⇄ 中華体制埔里鎭
相關个詞
-po͘ (埔)
|
|
GÍ-SÛ
Sūi-hūi
*Sūi-sūi |
語詞
瑞穗
ⒸⒸ
親成漢字
瑞穗 |
|
台中地名。豐原个別名、現此時用治『瑞穗』國民小學云云。對《日本書紀》一句『豐葦原千五百秋瑞穗國』來。在地人講「Sūi-hūi」。「-Hūi」是咀音、將「穗」字讀做含「惠」字仝音。請讀潘科元（2015）〈瑞穗台語唸做瑞惠？符合台語唸做付合？〉。
|
相關个詞
Sūi-hūi... (花蓮)
相關个字
惠 (hūi)
|
|
GÍ-SÛ
Saⁿ-kak-éng
|
語詞
三角湧
Ⓒ㊟㊟
三角泳
Ⓒ㊟Ⓣ
親成漢字
三ＸＸ |
|
台北三峽个古早名。許嘉勇先生（講臺語踅剝皮寮：從語言看臺灣的文化傳統）寫講『三峽舊稱「三角湧」，乾隆 38 年(1773)的契書記為「土名三角躅(tsiok)」。地名一說源自其地位處大嵙崁溪(大漢溪)、三角湧溪(三峽溪)、橫溪三溪匯合之沖積平原上，「躅」為住足不前之
意，「湧」則為溪水騰溢之狀;蓋閩南語本有【合港 kap-káng】一詞，其意即是「溪流匯聚」，杜建坊認為「三角」係【相合 sann-kap】語流音變後之音位變體，「三角湧」應作【相合湧 sann-kap-íng】，為一數溪匯聚水勢湍急之處，日本時代初期的歌仔冊就曾出現 「三甲永(sann-kap-íng)」的字句。從日本時代的《臺灣堡圖》觀之，橫溪與三角湧其實有段距離，「三角湧」應解釋為「大嵙崁溪」與「三角湧溪」兩溪【合港】之處，本為【相合湧 sann-kap-íng】，後因音變而作【三角湧 sann-kak-íng】。 大正九年(1920)，日人再將「三角湧」改為與日語發音相近之漢字「三峽(さんき ょう)」。 』
一九〇四年个《堡圖》寫「三角湧庄」。〈前後山輿圖〉記「三角湧街」。《臺省民主歌》寫「三角永」甲「三甲永」。黃塗活版所《最近週遊歌》有寫『火車起行如雷轟 鶯歌石驛又宿停 對面就是三角湧 出有鶯歌對大鵬』。客語《姜紹祖抗日歌》無仝板本有寫「三洽湧」「三角湧」（黃筱婷 2010《〈姜紹祖抗日歌〉研究》）。《教會報》專寫「Saⁿ-kak-éng」、不八寫「-kap-」、不閣一九一〇年進前干礁出現 1 擺。
台南新化街仔恰早有一个路口号做「三角湧」「三角湧仔」。照講過去着是按呢寫个。台中大雅大榮公園邊仔彼條排水溝華文号做『三角泳支線』。請參考〈大雅鄉區域排水現況圖〉亞是《埧雅報》趙世正〈飲水思（源）……大雅地理暨水文〉（https://bit.ly/2HM1oUy）。《堡圖》無注相關个地名、干礁注「埧雅（パ アー、Pà-á）街」。
「湧」無的確是「-éng」个親成漢字。請看「hái-éng」。
|
相關个詞
hái-éng
saⁿ-kap Saⁿ-kap-chúi |
|
GÍ-SÛ
Ka-tang-kha
|
語詞
茄苳脚
ⓉⓉⒽ
加冬脚
ⓀⓀⒽ
親成漢字
ＸＸＸ |
|
大衆地号名。請看《台地典》265 葉。屏東佳冬早名「Ka-tang-kha」。彰化花壇早名「Ka-tang-kha」。捷發《百草問答相褒歌》有寫『花壇舊號加冬脚』。
屏東佳冬、《堡圖》甲一九〇七年〈臺灣郵便線路圖〉寫「茄苳脚」。一九三五年〈高雄全州景勝交通鳥瞰圖〉（高市文化局 2005）寫「佳冬」。〈乾隆輿圖〉有記『加冬脚庄』（畫說乾隆 179、「脚」字用『𨚫』無用『却』）甲『下加冬脚庄』（畫說乾隆 171）、不閣位置甲現代屏東佳冬無一致。
|
相關个詞
ka-tang (Ka-tang)
Hoe-tôaⁿ |
|
GÍ-SÛ
Soa-san
Sa-san *Soa-soaⁿ |
語詞
沙山
ⒸⒸ
親成漢字
沙山砂～ |
|
二十世紀中部地名、早名「Hoan-oah」（番挖）、一九二〇年至四六年号做「沙山」。《台地典》（200）記音「Soa-san」、注『台語化日式地名。日語通常使用「砂」字』『意「風沙積成的山」。實爲沙丘。係自 1920 年到 1945 年之間使用的日式地名。日語讀 SUNAYAMA』。葉高華〈1920 年地名大變革〉寫講「沙山」（SUNAYAMA）『與既有地名毫無淵源，完全是新創的日式地名』。一九四六年《教會報》695 号〈Kàu-hōe Siau-sit〉寫講『Tī Tâi-tiong koān ê sai-lâm kak ê hái-hoāⁿ ū Hong-oán. Khah-chá kiò-chò Hoan-oah, Ji̍t-pún sî-tāi chiàu tē-lí miâ chò Soa-san, kong-ho̍k āu kái miâ kiò Hong-oán』。
全羅《教會報》有 53 篇寫「Soa-san」（1921-1957）・17 篇寫「Sa-san」（1923-1939）・4 篇寫「Soa-soaⁿ」（1920-1924）・0 篇寫着「*Soa-sòaⁿ」。
翁佳音先生（2015、公開个面冊）寫講『番仔挖在日本時代曾改過名，改成「沙山」，不要望文生「山川陵夷」義，以為沙堆、沙崙之類。沙山要講作 soa-sòann，老番同時代或稍長的彰化人應該還記得。用漢字寫，是「沙汕」。中南部沿岸鄉鎮有「山（汕）」的地名不少，你常可看到「山頭」、「山腳」站牌，卻看不到山，那是汕頭、汕尾，沙洲的頭與尾。由名，可回想當地曾經沙洲淺灘與小海灣』。
|
行政地名
日本体制沙山庄 ⇄ 中華体制芳苑鄉
相關个詞
Hong-oán
Hoan-oah
相關个字
沙、砂
|
|
GÍ-SÛ
Chu-á-soaⁿ
|
語詞
珠仔山
ⒸⓉⒸ
㊟
親成漢字
珠Ｘ山 |
|
埔里地名。《堡圖》有記『珠仔山』『～庄』。
日月潭水中央个島、THAU 語名『LALU』、中華黨國名『光華島』。《堡圖》記『咮仔山』。〈前後山輿圖〉記『珠仔山（公舘）』、「舘」字字形即閣確定。
|
相關个詞
chu-á
|
|
GÍ-SÛ
Pak-tâu
|
語詞
北投
ⒸⓀ
親成漢字
北Ｘ |
|
南投草屯地号名。《堡圖》有記『北投新街』『～舊街』『北投埔庄』甲行政地名『北投堡』。有關北投埔、地名服務網注講『北投埔地名有二義；其一址在碧峰里東北部，草屯街區西南 1.7 公里附近，與月眉厝隔溪洲埤排水溝為界。其二指日治時期的大字』。
宜蘭羅東地号名、『係南投縣草屯鎭的洪雅平埔族北投社人之移居地，故得名』（台地典 155）。有關「Pak-tâu」个詞底、請看「Lâm-tâu」。
|
地名・水名
南投草屯北投埔ᴾᵀᴴ ㊟
南投草屯北投街ᵀᴴ 南投草屯北投新街ᴾᵀ 南投草屯北投舊街ᴾᵀ
相關个詞
Lâm-tâu
Pak-tâu (台北) |
|
GÍ-SÛ
Lo̍k-tin
|
語詞
洛津
ⒸⒸ
親成漢字
洛津 |
|
鹿港个一个別名。鹿港有一間「洛津」國民小學。只个名是黨國時代一九五三年号个（彰化縣洛津國小全球資訊網）。
|
相關个字
津
|
|
GÍ-SÛ
Soa-lak
|
語詞
沙鹿
沙轆
ⓀⓀ
沙漉
親成漢字
ＸＸ |
|
漢文『沙鹿』（寫法）是官方一九二〇年按『沙轆』改个。台史數位舘所收・大清時代个契字大多數寫『沙轆』。十九世紀有一張寫『沙漉』。請看動詞「lak」。永拵簡那閣有『柵落』ⓀⓀ『徙落』ⓀⓀ 者个寫法。歐州語文介成八寫『SALAK』『SALACK』。此愛閣確証。無定台語上早嗎是講 *Sa-lak、寫做『沙轆』以後即産生「Soa-」只个音。
「轆」字是第四調 l + ak 只个音个指定卡那。
|
相關个詞
lak ("~ tī thô͘-kha")
Lak-lak
相關个字
轆、鹿 (lo̍k)
六 沙 柵 |
|
GÍ-SÛ
Pó-táu
|
語詞
北斗
㊟
寶斗
ⓀⓀ
親成漢字
ＸＸ |
|
《堡圖》寫『北斗街』『北斗庄』。〈前後山輿圖〉干礁記『東螺』个欵。LEGENDRE 一八七〇年个台灣地圖有記『宝斗仔』（"POTAO OR TOWPANHA"）。『北斗』卜講是台文、有恰勉强。不閣『寶斗』簡那罕得有人寫。金益銀樓『寶斗銀樓媽祖』是例外。全羅《教會報》「Pó-táu」「Pó-táu-á」朗有寫、閣有「Pak-táu」。「Pó-táu-á」一九一〇年上尾擺出現。
《辛酉一歌詩》（賴和先生所記）有寫着『寶斗溪』。
有關『北斗』、地名資訊服務網个資料寫講『是後來由地方士紳，依天象地理改寶斗為北斗。相傳原來東螺街，東方屬青龍，犯了水沖，南方丙丁火，更犯火災，街市既已北移，按星相分野，東螺溪（舊濁水溪）、西螺溪、虎尾溪、三條圳之水源均分自濁水溪出谷口的斗六門。斗六門在溪南，寶斗街在溪北，屬於北斗天樞，最符合星相分野。而當時寶斗以南一里多，有文昌祠（後遷建今文昌里，已倒塌），因此符合「北斗魁前六星」的象徵，另外又有斗六作為朝山，又應了「南斗六、北斗七」的象徵，為地方全民的平安與發展，於是將寶斗改為北斗，這是北斗地名的由來』。
論「Pó-táu」个詞原、『一說法是當時這塊地方，屬於平埔族東螺社社域，寶斗這兩個字的福佬語發音和東螺社（BAOATA）的平埔族語音相近，寶斗即譯自 BAOATA』（地名服務網）。寶斗『境域早昔屬平埔巴布薩族東螺（DOUBALE BAOATO）社生活地，此由其古老地契文書足堪印證』（廖忠俊 2008）。
|
行政地名
日本体制『北斗』街 ⇄ 中華体制『北斗』鎭
相關个字
北
|
|
GÍ-SÛ
Chi̍p-chi̍p
|
語詞
集集
ⓀⓀ
親成漢字
ＸＸ |
|
《堡圖》記『集集』『～街』。〈前後山輿圖〉有記『聚集街』『聚集山』。台史數位舘所收・大清時代个契字自十八世紀着有寫着『集集埔』（集⺀埔）云云。『*聚集埔』不八出現。《教會報》自十九世紀着有寫「Chi̍p-chi̍p」。
洪英聖〈集集鎮・樟木開採集散地〉（2003）寫講『「集集」為什麼叫「集集」？原來它位居「林尾」與「柴橋頭」的中途站，興起店舖街，當地附近有水沙連番 CHIPUCHIPU 社，可能早期取其漢字譯音而來』『乾隆四十五年發展成肆街，才改稱「聚集街」或「集集街」』。
|
行政地名
日本体制集集街 ⇄ 中華体制集集鎭・水里鄉
|
|
GÍ-SÛ
Lâi-oân
*Lâi-hn̂g |
語詞
萊園
㊟Ⓒ
親成漢字
㊟園 |
|
霧峰林家个花園。「Lâi-」不知省詞底、不知含「梨」（lâi-）咁相關。王育德《台語入門》（38）有講着「Lâi-hn̂g」、不閣楊水心女士个日記（1928-1-14 云云）有寫「Lâi-oân」。
|
相關个詞
ông-lâi
lâi-á |
|
GÍ-SÛ
tang-sì
*tang-·sì Tang-sì |
語詞
東勢
⭕
ⒸⒸ
親成漢字
東勢 |
|
歌仔册寫『東勢』ⒸⒸ『東示』ⒸⓀ、用例少少仔。論地号名、《堡圖》『東勢』『東勢～』甲『～東勢』上少有五十外个。照咱知、全台灣个『東勢』朗讀做「Tang-sì」、後節不是「-*sè」、嗎不是輕調「-*·sì」。《台日》收「tang-sì」無收「*tang-·sì」。
雲林東勢早名「東勢厝」（廖忠俊 250、東勢鄉公所・東勢概況、台地典 215）、屬日本行政体制个海口庄。『1946 年原東勢厝、牛埔頭、程海厝、路利潭、下許厝寮、番子寮、月眉、同安厝新設東勢鄉，其餘部分設臺西鄉』（新安大字一覽表）。
台中東勢早名「東勢角」（葉高華・1920 年地名大變革）。官方一九二〇年設「東勢庄」、下底「東勢」（大字）對應在來个東勢角庄（管轄便覽）。
《教會報》31 号（1887 年 12 月）有一篇寫着『In-ūi goá tsai Tiong-kok ê hū-jîn-lâng, chhin-chhiūⁿ Tang-sì chiah-ê kok ê hū-jîn-lâng, iā lóng sī tiōng chit-hō mi̍h, lia̍h chng-thāⁿ choè iàu-kín』、用「Tang-sì」塊講東洋・東方。
|
行政地名
日本体制東勢街 ⇄ 中華体制東勢區
中華体制東勢鄉・台西鄉 ⇄ 日本体制海口庄 |
|
GÍ-SÛ
*Hûn-lîm-phiâⁿ
|
語詞
雲林坪
親成漢字
雲林平云～～ |
|
南投竹山竹圍仔个古早名。地名服務網注講『因其位居平坦台地上方，附近山峰層巒疊翠，林木生茂，且早晚為雲霧嬝繞，故又有「雲林坪」之稱』。請看「Hûn-lîm」「Lîm-kí-po͘」。
|
相關个詞
-phiâⁿ (地理)
Lîm-kí-po͘ Hûn-lîm |
|
GÍ-SÛ
Ē Chio̍h-pâi
|
語詞
下石碑
㊟
下石牌
ⒸⒸⒸ
親成漢字
下石牌 |
|
台中西屯（Sai-tūn）地名。《台地典》（36）注講『因往昔豎有民番界碑，故得名』。請看「chio̍h-pâi」甲「碑」（字）。《堡圖》記『下石碑庄』、邊仔閣記『下石牌』。「Chio̍h-pâi」寫做『石碑』通講是一種訓用。並不是「-pâi」訓用「碑」字塊寫、是「chio̍h-pâi」歸个訓用『石碑』塊寫。現此時地方政府・不動産界云云朗寫『～碑』恰多眞多。塊討論地名个中華語文章夭不時有人寫『～牌』、反射台灣話。
|
相關个詞
Téng Chio̍h-pâi
chio̍h-pâi
相關个字
碑
|
|
GÍ-SÛ
Téng Chio̍h-pâi
|
語詞
上石碑
㊟
上石牌
ⒽⒸⒸ
親成漢字
頂石牌 |
|
台中西屯（Sai-tūn）地名。《台地典》（86）注講『因往昔豎有民番界碑，故得名』。《堡圖》記『上石碑庄』、邊仔閣記『上石牌』。有關「-pâi」个用字、請看「Ē Chio̍h-pâi」「chio̍h-pâi」甲「碑」（字）。只个地名在來朗寫做『上～』个欵、無寫做『*頂～』。台語地名那「téng」寫做「上」字、彼一般原底是客語地名、寫做漢字客文・漢文『上～』、閣訓讀做「Téng-」。台中西屯現代無客庄、不閣看起來上石碑原底打算是。
|
相關个詞
Ē Chio̍h-pâi
chio̍h-pâi téng (頂)
相關个字
碑
|
|
GÍ-SÛ
*Bōng-pâi-thâm
|
語詞
墓牌潭
ⒸⒸⒸ
墓碑潭
親成漢字
墓牌潭 |
|
南投水里（集集）水名、《堡圖》無注。日治時代雅化号做「Mn̂g-pâi-thâm」。日本官方治叱設門牌潭發電所。日本時代个歌仔册有寫『墓牌潭』（捷發・百草問答相褒歌）。中國人政府共門牌潭發電所改名做『大觀發電廠』。目前中文資料『墓牌潭』『～碑～』朗有寫。照「bōng-pâi」（請看）个用字來看、二式朗有台文基礎、不閣『～牌～』應該恰主流。
|
相關个詞
bōng-pâi...
|
|
GÍ-SÛ
Chúi-lí
|
語詞
水裡
～𥚃
水里
Ⓒ㊟
水裏
Ⓒ㊟
親成漢字
水㊟ |
|
古早社名兼溪名、嗎是中華行政体制个一个鄉名。《堡圖》記『水裡溪』『水裡坑』。《地輿總圖》有記『水𥚃社』。〈前後山輿圖〉有記『水裡坑』甲『水裡社』。請看「Chúi-lí-kheⁿ」。
中國郵政原底寫『水裡坑』、一九五四年換寫『水裡』。一九六〇年換寫『水裏』。一九六六年換寫『水里』。請參考網路 HSC401028（著者）〈水裡坑 → 水裡 → 水裏 → 水里〉。『～里』『～裏』大概通講是外字。
《麥》「泅」字有甲例句「水裡泅」（*súi lí siû）、漳譯譯做「*tī chúi lí siû」。
|
行政地名
中華体制水里鄉・集集鎭 ⇄ 日本体制集集街
相關个詞
Chúi-lí-kheⁿ
|
|
GÍ-SÛ
Chúi-lí-kheⁿ
|
語詞
水裡坑
Ⓒ㊟Ⓒ
親成漢字
水㊟坑 |
|
南投水里（集集）地号名。請看「Chúi-lí」。《堡圖》甲〈前後山輿圖〉寫『水裡坑』。竹林《十二更鼓十盆牡丹歌》（1958）有寫『新竹傳去水裡坑』。到今彰化銀行有『水裡坑分行』。
全羅《教會報》有眞多篇寫『Chúi-lí-kheⁿ』『Chúi-lí-khiⁿ』、到一九六〇年代・禁止用羅字出版个年代夭閣有。
|
行政地名
中華体制水里鄉・集集鎭 ⇄ 日本体制集集街
相關个詞
Chúi-lí
|
|
GÍ-SÛ
Tāi-an-káng
|
語詞
大安港
親成漢字
㊟港 |
|
台中大安个古早名。「Tāi-an-」个詞原咱無確定。即閣請教・探討。請看「Tāi-an」（台中）。
|
相關个詞
Tāi-an (台中)
|
|
GÍ-SÛ
Lāi-po͘
|
語詞
內埔
ⒽⓉ
親成漢字
裏Ｘ |
|
大衆地号名。
|
行政地名
日本体制內埔庄 (高雄州) ⇄ 中華体制內埔鄉
日本体制內埔庄 (台中州) ⇄ 中華体制后里區 |
|
GÍ-SÛ
Bé-heng
Má-heng |
語詞
馬興
ⒸⒸ
親成漢字
馬興 |
|
彰化秀水地名、《台地典》（290）注解做『馬姓人興盛的簡稱』。《台地典》記音「Má-heng」、閣注『當地人稱之 Bé-heng』。
|
相關个詞
Má (字姓)
|
|
GÍ-SÛ
khe-chiu
khoe-chiu Khe-chiu Khoe-chiu |
語詞
溪洲
⭕
ⒸⒸ
溪州
⭕
ⒸⒸ
親成漢字
溪州～洲 |
|
《台日》寫「溪洲」。歌仔冊寫「溪州」。台灣有介多「Kh(o)e-chiu」「Kh(o)e-chiu-á」个地名、多數寫做「～洲～」、少數寫做「～州～」。彰化溪州、《堡圖》注「溪洲庄」。寫「州」字个不是寫不着字、嗎不是塊借音、「khe-chiu」个只个 -chiu、《台日》注解做日語『中洲』『浮洲』云云、只个詞素有親成漢字「州」字「洲」字。「州」字「洲」字是母仔子个關係、「洲」字原底是「州」字个俗字（王力 1982）。寫「溪州」不是寫不着字、顚倒是塊寫中文學者上致重个「本字」。那台文（亞是東亞諸語）來講、「洲」字是加个、專寫「州」字不那愈合漢文血緣（貫時來講）、閣通省一字。日本語一九四〇年代以來着是按呢約束、專寫「州」字。
地名以外、建議寫「溪州」。那地名、在地人个意見愛藏（khǹg）頭前。
|
行政地名
日本体制溪州庄 ⇄ 中華体制溪州鄉
相關个詞
-chiu (州、洲)
|
|
GÍ-SÛ
Tân-kau
*Tâi-oân-kau |
語詞
陳溝
ⓀⒸ
親成漢字
ＸＸ溝 |
|
彰化福興水名兼地名、照講是「Tâi-oân-kau」个合音。一九〇四年《堡圖》有記一條『臺灣溝』、水名。陳溝庄中華名「萬豐村」。
林義和〈永遠的疼！陳溝溪〉（bit.ly/3siYJHB）寫講『咱若駛車行鹿港迵（thàng）南投，這條台七十六號東西向快速道路⋯⋯，來到埔鹽段，佇南北兩爿道路的中央，有一條成（tsiânn）百米的大溝，在地人就共伊叫做「陳溝溪」』『陳溝溪對外埠頭⋯⋯的人來講，是一个真生份的名。毋過，若佇彰化縣的東福興佮秀水鄉南爿，這箍圍仔成十个庄頭的人來講，陳溝溪就親像是𪜶的爸母仝款』『原來彰化縣農田水利會佇陳溝溪的中段──陳溝莊，有設一个抽水站，號做「臺灣溝抽水站」。這个抽水站佇一九四九年十一月二十二開工，隔轉年五月三十完成』。
《萬豐園地》（網志）〈台灣溝（萬豐村）〉寫講『從鹿港往北斗溪，或從鹿港往南港站（埔鹽鄉南港出入站），在中途必須經過一個在員大排溪邊的村莊，居民都是陳氏的宗族，所以後來取名為「陳溝莊」』『早期定居在陳溝莊的戶數稀少，直到日本統治時期，才把它易名為 「台灣溝」』。閣寫講『陳溝莊是台灣溝丶菜堂和斗門頭、莊尾四個聚落組成的』。有關「台灣溝」、『台灣溝（又名殺人溝）：彰水路以西為商業店舖，超商、全家、統一超商等，越南店，泰國店林立，是外勞消費塲所。萬豐基督教長老教會，員大排北側等聚落為第 4、5、6、7、8 鄰』。「台灣溝」咁是日本時代号个名、咱成堯疑。《堡圖》都有記『臺灣溝』。日本占台灣頭二十冬是無省塊換地名。啞日本官方共眞多三節个地名換做二節、不八听過因共二節个換做三節。
|
相關个詞
Tâi-oân
|
|
GÍ-SÛ
Chhâ-siâⁿ
|
語詞
柴城
ⒽⒸ
車城
ⒼⒸ
親成漢字
Ｘ城 |
|
恒春地名兼南投中寮地名。「Chhâ-」着是「chhò chhâ」彼个 chhâ。恒春 Chhâ-siâⁿ 漢文・外文寫做『車城』。
『車～』只个寫法看欵是「客音字」、用「車」字个客語音 CHHÂ（第一調）塊寫台語「Chhâ-」。『車城』嗎會凍看做客語地名。恒春 Chhâ-siâⁿ 古早不知咁八寫做『柴～』。《堡圖》記『車城』『～庄』。
|
行政地名
日本体制『車城』庄⇄ 中華体制『車城』鄉
相關个詞
chhâ (柴)
|
|
GÍ-SÛ
Pang-soaⁿ
|
語詞
崩山
ⒸⒸ
枋山
ⓀⒸ
親成漢字
崩山 |
|
地号名。屏東『枋山』。嘉義布袋『崩山』。台中外埔『崩山』。台北五股『崩山』。台北深坑『崩山』。台北石碇『崩山』、GOOGLE 記『崩山 (彭山)』。鷄籠市內『崩山』。請看「pang」（崩）。
宜蘭頭城『崩山堎仔』、《台地典》（306）注音「Pang-soaⁿ-lêng-á」。
|
地名・水名
嘉義六脚前崩山
後崩山 台中大甲崩山頭 台北坪林枋山坑 崩山坑 台北双溪崩山坑 宜蘭頭城崩山堎仔 ㊟
行政地名
日本体制枋山庄 ⇄ 中華体制枋山鄉
相關个詞
pang (崩)
|
|
GÍ-SÛ
Tiân-tiong
*Chhân-tiong |
語詞
田中
親成漢字
田中 |
|
字姓兼彰化地名。全羅《教會報》有 76 篇寫「Tiân-tiong」、多數是塊寫地名。請看「田」（字）。有關字姓、請看「Tiân-chhoan」。
彰化田中、台語講「Chhân-tiong-ng」（田中央）恰多。一九二〇年進前、官方地名丸那是「田中央」。
一九二〇年十二月《教會報》第 429 卷有一篇〈Kàu-hōe ê Miâ. Sin-kū tùi-chiò〉、內底舊名「Chhân-tiong-ng」所對應个新名是「Chhân-tiong chng」。全羅《教會報》有 149 篇寫「Chhân-tiong」、76 篇寫「Tiân-tiong」（內中少數是塊寫字姓）。一九二〇年代專寫「Chhân-tiong」。到一九三〇年代、差不多平多。「Chhân-tiong-ng」干礁 6 篇、上尾擺一九二〇年。
|
行政地名
日本体制田中街 ⇄ 中華体制田中鎭
相關个詞
Chhân-tiong-ng
Tiân-chhoan Tiong-san
相關个字
田
|
|
GÍ-SÛ
Káu-tè-chhù
|
語詞
九塊厝
ⒸⒽⓉ
親成漢字
九ＸＸ |
|
通講是屏東九如（Kiú-jû）个古早名。只个地号名、台南七股・雲林西螺・彰化竹塘・宜蘭羅東朗丸那有、朗寫做『九塊厝』。
那屏東九如、《堡圖》有注『九塊厝』『～庄』。一九二〇年代日本体制設九塊庄、對應中華体制九如鄉。一九三九年、《教會報》夭有人塊寫「Káu-tè-chhù」。「九如」只个名是一九四〇年代中國時代即有。
下庄仔屬九如鄉（中）・塩埔庄（日）。
|
地名・水名
屏東潮州九塊厝仔
台南安南九塊厝仔 （安順）
行政地名
日本体制九塊庄 ⇄ 中華体制九如鄉 ㊟
相關个詞
Iâm-po͘
|
|
GÍ-SÛ
Āu-lí
|
語詞
后里
ⒸⒸ
後里
ⒸⒸ
親成漢字
後里后～ |
|
《堡圖》有記『后里』『～庄』。永拵有人寫『後里』。歌仔册有寫『後里』。
|
行政地名
中華体制后里區 ⇄ 日本体制豐原郡內埔庄
相關个詞
Lāi-po͘
相關个字
後、后
|
|
GÍ-SÛ
Tang Tōa-tun
|
語詞
東大墩
ⒸⒸⒸ
親成漢字
東大墩 |
|
此通講是台中市中心个古早名。《堡圖》有注「東大墩」、注音「タン トワ～」、注帶「臺中公園」西南平。大清《臺灣輿圖并說》〈全臺前後山輿圖〉嗎有注「東大墩」。會文堂《最新生相火車歌》寫『火車行到東大墩 去到車場着停困 娘汝靣烏格抹粉 心頭歡喜十二分』。
那「大墩」、一八九五年个〈臺中省城圖〉有注「大墩街」、治後來台中公園个西平彼个位置。黃塗《嘉義歌》嗎寫『卽庄過了別省份 火車一時到大墩 大墩守備昌昌滾 車頭不時來塊巡』。
今台中「西屯」「南屯」「北屯」、後節 -tūn 个詞源照講着是 -tun（墩）。恰早个東大墩有一鏨仔寫做「東屯」、呼音不知是 *Tang-tun 亞是 *Tang-tūn。鹿港施梅樵先生八寫一首詩〈東屯公園即景〉、東屯公園着是台中公園。嗎有一个詩社号做「東屯吟社」「東墩吟社」、一九二九年治台中市中心來成立（臺灣日日新報 1929 年 1 月 9 日）。以上、請讀 LUPINS〈Re: [請益] 有西屯、南屯、北屯，為啥沒東屯？〉（bit.ly/2Iml0zx）。仝一篇閣寫講『日人～1905年～又據「大墩街（東大墩）」的相對位置重新區畫犁頭店街、三十張犁一帶，分別改為「南屯」、「北屯」之名。北屯，「因位於東大墩之北，且海拔高一百公尺以上，高度堪與東大墩丘陵（八九・四公尺）相比」1920年時「改稱為『北屯』。」（P101）西屯，「因位於東大墩街之西北方，故稱西大墩街。」（P102）南屯，1920年時「因其位於東大墩之南，故改稱『南屯』」（P102）』。伊是塊引洪敏麟《台灣地名沿革》。
台灣甲澎湖地名个「墩」字、眞多朗去乎日本官換做「屯」字。「屯」字本成主要讀 tûn・tūn。者个地名多數簡那無走音、到今照舊講 -tun。台中「西屯」「南屯」「北屯」甲南投「草屯」到一九五〇年代進前嗎朗講 -tun、到一九五〇年代着開始綴「屯」字「字化」去、轉做 -tūn。無的確此嗎是公共生活中國語化个結果。
羅字台文簡那朗寫『Tang-tōa-tun』。不知咁八有人寫『*Tang Tōa-tun』。
|
相關个詞
-tun (墩)
Sai Tōa-tun Sai-tūn Lâm-tūn Pak-tūn Chháu-tùn
相關个字
屯
|
|
GÍ-SÛ
Sai-tūn
*Sai-tun |
語詞
西屯
Ⓒ㊟
親成漢字
西墩 |
|
台中地名、原体「*Sai-tun」、早名「Sai Tōa-tun」。「屯」字原底照講是假借字、用塊代替「墩」字。路尾只个地名个發音嗎綴「屯」字走音去、對 -*tun 變做 -tūn。請看「Tang Tōa-tun」「Chháu-tùn」。
《教會報》八有 10 篇寫「Sai-tun」、上尾一篇一九四一年。有 4 篇寫「Sai-tūn」、內面 3 篇治一九五〇年代。
|
相關个詞
Tang Tōa-tun
Sai Tōa-tun Chháu-tùn
相關个字
屯
|
|
GÍ-SÛ
Lâm-tūn
|
語詞
南屯
Ⓒ㊟
親成漢字
南墩 |
|
台中地名、原体「*Lâm-tun」。「屯」字原底照講是假借字、用塊代替「墩」字。路尾只个地名个發音嗎綴「屯」字走音去、對 -*tun 變做 -tūn。請看「Tang Tōa-tun」「Sai-tūn」「Chháu-tùn」。
|
相關个詞
Tang Tōa-tun
Chháu-tùn Sai-tūn
相關个字
屯
|
|
GÍ-SÛ
*Hoan-á-oah
*Hoan-oah *Hoan-á-oat |
語詞
番仔挖
畨～～
番仔穵
畨～～
番挖
～𡋉
親成漢字
蕃ＸＸ番ＸＸ |
|
彰化芳苑个古早名。〈堡圖〉寫『番𡋉』『～庄』、後字注音『オア』。恰海脚有二搭注『番挖庄』。「挖」字有一搭注『オア』・有一搭注『オー』。〈前後山輿圖〉記『畨仔挖街』『畨仔挖港』。〈乾隆輿圖〉記『畨仔穵』、有畫唐人厝。
《教會報》到一九二〇年專寫「Hoan-oah」。「*Hoan-á-oah」「*Hoan-á-oat」「*Hoan-oat」不八寫。《台地典》甲《中教部閩南典》收『番仔挖』、注音「Hoan-á-oat」。《台地典》注『庄名「番挖」，1920 年改名「沙山」，1945 年再改成「芳苑」』『意「有番人聚落的轉彎處」』。請看「oat」甲「Tāi-á-oat」。不知「-*oah」咁是「-*oat」个變体。咱即閣探討・請教。夭無的確『番挖』『番𡋉』只卦二字个寫法凡世由原是塊寫「*Hoan-á-oah」、省一字「仔」字定定。台羅字「Hoan-oah」咁是一種書面体、咱嗎夭無法度確定。
|
相關个詞
oat ("~ tò-pêng")
Tāi-á-oat
相關个字
挖
|
|
GÍ-SÛ
Jī-lîm
|
語詞
二林
親成漢字
㊟ |
|
《堡圖》記『二林』『～庄』。〈康熙輿圖〉有注『二林社』、海脚閣有『三林港』。有關「Jī-lîm」个詞原、請參考翁佳音《近代初期臺灣的海與事》第 5 章。
|
行政地名
日本体制二林街 ⇄ 中華体制二林鎭
|
|
GÍ-SÛ
Pak-tūn
|
語詞
北屯
Ⓒ㊟
親成漢字
北墩 |
|
台中地名、原体「*Pak-tun」。「屯」字原底照講是假借字、用塊代替「墩」字。路尾只个地名个發音嗎綴「屯」字走音去、對 -*tun 變做 -tūn。請看「Tang Tōa-tun」「Sai-tūn」「Chháu-tùn」。
|
相關个詞
Tang Tōa-tun
Chháu-tùn Sai-tūn
相關个字
屯
|
|
GÍ-SÛ
Tâi-tiong
*Tāi-tiong *Tâi-teng |
語詞
臺中
ⓒⒸ
台中
ⓒⒸ
親成漢字
臺中 |
|
漢文借詞、自日本時代一八九六年對漢文借入來台語个。請讀葉國華〈臺灣七大都市傳說之四：週年慶的起點不是 1895 年以前就是 1945 年以後〉。「Tâi-tiong」是日本時代个漢文借詞。照彼个時代个社會甲政治、卜講是日語借詞、有恰勉强。《白話典》丸那無注講「Tâi-tiong」是日語借詞。
台中人講「*Tāi-tiong」。請看「Tâi-oân」。特別是南投・宜蘭有人講「-teng」（寶鑑、洪惟仁訪問 bit.ly/2Rf19Zf）。
日本体制台中市對應中華体制台中市東區・西區・南區・北區・中區。本組尽量日本体制个台中市市內个地名、即注「台中市內」。
|
行政地名
日本体制台中市 ⊂ 中華体制台中市 ㊟
相關个詞
Tâi-oân
|
|
GÍ-SÛ
Chháu-tùn
*Chháu-tūn *Chháu-tun |
語詞
草屯
Ⓒ㊟
親成漢字
草㊟艸～ |
|
早名「草鞋墩」（Chháu-ê-tun）。官方名一九二〇年換做『草屯』、台語讀做「Chháu-tun」。「Chháu-tùn」「Chháu-tūn」照講是後來産生个咀音（choa̍h-im）、去乎「屯」字帶着个。請看「Tang Tōa-tun」。現此時在地人專講「Chháu-tùn」。外埠頭即有講「Chháu-tūn」、包含台中人。
全羅《教會報》有 253 篇寫「Chháu-tun」、自一九二〇年代。干礁 2 篇寫「Chháu-tùn」、自一九五八年。
|
行政地名
日本体制草屯街 ⇄ 中華体制草屯鎭
相關个詞
Chháu-ê-tun
Tang Tōa-tun Sai-tūn
相關个字
屯
|
|
GÍ-SÛ
Chháu-ê-tun
Chháu-ôe-tun |
語詞
草鞋墩
ⒸⒸⒸ
親成漢字
草鞋墩艸～～ |
|
南投地名、一九二〇年換做草屯。『因往來旅客或挑夫在此換草鞋，其所棄草鞋成堆，故得名』（台地典）。《堡圖》甲一九〇七年〈郵便線路圖〉寫「草鞋墩（庄）」。
|
相關个詞
Chháu-tùn
-tun (墩) |
|
GÍ-SÛ
Tōa-siā
|
語詞
大社
ⒸⒸ
親成漢字
大社 |
|
中華体制高雄市大社區甲仁武區對應日本体制仁武庄。日本体制仁武庄下底有大字「大社」（新安大字一覽表）。照《台地典》、高雄路竹・台南新市・台中新廣嗎朗有「大社」。《堡圖》高雄市內夭有記着一个。
日本体制屏東郡・中華体制『三地門』鄉山內个 PARIDRAYAN 庄社（OPEN STREET MAP）、台語名應該嗎是「*大社」（OPEN STREET MAP、地名服務網）。GOOGLE 地圖治叱夭有記『大社溪』。
|
行政地名
中華体制大社區・仁武區 ⇄ 日本体制仁武庄
相關个字
社
|
|
GÍ-SÛ
Ta-khe
Ta-khoe |
語詞
礁溪
ⓀⒸ
𭶗～
乾溪
ⒽⒸ
親成漢字
Ｘ溪 |
|
地名・水名
雲林林內乾溪 ㊌
台中霧峰乾溪 ㊌ 台北三峽礁溪 頂～ 下～ 台北北投乾溪仔 鷄籠暖暖乾溪仔 台北坪林乾溪 台北双溪礁溪仔 宜蘭 礁溪 大～ ㊌ 小～ ㊌
行政地名
日本体制礁溪庄 ⇄ 中華体制礁溪鄉
相關个詞
ta (乾、礁、焦)
khe, khoe (溪) |
|
GÍ-SÛ
Thâm-chú
|
語詞
潭子
ⒸⒸ
親成漢字
潭子 |
|
台中地名、官方一九二〇年按「潭仔墘」改个。
|
行政地名
日本体制潭子庄 ⇄ 中華体制潭子區
相關个詞
Thâm-á-kîⁿ
|
|
GÍ-SÛ
Hān-khe
*Hān-khoe |
語詞
旱溪
ⒸⒸ
親成漢字
旱溪 |
|
台中溪名兼台中市內・北屯（Pak-tūn）・潭子地名。《堡圖》有記溪名『旱溪』甲地名『旱溪』『～庄』。
只組溪名甲庄名減彩是對客語譯个。台語「ta-pi」、客語講『HÔN-THÒNG』（旱塘）。地名服務網夭有記錄着三條『旱溪』。一條治嘉義梅山・雲林古坑。一條治新竹關西。一條治苗栗頭份、注『今龍鳳圳大排水溝，東西向流經山下里南方。此排水溝昔日為溪流，因河水流量不穩定時而乾枯，而被稱為旱溪』。
|
|
GÍ-SÛ
Chio̍h-kng-á
|
語詞
石崗仔
ⒸⒸⓉ
石岡仔
ⒸⒸⓉ
親成漢字
石岡Ｘ～崗Ｘ |
|
台中地号名、客語『SHA̍K-KÔNG-*É』（客語 WIKIPEDIA：SA̍K-KÔNG-É、2023）。《堡圖》記『石崗仔』『～庄』。官方名一九二〇年改做日本名『石岡』（いしおか）、音譯做台語（起毛志体、無注調）「**I-si-o͘-kah」。請參考葉高華〈1920 年地名大變革〉。自按呢産生「Chio̍h-kng」个講法。現此時「Chio̍h-kng」「Chio̍h-kng-á」朗有人講。「Chio̍h-kng-á」个詞原打算是客語『SHA̍K-KÔNG-*É』。
《教會報》一九三二年有一篇寫「Chio̍h-kong」。通知永過八有人共日文・漢文『石岡』讀做「-kong」。
台中市內有人講「*Chio̍h-kńg-á」个欵。
|
行政地名
日本体制『石岡』庄 ⇄ 中華体制『石岡』區
相關个字
岡、崗
|
|
GÍ-SÛ
Le̍k-chhoan
|
語詞
綠川
ⓒⒸ
親成漢字
緑川 |
|
一九一二年由總督佐久間左馬太（Chò-kiú-kan Chó-má-thài、**Sa-ku-mah Sa-ma-tah）号名做『綠川』（みどりがわ、**Mi-do͘-lih ga-oah、起毛志体、無注調、夭台語本身無 *d-）。「Le̍k-chhoan」按書面日語亞是日本漢文來。
|
|
GÍ-SÛ
po͘-iâm
*pô͘-iâm Po͘-iâm |
語詞
埔塩
⭕
ⓀⓀ
埔鹽
⭕
ⓀⓀ
親成漢字
ＸＸ |
|
樹仔名、學名 Rhus chinensis var. roxburghii（台物錄）。《台植彚》台語名記「po͘-iâm」『埔鹽』云云。《台日》寫『蒲鹽』、記音「pô͘-iâm」。《甘》有記「pô͘-iâm」、無牽漢字。《厦英》記「po͘-iâm」。那一八九九年版、前節無甲漢字、後節甲『𣡶』。EMBREE（1973）記「po͘-iâm」。
彰化「埔塩」、《台地典》（284）寫做『埔盬』、注解『意 「羅氏盬膚木」』。《堡圖》有記『埔塩庄』『東埔塩』『西埔塩』。台中太平「埔塩藍」（堡圖）、《台地典》（284）寫做『埔盬藍』、注解『係「埔盬林」的諧音字』。
|
地名・水名
彰化 埔塩ᴾ ㊟
台中太平埔塩藍ᴾ ㊟
行政地名
日本体制埔塩庄 ⇄ 中華体制埔塩鄉
|
|
GÍ-SÛ
Tāi-an
|
語詞
大安
親成漢字
㊟ |
|
台中水名兼地名、詞原無定着。請看「Tāi-an-káng」。《堡圖》有記『大安溪』『頂大安庄』『下大安庄』、「大」字朗注音『タイ』。閣有『大安港』、「大」字注音『トア』、大概是記掞。〈乾隆輿圖〉記『大安溪』。全羅《教會報》有 1 篇「Tāi-an-káng」、治一八九六年。「Tāi-an」《教會報》自一八九五年着有記錄。《地輿總圖》有記『大安港』（彼拵屬苗栗縣）『大安汛』。
|
行政地名
日本体制大安庄 ⇄ 中華体制大安區
相關个詞
Tāi-an-káng
Tāi-an (台北) |
|
GÍ-SÛ
*Lo̍k-á-káng
|
語詞
鹿仔港
ⒸⓉⒸ
親成漢字
鹿Ｘ港 |
|
鹿港个古早名。〈乾隆輿圖〉有記『鹿仔港』『～街』。〈岸裡社蕃把守圖〉丸那記『鹿仔港』。論詞底、「Lo̍k-á-káng」前二節照講是「lo̍k-á」（動物）無不着。「Lok-á-」起頭个地号名、《堡圖》夭有記着『鹿仔草』『鹿仔陷』『鹿仔坑』、閣有沙鹿『鹿仔港藔』（～寮）。古早一張荷蘭人地圖、海線笨港溪落南有一搭記『HARTEN EYLANDT』（原圖全細本字）、意思鹿仔島（翁佳音、公開面册 2015）。那卜講「Lo̍k-á-káng」是共先住民語音譯个、咱顚倒尋無証據。
|
相關个詞
Lo̍k-káng
-á (仔) |
|
GÍ-SÛ
Lo̍k-káng
|
語詞
鹿港
ⒸⒸ
親成漢字
鹿港 |
|
早名「Lo̍k-á-káng」（請看）。《堡圖》有記『鹿港』『～街』。
|
行政地名
日本体制鹿港街 ⇄ 中華体制鹿港鎭
相關个詞
Lo̍k-á-káng
|
|
GÍ-SÛ
Hoan-á-lō͘
|
語詞
番仔路
ⒸⓉⒸ
親成漢字
蕃Ｘ路番Ｘ～ |
|
嘉義番仔路官方名一九二〇年換做「番路」。《堡圖》有記『番仔路』『～庄』。《堡圖》所記个「番仔路」上少閣有二个、治高雄內門・台中太平。
|
行政地名
日本体制番路庄 ⇄ 中華体制番路鄉
|
|
GÍ-SÛ
Hun-hn̂g
|
語詞
芬園
ⓉⒸ
芬薗
親成漢字
熏園 |
|
彰化地名。《堡圖》記『芬薗』『～庄』。《台地典》注講『意「烟園的雅化詞」。「烟園」即是種植烟草的旱田』。廖忠俊（2009、191 葉）丸那注講『早昔有人在此地田「園」種植煙草，⋯⋯，故稱為「芬園」』。
|
行政地名
日本体制芬園庄 ⇄ 中華体制芬園鄉
相關个詞
hun (烟、芬、熏)
|
|
GÍ-SÛ
*Tâng-lô-khian-á
|
語詞
銅鑼騫仔
⭕
ⒸⒸⓀⓉ
親成漢字
銅鑼ＸＸ |
|
台中北屯（Pak-tūn）地号名。地名服務網注『因其地形似銅鑼一圈圈的，而得名。在今日三和社區東山路旁』、甲錄音「Tâng-lô-khian-á」。只个地号名原底減彩按客語來。台史數位舘所收个契字、『揀東下堡』（→ 捒～）水景頭庄有一張寫着『銅鑼騫』亞是『銅鑼騫〓』（尾字看袂着）、應該着是只个所在、亞是眞相關。
另外、地名服務網桃園龍潭有收一條『銅鑼圈』、注『因銅鑼圈台地中間較為隆起，像樂器銅鑼倒蓋平放，故名』『桃園縣誌：最高處在東南之高種山，因平坦廣大，周邊成弧圓，形如圓形銅鑼，故名，由於地下水位低，往日十分缺水，因而有諺：「有女不嫁銅鑼圈，挑水須要半晝天」』、甲錄音『THÙNG-LÒ-KHIÊN』。閣注明『開墾初期，所稱的銅鑼圈範圍，為現今高原村大庄一帶（⋯⋯），清代及日治時期所稱的銅鑼圈庄，則指今高原、高平兩村的範圍』『住在這高地上的民眾所稱的銅鑼圈卻是在高平村的西側，即中豐路高平段附近以及大庄、三元宮這一帶；這裡也是蕭家族人拓墾銅鑼圈時，最早開墾的地方』。台灣治蹟研究會《臺灣事蹟綜覽》（二、1919、8 葉）有寫着『銅鑼騫』、地号名、治龍潭陂附近。
|
相關个詞
khian (範詞)
khian ("~ mn̂g") *Tâng-lô-khoân Tâng-lô-oân |
|
GÍ-SÛ
La̍k-kah
|
語詞
六甲
ⒸⓀ
親成漢字
六Ｘ |
|
大衆地号名、朗寫做『六甲』。
|
行政地名
日本体制六甲庄 ⇄ 中華体制六甲區
相關个詞
kah (空間)
|
|
GÍ-SÛ
Sin-káng
|
語詞
新港
ⒸⒸ
伸港
ⓀⒸ
親成漢字
新港 |
|
大衆地号名、寫法眞一致。閣有台東成功新港溪、《堡圖》無記名。
台南新市古早地名「新港」照講是仝只个名、『顧名思義，是新形成的溪流或水道』（翁佳音・近代初期臺灣的海與事 156）、不是先住民語語詞个音譯。只个「*Sin-káng」（SINCKAN）生成是和老語社名（～番社个福建語名）。先住民語另外有社名、歐語寫做『TAGLOULOU』『TACHLOELOE』云云（康培德・荷蘭東印度公司筆下歪哥兼帶衰的雞籠 KIMAURI 人 THEODORE・152、PETER KANG・A BRIEF NOTE ON THE POSSIBLE FACTORS CONTRIBUTING TO THE LARGE VILLAGE SIZE OF THE SIRAYA IN THE EARLY SEVENTEENTH CENTURY）。
那彰化个「Sin-káng」（伸港）、日本体制線西庄下脚有大字「新港」。《堡圖》云那寫『新港』『～庄』。『伸～』个寫法應該是中治時代即有个。
台東成功早名新港。只个地名「新港」簡那是日治時代即有。《堡圖》干礁記『蔴荖漏社』。
|
行政地名
中華体制新港鄉 ⇄ 日本体制新巷庄
中華体制伸港鄉・線西鄉 ⇄ 日本体制線西庄 日本体制新港庄 ⇄ 中華体制成功鎭
相關个詞
Sin-káng (苗栗後壠)
Pūn-káng |
|
GÍ-SÛ
Tiô-iûⁿ
|
語詞
潮洋
ⒸⓀ
朝洋
親成漢字
潮陽 |
|
詞底唐山潮州地名「潮陽」（Tiô-iûⁿ）。
雲林褒忠（土庫）潮洋厝嗎有寫做『朝～』（土庫鎭公所・土庫歷史沿革）。台中西屯潮洋溪嗎有寫做『朝～』。
|
地名・水名
雲林土庫潮洋
雲林褒忠潮洋厝 ㊟ （土庫） 彰化溪州潮洋厝 台中西屯潮洋ᴾ ～溪 ㊌㊟
相關个詞
Tiô-iûⁿ (中國)
Tiô-chiu Tiâu-bé |
|
GÍ-SÛ
Tiâu-bé
|
語詞
朝馬
親成漢字
㊟ |
|
台中西屯地名。只个地名按書面『朝馬』二字來。「朝」字對地名「潮洋」（朝～、Tiô-iûⁿ）來。「馬」字按「馬龍潭」（馬磷潭、馬鳴潭）來。《堡圖》有記『潮洋』『～庄』甲『馬龍潭』『～庄』。
|
|
GÍ-SÛ
Lô-chúi-khe
Lô-chúi-khoe |
語詞
濁水溪
ⒽⒸⒸ
澇水溪
親成漢字
Ｘ水溪 |
|
溪名。台灣上少有三條。請看「Lô-chúi-」。
雲林・南投・彰化彼條濁水溪、《東瀛紀事》寫做『澇～』。有關水路、請讀《畫說康熙臺灣輿圖》（101、104）甲〈溯源東螺溪〉（bit.ly/3omxdXQ）。
宜蘭濁水溪、中華名「蘭陽溪」。
高雄燕巢濁水溪是阿公店溪个一港水頭。〈乾隆輿圖〉有記一條『濁水溪』、《畫說》（168）注解『阿公店溪』。
|
相關个詞
khe, khoe (溪)
lô (濁、羅) Lô-chúi- |
|
GÍ-SÛ
*Khàm-thâu-chhù
|
語詞
崁頭厝
ⓉⒸⓉ
崁頭屋
ⓉⒸⒽ
親成漢字
Ｘ頭Ｘ |
|
《台地典》（274）有收『崁頭厝』（桃園新屋、彰化竹塘、雲林古坑）、注音「Khàm-thâu-chhù」、閣注講『新屋鄉的客家人稱之 [KHÁM-THÈU-VUK]』。閣有『崁頭屋』、注音「Khàm-thâu-chhù」（台）『KHÁM-THÈU-VUK』（客、頭節上上、～第二調）、注講『閩系人習慣上不稱 Khàm-thâu-ok』。全羅《教會報》有寫着「Khàm-thâu-chhù」、是塊講雲林古坑坎頭厝、『sin tē-miâ kiò Éng-kong』（～永光）。「*Khàm-thâu-ok」「*Thâu-chhù」「*Thâu-ok」不八寫。
那苗栗个崁頭厝、《堡圖》有記『崁頭屋』『～庄』、注音『カン タウ ツウ』、和老語。〈前後山輿圖〉有記『崁頭厝』。官方名一九二〇年換做『頭屋』。
|
行政地名
日本体制『頭屋』庄 ⇄ 中華体制『頭屋』鄉
相關个詞
Sin-chhù-á
Sin-ok |
|
GÍ-SÛ
Chiong-hòa
Chiang-hòa |
語詞
彰化
ⒸⒸ
親成漢字
彰化 |
|
詞底漢文「顯彰皇化」。只个地名是清官一七二三年号个。唐山歌仔册有寫『漳化』ⓀⒸ。古早名「半線」久無人用、全羅《教會報》嗎查無。
論音、彰化市內个人講「Chiong-hòa」恰多、包含山線・腔口恰漳底彼平（許嘉勇、公開面册）。
|
行政地名
日本体制彰化市 ⇄ 中華体制彰化市
相關个詞
*Pòaⁿ-sòaⁿ
|
|
GÍ-SÛ
làm-á
Làm-á |
語詞
湳仔
⭕
ⓉⓉ
坔仔
⭕
ⓉⓉ
濫仔
親成漢字
ＸＸ |
|
名詞兼通常地名。南投名間早名「Làm-á」、《堡圖》寫做「湳仔」「湳仔庄」。台北枋橋「Làm-á」、《堡圖》寫做「湳仔」「湳仔庄」、不閣邊仔閣有一搭注「湳雅」。一九二〇年官厛共「仔」字換做「子」字。
|
相關个詞
làm, lòm (坔、湳)
Bêng-kan |
|
GÍ-SÛ
Chia̍h-chúi-kho
|
語詞
食水嵙
ⒸⒸⒼ
食水科
ⒸⒸⓀ
食水窠
ⒸⒸⒼ
親成漢字
食水Ｘ |
|
台中新社・石崗仔地号名。《堡圖》寫『食水嵙』、尾字記音『カン』（～*Chia̍h-chúi-khang）。地名服務網有甲錄音「Chia̍h-chúi-kho」。台史數位舘所收・大清時代个契字寫『食水窠』恰多。有一半張仔寫『～嵙』『～科』。
地名服務網台北泰山『橫窠仔』（Hûiⁿ-kho-á）『蘇厝窠』（So͘-chhù-kho-á）『吳厝窠』（Gô͘-chhù-kho）『大窠坑』（Tōa-kho-kheⁿ）『大窠口』（Tōa-kho-kháu）有甲錄音、閣有台北五股『水碓窠』（Chúi-tùi-kho）。閣有台南白河『糞箕嵙』（Pùn-ki-kho-á）甲台中北屯『頭嵙』（Thâu-kho）。
只个「-kho」對漳州客語亞是潮州大埔客語來。客語・漳州客語『窠』『嵙』照講是仝詞素・無仝字、意思對應台語・和老語「坑」（kheⁿ）。韋煙灶〈客、閩族群對河流通名之用法差異〉寫講『在臺灣，「溪」作為河流通名在空間分布上具有普遍性；「嵙、窠」的地名屬於原鄉區域性的獨特地名詞，見於永定客裔、大埔客裔、豐順客裔、漳州（南靖、平和、詔安）客裔密集分布區。「港、溝、坑、嵙、窠」在現今臺灣閩、客語中作為「溪流」的語意逐漸弱化，主要應是受華語用詞習慣的影響，甚至有些（如嵙、窠）已不解其意，以致地名雖保留下來，但為強化作為「溪流」的語意，於是採取再疊加或替換成「溪」作為河流通名，如內溝溪（臺北內湖）、鹽水溪（臺南）、大坑溪（臺中北屯），大窠坑溪（新北泰山）則在原有通名「窠」之後，繼續疊加了「坑、溪」兩層通名』。
『～窠』『～嵙』是傳統客語字。今漳州南靖縣・平和縣・詔安縣甲潮州大埔縣朗有用着『嵙』（科）甲『窠』个地号名（韋煙灶・客、閩族群對河流通名之用法差異）、夭廣東饒平有用着『窠』个地号（仝）。
客委會台中客語《大埔典》有收「KHÔ」（上平、～第一調）『小山』、寫做『嵙』。閣有「KHÔ-LAK」『山谷』、寫做『嵙壢』。《中教部客語典》有收台中客語「KHÔ-LAK」『山谷。兩山之間低下的地方，或指山中溪谷』、寫做『嵙』。《客英》（312）「窠」（KHÔ）『A HOLE, A BURROW, A NEST』甲《客法》（396）「窠、䆼」（KHÔ）『CAVITÉ DANS LA TERRE; NID DANS UNE CAVITÉ DE LA TERRE』是漢文。請看「窠、嵙」（字）。
客委會《大埔典》夭有收地号名『CHÛNG-KHÔ TSÔNG』（地名服務網：中嵙庄）『VO̍K-TUK-KHÔ』（地名服務網：鍋底嵙、鍋督嵙、鍋底窠）、閣有山名『THÈU-KHÔ』（地名服務網：頭嵙）。
|
相關个詞
Chia̍h-chúi-khut
相關个字
窠、嵙
科 |
|
GÍ-SÛ
Tāi-lí-khi̍t
|
語詞
大里杙
ⓀⓀ㊟
親成漢字
ＸＸＸ |
|
台中水名兼台中大里个古早名。《堡圖》有記『大里杙』『～街』『～溪』。大里杙官方名稱一九二〇年乎植民政權改做「大里」。
只个「-khi̍t」減彩是「khi̍t-á」彼个 khi̍t-。咱無把握。翁佳音先生（公開面册、2018）八提議講「Tāi-lí-khi̍t」無的確含古早社名（荷蘭語）『TALACKEIJ』相關。
|
行政地名
日本体制大里庄 ⇄ 中華体制大里區
相關个詞
khi̍t-á
|
|
GÍ-SÛ
Kan-tī-sū
|
語詞
干治士
ⓀⓀⓀ
親成漢字
ＸＸＸ |
|
十七世紀个荷蘭傳教師、荷蘭語名『GEORGIUS CANDIDIUS』。《甘》个付錄有收水名「CANDIDIUS」（英）「干治士湖」（漢、"Kan-tī-su-ô͘"）『Che-miâ sī chí Tâi-oân Po͘-lí-siā lâm-pêng ê lāi-hái; 40 nî chêng tòa Tâi-lâm So͘-kek-lân ê Soan-tō-su, Kam Ûi-lîm, kàu hia chiah hō án-ni lâi siàm-liām Hô-lân-kok thâu chi̍t-ê lâi Tâi-oân ê Soan-tō-su, i ê miâ kiò-tsòe Kan-tī-sū; tī 1627 nî kàu Tâi-oân, iā-sī chin jia̍t-sim tsòe Tsú ê kang』（siàm-liām → siàu-liām）。
|
相關个詞
Ji̍t-goa̍t-thâm
相關个字
干 (kan)
甘 |
|
GÍ-SÛ
Lâm-tâu
|
語詞
南投
ⒸⓀ
親成漢字
南Ｘ |
|
原底个「南投社」治十七世紀个荷蘭文記錄內底号做『TAUSA TALAKEY』（本土話）『DOSACK NOORT』（荷蘭話）『LAMTOU』（和老話）。『TAUSA TALAKEY』北平閣有『TAUSA MATO』（本土話）『DOSACK OOST』（荷蘭話）『PACKTOU』（和老話）。請看康培德〈環境、空間與區域：地理學觀點下十七世紀中葉大肚王統治的消長〉（2003）甲洪麗完〈從萬選居的故事談漢番合力開發台中盆地〉。通知「Lâm-tâu」後節 -tâu 个詞原是荷蘭字『TAUSA』後壁彼个先住民語語詞个前節、夭「Lâm-」个詞底是和老語方向詞「lâm」。
《嘉慶重修一統志》有寫講『⋯⋯大武郡社社東為南投山有社二溪南曰南投社溪北曰北投社』。
甘爲霖《FORMOSA UNDER THE DUTCH》所寫个『THAUSA-CALACHEY』（229）應該着是『TAUSA TALAKEY』。
洪國聖（@KSHONG214）〈水沙連・日月潭 SUISALIAM WAZAQAN 邵族由竹山移住初探〉（上）寫講『THAUSA-CALACHEY 溪就是今南投縣貓羅溪（亦書為 TAUSA-TALAKEY 溪），沿岸部落有 TAUSABATO SAVAVA（北投，其東方為 TAUSA-MATO 草屯）與 TAUSA-TALAKEY（SA-VAVA 南投，今南投市）。TAUSA 亦有書為 DASACK 或 DOSACK，係洪雅族 HOANYA 地域，於 1646 歸順荷蘭的村落。所提到靠近那THAUSA-CALACHEY 溪谷的 10 個 SERRIAM 村落尚未歸順村落，該是座落在今名間、集集、水里一帶，而中寮是共有的獵場』。
|
行政地名
日本体制南投街 ⇄ 中華体制南投市
相關个詞
Pak-tâu (南投、宜蘭)
Pak-tâu (台北) |
|
GÍ-SÛ
Hong-goân
|
語詞
豐原
ⒸⒸ
親成漢字
豐原豊～ |
|
早名「Hô͘-lô͘-tun」、官方名一九二〇年改做「豐原」。葉高華〈1920 年地名大變革〉將「豐原」分類做「新創日式地名」、日本音『とよはら』（**Tho͘-io͘-ha-lah）。
|
行政地名
日本体制豐原街 ⇄ 中華体制豐原區
|
|
GÍ-SÛ
Oân-lîm
|
語詞
員林
ⒸⒸ
親成漢字
員林圓～ |
|
早名「Îⁿ-nâ-á」。《堡圖》有記『員林』『～街』、注音『イン ナー』（～*Îⁿ-nâ）。〈前後山輿圖〉記『員林仔』。《教會報》定定寫「Oân-lîm」、自一九〇八年。干礁 1 篇寫「Îⁿ-nâ-á」、一八九六年。「*Îⁿ-nâ」不八寫、照咱所知。
|
行政地名
日本体制員林街 ⇄ 中華体制員林市
相關个詞
Îⁿ-nâ-á
相關个字
圓
員 |
|
GÍ-SÛ
Tōa-lō͘-pêng
|
語詞
大路畔
ⒸⒸⒽ
親成漢字
大路Ｘ |
|
彰化員林地号名。《堡圖》記『大路畔』、注音『トア ロー ペン』（～Tōa-lō͘-pêng）。《台地典》（76）注講『亦有人講 Tōa-lō͘-poān』。「*Tōa-lō͘-poān」是字面音。
|
相關个詞
pêng ("chi̍t ~ chi̍t kok")
|
|
GÍ-SÛ
Gô͘-chhe
*Gō͘-chhe |
語詞
梧棲
ⓀⓀ
五棲
ⒸⓀ
親成漢字
五叉～汊 |
|
台中地名、早名「Gō͘-chhe-káng」（五叉港、請看）。「Gō͘-chhe-káng」尾節刣起來變做「Gō͘-chhe」、照講不是日本官所發明。〈全臺前後山輿圖〉着寫「梧栖街」、無「港」字。《教會報》有 11 篇寫「Gō͘-chhe」、第一篇一八九九年、上尾篇一九六五。有 6 篇寫「Gô͘-chhe」、第一篇一九一二年、上尾篇一九六七。
台南博文堂《最新雪梅思君時調相褒合歌》有寫『五棲』。
那在地傳統个腔口、「Gō͘-chhe」「Gô͘-chhe」無處分。不閣只馬講主流台語个外埠頭人朗講「Gô͘-chhe」恰多。「Gō͘-」變做「Gô͘-」、照講完全是去乎「梧」字牽去个。
|
行政地名
日本体制梧棲街 ⇄ 中華体制梧棲區
相關个詞
Gō͘-chhe-káng (台中)
|
|
GÍ-SÛ
Gō͘-chhe-káng
|
語詞
五汊港
ⒸⓉⒸ
梧棲港
ⓀⓀⒸ
梧栖港
ⓀⓀⒸ
親成漢字
五叉港～义～ |
|
台中梧棲、《堡圖》注「梧棲港」。〈全臺前後山輿圖〉寫「梧栖街」。〈臺灣府輿圖纂要〉寫「五汊」、下脚閣注『五汊港即梧棲港～』。只个地名个歷史是按呢、『道光至同治年間起通稱「五汊港」；至光緒改「梧栖港」，至最後為「梧棲港」。「梧棲」 一詞乃寓「鳳非梧不棲」，依原文「五汊」之音雅化者也。另文人墨客，更以其在清水「鰲峰山」 之西，乃稱之為「鰲西」，蓋「鰲頭」喩科舉之首，音既近意又雅，悉先人愛鄉情懷之表露焉』（臺中縣梧棲鎮農會印行《五汊港聚落圖說—梧棲鎮地名專輯》、王益斌（2009）《臺中縣梧棲地區的都市化發展研究》所引用）。是按盞五汊港叫做五汊港、『乾隆 38 年(1773 年)吳琾等向遷善南北社番承墾塭地，為漢人大量移入之始， 當時清水隆起海岸平原潟湖錯落，莽草叢生，其外側受冬季季風吹襲及沿岸流之沖積，形成南北 二沙嘴，沙嘴與海岸並行勢若長蛇，二沙嘴間有一潮流口直通外海，此乃古牛罵溪之出海口，在 此沙汕之東側為一大潟湖，牛罵溪分五汊注入潟湖。潟湖北邊稱「頂塭」，南邊稱「下塭」，為早 期移民搭寮捕魚之處。潟湖北邊有「下湳溝」，南邊有「草湳溝」，原係五支水汊中的南北支，後 來被利用為北側大甲溪，南側大肚溪水系圳水的排水溝。雄峙外側的二沙嘴則成為天然的防波 堤，在五個水汊中的主流所成的潮流口，便是帆船出入的天然航道，亦即所稱「竹筏穴」、「五汊 港」、「梧栖港」、「鰲西港」、「梧棲港」之所在(圖 2-1-1)』（臺中縣梧棲地區的都市化發展研究）。
《教會報》云那有 3 篇寫着「Gō͘-chhe-káng」、上尾擺一九一七年。嗎有 1 篇（一九一七年）寫「Gô͘-chhe-káng」。一九二〇年「梧棲港」正式改做「梧棲」進前、咁正實有人照字音講「*Gô͘-chhe-káng」、此愛閣研究。
|
相關个詞
Gō͘-chhe-káng (台北)
Gô͘-chhe
相關个字
叉、乂、扠
|
|
GÍ-SÛ
Chhia-koaiⁿ-liâu
|
語詞
車閂寮
車閂藔
車光寮
車輄寮
ⒸⓉⓀ
車桄寮
Ⓒ㊟Ⓚ
車桄藔
Ⓒ㊟Ⓣ
𣒞桄寮
Ⓣ㊟Ⓚ
親成漢字
車ＸＸ |
|
南投鹿谷地名兼台北石碇地名。《台地典》無收。《台日》「chhia-koaiⁿ」寫做『車杆』。請看「-koaiⁿ」。
石碇車閂寮、《堡圖》寫做『車閂藔』。地名服務網注講『閂由「輄」演變而來，車路上坡地發出輄（Koai）聲處』。按呢解說照講無影。請看下脚。《麥》*koaiⁿ 有收「閂」『TO BOLT; [koaiⁿ bûn], 閂門 [koaiⁿ mûi], to bolt the door』。《雅俗通》無收只字、干礁收烏字「閂」（*oaiⁿ）『門声』。只字《麥》丸那有收。
鹿谷車輄寮、《堡圖》寫做『車桄𦼔』。日本行政体制（太平洋戰爭時代）鹿谷庄下底有大字『車輄寮』。《寶鑑》有收白字「輄」（koaiⁿ）『車輄寮地號名』。《台十五》有收「輄」（koaiⁿ）『車 chhia — 寮 liâu. 地名. 又同上字』。黃素真〈邊陲區域與慚愧祖師信仰：以林屺埔大坪頂地區為例〉注講『由田野所得契書，車光寮地名書寫方式幾經改變，於嘉慶十二年（1807）給墾字及道光十六年（1836）胎借字均書寫為𣒞桄寮，而咸豐元年（1851）典契字、光緒二年（1876）杜賣盡根契字及其契尾、光緒十四年（1888）出貝僕招佃字、光緒二 十年（1894）杜賣盡根契字改書寫為車桄寮，今則簡化為車光寮』。GOOGLE 地圖（2022 年）記『車光寮』。
地名服務網注講『車輄寮有二義，其一指聚落名，位在廣興村西部，北勢溪東岸的河階面上，今廣興國小附近。地名來源有二說，一說因開闢之初，移民在此搭草寮伐木製作車軸（有人說是牛車扶手）而得名；一說早期以牛車載運山產，牛車每行至此地，因正處上坡處而發出輄輄（ㄍㄨㄚ一）聲音，故名』。
「桄」字應該含客語『桄』相關、無一定是海字。請看「-koáiⁿ、-kúiⁿ」。
|
相關个詞
-koáiⁿ, -kúiⁿ (莖、拐)
-koaiⁿ, -kuiⁿ (杆、桄) koaiⁿ... (關) |
|
GÍ-SÛ
Chiáu-á-tau
|
語詞
鳥仔巢
ⒸⓉ㊟
親成漢字
鳥ＸＸ |
|
彰化埔心地号名、《台地典》（323）記音「Chiáu-á-tau」、注『意同「鳥岫」』。埔心恰早眞多饒平客人、路尾朗和老化（Ho̍h-ló-hòa）。「Chiáu-á-tau」恰早照講是對客語地名『*TIÂU-TEU』轉个。「Chiáu-á-」是意譯、夭「-tau」是照音轉个。『TIÂU-TEU』着是鳥壽、《客法》寫做『鵰藪』・《客英》寫做『鳥藪』・《客委會饒平典》寫做『鳥竇』。
|
相關个詞
tau (兜)
|
|
GÍ-SÛ
Tōa-oan
*Tōa-oân |
語詞
大灣
Ⓒ㊟
大彎
Ⓒ㊟
親成漢字
大㊟ |
|
地号名「Tōa-oan」（大灣、大彎）《台地典》（80）收做四組。高雄仁武・台南永康・雲林麥寮甲台北市內个「Tōa-oan」注解『意「大彎曲之地」。指傍河流或圳道之地的聚落』。仝欵、宜蘭冬山「Tōa-oan」注解『意「大彎曲之地」。由於冬山河在此處形成一轉彎，故名』。彰化竹塘甲宜蘭南澳个「Tōa-oan」注解『意「大彎曲之地」。指傍因地勢形成大轉彎的道路之聚落』。夭苗栗竹南个「Tōa-oan」注解『原意「大吵架衝突」。為終止閩粵二族之間的敵對所開的協調會，不幸再發生慘事，乃得名』。
頂高第一組按呢注解、打算無正確。第一組「Tōa-oan」、後節个詞底是古早名詞「*oan」、一堀水个意思。《妙悟》有收「淵」（*oan）『土水也水出不流曰 —』。《補彚》有收「灣」（*oan）『水曲又池名』。簡宏逸〈從古契字論臺灣地名表記的傳統規範機制〉（2013）寫講『臺北的大灣、臺南永康的大灣、高雄仁武的大灣，三地過去分別有大陂、鯽魚潭、草潭，顯然先民就是以當地的水池作為命名地方的依據』。請看下脚。
全羅《教會報》有 2 篇寫「Tōa-oân」、治日本時代。朗是塊講台南大灣。
那台北「*Tōa-oan」（→ 大安・*Tōa-an）、《堡圖》記做『大安庄』、注音『トア アン』。請看「Tāi-an」（台北）。簡宏逸《Tōa-oan (THE BIG POOL) 1653-1983: A HISTORY OF WATER, FORESTS, AND AGRICULTURE IN NORTHERN TAIWAN》寫講『THE NAME [大安], WHICH LITERALLY MEANS 'GREAT PEACE', FIRST APPEARED IN THE 1820S. THIS IS AN ABSTRACT AND FORTUNATE NAME THAT DOES NOT DESCRIBE ANY GEOGRAPHICAL FEATURE; SUCH NAMES ARE OFTEN ALTERATIONS OF EARLIER NAMES. THIS IS EXACTLY THE CASE WITH [大安]. BEFORE THE 1820S, THE NAME OF TODAY'S DA'AN WAS Tōa-oan. THE LAND DEEDS PRESERVED BY THE Lîm-an-thài 林安泰 CLAN CLEARLY DOCUMENT THE CHANGE OF NAME. THERE HAVE BEEN SEVERAL INTERESTING ATTEMPTS TO EXPLAIN THIS CHANGE, BUT I BELIEVE THAT THE INHABITANTS CHANGED THE PLACE NAME BECAUSE THEY SIMPLY BELIEVED THAT IT SOUNDED BETTER』（77）『ALTHOUGH THE CHANGE OF PLACE NAME FROM Tōa-oan TO [大安] IS EVIDENT, THE MEANING OF THE PREVIOUS NAME IS NOT. Tōa MEANS 'LARGE' IN HOKKIEN, AND THUS IT SEEMS TO DESCRIBE A SIGNIFICANT GEOGRAPHICAL FEATURE, NAMELY oan; HOWEVER, IT IS UNCLEAR TO HISTORIANS WHAT THAT FEATURE WAS. ACCORDING TO THE CHINESE-ENGLISH DICTIONARY OF THE VERNACULAR OR SPOKEN LANGUAGE OF AMOY 廈英大辭典, WHICH WAS PUBLISHED BY AMERICAN MISSIONARY CARSTAIRS DOUGLAS IN 1873 AND IS STILL AUTHORITATIVE TODAY, oan MEANS 'A BAY; A BEND IN A RIVER OR CHANNEL'. Tōa-oan IS NOT A COASTAL LOCATION, AND THUS IN THIS CASE, oan CANNOT MEAN A BAY. 'A BEND IN A RIVER OR CHANNEL' SEEMS MORE PROBABLE. MY PREDECESSORS, WHO ATTEMPTED TO EXPLAIN THE ETYMOLOGY OF DA'AN OR Tōa-oan, USUALLY ADOPTED THIS MEANING AND BELIEVED THAT Tōa-oan MEANT 'GREAT BEND'. THEY FURTHER SUGGESTED THE TWO NEARLY 90-DEGREE TURNS OF THE ... 瑠公圳 — THE MOST IMPORTANT IRRIGATION SYSTEM IN TAIPEI — AS POSSIBLE CANDIDATES FOR THE ETYMOLOGY OF Tōa-oan, BUT COULD NOT AGREE ON WHICH BEND CONTRIBUTED THE NAME. HOWEVER, THIS THEORY HAS AN OBVIOUS CHRONOLOGICAL FAULT: THE VILLAGE OF Tōa-oan HAD ALREADY BEEN FOUNDED BY 1741 — TWO DECADES BEFORE THE IRRIGATION CHANNEL RAN THROUGH IT IN THE 1760S. THUS, THE ETYMOLOGY OF 'GREAT BEND' MUST BE REJECTED』（仝）。
|
相關个詞
oan ("ji̍p káng sûi ~")
Tāi-an (台北) *Oân-·lin
相關个字
灣、湾
彎、弯 淵 |
|
GÍ-SÛ
Tang-lê-
*Tang-lê |
語詞
東螺
㊟Ⓚ
親成漢字
ＸＸ |
|
古早社名兼中部溪名。
〈康熙輿圖〉有記『東螺社』。《畫說》（104）注『今彰化縣埤頭鄕元埔村，日治時期仍稱爲番仔埔。荷蘭的台灣戶口表記載爲：DABALE BAOATA，或 DOUBALABOATA⋯⋯』。著者洪英聖隔返年〈地名逸聞雲林縣篇（5）西螺農特產與稻米聖地〉寫講『「東螺」社的「東」也不是指方位，而是由荷蘭字母（DOUBALE）譯音「東巴雷」所演變而成⋯⋯』。咱相信只字「東」字基本上是音字、不閣彼个社名那荷蘭文生做按呢、福建人煞共伊轉做「*Tang-」（亞是 *Tong-）、「東」字凡世不是單純个假名。
《堡圖》〈乾隆輿圖〉〈康熙輿圖〉有記『東螺溪』。工業化進前、北台南州・南台中州平洋个水路無定着、溪名嗎有替換・回收。請讀《畫說康熙臺灣輿圖》（101・104 葉）甲〈溯源東螺溪〉（bit.ly/3omxdXQ）。
《堡圖》有記行政地名『東螺東堡』『～西堡』。
|
|
GÍ-SÛ
Sai-lê
|
語詞
西螺
ⒸⓀ
親成漢字
西Ｘ |
|
《堡圖》有記『西螺』『～街』『～溪』、閣有『西螺堡』。〈乾隆輿圖〉有記『西螺街』『～社』『～汛』甲『卓塭厝西螺新溪』。〈康熙輿圖〉有記『西螺社』『～溪』『～塘』。
廖忠俊（2009）寫講『西螺社為東螺社（DOUBALE BAOTO，址在今彰化縣北斗鎮、埤頭鄉）之對稱』。洪英聖〈地名逸聞雲林縣篇（5）西螺農特產與稻米聖地〉寫講『「東螺」與「西螺」事實上並不是一東一西，而是東北與西南的方位關係。「東螺」社的「東」也不是指方位，而是由荷蘭字母（DOUBALE）譯音「東巴雷」所演變而成⋯⋯。後來又知道「東螺」社的西南邊，還有另外一個部落，於是隨之稱為「西螺」（SAI-LE），這時「西螺」的「西」，就不是譯音，而是以「東螺」的概略方位，作為相關位置的延伸名稱』。
有關「Sai-lê kh(o)e」（西螺溪）、請讀《畫說康熙臺灣輿圖》（101・104 葉）甲〈溯源東螺溪〉（bit.ly/3omxdXQ）。
|
行政地名
日本体制西螺街 ⇄ 中華体制西螺鎭
相關个詞
Tang-lê-
|
|
GÍ-SÛ
Ji̍t-goa̍t-thâm
|
語詞
日月潭
ⒸⒸⒸ
親成漢字
日月潭 |
|
《堡圖》有記。〈前後山輿圖〉干礁記『珠仔山（公舘）』、「舘」字字形即閣確認。
|
相關个詞
Chu-á-soaⁿ
Kan-tī-sū |
|
GÍ-SÛ
Lîm-kí-po͘
*Lîm-kì-po͘ |
語詞
林圯埔
Ⓒ㊟Ⓣ
～圮～
林屺埔
Ⓒ㊟Ⓣ
林既埔
ⒸⓀⓉ
親成漢字
林㊟Ｘ |
|
南投地名、一九二〇年乎日本官改做「竹山」。《堡圖》有記『林圯埔街』。〈前後山輿圖〉記『林〓埔』（⿰土巴～𪣀）。〈乾隆輿圖〉有記『林既庄』、《畫說》注講是『竹山鎭竹山里、中正里、中山里一帶』。〈康熙輿圖〉無記着。《畫說》（108）評論講『康熙當年對台灣的瞭解有多深？從這裡的圖說就顯現出帝國的粗略，整個南投縣就只有畫出水沙連社一個部落。荷蘭的台灣戶口表已例出來的平地南投社，在康熙輿圖反而不見，列出來的卻是內山的水沙連社』。
照文化資産網〈林圮公墓〉、一六六四年『林圮率部開墾斗六門，拓地至水沙連』。隔返年『率部經觸口進入水沙連，驅逐原住民於東埔蚋附近，林圮據守竹圍仔庄』。一六六八年、『原住民不服乘夜侵襲。林圮與所屬部眾一百餘人被殺，殘餘部眾含悲力戰，遂驅逐原住民到山後。其後居民將一百多名殉難者合葬於竹圍仔莊今現址。為感念林圯對於本地開墾的功勞，當地居民遂稱此地為林圯埔』。請看「*Lîm Kì」。
一六八五年《臺灣府志》（蔣志）寫『林驥』、是塊講林圮埔。十八世紀《諸羅縣志》寫『林〓埔』（⿰王冀、CTEXT）。『〓』（⿰王冀）不是通行漢字。那凖林屺先生原名『林圮』『林屺』、十七八世紀个讀册人無可能專工造字來共伊改名。那凖林〓（⿰王冀）是伊个原名、續落來農工商人士自然會借恰好寫・好認个字來代替。眞有可能林屺先生号做「*Lîm Kì」、啞林圮埔原底号做「*Lîm-kì-po͘」。路尾「*Lîm-kì-po͘」寫做『林圮（圯）埔』、衆人即閣共『林圮（圯）埔』讀做字面音「Lîm-kí-po͘」。〈乾隆輿圖〉由原寫『林既庄』。來到十九世紀尾・二十世紀、全羅《教會報》是專寫「Lîm-kí-po͘」、不八寫「*Lîm-kì-」。
『林圯埔』只字「圯、圮」字咁正實是塊借漢文「圮」字个音、咱無把握。大概不是。眞有可能『圯』『圮』『屺』『杞』治者朗是借「己」字做音符塊造字定定。
|
相關个詞
*Lîm Kì
相關个字
己 (kí)
屺 |
|
GÍ-SÛ
Tek-san
|
語詞
竹山
ⒸⒸ
親成漢字
竹山 |
|
早名「Lîm-kí-po͘」、官方名一九二〇年改做「竹山」、『因此地竹林密佈，好「竹」連「山」』（廖忠俊 2009）。葉高華〈1920 年地名大變革〉將「竹山」分類做「新創日式地名」、日本音『たけやま』（**Tha-ke-ia-mah）。
|
行政地名
日本体制竹山街 ⇄ 中華体制竹山鎭
|
|
GÍ-SÛ
Tàng-téng
|
語詞
凍頂
㊟Ⓒ
親成漢字
㊟頂 |
|
南投鹿谷地名、客語借詞、詞底「TÚNG-TÁNG」『山的頂端，最高的地方』（中教部客語典）。《堡圖》記做「凍頂」。
看欵「Tàng-téng」是書面客語借詞、先有人共客語「TÚNG-TÁNG」寫做「凍頂」、了後即有人共「凍頂」讀做「Tàng-téng」。咁是按呢、愛閣斟酌。無的確原底人寫「崠～」、後來客字『崠』乎人換做「凍」字。《堡圖》苗栗・新竹有五个地名用着『崠』、閣有嘉義竹崎「尖崠仔山」。啞嘉義中埔有「凍仔」、嘉義大埔有「凍仔頂」。唐山《客法》「TÚNG」寫做「棟」字。那台語地名个習慣、文字化个時永永甲『山』啦『土』啦『艹』啦、那原底寫做「崠～」、路尾乎人換做「凍～」、按呢恰意外。尚且漢字客文「TÚNG」个用字在來無講眞一致。
|
|
GÍ-SÛ
Bêng-kan
|
語詞
名間
ⓒⓒ
親成漢字
名間 |
|
南投地名、詞原日語『名間』（なま）。日語『名間』詞原「Làm-á」（請看）。全羅《教會報》干礁 1 篇有寫着「Bêng-kan」。
|
行政地名
日本体制名間庄 ⇄ 中華体制名間鄉
相關个詞
Làm-á
|
|
GÍ-SÛ
Hái-hong
|
語詞
海豐
ⒸⒸ
～豊
海風
ⒸⓀ
親成漢字
海豐～豊 |
|
唐山廣東惠州地名。台灣有幾落个庄綴塊号做「Hái-hong」。屏東市內・高雄橋仔頭甲嘉義鹿草有『海豐』。台中清水有『海風』。請看《台地典》（275、276）。雲林麥寮有『海豐』。〈乾隆輿圖〉治現此時个雲林麥寮叱有記『海豊港』。論字形、台史數位舘所收・大清時代个契字有寫『海豊厝』『海豊崙洋』『海豊庒』『海豊藔庒』云云。
漢文地名「海豐」上慢第八世紀着有（CTEXT）。
|
地名・水名
台南白河 海豐厝ᵀ
嘉義新港 海豐子ᵀ 雲林斗六 海豐崙ᵀ 彰化二水 海豐寮ᵀ 彰化田尾 海豐崙ᵀ 桃園大園仔海豐坡ᵀ |
|
GÍ-SÛ
*Kheh-lú
*Khè-lú *Khe̍h-lú *Khē-lú |
語詞
喀哩
親成漢字
ＸＸ |
|
台中烏日地号名。《堡圖》有記『喀哩』『～庄』、注音『ケ ルー』。〈前後山輿圖〉無記着。日本体制烏日庄下脚有大字『喀哩』。
地名服務網注講『喀哩指涉範圍有二：其一，聚落名。位於石螺潭南方約 1 公里處，為一個大型的集村。據洪敏麟的說法，地名的由來應為平埔族的譯音。（洪敏麟，1984：131）』『庄廟新南宮，主祀天上聖母，因九二一地震毀損，目前正重修中。其二，大字名。範圍包含今日南、北里村和螺潭村南境石螺潭一帶』。
照咱知、現此時「*Kheh-lú」（*Khè-lú）是主流音、夭「*Khe̍h-lú」（*Khē-lú）是傳統音。照講「*Kheh-lú」（*Khè-lú）是字面音。
|
相關个詞
*A-bi̍t-lú
Ē-lú-á |
|
GÍ-SÛ
oat-á
Oat-á |
語詞
挖仔
⭕
ⓀⓉ
親成漢字
ＸＸ |
|
台灣地号名寫『挖仔』。請看「oat」。
|
地名・水名
嘉義中埔挖仔厝
彰化二水挖仔內 台北八里挖子尾 台北北投內挖仔埔 台北北投挖仔內 台北新店內挖仔 外挖仔 台北深坑挖仔內 （文山） 鷄籠暖暖內越仔 外越仔
相關个詞
oat (挖)
-á (仔) |
|
GÍ-SÛ
Ē-lú-á
|
語詞
下哩仔
㊟
親成漢字
㊟ |
|
台中烏日地名、詞原不明。呼「Ē-lú-á」（～*Ē-lù-á～*Ē-luh-á、請听地名服務網个錄音）。《堡圖》治附近干礁記『番仔園』甲『溪心埧庄』。現此時治 GOOGLE 个地圖尋無。
地名服務網注講『早期名為下哩仔，彰化縣志規制志中即有本地的記載』『據本地居民的說法，除了下哩仔地名外，因此地曾有舊式糖廍，又名「下朥仔」；另外，又因此地早時多為旱園埔地，有「下埔仔」之稱』。
|
|
GÍ-SÛ
*A-bi̍t-lú
|
語詞
阿密哩
阿密里
～宻～
親成漢字
ＸＸＸ |
|
台中烏日地号名、呼音「*A-bi̍t-lú」、照地名服務網个錄音。《堡圖》有記『阿密哩』『～庄』、注音『ア ビ ルー』个欵。〈乾隆輿圖〉有記『上阿宻里庄』『下阿宻里庄』。日本体制烏日庄下脚有大字『阿密哩』。台史數位舘所收个契字有 2 張寫着『阿密里庄』、治一八〇〇年甲一八一一年。
地名服務網注講『[A-MIT-LU] 指涉範圍有二：其一，聚落名。據雍正四年（1726）巡視臺灣監察御史臣索琳奏摺記載：「⋯⋯又據彰化縣知縣稟報，據貓羅社阿密里莊管事具報：本月初八日初更時分，生番二十餘人，各帶弓箭、鏢鎗、木牌到莊，殺死佃人邱未，又鏢傷佃人林福等情。⋯⋯」』『可知，本地原為貓羅社社地，且最晚至雍正四年（1726）已有漢人入內開發。本地較大規模開墾，在乾隆年間吳洛（吳伯榮墾號）之進墾』『聚落中主要的信仰為永順宮，主祀神輔順將軍，又稱馬舍公，據聞為開漳聖王的部將，為漳州人信仰。廟宇成立時間甚早，《彰化縣志》即有本廟記錄如下：「馬舍公廟：一在阿密哩，里人公建，道光元年水沖圮」。由上可知，本地不僅聚落形成時間早，廟宇至少在道光以前即已興建完成。目前的廟身為嘉慶七年⋯⋯重建，歷經多次整修而成今貌。 其二，大字名。即大正九年後所指的阿密哩大字，範圍為今日的光明里全境』。
|
相關个詞
*Kheh-lú
Ē-lú-á |
|
GÍ-SÛ
Kok-sèng
|
語詞
國聖
國姓
ⒸⒸ
國性
ⒸⓀ
國勝
ⒸⓀ
親成漢字
國姓囯～ |
|
着是大明鄭森（Tēⁿ Sim）・田川福松（Tiân-chhoan Hok-siông）。歌仔册八寫『國姓』『國性』『鄭國姓』『鄭國聖』、不八寫『*鄭成功』。《台日》有收「國姓爺」『鄭成功の稱呼。國姓爺』甲「鄭國姓」『（人名）國姓爺。鄭成功』。《英厦》（265）有收「Tīⁿ Kok-sèng」、漢字寫做『鄭國聖』。西洋・南洋諸語『KOXINGA』（COXINGA）是將「Kok-sèng-iâ」音譯。
花蓮壽豐國聖廟主神開台聖王。夭屏東麟洛國聖宮主神三山國王。
台南七股「國 Sèng 港」、《堡圖》記做『國聖港』。台史數位舘所收・清・日時代个契字甲公文八寫『國勝港口』『國姓港』。附近國姓橋做好个時、名寫做『國聖～』、路尾有人抗議、即閣換寫做『國姓～』（劉正元・王本瑛・吳玲青・林芳丞・邱碧華・單聖佳・張懷謙・盧薇喬・台江地名書寫計畫暨史普知識推廣、2019）。『雖然現今港口位置已經因陸地浮覆而有不同，但是至今仍然稱為 [國 Sèng 港]』（劉正元・吳玲青・王本瑛・邱延洲・台江地區曾文溪以北古今地名源流調查、2018）。請看「Kok-sài-káng」。
那南投國姓、《堡圖》有記『內國性』『～庄』。官方一九二〇年將『內國性庄』个行政名換做『國姓』（大字、管轄便覽）、頂高閣設『國姓庄』。〈前後山輿圖〉記『内國勝』。廖忠俊（2008）寫講『相傳鄭成功（國姓爺）部將劉國軒曾駐半線（今彰化）並率兵追討大肚番至此地北港溪後，墾其荒埔地，稱之「國姓埔」。道光 9 年姚瑩《東槎紀略》巻 1〈埔里社紀略〉：「過草鞋墩（按今草屯）⋯⋯至外國勝埔，更渡溪而南，二十五里至埔裏社」』。
那彰化市國聖井、《台地詞書》注講『「國聖」與「國姓」同音，推測：此地可能是明鄭時期鄭成功之軍隊駐守屯田之地，並在此掘井汲水，因此命名為「國姓井」，現稱為「國聖井」』。台史數位舘所收・大清時代个契字甲公文八寫『國勝井』『國姓井莊』。
台北萬里國聖埔、《堡圖》無記、干礁記『八斗仔』。《台地詞書》注『又稱「國姓埔」，傳說為鄭成功部屬紮營屯駐之處，來由待考。國姓埔後改名為國聖村，[1971 年] 後因興建核電二廠而廢村，⋯⋯』。
|
建議
日本体制國姓庄 ⇄ 中華体制國姓鄉
地名・水名
台南七股國聖港ᴾ ㊌㊟
彰化市內國聖井ᴾ ㊟ 台北萬里國聖埔 ㊟
相關个詞
Khai Tâi Sèng-ông
Kok-sài-káng
相關个字
國、囯
|
|
GÍ-SÛ
Siā-liâu
|
語詞
社寮
ⒸⓀ
社藔
ⒸⓉ
親成漢字
社Ｘ |
|
地号名、『意「原住民的小屋」』（台地典 221）。台灣上少有四个「社寮」（仝）。『社寮』是近代字。請看「-liâu」。那鷄籠社寮、《堡圖》記『社藔庄』『社藔嶋』。〈前後山輿圖〉記『社藔』。〈臺灣汛塘望寮圖〉注『大鷄籠汛⋯⋯』、閣記『羅傼㠘』『黄地粉』。〈臺灣府汛塘圖〉有記『社藔』『圭籠城』『大圭籠汛』、「藔」字字形無介清楚。〈乾隆輿圖〉記『雞籠社』『大雞籠』『～城』。〈康熙輿圖〉記『鷄籠社』『鷄籠城』。
全羅《教會報》有 2 篇寫着「Siā-liâu」、照講是塊講竹山（～南投竹山）个社寮。
|
地名・水名
苗栗竹南～前
台北北投～後 鷄籠市內～坑 ～島
相關个詞
-liâu (寮)
|
|
GÍ-SÛ
Pà-á
|
語詞
埧雅
垻仔
壩仔
親成漢字
㊟ |
|
台中大雅个古早名。全羅《教會報》一九一三年有 1 篇寫着「Pà-á」。《堡圖》有記『埧雅』『～街』、注音『パ アー』。『～雅』是雅化体、原体『～仔』。
「Pà-á」是書面客語借詞。廖忠俊（2009、170 葉）寫講『客家地名之「壩仔」相當於閩語「埔仔」，故移民漢人入墾時，將原住民之荒野稱「阿河巴（壩）仔」，摘取末尾 2 字而簡稱為「壩仔」或「垻仔」（垻為正字，壩是俗字，2 字相通）；鄉域最古老廟宇媽祖廟〈永興宮記〉載有：「垻仔街之英靈赫濯如斯也，厥由來則係四媽先到斯境，保護斯民以故蒙其庥者」』。客語『垻仔』（*PA-*É）咁是共先住民語借个、咱不敢判斷。
《客法》（684）有收「TSHÁU-PA」『PRÉ, PRAIRIE』甲「*THÅI-PHIÀNG-PA」『GRANDE PLAINE, PRAIRIE』甲「SÂ-PA」『RIVE SABLONNEUSE, BANC DE SABLE』甲「HÂNG-PA」『QUAI, RIVAGE EN TERRAIN PLAT』。只个『-PA』（上去聲、～第三調）《客法》寫做『垻』『壩』『䃻』。
賴漢章〈大雅舊名概述〉寫講『大雅鄉舊稱「壩仔」，就狹義而言，則專指本鄉現有大雅村之街坊附近一帶』。
|
相關个字
垻、壩、𭐏 [pà]
埧 [pà] |
|
GÍ-SÛ
A-tà-bū
|
語詞
阿罩霧
ⓀⓀⓀ
阿罩務
ⓀⓀⓀ
親成漢字
ＸＸＸ |
|
霧峰个古早名、詞底先住民語。台史數位舘所收・大清時代个契字有寫『阿罩霧』『～務』。八有人寫『阿他霧』个欵。《地輿總圖》記『阿罩務』。官方名一九二〇年換做「霧峰」（"Kàu-hoē ê Miâ"、教會報 429 号、1920）。歌仔册到戰後即有寫『霧峰』『～峯』、照咱所知。
|
行政地名
日本体制霧峰庄 ⇄ 中華体制霧峰區
相關个詞
a- (阿)
|
|
GÍ-SÛ
Tāi-ngé
*Tāi-ngá |
語詞
大雅
Ⓒⓒ
親成漢字
大雅 |
|
早名「Pà-á」（請看）。官方名是一九二〇年換个。全羅《教會報》寫「Tāi-ngá」恰多、干礁 3 篇寫「Tāi-ngé」、朗治一九六〇年代。「雅」字漳音 ngé、泉音・下門音 ngá。
|
行政地名
日本体制大雅庄 ⇄ 中華体制大雅區
相關个詞
Pà-á
相關个字
雅
|
|
GÍ-SÛ
Hoe-tôaⁿ
|
語詞
花壇
ⓒⓒ
親成漢字
花壇 |
|
彰化地名、詞原日語『花壇』（かだん）。日語『花壇』个詞原是「Ka-tang-kha」前二節。
|
行政地名
日本体制花壇庄 ⇄ 中華体制花壇鄉
相關个詞
Ka-tang-kha
|
|
GÍ-SÛ
Pang-liâu
|
語詞
枋寮
ⒸⓀ
枋藔
ⒸⓉ
板寮
ⒽⓀ
邦藔
ⓀⓉ
親成漢字
方Ｘ枋Ｘ |
|
地号名。那屏東枋寮、《堡圖》共伊記做『枋藔』『～庄』。〈乾隆輿圖〉有記『枋藔口汛』。
台南左鎭个枋寮、《堡圖》記做『邦藔』。
雲林古坑『枋寮埔』嗎有寫做『板～』。
有關台北中和枋寮、廖忠俊（2009）寫講十八世紀漳和庄邊仔『因防禦番人侵擾，於此伐枋設寮派人輪班守望，原稱「班寮」，後因班、枋閩音接近，轉稱「枋寮」』。
|
地名・水名
雲林古坑枋寮埔 ㊟
南投竹山枋寮子
行政地名
日本体制枋寮庄 ⇄ 中華体制枋寮鄉
相關个詞
-liâu (寮)
|
|
GÍ-SÛ
Hok-heng
|
語詞
福興
ⒸⒸ
親成漢字
福興 |
|
彰化地名。《堡圖》有記『福興』『～庄』。請看「*Hòng-chng」。
|
行政地名
日本体制福興庄 ⇄ 中華体制福興鄉
相關个詞
*Hòng-chng
|
|
GÍ-SÛ
*Hòng-chng
|
語詞
福興庄
ⒸⒸⓒ
親成漢字
福興莊～～庒 |
|
彰化「Hok-heng chng」（中華体制：福興村）、在地人講「Hòng-chng」、前節高平調（許嘉勇、2019、私脚下請教）。
雲林崙背福興庄、在地个漳州客語專講『FÙN⁺-CHÔNG』（前節用直調）、無人講『*FU̍K-HÎN CHÔNG』（～*FŮ-HÎN CHÔNG）。塊講台語即會講「Hok-heng chng」（邱智偉、私底下請教）。注意、雲林漳州客語 -K、實音無 [k] 韻尾。請參考〈台灣詔安客家話聲、韻、調系統對照表〉。
|
相關个詞
Hok-heng
|
|
GÍ-SÛ
Pêⁿ-nâ
Pîⁿ-nâ |
語詞
坪林
ⒸⒽ
平林
ⒸⒽ
親成漢字
平Ｘ坪Ｘ |
|
大衆地号名、《台地典》注解做『平台狀的樹林』。台北坪林早名「坪林尾」。
|
地名・水名
台南南化平林
南投草屯坪林 台中太平坪林 台北三峽坪林 台北双溪平林 台北石門坪林 台北瑞芳坪林 台北坪林 ㊟
行政地名
日本体制坪林庄 ⇄ 中華体制坪林區
相關个詞
*Pêⁿ-nâ-bé...
相關个字
平、坪
|
|
GÍ-SÛ
*Āu-lêng-á
|
語詞
後壠仔
～瓏～
后龍仔
親成漢字
㊟ |
|
台中市內地号名。《堡圖》記『後壠仔』『～庄』、第二字注音『レン』上少注二擺。大清時代有契字寫『后龍仔庄』（台史數位舘）。日本時代尾、台中市下底有大字『後瓏仔』（新安大字一覽表）。地名服務網台中西區後龍里注『舊稱「後?仔」』（後?仔 ← 後壠仔？）、甲錄音「Āu-liông lí」。請看「Āu-lâng」。
陳建融〈時間寫下的頓號：慢板後壠子〉寫講『這個庄頭，就是目前梅川東路、均安街往南交會至後龍街的區域，昔稱「後壠子」。「壠」是地勢高起之意，早期聚落的形成，除了位處高地，亦攸關水源，如今梅川東西路綠園道下方，正藏著梅川暗渠。後壠子原有的地理範圍延伸到模範社區西側與北側，包括今日的草悟道一帶，往南則至與土庫里的交界。戰後，方將壠改作「龍」』。台中西區區公所〈民龍里地方文化與特色〉寫講『「後壟仔」在今台中市西區，指的是台中市區的兩條主流「柳川、梅川」和土庫溪之間，昔日隆起土地成為溪流間的小界丘，遠看有如長條狀的土壟，後來在土壟後方地帶形成小聚落，故稱為「後壟仔」』。
|
相關个詞
Āu-lâng (苗栗)
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！