|
GÍ-SÛ
kí-lē
kú-lē |
語詞
擧例
⭕
ⒸⒸ
親成漢字
舉例擧～ |
|
日語借詞亞是中語借詞。現代台語「舉例」應該主要是共中文借个。請看「pí lē」。瑞成《採花薄情新歌》有寫『我擧一例來批評』。
日語有講『挙例』（きょれい）。韓語無講『*擧例』、亞是眞無常用。中語有講『举例』（舉～』。
|
相關个詞
soán-kí, -kú
pí lē (動詞) |
|
GÍ-SÛ
Hong-oán
|
語詞
芳苑
親成漢字
芳苑 |
|
中華行政地名、對應日本体制「沙山」（Soa-san）。早名「Hoan-oah」（番挖）。
听講「芳苑」是大清時代一位讀册人洪算諒所号个名、亞是因兜厝宅个名（李筱峰・彰化地名的故事）。咁有影是按呢、咱即閣探听。
|
行政地名
中華体制芳苑鄉 ⇄ 日本体制沙山庄
相關个詞
Hoan-oah
Soa-san... |
|
GÍ-SÛ
tiāu
*thiāu |
語詞
兆
⭕
Ⓒ
親成漢字
兆 |
|
《台日》「兆」（tiāu）有注解『（數）兆』。王育德《常彚》嗎是干礁注解『兆』。《厦英》（499）「-tiāu」（～兆）無做數詞。《增補厦英》（229）「chi̍t tiāu」注解『A MILLION』。EMBREE 注解『TRILLION (U.S.) ..., 10¹²』。《白話典》注解『萬億』（～10¹²）。夭《英厦》（314、39、546）『MILLION』『BILLION』『TRILLION』對應「pah bān」「ek」甲「cha̍p tiāu」。《增補厦英》（45）「ek」注解『A HUNDRED THOUSAND; SOMETIMES A HUNDRED MILLION』。全羅《教會報》內面「tiāu」个意思那有甲印度數字（～咱免驚意思約不着去）个時、朗是 10⁶ 个意思、不閣一九一〇年以後簡那朗無用例。看起來「tiāu」本底是 10⁶ 个意思、夭意思 10¹² 个「兆」（tiāu）是二十世紀共日語亞是中國語借个。
越南語常用詞『TRIỆU』（兆）是 10⁶、對應「tiāu」傳統个意思。漢文 LOBSCHEID 有收「MILLION, ONE」『一兆』甲「BILLION, A MILLION OF MILLIONS」『一秭』甲「TRILLION, A」『兆與兆所得又以兆乘之則可謂 TRILLION』
|
|
GÍ-SÛ
hái-lē-á
|
語詞
海麗仔
⭕
ⒸⓀⓉ
海鱺仔
⭕
ⒸⒼⓉ
親成漢字
海ＸＸ |
|
學名 Rachycentron canadum（EMBREE、台魚、台物錄、GBIF）。EMBREE 收做「hái-lē」。「Hái-lē」照講是中語借詞、詞原『海鱺』（～鲡、台灣中國語講 "HǍILÌ-" 个欵）。台文甲通行台灣漢文無『鱺』、自按呢人共伊讀做「-lē」。現此時台灣網路『海麗仔』『海鱺～』朗加減有人寫。
日語講『スギ』。廣東語講『懵仔魚』（MUNG⁵ ZAI² JYU²）。越南語講『CÁ BỚP』。
|
相關个詞
lē-hî, lōe-
相關个字
麗、丽
鱱 |
|
GÍ-SÛ
chhim-chhiat
|
語詞
深切
⭕
ⒸⒸ
親成漢字
深切 |
|
《台日》有收「深切」（chhim-chhiat）『手厚い。深切』、注「文」。《厦英》無收。全羅《教會報》有 4 篇用着、自一九三五年。頭擺有注漢字。台史數位舘所收・大清時代个契字有一半張仔用着只个詞。台灣歌仔册有寫『情意深切不到頭』（chêng-ì chhim-chhiat b(o)ē kàu thâu）。事實「chhim-chhiat」有可能日本時代對中文來。
|
|
GÍ-SÛ
goe̍h-piáⁿ
ge̍h-piáⁿ |
語詞
月餅
⭕
ⒸⒸ
親成漢字
月餅 |
|
應該是近代共官話文亞是中文借个。《厦英》《增補厦英》無收。《台日》有收「ge̍h-piáⁿ」、注「漳」（大概注廷担）、注講甲「tōa-piáⁿ」仝意思。傳統歌仔册不八寫。EMBREE 有收。
菲律賓福建語「ge̍h-piáⁿ」「Tiong-chhiu piáⁿ」朗有講（論壇私下請教）。
|
|
GÍ-SÛ
thong-siâng
thong-siông |
語詞
通常
⭕
ⒸⒸ
親成漢字
通常 |
|
「Thong-siông、thong-siâng」《台日》有收、注「國」（～日語借詞）、不閣《教會報》日本時代干礁 6 篇有寫「thong-siông」、頭擺一九一一年。全羅《教會報》中治時代二十統冬、「thong-siông」煞有成四十篇寫。所以現代台語「thong-siông、-siâng」凡世主要按中國語來。
|
|
GÍ-SÛ
jī-hêng
|
語詞
字形
⭕
ⒸⒸ
字型
⭕
Ⓒ㊟
親成漢字
字形 |
|
甲「字骨」（FONT）仝意思个「jī-hêng」（字形、字型）含「jī-im kap jī-hêng」（字形）彼个「jī-hêng」是無仝詞。只二條咱做一困探討。二項朗是二十世紀个借詞个欵。《台日》（頂 739）二項朗無收。全羅《教會報》一九四〇年甲一九五七年有 2 篇用着、朗是字骨个意思。咱建議「jī-hêng」專寫做『字形』。口語無處分、意思閣接近、書面硬卜分、夯枷。請看「hêng」。請看台字田〈定義集〉「jī-hêng」（字形）甲「jī-kut」（字骨）。
韓日 NAVER（網路詞典）有收「자형」『活字かつじを鋳造ちゅうぞうする原型げんけい, 母型』、寫做『字型』。閣有「자형」『字形. ( = 글자꼴)』、寫做『字形』。
《台日》有收「字體」（jī-thé）『字體。書體』。「Jī-thé」《厦英》嗎有收。《教會報》一八九八年頭擺用着。第二擺一九二八年。《台日》夭有收「字骨」（jī-kut）『筆勢。字體。書方。書風』『字義』。《厦英》（255）有收「jī-kut」『THE STYLE OR HAND IN WHICH A WORD IS WRITTEN』。
|
相關个詞
hêng ("nn̄g tâi bô kāng ~")
tián-hêng hêng-thé |
|
GÍ-SÛ
thian-chin
|
語詞
天眞
⭕
ⒸⒸ
～真 ⭕
親成漢字
天眞～真 |
|
《台日》（下 287）無收。EMBREE 有。《白話典》注講是戰後个中語借詞。《教會報》上慢自一九二〇年代着有寫「thian-chin lān-bān」。上慢自一九三〇年代着有寫單詞「thian-chin」。
日語有講『天真』（てんしん）『天真爛漫』（てんしんらんまん）、無常用个欵。
|
|
GÍ-SÛ
liap-iáⁿ
*liap-éng |
語詞
攝影
⭕
ⒸⒸ
親成漢字
攝影～景 |
|
大概是中語借詞。《台日》有收「liap-éng」（攝影）『寫眞を撮す。撮影』、無注「新」「文」「國」。《增補厦英》（144）有收「liap-éng」『TO TAKE PHOTOGRAPHS』。全羅《教會報》一九六七年即頭擺寫「liap-iáⁿ」。「*Liap-éng」不八寫。EMBREE「liap-éng」「liap-iáⁿ」樵收。
「攝」字（請看）漢音 liap（漳、泉、厦）siap（漳、厦）。
|
相關个字
攝
|
|
GÍ-SÛ
liû-liân
|
語詞
流連
⭕
ⓀⓀ
榴連
⭕
親成漢字
㊟ |
|
菓子、學名 Durio zibethinus（莊溪、台物錄）。福建語「liû-liân」是巫語借詞、對馬來語來、詞原『DURIAN』。台灣話「liû-liân」上早大概是共星馬福建語借个。《台日》《台植彚》無收「liû-liân」。EMBREE（1973）上致重生物、也是無收。《增補厦英》（148）「榴、liû」下底有收「liû-liân」『THE DURIAN FRUIT』。今馬來西亞中文寫『榴梿』（～槤）『～莲』（～蓮）『～〓』（⿰木莲）云云。『榴蓮』亞是『榴連』照講是星馬漢文恰原始个用字、照福建字音・潮州字音借个。路尾因爲「榴」字有木字平、即産生字平同化体『榴〓』（⿰木蓮）『榴槤』。《中教部國語典》寫『榴槤』（LIÚLIÁN）、注解『植物名。木棉科榴連屬，⋯⋯。也作「榴連」、「榴蓮」』。莊溪先生个網站有收『榴槤』『榴蓮』『流連』。只三組、『流連』上合台灣卡那借字个習慣。那塊寫漢羅、「liû-liân」介適合寫做羅字。
一九四〇年《教會報》661 号 Koa Jōe-liâm〈Sūn-lō͘ khòaⁿ Kàu-hōe〉寫講『Lī-khui Se-kòng, koh kúi-nā ji̍t chiū kàu Sin-ka-pho』『Tī chia ū chhut chi̍t khoán kî-khá ê ké-chí. Hia ê lâng kiò-chòe liû-liân, tōa-lia̍p chhin-chhiūⁿ ông-lâi, nā-sī gōa-bīn ū chhì, chhùn-gōa tn̂g. Chit khoán ké-chí ê bī-sò͘, thong sè-kan lóng bô, iā bô pa̍t-mi̍h thang pí. I ê kiông-bī hui-siông, lī kúi-nā pah pō͘ chiū ōe phīⁿ-kìⁿ, oán-jiân chhin-chhiūⁿ sí ê tōng-bu̍t nōa-khì ê khoán. Góa ū bóe chi̍t lia̍p, nā-sī siū bī-sò͘ ê táⁿ-kek, put-tek-í hiat lo̍h hái』。通知流連甲台灣社會治太平洋戰爭進前夭未相八。莊溪（kplant.biodiv.tw）寫講『台灣最早於 1909 年由日本橫濱植木株式會社從新加坡引入。1922 年田代安定氏從爪哇引入。1926 年櫻井芳次郎氏從馬來西亞引入。1937 年佐左木舜一氏從南洋引入。1970 年園藝考察團從泰國引入。嘉義農業試驗所，屏東高雄農業改良場有標本性栽培』。台灣大衆凡世一九七〇年代以後即含流連來熟事。
日語講『ドリアン』、不八寫做『榴～』个欵。客語『LIÙ-LIÈN』・廣東語『榴槤』（～蓮、LAU⁴ LIN⁴・LAU⁴ LIN²）・中國語『榴莲』（～槤、LIÚLIÁN）照講朗是按書面（四角字）共福建語・潮州語借个。越南語講『SẦU RIÊNG』（愁貞、～𥢆）。
|
相關个詞
Liû-khiû
sia̍h-liû
相關个字
流
連 蓮 榴 |
|
GÍ-SÛ
ló͘-le̍k
nó͘-le̍k *lō͘-le̍k |
語詞
努力
⭕
ⒸⒸ
親成漢字
努力 |
|
照講是書面日語借詞、亞是日語借詞兼中語借詞。頂古・中古漢文有「努力」只个詞、不閣台灣海峽口語原底無借。《厦英》《台日》朗無收。《教會報》一九二八年即頭擺用着、一九三〇年代起雄雄定定寫。歌仔冊有幾若本寫『努力』。
全羅《教會報》定定寫「ló͘-le̍k」、不八寫漳音「*nó͘-le̍k」。有 1 篇寫「lō͘-le̍k」。請看「努」（字）。
|
相關个字
努
|
|
GÍ-SÛ
chu-sûn
|
語詞
咨詢
⭕
ⒸⒸ
親成漢字
諮詢咨～ |
|
大概是中語借詞、那無、着是日語借詞。全羅《教會報》有 5 篇用着「chu-sûn」、頭擺一九五九年。
中國語寫『咨询』（～詢）『谘询』（諮～）云云。日語現此時寫『諮詢』多過『咨～』。平平是親漢字、寫『咨～』比寫『諮～』恰省工。請看「咨、諮」（字）。
|
相關个字
咨、諮
|
|
GÍ-SÛ
sû-lūi
|
語詞
詞類
⭕
㊟Ⓒ
親成漢字
㊟類 |
|
「Sû-lūi」不是在來詞。全羅《教會報》不八寫。《台日》無收。含《白話典》都無收。夭 EMBREE 有收「sû-lūi」『VOCABULARY』（英）『辭類』（中）。《中教部閩南典》有收「sû-lūi」（"詞彙"）『一個語言裡所有語詞和固定詞組的總稱。除一般語詞外，並包括古語、方言詞、外來語詞及各科術語等』。今借詞「sû-lūi」照講有二條。一條是「*詞彚」、按中語來。一條是「詞類」、凡世丸那是中語借詞。照講「*詞彚」無省乜功能（～無省路用）。夭日語『品詞』・中語『词性』只个概念、台語号做「詞類」凡世上妥當。請看「gí-sû、gú-sû」。
日語『品詞』・中語『词性』、越南語講『TỪ LOẠI』（詞類）。『一個語言裡所有語詞和固定詞組的總稱』（中教部閩南典）、英語講『LEXICON』。日語講『語彙』（ごい）。韓語講『어휘』（語彙）。越南語講『TỪ VỰNG』。照 VDICT、「彙」字有讀 VỰNG。
一九一七年《Lāi Gōa Kho Khàn-hō͘-ha̍k》（內外科看護學）有甲『GÚ-LŪI（語彙, GLOSSARY）』。
|
相關个詞
gí-sû, gú-sû
相關个字
辭、辞
詞 |
|
GÍ-SÛ
chiūⁿ chhia
|
語詞
上車
⭕
ⒸⒸ
親成漢字
上車 |
|
《台日》有收「chiūⁿ chhia」（上車）『車に乘る。車の上に上る』、但是照呂宋・南洋福建語（～恰無受着現代中華教育甲媒体个影响）个用詞來看、現代台語「chiūⁿ chhia」打算有中語『上车』（～車、SHÀNGCHĒ）个因素。全羅《教會報》有 49 篇寫「lo̍h chhia」、自一八九二年。干礁 9 篇寫「chiūⁿ chhia」、內底 3 篇是塊寫「peh chiūⁿ chhia」。《白話典》「chiūⁿ chhia」有注倚意詞組『khit-lì chhia-téng』（khí-lì chhia-téng、起去車頂）。
論連劃、傳統台羅字大常寫『chiūⁿ chhia』『lo̍h chhia』、朗籠縫恰多、恰無塊揷連劃。
|
|
GÍ-SÛ
piàn-sêng
|
語詞
變成
⭕
ⒸⒸ
親成漢字
變成 |
|
《厦英》《增補厦英》無收个欵。《台日》有收「變成」（piàn-sêng）『成變る。變って⋯⋯になる。變る』。《教會報》一九三三年即頭擺用着、一九五五年進前朗總干礁 2 篇用着。
|
|
GÍ-SÛ
kó-chiap
|
語詞
果汁
⭕
ⒸⒸ
親成漢字
果汁菓～ |
|
大概是戰後共中國語借个。《白話典》注講是共日語借个。請看「chúi-kó」。
韓語有講『과즙』（果汁）。
|
相關个詞
chúi-kó
相關个字
果、菓
|
|
GÍ-SÛ
jīn-ûi
jīm-ûi |
語詞
認爲
⭕
ⒸⒸ
親成漢字
認爲～為 |
|
照講是中語借詞。《白話典》無注詞源。《台日》無收、EMBREE（1973）嗎無收。全羅《教會報》「jīm-ûi、jīn-ûi」干礁 9 篇有用着（jīm- 有 8 篇、jīn- 有 1 篇）、頭擺一九五二年。
|
相關个字
爲、為 (ûi)
認 |
|
GÍ-SÛ
kheh-khì
|
語詞
客氣
⭕
ⒸⒸ
親成漢字
客氣～气 |
|
大概是二十世紀頭个書面中語借詞。《台日》無注詞原。《白話典》注講是戰前對漢文亞是中文來。《厦英》無收。《教會報》一九二六年即頭擺用着。《教會報》日本時代朗總干礁 11 篇用着。路尾干礁一九六七年都有 7 篇。唐山歌仔册差不多一九二〇年着有塊寫「客氣」啞。日本時代台灣歌仔册罕得寫「客氣」。周協隆《特編三伯想思士九帶書回故鄉新歌》有寫「免客氣」、不閣台灣歌仔册寫「bián sè-jī、bián sòe-jī」恰多。
《台灣語典》（三、1992 年版）有收「客氣」『謂謙遜也。「左傳」：齊冉猛逐之，顧而無繼，僞顚。陽虎曰：[「盡客氣也」]。註：非眞勇者。此系借用，以交際之間有賓客態度也』。
日・韓語『客氣』（～気）完全無仝意思。NAVER 有收「객기」（客氣）『BRAVADO; (술의 힘을 빌린) DUTCH COURAGE, DRUNKEN COURAGE』。《日台》（頂 268）有收「客氣」（カッキ）『銳氣。壯氣。血氣』。
|
|
GÍ-SÛ
*tang-tiong
|
語詞
㊟
親成漢字
當中 |
|
二十世紀个詞典朗無收。《白話典》無收。全羅《教會報》不八寫「tang-tiong」、不閣有 5 篇寫書面中語借詞「tong-tiong」、自一九四〇年。台語「當」字讀 tong（漢）tng（早）tòng（漢）tǹg（早）、無讀 *tang、無論腔口。「Tang-」是按口語借个。
韓・日語無講『*當中』（*当～）。
|
|
GÍ-SÛ
Ló͘-kai
|
語詞
魯該
ⓒⓒ
親成漢字
魯該 |
|
日語『ルカイ』。英語『RUKAI』。《教會報》846 号（1959）〈San-tē oē hoan-e̍k kang-chok thóng-kè-pió〉 有寫『魯該』『DRUKAI』。〈Tē 12 Kài Chóng-hōe Kán-pò〉（953 号）有寫『Ló͘-kai cho̍k』。「Ló͘-kai」（魯該）應該是共中文借个。《白話典》有收「Lu-kái」。面册『@失控的台語課』〈原住民族的臺語稱呼〉記「Lû-kái cho̍k」「Lû-kái ōe」「Lû-kái lâng」、四角字寫『廬解～』、凡世是因加忌想个。閣注『傳統稱呼〔Tsa-lī-sian-tso̍k〕(查利先族)，為「魯凱族」及「排灣族特定亞群」合稱』。Gô͘ Chhiong-sēng〈Tâi-oân Ki-tok-kàu Sú〉（教會報 518 号、1928）有寫着「hit só͘-chāi ê hoan Cha-li-sian」。
『RUKAI』台語自然着音譯做「**Lu-kaih」（起毛志体、無注調）。漢字寫做『*呂介』上合台字个字理。永過自然無人寫按呢、因爲『RUKAI』是日・中時代个用詞、夭台語甲台字治日・中時代以經變做俗語・俗字啞。請看「kái」「kái-piⁿ」。
|
相關个詞
*Cha-li-sian
kái ("chi̍t ji̍t saⁿ ~") kái-piⁿ
相關个字
呂
改 介 魯 |
|
GÍ-SÛ
Se-hong
se-hong *sai-hong |
語詞
西方
⭕
ⒸⒸ
親成漢字
西方 |
|
「Chiūⁿ Se-hong」云云、在來詞。「Se-hong lâng」云云、借詞、《教會報》一九二八年頭擺出現。EMBREE 有收「sai-hng、se-hong」『THE WEST, WESTERN REGIONS』『THE WESTERN HEAVENS OF AMITĀBHA』、後項注講是佛教用詞。地名・世俗用詞「西方」從到今罕得有人講「*Sai-hong」、含「Tang-hong、*Tong-hong」（請看）無對同。
在來詞「西方」「西天」、傳統羅字台文在來有寫做『Se-hong』『Se-thian』、用大本字。
|
相關个詞
sai-hng
tang-hng Tang-hong Tang-iûⁿ Se-iûⁿ |
|
GÍ-SÛ
jīn-sek
jīm-sek |
語詞
認識
⭕
ⒸⒸ
親成漢字
認識 |
|
罕用詞。EMBREE 有收「jīm-sek」「jīn-sek」。請看「jīn-bat」。
|
相關个詞
jīn-, jīm-bat
|
|
GÍ-SÛ
si-thé
|
語詞
尸體
⭕
ⒸⒸ
尸体
⭕
Ⓒⓒ
屍體
⭕
ⒸⒸ
屍体
⭕
Ⓒⓒ
親成漢字
屍體尸～ |
|
台灣話在來恰汁講「sin-si」「sí-thé」（請看）。「Si-thé」《厦英》無收。《增補厦英》有。《台日》收「屍體」（si-thé）『死體』、無注「文」「新」。全羅《教會報》有 4 篇寫着、自一九一五年。英漢 LOBSCHEID（505）有收「屍」（尸）「死屍」「尸身」「屍骸」、無收「*尸體」。
|
相關个詞
sí-thé
sin-si
相關个字
體、体
尸 屍 |
|
GÍ-SÛ
khì-chit
|
語詞
氣質
⭕
ⒸⒸ
親成漢字
氣質气～ |
|
《台日》注「文」。《厦英》有收、不閣全羅《教會報》朗總干礁 2 篇有用着、治一八九三年甲一九五七年。現代台語「khì-chit」事實有可能對中國語來。
|
|
GÍ-SÛ
chióng-chióng
|
語詞
種種
⭕
ⒸⒸ
親成漢字
種種 |
|
《台日》有收、注「新」。
|
|
GÍ-SÛ
chúi-chún
|
語詞
水凖
⭕
ⒸⒸ
親成漢字
水準～凖 |
|
中語借詞个欵。《台日》（下 330）《增補厦英》無收。《教會報》一九四〇年頭擺用着。彼篇是寫『レベル (chúi-chún)』、干礁宅「chúi-chún」注解『レベル』。閣來一九四七年。
|
|
GÍ-SÛ
phian-chi̍p
phian-chhip *pian-chhip *phian-chip |
語詞
編輯
⭕
ⒸⒸ
編集
⭕
ⒸⒸ
親成漢字
編㊟ |
|
「Phian-chhip」是書面日語借詞。全羅《教會報》有 289 篇寫「phian-chhip」、15 篇寫「phian-chi̍p」（中治時代進前 9 篇）、2 篇寫「phian-chip」、1 篇寫「phian-chhi̍p」。《白話典》收「phian-chhip」「phian-chip」「phian-chi̍p」「pian-chhip」四式。「Phian-chi̍p」大概參日語『編集』（字）甲車輦語『編輯』（BIĀNJÍ、音）相關。請看下脚。「輯」字（請看）生成讀 chhip。永過嗎有人讀 chip。「集」字讀 chi̍p。建議「phian-chi̍p」寫做『～集』、「phian-chhip」寫做『～輯』。
《台日》收「編輯」（phian-chhip）『編輯』、無記別个音、夭台・日語二平朗寫『～輯』。現代日語寫『編集』恰多。永過閣有一式、『編緝』。「集」字「輯」字「緝」字日語漢音朗讀『シュウ』。減彩「phian-chi̍p」是『編集』二字讀做台語、不是『～輯』讀重担。大正・昭和時代八漢字个台灣人、台語漢音普遍學了有條腹。是講韓語・朝鮮語『편집』（編輯）簡那朗無寫做『～集』（NAVER、朝鮮典）。夭《白話典》注講「phian-chi̍p」个詞原是中語『編輯』（BIĀNJÍ）。「集」字中語丸那讀 JÍ、夭「集」字台灣音 chi̍p、自按呢人着共『編輯』（BIĀNJÍ）推借（chhui-chioh）做「-chi̍p」。
《中教部閩南典》干礁記「pian-chi̍p」孤一音。論産生、「*pian-chi̍p」照講是共中語推借个。
|
建議
phian-chhip ⇄ 編輯
phian-chi̍p ⇄ 編集
相關个詞
choan-chi̍p
相關个字
編
輯 集 |
|
GÍ-SÛ
thong-sìn
|
語詞
通信
⭕
親成漢字
通㊟ |
|
「Thong-sìn」上早是日語借詞。《台日》有收「thong-sìn」『通信』（日）、寫做『通信』。閣有「thong-sìn-kio̍k」『通信局』。二條朗注「國」（～日語借詞）。夭《增補厦英》（202）「sìn、信」下底有收「thong-sìn sū-bū」『OFFICIAL BUSINESS SENT BY POST』甲「thong-sìn-oân」『A NEWSPAPER CORRESPONDENT』。高・陳（1956）《基礎語句》有教一句『Hit ê pêng-iú góa chin kú m̄ bat kap i thong-sìn』、英譯『I HAVE NOT CORRESPONDED WITH THAT FRIEND FOR A LONG TIME』、中譯『那個朋友我很久沒有跟他通信』、「沒」字字形小可各樣。《教會報》一九一〇年頭擺寫「thong-sìn」。
日語借詞「thong-sìn」詞原『通信』（つうしん）、對應韓語・朝鮮語『통신』（通信）。總是中國語『通信』『通讯』（～訊）無仝音、意思嗎有爭差。郭家寶（@BYVoid）〈中文詞彙地區差異比較——#6 信息與資訊〉（archive.ph/JKbqa）寫講『在早期「通信」與「通訊」的意義並不完全等價，前者狹義地表示「通過郵件傳遞消息」，而後者則是現代意義上的通訊了。仔細琢磨就會發現，這本質上是「信」與「訊」意義的差別所在。「信」本義爲「信使」，後產生了「誠信」和「消息」兩種引申義；而「訊」本意爲「質問」，如「審訊」，後來也產生了「消息」的意思』。施偉紅〈通信與通訊〉（archive.ph/jRNt2）寫講『廣義上說，"通信" 就是溝通、交流信息。無論採用何種手段傳遞信息，都叫 "通信"，如 "通信線路、通信衛星、通信電纜、通信樞紐、通信兵" 等。"通信" 還專指通過書信交流信息，反映情況，如 "通信處"。這種意義的 "通信"，兩字中間可以插進別的成分，如 "通過信、通了信、通三次信" 等』『"通訊" 有兩個意思。一指利用電碼傳遞消息，如 "通訊社、通訊網" 等；另一個意思是指一種新聞體裁，即 "詳實而生動地報導客觀事物或典型人物的文章"。"通訊員" 指報刊、電臺等約請的為其經常寫新聞、報導的非專業人員，而 "通信員" 則指部隊、機關中擔任傳送公文信件的人員。二者不能混用』。
中語『通信』甲『通讯』个爭差屬中語。比論講《增補厦英》「thong-sìn-oân」注解『A NEWSPAPER CORRESPONDENT』、恰倚施偉紅〈通信與通訊〉所講个『通訊員』。總是車輦語『通訊』『通信』減彩八另外借入來現代台語。無論按盞、台文照講不免將「thong-sìn」拆做『通信』『通訊』二種寫法。全部寫做『通信』（亞是羅字）不即恰省工・恰歸氣。閣再講、中語『通信』照講是日語借詞、夭『通訊』（～讯）打算是路尾革个、因爲批信中國語講『信』（XÌN）。『通信』難免乎華人連想着通批。總是台語無只个問題。
《白話典》無收「thong-sìn」、不閣有收「thong-sìn-siā」、漢字寫做『通訊社』、注講是日語借詞、詞原『通信社』。
|
相關个字
信
訊 |
|
GÍ-SÛ
Hôa-·sī
Hôa-sī *Hoa-sī |
語詞
華氏
⭕
ⓒⒸ
親成漢字
華氏 |
|
《台日》無收。《增補厦英》有收「Hoa-·sī」。全羅《教會報》有 3 篇寫『Hoa-sī』、自一九二六年。EMBREE 收『hôa-sī』。《白話典》收「Hôa-sī」「Hôa-·sī」。
|
相關个詞
Tiong-hôa
|
|
GÍ-SÛ
kiàⁿ-thâu
|
語詞
鏡頭
⭕
ⒸⒸ
親成漢字
鏡頭 |
|
《增補厦英》有收。《台日》有收「kiàⁿ-thâu」『レンズ』、寫做『鏡頭』。
越南語講『THẤU KÍNH』（透鏡）。
|
|
GÍ-SÛ
lāu-chhang
|
語詞
老葱
⭕
ⒸⓀ
親成漢字
老倡～娼 |
|
上少後節「-chhang」是官話借詞亞是中語借詞、詞原 MANDARIN『娼』（倡、CHĀNG）。《台日》有收「lāu-chhang」『年を取った淫賣婦』甲「lāu-chhang-thâu」、寫做『老娼』『～頭』、無記述性、照咱所知。歌仔册寫『老葱』。拱樂社个戱文有寫『老葱』（空愛情難斷・金銀天狗、詳細字形即閣斟酌）。「倡、娼」字本音 chhiong・chhiang、無讀 *chhang。那塊寫漢羅、「-chhang」自然着寫做羅字。那卜借四角字、「葱」字是 chh + ang 上少第一・第二・第三調个音節个約束卡那。
《厦英》《英厦》《增補厦英》《甘》朗無收「*lāu-chhang」。《日台》不知咁有收。「Lāu-chhang」是下流話、凡世對戱界來、台灣歌仔册自一九三〇年嗎定定使用。一九一二〇年代个唐山歌仔册顚倒不八寫『老葱』、照咱所知。不知「lāu-chhang」是按盞産生个。
|
相關个詞
lāu-chhang-thâu
相關个字
倡、娼 (chhiong, chhiang)
|
|
GÍ-SÛ
liû-he̍k
|
語詞
流域
⭕
ⒸⒸ
親成漢字
流域 |
|
《台日》無收。EMBREE 有。不知是中語借詞亞是日語借詞。中國語『流域』（LIÚYÙ）應該是日語借詞。《教會報》一九四七年頭擺用着。韓語丸那講『유역』（流域）。
「-*E̍k」是中華音。「域」字台灣音 he̍k、無腔口差。
|
相關个字
域
|
|
GÍ-SÛ
pêng-hoân
*pêng-hoān |
語詞
平凡
⭕
ⒸⒸ
親成漢字
平凡～凢 |
|
詞原中語『平凡』（PÍNGFÁN）亞是日語『平凡』（へいぼん）。韓語有講『평범』（平凡）。EMBREE 甲《白話典》有收「pêng-hoân」。全羅《教會報》有 4 篇寫着、自一九五七年。「Pêng-hoān」有 12 篇用着、自一九三七年。「*平凡」傳統歌仔册不八寫、照咱所知。「凡」字本音 hoân・hoān。「Pêng-hoān」不知咁夭有人講。「Pêng-hoān」去乎「-hoân」食去、打算是中語教育甲媒体所致。請看「hoān-kan」「hā-hoān」。
|
相關个詞
hoān-kan
hā-hoān hoān-nā
相關个字
凡
|
|
GÍ-SÛ
ài
|
語詞
愛
⭕
Ⓒ
親成漢字
愛 |
|
「Ài piàⁿ chiah ē iâⁿ」「ài khùn」「ài ·tio̍h khah chham sí」云云、在來詞。「Góa ài ·lí」云云、借詞。
「Góa ài ·lí」彼个 ài、《白話典》（6 葉）注講是戰後中語借詞、不閣歌仔册上慢自一九三三年着有『汝今愛我我愛汝』（玉珍・勸世青年了改自由戀愛歌）只欵話句啞。啞《厦英》（3）有收「siong-ài」『MUTUALLY LOVING (AS MAN AND WOMAN)』。
|
相關个詞
ài-kok
ài-jîn |
|
GÍ-SÛ
sin-châi
*sin-chhâi |
語詞
身材
⭕
ⒸⒸ
親成漢字
身才～材 |
|
《厦英》（435）有收。《增補厦英》有收「sin-chhâi」。《台日》有收「sin-châi」、無收「*sin-chhâi」。歌仔册有一半本仔寫、寫做『身才』。請看「io̍h-châi」「lâng-châi」。不閣只个詞在來罕用。全羅《教會報》干礁 1 篇寫「sin-chhâi」、一九六一年。無半篇寫「sin-châi」。通知現代台語「sin-châi」大概是路尾共車輦語借个。
|
相關个詞
lâng-châi
io̍h-châi
相關个字
才、材、財
|
|
GÍ-SÛ
thòng-khó͘
|
語詞
痛苦
⭕
ⒸⒸ
親成漢字
痛苦 |
|
《白話典》注講是漢文借詞（亞是日本時代个中語借詞）。《厦英》《增補厦英》無收。《台日》有收「痛苦」（thòng-khó͘）『苦痛。痛苦』、無注「國」「文」。韓語・朝鮮語無講『*痛苦』（*통고）个欵（NAVER、朝鮮典）。傳統歌仔册罕得用着、包含唐山歌仔册。
|
|
GÍ-SÛ
A-chiu
|
語詞
亞州
⭕
ⓒⒸ
亜～ ⭕
亞洲
⭕
ⓒⒸ
亜～ ⭕
親成漢字
亞州～洲 |
|
《台日》有收「A-chiu」、寫做『亞洲』。《教會報》一九四六年即頭擺用着「A-chiu」。請看「Hui-chiu」。
|
相關个詞
-chiu (州、洲)
Hui-chiu
相關个字
亞、亜
|
|
GÍ-SÛ
lūi-hêng
|
語詞
類形
⭕
ⒸⒸ
類型
⭕
ⒸⒸ
親成漢字
類型～形 |
|
《白話典》注講是日語借詞。全羅《教會報》干礁 3 篇用着、朗治一九六〇年代。今韓語寫『類型』。中國語寫『类型』（類～）。日語主要寫『類型』、『類形』丸那八有人寫。請看「hêng」「tián-hêng」。
|
相關个詞
hêng ("nn̄g tâi bô kāng ~")
tián-hêng |
|
GÍ-SÛ
Tiong-lâm-pō͘
*Tiong-Lâm-pō͘ tiong-lâm-pō͘ Tiong Lâm-pō͘ tiong lâm-pō͘ Tiong, Lâm-pō͘ tiong, lâm-pō͘ |
語詞
中南部
ⒸⒸⒸ
親成漢字
中南部 |
|
對應日本体制高雄州・台南州・台中州。眞有可能是中語借詞。全羅《教會報》八寫『Tiong-lâm-pō͘』『tiong-lâm-pō͘』『tiong lâm-pō͘』『Tiong lâm-pō͘』『Tiong Lâm-pō͘』『Tiong, Lâm-pō͘』『tiong, lâm-pō͘』、朗是塊講台灣中南部。寫『*Tiong-Lâm-pō͘』簡那上合理、不閣台文界在來無愛店大本字頭前揷連劃。請看「choân Lô」云云、閣有「Tiuⁿ Kán」。『Tiong-lâm-pō͘』『tiong-lâm-pō͘』凡世是相對恰主流个寫法、不閣「中南部」甲「東南亞」無仝詞理、不是「中南」鬥「部」、是中部鬥南部。寫做『Tiong, Lâm-pō͘』凡世恰有理。總是「台澎黨」寫做『*Tâi, Phêⁿ-tóng』那像無自然。
越南『TRUNG NAM BỘ』（中南部）不是中部鬥南部、是幾那个半中半南个省。
|
相關个詞
choân Lô
Seng Má Tâi Phêⁿ Tiuⁿ Kán Lîm-kí-po͘ Tang-lâm A Sìn Bōng Ài |
|
GÍ-SÛ
chham-ú
|
語詞
參與
⭕
ⒸⒸ
親成漢字
參與～与 |
|
全羅《教會報》有 4 篇寫「chham-ú」、頭擺一九三七年。《台日》（頂 621）無收。韓語有講『참여』（參與）。
|
相關个字
與、与 (ú, í)
與、与 (ū, ī) |
|
GÍ-SÛ
khèng-chiok
|
語詞
慶祝
⭕
ⒸⒸ
親成漢字
慶祝 |
|
「慶祝」傳統漢文着有寫。台史數位舘清國時代个契字嗎有幾那張用着。不閣《厦英》無收。《教會報》一九一四年即頭擺用着。通知「khèng-chiok」成做口語常用詞是受着日本漢文・中國漢文甲中文个牽成。
全羅《教會報》有 339 篇寫着「khèng-chiok」。內中一九一二〇年代 5 篇。一九三四〇年代 41 篇。一九五六〇年代 293 篇。
|
|
GÍ-SÛ
tong-jiân
|
語詞
當然
⭕
ⒸⒸ
親成漢字
當然 |
|
《增補厦英》「tong-jiân」注解做『OUGHT TO』。《台日》注解（日語）『當然』、例句「tong-jiân ê sū」『當然の事』。王育德《常彚》「tong-jiân」注解『当然な』、例句「tong-jiân ê sū」『当然のこと』。不閣高・陳（1956）「tong-jiân」干礁注解『OF COURSE』。台文數位典藏（DADWT）「tong-jiân」綴治句讀点後尾个例自一九五〇年代即有。「Tong-jiân」應該是部份个中語借詞。
|
相關个詞
chha (差)
|
|
GÍ-SÛ
pì-su
*pì-si |
語詞
秘書
⭕
ⒸⒸ
親成漢字
秘書祕～ |
|
《白話典》注講是日語借詞。《台日》有收「pì-su-koaⁿ」、注「國」（～日語借詞）。無收「*pì-su」。《增補厦英》（171）有收「pì-su-koaⁿ」甲「pì-su-hē」『[pì-su-koaⁿ ê] OFFICE』、無收「*pì-su」。全羅《教會報》有 5 篇寫「pì-su-koaⁿ」、自一九一二年。有 38 篇寫「pì-su」、自一九三三年、內中日本時代 3 篇・中華時代 35 篇。
|
相關个詞
-koán (舘)
pì-bi̍t
相關个字
秘、祕
|
|
GÍ-SÛ
tâi-sû
|
語詞
台詞
⭕
ⓒⒸ
親成漢字
臺詞 |
|
詞原介成是中語『台词』（臺詞、TÁICÍ）。中語『台词』應該是日語借詞。韓語有講『대사』（臺詞、NAVER）。「*Tâi-sû」全羅《教會報》不八寫。EMBREE 無收。
|
相關个詞
phàu-tâi
giân-sû koa-sû
相關个字
臺、台 (tâi)
詞 |
|
GÍ-SÛ
chhī-tìn
|
語詞
市鎮
⭕
ⒸⒸ
～鎭 ⭕
親成漢字
市鎭～鎮 |
|
《台日》《增補厦英》有收。《厦英》無。全羅《教會報》有 6 篇用着、朗治一九五六〇年代。唐山歌仔册甲中華時代个台灣歌仔册有寫『市鎮』（～鎭）。清・日時代个台灣歌仔册卜倚無。只个詞大概是共尾鏨个清國漢文借个、那無、打算是眞早个中語借詞。
台史數位舘大清時代个契字、『市鎮』出 4 筆。十八世紀 3 筆、十九世紀 1 筆。
|
相關个詞
tìn (鎭、鎮)
相關个字
鎭、鎮
|
|
GÍ-SÛ
Sèng-tàn
Sèng-tān |
語詞
聖誕
⭕
ⒸⒸ
親成漢字
聖誕 |
|
「誕」字在來有双漢音 tàn・tān。全羅《教會報》有 348 篇寫「Sèng-tàn」、自一九一八年。有 61 篇寫「Sèng-tān」、自一九一六年。那連劃先無論、有 72 篇寫「Sèng-tàn cheh」・57 篇寫「Sèng-tàn choeh」・8 篇寫「Sèng-tān cheh」・1 篇寫「Sèng-tàn-chiat」・1 篇寫「Sèng-tān-chiat」。「聖誕節」除起「Sèng-tàn cheh」一九二三〇年代朗總 5 篇以外、春个朗治車輦時代。一九二〇年代第一篇是共《閩南聖會報》轉刊个、夭第二篇著者蔡培火。台語「聖誕節」照講是中語借詞、夭「聖誕」有可能是中語借詞、嗎有可能是日語借詞。《台日》「Sèng-tàn」無注「國」。請參考潘科元〈聖誕節台語講法〉（公開面册、2020）。
治者教會界到今講「-ch(o)eh」、無講「-chiat」。
LOBSCHEID（381）收「耶穌𧨓」「耶穌降𧨓」、無收「*聖～」。
|
相關个詞
seⁿ (生)
相關个字
誕
|
|
GÍ-SÛ
pe̍h-chhi
|
語詞
白痴
⭕
ⒸⒸ
親成漢字
白痴～癡 |
|
EMBREE（1973）甲《白話典》（2009）無收。白話字台文一九二三〇年代八寫「pe̍h-chhi」。《教會報》616 号（1936）Khng Ka-im〈Te̍k-chéng Cheng-sîn-pīⁿ〉有寫『nā-sī pe̍h-chhi (白痴) á-sī lo̍k-thian-sèng ê cheng-sîn-pīⁿ chiá, kiám-chhái pí hó-lâng khah hēng-hok』。彼拵个「pe̍h-chhi」不知是共日文亞是中文借个。現代少年人愛講个「pe̍h-chhi」打算是二十世紀尾按中國語來。
日語有講『白痴』（はくち）。韓語有講『백치』（白痴、白癡）。
|
相關个字
痴、癡
|
|
GÍ-SÛ
kak-tō͘
|
語詞
角度
⭕
ⒸⒸ
親成漢字
角度 |
|
《台日》無收。《白話典》注講是日語借詞。不閣全羅《教會報》一九五〇年即頭擺用着。是講日語・韓語丸那有講『角度』（각도）。
|
|
GÍ-SÛ
liû-lōng
|
語詞
流浪
⭕
ⒸⒸ
親成漢字
流浪 |
|
全羅《教會報》有 6 篇寫着、自一九三七年。一九六〇年代占 4 篇。歌仔册一九七〇年代即有用着、照咱所知。《台日》有收「流浪」（liû-lōng）『浪浪。流浪』、注「文」。《厦英》《增補厦英》無收。
|
|
GÍ-SÛ
tòng
|
語詞
棟
⭕
Ⓒ
親成漢字
棟 |
|
「Nn̄g tòng chhù」云云。《台日》寫「棟」、注講只个語詞是文語詞。只个詞《厦英》無收、不閣《增補厦英》有。《甘》「棟」字無注只个意思。
|
|
GÍ-SÛ
tōa-lâu
|
語詞
大樓
⭕
ⒸⒸ
親成漢字
大樓 |
|
中語借詞个欵。《白話典》注講是中治時代共中文借个。EMBREE 有收。《台日》無。請看「koân-lâu」。
《教會報》一九〇九年（289 号）有寫『Chhin-chhiūⁿ Ji̍t-pún kok ê Kiaⁿ-siâⁿ ū khí chi̍t keng tōa lâu thang té ta̍k hāng ê kó͘-tóng』『Eng-kok ū khí chi chē keng tōa lâu lâi té kó͘-chá lâng só͘ ēng ê ke-si khì-hâi』。治者「tōa lâu」由原是「大个樓」、不是現代語詞「tōa-lâu」。一九一三年（334 号）有寫『Kam Bo̍k-su lâi khòaⁿ-liáu ū thé-thiap chiū koh sòe chi̍t keng tōa-lâu lâi chū-chi̍p sī kong-chhù』。一九一六年（380 号）有寫『sin-piⁿ ū chi̍t keng Sin-sè-kài ū sì tsàn ê tōa lâu』。一九二二年（444 号）有寫『Níu-iok ū chi̍t chō tōa lâu koâiⁿ 796 chhioh, 58 chàn』（原文寫 "Níu-"）。一九二九年（530 号）有寫『Kàu Tâi-lâm Se-kàu-sū bé Sin-lâu tē kiàn-tiok sin tōa-lâu kang bêng-pe̍k』。「Tōa-lâu」凡世是戰後个中語借詞。咱無介確實。咁是中語借詞、咱嗎無百份百个把握。大概是。
|
相關个詞
koân-lâu...
|
|
GÍ-SÛ
choán-ta̍t
|
語詞
轉達
⭕
ⒸⒸ
親成漢字
轉達～逹 |
|
《厦英》無收。《增補厦英》有。《台日》有收「轉達」（choán-ta̍t）『轉達』、注「文」。《教會報》一九三五年頭擺出現。台史數位舘所收・大清時代个契字加減有用着。
|
|
GÍ-SÛ
Sin-ok
|
語詞
新屋
ⒸⒸ
親成漢字
新屋 |
|
請看「Sin-chhù-á」。
|
行政地名
日本体制新屋庄 ⇄ 中華体制新屋區
相關个詞
Sin-chhù-á
*Khàm-thâu-chhù |
|
GÍ-SÛ
chū-ngó͘
|
語詞
自我
⭕
ⒸⒸ
親成漢字
自我 |
|
《台日》（下 339）無收。應該是日語借詞、不閣「chū-ngó͘ siāu-kài」「chū-ngó͘ hoán-séng」彼个接頭詞「chū-ngó͘-」大概是戰後共中國語借个。《教會報》一九二九年頭擺用着「chū-ngó͘」。一九六五年即用着接頭詞「chū-ngó͘-」个欵。
|
|
GÍ-SÛ
siāng-sî
siāng sî *siâng-sî |
語詞
同時
⭕
ⒽⒸ
親成漢字
相㊟時 |
|
「Siāng-sî」原底無常用。清・日時代个歌仔册無幾本寫『同時』。《厦英》無收「*siāng-sî」「*siâng-sî」、不閣有收「tâng-sî」。全羅《教會報》來到一九五六〇年代即恰有塊寫「siāng-sî」甲『siâng-sî』。請看下脚。通知「siāng-sî」甲「*tông-sî」會變常用是中國時代个作用。而且中國語『同时』（～時、TÓNGSHÍ）大体接近『フィラー』（FILLER）、無具体个意思。夭請看「tong-sî」。請看「siāng、sāng」（詞底 "相共"）甲「siâng、sâng」（詞底 "相同"）甲「siāng khoán」。
《台日》甲 EMBREE 有收「siāng-sî」「*siâng-sî」「kāng-sî」「tâng-sî」、無收「*tông-sî」。
連劃先無論、全羅《教會報》有 298 篇寫「siāng-sî」、自一八九一年。內底一九五六〇年代占 199 篇。55 篇寫「siâng-sî」、自一九三〇年、一九五六〇年代占 43 篇。有 169 篇寫「tâng-sî」、其中一九五六〇年代占 90 篇。閣有 138 篇寫「tông-sî」、自一九二八年、其中一九五六〇年代占 120 篇。有 6 篇寫「kāng-sî」、朗治一九五六〇年代。上早、台文「siāng-sî」朗會凍譯做英語『SIMULTANEOUS(LY)』。上少治一九二〇年進前朗夭未看着無具体意思个「siāng-sî」。
論連劃、傳統羅字台文大常寫『siāng-sî』『siâng-sî』。有幾那篇寫『siāng sî』。照「siāng khoán」（請看）个理路、籠縫寫『siāng sî』恰歸氣。不閣「siāng-sî」（同時）打算是書面借詞、詞原外語『同時』。照按呢看、寫『siāng-sî』丸那眞有理。
|
相關个詞
siāng, sāng (同)
siâng, sâng (同) siāng khoán kāng khoán tong-sî |
|
GÍ-SÛ
pō͘-tūi
|
語詞
部隊
⭕
ⒸⒸ
親成漢字
部隊 |
|
《台日》（下 891）無收。《增補厦英》有收。《白話典》注講是戰後个中語借詞。《教會報》介成一九〇四年頭擺用着（"chiàn-chûn kap chúi-lûi chûn chi̍t pō͘ tūi"）。一九二九年第二擺。
|
|
GÍ-SÛ
tam-gō͘
|
語詞
擔悞
⭕
ⓀⒸ
耽悞
ⒼⒸ
躭悞
ⒼⒸ
擔誤
ⓀⒸ
躭誤
ⒼⒸ
耽誤
ⒼⒸ
担悞
ⓀⒸ
淡悞
⭕
ⓀⒸ
親成漢字
Ｘ誤Ｘ悞 |
|
在來詞、原底應該是明・清時代共官話文（MANDARIN）借个。《厦英》（472）有收、注解『TO INJURE ANOTHER VERY SERIOUSLY BY DISAPPOINTING JUST EXPECTATIONS, AS BY MARRYING AND SOON LEAVING』。百外冬後、《白話典》注解『延誤（時間）』『（事情）落空』『挫敗（人生前途）』。通知「tam-gō͘」現代个意思有變恰多元。時間小可踐着嗎講「tam-gō͘」、只欵話句應該是中治時代共中國語借个。
《台日》注解『人を誤らせる。手違をさせる。期待を裏切る』、寫『躭誤』。《台日新》注解『期待ヲ裏切ル。間違フ。手違。仕損ズル』、寫『躭悟』。《英厦》（579）「tam-koh」有寫做『擔擱』。《八音》*tam 有收「躭」『悞』、夭 *gō͘ 收「悞」『躭』。《補彚》「躭」（*tam）字注解『悞也』。歌仔册有寫『擔悞』『耽悞』『躭悞』『擔誤』『躭誤』『耽誤』。有幾那本寫『担～』。有一半本仔寫『淡～』。其中、台灣歌仔册多數寫『擔～』。『躭～』『眈～』主要是唐山歌仔册塊寫。拱樂社个戱文有寫『淡誤』（花鼓）。今「tam-gō͘」應該是官話借詞、夭官話文『耽誤』（躭～）『擔誤』朗有寫（漢典、中教部國語典）。治者官話文『耽』（躭）『擔』朗是借音字、照咱所知。請看下脚。那塊寫漢羅、「tam-」眞適合寫做羅字。那卜借四角字、「擔」字生成是常用字、卜借恰衛生。夭「淡」字是約束汎調卡那、未來性閣恰嬴「擔」字。請看動詞「tam」。
《王力典》（980）「耽」字注解『耳大下垂』『縱情地玩樂。⋯⋯也指沉溺』『指時間上過久（後起義）』。頭二項是古漢文字義。第三項是官話文（～中文）字義、無一定甲漢文「耽、躭」字有關係。《探典》（332）收「妉、媅、耽、酖」『SOAK, SOAKED IN PLEASURE』。韓語有講『탐미』（耽美）『탐미주의자』（耽美主義者）『탐독하다』（耽讀―）『탐닉』（耽溺）、朗對應漢文字義『縱情地玩樂。⋯⋯也指沉溺』、甲『時間上過久』無明確个關係。通知中文『耽誤』『擔誤』前字朗眞有可能是借音字。
|
相關个詞
tam ("sió ~ ·chi̍t ·ē")
相關个字
誤、悞
耽、躭 擔、担 淡 |
|
GÍ-SÛ
kī-jîn
kū-jîn |
語詞
巨人
⭕
ⒸⒸ
親成漢字
巨人 |
|
EMBREE 有收「kū-jîn」「kū-jîn-chèng」。《台日》《增補厦英》無收。全羅《教會報》有 2 篇寫着「kū-jîn」。潘科元先生（新選笑談俗語歌幾个仔疑難試解）八寫『阮囡仔儂徛佇三位巨人个肩胛頭頂』（～阮囝仔人竪治三位巨人个肩胛頭頂）。
|
相關个詞
*Kū-tàn...
|
|
GÍ-SÛ
te̍k-kong-tūi
|
語詞
特攻隊
⭕
ⒸⒸⒸ
親成漢字
特攻隊 |
|
《白話典》注講是日語借詞。《台日》甲 EMBREE 無收。台羅文上慢一九五〇年代着有寫（DADWT、教會報）。
越南語講『BIỆT KÍCH』（别擊）『ĐỘI BIỆT KÍCH』（隊别擊）。
|
相關个字
敵
光 |
|
GÍ-SÛ
-sú
*sū |
語詞
署
⭕
Ⓒ
親成漢字
署 |
|
「Kéng-chèng-sú」（警政署）云云。「-*Sú」是咀音、中華時代即雄雄變做主流。全羅《教會報》有 1 篇寫「kong-sú」、一九四七年。全羅《教會報》有 7 篇寫「kéng-chhat-sū」、朗治一九三〇年代。閣有 1 篇寫「kéng-chhat-sú」、一九三九年。EMBREE 收「kong-sú」（公署）「kun-i-sú」（軍醫署）、無收「-*sū」。「署」字在來恰罕用、夭「暑」字讀 sú（厦）sí（漳）sṳ́（泉）、不閣那日本時代朗講「kéng-chhat-sū」無講「-*sú」、咱着知影「-sú」是中華咀音、去乎中華語 SHǓ（上聲）牽去个。
大細本字先無論、全羅《教會報》有 9 篇寫「kaⁿ-ga̍k-sū」、自一九〇八年。只个「-sū」治台語在來無常用。在來台語「kong-sū」是『公事』、夭「Kong-sū」是『光緒』。「Kàu-io̍k-sū」是『敎育士』（教會用詞）、夭「kàu-io̍k sú」當然是『教育史』。全羅《教會報》有 5 篇寫「pān-bū-sū」、朗治一九〇〇年左右。《厦英》（462）收做「sū」（記漳語 sī・泉語 sṳ̄）、注解『A PREFIX TO AN OFFICIAL TITLE SHOWING THAT IT IS HELD ONLY TEMPORARILY, AS A MAN OF SUFFICIENT RANK APPOINTED FOR THE TIME BY THE GOVERNOR-GENERAL』。仝欵、《增補厦英》（214）注解『A PREFIX TO AN OFFICIAL TITLE SHOWING THAT IT IS HELD ONLY TEMPORARILY』、閣收「kèng-chhat pún-sū」『OFFICE OF HEAD OF POLICE, TAIPEH』甲「piān-bū-sū」『HEAD OF A SUB-DISTRICT (A TEMPORARY OFFICE IN FORMOSA)』云云。
|
相關个詞
liân-sú
相關个字
署
暑 |
|
GÍ-SÛ
liân-sio̍k
|
語詞
連續
⭕
ⒸⒸ
親成漢字
連續 |
|
打算是日本時代共中文借个。《厦英》《增補厦英》無收个欵。《台日》有收「連續」（liân-sio̍k）『續く。連續する』、無注「國」「文」。全羅《教會報》有 69 篇寫着、自一九二五年。內底日本時代 14 篇・中華時代 55 篇。台灣歌仔册有寫『連續』。周協隆《特編三伯想思士九帶書囘故鄕新歌》有寫『天生有甲伊特約 松林英臺做連續 買去卽看恰斟足 五十外集即結局』。
現代日語寫『連続』（れんぞく）。韓語『연속』有寫做『連續』（NAVER）。
|
|
GÍ-SÛ
kàu-tùi
|
語詞
校對
⭕
ⒸⒸ
親成漢字
校對 |
|
減彩按漢文來。《台日》有收「校對」（kàu-tùi）『對照』、注「文」。《增補厦英》（241）有收「kàu-tùi」『A PROOF-READER』。全羅《教會報》干礁 1 篇有用着、治一九六一年。
|
|
GÍ-SÛ
su-iàu
|
語詞
須要
⭕
ⒸⒸ
湏～ ⓒⒸ
親成漢字
須要 |
|
「Su-iàu chai-iáⁿ」云云、助動詞。「Su-iàu chi̍t ê kok-ka」彼个動詞「su-iàu」照講是仝只个語詞。「In ê su-iàu」彼个名詞「su-iàu」（請看）屬無仝詞。《台日》《厦英》《增補厦英》朗無收。助動詞「su-iàu」、歌仔册大多數寫做『須要』、用例主要是唐山歌仔册。黨國時代有幾落本寫『需～』。現代流行歌詞丸那有寫『須要』（阿典・戀戀沙崙站、潘協慶・一代公主）。「須」字是「su-」个親成漢字。中古漢文有寫「須要」。CBETA-O 唐・宋時代个佛典、『須要』出 30 筆（唐）150 筆（宋）。『需要』出 0 筆（唐）1 筆（宋）。台史數位舘所收・大清時代个契字有 84 張寫着『須要』、朗做助動詞甲動詞个欵。卜共「su-」寫做別字、理由惡尋。有關中語・日語『需要』、請看名詞「su-iàu」。
雖然中古漢文甲台灣漢文有寫「須要」、「su-iàu」走入來台灣話減彩參中文有關係。全羅《教會報》有 552 篇寫着「su-iàu」、頭擺一九四〇年、第二擺一九四七年、用例大多數做動詞・助動詞。一九四〇年彼擺是名詞。一九四〇年代朗總 11 篇。五〇年代 273 篇。六〇年代 268 篇。
|
建議
su-iàu (動詞・助動詞) ⇄ 須要
相關个詞
su-iàu (名詞)
su (輸)
相關个字
須
需 |
|
GÍ-SÛ
kî-thāi
|
語詞
期待
⭕
ⒸⒸ
親成漢字
期待 |
|
《白話典》注講是戰後中語借詞。《台日》（頂 270）無收。《教會報》一九二四年頭擺用着。「Kî-thāi」是日語借詞亞是日本時代个中語借詞、咱無確定。不閣日語『期待』（きたい）是常用詞。
|
|
GÍ-SÛ
chiau-chi̍p
chio-chi̍p |
語詞
招集
⭕
ⒸⒸ
親成漢字
招集 |
|
「Chio-chi̍p」是在來詞、《厦英》（52）有收。《教會報》一九〇〇年頭擺寫。「Chiau-chi̍p」《教會報》自一九二九年寫起、《厦英》《台日》無收、EMBREE 有。不知咁有外語（中語、日語）因素。歌仔册甲拱樂社个戱文（兩世）有寫『招集』。請看「tiàu-chi̍p」。
|
相關个詞
tiàu-chi̍p
|
|
GÍ-SÛ
choán
|
語詞
轉
⭕
Ⓒ
親成漢字
轉 |
|
「Choán khì pa̍t keng ha̍k-hāu」云云。只个「choán」、《台日》收帶例詞「choán-sin」「choán-piàn」、無單詞例句。
|
|
GÍ-SÛ
chiân-thêng
chiân-têng |
語詞
前程
⭕
ⒸⒸ
親成漢字
前程 |
|
《厦英》（47）「chiân-têng」注解『PERSONS WHO HAVE A DEGREE, CIVIL OR MILITARY』。《增補厦英》（247）有收「chiân-thêng」『CAREER; STANDING』。夭《台日》收「chiân-thêng、chiân-têng」『前程。先途。行末』『秀才、擧人などの試驗に及第して與へられた資格。學位』、寫做『前程』、注「文」。「Chiân-têng」注講是「漳」音。全羅《教會報》有 3 篇寫「chiân-têng」、朗治十九世紀、朗符合《厦英》彼條注解。有 7 篇寫「chiân-thêng」、自一九二八年、朗是『前程。先途。行末』彼个意思、夭戰後占 5 篇。現代意思个「chiân-thêng、chiân-têng」減彩按中・日語來。
「程」字漢音 thêng（泉）têng（漳）。看起來主流近代台語讀 thêng、講「chiân-thêng」「kòe-thêng」云云。
韓語有講『전정』（前程、NAVER：前程, 前途, 行く先）。
|
相關个詞
k(o)è-thêng...
相關个字
程
|
|
GÍ-SÛ
Tāi-an
*Tōa-an |
語詞
大安
ⓒⓒ
親成漢字
大安 |
|
台北行政地名。中華体制台北市下底有『大安區』。日本体制台北市下底有大字『大安』。現此時大安教會自稱「Tāi-an Kàu-hōe」（台）『TAI-AN PRESBYTERIAN CHURCH』（英）、教會網站 https://www.taian.org.tw。台語「Tāi-an」對書面『大安』來、不知是中語借詞亞是日語借詞、亞是漢文借詞。《教會報》上慢對一九六七年起着有寫『Tāi-an kàu-hōe』。「*Tōa-an」不八寫。論詞原、請看「Tōa-oan」。
|
相關个詞
Tōa-oan
Tāi-an (台中) |
|
GÍ-SÛ
Hàn-jîn
hàn-jîn *Hàn-lâng |
語詞
漢人
⭕
ⒸⒸ
親成漢字
漢人 |
|
只个語詞上早對漢文來、含「Tn̂g-lâng」倚意。全羅《教會報》一八八九〇年代有 17 篇寫「Hàn-jîn」、26 篇寫「Tn̂g-lâng」。一九〇〇年以後有 65 篇寫「Hàn-jîn」、8 篇寫「Tn̂g-lâng」。「*Hàn-lâng」不八寫着。《英厦》（64）『CHINAMAN』惟一譯做「Tn̂g-lâng」（唐人）。「Hàn-jîn」《台日》無收。EMBREE 有。那口語台灣話、「Hàn-jîn」大概是來到中華時代即共中國語借个。台灣歌仔册清・日時代不八出現「漢人」只个族名、照咱所知。
《厦英》（118）有收「Hàn-lâng」『A CHINAMAN, AS OPPOSED TO TARTARS』（～支那人、相對 TARTARS）。『TARTAR』是滿州人・蒙古人（英厦）。通知漢文「漢人」是用治有滿人・蒙人个社會環境、主要治北支那甲北亞、含熱帶「番」・日本人・琉球人亞是台灣先住民恰無對立个意味。
南洋福建語到今講「Tn̂g-lâng」、無講「*Hàn-lâng」「*Hàn-jîn」。
|
相關个詞
Tn̂g-lâng
|
|
GÍ-SÛ
Ài-hô
|
語詞
愛河
ⒸⒸ
親成漢字
愛河 |
|
請看「Ko-hiông-chhoan」。田哲榮〈愛河 最浪漫的工業運河〉寫講『愛河之名，其實源於一場美麗的誤會。六十多年前，在初成情侶約會勝地的愛河下游，聚集了許多出租小舟供情侶談情說愛的業者，其中以詩人呂筆取名的「愛河遊船所」最負盛名，五個字的招牌直挺挺地豎立河畔。一九四九年一場颱風過後，愛河發生投河殉情事件，初抵高雄的《新生報》北部記者，誤以為河畔甫遭颱風拆解、僅剩「愛河」二字的招牌便是河名，於是以愛河殉情為標題進行報導，經媒體傳布，愛河之名始不脛而走』。
台語「-hô」干礁用治一卦溪名、不是單詞。簡單講、在來个台灣話無講「河」。那離開客庄、《堡圖》干礁『淡水河』『基隆河』『頭圍河』『宜蘭河』只四條溪号做「～河」、朗治北部。夭花蓮港附近有『三仙河庄』。《厦英》（136）「-hô」注解『A LARGE RIVER; A CANAL』、例詞有收「hô-á」『A CANAL; A DITCH』、着是含「hô-kau」（壕溝）彼个「hô-」濫濫做伙。
許嘉勇〈講臺語踅剝皮寮：從語言看臺灣的文化傳統〉寫講『在閩南語的傳統用法中，「RIVER」僅稱為「溪」，不稱為「河」，以下各溪名可以為例，其中部分溪名僅指其溪流的某區段，如基隆河有稱做基馬遜河（KIMAZON）、基麻少翁河（KIMASSAUW）、里族河（RITSOUQUIE）、雞籠河（QUELANGHSCHE）、【峰仔峙（Phang-á-sī）溪】、【大隆同（Tuā-lōng-pōng）溪】、【內港北（Lāi-káng-pak）溪】，大漢溪有稱做【大姑陷（Tuā-khoo-hām）溪】、武朥灣(PULAUAN/PINNONOUAN）溪、【新莊（Sin-tsng）溪】、擺接溪，新店溪有稱做雷裡（REVRIJCQ）溪、【艋舺（[B]áng-kah）溪】』。
|
相關个詞
Tām-chúi-hô
Hông-hô |
|
GÍ-SÛ
pan
|
語詞
班
⭕
Ⓒ
親成漢字
班 |
|
「Ha̍k-seng gín-á chio kui pan」（三伯英台遊西湖）云云、範詞、在來詞。那「pa̍t pan」彼个 pan、《白話典》注講是中治時代共中文借个、不閣《教會報》上慢自一九一〇年代着有寫（379 号、宋牧師娘・O̍h Pe̍h-oē-jī）。
|
|
GÍ-SÛ
tí-chè
té-chè |
語詞
抵制
⭕
ⒸⒸ
親成漢字
抵制 |
|
照講是日本時代个中語借詞。《厦英》無收。《增補厦英》有。《台日》收「tí-chè」、無記「*té-chè」（下 409）。全羅《教會報》不八用着「*té-chè」。「Tí-chè」干礁 1 篇、一九三六年。車輦時代个唐山歌仔册有用着「抵制」。
「抵」字漢音 tí、無論腔口。Té 是早音亞是古早咀音、咱不敢講。《厦英》（491）干礁注講下門語「抵」字讀 tí 个所在、漳語 tí・té 朗有人讀。照《台十五》个注解來看、《台十五》將 té 看做主音、治口語个次元。不閣《麥》《寶鑑》té（*téi）記做白音。《台日》所收・用着「抵」字个書面語詞、無幾條有記着「漳」音 té。大概 té 治二十世紀中後圭進前夭眞弱勢。請看「tàu-té」。
現代日・韓語無『*抵制』只个詞。
LOBSCHEID（236）無收『BOYCOTT』。
|
相關个詞
tàu-té...
tí-te̍k
相關个字
抵 (tí)
|
|
GÍ-SÛ
ha̍p-chok
|
語詞
合作
⭕
ⒸⒸ
親成漢字
合作 |
|
《厦英》《增補厦英》《台日》無收。《白話典》注講是戰後中語借詞、不閣《教會報》自一九二〇年代着有塊用、自一九三〇年代着定定塊用。日語有講『合作』（がっさく）。「Ha̍p-chok」照講是一九一二〇年代个中語借詞亞是日語借詞。
|
|
GÍ-SÛ
bah-sò
|
語詞
肉燥
⭕
Ⓗ㊟
親成漢字
ＸＸ |
|
前後節詞源無定着。《白話典》無注詞源、不閣「-sò」應該是中語借詞。請看下脚。《台日》（下 541）・《增補厦英》・王育德《常彚》・EMBREE 朗無收。粘《中教部閩南典》都無收。羅字以外、現代台灣社會寫『肉燥』。招牌寫『肉燥』是塊寫台文亞是中文、歹講、不閣漢羅台文甲流行歌詞有寫按呢。歌仔册不八出現『肉燥』。拱樂社个戱文有寫『肉噪』（母之罪）。只个「-sò」甲漢文「臊」（chho、so、so͘）字無治代。
戰後走反過台灣个中國難民有一項料理号做『哨子』『紹子』、甲北台灣个「肉燥」有成、《中教部國語典》收做「燥子」（SÀOZI）『細切的肉，或指用來調味的肉末。宋．吳自牧《夢粱錄．卷二○．肉鋪》：「且如豬肉名件，或細抹落索兒精、鈍刀丁頭肉、條攛精、竄燥子肉。」也稱為「紹子」、「臊子」』。照文献來看、台灣海峽語清・日時代夭未有「bah-sò」只个詞。大概「-sò」是中語借詞、不閣此夭欠証明。
印尼語・馬來語・爪哇語『BAKSO』个詞源是台灣海峽語「bah-so͘」。
|
相關个詞
bah (肉)
相關个字
燥
|
|
GÍ-SÛ
lông-chhoan
*lông-chhun |
語詞
農村
⭕
ⒸⒸ
親成漢字
農村 |
|
書面外來詞、不知按日文亞是中文來。大概朗有。在來个話講「chhân-chng」（田庄）。全羅《教會報》有 158 篇寫着「lông-chhoan」、頭擺一九二五年。「*Lông-chhun」無半篇。今「村」字台灣漳州漢文音無讀 chhoan、干礁讀 chhun。夭「村」字中國語讀 CŪN、表面上恰對應 chhun。咱實在不敢講「*lông-chhun」不是中華音。
《台日》（下 1036）無收。《白話典》無收。
|
相關个字
村
|
|
GÍ-SÛ
che̍k-koàn
*chi̍p-koàn |
語詞
籍貫
⭕
ⒸⒸ
親成漢字
籍貫 |
|
《台日》寫『籍眷』。歌仔册有幾落本寫『籍貫』（藉～）『籍卷』ⒸⓀ。只个《厦英》無收。《增補厦英》有。《教會報》「che̍k-koàn」一九四七年頭擺寫。今韓・日語無只个詞、不閣台史數位舘所收・大清時代个契字幾落張有寫。事實咱無確定「che̍k-koàn」是官話借詞（透過清國內地漢文）亞是中語借詞。
中國語專寫『籍贯』（～貫）、無寫『～*眷』、照咱所知。
|
相關个字
籍
|
|
GÍ-SÛ
siong-kài
siang-kài |
語詞
商界
⭕
ⒸⒸ
親成漢字
商界～介 |
|
全羅《教會報》有 6 篇寫着、內中戰前占 4 篇、自一九一八年。《台日》有收「商界」（siong-kài）『商界。實業界』、注「新」。也着是講、照《台日》、「商界」彼拵是新詞、不閣不是日語借詞、夭日語嗎有講。成趣味。
現代韓語有講『상계』（商界）。
|
|
GÍ-SÛ
hái-lú
*hái-lí |
語詞
海女
⭕
ⒸⒸ
親成漢字
海女 |
|
二〇二〇年・二〇二一年公視台語台甲華視有講「hái-lú」、塊講槓仔寮馬崗一陣討海个女性。不閣受訪問个在地人無講「*hái-lú、*hái-lí」。有个有講中國語日語借詞『海女』（HǍINǙ）。二〇二〇年《華視台語新聞雜誌》塊寫漢羅台文有寫『海女』。
《臺灣女人》〈海女〉寫講『海女是日本對於潛水採集海產的女性從業者之稱呼，這個用詞也隨著日本殖民而傳入臺灣』。「Hái-lú」是直接个日語借詞、啞是共中國語借个、即閣探討。林武雄（2019、92 葉）寫講「海女」『引自 1960 年代日片「海女」或「赤の褲」』。林武雄（2019）有寫着「Āu-ò-á cha-bó͘」「Iá-liú cha-bó͘」。者个打算是在來个講法。176 葉有寫『後澳啊查某（海女）』、夭野柳海女有講『初三十八流、野柳查某望龜頭』（160 葉）。
《大正台職彚》無收「海女」。有收「拾石花菜」。
|
相關个字
女 (lú, lí)
|
|
GÍ-SÛ
Tâi Phêⁿ
|
語詞
台澎
臺澎
親成漢字
㊟ |
|
「Tâi Phêⁿ」大概是戰後即對書面中文借入來台灣話。
「台澎黨」羅字寫做『*Tâi-Phêⁿ-tóng』簡那上合理、不閣羅字台文連劃後尾在來那像無愛用大本字。請看「Tiong-lâm-pō͘」。夭既然八有人寫『Seng-má』『Chiang-choân』、寫『Tâi-phêⁿ-tóng』嗎是有理。請看「Seng Má」「Sìn Bōng Ài」「Tiuⁿ Kán」。
|
相關个詞
Tâi-oân
Phêⁿ-ô͘ *Hàn Lô Seng Má Sìn Bōng Ài Chiang Choân Tiong-lâm-pō͘ Tiuⁿ Kán Thiⁿ-pē |
|
GÍ-SÛ
kang-kū
kang-khū |
語詞
工具
⭕
ⒸⒸ
親成漢字
工具 |
|
《白話典》注講是日語借詞。《台日》・王育德《常彚》無收。全羅《教會報》干礁十統篇用着（"kang-kū"）、頭擺一九四七年。EMBREE 收「kang-khū」、無記「-kū」。
|
相關个詞
khì-kū, khì-khū
ka-kū, ka-khū
相關个字
具
|
|
GÍ-SÛ
Lâm-chiu
|
語詞
南州
ⒸⒸ
親成漢字
南州～洲 |
|
屏東行政地名。潮州鎭公所鬥紹介講『南州鄉舊名「溪州」，因鄉內有溪洲溪流過而得名。1920 年台灣地方改制，將此地劃入「林邊庄」，由高雄州東港郡管轄。戰後初期為高雄縣林邊鄉的一部分，1950 年改隸屏東縣。1951 年 3 月奉准自林邊鄉分出，設立「溪州鄉」。然而因台灣各地以「溪州」為名的地方很多，為有所區別，以此地位於台灣南部，並取「南州出賢人」之意，於 1956 年易名為「南州鄉」至今』。
|
行政地名
中華体制南州鄉・『林邊』鄉 ⇄ 日本体制『林邊』庄
相關个詞
Khe-chiu, Khoe-chiu
|
|
GÍ-SÛ
Tióng-tī
*Tiông-tī |
語詞
長治
ⒸⒸ
親成漢字
長治 |
|
南部朗講「Tióng-tī」恰多。
|
行政地名
中華体制長治鄉・麟洛鄉 ⇄ 日本体制長興庄
|
|
GÍ-SÛ
hôe-siu
|
語詞
回收
⭕
ⒸⒸ
親成漢字
回收囘～ |
|
《白話典》注講是日語借詞。《台日》無收。全羅《教會報》有 7 篇用着、內中一九三八・三九・四〇年占 5 篇、戰後一九四五〇年代 2 篇。現代台語「hôe-siu」咁是回收着太平洋戰爭彼拵个日語借詞「hôe-siu」、咱無把握。無的確現代台語「hôe-siu」是閣一擺共中國語借个。
「Hôe-siu」EMBREE 無收。
|
相關个字
收、収
|
|
GÍ-SÛ
kóng-hoat
|
語詞
講法
⭕
ⒸⒸ
親成漢字
講法 |
|
《教會報》一九三二年頭擺用着。一九二三年夭有一篇寫着「kóng-hoat」、不閣意思眞無仝。《白話典》無注詞原。《台日》《增補厦英》無收。請看「siá-hoat」「siūⁿ-hoat」「khòaⁿ-hoat」「iōng-hoat、ēng-hoat」「chò-hoat、chòe-hoat」。
|
相關个詞
iōng-hoat, ēng-hoat
chò-hoat, chòe- khòaⁿ-hoat tha̍k-hoat siūⁿ-hoat siá-hoat |
|
GÍ-SÛ
kòng-hiàn
|
語詞
貢献
⭕
ⒸⒸ
親成漢字
貢獻～献 |
|
《台日》有收、無注「國」亞是「文」亞是「新」。《教會報》一九二一年頭擺用着。一九二〇年代下門會文堂《最新月台夢》有用着、通知「kòng-hiàn」有可能按中文來。
|
相關个詞
hiàn ("~ hoe")
相關个字
献、獻
|
|
GÍ-SÛ
iōng-hoat
ēng-hoat |
語詞
用法
⭕
ⒸⒸ
親成漢字
用法 |
|
《厦英》無收。《台日》有、無注「國」。《教會報》一九二五年頭擺用着。
|
相關个詞
kóng-hoat
|
|
GÍ-SÛ
chò-hoat
chòe-hoat |
語詞
做法
⭕
ⒸⒸ
親成漢字
作法做～ |
|
《台日》寫『做法』、注解『造方。造る方法』、無注「國」。《教會報》上慢一九三八年着有用着。減彩是借詞、詞原中文『做法』。
|
相關个詞
kóng-hoat
|
|
GÍ-SÛ
tha̍k-hoat
*tho̍k-hoat |
語詞
讀法
⭕
ⒸⒸ
親成漢字
讀法 |
|
《台日》有收「讀法」（tha̍k-hoat）『讀方』。閣有「讀法」（tho̍k-hoat）『讀法』、注「文」。《教會報》一九二五年頭擺用着「tha̍k-hoat」。全羅《教會報》不八用着「tho̍k-hoat」。
|
相關个詞
kóng-hoat
|
|
GÍ-SÛ
gē-kài
|
語詞
藝界
⭕
ⒸⒸ
親成漢字
藝界～介 |
|
GÍ-SÛ
chin-siòng
*chin-siàng |
語詞
眞相
⭕
ⒸⒸ
真～ ⭕
親成漢字
眞相真～ |
|
大概是日語借詞、亞是日語借詞兼戰前中語借詞。《教會報》一九二四年頭擺寫。《台日》有收「眞相」（chin-siòng）『本來の面目。眞相』。《增補厦英》（204）有收。韓語講『진상』（眞相）。
|
|
GÍ-SÛ
Kiàm-kiô
|
語詞
劍橋
ⒸⒸ
親成漢字
劍橋劒～ 劔～ |
|
英國學校名、英語『CAMBRIDGE』。全羅《教會報》有 32 篇寫「Kiàm-kiô」、自一九二九年。無半篇寫「-chin」。英語『CAMBRIDGE』丸那是地号名。
|
|
GÍ-SÛ
lāi-hâng
|
語詞
內行
⭕
ⒽⒸ
親成漢字
裏行 |
|
《厦英》無收。《增補厦英》《台日》有。《台灣語典》（二）有、寫做『內行』。《教會報》一九六三年頭擺寫。「Gōa-hâng」一九四七年頭擺寫。日語無講『*内行』、夭韓語『내행』（內行）完全無仝意思。
|
|
GÍ-SÛ
sûi-sî
|
語詞
隨時
⭕
ⒸⒸ
随～
遂時
ⓀⒸ
雖時
ⓀⒸ
親成漢字
隨時随～ |
|
「Sûi-sî」在來含「sûi」（隨）仝意思。《台日》甲 EMBREE 干礁注只个意思。「Sûi-sî」夭有「不管時」个意思、《白話典》有收。《白話典》無注明、不閣「sûi-sî hoan-gêng lín」（隨時歡迎恁）彼个「隨時」大概是中語借詞。「Sûi-sî kā lín thóng-tī」（隨時共恁通知）彼个「隨時」是在來詞。
|
相關个字
隨、随
|
|
GÍ-SÛ
kai-tōaⁿ
|
語詞
階段
⭕
ⒸⒸ
親成漢字
階段堦～ |
|
不知是共日語亞是中語借个。全羅《教會報》有 44 篇寫着、內底中治時代 40 篇・日本時代即 4 篇、自一九三二年。
|
|
GÍ-SÛ
hō͘-siang
hō͘-siong |
語詞
互相
⭕
ⒸⒸ
親成漢字
互相 |
|
《厦英》無收。《台日》有收、注「文」。全羅《教會報》有 100 篇寫着「hō͘-siong」、自一九二四年。100 篇內底、一九五六〇年代占 90 篇。總是台灣个契字上慢自十八世紀着有塊寫「互相」。
日・韓語無講『互相』。
|
|
GÍ-SÛ
*chí
|
語詞
只
親成漢字
㊟ |
|
「It-seng chí ài lí chi̍t ê」云云。「*Chí ē tàng kóng」「*chí siūⁿ beh thàn chîⁿ」云云。「Chí ē Hàn-bûn」（只能漢文、台日）云云。《白話典》無收做單詞、干礁收「chí-hó」「chí-iàu」。雖然「chí」店流行歌詞內底（"chí ài lí chi̍t ê"）亞是《台日》（"chí ē Hàn-bûn"）有用做單詞、那「*chí siūⁿ beh thàn chîⁿ」亞是「*chí ē tàng kóng」、咱不敢講彼是台語。「*Chí」看做中・台中間語恰安全。
「Chí」（只）大概是書面外來詞、上早對官話文亞是大清內地漢文來。台文不八寫『*衹是』『*衹有』 、不閣《麥》「只」字着有甲一句句例『只此两事而已矣』、注音「*chí chhú liáng sū jî-í ì」（尾節注第三調）、甲漳語注解「*chí chéi nō͘ hāng sū tiāⁿ-tiāⁿ」。《教會報》自創刊着有足多篇寫「chí-ū」、不閣南管甲呂宋古早册無寫「只有」亞是只个「只」、干礁寫「那」（nā）「但」（nā）。通知「chí」（只）大概是十九世紀即借个。一九七〇年代進前、韻册「只」字嗎無注「kan-ta」只項意思。請看「只」（字）。
官話・中國語功能詞『只』（ZHǏ）減彩有親漢字『祇』『秖』。請看「只」（字）。
|
相關个詞
chí-ū
chí-hó chí-iàu chit (只)
相關个字
只
|
|
GÍ-SÛ
hō
|
語詞
號
⭕
Ⓒ
号
⭕
Ⓒ
親成漢字
号號 |
|
「Hō miâ」云云。「6 goe̍h 6 hō」云云。
照《白話典》 、「6 goe̍h 6 hō」彼个 hō 是書面中語借詞。別个意思个「hō」不是。不閣《教會報》自一九一〇年進前着有用「hō」塊講西歷个日子啞、親像『kū-le̍k 4 goe̍h chhe 6 (se-le̍k 5 goe̍h 13 hō)』（N̂g Hūi-ngó͘・Ia̍p Chhong-hái ê Hêng-su̍t、206 号、1902）。有冬時仔無特別注明西歷・新歷。「Hō」《厦英》（138）有注解『DAY OF FOREIGN MONTH』（閣有別項）。不知咁是在來語法「6 goe̍h 6 hō」八斷去（比如講治一九三五年以後）、路尾閣按中文借入來台語。即閣探討。
|
相關个詞
hō ("~ ūi")
相關个字
號、号
|
|
GÍ-SÛ
khiam-hi
*khiam-hu |
語詞
謙虛
⭕
ⒸⒸ
親成漢字
謙虛 |
|
文語、在來眞罕用。傳統歌仔册不八用着、照咱所知。全羅《教會報》干礁 1 篇寫「khiam-hi」、治黨國時代。閣有 2 篇寫「khiam-hu」、日治時代 1 篇・清治時代 1 篇。今「虛」字个傳統優勢音讀 hu、夭現代台語慣勢講「khiam-hi」。按呢咱愈堯疑講「khiam-hi」凡世是書面中語借詞（雖然間接對頂古漢文來）、詞原車輦語『謙虛』、後字用主流口語音 hi 落去讀个。不閣請看「hi-hoa」。
|
相關个詞
hi-hoa
相關个字
虛、墟
|
|
GÍ-SÛ
chhan-thiaⁿ
|
語詞
餐厛
⭕
Ⓒⓒ
餐𠫊
⭕
Ⓒⓒ
飧厛
⭕
ⓒⓒ
親成漢字
餐廳飡～ |
|
大概日本時代共中文借个。《台日》寫『餐廳』、注「新」。請看「thiaⁿ」（厛、𠫊）。
|
相關个詞
thiaⁿ (厛、𠫊)
thiaⁿ (听、聼)
相關个字
餐、飧、飡
廳、𠫊、厛 |
|
GÍ-SÛ
iû-hêng
|
語詞
游行
⭕
ⒸⒸ
遊行
⭕
ⒸⒸ
親成漢字
遊行游～ |
|
《白話典》注講是日語借詞。《教會報》一九四八年頭擺寫。「游」字「遊」字二字朗是親漢字。請看「iû-oán、iû-goán」。
黃塗《月臺夢美女歌》有寫『愚兄遊行下山時』。
|
相關个詞
iû-oán, iû-goán
相關个字
游
遊 |
|
GÍ-SÛ
khoe-ho̍k
*hoe-ho̍k |
語詞
恢復
⭕
ⒸⒸ
親成漢字
恢復 |
|
《台日》收「khoe-ho̍k」（恢復）『恢復』、注「文」。歌仔册有幾落本寫『恢復』。
《白話典》收「hoe-ho̍k」、無記「khoe-」、注講「hoe-ho̍k」是戰後个中語借詞。全羅《教會報》干礁 1 篇寫「hoe-ho̍k」、一九六七年。有 92 篇寫「khoe-ho̍k」、頭擺一九一一年、是塊講中國个戰事。第二擺一九二九年。夭有 1 篇寫「khoe-hok」。「Khoe-ho̍k」凡世是日本時代个中語借詞。EMBREE 收「khoe-ho̍k」無收「*hoe-」、閣有收「hôe-ho̍k」。
|
|
GÍ-SÛ
kò͘-tēng
|
語詞
固定
⭕
ⒸⒸ
親成漢字
固定 |
|
《台日》無收。EMBREE 有。《教會報》頭擺用着一九二九年。第二篇一九五三年。歌仔册一九五〇年代即有用着个欵。
|
|
GÍ-SÛ
bûn-kū
bûn-khū |
語詞
文具
⭕
ⒸⒸ
親成漢字
文具 |
|
《教會報》一九二四年頭擺寫。《台日》有收「文具」（bûn-kū）『文房具』、無注「國」（～日語借詞）亞是「新」。《增補厦英》有收。EMBREE「bûn-kū」「bûn-khū」朗有收。
|
相關个詞
kang-kū, kang-khū
khì-kū, khì-khū |
|
GÍ-SÛ
chân-chhù
|
語詞
層次
⭕
ⒸⒸ
親成漢字
層次 |
|
打算是中語借詞。《台日》有收「層次」（chân-chhù）『順序。序次』、無注「新」。夭全羅《教會報》甲傳統歌仔册朗不八寫着、照咱所知。台文「層次」（chân-chhù）是黨國時代尾・台文運動以後即變常用个。
|
相關个字
層
|
|
GÍ-SÛ
kái-tha̍k
kái-tho̍k |
語詞
解讀
⭕
ⒸⒸ
親成漢字
解讀觧～ |
|
《白話典》收「kái-tha̍k」（主）「kái-tho̍k」（別）、注講對日語來。EMBREE 無收。全羅《教會報》干礁 1 篇寫「kái-tha̍k」、治一九六一年。「*Kái-tho̍k」不八寫。只个詞大概按中語來、夭中語『解读』（～讀、JIĚDÚ）大概按日語來。
|
|
GÍ-SÛ
hūi-tō͘
úi-tō͘ |
語詞
緯度
⭕
ⒸⒸ
親成漢字
緯度 |
|
《白話典》注講是日語借詞。《台日》甲 EMBREE 無收。全羅《教會報》有 2 篇寫着「úi-tō͘」（1954、1967）、「*hūi-tō͘」不八寫。EMBREE 有收「hūi-sòaⁿ」（請看）。「緯度」有可能是間接个日語借詞、按中國語來。請看「緯」（字）。
|
相關个詞
hūi-sòaⁿ
keng-tō͘
相關个字
緯
|
|
GÍ-SÛ
keng-tō͘
*keⁿ-tō͘ |
語詞
經度
⭕
ⒸⒸ
親成漢字
經度経～ |
|
《白話典》注講是日語借詞。《台日》甲 EMBREE 無收。全羅《教會報》不八寫着。EMBREE 有收「keng-sòaⁿ」。無的確「經度」「緯度」是間接个日語借詞、按中國語來。
|
相關个詞
hūi-tō͘, úi-tō͘
keng-sòaⁿ |
|
GÍ-SÛ
khì-chúi
|
語詞
氣水
⭕
ⒸⒸ
親成漢字
氣水气～ |
|
《台日》有收「khì-chúi」『蒸溜水』『炭酸水』、寫做『氣水』。《英厦》「khì、氣」下底有收「khì-chúi」『AERATED WATERS; DISTILLED WATER』。傳統歌仔册不八用着只个詞个欵。那人塊飲个「khì-chúi」、《教會報》一九五六年即頭擺寫着。只項「khì-chúi」來到中治時代即成做常用詞个欵。請看「Hô-lân-se chúi」。
|
相關个詞
Hô-lân-se chúi
|
|
GÍ-SÛ
kín-tiuⁿ
*kín-tiong |
語詞
緊張
⭕
ⒸⒸ
親成漢字
緊張 |
|
《白話典》注講是日語借詞。《台日》（頂 321）《增補厦英》無收。傳統歌仔册不八寫。全羅《教會報》有 46 篇用着、自一九三七年、內底日本時代 7 篇・中華時代 39 篇。夭有 9 篇寫「*kín-tiong」、自一九二六年、內底日本時代占 6 篇。
|
|
GÍ-SÛ
Tâi-se
|
語詞
臺西
ⒸⒸ
台西
ⓒⒸ
親成漢字
臺西 |
|
早名「Hái-kháu」（海口）。「Tâi-se」原底是中華行政地名、一九四五六年産生个。台語「Tâi-se」咁是中語借詞、着照号名个詳細過程來判斷。
《教會報》「Tâi-se」一九五三年頭擺出現。「*Tâi-sai」不八有人寫。
|
行政地名
中華体制台西鄉・東勢鄉 ⇄ 日本体制海口庄
|
|
GÍ-SÛ
kheh-koan
khek-koan |
語詞
客觀
⭕
ⒸⒸ
親成漢字
客觀～観 |
|
《台日》有收「kheh-koan」「chú-koan」、注「國」（～日語借詞）。「*Khek-koan」無收。《增補厦英》有收「kheh-koan」「chú-koan」。全羅《教會報》有 2 篇寫「kheh-koan」、自一九六一年。有 12 篇寫「khek-koan」、自一九五二年。有 13 篇寫「chú-koan」、自一九三五年。EMBREE「kheh-koan」「khek-koan」朗有收。
|
|
GÍ-SÛ
pak-siah
pak-siap |
語詞
剝削
⭕
ⓒⒸ
親成漢字
剥削 |
|
《台日》有收、寫做『剝削』。《增補厦英》有收。《厦英》無。《教會報》有 3 篇用着「pak-siah」、朗治一九五六〇年代。有 3 篇寫「pak-siap」、朗治一九六〇年代。「Pak-siah」眞有可能是日本時代个書面中語借詞。「-Siap」是咀音。EMBREE「pak-siah」「pak-siap」朗有收。
《厦英》（357）有收「pak-siap」『FEELING OF PAIN AND EMPTINESS; VERY POOR AND WRETCHED; DRY AND UNPLEASANT, AS FOOD』。是別个詞、無相關。只个詞 EMBREE 丸那有收。《甘》siap「澁、澀」字注解『siap-siap chho͘-siap ba̍k-chiu-siap, pak-siap, sng-siap, kiâm-siap; chhùi-siap』。「澁」字是第四調 s + iap 个約束卡那。
|
相關个詞
siah (削)
相關个字
削
|
|
GÍ-SÛ
Tang-lâm A
Tang Lâm A Tang-lâm-a *Tong-lâm A |
語詞
東南亞
⭕
ⒸⒸⓒ
～～亜 ⭕
親成漢字
東南亞 |
|
相關个詞
A-chiu
|
|
GÍ-SÛ
bêng-chheⁿ
bêng-seng |
語詞
明星
⭕
ⒸⒸ
親成漢字
明星 |
|
減彩是日本時代个中語借詞、亞是日語借詞、詞原中語『明星』（MÍNGXĪNG）亞是日語『明星』（みょうじょう）。全羅《教會報》有 4 篇寫着「bêng-seng」、內底戰前 2 篇・戰後 2 篇。有 3 篇寫「bêng-chheⁿ」、朗治戰前。EMBREE 收「bêng-seng」無收「bêng-chheⁿ」。
|
|
GÍ-SÛ
jī-bō͘
|
語詞
字幕
⭕
ⒸⒸ
親成漢字
字幕～莫 |
|
應該是中治時代借个、詞原中語『字幕』（ZÌMÙ）。中語『字幕』打算是日語借詞。日語講『字幕』（じまく）。羅字台文治一九九〇年代進前不知咁八寫。EMBREE 無收。MARYKNOLL《英閩》（1995 ← 1979、731 葉）收「SUBTITLE」『hù-tê-bo̍k』『sió-tê-bo̍k』『(OF A FILM) jī-bō͘』。《白話典》有收。
韓語講『자막』（字幕）。越南語講『PHỤ ĐỀ』（輔題？附題？）。
|
|
GÍ-SÛ
thiⁿ-sài
*thian-sài *thian-sù |
語詞
天使
⭕
ⒸⒸ
親成漢字
天使 |
|
《台日》「thiⁿ-sài」注「基督敎」・「thian-sù」注「文」。《厦英》「thiⁿ-sài」嗎是有注『X.』（～教會界个話）。
「Thiⁿ-sài」以外、《白話典》夭有收「thian-sài」。
|
|
GÍ-SÛ
bí
|
語詞
米
⭕
ⓒ
親成漢字
米 |
|
大概是「bí-tu̍t」个簡省体。「Bí-tu̍t」詞原日語『米突』（メートル）、《台日》有收。《台日》夭有收「米達」（bí-ta̍t）『メートル。米突』、注「新」。「Bí-ta̍t」丸那是借詞、打算對中語來。《增補厦英》（7、101）有收「bí-tu̍t、bí-ta̍t」『A METRE』甲「ki-bí」『A KILOMETRE』。《教會報》一九三〇年代有 4 篇寫「bí-tu̍t」。傳統台羅文献上慢治一九六〇年代着有寫「bí」。
「Kong-chhioh」是中語借詞。《台日》有收「公尺」（kong-chhioh）『公定の物差』、無仝意思、無注「新」。《增補厦英》無收「*kong-chhioh」。
|
相關个詞
pha ("káu-cha̍p ~")
kong-lí *mè-tà Bí-kok
相關个字
米
|
|
GÍ-SÛ
chhī
|
語詞
市
⭕
Ⓒ
親成漢字
市 |
|
「Táu-la̍k chhī」云云。意思『CITY』（EMBREE）个單詞「chhī」上早照講是共日語借个。《教會報》624 号（1937）有寫『bô-lūn ta̍k chhī, ta̍k ke, ta̍k hiuⁿ, ta̍k siā』。642 号（1938）有寫『Ta̍k chiu ê jîn-kháu:』『Ta̍k chhī ê jîn-kháu:』。「Chhī-lāi」一九一〇年頭擺用着。戰前个唐山歌仔册丸那有寫「潮州市」「越州市」云云、不閣無寫「市內」、照咱所知。
論連劃甲大細本字、請看「koān」。
|
相關个詞
koān... (縣)
chhī-lāi |
|
GÍ-SÛ
ōe-chong
ūi-chong |
語詞
畫粧
⭕
Ⓒ㊟
親成漢字
畫妝～𥺁 ～裝 畵～ |
|
《台日》・EMBREE・MARYKNOLL・《中教部閩南典》朗無收只个語詞。《白話典》有收「ōe-chong、ūi-chong」二个音。歌仔冊・《教會報》不八用着。只个詞照講眞新、照講是對口語中國語「HUÀZHUĀNG」（化妝）推轉个。愛强調、只个詞个詞源不是書面中國語「化妝」、是口語中國語「HUÀZHUĀNG」。着是台語中語双語人士照因个直覺共「HUÀ-」轉做「ōe-、ūi-」、共「-ZHUĀNG」轉做「-chong」、自按呢來造一个詞「ōe-chong」。甲「phòe-ho̍k」个産生有六成成。《白話典》無注詞源。
「HUÀ-」轉做「ōe-、ūi-」、通講有「畫」字个影治塊。「-ZHUĀNG」轉做「-chong」簡那有「粧、妝」字个影治塊、嗎簡那有「裝」字个影治塊。
「Ōe-chong」在眞多人个語感含「hòa-chong」無仝意思。
|
相關个詞
hòa-chong (×2)
phòe-ho̍k... chng (粧)
相關个字
粧、妝
|
|
GÍ-SÛ
chhéng-ká
*chhéng-kà *chhéng-kè |
語詞
請假
⭕
ⒸⒸ
親成漢字
請假 |
|
《台日》有收「chhéng-kà」（請假）『賜暇を請ふ』甲「chhéng-kè」（請假）『請暇。暇を請ふ』。朗無注詞原。主流現代音「chhéng-ká」。高・陳（1956）記「chhéng-ká」。全羅《教會報》有 6 篇寫「chhéng-ká」、頭篇一九五六年、尾篇一九六一。有 6 篇寫「chhéng-kà」、頭篇一九六三年。大概是中國話漸漸塊普及所致。中語『请假』（請～、QǏNGJIÀ）後節去聲、對應台語第三調。請看「sú-ká」。
去聲个「假」字甲上聲个「假」字、台灣漳州漢文音讀 kè 甲 ké。
|
相關个詞
sú-ká
相關个字
假 (kà, kè)
假 (ká, ké) |
|
GÍ-SÛ
tāi-chiòng
*tāi-chèng |
語詞
大衆
⭕
ⒸⒸ
親成漢字
大衆 |
|
應該是昭和時代个中語借詞。《台日》（下 18）無收。《增補厦英》（26）有收「tī tāi-chiòng ê bīn-chêng」。《教會報》一九三二年頭擺用着。
|
|
GÍ-SÛ
pán-pún
|
語詞
版本
⭕
ⒸⒸ
板本
⭕
ⒸⒸ
親成漢字
版本板～ |
|
請看「chhut-pán」。
|
相關个詞
chhut-pán
相關个字
板 (pán)
版 |
|
GÍ-SÛ
pàng-ká
*pàng-kà *pàng-kè hòng-ká *hòng-kà |
語詞
放假
⭕
ⒸⒸ
親成漢字
放假 |
|
傳統个台灣海峽語講「pàng-kè」。《教會報》一九三〇年代以後恰罕得寫。王育德《常彚》由原有收。請讀潘科元〈討論放假个台語音〉。EMBREE 干礁收「hòng-ká」。全羅《教會報》干礁 1 篇寫「hòng-ká」、治一九五四年。無半篇寫「*hòng-kà」「*pàng-ká」「*pàng-kà」。通知現代話「pàng-ká、hòng-ká」大概按中文來、不是按在來話「pàng-kè」來。
|
相關个詞
chhéng-ká
sú-ká
相關个字
假 (kà, kè)
假 (ká, ké) |
|
GÍ-SÛ
kháu-pe̍h
|
語詞
口白
⭕
ⒸⒸ
親成漢字
口白 |
|
歌仔册有寫『口白』。《台日》有收「口白」（kháu-pe̍h）『臺詞』、無注「新」。《厦英》《增補厦英》無收个欵。《教會報》一九六三年頭擺寫。只个語詞減彩按中國語亞是前近代个官話文來。
中國語有講『口白』（KǑUBÁI）、《中教部國語典》注解『口頭告訴』『戲曲中人物的內心獨白和對話，較接近各地方日常語言，但又比口語誇張者，稱為「口白」』。
|
|
GÍ-SÛ
chà-phiàn
|
語詞
詐騙
⭕
ⒸⒸ
親成漢字
詐騙 |
|
全羅《教會報》干礁 2 篇有寫、頭擺一九三二年。《台日》有收、寫做『詐騙』、無注「文」「新」云云。《厦英》《增補厦英》無收。傳統歌仔册無塊寫。拱樂社个戱文有寫『詐騙』（眞假）。韓・日語無講『*詐騙』。
|
|
GÍ-SÛ
ki-thé
*chi-thé |
語詞
枝體
⭕
ⒸⒸ
枝体
⭕
Ⓒⓒ
親成漢字
肢體支～ 枝～ |
|
「*Chi-thé、ki-thé」原底照講是借詞。大概是中語借詞。另外一條「ki-thé」（肌体）介成是在來詞。傳統歌仔册只二項朗不八寫、照咱所知。《台日》有收「chi-thé」（肢體）『體。身體』（無注詞原）甲「ki-thé」（肌體）『身體』。《增補厦英》（246）有收「ki-thé」『THE BODY』甲「chi-thé」（仝）。《厦英》朗無收个欵。全羅《教會報》有 9 篇寫着「ki-thé」、自一八九一年、內底一九六〇年代占 6 篇。有 6 篇寫「chi-thé」、自一九三七年、內底一九六〇年代占 3 篇。EMBREE 有收「chi-thé」『LIMBS (BODY)』『MEMBERS (ORGANIZATION)』『ASSISTANT, "RIGHT-HAND MAN"』甲「ki-thé」『TRUNK AND LIMBS (OF THE BODY)』。不閣全羅《教會報》一九六〇年代「ki-thé」干礁一擺是塊寫後項（～肌体）。春个是塊寫前項（～肢体）。夭「肢体」《教會報》頭一擺寫做「ki-thé」、應該是一九六一年。
《中教部閩南典》『肢體』記音「ki-thé」、無記「*chi-」。現代台語聖經（譯本名）寫「chi-thé」个所在、全民聖經有寫「ki-thé」（哥林多前 12 章）「pah-thé」（羅馬 7 章）。全民聖經無寫「*chi-thé」个欵。
|
建議
*chi-thé ⇄ 肢體、肢体
ki-thé ⇄ 枝體、枝体
相關个詞
sù-ki, *sù-chi
ki (枝) -ki-ki
相關个字
支、枝
肢 |
|
GÍ-SÛ
chúi-kó
|
語詞
水果
⭕
ⒸⒸ
親成漢字
水果～菓 |
|
《台日》寫「水果」、注講只个詞是書面詞。《厦英》《增補厦英》無收。歌仔冊卜倚不八寫着。有一半本仔寫「水果」「水菓」ⒸⒸ。《白話典》無注講「chúi-kó」是中語借詞、不閣全羅《教會報》八十外冬不八寫着「chúi-kó」。「Chúi-kó」減彩是日本時代个中語借詞。所以變常用是靠中國教育・中華媒体。
|
相關个詞
kóe-chí, ké-chí
相關个字
果、菓
|
|
GÍ-SÛ
chi-oān
*chi-oân |
語詞
支援
⭕
ⒸⒸ
親成漢字
支援枝～ |
|
直接亞是間接（經過太平洋戰爭前後个中文）个日語借詞。全羅《教會報》一九三八年頭擺用着。一般來講、「*chi-oân」通講是中華音、雖然「援」字台灣泉州・下門漢文音讀 oān（主）oân（次）双音。
「枝」字丸那是「chi-」个親成漢字。請看《王力典》（464）。
|
相關个字
援
|
|
GÍ-SÛ
hun-sòaⁿ
hun-sàn |
語詞
分散
⭕
ⒸⒸ
親成漢字
分散 |
|
「Hun-sòaⁿ」是在來詞、《教會報》自一八八〇年代・創刊个年代着有塊寫。《厦英》有收。歌仔册『分散』專押 -oaⁿ 韻。「Hun-sàn」減彩是中語借詞、《台日》無收、EMBREE・《白話典》有。《教會報》一九五六年頭擺寫。
|
|
GÍ-SÛ
sū-su̍t
|
語詞
叙述
⭕
ⓒⒸ
親成漢字
敘述敍～ |
|
大概對日文亞是日本漢文來。《厦英》《增補厦英》《台日》朗無收个欵。全羅《教會報》有 2 篇用着、治一九三五年甲五三年。請看「sū-sū」。
|
相關个詞
sū-sū
相關个字
叙、敘
|
|
GÍ-SÛ
iá-sim
|
語詞
野心
⭕
ⒸⒸ
親成漢字
野心 |
|
照《白話典》、名詞「iá-sim」是日語借詞、形容詞（性詞）「iá-sim」不是。《台日》「iá-sim」無注「國」、不閣第二項意思『野心』（日語）有注「新」。《增補厦英》有收「iá-sim」『BRUTAL; AMBITIOUS』。《教會報》一九一四年第一擺用着、做性詞（形容詞）。
|
|
GÍ-SÛ
pōng
*phōng *phòng |
語詞
㊟
親成漢字
Ｘ |
|
「Tī lō͘ ·ni̍h pōng tio̍h i」云云。《白話典》注解『撞擊』『遇（見）』、注講是戰後个口語中語借詞、詞原『碰』（標凖音 PÈNG）。總是『碰』（PÈNG）那借做「pōng」、聲調甲聲母應該甲「kā kiô pōng-tiāu」彼个 pōng 有關係。請看「phòng、phōng」。只个單詞「pōng」、《台日》《台日新》無收。EMBREE（1973）有。王育德《常彚》共伊收做「phōng」、別音「phòng」、四角字『碰』。請看「pōng-piah」。咱那塊寫漢羅、「pōng」介適合寫做羅字。那卜借四角字、照講無別字恰嬴『磅』。
《鄉史補記》203 葉『tī 港 á 底碰著阿妹』、『碰』ChhoeTaigi 記音「phòng」。
|
相關个詞
pōng-piah
pōng ("~ thé-tāng") pōng ("~ ông-lâi") phòng, phōng (掽)
相關个字
掽
|
|
GÍ-SÛ
tāi-thè
tāi-thòe |
語詞
代替
⭕
ⒸⒸ
親成漢字
代替 |
|
《厦英》無收。《教會報》一九三七年頭擺用着。第二擺一九五二年。《白話典》無注講是日語借詞亞是戰後中語借詞。
全羅《教會報》不八用着「*thè-tāi」「*thòe-tāi」。《白話典》有收「thè-tāi-e̍k、thè-tāi-ia̍h」、注講是戰後中語借詞。
|
|
GÍ-SÛ
cheng-chhái
|
語詞
精彩
⭕
ⒸⒸ
親成漢字
精彩～采 |
|
《台日》無收。《白話典》注講是日語借詞。全羅《教會報》有 46 篇寫着、頭擺一九五二年。
韓語・朝鮮語有講『정채』（精彩、NAVER・朝鮮典）。
|
相關个詞
kong-chhái
|
|
GÍ-SÛ
bō͘
*bo̍k |
語詞
幕
⭕
Ⓒ
親成漢字
幕莫 |
|
《白話典》注講「bō͘、bo̍k」是共日語借个。照文字記錄來看、「bō͘」眞有可能是戰後共中國語借个。
竹林《二林大奇案歌》有寫『兇案始終到只幕』、押 -o͘ 韻。
|
|
GÍ-SÛ
chìn-tō͘
|
語詞
進度
⭕
ⒸⒸ
親成漢字
進度 |
|
《台日》（下 226）無收。EMBREE 有。《白話典》注講是日語借詞、不閣全羅《教會報》不八寫。台羅文献上少治一九九〇年代進前不八寫、照咱所知。
日語有講『進度』（しんど）。韓語有講『진도』（進度）。
|
|
GÍ-SÛ
chá-kî
|
語詞
早期
⭕
ⒸⒸ
親成漢字
早期 |
|
應該是中語借詞。《教會報》一九五三年頭擺寫。EMBREE 有收。《台日》甲王育德《常彚》無、《增補厦英》嗎無。《白話典》注講是日語借詞。
|
|
GÍ-SÛ
pi-kio̍k
pi-ke̍k |
語詞
悲劇
⭕
ⒸⒸ
親成漢字
悲劇 |
|
《台日》有收「pi-kio̍k」（悲劇）『悲劇』、注「國」（～日語借詞）。《增補厦英》有收「chhám-kio̍k」『UNHAPPY CONDITIONS』甲「pi-kio̍k」（仝）。EMBREE 收「pi-ke̍k」無收「-*kio̍k」。全羅《教會報》有 1 篇寫「pi-kio̍k」、一九四七年。有 15 篇寫「pi-ke̍k」、自一九二五年、上早朗是塊講人生、不是塊講戱劇。用塊講戱劇个「pi-ke̍k、pi-kio̍k」眞有可能是中語借詞。
|
相關个詞
hì-kio̍k, hì-ke̍k
|
|
GÍ-SÛ
Tiong-se-khu
|
語詞
中西區
ⒸⒸⒸ
親成漢字
中西區 |
|
台南市內中華体制个行政區。論大細本字、請看「Tiong-lâm-pō͘」。
|
相關个詞
Sai-mn̂g, Se-mn̂g
Tiong-lâm-pō͘ Lîm-kí-po͘ |
|
GÍ-SÛ
tông-o̍h
*tâng-o̍h tông-ha̍k |
語詞
同學
⭕
ⒸⒸ
親成漢字
同學～斈 仝～ |
|
名詞、應該是中語借詞。《台日》有收「tông-ha̍k」、無注「國」。《厦英》無收。《增補厦英》干礁收「tâng-o̍h」『HAVING STUDIED IN THE SAME SCHOOL』。《教會報》一九四九年頭擺寫「tông-ha̍k」。一九五二年頭擺寫「tông-o̍h」。在來詞「tâng-o̍h」、《教會報》大清時代有 2 篇寫着、日本時代閣 2 篇。傳統歌仔册嗎有寫。意思無仝、不是名詞。
高・陳（1956、630 葉）有紹介「tâng-o̍h」、注解『SCHOOLMATE』。現代台語不知咁夭有塊講「tâng-o̍h」。
仝只个意思、韓語主要講『급우』（級友）『동급생』（同級生）『동창』（同窓）个欵。『동학』（同學）詞典（NAVER）由原有收。
|
|
GÍ-SÛ
lòng-kiû
tōng-kiû |
語詞
撞球
⭕
㊟ⓒ
郎球
⭕
𢭗球
⭕
親成漢字
㊟毬 |
|
二个名詞、大概按日語亞是中國語來、亞是福建語。外文『撞球』台語讀做「tōng-kiû」（漢音）亞是「lòng-kiû」（"撞" 用訓讀音）。《台日》收「lòng-kiû」『撞球』、寫做『撞球』、注「新」無注「國」。《教會報》一九三五年頭擺寫「tōng-kiû」。「Lòng-kiû」全羅《教會報》不八寫。EMBREE「lòng-kiû」「tōng-kiû」朗有收。歌仔册有寫『撞球』、包含戰前个唐山歌仔册、通知只二个詞無一定是共日語借个。捷發漢書部一九三五年出《現代流行撞球相褒歌》、册名現此時讀做「Hiān-tāi Liû-hêng Tōng-kiû Sio-po Koa」。論眞、歌仔册『撞球』讀做「tōng-kiû」「lòng-kiû」朗會通、惡判斷。建議「lòng-kiû」（名詞）寫做『郎球』『𢭗球』『lòng 球』亞是羅字。請看「lòng」「tōng」。
韓語有講『당구』（撞球）。十九世紀个福建語講「chhn̂g-kiû」（床球）。傳統台羅文献甲傳統歌仔册朗不八寫、照咱所知。
|
建議
lòng-kiû ⇄ 郎球、𢭗球
tōng-kiû ⇄ 撞球
相關个詞
tōng ("~ chi̍t khang")
lòng (動詞)
相關个字
撞
|
|
GÍ-SÛ
chhiam-î
chhiam-ûi |
語詞
韱維
⭕
ⒸⒸ
韯～ ⭕
纖維
⭕
纎～ ⭕
親成漢字
韱維韯～ 纖～ 纎～ |
|
大概是日語借詞、詞原『纖維』（せんい、現代日文：繊維、線維）。《內外科看護學》『FIBRIN』『FIBRO-CARTILAGE』等等譯做「chhiam-î-sò͘」（纖維素）「chhiam-î nńg-kut」（纖維軟骨）云云。請看〈Gú-lūi〉640 面。
韓語有講『섬유』（纖維）。越南語講『CHẤT XƠ』（*質疎、～疎質）。
|
相關个字
韱、韯、纖、纎
維 (î, ûi) |
|
GÍ-SÛ
bia̍t-bông
|
語詞
滅亡
⭕
ⒸⒸ
親成漢字
滅亡 |
|
《厦英》有收「choân-ke bia̍t-bông」（20、26）。《教會報》一九二九年頭擺寫。《台日》有收、無注「國」「新」。『滅亡』歌仔册有寫、不閣眞多用例有影是『全家滅亡』『全家去滅亡』云云。
|
|
GÍ-SÛ
bé-tháng
|
語詞
馬桶
⭕
ⒸⒸ
親成漢字
馬桶 |
|
《白話典》無注具体詞原。《厦英》有收、注解『A CLOSE STOOL FOR USE IN A HOUSE』（540）『A CLOSE STOOL OR CHAIR FOR GOING TO STOOL』（14）。《台日》「bé-tháng」注解『女が腰湯をする時に用ひる桶』、甲放屎無關係。傳統歌仔册有一半本仔寫着『馬桶』、朗甲屎尿相關、不閣朗是唐山歌仔册。大概「bé-tháng」治台灣甲閩南原底意思無省仝、夭現代台語「bé-tháng」應該是黨國時代即共中國語借个。
「馬桶」是汎唐山用詞。廣東語・中國語有講。日・韓・越語無。治者「馬」字是親漢字。頂古漢文寫「虎子」（中教部國語典）、不即日語『おまる』八寫做『お虎子』。『而後來去到唐朝，因為唐高祖李淵父親叫做李虎，為咗避開殺身之禍，民間就只好將「虎子」稱為「馬子」，而呢種溺具亦都由原來壺狀演變成木桶，所以又叫做「馬桶」』（馬桶原本叫做虎子？、archive.ph/wip/tDKNH）。『而「馬桶」的叫法由宋開始，南宋吳自牧《夢粱錄》：「杭城戶口繁移，街巷小民之家多無坑廁，只用馬桶」』（巴士的報・為甚麼馬桶要用馬來命名）。《漢典》有收「虎子」『便壶。因形作伏虎状﹐故名。多以陶﹑瓷﹑漆或铜制作﹐汉代王室贵族亦有以玉为之者。汉﹑魏﹑南北朝古墓中常以虎子作为随葬品』（夭有別項意思）甲「马子」『即马桶』（夭有別項意思）。總是「馬桶」應該是來到十九世紀下半圭亞是二十世紀頭即變做汎唐山常用詞。也着是講、「馬桶」本成是一種華話。《英厦》甲英漢 LOBSCHEID 無收着个欵。《英厦》（75）有收「COMMODE」『jiō-khaⁿ tû」、四角字寫做『尿硿櫉』。
|
|
GÍ-SÛ
pêng-hêng
|
語詞
平𢖍
⭕
ⒸⒸ
～衡 ⭕
親成漢字
平衡～𢖍 |
|
「Chit, liōng pêng-hêng」（質・量平𢖍）云云。《白話典》注講是日語借詞。咱堯疑只个「pêng-hêng」是中語借詞。《台日》《增補厦英》無收。《教會報》一九五三年即頭擺寫。「Kin-hêng、kun-hêng」（均𢖍）嗎是一九五三年頭擺寫、夭全羅《教會報》不八寫着「*khòng-hêng」「*hêng-liông」。
|
相關个字
𢖍、衡
|
|
GÍ-SÛ
ho̍k-goân
|
語詞
復元
⭕
Ⓒ㊟
復原
⭕
Ⓒ㊟
親成漢字
復㊟ |
|
《台日》有收、寫做『復原』、無注「國」「文」。《增補厦英》（51）收帶「元」字下底。《厦英》無收。歌仔册有一半本仔寫『復元』。現此時日語『復元』『復原』朗有寫、寫『～元』恰多个欵。韓語『복원』有寫做『復元』、嗎有寫做『～原』（NAVER）。朝鮮語《朝鮮典》寫『復元』『復元力』『復元性』。請看「goân-pún」「goân-hêng」。
《教會報》一九一六年頭擺寫。第二擺一九二八年。
|
相關个詞
goân-hêng
goân-pún goân-lâi goân-khì |
|
GÍ-SÛ
kóng-pò
kóng-pò͘ |
語詞
廣播
⭕
Ⓒ㊟
親成漢字
廣㊟ |
|
《台日》無收。不閣《厦英》（378）有收「kóng-pò͘」『TO PUBLISH ABROAD』、注『R.』（～文語？）、含「pò͘-si」（布施）收做伙（～廣布）。《增補厦英》（176）有收「kóng-pò͘」『TO PROCLAIM WIDELY』、丸那收帶「pò͘、布」下底。全羅《教會報》有 17 篇寫「kóng-pò」、自一九一五年、內底戰後占 12 篇。有 40 篇寫「kóng-pò͘」、自一九二八年、內底戰後 38 篇。EMBREE 收「kóng-pò͘」無收「-pò」。今日語有講『広播』（こうは）、不閣現此時無常用个欵。朝鮮語有講『광파』（廣播、朝鮮典）。現代台語「kóng-pò、kóng-pò͘」照講是借詞、夭「-pò͘」只个音凡世甲「thoân-pò͘」（請看）相關。
《厦英》有收个彼條「kóng-pò͘」是傳統漢文借詞。LOBSCHEID（651）『DISSEMINATE』『DISSEMINATING』後尾有收「廣布」。現代台語「kóng-pò͘」含十九世紀个彼个「kóng-pò͘」不知咁有直接个血緣。
|
相關个詞
thoân-pò, thoân-pò͘
pò-iông pò͘-si pò͘ chhân
相關个字
布、佈
播 |
|
GÍ-SÛ
Gû-tin
Giû-tin |
語詞
牛津
ⒸⒸ
親成漢字
牛津 |
|
英國學校名、英語『OXFORD』。全羅《教會報》有 31 篇寫「Giû-tin」、自一九三二年。有 6 篇寫「Gû-tin」、丸那自一九三二年。無半篇寫「-chin」。《增補厦英》个付錄記「Giû-tin」。英語『OXFORD』丸那是地号名。
|
|
GÍ-SÛ
pi-phí
|
語詞
卑鄙
⭕
ⒸⒸ
親成漢字
卑鄙 |
|
《厦英》《增補厦英》無收。《台日》有收「卑鄙」（pi-phí）『卑賤。下賤。賤しい』、無注「文」。全羅《教會報》有幾落篇用着、自一九二〇年代。傳統歌仔册不八寫、照咱所知。中古漢文有寫「卑鄙」（CTEXT）。日・韓漢文先無論、日・韓語無講『*卑鄙』、照咱所知。「Pi-phí」減彩是日本時代共中文借个。
|
|
GÍ-SÛ
chhin-chú
|
語詞
親子
⭕
ⒸⒸ
親成漢字
親子 |
|
《台日》有收、注「文」。全羅《教會報》不八寫。傳統歌仔册『親子』朗是塊寫「chhin-kiáⁿ」、照咱所知。EMBREE 甲《白話典》無收。現代台語「chhin-chú」應該是中語借詞。
|
|
GÍ-SÛ
pan-pò͘
|
語詞
頒布
⭕
ⒸⒸ
親成漢字
頒布～佈 |
|
《台日》寫『頒布』、注「文」。《增補厦英》有收。《厦英》無。《教會報》一九三〇年頭擺寫。日・中・韓語朗有只个詞。
「Pan-chióng」《教會報》一九五七年頭擺寫。EMBREE 有收。
|
|
GÍ-SÛ
oân-sêng
|
語詞
完成
⭕
ⒸⒸ
親成漢字
完成 |
|
《白話典》注講是日語借詞。《教會報》一九一三年頭擺用着。全羅《教會報》有 501 篇用着、內底一九一二〇年代即 11 篇。一九五六〇年代占 372 篇、通知「oân-sêng」上少有受着中國語『完成』（WÁNCHÉNG）个牽成。那歌仔册、日本時代个台灣歌仔册朗無用着、照咱所知。仝彼个時代个唐山歌仔册顚倒有。通知「oân-sêng」眞有可能不是單純个日語借詞。
|
|
GÍ-SÛ
kū-lī
*kī-lī |
語詞
距離
⭕
ⒸⒸ
親成漢字
距離 |
|
孤語人士凡世從到今不八塊講「kū-lī」。全羅《教會報》干礁 7 篇用着「kū-lī」。一九二三〇年代 3 篇、戰後 4 篇。通知日本時代甲黨國時代个多語人士嗎罕得講「kū-lī」。
韓語有講『거리』（距離）『거리감』（距離感）云云。
|
|
GÍ-SÛ
La-teng
*Lia̍p-teng |
語詞
拉丁
⭕
㊟ⓒ
親成漢字
拉丁 |
|
「La-teng bûn」「La-teng Bí-chiu」云云。《厦英》無收、不閣《英厦》有收「Lat-teng」「Lat-teng ê ōe」。《增補厦英》《台日》記「Lia̍p-teng」。全羅《教會報》專寫「Lia̍p-teng-」、自一九二六年起。「*La-teng」不八寫。EMBREE「La-teng」「Lia̍p-teng」樵收。
《台日》「Lia̍p-teng」注解（日語）『拉丁』（らてん）、無注講是日語借詞。「Lia̍p-teng」（拉丁）介成是日文借詞兼中文借詞、夭中・日語『拉丁』減彩對大清漢文來。現代台語「La-teng」（拉丁）事實大概是二十世紀下半圭个書面中語借詞。台語恰早有講「羅馬話」、拉丁語个意思。請看「Lô-má」。『拉』讀做 la 是外音。請看「拉」（字）。
LOBSCHEID（1090）有收「LATIN」『拉典』『辣丁』。
|
相關个詞
Lô-má
相關个字
拉
|
|
GÍ-SÛ
hān-chè
|
語詞
限制
⭕
ⒸⒸ
親成漢字
限制 |
|
大概是日本時代个中語借詞。請看「chè-hān」。
|
相關个詞
chè-hān
|
|
GÍ-SÛ
*Hui-ki
|
語詞
飛枝
親成漢字
㊟ |
|
南太平洋島名兼國名兼族名、英語『FIJI』、FIJI 語『VITI』。《教會報》609 号（1935 年 12 月）〈Sin ê Seng-oa̍h〉有寫「Hui-ki hái-sū」、「Hui-ki」用斜字。910 号（1963 年 5 月）〈Soan-kàu-su Chio-bō͘ Kong-kò〉借英語寫『FIJI』、用月眉注『飛枝群島』。「Hui-ki」照講是間接个英語借詞、啞英語『FIJI』對 TONGA 語『FISI』來。《教會報》也八有一篇寫「Hui-jî」（請看）。
假使講漢字『飛枝』二字是一九四七年進前照福建音借个（*Hui-chi）、按呢「Hui-ki」勉强通講是共「VITI 語」借个。那無、『飛枝』二字照講是日本時代對中文來。啞全羅《教會報》不八有人寫『*Hui-chi』、嗎不八有人寫『*Húi-chè』。
|
相關个詞
*Hui-jî
|
|
GÍ-SÛ
chiap-siū
|
語詞
接受
⭕
ⒸⒸ
親成漢字
接受 |
|
《白話典》注講是日語借詞。《台日》（下 99）《厦英》《增補厦英》無收。不閣《教會報》一八八九年着有用着。是講《教會報》一九三〇年進前「chiap-siū」用無十擺。傳統歌仔册不八用着「接受」、照咱所知。
|
|
GÍ-SÛ
pā-bián
|
語詞
罷免
⭕
ⒸⒸ
親成漢字
罷免 |
|
《白話典》注講是中治時代共中語借个。全羅《教會報》干礁 1 篇用着、治一九五〇年。日・韓語丸那有講『罷免』（ひめん、파면）。
|
|
GÍ-SÛ
phûn-chai
|
語詞
盆栽
⭕
ⒸⒸ
親成漢字
盆栽 |
|
大概是日語借詞、詞原『盆栽』（ぼんさい）。《白話典》按呢寫。全羅《教會報》有 1 篇寫着、一九五五年。
|
|
GÍ-SÛ
**ma-mah
má-mah ma-ma |
語詞
媽媽
⭕
Ⓖ
親成漢字
ＸＸ |
|
中語借詞。歌仔册有寫『媽々』。拱樂社个戱文有寫『媽～』（節烈夫人）。只字『媽』是綴官話文寫个、甲海字「媽」（má）字無關係。那台灣假名、借『嗎』凡世上自然、不閣介成不八有人按呢寫。咱那塊寫漢羅、只个語詞特別適合寫做羅字。
《白話典》記「ma-ma」「ma-mă」「má-mah」「má-mà」四体。EMBREE 干礁收「ma-ma」。《台日》《厦英》《英厦》甲王育德《常彚》無收。十六世紀嘉靖《荔鏡記》个泉語口白有用着『媽媽』（原册敢是寫 "媽〱"）、李麗敏女士記音「*má-má」。仝本也有用『爹媽』（*tia-má）塊講父母。全羅《教會報》有十外篇寫着「ma-ma」、主要治一九五六〇年代。閣有 2 篇寫「ma-mah」。無的確「*má-má」原底是戱界个用詞、台語到中華時代即共中國語借「má-mah、ma-ma」。《教會報》一九四八年進前、「ma-ma、ma-mah」干礁 3 篇用着、情境朗有恰特別、乎咱無通知影台語・福建語彼拵咁有只个詞。照《白話典》、「ma-ma、má-mah」是日本時代个中語借詞、亞是閣恰早个官話借詞。照咱手頭个証據、無的確「ma-ma」是一九三四〇年代即借个。
戰後冷戰時代个羅字台文加減有寫『ma-mah』『pa-pah』。咱堯疑只二項是起毛志体、無注調。
「媽」字《廣韻》有收、注『母也』、莫補切、明母姥韻、不閣只字不是通行漢字。朝鮮《東國正韻》無『媽』。CBETA-L 大唐時代个文献卜倚超無『媽』。《妙悟》*bó͘ 有收「媽」『父毋之毋』、看欵是中古支那音（～莫補切）鬥台語「má」（媽）个意思。不知官話・中國語『媽』（MĀ）含《廣韻》「媽」字咁有血緣。橫直《廣韻》『媽』不是通行漢字。台文常用字「媽」字是海字、含《廣韻》『媽』無治代、含中國語『媽』無治代。
|
相關个詞
a-má
|
|
GÍ-SÛ
Chi-ka-ko
|
語詞
芝加哥
ⓒⓒⓒ
親成漢字
芝加哥 |
|
英語『CHICAGO』。《教會報》781 号（1954）有一篇文寫『Si-kha-goh』。全羅《教會報》有十幾篇寫「Chi-ka-ko」、自一九一九年。有 1 篇寫「Chi-khek-ko」。《甘》个付錄有收「CHICAGO」『支克哥』、注台灣音「Chi-khek-ko」。
|
|
GÍ-SÛ
cheng-thàm
|
語詞
偵探
⭕
ⒸⒸ
貞探
⭕
ⒸⒸ
親成漢字
偵探貞～ |
|
《台日》有收「偵探」（cheng-thàm）『探偵』、注「新」。閣收「探偵」（thàm-cheng）『探偵』、注「國」（～日語借詞）。照按呢來看、「cheng-thàm」大概對中華語來。《英厦》（16）二項收做仝意詞。EMBREE 丸那二項樵收。《白話典》注講「cheng-thàm」按日語來。傳統歌仔册不八用着「cheng-thàm」个欵、不閣『探偵』ⒸⒸ『探貞』ⒸⒸ 有幾那本寫、包含唐山歌仔册。請看「貞」（字）。
韓語丸那有講『정탐하다』（偵探～）、嗎有講『탐정』（探偵）云云。
|
相關个字
貞
偵 |
|
GÍ-SÛ
su-bīn
|
語詞
書面
⭕
ⒸⒸ
親成漢字
書面～靣 |
|
大概是中語借詞、詞原『書面』（书～、SHŪMIÀN）。中語『書面』打算是共日語借个。日語講『書面』（しょめん）。韓語有講『서면』（書面）。《教會報》自一九六一年寫起。
「Su-bīn-gí、-gú」全羅《教會報》不八寫。
|
|
GÍ-SÛ
gān-gí
gān-gú |
語詞
諺語
⭕
ⒸⒸ
親成漢字
諺語 |
|
二十世紀个詞典朗無收个欵。《白話典》有收、注『< log Sin』、無注講是外來詞。台文運動進前个台語文献不八寫个欵。
|
|
GÍ-SÛ
lô͘-lē
|
語詞
奴隸
⭕
ⒸⒸ
～隷 ⭕
親成漢字
奴隸～隷 |
|
大概是日語借詞、亞是日語借詞兼中語借詞。當然、中・日語『奴隸』（～隷、～隶）丸那對古漢文來（厦大異体典）。《教會報》一九二一年頭擺寫。《厦英》無收。《增補厦英》有。《台日》有、注「文」。傳統歌仔册不八寫、照咱所知。通知只个詞屬治書面。論用字、寫『款』無寫『欵』个人通好想看咁卜寫『～隷』。
|
相關个詞
lô͘-châi
相關个字
隸、隷
欵、款 |
|
GÍ-SÛ
iu-sian
|
語詞
優先
⭕
ⒸⒸ
親成漢字
優先 |
|
《台日》無收、不閣有收「iu-sian-koân」、注「國」。《教會報》672 号（1941）Lâu Iok-hàn〈Chin ê Kiàn-siat〉有寫『su-ek iu-sian (私益優先)』『kong-ek iu-sian (公益優先)』、不閣單詞「iu-sian」是一九四八年即頭擺出現。《白話典》注講「iu-sian」是日語借詞。事實無的確「iu-sian」是中語借詞。
|
|
GÍ-SÛ
tiau-chéng
tiâu-chéng |
語詞
調整
⭕
ⒸⒸ
親成漢字
調整 |
|
《白話典》無收。全羅《教會報》有 15 篇寫「tiau-chéng」、自一九四八年。有 11 篇寫「tiâu-chéng」、自一九四一年。會文堂《最新台灣嘉義地理歌》（車輦時代个唐山歌仔册）有寫『日本台灣整地理 日本筭來好心成 調整台城如東京』。「Tiau-、tiâu-chéng」原底無介常用。「Tiâu-chéng」所以變眞常用丸那是車輦教育甲車輦媒体所造成。
韓語有講『조정』（調整）。
|
相關个詞
tiau-ióng...
相關个字
調 (tiâu)
|
|
GÍ-SÛ
bí-ha̍k
|
語詞
美學
⭕
ⒸⒸ
親成漢字
美學～斈 |
|
不知是日語借詞亞是中語借詞。《台日》《白話典》無收。EMBREE 有。全羅《教會報》不八寫。韓語有講『미학』（美學）。
「Sím-bí」（審美）打算是共中語借个。全羅《教會報》干礁 1 篇有寫、一九六五年。「*Sím-bí-koan」「*sím-bí-ha̍k」「*sím-bí-tek」朗不八寫。EMBREE 有收「sím-bí」、動詞。
|
|
GÍ-SÛ
sûn-lô
|
語詞
廵邏
⭕
巡～ ⭕ ⒸⒸ
親成漢字
巡邏 |
|
歌仔册有幾落本寫『巡邏』。《台日》有收「巡邏」（sûn-lô）『巡邏』、無注「文」。EMBREE 甲《白話典》有收。《厦英》無收。全羅《教會報》干礁 3 篇有寫着、內底一九一〇年代 1 篇・六〇年代 2 篇。現代台語「sûn-lô」減彩加減有日・中語个因素。
《寶鑑》「邏」（lō）字注解『巡也遊也偵也廵邏』。
|
相關个字
巡、廵
邏 |
|
GÍ-SÛ
hêng-chong
|
語詞
行踪
⭕
ⒸⒸ
親成漢字
行蹤～踪 |
|
在來个台文「蹤、踪」字無常用、不閣那寫着、朗寫『踪』恰多。「Hêng-chong」《台日》無收、不閣「bû-chong」「bô chong-chiah」「bô chong bô chiah」是寫做「無踪」「無踪跡」「無踪無跡」。聲調以外、「踪、蹤」字閣含「宗」字仝音、自按呢照講『踪』恰好學・恰好記、恰條直。
黃塗《最新週遊歌》有寫『天下雖是濶罔罔 尋無相似个形踪』。
「Hêng-chong」那像是第三波・一九七〇年以後个中語借詞。《台日》無收。含 EMBREE（1973）都無收。全台文時代个《教會報》、只个語詞不八出現。
|
相關个字
踪、蹤
|
|
GÍ-SÛ
chhái-hóng
|
語詞
採訪
⭕
ⒸⒸ
親成漢字
採訪采～ |
|
《厦英》無收。《台日》有收「chhái-hóng」（採訪）『種取。探訪』、無注「文」「國」「新」云云。《教會報》一八九五年頭擺用着、第二擺一九五四年。台史數位舘所收・大清時代个契字有一半張仔寫着「採訪」（詞）。
|
|
GÍ-SÛ
mûi-kùi
môe-kùi *bôe-kùi |
語詞
玫瑰
⭕
Ⓖ
玟～
親成漢字
㊟ |
|
外來詞、共官話（透過漢文）亞是中文借个。《厦英》無收。《台日》有、寫做『玟瑰』。《台日新》寫『玫桂』。歌仔册有寫『玫瑰』（玟～）。拱樂社有一出戱号做《黒染玫瑰》（黑～）。『玫』（玟）『瑰』二字治傳統台灣社會無省通行。那塊寫漢羅、「mûi-kùi」介適合寫做羅字。
EMBREE 有記別音「môe-kùi」。《白話典》夭有記「bôe-」。
漢文自古早古早着有「玫瑰」（玟～）只个詞、意思是『一種赤色的美石』（中教部國語典）『美玉의 이름. 남방에서 나는 붉은 색의 구슬. 火齊珠』（존典）。『植物名。薔薇科薔薇屬⋯⋯』（仝）只个意思應該是近代即叠个。一八八三年《英厦》收「ROSE」『樹薇花 chhiū-bî hoe』。一九〇七年《日台》（下 937）有收「薔薇」（バラ）『薔薇花』（chhiûⁿ-bî-hoe）。朗夭未有「mûi-kùi」个消息。《甘》是有收「mûi、玟」『chhiah-sek ê ge̍k, pó-chio̍h; tsu hó koh-îⁿ; hoe ê miâ, mûi-hoe』、夭 LOBSCHEID（1510）有收『玫瑰花』。《教會報》一九一六年有一篇文寫着『mûi-kùi hoe』。
共『ROSE』（英語）号做「玫瑰」通講是近代「華人」个一个記号。韓語講『장미』（薔薇）。韓語『매괴』（玫瑰）有用治學校个名云云、不閣意思袂凍照台・中語「玫瑰」落去思考。越南語講『HOA HỒNG』（花紅）。『HỒNG』（紅）意思甲「紅」（âng）無對同。日語講『バラ』。台語嗎有講「bá-lah」。
|
相關个詞
iaⁿ-hoe
相關个字
珉、玟
瑰 梅 |
|
GÍ-SÛ
khó-lū
khó-lī |
語詞
考慮
⭕
ⒸⒸ
親成漢字
考慮攷～ |
|
《台日》（頂 490）《增補厦英》無收。《教會報》一九三一年頭擺用着、自彼拵着定定使用。日・韓語是有講『考慮』（고려、こうりょ）。只个詞眞有可能是日本時代个中語借詞。
|
|
GÍ-SÛ
khì-tô͘
|
語詞
企圖
⭕
ⒸⒸ
親成漢字
企圖 |
|
《白話典》注講是日語借詞。日語是有講『企図』（きと）。韓語嗎有講『기도하다』（企圖～）。不閣台語治冷戰時代尾進前夭未有只个詞、照咱所知。《台日》《增補厦英》甲 EMBREE 朗無收。全羅《教會報》不八寫。一九九〇年進前个台文文献不八用着只个詞、照咱所知。
|
|
GÍ-SÛ
môa-chhiok
*môa-chhiak mâ-chhiok bâ-chhiok |
語詞
麻雀
⭕
㊟
親成漢字
麻雀 |
|
書面外來詞、二十世紀頭共官話文亞是中文（亞是官話文甲中文）借个。《台日》收「bâ-chhiok」『麻雀』、寫做『麻雀』、無記別个音。王育德《常彚》寫『麻雀』、嗎是記孤音「bâ-chhiok」。歌仔册有寫『麻雀』、包含車輦時代个唐山歌仔册。
《厦英》（8、83）無收。《增補厦英》有、注解『FORM OF GAMBLING, PLAYED ESP[ECIALLY] BY MANDARINS』（38）。全羅《教會報》「môa-chhiok」「mâ-chhiok」「bâ-chhiok」朗有寫、朗總干礁 4 篇、自一九三〇年。通知打麻雀个文化是二十世紀頭即進口个。請看下脚。放送頭大概是上海、夭下門治台灣海峽世界打算是地方放送頭。
台灣客語講『MÀ-TSIOK』。《客英》《客法》干礁收鳥仔名『MÀ-TSIOK』、無注解游戱名、通知打麻雀是路尾即時行。日語講『麻雀』（マージャン）、官話借詞个欵。廣東語講『麻雀』（蔴～、MAA⁴ ZOEK²）。越南語『MẠT CHƯỢC』介成是廣東語借詞。韓語講『마작』（麻雀）。吳越語有講『麻将』『麻雀』（吳語學堂、請看）。中國語丸那講『麻将』（～將、MÁJIÀNG）『麻雀』（MÁQUÈ）。『"麻将" 这个称呼一般认为源于吴语，为 "麻雀" 的儿化读法。"麻雀" 的 "雀" 字，中古音拟音作 /t͡sɨɐk̚/，19 世纪的北部吴语（如宁波话）为 *t͡siɐʔ（近似普通话的 "家"）。因北部吴语的 "儿" 的读作 /n̠ʲi²³/，儿化音做后缀时近似 /ŋ~ȵ/，故 "雀" 字儿化成 *tsiɐŋ，与 "将" 同音。因此 "麻雀" 终讹传为 "麻将"』（中國語 WIKIPEDIA、2024 年 4 月查）『文献中以 "麻雀" 为牌戏名称，首见于清末狭邪小说《海上花列传》（1894）』（仝）。今中語『麻雀』主要是厝鳥仔个意思、不閣吳越語含『麻将』嗎有只个意思个欵（中教部國語典）、通知「麻」字「雀」字治者大概是親漢字。
英語『MAH-JONGG』大概是吳越語借詞。ETYMONLINE 注『TILE-BASED GAME ORIGINALLY FROM CHINA, 1922, FROM DIALECTAL CHINESE (SHANGHAI) MA CHIANG, NAME OF THE GAME, LITERALLY "SPARROWS," FROM MA "HEMP" + CHIANG "LITTLE BIRDS." THE GAME SO CALLED FROM THE DESIGN OF THE PIECES...』。
《台日》有收一條「山麻雀」、注講含「kiò-thiⁿ-chiáu」（台日：雲雀）仝意思。《白話典》《中教部閩南典》「môa-chhiok」（有別个音）無注解相關个意思、雖然 EMBREE 有。
|
|
GÍ-SÛ
ū-pò
ī-pò |
語詞
預報
⭕
ⒸⒸ
親成漢字
豫報預～ |
|
《教會報》一九三八年着有一篇文（641 号 "Ū-giân kap Hiān-tāi"）寫『Kīn-lâi sui-jiân ji̍t-mê Hòng-sàng-kio̍k ū thiⁿ-khì ū-pò (天氣豫報)』。一九七〇年代進前个文献（無論漢・羅）介成罕得用着只个詞。現代台語「ū-pò、ī-pò」是日語借詞亞是中語借詞、咱無把握。
現代日語有講『予報』（よほう）。韓語有講『예보』（豫報）。
|
相關个詞
ū-, ī-hông
|
|
GÍ-SÛ
hôe-sim choán-ì
|
語詞
回心轉意
⭕
ⒸⒸⒸⒸ
親成漢字
回心轉意囘～～～ |
|
現代台語歌定定唱「hôe-sim choán-ì」。只句大概是中語借詞。以外夭有一種可能。台語在來有講「h(o)ê sim tńg ì」。一九二〇年以後、加減有一卦讀册人受着中國新文化運動个刺㦸・愛卜共「tńg」寫做『轉』。不閣那歌詞亞是歌謡寫『回心轉意』、介多人會共只四字讀做「hôe-sim choán-ì」。總是「hôe-sim choán-ì」大概主要按中語來。注意、「回」字漢音 hôe、無論腔口。
張聰敏《阿瑛 a》（小說）有寫『回心 tńg 意』（10 章、11 章）甲『回心轉意』（8 章）。
|
相關个詞
hôe sim tńg ì, hê-
tńg (返)
相關个字
轉
回 |
|
GÍ-SÛ
chóng-thóng
Chóng-thóng |
語詞
總統
⭕
ⒸⒸ
親成漢字
總統 |
|
大概是日語借詞、亞是日語借詞兼中語借詞。《厦英》無收。《增補厦英》有。《台日》有收「總統」（chóng-thóng）『統督。總大將』、無注「國」、無注「新」。全羅《教會報》有 76 篇用着、自一九一三年。內底到甲一九四〇年即 21 篇。自一九四六年到一九六七年有 55 篇。
《教會報》一九一三年（334 号）頭擺用着「chóng-thóng」、文章寫『Chá-nî Bí-kok ê tāi Chóng-thóng Lîm Kin』『Tùi chit sî choân-kok ê lô͘-châi ... ta̍k lâng ū Chóng-thóng ê chu-keh』。
|
|
GÍ-SÛ
kòe-thêng
kè-thêng *kò-thêng kòe-têng *kè-têng |
語詞
過程
⭕
ⒸⒸ
親成漢字
過程 |
|
《台日》《增補厦英》無收。《白話典》注講是日語借詞。全羅《教會報》有 19 篇寫「kò-thêng」、自一九三四年。有 3 篇寫「kòe-thêng」、自一九五三年。無半篇寫「-têng」亞是「kè-」亞是「kò͘-」。EMBREE 有收「kè-thêng」「kòe-thêng」「kò-thêng」、無收「-têng」。請看「chiân-thêng」。
|
相關个詞
chiân-thêng, -têng
相關个字
過、过
程 |
|
GÍ-SÛ
si̍t-chián
*si̍t-chiān |
語詞
實踐
⭕
ⒸⒸ
親成漢字
實踐 |
|
詞原大概是日語『實踐』（じっせん、新字体：実践）。韓語有講『실천』（實踐）。全羅《教會報》有成五十篇寫「si̍t-chián」、自一九二〇年代。
「踐」字本音 chián（漳、厦）chiān（厦）、無讀 *chiàn。「*Si̍t-chiàn」「*si̍t-kiàn」是中華音。
|
相關个字
踐 (chián, chiān)
|
|
GÍ-SÛ
iā-kéng
|
語詞
夜景
⭕
ⒸⒸ
親成漢字
夜景 |
|
大概是日語借詞、詞原『夜景』（やけい）。《教會報》一九二四年頭擺用着。日本時代个歌仔册有一半本仔用着、不閣車輦時代个唐山歌仔册無、照咱所知。韓語有講『야경』（夜景）。
|
|
GÍ-SÛ
kang-siong
kang-siang |
語詞
工商
⭕
ⒸⒸ
親成漢字
工商 |
|
應該是中語借詞。《教會報》一九六五年頭擺寫。傳統歌仔册罕得（亞是不八）寫。黃塗《最新週遊歌》有寫『今變工商幾等人』、『工商』二字大概是塊寫「*kong-siong」。日・韓語無只个詞。
|
|
GÍ-SÛ
pá-pah
**pa-pah pa-pa |
語詞
爸爸
⭕
Ⓖ
親成漢字
ＸＸ |
|
打算是中語借詞。《白話典》無注詞原。《教會報》有 15 篇寫着、自一九五三年起。拱樂社个戱文有寫『爸～』（節烈夫人）。「爸」字不是通行漢字。請看「a-pa、a-pah、a-pâ」甲「má-mah、ma-ma」。那塊寫漢羅、只个語詞特別適合寫做羅字。
戰後冷戰時代个羅字台文有寫『pa-pa』『pa-pah』。咱堯疑『pa-pah』是起毛志体、無注調、用塊寫「pá-pah」云云。
|
相關个詞
a-pa, a-pâ, a-pah
má-mah, ma-ma |
|
GÍ-SÛ
tui-kiû
|
語詞
追求
⭕
ⒸⒸ
親成漢字
追求 |
|
《白話典》注講是日語借詞。《台日》（下 375）無收。《教會報》一九二一年頭擺、不閣一九三〇年代即雄雄變常用。不那日語、韓語嗎有講『추구』（追求）。不閣「tui-kiû」眞有可能是日本時代个書面中語借詞。
|
|
GÍ-SÛ
khai-bō͘
khui-bō͘ |
語詞
開幕
⭕
ⒸⒸ
親成漢字
開幕～莫 |
|
《台日》收「開幕」（khai-bō͘）『幕を開く』、注「國」（～日語借詞）。傳統歌仔册不八寫个欵、夭《教會報》一九五〇年頭擺寫着「khai-bō͘」。全羅《教會報》有 3 篇寫「khui-bō͘」、自一九五六年。
|
|
GÍ-SÛ
tiong-goân
Tiong-goân |
語詞
中原
⭕
ⒸⒸ
親成漢字
中原 |
|
中語借詞个欵。《台日》《厦英》無收。《教會報》775 号（1953）有寫『bô lūn to͘-chhī, á-sī chhân-chng; tiong-goân, á-sī phian-kéng to ū teh iā hok-im ê chéng-chí』。治者「tiong-goân」是普通詞。特別（固有）名詞「Tiong-goân」從到今主要是塊講唐山北平个平洋。Tân Thiam-ōng〈Hàu-hēng〉（教會報 463 号、1923）有寫『Tùi Tiong-goân li̍p-kok í-lâi ...』。Lîm Iàn-sîn〈Kùi-iú nî Kám-sióng〉（教會報 575 号、1933）有寫『Koh Chìn-tiâu ū chi̍t ê Chó͘-te̍k, i sī chò tāi-chiòng, kìⁿ-nā chá-khí-sî thiaⁿ-kìⁿ ke thî, chiū peh--khí-lâi pí-bú, in-ūi teh hùn-liān bú-gē beh phah tùi-te̍k, lâi pêng-tiāⁿ Tiong-goân』。
拱樂社个戱文有寫『中元』（碎心）。
|
相關个詞
Tiong-kok
|
|
GÍ-SÛ
Má-lâi
|
語詞
馬來
ⓒⓒ
親成漢字
馬來 |
|
《教會報》一九二五年頭擺寫。日語『マレイ』永拵有寫做『馬來』。《台日》有收「Gû-lâ-iû」『馬來』、寫做『牛朥油』。請看「*Bû-lâi-iû」。《增補厦英》个付錄有收「馬來羣島」（Má-lâi kûn-tó）『MALAY ARCHIPELAGO』。
「Má-lâi-a」《教會報》一九四八年頭擺寫。
|
相關个詞
*Bû-lâi-iû
|
|
GÍ-SÛ
Ōe-bú-iâⁿ
Ūi-bú-iâⁿ |
語詞
衛武營
ⒸⒸⒸ
親成漢字
衞武營衛～～ |
|
打狗・鳳山个一个公園。原底是軍營。高雄人朗講「Ūi-bú-iâⁿ」个欵。請看「ōe-seng、ūi-seng」甲「衛」（字）。
|
相關个詞
ōe-seng, ūi-seng
相關个字
衛
|
|
GÍ-SÛ
hùn-tho̍k
|
語詞
訓讀
⭕
ⒸⒸ
親成漢字
訓讀 |
|
「Hùn-tho̍k」台語學界上慢自二十世紀尾着有講个欵。杜建坊先生个文章（公開个面册）有寫『訓讀』。今日語有講『訓読』（くんどく）。中語有講『训读』（訓讀、XÙNDÚ）。韓語有講『훈독』（訓讀）。
|
|
GÍ-SÛ
chong-chú-kok
|
語詞
宗主國
⭕
ⒸⒸⒸ
親成漢字
宗主國～～囯 |
|
《台日》甲 EMBREE 無收。MARYKNOLL《台英》（2001）有收、閣收「chong-chú-koân」。者个詞、全羅《教會報》不八用着。蔣爲文教授个著作有（Gí-giân, Bûn-ha̍k kap Tâi-oân Kok-ka Chài-sióng-siōng、Bîn-cho̍k, Bó-gí kap Im-sò͘ Bûn-jī）。現代日語有講『宗主』（そうしゅ）『宗主国』（そうしゅこく）『宗主権』（そうしゅけん）。台語不八塊講「*chong-chú」个欵。
|
|
GÍ-SÛ
lāu-chhang-thâu
|
語詞
老葱頭
⭕
ⒸⓀⒸ
親成漢字
老倡頭～娼～ |
|
歌仔册寫『老葱頭』。那塊寫漢羅、「-chhang」寫做羅字上妥當。請看「lāu-chhang」。
|
相關个詞
lāu-chhang
|
|
GÍ-SÛ
Hân-kok
|
語詞
韓國
ⒸⒸ
親成漢字
韓國～囯 |
|
傳統歌仔册不八寫「韓國」。「朝鮮」罕得寫。專寫「高麗」。《白話典》注講「Hân-kok」是戰後个中語借詞。全羅《教會報》戰前有影干礁 2 篇寫着「Hân-kok」、治一九一〇年代。《台日》有收「韓國」（Hân-kok）『韓國。朝鮮』、無注「國」亞是「新」。
在漢文、只字「韓」字原底是借音字、不閣漢文自第五世紀着有塊寫「三韓」云云（日語 WIKIPEDIA、2023）。
|
Pháiⁿ-sè, “JĪ” chit pêng chhōe bô... “GÍ-SÛ” hit pêng kán-ná ū liāu ŏ͘!
歹世、「字」只平尋無。「語詞」彼平簡那有料嗚！
歹世、「字」只平尋無。「語詞」彼平簡那有料嗚！