|
GÍ-SÛ
Cháu-ti
|
語詞
早知
㊟
走猪
ⒸⒸ
親成漢字
走猪～豬 |
|
嘉義大林地名。《堡圖》記『早知』。〈乾隆輿圖〉記『走猪庄』。介成是一八九八年換寫做『早知』。請讀〈隨拍・被遺忘的的庄頭 - 早知〉（bit.ly/2JmD641）甲張健豐〈大林慢城發展應善用文化資產〉（www.i-media.tw/Article/Detail/6948）。
|
相關个字
早
|
|
GÍ-SÛ
Soàn-thâu
|
語詞
蒜頭
親成漢字
㊟頭 |
|
嘉義六脚地号名。《堡圖》有記『蒜頭』『～庄』。〈前後山輿圖〉無記。照六脚鄉公所个網站、「Soàn-thâu」詞底『應為「算頭」，係富戶甚多之意，而「算」因音誤為「蒜」，延用至今』。對此咱眞堯疑。請看普通詞「soàn-thâu」。
|
相關个詞
soàn-thâu (農作物)
|
|
GÍ-SÛ
chhim-kheⁿ
Chhim-kheⁿ |
語詞
深坑
⭕
ⒸⒸ
親成漢字
深坑 |
|
論連劃、地号名先無論、傳統台羅字寫『chhim-kheⁿ』『chhim-khiⁿ』、罕得干礁籠縫。
那台北地名、請看「Chhim-kheⁿ-á」。
|
行政地名
日本体制深坑庄 ⇄ 中華体制深坑區・文山區
相關个詞
Chhim-kheⁿ-á
|
|
GÍ-SÛ
Siang-khe-kháu
Siang-khoe-kháu |
語詞
雙溪口
ⒸⒸⒸ
双溪口
ⒸⒸⒸ
親成漢字
雙溪口双～～ |
|
嘉義溪口鄉早名「双溪口」。官方名一九二〇年換做「溪口」。《堡圖》有記『雙溪口』『～庄』。嘉義朴子嗎有一个「雙（双）溪口」、《堡圖》仝欵有記。別縣市丸那有幾若个「雙（双）溪口」。只个地号名眞普遍。
|
行政地名
日本体制溪口庄 ⇄ 中華体制溪口鄉
|
|
GÍ-SÛ
Bîn-hiông
|
語詞
民雄
ⓒⓒ
親成漢字
民雄 |
|
詞原日文・漢文「民雄」、日本音『たみお』。日語『民雄』（たみお）通講是口語台語借詞、詞原「Táⁿ-niau」。
|
行政地名
日本体制民雄庄 ⇄ 中華体制民雄鄉
相關个詞
Táⁿ-niau
Ko-hiông |
|
GÍ-SÛ
Hoan-á-lō͘
|
語詞
番仔路
ⒸⓉⒸ
親成漢字
蕃Ｘ路番Ｘ～ |
|
嘉義番仔路官方名一九二〇年換做「番路」。《堡圖》有記『番仔路』『～庄』。《堡圖》所記个「番仔路」上少閣有二个、治高雄內門・台中太平。
|
行政地名
日本体制番路庄 ⇄ 中華体制番路鄉
|
|
GÍ-SÛ
A-lí-san
|
語詞
阿里山
ⓀⓀⓀ
阿理山
ⓀⓀⓀ
親成漢字
ＸＸＸ |
|
《乾隆輿圖》有記『阿里山社』、位置治現此時中華体制阿里山鄉（畫說 130）。一六八〇年代《臺灣府志》（蔣志）有記載「阿里山社」『離府治一百一十里』。「阿里山」原底不是山名、照咱所知。照咱知、只字「山」字是借音字定定。
中華体制吳鳳鄉一九四六年設立。一九八九年改名做「阿里山鄉」。
花蓮阿里山溪含嘉義阿里山不知咁有關係。即閣探听・請教。
|
地名・水名
嘉義阿里山溪ᵀ ㊌
行政地名
中華体制阿里山鄉 ⇄ 日本体制嘉義郡・東石郡『蕃地』
|
|
GÍ-SÛ
Sai-mn̂g-teng
Se-mn̂g-teng |
語詞
西門町
⭕
ⒸⒸⒼ
親成漢字
西門Ｘ |
|
全羅《教會報》八寫着「Sai-mn̂g-teng」、塊講台南・嘉義『西門町』。台北个『西門町』号做「Se-mn̂g-teng」。請看「Sai-mn̂g、Se-mn̂g」。
|
地名・水名
台南市內～
嘉義市內～ 新竹市內～ 台北市內～
相關个詞
Sai-mn̂g, Se-mn̂g
-teng (町) |
|
GÍ-SÛ
Tek-thâu-kiā
|
語詞
竹頭崎
ⒸⒸⒸ
親成漢字
竹頭崎 |
|
嘉義竹崎个古早名。官方名一九二〇年改做日本名「竹崎」、日本音『たけさき』。請參考葉高華〈1920 年地名大變革〉。《堡圖》有記『竹頭崎』『～庄』。全羅《教會報》到一九三八年夭有人寫「Tek-thâu-kiā」、「*Tek-kiā」倒無寫着。
|
行政地名
日本体制竹崎庄 ⇄ 中華体制竹崎鄉
相關个詞
Tek-kiā
|
|
GÍ-SÛ
Sin-káng
|
語詞
新港
ⒸⒸ
伸港
ⓀⒸ
親成漢字
新港 |
|
大衆地号名、寫法眞一致。閣有台東成功新港溪、《堡圖》無記名。
台南新市古早地名「新港」照講是仝只个名、『顧名思義，是新形成的溪流或水道』（翁佳音・近代初期臺灣的海與事 156）、不是先住民語語詞个音譯。只个「*Sin-káng」（SINCKAN）生成是和老語社名（～番社个福建語名）。先住民語另外有社名、歐語寫做『TAGLOULOU』『TACHLOELOE』云云（康培德・荷蘭東印度公司筆下歪哥兼帶衰的雞籠 KIMAURI 人 THEODORE・152、PETER KANG・A BRIEF NOTE ON THE POSSIBLE FACTORS CONTRIBUTING TO THE LARGE VILLAGE SIZE OF THE SIRAYA IN THE EARLY SEVENTEENTH CENTURY）。
那彰化个「Sin-káng」（伸港）、日本体制線西庄下脚有大字「新港」。《堡圖》云那寫『新港』『～庄』。『伸～』个寫法應該是中治時代即有个。
台東成功早名新港。只个地名「新港」簡那是日治時代即有。《堡圖》干礁記『蔴荖漏社』。
|
行政地名
中華体制新港鄉 ⇄ 日本体制新巷庄
中華体制伸港鄉・線西鄉 ⇄ 日本体制線西庄 日本体制新港庄 ⇄ 中華体制成功鎭
相關个詞
Sin-káng (苗栗後壠)
Pūn-káng |
|
GÍ-SÛ
Koaⁿ-chin-tú
|
語詞
官眞𫔘
ⓀⓀⓉ
～真～
親成漢字
ＸＸＸ |
|
嘉義中埔地名、詞底「koaⁿ-chin」鬥「tú」。地名服務網注講『「竿蓁」是台語「菅芒」的梗，此梗曬乾後就可以做柴火，放入灶內需要放直，台語叫做「閂」。以往此地民眾大部份是客家人，彭為主姓，其後居於生活不便，人口陸續遷移，住戶不多。檳榔為作物大宗』（閂 → 𫔘）。網路作者夫子（STEPHEN）根據在地人个講法寫講『門中間一直線（ㄉㄨˋ）是竹門上的鎖柱, 由上而下垂直鎖門』『官真就是芒草桿子, 舊時農家拿這官真（芒草桿子）搭豆棚, 讓豆苗攀爬, 半年會自然腐壞回歸自然』。請讀〈嘉義中埔鄉豆讚咖啡，好咖啡一口就回甘〉。
庄內个門牌寫『官眞𫔘』『官真𫔘』。「𫔘」（tú）字是本土字、用中文家私無處打、不即有人換打『官真閂』『～閁』『～門』。GOOGLE 地圖（2022 年查）記『官真閂』。
|
相關个詞
tú (𫔘、抵)
koaⁿ-chin |
|
GÍ-SÛ
Sam-chàn-kiā
|
語詞
三層崎
ⒸⒽⒸ
親成漢字
三Ｘ崎 |
|
一个小可普遍个地号名。《台地典》（31）有記錄六个三層崎（Sam-chàn-kiā）。
|
|
GÍ-SÛ
Chúi-tńg-kha
*Chúi-téng-kha *Chúi-léng-kha |
語詞
水返脚
ⒸⓀⒽ
親成漢字
水漲Ｘ |
|
汐止个古早名、口語變体「Chúi-téng-kha」「Chúi-léng-kha」。變体「Chúi-kéng-kha」照講双原、着是講、有人想講「Chúi-téng-kha」頭二節是「chúi-kéng」（請看）（許嘉勇・講臺語踅剝皮寮）。「水返脚」只个地号名治契字內底上慢一七七〇年代着有出現（台史數位舘）。〈乾隆輿圖〉記『峰仔峙社』、無記「水返脚」。請看「kha」（脚）甲「Si̍p-chí、Si̍t-chí」。
嘉義六脚水返溝早名「水返脚」。《堡圖》有記『水返脚』。
「Chúi-tńg-kha」頭二節个詞底照講是「chúi-tńg」（請看）、不是「chúi」鬥常用詞「tńg、túiⁿ」（返）。治者「返」字是借音字。
|
相關个詞
Si̍p-chí, Si̍t-chí
kha (脚) tńg (返) chúi-kéng tńg tōa-lâng |
|
GÍ-SÛ
Soaⁿ-ti-hām
|
語詞
山猪陷
ⒸⒸⒸ
親成漢字
山猪陷～豬～ |
|
嘉義竹崎地号名。《台地典》（94）注解『意「野猪的陷阱」。在嘉南山區出現的捕捉野猪陷阱』。地名服務網注講『此地⋯⋯相對於周圍的地勢，為一凹陷的地形；先民利用此甕狀地形（或設陷阱）獵捕山豬，故而得名。當地亦稱為「豬母坑」』。
照地名服務網、台南白河嗎有『山豬陷』、『位於崎內國小南邊的小庄，早期此地有許多山豬出沒，偷吃居民的作物或番薯，因此當地居民就地鑿設陷阱捕捉，故名』。閣有台南柳營『山豬陷』、『早年此地多山豬出沒，居民常在此設陷井抓山豬而得名』。
|
相關个詞
ti (猪)
相關个字
陷
猪 |
|
GÍ-SÛ
Nńg-au
|
語詞
軟歐
ⒸⓀ
親成漢字
軟甌 |
|
嘉義竹崎地号名。『[Nńg-au] 本地因地質鬆軟且形似茶甌，故稱軟甌』（地名服務網、面册・白杞寮誌 Liâu LIFE・地號名 X 桃源村）。請看「au」。
|
相關个詞
au (𥕥、甌)
|
|
GÍ-SÛ
Phoh-á-kha
*Pho̍h-á-kha |
語詞
朴仔脚
ⒸⓉⒽ
樸仔脚
親成漢字
朴ＸＸ |
|
地名兼水名。地名「Phoh-á-kha」、官方名一九二〇年改做『朴子』。全羅《教會報》有 131 篇寫着「Phoh-á-kha」、上尾擺一九二九年。閣有 5 篇寫「Pho̍h-á-kha」、無的確不是印掞。《台地典》記音「Pho̍h-á-kha」。《甘》嗎是有寫「pho̍h-」無寫「phoh-á」。請看「phoh-á」。口語「Phoh-chú」對書面來。《教會報》有 153 篇寫「Phoh-chú」、干礁 4 篇寫「Phò-chú」。《中教部閩南典》寫「Phò-chú」。那主流現代台語來講、第三・第四調个音節治只个位朗仝調形、啞「朴」字無第三調个字音。《台地典》（191）記「Pho̍h-chú-khe、-khoe」。
《堡圖》寫『樸仔脚』『～街』『～溪』。〈乾隆輿圖〉有記『朴仔脚庄』。「樸」字咁是親漢字、咱無講眞有把握。請看「朴、樸」（字）。
朴仔脚溪只馬上少官方名号做「朴子溪」（Phoh-chú-khe、-khoe）。水頭号做牛稠溪、自早着是。
|
行政地名
日本体制朴子街 ⇄ 中華体制朴子市
相關个詞
phoh-á
相關个字
朴、樸
|
|
GÍ-SÛ
Chu-lô-san
|
語詞
諸羅山
朱螺山
親成漢字
㊟ |
|
嘉義个古早名、詞原先住民社名、古早荷蘭文献寫做『TIROSEN』云云。請看下脚。照講先住民社名代先轉做台灣海峽語「**Ti-lo-san」（起毛志体、無注調）、續落來照音借字寫做『*猪羅山』。時到、官員甲紳士嫌「猪」字不雅、宅「諸」字代替。路尾原名「**Ti-lo-san」打不見、春字面音「Chu-lô-san」。全羅《教會報》有 2 篇寫「Chu-lô-san」、另外有一篇寫『TILOSEN (Chu-lô-san?)』。朗是塊講歷史。RAYNAL・BONNE（1780）个北東南亞地圖有注『TCHULO』。黃塗《最新週遊歌》有寫『嘉義落車眞歡喜 朱螺山縣閙𤍠時』。《中教部閩南典》『諸羅山』記「Chu-lô-san」「Ti-ló-sán」双音。
〈康熙輿圖〉記『諸羅山社』、邊仔山頂記『諸羅山』、《畫說》（133）注『今嘉義縣嘉義市東邊番路鄕一帶山區』。
十七・十八世紀大清体制有設「諸羅縣」。清國設彰化縣進前、對諸羅縣・台灣縣縣界起去到台灣頭朗屬諸羅縣。現此時嘉義夭有眞多企業利用「諸羅」「諸羅山」塊号名。嘉義新港有「諸羅山」鎭安宮。
甘爲霖《FORMOSA UNDER THE DUTCH》寫講『TIROSEN』『IS THE USUAL FORM OF THE NAME, BUT IN THE DUTCH RECORDS IT ALSO OCCURS AS TIRASSEN, TIROZEN, TILOCEN, TILOSSEN, TILOCEN, AND THILOCEN』。閣寫『THE FORMER CHINESE NAME OF [THE WELL-KNOWN CITY OF KAGI IN MID-FORMOSA] WAS TSU-LO-SAN』。
|
|
GÍ-SÛ
Pang-soaⁿ
|
語詞
崩山
ⒸⒸ
枋山
ⓀⒸ
親成漢字
崩山 |
|
地号名。屏東『枋山』。嘉義布袋『崩山』。台中外埔『崩山』。台北五股『崩山』。台北深坑『崩山』。台北石碇『崩山』、GOOGLE 記『崩山 (彭山)』。鷄籠市內『崩山』。請看「pang」（崩）。
宜蘭頭城『崩山堎仔』、《台地典》（306）注音「Pang-soaⁿ-lêng-á」。
|
地名・水名
嘉義六脚前崩山
後崩山 台中大甲崩山頭 台北坪林枋山坑 崩山坑 台北双溪崩山坑 宜蘭頭城崩山堎仔 ㊟
行政地名
日本体制枋山庄 ⇄ 中華体制枋山鄉
相關个詞
pang (崩)
|
|
GÍ-SÛ
Āu Tōa-po͘
Āu-tōa-po͘ |
語詞
後大埔
ⒸⒸⓉ
后大埔
ⒸⒸⓉ
親成漢字
後大Ｘ后～Ｘ |
|
嘉義大埔个古早名。官方名是一九二〇年改个。《堡圖》有記『後大埔』『～庄』甲『後大埔溪』。《地輿總圖》有記『后大埔』。
廖忠俊（2009）寫講嘉義大埔『地名緣於早昔移民漢人來自廣東省潮州府大埔縣，故名；又因其闢拓在今臺南縣東山鄉東原村（又稱前大埔）之後，故又名「後大埔」』。前大埔・後大埔个地号名咁正實甲廣東大埔相關、咱小可堯疑。
論連劃、《教會報》十九世紀上少有 2 篇寫『Āu Tōa-po͘』。二十世紀・戰後上少有 3 篇寫『Āu-tōa-po͘』。
|
地名・水名
嘉義・台南後大埔溪 ㊌
行政地名
日本体制大埔庄 ⇄ 中華体制大埔鄉
相關个詞
Tōa-po͘
Kū-kim-soaⁿ Sió Liû-khiû |
|
GÍ-SÛ
Hiâⁿ-·chhù
|
語詞
型厝
ⓉⓉ
賢厝
ⓀⓉ
親成漢字
顔Ｘ |
|
嘉義東石『型厝』、庄名是掇唐山泉州晋江型厝号个。晋江『型厝』原底是姓「Hiâⁿ」（顔）个人塊帶。『型』通講是借音字、照推構音借个。請看「即」（字）。講恰精凖礼、只字『型』是「刑」字鬥土字脚、海字。夭「刑」字是照推構早音借个。
金門『賢厝』（Hiâⁿ-·chhù）嗎是只欵緣故（蕭藤村・洪惟仁・許嘉勇、公開面册、2018）。
|
相關个詞
Gân (顏)
相關个字
即
|
|
GÍ-SÛ
Hái-hong
|
語詞
海豐
ⒸⒸ
～豊
海風
ⒸⓀ
親成漢字
海豐～豊 |
|
唐山廣東惠州地名。台灣有幾落个庄綴塊号做「Hái-hong」。屏東市內・高雄橋仔頭甲嘉義鹿草有『海豐』。台中清水有『海風』。請看《台地典》（275、276）。雲林麥寮有『海豐』。〈乾隆輿圖〉治現此時个雲林麥寮叱有記『海豊港』。論字形、台史數位舘所收・大清時代个契字有寫『海豊厝』『海豊崙洋』『海豊庒』『海豊藔庒』云云。
漢文地名「海豐」上慢第八世紀着有（CTEXT）。
|
地名・水名
台南白河 海豐厝ᵀ
嘉義新港 海豐子ᵀ 雲林斗六 海豐崙ᵀ 彰化二水 海豐寮ᵀ 彰化田尾 海豐崙ᵀ 桃園大園仔海豐坡ᵀ |
|
GÍ-SÛ
Chio̍h-chéⁿ
|
語詞
石井
ⒸⒸ
親成漢字
石井 |
|
嘉義大埔地名兼唐山南安地名。歌仔册有幾那本寫『國姓原籍石井鄭』。
有關嘉義大埔石井、地名服務網注『中央地勢低窪，四周由堅硬石質的馬齒石岩壁構成，而其低漥處又匯集山上奔流而下的水源，形成一口取之不盡用之不竭的深井，取其「石」下之「井」而成「石井」』。
|
相關个詞
Chio̍h-chéⁿ (字姓)
|
|
GÍ-SÛ
Gī-tek-ûi
Jī-tek-ûi |
語詞
義竹圍
ⓀⒸⒸ
二竹圍
ⒸⒸⒸ
親成漢字
二竹圍 |
|
嘉義地名、官方名一九二〇年改做『義竹』。《堡圖》有記『義竹圍庄』（注音「ギー～」）甲『二竹圍』（注音「ジー～」）。邊仔夭有『竹圍仔』甲『頭竹圍』『～庄』。「Gī-tek-ûi」詞底「二竹圍」（台灣地名事典 165）。台語有个腔口 /j-/ 發音 [g]、甲 /g-/ 相仝、自按呢「Jī-tek-ûi」發了那「Gī-」、啞「義」字是假名。
全羅《教會報》有 1 篇寫「Gī-tek-ûi」、一九四〇年。有 1 篇寫「Jī-tek-ûi」、一八九五年、應該是只个所在無不着。請看 Lîm Chhiah-bé〈Phêⁿ-ô͘ Thoân-tō--ê ê Siau-sit〉（128 号、1895 年 10 月）。有幾若篇寫「Gī-tek」、自一九二四年。
南勢竹・牛挑灣屬義竹庄（日）・朴子鄉（中）。
|
行政地名
日本体制義竹庄 ⇄ 中華体制義竹鄉 ㊟
相關个字
義
|
|
GÍ-SÛ
Pò͘-tē-chhùi
|
語詞
布袋嘴
ⒸⒸⓗ
親成漢字
布袋Ｘ |
|
官方名一九二〇年改短做『布袋』（Pò͘-tē）。《堡圖》記『布袋嘴』。〈前後山輿圖〉記『布袋嘴街』。《台灣地名事典》（164）寫講『布袋得力於港口及鹽業，曾於清末民初興盛一時』。〈乾隆輿圖〉內底自然無只个地号名。
全羅《教會報》上尾擺正經寫着「Pò͘-tē-chhùi」只个地号名大概是一九二九年。不閣一九四九年有一篇寫講『Lia̍t-ūi khoàⁿ Pò ê chèng hiaⁿ-ché pêng-an! "Pò͘-tē-chhùi" lín chai mah? chiū-sī tī Ka-lâm pêng-iá ê sai hái-hōaⁿ ê chi̍t-ê sió to͘-chhī, sió káng-kháu. Kong ho̍k í-lâi, chûn-chiah ê chhut-ji̍p chin chē, jîn-kháu ji̍t-ji̍t ke-thiⁿ, chòe-kīn seng-keh chò tìn. Lú-siā, chiú-ka, hì-hn̂g, chhin-chhiūⁿ ú-hō͘ ê chhun-sún, bê-sìn koh-khah sī án-ni』。
|
行政地名
日本体制布袋庄 ⇄ 中華体制布袋鎭
|
|
GÍ-SÛ
Tang-chio̍h-káng
|
語詞
東石港
親成漢字
㊟ |
|
嘉義東石个古早名。照葉國華〈1920 年地名大變革〉、官方名是一九二二年換做「東石」。《堡圖》有記『東石港』『頂東石』『～庄』。〈乾隆輿圖〉無記『東石』、干礁記『猴𣗳港』、港名（畫說乾隆 122）。請看「*Kâu-chhiū-káng」甲「Tang-chio̍h」。
東石鄉公所寫講『康熙年間閔泉晉江縣人吳重燕、吳允秀昆仲渡海入墾，編漁戶，累世以蚵田為活計。同年代黃懷哲工支派第十一世孫黃生、黃聖昆仲，自閔泉晉江縣東石渡海來臺移拓樸仔腳東石寮，為東石地開基祖』。
|
行政地名
日本体制東石庄 ⇄ 中華体制東石鄉
相關个詞
*Kâu-chhiū-káng
Tang-chio̍h |
|
GÍ-SÛ
Láu-liâu
|
語詞
荖寮
㊟Ⓚ
親成漢字
ＸＸ |
|
嘉義市內地号名。《台地典》（293）注解『意「供種植與採收蒟醬工作使用的小屋」』。請看「láu-hio̍h」。《堡圖》無記个欵。
|
相關个詞
láu-hio̍h
Ló-liâu |
|
GÍ-SÛ
Pūn-káng
*Pùn-káng |
語詞
笨港
ⓀⓀ
親成漢字
㊟ |
|
古早雲林地名甲嘉義・雲林水名。現代人有講「Pūn-káng」。咁有人講「*Pùn-káng」、即閣請教。十八世紀个呼音（聲調）、仝欵、即閣探討。《中教部閩南典》記音「Pùn-káng」、『又音』「Pūn-káng」、不知有省根據。WIKIPEDIA 有一條「Pùn-káng-kháu Káng-kháu-kiong」（笨港口港口宮）、不閣〈笨港口港口宮沿革誌〉（短電影）講「Pūn-káng-kháu」甲「Káng-kháu-keng」。請看下脚。全羅《教會報》有 2 篇寫「Pūn-káng」（1894、1911）。寫「*Pùn-káng」个、無半篇。
只个地名、《堡圖》彼拵以經無記。〈前後山輿圖〉有記『笨港縣丞』。〈乾隆輿圖〉有記『笨港前後』『～後街』『～北街』『～汛』、閣有『笨港』、溪。照《畫說乾隆》（122）、永過笨港港南有南街、港北有北街。南街恰鬧熱、分做前街・後街。路尾做大水、南街打損去、人徙對北街、着是近代个北港。啞「笨港溪」是只馬个北港溪。啞〈康熙輿圖〉大重担、地名笨港漏交、水名笨港記做猴樹港（畫說康熙 129）。《畫說》夭有注講『康熙年間沒有出現北港溪 [= 笨港溪]，只用北港溪上游的支流石龜溪作爲北港溪主流的代稱，⋯⋯』。
翁佳音・曹銘宗〈臺灣地名真相・為什麼北港在南部，南港在北部？〉寫講笨港『後因笨港溪（今北港溪）氾濫分成了笨北港、笨南港。笨北港即今雲林縣北港鎮，笨南港後來因遷移分成新南港、舊南港，新南港即今嘉義縣新港鄉，舊南港則位於今新港鄉的南港村。雖然有新港必有舊港，但舊港的河道如果淤積陸化，則舊港的地名往往就會消失』。
古早荷蘭人个地圖有記『PONKAN』。翁・曹仝彼篇文寫講「笨港」只个地号名『可能源自原住民語』。既然含翁佳音先生嗎按呢講、通知「笨港」正實有可能對先住民語來。
嘉義東石有一間「笨港口港口宮」、媽祖廟。〈笨港口港口宮沿革誌〉（短電影）講「Pūn-káng-kháu」甲「Káng-kháu-keng」。郭玟成先生治《臺灣神奇》（14）〈笨港口港口宮・天上聖母〉（上）八紹介講『只个位愛講「笨（Pūn-）港口」、袂使講「笨（Pūn-）港」。講「笨港」、離袂開新港奉天宮・北港朝天宮・笨（Pūn-）南港水仙宮、閣來、長（Tióng-）天宮。「笨港」離袂開彼四間廟』。
嘉義新港「笨南港水仙宮」、宮廟界有人講「Pūn-lâm-káng～」。咁有人講「*Pùn-」、咱即閣請教。
|
相關个詞
Sin-káng (新港、伸港)
Pak-káng |
|
GÍ-SÛ
lo̍k-á-chháu
Lo̍k-á-chháu |
語詞
鹿仔草
⭕
ⒸⓉⒸ
親成漢字
鹿Ｘ草～Ｘ艸 |
|
着是「lo̍k-á-chhiū」（請看、台日）。
嘉義鹿草早名「Lo̍k-á-chháu」、詞底植物名「lo̍k-á-chháu」。《堡圖》有記『鹿仔草』（～庄）。〈乾隆輿圖〉有記『鹿仔草』、「草」字字形小可各樣。
埔心・梅仔厝日本体制屬鹿草庄、中華体制屬太保市（太保祥和文化藝術基金會）。
|
行政地名
日本体制鹿草庄 ⇄ 中華体制鹿草鄉 ㊟
相關个詞
lo̍k-á-chhiū
|
|
GÍ-SÛ
Thài-pó
|
語詞
太保
ⒸⒸ
親成漢字
太保大～ ～呆 |
|
《堡圖》有記『大保庄』、減一劃・寫重担。只个庄名是大清帝王十九世紀中節所賜。古早名「溝尾」（廖忠俊 2009）。
埔心・梅仔厝屬日本体制鹿草庄・中華体制太保市（太保祥和文化藝術基金會）。
|
行政地名
日本体制太保庄 ⇄ 中華体制太保市 ㊟
|
|
GÍ-SÛ
Îⁿ-nâ-á
|
語詞
員林仔
ⒸⒽⓉ
圓籃仔
ⒸⓀⓉ
親成漢字
員ＸＸ圓ＸＸ |
|
『意「圓形狀樹林」』、甲地号名「Îⁿ-nâ」「Îⁿ-chhiū-nâ」仝意思（台地典 272）。彰化員林（Oân-lîm、請看）早名「Îⁿ-nâ-á」（員林仔）。嘉義市內嗎有一个所在号做「Îⁿ-nâ-á」（員林仔・圓籃仔、台地典 272・358）。
|
地名・水名
台中大雅員林仔埔ᴴ
相關个詞
îⁿ (圓、員)
chhiū-nâ Oân-lîm |
|
GÍ-SÛ
Chio̍h-lang
|
語詞
石硦
ⒸⓉ
親成漢字
石Ｘ |
|
嘉義中埔庄名・溪名・山名。《堡圖》有記『石硦庄』。《台地典》無收。
有關「-lang」、蕭藤村先生八寫講「-lang」『算是偏漳腔，華語講『狹窄的石谷』，偏漳腔講【石硦】；華語講『狹窄的山谷』，偏漳腔講【硦仔】、【山硦】、【山硦仔】、【坑硦仔】』（公開面册、2019）。地名服務網注講（台南白河）「弄仔內」『在石廟仔東南邊的山谷內，舊名硦仔內，「硦」是指平地上長條起伏狀的微地形，此地位於六重溪畔的河谷平原，地處長條狀起伏面的內側，故稱，又言聚落屋舍建於其中，如在籠仔內，或言如在狹窄巷弄之內，故名籠仔內、弄仔內』。
《台日》有收「soaⁿ-lang」『峽谷。狹い谷』、寫做『山疎』。《厦英》有收「lang-á」『A NARROW VALLEY』「soaⁿ-lang」（仝）「soaⁿ-lang-á」（仝）「kheⁿ-lang-á」（仝）、注講「lang-」屬漳語。請看「壠」（lang、字）。
|
相關个字
壠 [lang]
硦 |
|
GÍ-SÛ
Pang-kiô
|
語詞
枋橋
ⒸⒸ
板橋
Ⓖ
親成漢字
方橋枋～ |
|
地名。新竹竹北「枋橋」（台地典 223）、《堡圖》無注个欵。《堡圖》有記三个「枋橋」。嘉義鹿草。雲林斗六。台北枋橋。《堡圖》閣有彰化社頭「枋橋」頭・「枋橋」頭湳・「枋橋」頭新。台北汐止漏「枋橋」。請看「pang」。
植民政權一九二〇年共台北枋橋号日語名『板橋』（いたはし）。台語「Pang-kiô」客語（四縣）「PIÔNG-KHIÈU」講到今、無俊悶着。事實『板橋』含『基隆』『馬公』仝欵、是日語・中語地名、不是台語地名、雖然講台語「pang」在來有寫做「板」字。日語・中語『板橋』、台語・客語「枋橋」。
|
相關个詞
pang (枋)
|
|
GÍ-SÛ
Tōa-po͘-nâ
|
語詞
大莆林
Ⓒ㊟Ⓗ
大埔林
ⒸⓉⒽ
親成漢字
大ＸＸ |
|
嘉義大林个古早名、一九二〇年由植民官厛所改。《堡圖》有記『大莆林』（～街）。映東有一个『大埔美庄』。《地輿總圖》有記『大莆林街』。〈乾隆輿圖〉有記『大埔林庄』。歌仔册《嘉義地理歌》寫『大埔林』。
『大莆林』彼字『莆』勉强通講是借音字、不閣台灣漢文「莆」字無常用、主要干礁用塊寫福建地名「Pô͘-chhân」（莆田）。事實『大莆林』只字『莆』應該是「埔」字个變体、甲『莆田』彼字「莆」字無治代。
|
行政地名
日本体制大林街 ⇄ 中華体制大林鎭
相關个詞
Tōa-nâ-pô͘
相關个字
莆
|
|
GÍ-SÛ
La̍k-kha-tiān
*La̍k-ka-tiān |
語詞
六脚佃
Ⓒ㊟Ⓒ
六加佃
ⒸⓀⒸ
親成漢字
六㊟佃 |
|
嘉義六脚个古早名。請看葉高華〈1920 年地名大變革〉。《台地典》（111）記「La̍k-kha-tiān」、注解『六戶佃農』。夭廖忠俊（2009）注解講『「腳」乃腳數是略，即數算工作者之人數，有 6 個佃農，就稱為「六腳佃」』『今六腳鄉主祀李府千歲之〈順天宮沿革誌〉第 4 行即載有「六腳鄉取自六家（腳）佃』。「La̍k-kha-tiān」減彩是「*La̍k-ka-tiān」个變体。《堡圖》有記『六脚佃』『～庄』。〈乾隆輿圖〉記『六加佃』。現此時朴子溪有一座『六家佃長壽橋』。
那凖原体是「*La̍k-ka-tiān」、「La̍k-kha-tiān」凡世双詞原。
|
行政地名
日本体制六脚庄 ⇄ 中華体制六脚鄉
|
|
GÍ-SÛ
Ka-gī
|
語詞
嘉義
ⒸⒸ
加義
ⓀⒸ
親成漢字
嘉義 |
|
一七八七年清帝王号个。一八四四年〈海國聞見錄海隅圖〉（清代臺灣山海輿圖 84）有記『加義縣』。
湖仔內治日本体制屬水上庄、治中華体制屬嘉義市。
|
行政地名
日本体制嘉義市 ⇄ 中華体制嘉義市 ㊟
|
|
GÍ-SÛ
Tōa-po͘
|
語詞
大埔
ⒸⓉ
親成漢字
大Ｘ |
|
成普遍个地号名・溪名。請看「Āu Tōa-po͘」。
廣東『大埔』、古早含漳州府相隔界、現代台語講「Tōa-po͘」（邱智偉、私底下請教）。台中東勢个客語（甲客人）有廣東大埔底、因个腔口治只馬个客語學号做「大埔腔」（Tōa-po͘ khiuⁿ）。
|
地名・水名
嘉義・台南後大埔溪 ㊌
行政地名
日本体制大埔庄 ⇄ 中華体制大埔鄉
相關个詞
Āu Tōa-po͘
|
|
GÍ-SÛ
Chúi-siōng
*Chúi-siāng |
語詞
水上
親成漢字
水上 |
|
日本字姓兼日・中体制嘉義地名、日語『水上』（みずかみ、みずがみ）、音譯做台語 **Mi-ju-ka-mih・**Mi-ju-ga-mih（起毛志体、無注調）。嘉義水上早名「水堀頭」（Chúi-khut-thâu、兼行政地名）。
日本体制水上庄有一塊（湖仔內）在治中華体制屬嘉義市。
|
行政地名
日本体制水上庄 ⇄ 中華体制水上鄉 ㊟
|
|
GÍ-SÛ
Chio̍h-ku-khe
*Chio̍h-ku-khoe |
語詞
石龜溪
ⒸⒸⒸ
親成漢字
石龜溪～龜～ |
|
雲林斗南地名兼嘉義・雲林溪名。《堡圖》有記『石龜溪』（地名）『石龜溪庄』。〈乾隆輿圖〉有記『䂖𬺞溪』、庄名。台灣鉄路現此時有「石龜」站。
《康熙輿圖》有記『石龜溪』、溪名、「龜」字詳細字形即閣確認。《畫說》（158）注講『康熙年間沒有出現北港溪，只用北港溪上游的支流石龜溪作爲北溪主流旳代稱，事實上今天的石龜溪是指嘉義縣溪口鄕三疊溪的北支流，屬於嘉義縣大林鎭和雲林縣大埤鄕的界溪』。中華民國水利署（2020）《北港溪水系三疊溪支流石龜溪治理規劃檢討》紹介講『石龜溪又名華興溪是三疊溪之支流，而三疊溪則為北港溪的主要支流，發源於梅山北側大尖山之西南麓，自嘉義梅山鄉沿雲嘉兩縣界西行，在溪口與三疊溪主流匯流』。
|
相關个字
龜、亀
|
|
GÍ-SÛ
Bôe-san
Môe-san Mûi-san Moâi-san |
語詞
梅山
ⒸⒸ
親成漢字
梅山 |
|
早名「Môe-á-kheⁿ、Mûi-、Moâi-」（梅仔坑）。官方名一九二〇年改做「小梅」（こうめ、*Kho͘-u-meh）。本地人一九二八年提出、『梅山月霽。乃諸羅八景之一。則今之小梅庄。小梅二字。帶有女性。殊不足以冠庄名。爲此該庄長江德樹氏等。議待竹林問題決。向當局陳情。改稱梅山。己作成其案。現時臺灣之街庄名中。旣有松山。又有竹山。今更加一梅山。湊成松竹梅。豈不美哉云』（臺灣日日新報 1928-7-25）。提案無通過、不閣一九三一年以經有一間「梅山自動車公司」。一九四六年台灣省政府允凖「小梅鄉」名改做「梅山鄉」。請讀劉澤民〈梅山地名的由來〉。
全羅《教會報》有 17 篇寫「Mûi-san」、14 篇寫「Môe-san」、其中一篇寫『Moê-san (Sió-moê)』。以後、「Sió-môe」「*Sió-mûi」「*Sió-moâi」「*Sió-bôe」朗無寫着。歌仔册有幾那本寫着「小梅」。捷發《百草問答相褒歌》有寫『第七草名山赤郭 大林入山是小梅 恰早省人甲化賢 來設通信只號批』、「小梅」讀「Sió-môe」亞是「*Sió-bôe」。
|
行政地名
日本体制小梅庄 ⇄ 中華体制梅山鄉
相關个詞
Môe-á-kheⁿ...
|
|
GÍ-SÛ
Tâi-táu-kheⁿ
|
語詞
台斗坑
ⓀⓀⒸ
臺斗坑
ⓀⓀⒸ
親成漢字
Ｘ狗坑 |
|
地名。嘉義市內「台斗坑」（臺～）「台斗坑下庄」「台斗坑中庄」「台斗坑陂」。《台地典》「台斗坑」靴注『係由「刣狗坑」諧變而成』。
|
相關个詞
thâi (刣)
pi (埤、陂、坡)
相關个字
台 (tâi)
斗 |
|
GÍ-SÛ
*Âng-mô͘-pi
*Âng-mn̂g-pi |
語詞
紅毛埤
ⒸⒸⓉ
親成漢字
紅毛陂 |
|
嘉義市內水名・地名・山名。《堡圖》有記『紅毛埤』『～庄』。
傳統在地音「*Âng-mô͘-pi」。現代音事實不知是「*Âng-mô͘-pi」亞是「*Âng-mo͘-pi」。嘉義市內音・內山音第一・第五調橫調（～轉調、變調）仝調勢（中平調）、听無爭差。台灣話二十世紀發生音變、「*thâu-mô͘」變做「thâu-mo͘」云云。雖然漢文音 mô͘ 無變、『羽毛』由原講「ú-mô͘」、總是「*Âng-mô͘-」嗎不是漢文語詞。理論上、『紅毛埤』現此時是「*Âng-mo͘-pi」無不着、不閣此夭欠論証。《台地典》（262）記『Âng-mn̂g-pi』『Âng-mô͘-pi』。《白話典》由原收『âng-mô͘-thô͘』、無記『*âng-mo͘-thô͘』。
|
相關个詞
Âng-mn̂g- (族名)
|
|
GÍ-SÛ
Lâm-chēng
|
語詞
南靖
ⒸⒸ
親成漢字
南靖 |
|
唐山福建地名兼嘉義水上地号名。嘉義水上「南靖」、《台地典》（255）注解『意「南靖人的聚落」。「南靖」爲福建省漳州府「南靖縣」的簡稱』。
《曾氏台灣淵源譜》注講漳州南靖縣『隋代稱蘭水縣，元至治元年（1322 年），析龍溪、龍巖、漳浦交界地域置南勝縣（今南靖縣、平和縣全境及漳浦縣部分），⋯⋯。元至正十六年（1355 年），南勝縣改名為南靖縣，「南方安靖」，並把縣政府遷至靖城』。
|
地名・水名
嘉義梅山南靖寮
嘉義溪口南靖厝 雲林斗南南靖厝 台北鶯哥南靖厝 |
|
GÍ-SÛ
Ka-tang-kha
|
語詞
茄苳脚
ⓉⓉⒽ
加冬脚
ⓀⓀⒽ
親成漢字
ＸＸＸ |
|
大衆地号名。請看《台地典》265 葉。屏東佳冬早名「Ka-tang-kha」。彰化花壇早名「Ka-tang-kha」。捷發《百草問答相褒歌》有寫『花壇舊號加冬脚』。
屏東佳冬、《堡圖》甲一九〇七年〈臺灣郵便線路圖〉寫「茄苳脚」。一九三五年〈高雄全州景勝交通鳥瞰圖〉（高市文化局 2005）寫「佳冬」。〈乾隆輿圖〉有記『加冬脚庄』（畫說乾隆 179、「脚」字用『𨚫』無用『却』）甲『下加冬脚庄』（畫說乾隆 171）、不閣位置甲現代屏東佳冬無一致。
|
相關个詞
ka-tang (Ka-tang)
Hoe-tôaⁿ |
|
GÍ-SÛ
Tek-kiā
|
語詞
竹崎
親成漢字
竹崎 |
|
琉球・日本字姓字『竹』、日本音『たけ』云云、台音 tek。
「竹崎」日本音『たけさき』（**Tha-ke-sa-kih、起毛志体、無注調）。
「竹內」（新字体：竹内）日本音『たけうち』（**Tha-ke-u-chih）。
|
行政地名
日本体制竹崎庄 ⇄ 中華体制竹崎鄉
相關个詞
Tek-thâu-kiā
*San-kiā |
|
GÍ-SÛ
Gû-taⁿ-oan
*Gû-taⁿ-oân |
語詞
牛挑灣
ⒸⒽⒸ
親成漢字
牛擔灣～～彎 |
|
嘉義朴子地名、《堡圖》有記。雲林水林地名、《堡圖》有記。雲林斗六地名。《台地典》（133）注解做『意 「形似牛軛的河曲」。似為 「牛軛湖」』。治者「挑」字是訓用字。請看「taⁿ」（担）。全羅《教會報》有 2 篇寫「Gû-taⁿ-oân」（1894、1928）。
GOOGLE 地圖超（chhiau）『牛担灣』『牛擔灣』超無台灣地名、不閣會超着一个中國地名、潮州府城向北三十外公理路。
|
相關个詞
taⁿ (担)
gû-taⁿ
相關个字
灣、湾
|
|
GÍ-SÛ
Táⁿ-niau
|
語詞
打猫
ⓀⓀ
打貓
⭕
ⓀⓀ
打苗
～苖
親成漢字
ＸＸ |
|
嘉義地名、一九二〇乎官方換做「民雄」。《臺灣堡圖》寫「打猫」、注「ター ニヤウ」。《地輿總圖》記『打苖街』。《教會報》專寫「Táⁿ-niau」、不八寫 *Tá-niau。請看「niau」。
許嘉勇先生（公開个面冊、2013）講民雄在地人有个講「-niau」有个講「-bâ」。只个「Táⁿ-bâ」通講是字面音、對用字來産生个。
|
相關个詞
Táⁿ-káu
niau (生物) bâ-á |
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！